A Escola Infantil Municipal de Barbadás permanecerá pechada este xoves, día 7 de maio, debido á folga xeral de ámbito estatal do sector educativo do primeiro ciclo de atención infantil. O alcalde, Xosé Carlos Valcárcel, vén de asinar un bando municipal no que se informa á poboación do peche, despois de recibir a comunicación de seguimento da folga por parte do persoal da Escola. 

Deste xeito, ante a imposibilidade de garantir a correcta prestación do servizo e co obxectivo de preservar a seguridade dos usuarios e o respeto do dereito fundamental a folga, as instalacións municipais permanecerán pechadas durante a xornada do xoves.