As  Concellerías de Cultura  e Participación Veciñal de Barbadás presentan unha variada oferta de actividades de lecer,   para o próximo curso 2025/2026, promovendo a socialización, o  enriquecemento creativo, a expresión artística e o benestar físico:

• Obradoiro de Manualidades
  Este taller brindará aos/ás participantes a oportunidade de explorar a  creatividade  coa elaboración  de obxectos decorativos,  agasallos personalizados …
  Dirixido a poboación adulta, maiores de 18 anos.

As actividades de manualidades  desenvolveranse en :
– Local social de Loiro
– Local social de Sobrado
– Local social de Bentraces
– Local social de Barbadás
– Local social das Lamas
– Local social do Fonsillón
– Local social da Finca Fierro
– Local social de Parada
– Local social de Piñor
– Local social de Santa Uxía
– Rúa do Ensino, 5 – A Valenzá

• Clases de Pintura
  Para  mergullarte no mundo da pintura a través de técnicas e estilos diversos, permitíndote explorar e desenvolver o teu talento artístico nun universo de cores que che inspirarán.
  Dirixidas a poboación adulta, maiores de 18 anos.

A actividade de pintura  desenvolverase no local municipal da Rúa do Ensino nº 5 (A Valenzá).

• Ximnasia de Mantemento
  O benestar físico e mental fusiónanse nas nosas clases de ximnasia de mantemento. Deseñadas para todas as idades e niveis de condición física, estas sesións axudaran a manter un corpo activo e áxil  nun ambiente motivador e positivo.
  Poñerse en movemento nunca foi tan divertido!
  Dirixido a poboación adulta, maiores de 18 anos.

As actividades de  ximnasia de mantemento desenvolveranse en :
– Local social de Loiro
– Local social de Sobrado
– Local social de Bentraces
– Local social de Barbadás
– Local social das Lamas
– Local social do Fonsillón
– Local social da Finca Fierro
– Local social de Parada
– Local social de Piñor
– Local social de Santa Uxía
– Polideportivo Municipal (A Valenzá)

• Aula de teatro
  Un espazo para  cultivar o talento e a creatividade de cada participante.
  • Aula de teatro infantil de 6 anos ata 11 anos (deberán cumprir os 6 anos no   ano 2025)
  • Aula de teatro xuvenil: de 12 anos ata 17 anos.
  • Aula de teatro para persoas adultas: a partir de 18 anos.

Esta actividade levarase a cabo na Casa de Cultura Manuel María de A Valenzá.

PRAZO E PRESENTACIÓN DE SOLICITUDES

O prazo inicial de presentación de solicitudes será do día 5 de maio ata o día 30 de maio
de 2025 (ambos inclusive),   no Rexistro do Concello de Barbadás (presencial no Concello ou nas oficinas municipais da Valenzá, e electrónico a través da  sede electrónica municipal).

PREZO E FORMA DE PAGO

O prezo das actividades, será de:

• 20€ para as actividades de ximnasia de mantemento, manualidades e pintura,
• e 24€ para a actividade de teatro, pola anualidade 2025-2026

O pagamento deberá realizarse mediante ingreso ou transferencia bancaria o número de conta / IBAN: ABANCA (A VALENZÁ): ES21 2080 5342 5431 1000 9242 (*Indicando como concepto a actividade de que se trate (manualidades, ximnasia, pintura ou teatro) e o nome e apelidos da persoa participante.)

Bases, máis información e formulario de solicitude, nos arquivos que se achegan.

LISTADOS PROVISIONAIS DE PERSOAS ADMITIDAS/EXCLUÍDAS