As axudas obxecto de regulación por esta convocatoria están destinadas a facilitar a adquisición de  libros e material didáctico aos/ás alumnos/as de Educación Infantil deste Concello, matriculados en centros públicos e privados en tramos concertados, exceptuando aqueles cursos que se benefician do programa de gratuidade de libros de texto da Xunta de Galicia.

As axudas serán incompatibles con calquera outra axuda que puidera percibirse coa mesma finalidade de outras institucións públicas ou concertadas.

Estas axudas están destinadas a apoiar económicamente a  unidades de convivencia en desvantaxe social e con menor poder adquisitivo do Concello de Barbadás.

Concepto da subvención

As axudas que se conceden terán carácter de subvención, enténdese por subvención diñeiraria realizada polo Concello de Barbadás para a compra de libros e material para os ciclos de Educación Infantil, ascendendo a 100 € por neno/a como máximo.

Prazo de solicitudes

O prazo de entrega das solicitudes iniciarase ao día seguinte da publicación do extracto no BOP (publicado o 28/08/2024)  e será dun mes, do 29/08/2024 ao 28/09/2024.

Solicitudes

As solicitudes deberán presentarse, debidamente cubertas, polos seguintes medios:

• Entrega da solicitude nas Oficinas Municipais de A Valenzá,
• no Concello de Barbadás
• por sede electrónica
• ou por calquera medio dos establecidos no artigo 16.4 da Lei 39/2015, do 1 de outubro, de Procedemento Administrativo Común das Administracións Públicas.

• Os solicitantes poderán descargar o  impreso de solicitude anexo a esta publicación.