CASTRO TRAIL DE SOBRADO: Máis participantes e unha ruta con máis beleza natural
Cita co deporte de natureza en Barbadás o vindeiro 6 de maio
A 3ª EDICIÓN DO CASTRO TRAIL DE BARBADÁS AUMENTA O NÚMERO DE SENDEIROS DO PERCORRIDO PARA INCREMENTAR A BELEZA DO ITINERARIO
Máis de 200 persoas participarán nesta cita co deporte de natureza en Barbadás o vindeiro 6 de maio
A organización amplía o prazo de inscrición ata o día 3 de maio
A terceira edición do Castro Trail de Sobrado do Bispo (Barbadás) reunirá a máis de 200 deportistas o vindeiro 6 de maio.
As modalidades para participar serán trail longo (24 quilómetros), trail curto (15 quilómetros) no apartado competitivo. Haberá tamén unha andaina que se desenrolará ao longo dun percorrido de 15 quilómetros.
No que se refire ás categorías dos/as participanes no trail longo, establécense a absoluta, senior e veteranos, tanto no apartado masculino como feminino.
O trail curto establece a categoría absoluta masculino e feminino e haberá trofeos para os/as 3 primeiros clasificados/as.
A inscrición amplíase ata o día 3 de maio. O prezo do trail longo é de 14 euros, o trail curto de 12 euros e a andaina terá una aportación por participante de 6 euros.
As inscricións poden realizarse en ChampionChip Norte ou en Run Maniak (tenda de atletismo e “trail running” ubicada en Ourense).
David Losada e Reyes Bóveda, membros do equipo Castro Trail estiveron hoxe na presentación do evento xunto con Adrián Varela, concelleiro de Deportes.
O punto de partida será a Praza de San Xoán, en Sobrado, o domingo día 6 ás 9,00 horas.
Unha vez rematadas as tres probas os/as participantes e as persoas que acudan a Sobrado poderán disfrutar dun final de festa coa actuación“La Banda de Mazinger” de Vigo.
David Losada, un dos organizadores do evento, destacou “a beleza do percorrido para que os/as participantes disfruten da vexetación, do entorno e de lugares diferentes respecto de outras edicións”.
Losada comenta que nesta terceira edición diminuíronse o número de pistas polos que transcorre o itinerario e aumentáronse os sendeiros co obxectivo de ampliar a riqueza visual e o disfrute do entorno.
O concelleiro de Deportes, Adrián Varela, indica que “dende o Concello queremos mostrar o noso apoio e colaboración a celebración de eventos deportivos que poñen a Barbadás no mapa deportivo provincial e galego, xa que acudirá un gran número de participantes de fóra do municipio de Barbadás”.
Outro aspecto a destacar é que o percorrido diseñado polos organizadores vai a permitir ós participantes disfrutar da beleza paisaxística dunha das zonas máis vistosas do noso Concello, xa que ó longo do seu percorrido transitará polo monte dos Castros, entorno de gran beleza natural, apunta Varela.
Varela amosou “o agradecemento dende o Concello ós membros do Castro Trail, polo esforzo que para eles supón a organización desta proba, e invitalos a manter estas proba no calendario deportivo do Concello de Barbadás”.
Os/as mellor clasificados recibirán premios en metálico, agasallos e trofeos.
O equipo Castro Trail, promotor da iniciativa, amosaron a súa disposición a manter a cita en Barbadás co deporte de natureza.
David Losada afirmou que a participación en eventos similares, a organización do Castro Trail e o feito de converterse nun equipo aberto trouxo como consecuencia un avance notable para o equipo tanto en número de integrantes como en infraestrutura propia.
O grupo teatral THE-Sastre representa a obra "Cosa Nostra". Comedia ácida baseada nos dogmas de Fe.
Actividade: Teatro.
Lugar: Casa da Cultura Manuel María.
Data: Venres, 27 de abril.
Horario: Ás 20:00h.
Público: Adulto.
Entrada: Gratuita (previa recollida de invitacións na Casa da Cultura Manuel María).
Sinopse: Comedia ácida baseada nos dogmas de Fe. Na vella Sicilia dos anos 60, unha familia ten a enfermiza manía de matar cando se falta a algún dos mandamentos da táboa de Moises. A nai intentará por remedio a isto antes de que os Carabinieri entren na casa.
UN OBRADOIRO DE PAN, PASO PREVIO PARA A RECREACIÓN DA ANTIGA FEIRA DO DÍA 21 DE BENTRACES
Gastronomía, arte, tradición e música confluirán na “I Lembranza da Feira do 21”
A cita coa tradición será mañá sábado na Praza do Pumar
A asociación de veciños de Bentraces organizou para mañá sábado unha actividade que pretende rememorar a antiga feira do día 21, que se celebraba neste pobo do municipio de Barbadás.
Tras medio século sen celebrarse, mañá sábado día 21 en Bentraces haberá feira.
Trátase dunha replica adaptada aos novos tempos da antiga feira da contorna.
A Asociación vecinal San Bieito de Bentraces organiza a “I Lembranza da Feira do 21” na Praza do Pumar o sábado 21 de abril a partir das 11,30 da mañá.
Previamente, o venres día 21, desenrolarase un obradoiro de pan no Forno do Florente (Antón) ás 18,00 horas.
O pan forneado neste forno restaurado situado na rúa de Abaixo, en Bentraces, será degustado na réplica da “Feira do 21”.
Na feira haberá unha exposición de obxectos antigos recopilados entre a veciñanza de Bentraces: artiluxios para trasfegar o viño, máquinas de coser, elementos de labranza, etc, explica Begoña Fernández Rodríguez, presidenta da asociación de veciños.
Serán expostas tamén tallas de madeira, pezas de pintura artística e elementos de manualidades.
Poderá contemplarse en vivo a virtualidade de dous artistas: Conchi Carbajo, que pintará en directo, e Julio Castro Vaamonde, que facerá unha demostración na elaboración de tallas de madeira.
A lembranza da feira terá tamén o componente gastronómico: haberá degustación de callos (socios- 1 €; non socios- 2€), de boliños e de tortilla, mesturados co pan forneado no obradoiro do venres no Forno do Antón.
A “I Lembranza da Feira do 21” conta coa colaboración do Concello de Barbadás a través da Concellería de Participación Veciñal.
Esta cita feiral hai máis de 50 anos que non se celebra. Antigamente dábanse cita vendedores/as de gando e de produtos de horta, habendo incluso no pobo de Bentraces refráns que falan desta feira.
José Luis Alfageme, membro da directiva da asociación, explica que a finalidade desta feira é “recobrar actividades que se organizaban hai anos, para recuperar as tradicións populares”.
No apartado musical actuarán o grupo “Velaí vai”, cuxos membros son do pobo de Bentraces e inclúen no seu repertorio pezas tradicionais e cantigas populares.
Non si? Teatro presenta Romance de Micomicón e Abhelala
Sábado, 20 de abril ás 20 hs.
Actividade: Teatro.
Lugar: Auditorio da Casa da Cultura Manuel María.
Data: Sábado, 21 de abril.
Hora: 20h.
Público: Familiar.
Entrada: libre, ata completar aforo (recollida de invitacións na Casa da Cultura Manuel María).
Sinopse: Trapalandia é un reino extraño gobernado por unha raíña histérica nun palacio a piques de derrubar polas arroutadas de Micomicón, o principe herdeiro xigante por mor dunha maldición. Entre tanto desvarío vive Adhelala, unha princesa cautiva que posúe a sabedoría e a decisión para cambiar as cousas. Só ela coñece a orixe do mal do principe.
Ordenanza reguladora da convocatoria para a concesión de subvencións a asociacións veciñais inscritas no Rexistro Municipal de Asociacións do concello de Barbadás para o ano 2017
Ordenanza reguladora da taxa por ocupación de terreos de uso público local con mercadorías, materiais de construción, entullos, valos, puntais, cabaletes, estadas e outras instalacións análogas
Convocatoria da Xunta de Galicia de subvencións para a contratación de menores de 30 anos
Orde do 27 de marzo de 2018 da Consellería de Economía, Emprego e Industria
No Diario Oficial de Galicia de data 13 de abril de 2018, publícase a Orde do 27 de marzo de 2018 da Consellería de Economía, Emprego e Industria, onde se establecen as bases reguladoras dun programa a prol da contratación e formación das persoas mozas e se procede a súa convocatoria para o ano 2018.
200 XINETES E AMAZONAS NA 14ª XUNTANZA CABALAR DE BARBADÁS
PARTICIPANTES DE TODA GALICIA E DE PORTUGAL PARTICIPARÁN O DOMINGO 8 DE ABRIL NA XUNTANZA DE CABALEIROS EN BENTRACES
A 14 ª edición reunirá a 200 afeccionados para percorrer as rutas a cabalo polos fermosos montes da zona
A Xuntanza cabalar de Barbadás converteuse tras as sucesivas edicións nunha das máis importantes do territorio galego.
O número de participantes medra cada ano e reúne no entorno do campo da Veringuela de Bentraces a un nutrido grupo de afeccioados/as ao deporte das rutas a cabalo.
Os fermosos montes da zona de Barbadás serán o escenario no que se desenrolará a ruta a cabalo.
As previsións indican que serán 200 xinetes os/as que disfrutarán dunha xornada cabalar, en tanto que o número de comensais que disfrutarán do xantar da Xuntanza estará en torno ás 300 persoas.
A Xuntanza Cabalar de Barbadás é unha das que máis participantes reúne de toda Galicia.
Un dos motivos do éxito é “a fermosura dos montes de Barbadás, o bo avituallamento e unhas excelentes instalacións para disfrutar do día”, explica Jorge Castro, un dos organizadores do evento.
Outro dos motivos do alto índice de participación radica no feito de que os cabaleiros de Barbadás participan na práctica maioría das xuntanzas destas características.
Na Xuntanza Cabalar colabora o Concello de Barbadása través da Concellería de Deportes.
Jorge Castro define a xuntanza cabalar coma un evento que “iniciamos hai anos con un cocido 40 cabaleiros da zona ata converterse nunha ruta punteira, a pesar de contar co hándicap de que no municipio de Barbadás non hai unha excesiva afección polo mundo do cabalo”.
A ruta comezará dende o campo de fútbol da Veringuela, en Bentraces, ás 10,30 da mañá.
Na metade do itinerario ofrecerase aos/ás participantes un completo refrixerio.
Para culminar a Xuntanza Cabalar celebrarase un xantar popular en torno ás 14,30 horas, que ten un custo de 20 euros e está aberto a calquera persoa que queira anotarse.
O alcalde de Barbadás, Xosé Carlos Valcárcel, destaca que “se trata de un evento deportivo xa enraizado no noso concello e que convoca a un importante número de xinetes e amazonas”.
Valcarcel comenta que “este deporte ten cada día máis pulo dado que a afección medra de xeito continuado”.
Asegura tamén o rexedor que “é destacable o feito de que este é un deporte en pleno contacto co entorno natural e que ademais permite dar a coñecer as potencialidades naturais de Barbadás”.
Adrián Varela, concelleiro de Deportes de Barbadás, sinala que “esta xornada lúdica permite aos/ás participantes na ruta cabalar disfrutar da beleza paisaxística do concello de Barbadás, seguindo o roteiro deseñado pola organización con centro neurálxico no campo de fútbol de Bentraces, que percorre o entorno dos Castros”.
Varela sinala que “esta festa anual do cabalo permite durante toda a xornada do domingo a moitos/as visitantes de fóra do noso concello dar a coñecer o municipio de Barbadás e a súa grandeza paisaxística e natural”.