A PISCINA MUNICIPAL DE BARBADÁS ABRE AS SÚAS PORTAS O DÍA 1 DE XULLO

O acceso realizarase mediante compra de entradas ou abonos a través de unha aplicación.

O acceso será mediante un código QR ou mediante unha pulseira para achegar a un lector na mesma entrada

Haberá parcelas acoutadas de grupos, parellas ou individuais

• A piscina abrirá as súas portas o vindeiro 1 de Xullo.
  Entre o día 1  e o día 4 incluídos abrirá en horario de 16h a 21h.
  A partir  do día 5 de xullo ata o día 12 de setembro abrirá en horario de 12h a 15h e de 16h a 21h.

• Será necesario pedir cita previa a través da app que o Concello de Barbadás publicitará nos vindeiros días.

• O pago poderá efectuarse a través da app ou no TPV da piscina. No caso de querer acceder sen reserva,  pode que o aforo xa estea completo.

• Non se poderán usar os vestiarios, haberá parcelas acoutadas de grupos, parellas ou individuais.

• O acceso ás instalacións efectuarase mediante compra das entradas ou abonos nunha aplicación, da cal o Concello de Barbadás publicará nos vindeiros días toda a información relacionada.

• O acceso será mediante un código QR ou mediante unha pulseira para acercar a un lector na mesma entrada.

NORMAS DE ACCESO E USO DAS PISCINAS “OS CARRÍS” DE BARBADÁS:

• Os/as usuarios/as e traballadores/as destas instalacións teñen a responsabilidade de previr o contaxio da Covid-19, poñendo os medios oportunos para evitalo prestando atención a todas as medidas recomendadas.

• Todas as instalacións municipais cumpren cos requisitos de limpeza, desinfección e control que establecen as autoridades sanitarias da comunidade autónoma e o municipio.

• O acceso ás instalacións é pola entrada da zona de escaleiras, sempre respectando as medidas de prevención indicadas na cartelería.

• Obrigatorio pasar polo punto de desinfección da entrada, desinfectando mans con hidroxel, alfombra de desinfección para o calzado e control de temperatura.

• O/a bañista utilizará a máscara nos espazos comúns e na entrada e saída das instalacións. Poderá estar sen ela na súa zona acoutada, sempre e cando manteña a distancia de seguridade cos non conviventes e dentro do vaso.

• Non está permitido fumar e comer dentro das instalacións.

• Os vestiarios non estarán habilitados. Soamente se podérá acceder aos baños masculino, feminino e de persoas con mobilidade reducida.

• As zonas de céspede estarán acoutadas e fóra destas deberase respectar a distancia de seguridade de 1,5 metros.

• O/a Socorrista e persoal da instalación controlarán a distancia dos/as bañistas tanto nas zonas de céspede coma nos vasos.

• Haberá unha sala de enfermería habilitada con botiquín a disposición dos bañistas.

A) Inscritos no padrón municipal de habitantes:

1.- Abonos por tempada:

• Familiar, entendéndose pais e fillos menores de 15 anos: 18 euros
•  Adultos, maiores de 15 anos: 6 euros
• Menores ata 15 anos: 3 euros

. 2.- Cota diaria, usuarios segundo apartado 1:

• Familiar: 2 euros
• Adultos: 1 euros
• Infantís: 0´50 euros

B) Non inscritos no padrón municipal de habitantes:

• adultos 3 € 
• infantís 2 €

• Os/as fillos/as que non teñan DNI deberán poñer como DNI o do pai/nai/titor/a, que os acompañará no momento de acceder ás instalacións.

• As persoas que por algún motivo especial non poidan mercar entradas a través da APP, poderán facelo persoalmente na entrada da instalación sempre e cando quede aforo dispoñible e únicamente con tarxeta de débito ou crédito.

• Reservar e non  acudir reiteradas veces, poderá ser motivo de sanción.

• Aínda que o custo destas entradas, no abono  sexa 0,00 € será necesario reservar pola APP para controlar o aforo das piscinas.

• Toda a información de como mercar abonos de tempada e entradas diarias para o público farase pública nos vindeiros días.