As Concellerías de Cultura  e Participación Veciñal de Barbadás presentan unha variada gama de actividades,   para o próximo curso 2024/2025, cun enfoque no enriquecemento creativo, a expresión artística e o benestar físico:

• Obradoiro de Manualidades
  Este taller brindará aos/ás participantes a oportunidade de explorar a súa creatividade  coa elaboración  de obxectos decorativos,  agasallos personalizados …
  Dirixido a poboación adulta, maiores de 18 anos.
• Clases de Pintura
  Para  mergullarte no mundo da pintura a través de técnicas e estilos diversos, permitíndote explorar e desenvolver o teu talento artístico nun universo de cores que che inspirarán.
  Dirixidas a poboación adulta, maiores de 18 anos.
• Ximnasia de Mantemento
  O benestar físico e mental fusiónanse nas nosas clases de ximnasia de mantemento. Deseñadas para todas as idades e niveis de condición física, estas sesións axudarante a manter un corpo activo e áxil  nun ambiente motivador e positivo. Poñerse en movemento nunca foi tan divertido!
  Dirixido a poboación adulta, maiores de 18 anos.
• Aula de teatro
  Un espazo para  cultivar o talento e a creatividade de cada participante,  onde a expresión artística e o crecemento persoal atópanse.
  • Aula de teatro infantil de 6 anos ata 11 anos (deberán cumprir os 6 anos no ano 2024)
  • Aula de teatro xuvenil: de 12 anos ata 17 anos.
  • Aula de teatro para persoas adultas: a partir de 18 anos.

LUGARES DE DESENVOLVEMENTO

As actividades de manualidades e ximnasia de mantemento desenvolveranse en :
– Local social de Loiro
– Local social de Sobrado
– Local social de Bentraces
– Local social de Barbadás
– Local social das Lamas
– Local social do Fonsillón
– Local social da Finca Fierro
– Local social de Parada
– Local social de Piñor
– Local social de Santa Uxía
– Rúa do Ensino, 5 – A Valenzá

A actividade de pintura,  desenvolveranse no local municipal da Rúa do Ensino nº 5 (A Valenzá).

A aula de teatro, levarase a cabo na Casa de Cultura Manuel María de A Valenzá.

PRAZO E PRESENTACIÓN DE SOLICITUDES

O prazo inicial de presentación de solicitudes será dende o día 20 de maio de 2024 ata o día 31 de maio (ámbolos dous incluídos),   no Rexistro do Concello de Barbadás (presencial no Concello ou nas oficinas municipais da Valenzá, e electrónico a través da  sede electrónica municipal).

Bases, máis información e formulario de solicitude, nos arquivos que se achegan.