Arquivo mensual: Novembro 2018

A Cidade Cinza era absolutamente silenciosa. Ninguén falaba, ninguén cantaba, ninguén ría e ninguén choraba. Non había unha soa flor, non habitaba unha soa árbore. Pero todas as mañás pasaba o vendedor de paxariños cargando unha fermosa gaiola de portas abertas con paxariños libres de cores alegres. As nenas e os nenos inundaban as rúas para asistir ao espectáculo. O vendedor collía unha guitarriña e acompañaba o frenético chiar. Pero as xentes da cidade reprobaban aquel home que distraía as persoas das súas obrigas cotiáns. Pola súa banda, os mandaríns da cidade tentaron evitar que as cores lle roubasen a cidade cincenta o seu nome. Será que o conseguiron? 

Lugar: Auditorio da Casa da Cultura Manuel María

Data: Domingo, 2 de decembro

Hora: 19.00 h

Entrada: Libre. Recollida de entradas na Casa da Cultura desde o luns día 26 ata o venres 30 de novembro.

Tres pingüíns enfréntanse ao dioivo universal, ou ao cambio climático ou como lle queiramos chamar neste principio de século. pero as ordes son moi claras, so están convidados dous. Na arca só admiten parellas. Nestas circunstancias pregúntanse polas leis humanas e divinas, polo sentido da existencia, pola amizade e o desexo de sobrevivir á conta do outro, o “outro” como algo moi diferente ao meu. Con humor e espíritu lúdico o espectáculo plantexa preguntas ao redor da nosa relación coa natureza.

Lugar: Auditorio da Casa da Cultura Manuel María

Data: Venres, 23 de novembro

Hora: 19.00 h

Entrada: Libre. Recollida de entradas na Casa da Cultura desde o luns día 19 ata a mañá do propio venres.

Este venres temos nova cita co noso concurso de humor favorito LINGUAreteando

Lugar: Auditorio da Casa da Cultura Manuel María

Data: Venres, 9 de novembro

Hora: 20.00 h

Entrada: Libre