21/05/2018
Aberto o prazo para inscribirse nos campamentos de verán dos pobos de Barbadás
O CONCELLO DE BARBADÁS ABRE O PRAZO PARA INSCRIBIRSE NOS CAMPAMENTOS RURAIS DE VERÁN
Baixo a denominación “Verán de troula” os pobos de As Lamas, Barbadás, Sobrado do Bispo, Bentraces, Loiro, Finca Fierro, Parada, Piñor e O Fonsillón teñen a opción de solicitar campamentos, que se celebrarán durante o mes de xullo
Os/as destinatarios destes campamentos serán nenos/as entre 5 e 12 anos
- O obxectivo destes campamentos enmarcados no “Verán de troula” é favorecer a conciliación da vida familiar e laboral durante a tempada estival.
- O ámbito de aplicación dos campamentos abrangue os seguintes pobos: Piñor, Parada, O Fonsillón, As Lamas, Barbadás, Loiro, Sobrado, Bentraces e Finca Fierro.
- A través de actividades educativas e lúdicas ofrecerase a nenos e nenas unha opción de tempo libre positiva, alternativa e divertida.
- A finalidade será “fomentar nos/nas nenos/as actitudes e valores positivos, tales como a cooperación, a solidariedade e o respecto mútuo, creando un entorno educativo durante a época estival”, explica Marga Pérez, concelleira de Educación, área dende a que se organizan os campamentos rurais.
- As prazas ofertaranse de maneira individual en cada parroquia e cada neno/a só poderá inscribirse en 1 campamento.
- O requisito para que o campamento se desenrole será un número mínimo de incricións, é dicir, 12 nenos/as.
- O número máximo de participantes por campamento será de 20 nenos/as.
- A orde de selección de nenos/as será por rigorosa orde de entrega de solicitude.
- Se o número de solicitudes é superior ao de prazas ofertadas, terán preferencia os/as nenos/as empadroados/as no concello de Barbadás e as solicitudes múltiples, é dicir, cando os/as solicitantes sexan 2 ou máis irmáns/irmás, sobre as individuais.
- Os/as solicitantes non admitidos/as pasarán a formar parte da lista de espera, en tanto que as solicitudes fóra de prazo estarán suxeitas á existencia de prazas libres.
- Na lista de espera terán preferencia os/as solicitantes excluídos/as dos campamentos de verán do Espazo Infantil.
- Prazo de pre-inscrición: entre o 21 e o 29 de maio.
- Publicación de listas provisionais de admitidos/as e de espera: 31 de maio.
- O prezo do campamento será de 25 euros. O pago para os/as admitidos/as deberá facerse efectivo entre os días 1 e 7 de xuño e debe ser acreditato nas Oficinas Municipais da Valenzá.
- O chamamento para a lista de espera será por teléfono.
- Causas de desestimento e anulación da iscrición na lista de espera: non aceptación da proposta, non recepción de contestación telefónica nun prazo de 48 horas e a non realización do pago.
- As listas provisionais e definitivas serán publicadas nos taboleiros de anuncios das dependencias municipais e na páxina web do Concello: barbadas.es.
- Lugares de presentación de solicitudes: Oficinas Municipais da Valenzá, Rexistro do Concelloe na sede electrónica barbadas.sedeelectronica.gal ou enviando un e-mail a educación@barbadas.es.
- Os campamentos de verán comezarán o día 2 de xullo e rematarán o 31 de xullo.
- Horario: luns a venres entre as 10,00 e as 14,00 horas.
- Os campamentos “Verán de troula” desenrolaranse nos locais sociais dos pobos que acaden un número mínimo de participantes (12 persoas).