Barbadás notificará á empresa que presta o servizo de axuda no fogar a segunda sanción: 12.000 euros
Os incumprimentos do contrato inclúen a falta de cobertura de baixas e vacacións da plantilla ou a carencia de profesionais cualificados
O goberno local lembra que a administración autonómica e a estatal están obrigadas a cubrir integramente o custe da atención á domicilio
O Concello de Barbadás pecha o segundo expediente sancionador á empresa do Servizo de Atención no Fogar (SAF), Osventos, debido aos sucesivos incumprimentos do contrato. Unha vez transcorrido o prazo para a presentación de alegacións, dito expediente non recibiu ningunha por parte da adxudicataria, polo que agora será levado á Xunta de Goberno para a aprobación da proposta de resolución, que se traducirá nunha sanción de 12.000 euros. Mentres, o Concello busca fórmulas de mellora deste servizo, fundamental para a atención das persoas máis vulnerables do Concello.
As carencias no servizo -baixas e vacacións sen cubrir ou mesmo falta de profesionais cualificados- están a provocar o detrimento da atención ás persoas dependentes do Concello. Ante elo, o goberno local iniciou dous expedientes: malia que o primeiro non prosperou na vía xudicial por unha cuestión de prazos, o segundo é do que estamos a falar agora. O informe desta segunda sanción iniciouse nos primeiros días do pasado mes de agosto, despois de que numerosas familias presentasen queixas ante a falta de persoal e o empeoramento do servizo.
Este asunto foi obxecto de debate no pleno ordinario deste luns, no que o tenente alcalde, Daniel Rey, deu conta dos pasos dados polo goberno municipal en relación ao SAF ante a moción do PSdeG para evitar os incumprimentos da empresa adxudicataria.
Rey recordou os numerosos requerimentos enviados a Osventos desde que se detectou o detrimento do servizo, así como as sancións e as peticións de reunións coa súa dirección para solucionar a situación. Por outra banda, puxo énfase no infrafinanciamento da administración autonómica e estatal, obrigadas por lei a asumir o 100% da atención a domicilio. “En Barbadás, o Concello financia o 58,7% do SAF, cando deberían encargarse a Xunta e o Goberno Central xa que non é unha competencia municipal”, apuntou.
De feito, o Concello unirase á demanda anunciada pola Fegamp contra a Xunta pola falta de financiamento autonómico dos servizos de atención no fogar. O pasado mes de agosto, Barbadás xa lle reclamou ao goberno galego que asumira a xestión do SAF.
Nos últimos meses, o goberno local reuniuse coa asociación galega sociosanitaria para coñecer a situación do sector, marcada pola falta de profesionais cualificados e as dificultades de contratación. Nesa liña, o Concello de Barbadás impulsará neste 2026 un obradoiro de emprego sociosanitario, que facilite a formación e contratación de traballadores no municipio.
Aprobación do padrón máis elevado da historia de Barbadás
O pleno do Concello de Barbadás tamén aprobou en sesión plenaria a cifra de poboación a data 01/01/2025, 11.201 habitantes. Trátase do padrón máis elevado da historia de Barbadás, o quinto concello máis poboado da provincia ourensá, só por detrás da cidade, Carballiño, O Barco e Verín. O goberno local destacou a importancia de atraer poboación nun contexto demográfico adverso como o actual, no que os concellos galegos, e en especial, os de interior, perden habitantes ano tras ano.
Porén, Barbadás rexistrou na última década un crecemento continuado da veciñanza, só interrumpido no 2021, ano posterior á pandemia, cun pequeno descenso. De feito, desde 2015, o municipio recibiu a preto dun milleiro de novos veciños e veciñas, o que dá conta da boa calidade dos servizos e prestacións municipais, así como da dinamización económica e social do concello.
O alcalde reorganiza o goberno con novas delegacións aos concelleiros Morgade e Rey
O alcalde de Barbadás, Xosé Carlos Valcárcel, asinou onte o decreto das novas delegacións dos concelleiros José Manuel Morgade e Daniel Rey, unha vez cinco concelleiras que formaban parte do goberno local decidiron renunciar ás súas competencias.
“Más alá do difícil momento nos que nos sitúa a súa renuncia, quero agradecerlles a todas elas a súa adicación no desempeño das súas funcións como concelleiras, especialmente á que foi tenente alcalde do Concello durante os dous últimos mandatos e persoa da miña total confianza desde hai 20 anos”, explica o alcalde, Xosé Carlos Valcárcel.
Deste xeito, Daniel Rey, ademais da Área de Emerxencias e Intervencións Públicas, Disciplina Medioambiental e Gardería Forestal, encargarase tamén da Tenencia de Alcaldía e da coordinación de Urbanismo, Vías e Obras, Servizos Públicos, Parques e Xardíns, Servizos Sociais, Saúde e Igualdade.
José Manuel Morgade, ademais da área de Promoción Económica, Turismo, Recursos Humanos e Formación, estará á fronte da área segunda Tenencia de Alcaldía, Educación e Comercio, Cultura e Participación Veciñal.
Pola súa banda, o alcalde, Xosé Carlos Valcárcel asume a xestión da Policía Local e as áreas de Facenda, Deportes e Mocidade.
O Concello de Barbadás contrata a un peón de servizos múltiples a través de Garantía Xuvenil
O Concello de Barbadás vén de contratar a un peón de servizos múltiples a través do plan Garantía Xuvenil cunha subvención de 16.380,09 euros. O traballador realizará fundamentalmente labores de xardinaría e tarefas de apoio ao servizo de parques e xardíns, así como labores de mantemento na vía pública.
Este tipo de subvencións están destinadas á contratación de persoas mozas inscritas no Sistema Nacional de Garantía Xuvenil, no ámbito de Galicia, a través da colaboración con entidades locais e organismos intermedios sen ánimo de lucro, cofinanciadas pola Unión Europea no marco do Programa FSE+ Galicia 2021-2027.
O Banco Solidario de Barbadás reabre as súas portas tras a renovación integral das instalacións
O acto de reapertura incluíu a homenaxe de 16 voluntarios da entidade municipal
“O Banco acaba de experimentar unha remodelación intensa que permitirá traballar mellor e ser máis efectivos”, apunta Xosé Carlos Valcárcel, alcalde de Barbadás
O Concello de Barbadás reabriu este martes o local do Banco Solidario despois da renovación integral das instalacións municipais. A Concellería de Servizos Sociais reforza así a súa aposta pola iniciativa social, que leva 10 anos sendo un apoio fundamental para as familias máis vulnerables de Barbadás. A actuación incluíu o pintado de todo o local (localizado na rúa Ensino da Valenzá), así como a colocación de novo mobiliario (como estantes e percheiros) para almacenar doazóns da veciñanza de xeito máis cómodo e seguro. “O Banco acaba de experimentar unha remodelación intensa que permite traballar mellor cos recursos que temos e ser máis efectivos no ámbito da solidariedade e na atención ás persoas máis vulnerables, algo fundamental para o Concello”, explicou Xosé Carlos Valcárcel, alcalde, durante o acto. O rexedor tamén recordou que o Banco axuda a un total de 150 persoas do municipio.
A concelleira de Servizos Sociais, Elisabet González Nistal, enxalzou o importante papel do Banco Solidario en Barbadás, sobre todo durante a época de Nadal. “Agora mesmo estamos en plena organización de todo o que recollimos durante a campaña de xoguetes para que ningún neno ou nena de Barbadás quede sen agasallo nestas festas”, explicou a edila. Os días 17 e 18 de decembro, os voluntarios e voluntarias do Banco encargaranse de distribuír os lotes de xoguetes e comida non perecedoira entre as familias máis vulnerables do municipio.
Homenaxe ao voluntariado
A reapertura do Banco Solidario tamén incluíu unha emotiva homenaxe ao voluntariado, que co seu esforzo e compromiso fan posible que a iniciativa siga en pé 10 anos despois da súa creación. Así, a inauguración contou coa presenza de Ana, Corina, Yolanda, Teresa, Isabel, Purificación, Elida, Luis Fernando, Luis Enrique, Sandra, Maribel, Carmen, Marián e Pilar, parte do equipo humano detrás do Banco Solidario. “Todos e todas as que regalades o voso tempo, enerxía e cariño sen pedir nada a cambio sodes a alma do Banco”, resaltou a concelleira na súa intervención, na que tamén se acordou dos voluntarios que xa non están ou que xa non colaboran na entidade.
“Grazas por cada xesto, por cada día que decidides estar aquí. O que facedes pode parecer pequeno a ollos do mundo, pero para quen o recibe… é todo”, asegurou. O acto contou tamén coa participación do resto do goberno local e da oposición, así como do equipo de Servizos Sociais e de Protección Civil.
Barbadás aprenderá a cociñar sen glute grazas a un curso gratuíto
Durante a actividade, ensinarase a facer doces de Nadal seguros para celíacos
O sábado 13 de decembro, de 11.00 a 13.30 horas, na Asociación Fonval de A Valenza (Rúa Ensino 11, ao lado da Policía Local), terá lugar “Barbadás cociña sen glute!!”, un obradoiro gratuíto orientado a persoas celíacas ou intolerantes ao gluten, así como a veciños empadroados no municipio. Esta actividade, promovida pola Asociación de Celíacos de Galicia (ACEGA) en colaboración co Concello de Barbadás, permitirá aprender a preparar receitas seguras e sabrosas sen gluten, compartir experiencias e fomentar hábitos alimentarios adaptados.
Durante o obradoiro, os participantes elaborarán galletas de Nadal, troncos de Nadal e focaccia aptas para celíacos. As prazas son limitadas, polo que os interesados deberán inscribirse previamente a través de ACEGA (teléfonos: 981 104 467 / 679 461 003; correo: info@celiacosgalicia.es) ou mediante o formulario en liña: https://forms.gle/wbw21sToRw9Z9BTt9.
Este curso súmase ás políticas de apoio que o Concello de Barbadás vén implementando en favor das persoas con celiaquía e intolerancias alimentarias. Entre outras medidas, o Concello ofrece axudas económicas para cubrir parte do sobrecusto derivado da compra de alimentos específicos sen gluten ou sen lactosa — unha iniciativa considerada pioneira en Galicia. A convocatoria actual permite solicitar subvencións de ata 400 € por persoa.
Con “Barbadás cociña sen glute!!” preténdese “non só ofrecer unha actividade formativa e práctica, senón tamén contribuír á inclusión e á visibilidade das persoas celíacas, facilitando un estilo de vida saudable e adaptado”, declara Eli González, concelleira de Servizos Sociais, Saúde e Igualdade de Barbadás. Así mesmo — e dado o carácter gratuíto e acessible do obradoiro — “búscase promover o intercambio comunitario e o apoio mutuo entre veciños/as, fortalecendo os lazos sociais no municipio” engadiu.
O Concello de Barbadás celebra o Nadal cunha vintena de actividades dirixidas a todos os públicos
“Será un Nadal cheo de color, ledicia, música, deporte, cultura e actividades sociais”, resalta o alcalde, Xosé Carlos Valcárcel
O acendido da árbore deste venres suporá o inicio dos festexos no municipio
“Este Nadal está centrado na dispersión xeográfica, o alumeado ímolo levar a todos os recunchos do concello”, asegura Victoria Morenza, tenente alcalde e concelleira de Servizos Públicos
O Concello de Barbadás propón unha variada programación para celebrar o Nadal cunha vintena de actividades dirixidas a todos os públicos. A veciñanza poderá desfrutar dunha vintena de propostas lúdicas que inclúen teatro, concertos, obradoiros, festivais ou torneos. “Será un Nadal cheo de color, ledicia, música, deporte, cultura e actividades sociais”, resaltou o alcalde, Xosé Carlos Valcárcel, durante a presentación da programación. O rexedor tamén convidou á veciñanza a escoller para as compras de Nadal o comercio local de Barbadás, unha panca económica fundamental do municipio e un dos principais dinamizadores da vida social.
Os festexos comezarán este venres pola tarde co acendido da árbore e da iluminación de Nadal. A partir das 18,00 horas haberá animación musical no entorno da árbore (situada na rúa Viso, número 1) para rematar coa tradicional conta atrás do acendido, que se realizará ás 19,00 horas. Para pechar a inauguración, a veciñanza está convidada a unha chocolatada popular. Victoria Morenza, tenente alcalde e concelleira de Servizos Públicos, deu conta do esforzo do goberno local por iluminar todo o municipio: “Este Nadal está centrado na dispersión xeográfica, imos levar o alumeado ata o último recuncho do municipio”. Este ano, as luces son LED, o que permitirá un maior aforro enerxético.
Ana Peleteiro, concelleira de Cultura, detallou a programación cultural, que inclúe espectáculos de maxia como “Zasca”, do Mago José Rivera, concertos como o da Banda Musical Infantil da Escola de Música Municipal de Barbadás ou o Festival de Panxoliñas, e teatro, como “Os contos do Lobicán” de Rédrum Teatro. “Queremos que os veciñas e veciñas desfruten destas datas, que interactúen e que socialicen entre elas”, sinalou a concelleira. Papá Noel e Os Reis Magos farán parada en Barbadás, como é habitual, e percorrerán distintos puntos e núcleos do municipio para saudar a toda a poboación. A Concellería de Emerxencias, dirixida por Daniel Rey, conta xa con dispositivos especiais para as cabalgatas, ao igual que para o resto de actividades na vía pública.
Entre as propostas para as próximas semanas tamén destacan as deportivas. A concelleira de Deportes, Noemí Pintos, convidou á poboación a achegarse ao torneo benéfico prebenxamín Memorial Javier Carid “Abuelo”, que permitirá recoller alimentos para o Banco de Alimentos.
Por outra banda, tamén haberá oco para actividades saudables, como o Obradoiro de Doces de Nadal para persoas celíacas. “Poden participar tanto persoas con celiaquía como as súas familias”, detallou Elisabet González, concelleira de Servizos Sociais e Saúde. A Consellería de Servizos Sociais atópase inmersa actualmente na recollida de xoguetes para familias vulnerables, que o Banco Solidario repartirá nas próximas semanas.
Concurso de escaparates e balcóns
A concelleira de Comercio, Marga Pérez, recordou que aínda está aberto o prazo para inscribirse no concurso de decoración de Nadal de escaparates e no concurso de balcóns e portais. “É un xeito de que a veciñanza participe e colabore en facer entre todos máis bonito o noso municipio para estas datas tan máxicas”, apuntou.
O prazo de inscripción remata este venres ás 14,00 horas para os dous concursos. A solicitude pode presentarse nos rexistros municipais ou na sede electrónica do Concello de Barbadás. A votación será popular -poderá participar toda a veciñanza- e telemática, entre os días 10 e 17 de decembro.
Máis de 50 familias adheríronse á compostaxe doméstica a través da campaña de concienciación do Concello de Barbadás
O goberno local organiza charlas coa veciñanza para dar a coñecer este tipo de reciclaxe e entregar composteiros aos participantes
O Concello de Barbadás aposta pola implantación da compostaxe doméstica para avanzar na protección do medio ambiente. O goberno local continúa coa campaña de concienciación dirixida a toda a veciñanza que dispón dun pequeno terreo, e no que vai de ano xa son máis de 50 as familias adheridas á iniciativa.
Nesa liña, o Centro Empresarial Transfronteirizo (CET) acolleu a pasada semana unha nova entrega de composteiros domésticos, ademais dunha charla explicativa das pautas básicas para iniciar correctamente o proceso de compostaxe no fogar. Un total de 17 familias adheríronse á campaña na charla, o que dá conta da importancia de impulsar este tipo de sesións informativas.
O goberno local anima ás persoas que aínda non se teñan sumado a facelo, lembrando que a compostaxe doméstica é unha ferramenta eficaz para reducir biorresiduos, diminuír o volume de lixo que chega a vertedoiro e contribuír a un modelo máis sostible e respectuoso co medio ambiente.
As persoas interesadas poden atopar toda a información actualizada na páxina web (https://www.barbadas.ocaminosostible.gal). Tamén poden contactar a través do teléfono 647 521 464 ou do correo electrónico info@ocaminosostible.gal.
Esta iniciativa conta co apoio da Xunta de Galicia e o financiamento do Plan de Recuperación, Transformación e Resiliencia – Next Generation EU, e forma parte da aposta do Consorcio As Mariñas por un modelo de xestión sostible e de proximidade, implicando á cidadanía na redución e valorización dos seus propios residuos.
A Policía Local de Barbadás estrea o sistema Tetra de comunicación dixital
Trátase de terminais de formato walkie talkie con interconexión entre servizos de emerxencia, xeolocalización, envío de SMS e chamada ou aviso SOS se a rede de telefonía móbil está caída
“Estamos a traballar na desconexión do actual repetidor analóxico que daba servizo a Policía Local e a Protección Civil e queremos ampliar o convenio Tetra ao longo do 2026”, avanza Daniel Rey, concelleiro de Emerxencias
O Concello de Barbadás avanza na modernización da Policía Local coa incorporación dos equipos de comunicación Tetra. A adquisición destes terminais, xunto cos dous vehículos novos dos axentes, dan conta do esforzo do goberno local por mellorar e reforzar a seguridade da veciñanza. Os novos terminais permitirán unha comunicación máis rápida e eficaz entre os policías e co resto de servizos de emerxencias.
A incorporación dos equipos Tetra chega despois da ampliación do convenio do Concello con Retegal para o uso da rede dixital de seguridade e emerxencias de Galicia. Os terminais, tipo walkie talkie, melloran notablemente a calidade da comunicación dos equipos analóxicos actuais, permiten a xeolocalización, o envío de SMS e chamada ou incluso aviso SOS nos casos nos que a rede de telefonía móbil estea caída.
O goberno municipal traballa xa na ampliación deste convenio para aumentar o número de terminais tanto para a Policía Local como para o servizo de Emerxencias e Protección Civil. “Estamos a traballar na desconexión do actual repetidor analóxico que daba servizo á Policía Local e a Protección Civil, actualmente obsoleto, e ese aforro de custes irá directamente vencellado á ampliación do convenio Tetra ao longo do 2026”, avanza Daniel Rey, concelleiro de Emerxencias.
Barbadás anima á veciñanza a sumarse á compostaxe doméstica
O Concello de Barbadás aposta pola implantación da compostaxe doméstica e continúa coa campaña de sensibilización ambiental no municipio. Este venres, día 28, o Centro Empresarial Transfronteirizo acolle unha nova entrega de composteiros domésticos para a poboación, ademais dunha breve explicación coas pautas básicas para iniciar correctamente o proceso de compostaxe no fogar. A charla comeza ás 19,00 horas.
O goberno local anima ás persoas que aínda non se teñan sumado a facelo nos próximos días, lembrando que a compostaxe doméstica é unha ferramenta eficaz para reducir biorresiduos, diminuír o volume de lixo que chega a vertedoiro e contribuír a un modelo máis sostible e respectuoso co medio ambiente.
As persoas interesadas poden atopar toda a información actualizada na páxina web (https://www.barbadas.ocaminosostible.gal). Tamén poden contactar a través do teléfono 647 521 464 ou do correo electrónico info@ocaminosostible.gal.
Esta iniciativa conta co apoio da Xunta de Galicia e o financiamento do Plan de Recuperación, Transformación e Resiliencia – Next Generation EU, e forma parte da aposta do Consorcio As Mariñas por un modelo de xestión sostible e de proximidade, implicando á cidadanía na redución e valorización dos seus propios residuos.
O Concello de Barbadás inicia as melloras nos accesos á Valenzá vella
A intervención, valorada en 64.000 euros, enmárcase no Plan de Obras deste 2025
O Concello de Barbadás vén de iniciar as obras de rehabilitación dos accesos á Valenzá vella desde a avenida de Celanova, unha intervención que mellorará a seguridade e accesibilidade viaria, así como a mobilidade de péons e vehículos. O proxecto, valorado en 64.000 euros, está enmarcado no Plan de Obras deste 2025, no que o goberno local inviste un total de 1,1 millóns de euros.
A actuación modernizará os accesos ao barrio e adaptará calzadas e beirarrúas aos estándares actuais de accesibilidade universal, favorecendo un espazo urbano máis seguro e inclusivo para toda a veciñanza, en especial para persoas con mobilidade reducida, maiores e familias con bebés.
Deste xeito, o proxecto inclúe a renovación e ampliación de beirarrúas para favorecer un tránsito máis cómodo e seguro, a incorporación de pavimento podotáctil para persoas con visibilidade reducida, a adaptación dos rebaixes de bordos nos pasos de peóns, a mellora da sinalización horizontal e da iluminación, a reordenación de mobiliario urbano que actualmente dificulta o paso ou a reposición de elementos deteriorados.
Victoria Morenza, tenente alcalde e concelleira de Obras, pon en valor a intervención, “que mellorará notablemente a mobilidade de peóns e vehículos, así como a seguridade viaria da Valenzá Vella”. Morenza resalta a importancia de adaptarse aos estándares actuais de accesibilidade garantindo un “itinerario peonil continuo e libre de barreiras”. Por outra banda, a concelleira recorda que é unha zona moi frecuentada, polo que a intervención redundará nunha notable mellora da calidade de vida da veciñanza.
O CIM de Barbadás inicia a Biblioteca Feminista, aberta a toda a cidadanía
Os títulos en préstamo inclúen novelas, ensaios e cómics que reflexionan sobre o papel da muller na sociedade
“Pode vir quen queira ao CIM e buscar se hai algún libro do seu interese”, sinala Elisabet González, concelleira de Igualdade
O Centro de Información á Muller (CIM) de Barbadás inicia a súa Biblioteca Feminista, un proxecto dirixido a toda a cidadanía que busca animar á lectura ao mesmo tempo que concienciar sobre as realidades ás que se enfrontan as mulleres. Os libros, escollidos polo persoal do CIM, están dispoñibles para o seu préstamo no propio centro; basta con achegarse, escoller un título e cubrir unha pequena ficha cos datos persoais. “Pode vir quen queira e buscar se hai algún libro do seu interese”, sinala Elisabet González, concelleira de Igualdade.
Os volumes, maioritariamente de autoría feminina, inclúen novelas, ensaios e cómics nos que se reflexiona sobre o papel da muller na sociedade, a violencia de xénero, o acoso sexual, a prostitución ou o peso dos coidados no fogar. “Son lecturas moi recomendables de autoras moi coñecidas como Carmen Martín Gaite, Chimamanda Ngozi Adichie, Cristina Fallarás ou Ledicia Costas”, explica González.
O obxectivo é dar a coñecer a Biblioteca entre a veciñanza e ir ampliando pouco e pouco o fondo, que actualmente roza o medio centenar de exemplares. “A Biblioteca tamén ten un uso terapéutico entre as usuarias do CIM que viven situacións de violencia e vulnerabilidade. É outra forma de acompañalas que complementa á atención psicolóxica, social e legal do CIM”, detalla a concelleira de Igualdade.
Barbadás conciencia ás novas xeracións sobre a realidade da violencia de xénero
O Concello conmemora o Día Internacional da Eliminación da Violencia contra a Muller baixo o lema “Contra o negacionismo: compromiso e acción”
“Queremos poñer o foco no negacionismo da violencia de xénero, en constante aumento nos últimos tempos, xa que consideramos que este tipo de discursos tamén son violencia”, apunta Elisabet González, concelleira de Igualdade
O Concello de Barbadás conmemora o 25N, Día Internacional da Eliminación da Violencia contra a Muller, baixo o lema “Contra o negacionismo: compromiso e acción”. As actividades programadas, que inclúen teatro ou obradoiros, van dirixidas a visibilizar e denunciar as moitas violencias que sofren as mulleres hoxe en día, así como a concienciar á poboación de todas as idades. “Queremos poñer o foco no negacionismo da violencia de xénero, en constante aumento nos últimos tempos, xa que consideramos que este tipo de discursos tamén son violencia”, sinalou esta mañá Elisabet González, concelleira de Igualdade, na presentación da programación.
Nesta liña, a Concellería aposta por achegarse aos centros educativos e formar ás novas xeracións na identificación da violencia e no desenvolvemento do pensamento crítico. “Teremos o obradoiro ‘O que non se ve non existe’, con alumnado de Educación Primaria, e ‘Desmontando mitos’, con alumnado de Secundaria”, detallou González. “Os obradoiros tocan cuestións esenciais como esas formas de violencia máis sutís, máis ocultas, son máis difíciles de identificar”, resaltou o alcalde, Xosé Carlos Valcárcel. O rexedor puxo énfase na importancia de poñer enriba da mesa as situacións que viven as mulleres e o impacto de certos discursos: “Négase unha realidade visible, pero que non se quere ver”.
As actividades levaranse a cabo durante os meses de novembro e decembro no CEIP Filomena Dato, O Ruxidoiro, Luis Vives e IES Ferro Couselo.
Teatro, lectura de manifesto e mesa institucional
O propio 25N, na rotonda da Familia da Valenzá, realizarase a lectura dun manifesto contra a violencia machista ás 12,00 horas, na que participará alumnado do CPR Luis Vives. O acto tamén incluirá a colocación dunha carpa aberta á veciñanza, na que se informará sobre a campaña da Concellería e se darán a coñecer os recursos e servizos dispoñibles para as mulleres vítimas de violencia.
A programación complétase o día 28 de novembro coa Mesa Local de Coordinación Interinstitucional fronte á violencia de xénero e a obra teatral “Xoguetes rotos”, da compañía Barrosanta, que terá lugar na Casa de Cultura ás 20,30 horas.
Programa para evitar a soidade dos maiores de 60 anos nas festas de Nadal
A veciñanza interesada pode achegarse a solicitar información ás oficinas de Servizos Sociais
As persoas maiores de 60 anos que se atopen soas nas festas de Nadal poden acollerse ao programa de envellecemento activo “Xuntos polo Nadal”, impulsado pola Consellería de Política Social e Igualdade.
As veciñas e veciños interesados en sumarse á iniciativa poden achegarse as oficinas de Servizos Sociais de Barbadás para informarse e inscribirse na convocatoria.
O programa permite aos maiores pasar as datas acompañados por outras persoas maiores nas residencias de tempo libre da Xunta, o que fomenta a convivencia e o apoio mutuo. Trátase dun servizo gratuíto que se levará a cabo entre o 23 de decembro e o 7 de xaneiro, en quendas de 8 ou 16 días, en réxime de pensión completa.
Barbadás aposta pola conciliación co Campamento de Nadal para cativada de 3 a 12 anos
“Este ano contamos cun horario máis amplo para axudar ás familias”, resalta Marga Pérez, concelleira de Educación
O Concello de Barbadás aposta unha vez máis pola conciliación das familias durante as vacacións escolares de Nadal. A área de Educación impulsa o Campamento de Nadal, unha proposta que inclúe actividades lúdicas e creativas adicadas a nenos e nenas de 3 a 12 anos. “Este ano contamos cun horario máis amplo para axudar na tan necesaria conciliación familiar e laboral”, resalta Marga Pérez, concelleira de Educación.
O Campamento terá lugar no Espazo Infantil os días 22, 23, 29 e 30 de decembro e o 7 de xaneiro en horario de 8,30 a 14,00 horas. “Haberá xogos cooperativos e obradoiros, pero sobre todo, moita diversión cos novos e novas amigas”, asegura Marga Pérez, concelleira de Educación. Cada día, as actividades serán distintas: desde un obradoiro de creación de adornos de Nadal ata un obradoiro de cociña, cine temático ou caza do tesouro.
As familias interesadas xa poden consultar as bases e o modelo de solicitude na páxina web do Concello (barbadas.es). As inscricións pódense formalizar do 17 ao 28 de novembro na Casa Consistorial e nas Oficinas Municipais, na Valenzá.
Barbadás levará a cabo un novo reparto de composteiros entre a veciñanza
Durante a fin de semana, habilitouse un punto informativo na Valenzá para resolver dúbidas, explicar os beneficios da compostaxe e fomentar a participación cidadá
O Concello de Barbadás continúa a avanzar na implantación da compostaxe doméstica e na sensibilización ambiental da veciñanza. Con este obxectivo, o pasado sábado 8 de novembro habilitouse un punto informativo no municipio, que serviu como espazo de encontro para resolver dúbidas, explicar os beneficios da compostaxe e fomentar a participación cidadá.
Ao longo da xornada, o punto informativo recibiu unha excelente acollida, con numerosas persoas achegándose para coñecer máis sobre o proceso de compostaxe, solicitar información práctica e anotarse para participar no programa municipal. A poboación tamén puido recoller cubos para reciclar nos domicilios de entornos urbanos os residuos orgánicos que van ao contedor marrón. Esta acción permitiu acercar a campaña directamente á rúa, favorecendo unha comunicación directa, próxima e personalizada coas persoas interesadas.
Como continuidade da iniciativa, o Concello entregará composteiros domésticos o venres 28 ás 19,00 horas no Centro Empresarial Transfronteirizo. Ademais da recollida do material, ofrecerase unha breve explicación coas pautas básicas para iniciar correctamente o proceso de compostaxe no fogar.
O Concello anima ás persoas que aínda non se teñan sumado a facelo nos próximos días, lembrando que a compostaxe doméstica é unha ferramenta eficaz para reducir biorresiduos, diminuír o volume de lixo que chega a vertedoiro e contribuír a un modelo máis sostible e respectuoso co medio ambiente.
As persoas interesadas poden atopar toda a información actualizada na páxina web (https://www.barbadas.ocaminosostible.gal). Tamén poden contactar a través do teléfono 647 521 464 ou do correo electrónico info@ocaminosostible.gal.
Esta iniciativa conta co apoio da Xunta de Galicia e o financiamento do Plan de Recuperación, Transformación e Resiliencia – Next Generation EU, e forma parte da aposta do Consorcio As Mariñas por un modelo de xestión sostible e de proximidade, implicando á cidadanía na redución e valorización dos seus propios residuos.
O Concello de Barbadás mellora a seguridade viaria e a accesibilidade do camiño da Moura de Arriba
A vía, que une os núcleos de Barbadás e Sobrado, é moi transitada por vehículos e peóns
O Concello de Barbadás iniciará nos próximos días as obras de mellora do camiño da Moura de Arriba, unha vía que une os núcleos de Barbadás e Sobrado e polo que transitan numerosos vehículos e peóns. A intervención, enmarcada no Plan Camiña Rural 2025-2026 da Axencia Galega de Desenvolvemento Rural (Agader), supón un investimento de máis de 53.000 euros e conta cun prazo de execución de 3 meses.
A tenente alcalde e concelleira de Obras, Victoria Morenza, destaca o esforzo do Concello de Barbadás por mellorar as infraestruturas rurais e facilitar o acceso ás explotacións agrícolas e ás vivendas situadas nas parroquias do municipio. “O camiño da Moura de Arriba é unha vía fundamental para comunicar Barbadás e Sobrado: é unha zona moi transitada que se atopaba nun estado bastante complicado para a seguridade viaria”, explica.
As obras abranguen un tramo de 511 metros, nos que se actuará sobre firme, cunetas e sinalización. Deste xeito, aplicarase unha nova capa de aglomerado para corrixir as irregularidades actuais e mellorar a resistencia da vía; levarase a cabo a limpeza das cunetas para favorecer a drenaxe da auga; desbrozarase a vexetación dos laterais do camiño para garantir unha boa visibilidade; axustaranse en altura os tres pozos existentes na zona, e instalarase nova sinalización vertical e horizontal.
O Concello de Barbadás reclama á Xunta un maior financiamento para as asociacións de discapacidade intelectual
O pleno aprobou a moción presentada por PSdeG e DO en apoio ás reivindicacións de Fadenga e Aedigal
O Concello de Barbadás reclama á Xunta un maior financiamento para as asociacións e entidades de discapacidade intelectual, que levan a cabo unha labor clave no acompañamento, asesoramento e inclusión das persoas afectadas. PSdeG e DO presentaron na sesión plenaria ordinaria deste luns unha moción para adherirse ás reivindicacións de Fademga Plena inclusión Galicia e Asociación Empresarial para a Discapacidade Intelectual e o Desenrolo de Galicia (Aedigal), que alertan do posible peche de centros en toda Galicia debido ao infrafinanciamento das entidades sociais.
A concelleira de Servizos Sociais, Elisabet González, puxo en valor o traballo que desempeñan diariamente colectivos e asociacións tales como o Centro Ocupacional As Burgas da Valenzá, que conta con máis de 80 persoas usuarias. A edila lamentou a falta de colaboración por parte da administración autonómica, a quen pediu iniciar unha mesa de negociación con Fademga e Aedigal para abordar o tema e buscar solucións. “A responsabilidade de corrixir esta situación recae directamente na Xunta e na Consellería de Política Social”, resaltou. A moción foi aprobada cos votos a favor de PSdeG, DO, Partido Galego e BNG, e cos votos en contra do Partido Popular.
Transporte metropolitano
O pleno aprobou por unanimidade a moción presentada polo BNG sobre o transporte metropolitano, unha demanda histórica de Barbadás e do resto de concellos da comarca ourensá. A tenente alcalde e concelleira de Mobilidade, Victoria Morenza, deu conta da actual situación do comité de transporte, constituído pola Deputación. “Non ten sentido que sexa a Deputación quen o lidera, xa que é unha competencia da Xunta”, sinalou.
Morenza detallou as propostas do Concello de Barbadás ao comité, tales como a extensión da liña de transporte urbano do Concello de Ourense ata o Hospital de Piñor, o incremento das frecuencias dos servizos prestados no rural (Loiro, Bentraces, Sobrado, Barbadás, Piñor e Parada) ou a creación dunha liña que una San Lourenzo de Piñor e Parada coa Valenzá. Porén, a tenente alcalde lamentou que o comité non sexa un órgano competente para tomar decisións, e instou de novo á Xunta a liderar o proceso, o que permitiría avanzar no proxecto.
O pleno tamén aprobou unha moción do PP para apoiar aos autónomos e á economía local, así como unha moción do BNG sobre o reforzo dos servizos públicos adicados á loita contra a violencia de xénero. Por outra banda, a corporación deu luz verde á modificación da ordenanza fiscal número 6 reguladora da taxa pola prestación de abastecemento de auga potable.
O Concello de Barbadás realizará melloras na rede de saneamento e renovará colectores para evitar posibles infiltracións e fugas
O goberno municipal vén de recibir os resultados da auditoría solicitada para coñecer o estado da rede
Entre as intervencións destaca a mellora da rede de pluviais en Piñor e Parada, o cambio de varios colectores na Valenzá ou as reparacións de fosas en Sobrado
O Concello de Barbadás levará a cabo nos próximos meses melloras de calado na rede de saneamento municipal para evitar posibles infiltracións e fugas e optimizar os recursos. O goberno local implementa estas actuacións despois de recibir os resultados da auditoría solicitada cunha subvención autonómica para coñecer o estado da rede municipal. “Con este tipo de auditorías detéctanse cales son as necesidades nas que temos que traballar. Ademais de facela na rede de saneamento, xa temos feito análises do abastecemento ou da rede de iluminación pública para mellorar os nosos servizos”, apunta o alcalde, Xosé Carlos Valcárcel.
Cabe destacar que a rede de Barbadás é antiga na súa maior parte, executada en formigón, fibrocemento e PVC na súa totalidade, o que facilita infiltracións na rede desde o exterior. A análise permitiu identificar aqueles puntos nos que é preciso actuar, tanto para poñer solución a fugas detectadas como para evitar que sucedan no futuro. “Trátase de mellorar unha infraestrutura tan básica como é a rede de saneamento, actualizala e minimizar o impacto ambiental dos posibles defectos”, resalta Victoria Morenza, tenente alcalde e concelleira de Obras.
Entre as intervencións destaca a mellora da rede de pluviais en Piñor e Parada, a ampliación da rúa do Viso, reparacións en fosas de Sobrado, actuacións nas conexións da rúa de Abaixo en Bentraces, cambio do colector na avenida de Celanova desde o cruce coa rúa Altamira ata o cruce coa rúa Burgas ou a renovación dun colector na rúa Guerrera.
O Concello de Barbadás remata a rehabilitación integral do local social de Sobrado
O goberno local destinou máis de 180.000 euros para a actuación, que incluíu a renovación da cuberta, o cambio das carpintarías, cámaras e illamento, o novo chan, a soleira ventilada ou a construción de baños no interior
“Agora é un local moi luminoso, moi amplo, que vai ser multiusos e no que pode haber todo tipo de eventos”, apunta Xosé Carlos Valcárcel, alcalde de Barbadás
O Concello de Barbadás vén de rematar a renovación integral do local social de Sobrado do Bispo, situado na rúa da Granxa. A intervención municipal, de máis de 180.000 euros, supón a completa modernización do edificio, antiga escola da localidade. Así, a rehabilitación incluíu a renovación da cuberta, a substitución parcial da estrutura do soporte, o cambio das carpintarías, cámaras e illamento das fachadas, a modernización da fontanaría, saneamento, electricidade, iluminación e ventilación, a colocación dun novo chan, a construción de baños interiores e a instalación dunha soleira ventilada.
A actuación permitiu devolver a vida a un edificio senlleiro que ata o de agora tiña un uso residual como local de ensaio. “Agora é un local moi luminoso, moi amplo, que vai ser multiusos e no que pode haber todo tipo de eventos”, apunta Xosé Carlos Valcárcel, alcalde de Barbadás. Así, o espazo conta cun novo acondicionamento acústico para evitar a reverberación do son, así como con carrís de focos no teito para futuras exposicións.
O edificio, que data de 1920 segundo os datos do catastro, está completamente adaptado ás normativas actuais e goza de modernos sistemas de ventilación. “Ten un sistema que renova o aire automaticamente, o que favorece que haxa unha temperatura adecuada en todas as estacións do ano”, detalla Victoria Morenza, tenente alcalde e concelleira de Obras. Por outra banda, agora o local é accesible para persoas con mobilidade reducida, ao igual que os baños. “Tamén se instalou un sistema de ventilación do gas radón, adaptado á normativa galega”, destaca Xosé Carlos Valcárcel.
O alcalde destaca a inversión municipal neste local, que xa pode ser utilizado polos veciñas e veciños, ao mesmo tempo que agradece a colaboración da poboación, que foi insistente en demandar a modernización do espazo.
O Concello de Barbadás colabora coa Hidrográfica na limpeza do río dos Muíños na Valenzá
A Concellería de Emerxencias está a retirar numerosas especies invasoras, así como residuos plásticos, das beiras e do leito fluvial
O concelleiro Dani Rey chama á responsabilidade da poboación para coidar un espazo natural único no municipio
O Concello de Barbadás, en colaboración ca Confederación Hidrográfica Miño-Sil (CHMS), executa labores de tala e retirada de vexetación nas beiras e leito do río dos Muíños ao seu paso pola Valenzá.
A Concellería de Emerxencias detectou exemplares de vexetación arbórea con risco de caída na contorna do río na zona, e dada a complexidade dos traballos a acometer, solicitou a colaboración da CHMS, quen conta cos medios técnicos necesarios para levar a cabo a limpeza.
Ademais das tarefas especializadas de tala, tamén se está a traballar na eliminación de especies vexetais invasoras e na limpeza do leito fluvial. Estas labores, que comezaron a semana pasada, estenderanse nas vindeiras xornadas ata que os técnicos determinen a idoneidade do traballo feito.
Os operarios tamén están a retirar numerosos residuos nas beiras e leito do río como bolsas, latas, bricks e mesmo cadeiras. Neste sentido, o concelleiro de Emerxencias, Dani Rey, chama á responsabilidade da poboación para coidar un espazo único de Barbadás. “Por este lugar pasean milleiros de persoas que queren desfrutar da contorna nas mellores condicións posibles”, apunta o edil.
Ao mesmo tempo, unha vez recibido o visto bo da Hidrográfica, o Concello procedeu á restauración da caseta dos patos no parque do mesmo nome, para facilitar a cría cando sube o caudal.
A Concellería de Emerxencias, en colaboración coa Concellería de Obras e Servizos, vai proceder a reparar as esclusas dos azudes para regular os niveis da auga que recomenda a CHMS. Dani Rey lembra que a manipulación das mesmas só pode facela persoal acreditado, podendo ser sancionado aqueles particulares que modifiquen as condicións hidrolóxicas do leito.
O Rallymix Concello de Barbadás chega á súa undécima edición con récord de participantes
Un total de 94 pilotos están inscritos na proba, impulsada por Escudería Barbadás
Máis de 200 rapaces e rapazas acudiron á primeira Xornada escolar de seguridade no automobilismo deportivo, celebrada esta mañá nos exteriores do Polideportivo Municipal
Barbadás quenta motores para o 11º Rallymix Concello de Barbadás “Memorial Gonzalo Belay”, unha das citas anuais máis esperadas pola veciñanza e polos aficionados e aficionadas do automobilismo en Galicia. “Este é un dos rallyes máis importantes da comunidade”, resaltou Xosé Carlos Valcárcel, alcalde de Barbadás, na presentación oficial do evento.
A competición, impulsada pola Escudería Barbadás coa colaboración do Concello de Barbadás, Xunta de Galicia, Deputación de Ourense e Federación Galega de Automobilismo, comeza o venres, día 24, e remata o domingo, día 26. O rexedor tamén destacou a elevada participación do Rallymix, que este ano chega á súa decimoprimeira edición co récord de 94 inscritos e inscritas.
Ademais, hai novidades no percorrido, tal e como explicou José Sampayo, presidente da Escudería Barbadás. “Mudamos todo, de década, percorrido…”, sinalou. Así, serán 9 os kilómetros a percorrer polos pilotos, que por primeira vez pasarán pola parroquia de Sobrado do Bispo.
Beatriz Fernández, directora xeral da Consellería de Presidencia, Xustiza e Deportes de Galicia, resaltou a cooperación institucional: “É moi importante a colaboración do Concello, da Deputación e da Xunta para que eventos coma este poidan realizarse”. Pola súa parte, César Fernández, vicepresidente segundo da Deputación, convidou á poboación a desfrutar da competición durante toda a fin de semana.
Na presentación tamén estivo presente o resto da corporación municipal de Barbadás; Antonio Rodríguez Troitiño, presidente da Federación Galega de Automobilismo; Manuel Pérez, xefe do Servizo Provincial de Deportes de Ourense, patrocinadores e representantes da Guarda Civil, Policía Local e Protección Civil Barbadás.
Xornada escolar
Outra das novidades foi a primeira Xornada escolar de seguridade no automobilismo deportivo, impulsado pola Escudería Barbadás en colaboración co Concello. Máis de 200 alumnos e alumnas do CPR Luis Vives e CEIP Filomena Dato, así como usuarios e usuarias do Centro Ocupacional As Burgas, achegáronse esta mañá ao Polideportivo Municipal para coñecer en máis detalle a seguridade viaria deste tipo de eventos.
Deste xeito, descubriron como é o interior dos vehículos competidores, o tipo de roupas que empregan os pilotos e pilotas ou onde se debe colocar o público para desfrutar sen poñer en perigo a súa integridade. Para rematar a xornada, os escolares desfrutaron dunha pequena exhibición de varios dos equipos participantes no Rallymix.
A Policía Local de Barbadás renova a súa flota coa adquisición dun segundo novo automóbil no que vai de ano
Os axentes recibiron hoxe o vehículo, que facilitará os seus desprazamentos en perímetros urbanos e rurais, así como as tarefas de vixilancia
O Concello de Barbadás reforza o seu compromiso coa seguridade da veciñanza coa renovación da flota de automóbiles da Policía Local. Os axentes recibiron hoxe o segundo novo vehículo no que vai de ano, o que facilitará os seus desprazamentos en perímetros urbanos e rurais, así como as tarefas de vixilancia.
O alcalde de Barbadás, Xosé Carlos Valcárcel, e o xefe da Policía Local, Fernando Freire, recibiron hoxe as chaves do novo automóbil. Ao acto de entrega tamén acudiron a tenente alcalde, Victoria Morenza, e o concelleiro de Emerxencias, Daniel Rey, así como persoal administrativo da Policía Local e integrantes de Protección Civil.
Xosé Carlos Valcárcel resaltou a aposta do goberno municipal por modernizar a xefatura de Barbadás e reforzar a seguridade da poboación: “Os novos vehículos ofrecen un servizo integral para cubrir as necesidades da veciñanza de todo o municipio”. Cabe destacar que os axentes tamén contarán cun novo garaxe, adaptado aos novos automóbiles.
Outra das melloras previstas para a Policía Local é a programación do novo sistema de comunicación dixital, un gran avance que tamén facilitará o traballo dos policías e mellorará a atención da poboación.
Barbadás comeza as obras de recuperación e rehabilitación do Parque Lucinda
A actuación, de preto de 60.000 euros, transformará por completo o espazo, que ata o de agora tiña un uso residual
“Constará de tres zonas perfectamente diferenciadas: unha inferior, destinada a merendeiro, a do medio, na que haberá un parque, e a superior, unha zona destinada ao deporte”, explica Xosé Carlos Valcárcel, alcalde de Barbadás
“Pensamos que pode ser un lugar moi frecuentado polas familias e polos mozos e mozas para a práctica do deporte”, apunta Victoria Morenza, tenente alcalde e concelleira de Obras
O Concello de Barbadás vén de iniciar as obras de reforma, recuperación e rehabilitación do Parque Lucinda, en Fonsillón, un espazo que ata o de agora tiña un uso residual. O goberno local inviste preto de 60.000 euros nesta intervención, que permitirá crear un espazo de lecer e convivencia dirixido a poboación de todas as idades.
O proxecto, elaborado por un equipo especializado en deseño de espazos urbanos, arquitectónicos e de mobilidade, contempla a intervención sobre unha superficie de 982 metros cadrados, con forma rectangular e escalonada, que se organizará en tres niveis. “O parque constará de tres zonas perfectamente diferenciadas: unha inferior, destinada a merendeiro, a do medio, na que haberá un parque infantil, e a superior, unha zona destinada ao deporte”, explica Xosé Carlos Valcárcel, alcalde de Barbadás.
A actuación, incluída no Plan de Obras do Concello de 1,1 millóns de euros para este 2025, non só cubrirá a demanda da poboación moza de máis espazos deportivos, senon que tamén se convertirá nun punto de reunión interxeracional. “Cremos que pode ser un lugar moi visitado polos mozos e mozas para a práctica do deporte, e sobre todo, moi apropiado para o intercambio xeracional, xa que virán pais, nais, avós e avoas, nenos e nenas, que desfrutarán da zona de esparcemento e do parque infantil”, apunta Victoria Morenza, tenente alcalde e concelleira de Obras.
O parque suporá un pulo de vitalidade a Fonsillón, unha zona en expansión de Barbadás na que viven moitas familias novas e que actualmente carece de espazos de lecer e convivencia. “O parque ten unha das melloras vistas do noso Concello cara a Ourense”, resalta Valcárcel. O rexedor incidiu en que esta actuación se enmarca na aposta do goberno municipal por recuperar e rehabilitar espazos que están en situación de abandono.
Barbadás inicia a renovación de 581 vellas luminarias por tecnoloxía LED conforme á normativa actual de eficiencia enerxética e calidade
A intervención está enmarcada no proxecto aprobado polo Instituto para a Diversificación e Aforro da Enerxía (IDAE) de 350.984,26 euros para modernizar a iluminación pública, neste caso, nos núcleos de Bentraces e Barbadás
“O marco legal actual obriga a axustar a iluminación a uns parámetros técnicos concretos, evitando o sobredimensionamento que presentaban moitas instalacións antigas”, detalla Victoria Morenza, tenente alcalde e concelleira de Servizos Públicos
O Concello de Barbadás vén de iniciar a renovación de 581 vellas luminarias por tecnoloxía LED no marco do proxecto aprobado polo Instituto para a Diversificación e Aforro da Enerxía (IDAE). Trátase do terceiro plan de modernización lumínica que o Concello presenta ante o organismo estatal co obxectivo de reafirmar o seu compromiso coa redución da pegada de carbono e o avance cara a un modelo de desenvolvemento sostible e respectuoso.
A intervención, que ascende aos 350.984,24 euros, permitirá reducir nun 83% o consumo enerxético actual. O proxecto inclúe a substitución dun total de 581 luces repartidas en nove instalacións de alumeado público nos núcleos de Barbadás e Bentraces, principalmente. “As novas luminarias son LED de 2200K, dimensionadas conforme á normativa vixente en materia de eficiencia enerxética e calidade do alumeado exterior”, explica Xosé Carlos Valcárcel, alcalde de Barbadás.
A elección das luminarias que xa se están instalando vén dada polo Regulamento de Eficiencia Enerxética en Instalacións de Alumeado Exterior, que marca os niveis de iluminación adecuados a cada tipo de vía, a limitación do consumo enerxético e a potencia instalada e a redución da contaminación lumínica. “Este marco legal obriga a axustar a iluminación a uns parámetros técnicos concretos, evitando o sobredimensionamento que presentaban moitas instalacións antigas”, detalla Victoria Morenza, tenente alcalde e concelleira de Servizos Públicos.
Nesa liña, a edila dá conta dos beneficios das novas luces, non só no relativo ao consumo enerxético, senón tamén noutros eidos como a saúde ou a seguridade viaria. “Estanse a colocar luces con temperaturas de cor baixas con moi pouca fracción de radiación azul, o que evita alteracións nos ritmos circadianos da poboación e contribúe a unha mellor calidade do descanso nocturno”, destaca Morenza. As novas luminarias reforzan a seguridade viaria ao evitar o deslumbramento de condutores e peóns, ademais de reducir o impacto na fauna da contorna. A elección das luces tamén está aliñada coa Estratexia Nacional de Ceos Escuros, así como coas directrices europeas de protección da biodiversidade.
“O obxectivo é reducir a sobreiluminación, axustar a luz aos niveis recomendados internacionalmente para garantir seguridade viaria e confort visual e avanzar cara a un modelo de alumeado máis sostible e eficiente, aliñado coas políticas enerxéticas e ambientais europeas”, resume o alcalde, Xosé Carlos Valcárcel.
Concello pioneiro en instalacións LED
Os dous anteriores proxectos do Concello de Barbadás aprobados polo IDAE permitiron substituír vellas luminarias por tecnoloxía LED en núcleos como Parada e Sobrado e en sete rúas da Valenzá.
Ao marxe dos préstamos concedidos polo IDAE, Barbadás foi un concello pioneiro na modernización da iluminación pública. Con fondos propios, o goberno local leva cambiado nos últimos anos as luminarias de localidades como Piñor ou Finca Fierro.
Barbadás inaugura un novo espazo de lecer ao aire libre e convida aos escolares do municipio a bautizalo
“Como goberno fomos quen de recuperar esta zona, que durante moitísimos anos estivo practicamente abandonada, e convertila nun espazo de lecer para que desfruten pequenos e maiores”, explicou Xosé Carlos Valcárcel, alcalde de Barbadás
“Este parque integra a natureza con espazos de xogo que non hai en outros parques, está pensado para que sexa espazo de xogo e diversión e tamén para descansar e mesmo merendar”, compartiu Victoria Morenza, tenente alcalde e concelleira de Parques e Xardíns
Os traballos foron levados a cabo polo módulo de xardinaría do Obradoiro de Emprego
O Concello de Barbadás inaugurou esta mañá unha nova área de lecer ao aire libre á beira da Calzada Romana da Valenzá. Os traballos realizados na zona, de 2.200 metros cadrados, consistiron na poda das árbores e adecuación do espazo e na colocación de mesas, bancos e xogos tradicionais como cordas, instrumentos de música ou casas de madeira.
“Como goberno fomos quen de recuperar esta zona, que durante moitísimos anos estivo practicamente abandonada, e convertila nun espazo de lecer para que desfruten pequenos e maiores”, explicou Xosé Carlos Valcárcel, alcalde de Barbadás, durante o acto de inauguración. A idea de darlle unha nova vida a esta área natural xurdiu das concellerías de Educación e de Parques e Xardíns e contou coa colaboración da Concellería de Emerxencias e da Concellería de Promoción Económica.
Desde o principio, o obxectivo foi ofrecer á poboación un espazo de lecer distinto ao resto. “Este parque integra a natureza con espazos de xogo que non hai en outros parques. Está pensado para que sexa espazo de xogo e diversión e tamén para descansar e mesmo merendar, tanto as familias como a mocidade da Valenzá e do resto da comarca de Ourense”, detallou Victoria Morenza, tenente alcalde e concelleira de Parques e Xardíns. A área natural conta cunha ampla variedade de especies arbóreas, desde piñeiros a carballos, teixos, salgueiros, sobreiras ou loureiros.
Unha vez rematado o proxecto, o goberno local decidiu convidar á comunidade educativa do municipio a escoller un nome para o espazo de lecer. “Neste primeiro paso de apertura queremos a colaboración dos colexios. A través da Concellería de Educación ímoslle enviar ao alumnado unha petición para que aporte ideas e bautice este parque co nome que lles pareza máis axeitado”, apuntou Morenza.
Limpeza do espazo e deseño da nova área de xogos
A Concellería de Emerxencias encargouse de limpar e adaptar o espazo, invadido pola vexetación durante anos. “O primeiro que fixemos foi traballar na prevención do risco, para o que traballamos cunha empresa especializada en podas en altura e evitar así posibles caídas de rama e outras vexetacións”, explicou Daniel Rey, concelleiro de Emerxencias.
A empresa podou, limpou e incluso talou dúas árbores que se atopaban en mal estado, e utilizou un aserradeiro móbil para aproveitar a madeira e elaborar in situ as novas mesas e bancos. Unha vez que o espazo estaba listo, o alumnado do módulo de xardinaría do Obradoiro de Emprego deseñou os espazos de xogo, que se repartiron en diversas zonas. “Decidiuse crear unha zona de aventuras con elementos tradicionais, aquí non hai tobogáns, senón xogos tradicionais, distintos”, apuntou José Manuel Morgade, concelleiro de Promoción Económica. O alumnado do Obradoiro dedicou arredor dun mes ao deseño e colocación dos novos elementos, dos que xa poden desfrutar os nenos e nenas da contorna.
O Programa Exeria ofreceu asesoramento xurídico, psicolóxico e laboral e formación en igualdade ás mulleres de Barbadás
O Programa Exeria, executado nos concellos de Ramirás, Trives e Barbadás, e financiado pola Xunta de Galicia con Fondos Sociais Europeos, ofreceu ata o 30 de setembro de 2025 apoio xurídico, psicolóxico e laboral, formación en igualdade, emprendemento e novas tecnoloxías, obradoiros de saúde e benestar, actividades culturais, itinerarios de inserción laboral e autoemprego, así como espazos de debate e asesoramento con profesionais especializadas.
A Casa da Mocidade de Barbadás amplía o seu horario e abrirá os sábados pola tarde
“O espazo ten moita demanda os venres de inverno pola tarde, polo que decidimos abrir as súas portas tamén os sábados”, explica a concelleira de Deportes e Mocidade, Noemí Pintos
O Concello de Barbadás amplía o horario de outono e inverno da Casa da Mocidade da Valenzá, que a partir de agora tamén abrirá as súas portas os sábados pola tarde. O espazo dispón dunha ampla variedade de xogos de mesa, ademais de ordenadores, revistas e xornais, polo que moitos son os rapaces e rapazas do municipio que se achegan para desfrutar do seu tempo libre.
A partir desta mesma semana e durante os meses de outono e inverno, o horario de apertura será de 16,30 a 20,30 horas de martes a sábado. Polas mañás, de 8,30 a 14,30 horas, as instalacións estarán abertas para realizar trámites administrativos.
A elevada participación da xuventude motivou a decisión da área de Mocidade, tal e como explica a concelleira Noemí Pintos: “O espazo ten moita demanda os venres de inverno pola tarde, polo que decidimos abrir as súas portas tamén os sábados”. Pintos pon en valor o esforzo do Concello por dar resposta ás necesidades da poboación máis nova: “Coa chegada do frío e da chuvia, os mozos e mozas precisan dun lugar como a Casa da Mocidade, un espazo público e gratuíto onde desfrutar do seu tempo libre”.
Os once locais hostaleiros participantes no Barbadás a bocados repartiron preto de 9.000 pinchos nos dous días de degustación
O xurado popular deulle o primeiro premio á Cova do Savio e o segundo ao Ourenexpress, mentres que o xurado profesional decantouse pola elaboración de Wakanda
“Queremos recoñecer e poñer en valor o traballo de todos os hostaleiros e hostaleiras participantes, e resaltar ás novas xerencias que se animaron a participar”, destaca o alcalde, Xosé Carlos Valcárcel
O salón de plenos do Concello de Barbadás vestiuse de gala esta mañá para acoller a entrega de premios da oitava edición do Barbadás a bocados, celebrado os pasados 12 e 13 de setembro. Os 11 locais participantes venderon nesa fin de semana preto de 9.000 pinchos, o que dá conta da boa acollida e da elevada participación da poboación. “Moitas grazas por participar e colaborar, queremos recoñecer e poñer en valor o traballo de todos os hostaleiros e hostaleiras, e resaltar ás novas xerencias que se animaron a participar”, destacou o alcalde, Xosé Carlos Valcárcel, na entrega de premios. Marga Pérez, concelleira de Comercio, fixo fincapé nas boas valoracións dos negocios participantes, así como do bo ambiente que se viviu durante o concurso. “Grazas ao público por saír á rúa e por degustar as 11 propostas”, agradeceu.
O xurado popular alcanzou nesta oitava edición os 670 votos, unha cantidade superior á dos últimos anos. O público escolleu o pincho da Cova do Savio (“Ma&Lu”) como o gañador, seguido da elaboración do Ourenexpress (“Tamari&Gai”).
O xurado profesional, composto por tres profesionais da Escola de Hostalería e Turismo de Ourense, elixiu o pincho do Wakanda (“Bocado wakandiano”) como o mellor da oitava edición. “É un pincho moi simple, pero que sae do común: no momento de probalo sorprendeunos moito”, explicou Noelia Fernández, integrante do xurado que participou na entrega.
A elaboración do Ourenexpress, pola súa parte, levouse o segundo premio do xurado profesional, así como o premio á creatividade. “Chamounos moito a atención a mistura de sabores en boca, así como a presentación”, detallou Fernández.
As actas do xurado profesional e os votos emitidos polo público estarán no Centro Empresarial Transfronteirizo (CET) para toda persoa interesada en comprobar os resultados.
Os tres hostaleiros vencedores tamén recolleron os agasallos realizados por tres das empresas colaboradoras (Coren, Coto de Ousande e Fruta Legufrut) e o xurado recibiu un agasallo do Concello polo seu esforzo e participación.
Vales de 40 euros en comercio e hostalería local
O Barbadás a bocados convoca en cada edición un sorteo entre o público votante para agradecer a súa participación e compromiso co concurso. Esta mañá, durante a entrega de premios, Marga Pérez e Xosé Carlos Valcárcel entregaron aos 10 gañadores do sorteo vales de 40 euros para gastar en comercio e hostalería local.
Arrancan as obras de mellora da pista que une Parada co santuario senlleiro de San Bieito de Cova de Lobo
O Concello de Barbadás vén de iniciar as obras de rehabilitación do firme da pista que une Parada co santuario de San Bieito de Cova de Lobo. A intervención, adxudicada por 75.340,65 euros a Excavaciones P. Prol, forma parte da segunda fase de mellora da conexión de dous puntos neurálxicos de atracción turística en Barbadás como son o santuario de San Bieito e o Tangaraño. Na primeira fase, tamén executada polo actual goberno municipal, rehabilitouse a pista que une Piñor con San Bieito.
“San Bieito de Cova de Lobo é un dos santuarios senlleiros da provincia e por suposto, de Barbadás. Son moitos os crentes e veciños e veciñas que o visitan, especialmente na novena”, recorda o alcalde, Xosé Carlos Valcárcel. A intervención realizarase nun treito de aproximadamente 2 kilómetros de lonxitude, onde se rehabilitará o firme. “A obra inclúe a dotación dunha capa asfáltica, a mellora e ampliación do vial e a limpieza de maleza co obxectivo de mellorar a accesibilidade e seguridade vial”, detalla Victoria Morenza, tenente alcalde e concelleira de Obras. Ademais, reforzarase o firme do camiño e colocaranse sinais verticais.
Esta actuación dá conta do esforzo do Concello de Barbadás por potenciar infraestruturas nos núcleos rurais do municipio e chegar así a toda a veciñanza. “Queremos fomentar o equilibrio territorial dentro do noso concello”, resalta Xosé Carlos Valcárcel.
O Concello de Barbadás inicia a última fase da rehabilitación integral do local social de Sobrado do Bispo
O goberno local destinou preto de 30.000 euros á segunda fase da intervención, que xunto coa primeira parte eleva a máis de 180.000 o investimento total
“Coa instalación da soleira culmínase a restauración integral e revitalización dun edificio senlleiro que apenas se utilizaba ata o de agora”, apunta Victoria Morenza, tenente alcalde e concelleira de Obras
O Concello de Barbadás vén de iniciar as obras de colocación dunha soleira ventilada no local social de Sobrado do Bispo, situado na rúa da Granxa. A actuación, valorada en preto de 30.000 euros, completará o proxecto de rehabilitación integral do edificio, antiga escola da localidade. “Coa soleira ventilada culmínase a restauración dun edificio senlleiro que apenas se utilizaba ata o de agora, só como local electoral e local de ensaio, e ao que se lle vai dar un maior uso educativo, social e cultural”, explica Victoria Morenza, tenente alcalde e concelleira de Obras.
A primeira fase da intervención rematou a finais de xullo, e incluíu a renovación da cuberta, a substitución parcial da estrutura de soporte, o cambio das carpintarías, cámaras e illamento das fachadas e a modernización da fontanaría, saneamento, electricidade, iluminación e ventilación. O goberno local destinou 151.957 euros na primeira parte da intervención, que xunto aos preto de 30.000 euros da segunda fase sitúa en máis de 180.000 euros o total do investimento municipal.
Victoria Morenza destaca a importancia desta rehabilitación integral, xa que vai permitir que as numerosas asociacións veciñais e culturais de Sobrado poidan utilizar e encher de vida un edificio tan querido pola poboación. Esta segunda fase fará que o local, que data de 1920 segundo os datos do catastro, goce dun sistema de aireación adecuado. “A ventilación será moderna, como a dun edificio de nova construción”, apunta Morenza.
Unha vintena de asociacións de pacientes e outras organizacións saen a rúa para amosar o seu traballo
O Concello de Barbadás impulsou onte o V Paseo da Saúde, unha cita onde se congregan asociacións de pacientes, agrupacións e entidades sociais que dan conta do seu traballo diario na provincia. Nesta quinta edición sumáronse tres participantes máis (Cruz Vermella, Alcohólicos Anónimos e Solidaridad Intergeneracional), o que eleva a máis dunha vintena o número de entidades participantes xunto con Afaor, Alcer, Auria, AECC Ourense, Aodemper, Por eles TEA, Affou, Accu, Querendo, Autismo Ourense, Asociación de Celíacos de Galicia, DCA Ourense, AFEM Morea, Fundación Neuroburgas, Grupo Social ONCE, Asgacop, Garda Civil e Protección Civil de Barbadás.
A corporación municipal visitou os stands das entidades, colocados na avenida de Celanova da Valenzá, no entorno da glorieta da Familia. O alcalde, Xosé Carlos Valcárcel, aproveitou a ocasión para poñer en valor o traballo diario das asociacións, que asesoran, axudan e acompañan centenares de pacientes e familiares da provincia. “O voso labor é imprescindible, e moitas veces está invisibilizado”, apuntou.
A concelleira de Servizos Sociais, Saúde e Igualdade, Elisabet González, agasallou a cada entidade cun pequeno almorzo saudable, e agradeceulles a súa participación. “Agardamos que sexan moitos os veciños e veciñas que vos coñezan neste Paseo”, comentou a edila.
A poboación descubriu o traballo das asociacións e tivo a oportunidade de coñecer o seu estado de saúde con medicións do azucre en sangue, espirometrías e tensión arterial. Durante toda a xornada houbo obradoiros e charlas sobre distintas patoloxías, ademais dunha merenda saudable ás 18,00 horas grazas á Cova do Sabio. A unidade móbil da Axencia de Doazón de Órganos e Sangue (ADOS) tamén estivo ata última hora, posibilitando que a veciñanza doase sangue.
O Concello de Barbadás recupera a Carreira Popular A Valenzá, que conta xa con máis de 300 inscritos
“Retomámola despois de oito anos, polo que é un motivo de ledicia para toda a contorna, xa que a práctica do deporte é sempre interesante e motivadora”, apunta o alcalde, Xosé Carlos Valcárcel
A actividade conta con tres categorías adaptadas aos diferentes tramos de idades (biberón, escolar e adultos)
O Concello de Barbadás reforza o seu compromiso co exercicio físico e a vida saudable coa recuperación da Carreira Popular A Valenzá despois de oito anos. “Retomámola despois de oito anos, polo que é un motivo de ledicia para toda a contorna, xa que a práctica do deporte é sempre interesante e motivadora”, apuntou esta mañá o alcalde, Xosé Carlos Valcárcel, na presentación da cita deportiva.
A proba, que se levará a cabo este domingo 21 de setembro, enmárcase dentro das actividades organizadas polo Concello para a Semana Europea da Mobilidade. Polo de agora, xa hai máis de 300 participantes. O prazo remata ás 23,59 horas de hoxe, e a inscrición pódese formalizar a través da páxina web Sportmaniacs.
A concelleira de Deportes, Noemí Pintos, detallou as diferentes categorías, adaptadas a todas as idades. “Teremos os biberóns, menores de seis anos, os escolares, para nenos e nenas de 6 a 17 anos, e os adultos”, explicou. Cada categoría ten horario e distancia distintos. Os biberóns saen ás 10,30 horas desde a piscina municipal cun percorrido de 200 metros; os escolares, ás 10,40 horas do Paseo dos Amieiros cun percorrido de 2,4 kilómetros, e os adultos, ás 11,00 horas, con opción de 5 kilómetros ou 10 kilómetros. Os participantes recibirán agasallos especiais: os adultos, unha camiseta, e os pequenos, unha medalla. A zona de saída é o entorno da Pista Multideporte, que despois dun ano desde a súa inauguración é xa un referente da práctica de exercicio físico.
A Carreira Popular A Valenzá é a terceira carreira impulsadas este ano desde a Concellería de Deportes, xunto coa Carreira pola Igualdade e a Cavernícola Race. Diego López, técnico municipal, convidou á poboación a sumarse á cita deste domingo: “Que veñan e desfruten da oferta deportiva”.
Barbadás destina case 800.000 euros a actividades e servizos que deberían pagar outras administracións
O pleno aprobou, en sesión extraordinaria, os orzamentos para 2025, que ascenden a 9.240.734,87 euros, preto de 600.000 euros máis que en 2024
O capítulo de investimentos ronda o millón de euros, que xunto ás achegas do Estado, vía outras administracións, eleva a dous millóns a inversión municipal en 2025
O pleno do Concello de Barbadás aprobou esta mañá, en sesión extraordinaria, o orzamento para o 2025, que ascende a 9.240.734,87 euros. O orzamento medra en preto de 600.000 euros respecto ao exercicio anterior, o 2024. A aprobación lévase a cabo nestas datas, co exercicio xa avanzado, debido ao contexto de prórroga orzamentaria no ámbito estatal, xa que ata finais de xuño non foi posible coñecer con precisión a participación das entidades locais nos fondos do Estado pola falta de acordo entre os grupos parlamentarios con representación no Congreso.
En calquera caso, o orzamento municipal deste 2025 non só é maior que o de 2024, senón que tamén supón un importante paso adiante respecto aos de anos anteriores e reforza a aposta do goberno local por investir en obras (plan municipal), servizos e actividades que mesmo en algúns casos non son propias, senón que deberían estar financiadas por outras administracións. O elevado impacto das denominadas competencias impropias, que deberían estar a ser financiadas por outras administracións (nomeadamente, Xunta de Galicia e Goberno Central), alcanza preto de 800.000 euros anuais que asume o Concello de Barbadás. Neste capítulo atópanse, por exemplo, o Servizo de Axuda ao Fogar, o mantemento dos centros educativos ou mesmo as bonificacións ao transporte, nas que Barbadás é pioneiro en Galicia.
Esta elevada inversión, que tensa as arcas públicas e impide investir eses mesmos cartos en proxectos e servizos de exclusiva competencia municipal, provocou que o Concello solicitase o pasado agosto á Xunta que asumise integramente o SAF, dado que é esta administración, xunto co Goberno Central, quen teñen a obriga legal de financialo.
Neste sentido, o alcalde de Barbadás, Xosé Carlos Valcárcel, citou esta mañá o custo anual do SAF para as arcas municipais (máis de 430.000 euros) ou o do transporte (máis de 160.000 euros). “Somos o único concello con bonificacións para o transporte público, o que supón cada ano 132.000 euros, e non existe transporte metropolitano nin nada que se lle pareza porque a Xunta non quere actuar aquí”, resaltou. O concelleiro de DO, Daniel Rey, e o edil do Partido Galego, Ramón Padrón, tamén puxeron o foco na falta de financiación do Estado e da Xunta en servizos que lles corresponden. “Todos coincidimos en que o SAF é un servizo que temos que prestar, como servizo social fundamental que é, pero lastra o orzamento deste Concello, sendo un servizo de carácter autonómico”, apuntou Rey.
A contía para este 2025 supera en máis dun millón de euros o orzamento que se elaborara para o ano 2022, que fora o primeiro trala superación da pandemia e que, polo tanto, é o que se adoita tomar como referencia. Os concelleiros de DO e Partido Galego apuntaron a “infrafinanciación” das administracións locais e criticaron a falta de financiación por parte da Deputación e da Xunta, mentres que PP e BNG afearon a tardanza na aprobación dos orzamentos, causada pola falta de acordo entre os parlamentarios con representación no Congreso.
Investimentos e persoal
O capítulo de investimentos, pola súa parte, ascende aos 978.444,86 euros que, sumados ás aportacións do Estado a través doutras administracións elevan a contía total a algo máis dos dous millóns de euros. Esta partida destínase á creación de novas infraestruturas e equipamentos, así como á rehabilitación e reforma de espazos senlleiros do municipio. Entre outros investimentos, destaca o relativo ao iluminación pública a través do Instituto para a Diversificación e Aforro da Enerxía (IDAE), con máis de 360.000 euros, ou o relativo a infraestruturas e bens de uso xeral, con 221.000 euros. Pola súa parte, das aportacións estatais a través do CooperOU destaca a recuperación de edificios como a antiga escola de Sobrado, novas áreas lúdicas e deportivas como o Parque Lucinda, a ampliación do Polideportivo ou obras de saneamento e melloras en accesos viais.
No referente ao capítulo de persoal, o gasto sobre o total dos orzamentos redúcese con relación ao 2024 e tamén respecto aos anos anteriores. En comparación con 2022, a porcentaxe diminúe en case seis puntos: se nese exercicio o persoal supoñía o 48,32% do total orzamentado, en 2025 redúcese ata o 42,20%. No pleno, a concelleira do PP, Chelo Vispo, criticou o “elevado gasto de persoal”, ao que o alcalde lle recordou a diminución respecto aos anos previos. “Esta redución débese a que xa non contratamos tanto temporalmente e a que se estabilizaron emprego”, indicou.
O V Paseo da Saúde suma tres novas asociacións participantes e supera a vintena de entidades involucradas
O alcalde de Barbadás, Xosé Carlos Valcárcel, enxalza o traballo realizado polas asociacións e agradece a súa colaboración nesta quinta edición
“O Paseo contará con diferentes espazos nos que poderemos coñecer, aprender e desfrutar da presenza dos participantes”, apunta Elisabet González
O Concello de Barbadás impulsa o V Paseo da Saúde, unha cita onde se congregan asociacións de pacientes, agrupacións e entidades sociais que dan conta do seu traballo diario na provincia. Nesta quinta edición, que se levará a cabo o venres 19 de setembro, súmanse tres participantes máis (Cruz Vermella, Alcohólicos Anónimos e Solidaridad Intergeneracional), o que eleva a máis dunha vintena o número de entidades participantes.
Esta mañá, na presentación da actividade, o alcalde, Xosé Carlos Valcárcel, enxalzou o traballo levado a cabo na provincia por todas as asociacións, que axudan, acompañan e asesoran á poboación máis vulnerable. “Moitas veces sodes as grandes esquecidas e por iso o voso traballo merece ser tan visibilizado neste Paseo”, apuntou Valcárcel, quen recordou que Barbadás é o único concello ourensán con esta iniciativa anual.
Pola súa parte, a concelleira de Servizos Sociais, Saúde e Igualdade, Elisabet González, avanzou a ampla variedade de actividades que inclúe a xornada do próximo venres. A avenida de Celanova acollerá, no entorno da rotonda da Familia, os stands das agrupacións, que explicarán o seu traballo e os seus programas de atención. “As entidades nos ofrecerán información útil, obradoiros prácticos e actividades didácticas para todas as idades”, detallou a edila. O Paseo terá horario de mañá e de tarde, para que se poidan achegar maiores e pequenos. “Queremos dar visibilidade a un labor fundamental e, moitas veces esquecido. Estas asociacións traballan non só para axudar a persoas enfermas, senón tamén ás súas familias”, engadiu.
Ademais de Cruz Vermella, Alcohólicos Anónimos e Solidaridad Intergeneracional, no V Paseo estarán presentes Afaor, Alcer, Auria, AECC Ourense, Aodemper, Por eles TEA, Affou, Accu, Querendo, Autismo Ourense, Asociación de Celíacos de Galicia, DCA Ourense, AFEM Morea, Fundación Neuroburgas, Grupo Social ONCE, Asgacop, Garda Civil e Protección Civil de Barbadás.
Visibilizar as patoloxías
Na presentación estiveron presentes representantes das entidades participantes, que agradeceron a iniciativa do Concello de Barbadás e puxeron o foco na necesidade de que a sociedade non mire cara outro lado. Nesa liña, Eva Penín, veciña da Valenzá e integrante de Asgacop (Asociación Galega de Covid Persistente), recordou o impacto da recente eliminación da unidade de covid persistente na área sanitaria de Ourense, Verín e Valdeorras. “Pecharon, sen previo aviso, esa atención que recibíamos”, apuntou Penín, que asegura que “somos moitos” os veciños de Barbadás afectados por esta patoloxía. Cabe recordar que o Concello de Barbadás foi o primeiro municipio ourensano en solicitar a reapertura desta unidade, que ofrecía atención especialista e personalizada aos pacientes.
Primeiros auxilios e doazón de sangue
Protección Civil Barbadás tamén estará presente no V Paseo, onde realizará diferentes demostracións de técnicas de prevención dirixidas especialmente ao alumnado dos colexios, pero tamén á veciñanza en xeral. “A saúde tamén pasa por unha aprendizaxe dos primeiros auxilios”, resaltou Daniel Rey, concelleiro de Emerxencias.
Pola súa parte, Javier Barja, xefe de Tráfico da Comandancia da Garda Civil, deu conta da colaboración co Paseo da Saúde. Nesa liña, convidou á poboación a achegarse a Barbadás o 19 de setembro e, o 5 de outubro, a participar na II Carreira Solidaria da Garda Civil, a favor da Asociación para a Loita contra as Enfermidades Renais.
A veciñanza de Barbadás tamén poderá aproveitar o V Paseo para doar sangue, xa que a actividade contará coa presenza dunha unidade móbil da Axencia Galega de Doazón de Órganos e Sangue.
Pola tarde, as entidades participantes e o público poderán desfrutar dunha merenda saudable grazas á colaboración da Cova do Sabio.
A octava edición do Barbadás a Bocados trae novas propostas como showcookings e catas de viños
O concurso levarase a cabo o venres e sábado, pero as actividades complementarias xa comezaron onte
Marga Pérez, concelleira de Comercio, convida á poboación a sumarse “porque esta experiencia non só estimula o paladar, senón que tamén fortalece a unión entre hostalería, comercio e cidadanía”
O Concello de Barbadás impulsa, como cada mes de setembro, o concurso de pinchos Barbadás a Bocados, unha proposta que dinamiza a hostalería local e o comercio, ademais de converterse nunha cita ineludible para a poboación do municipio. Nesta oitava edición, o gobierno local apostou por ampliar a programación e incluír actividades complementarias á degustación de pinchos, que se levará a cabo o venres e o sábado.
A prestixiosa sumiller e embaixadora gastronómica Mercedes González Rodríguez guiou onte a cata de viños “Barbadás a sorbos” na tapería Taringa, que iniciou o ciclo de actividades. “Desde o Concello queremos mellorar en cada edición, e por iso este ano, como novidade, ofrecemos catas de viños, shoocokings e degustacións de xamón para todas as persoas interesadas”, detallou Xosé Carlos Valcárcel, alcalde de Barbadás, na presentación do Barbadás a Bocados. Nesta edición participan un total de 11 negocios de hostalería, desde restaurantes ata pizzerías e taperías.
Pola súa parte, a concelleira de Comercio, Marga Pérez, anima á participación da veciñanza nas actividades, que se van a desenvolver durante toda a semana. “O venres e o sábado, o concurso de pinchos comezará ás sete da tarde”, apuntou a edila, que puxo en valor o esforzo dos locais. “Detrás de cada proposta está o esforzo dos hostaleiros e hostaleiras que traballan con ilusión para facernos o mellor pincho”, resaltou. Neste sentido, convida á poboación a desfrutar do Barbadás a Bocados. “Esta experiencia non só é estimulante para o paladar, senón que tamén fortalece a unión entre hostalería, comercio e cidadanía, xa que cando apoiamos o noso, gañamos todos e todas”, asegurou Marga Pérez. A concelleira agradece o traballo dos locais participantes, así como a implicación das empresas colaboradoras e de todas as persoas que fan posible que, ano tras ano, o concurso sexa un éxito.
Actividades complementarias
A programación de actividades comezou onte coa cata de viños guiada por Mercedes González Rodríguez, e continúa hoxe cunha masterclass sobre corte e aproveitamento de xamón. A cita será ás 20,00 horas en Oren Express, e rematará cunha degustación do xamón.
Mañá mércores haberá un showcooking sobre creatividade na cociña con verduras e hortalizas de tempada. O evento comezará ás 20,00 horas na tapería A Bodeguiña. O xoves, como broche de ouro á programación, o restaurante Os Faroles acollerá unha cata de “Barbadás a sorbos” de Estrella Galicia. A cita tamén comezará ás 20,00 horas.
O Concello de Barbadás lanza unha iniciativa para potenciar a un tempo a actividade deportiva e a aprendizaxe de linguas estranxeiras
“O afán é potenciar non só o deporte, senón tamén a educación entre a nosa mocidade”, apunta Xosé Carlos Valcárcel, alcalde de Barbadás
Os preto de 400 nenos e nenas inscritas nas escolas deportivas poderán desfrutar de matrícula gratuíta e 10% de desconto na mensualidade na primeira academia colaboradora deste proxecto
O Concello de Barbadás aposta polo fomento da formación e dos hábitos saudables entre as novas xeracións. Nesa liña, o goberno local lanza unha iniciativa para potenciar a actividade deportiva e a aprendizaxe de linguas estranxeiras. Así, os preto de 400 nenos e nenas inscritos nas escolas deportivas de Barbadás desfrutarán de matrícula gratuíta e 10% de desconto na mensualidade na primeira academia colaboradora da iniciativa, Intensive Learning.
“O afán do Concello é potenciar non só o deporte, senón tamén a educación entre a nosa mocidade, queremos que os nenos e nenas das escolas deportivas potencien o coñecemento de linguas estranxeiras como o inglés”, apunta Xosé Carlos Valcárcel, alcalde de Barbadás, que convida ás familias a sumarse ao proxecto.
Lois Babarro, director de Intensive Learning, a primeira academia en sumarse a esta iniciativa, agradece a colaboración do Concello e pón en valor a proposta. “Só houbo facilidades desde o primeiro día que instalamos a empresa neste concello. Cremos que xuntar deporte e educación é moi importante”.
Xosé Carlos Valcárcel, Lois Babarro e Noemí Pintos, concelleira de Deportes, asinaron este xoves o convenio de colaboración para poñer en marcha a iniciativa que, esperan, teña boa acollida por parte das familias de Barbadás e que se suman outras academias con presenza no municipio. Neste sentido, o Concello lanza una invitación ao resto de academias de linguas estranxeiras de Barbadás para sumarse ao proxecto e formar parte desta nova fórmula educativa.
O Concello de Barbadás asume preto do 60% do custo do Servizo de Axuda no Fogar pola falta de apoio económico da Xunta e do Goberno
“Os concellos atopámonos nunha situación de desamparo para o coidado dos maiores”, apuntou Xosé Carlos Valcárcel durante o pleno ordinario deste luns
A situación do Servizo de Axuda no Fogar (SAF) concentrou gran parte da sesión plenaria do Concello de Barbadás deste luns. O goberno local, en resposta á moción do BNG relativa ao sistema público de atención á dependencia, deu conta da falta de apoio económico por parte da Xunta e do Goberno Central para cubrir a atención a maiores, o que tensa notablemente as arcas municipais. “Os concellos atopámonos nunha situación de desamparo para o coidado dos maiores”, asegurou o alcalde, Xosé Carlos Valcárcel. Cabe destacar que xa o pasado mes de agosto, o Concello de Barbadás lle pediu á Xunta que asumise o gasto do SAF para asegurar a atención das persoas dependentes do municipio.
Nesa liña, a concelleira de Servizos Sociais, Elisabet González, explicou que no 2024 Barbadás asumiu preto do 60% do custo do SAF pola falta de financiamento autonómico e estatal. “No 2024 prestáronse 14.931 horas, cun custo de case 396.000€, dos que máis da metade saíron das arcas municipais. E a Xunta? Pois segue pagando só 12 euros por hora, cando o custo real dunha hora prestada directamente polo concello está en 34,23 euros”, detallou a edila. “Así é imposible manter un sistema 100% público sen afogar economicamente aos concellos”, sinalou.
Por outra banda, en resposta á moción do PP sobre a petición de rescisión do contrato da empresa concesionaria, Osventos, Elisabet González recordou as medidas tomadas polo Concello para poñer solución aos constantes incumprimentos. Nesta liña, referiuse as sancións interpostas (a última, o mes pasado), así como o control exhaustivo da empresa e o traslado das numerosas queixas das familias. “Isto amosa que non se tratou dunha falta de seguimento por parte do Concello, senón dunha falta de responsabilidade por parte da empresa”, recalcou a concelleira, quen aproveitou a ocasión para volver a pedir disculpas ás familias afectadas.
O alcalde referiuse á situación como “inadmisible”: “As reiteradas infraccións, as continuas faltas de obediencia aos requerimentos, as innumerables queixas dos usuarios e usuarias, o prexuízo que están a causar en persoas especialmente vulnerables… Non podemos permitir que isto siga así”, reclama Valcárcel.
A concelleira deu conta do resto de accións tomadas polo goberno local: a bolsa municipal de emprego para cubrir as baixas de auxiliares, os contratos menores ofertados a empresas do sector, as horas extraordinarias xestionadas coas traballadoras directas ou as comunicacións coa Xunta de Galicia. “Trasladamos un problema real, pedimos colaboración e apoio, e a Xunta limitouse a botar balóns fóra e deixarnos sós ante a situación”, asegurou a concelleira.
A moción do BNG foi aprobada cos votos a favor de BNG, PSdeG e DO (ambos presentaron unha emenda), cos votos en contra do PP e coa abstención do Partido Galego. A moción do PP foi rexeitada cos votos a favor de tres concelleiros do PP, a abstención de dous concelleiros do PP e os votos en contra do PSdeG, DO e BNG.
Outros temas
O pleno do Concello tamén abordou outras cuestións como o servizo de recollida de lixo. O PP presentou unha moción para solicitar a instalación de cubrecolectores e a mellora do mantemento de contedores de lixo. Victoria Morenza, concelleira de Servizos Públicos e tenente alcalde, deu conta das recentes modificacións do contrato coa empresa concesionaria. “Unha das modificacións fíxose polo incremento poboacional e outro para a implantación do contedor marrón, cos conseguintes incrementos de cuantías económicas aportadas polo Concello”, apuntou Morenza. Respecto ás deficiencias en contedores, asegurou que as incidencias “son transmitidas” á empresa para que se solucionen á maior brevidade posible. Por outra banda, en resposta á petición do PP de cambiar os contedores, a tenente alcalde apuntou que o custo é inasumible nestes momentos polo Concello. “Os cubrecolectores se colocarán en función da dispoñibilidade económica e de forma paulatina”, engadiu.
A moción contou cos votos a favor do PP e do BNG e a abstención do PSdeG, DO e Partido Galego.
Unha vintena de persoas desempregadas formáronse no Obradoiro de Emprego no CET de Barbadás
O curso incluíu formación teórica e práctica de albanelaría e xardinaría
“Son necesarios traballadores e traballadoras destas disciplinas, polo que agardamos que atopedes emprego ou montedes a vosa propia empresa”, apuntou Xosé Carlos Valcárcel, alcalde de Barbadás
Unha vintena de homes e mulleres desempregados formáronse no Obradoiro de Emprego promovido polo Concello de Barbadás no Centro Empresarial Transfronteirizo (CET) durante os últimos nove meses. Esta mañá, o espazo acolleu o acto de despedida do alumnado, no que estiveron presentes tanto os participantes como o equipo docente, así como a xefa territorial de Emprego, Marta Vázquez; o alcalde de Barbadás, Xosé Carlos Valcárcel; o concelleiro de Promoción Económica, José Manuel Morgade; o alcalde de Toén, Ricardo González, e o tenente alcalde de Taboadela, Roberto Blanco.
O Obradoiro de Emprego, financiado pola Xunta de Galicia, contou con formación práctica e teórica en albanelaría e xardinaría. As 20 persoas participantes puideron especializarse nunha área e realizar traballos na contorna, como a rehabilitación de varios lavadoiros en Sobrado do Bispo, o desbroce de numerosas estradas ou a mellora de espazos verdes. “Moitas grazas polo voso traballo espléndido, hai persoas que se esforzaron moito e estamos moi agradecidos desta resposta”, sinalou Xosé Carlos Valcárcel durante o acto de despedida. O alcalde animou ao alumnado a buscar traballo, e recordou a demanda existente de emprego: “Son necesarios traballadores e traballadoras destas disciplinas, polo que agardamos que atopedes emprego ou montedes a vosa propia empresa”.
Marta Vázquez, Ricardo González e Roberto Blanco coincidiron en resaltar o esforzo dos participantes e desexáronlles moita sorte á hora de buscar traballo e aproveitar a formación recibida.
Xosé Carlos Valcárcel agradeceu tamén o traballo do concelleiro de Promoción Económica, José Manuel Morgade, por lograr traer ao CET obradoiros deste tipo, así como a colaboración coa Xunta de Galicia. “Queremos que siga habendo obradoiros no noso concello, e é preciso remarcar o esforzo que se fai para que veñan e para xestionalos”, engadiu.
Barbadás forma á rapazada no uso seguro das novas tecnoloxías
O espazo infantil do Concello de Barbadás acolle desde hoxe e ata o venres o campamento dixital da Fundación Cibervoluntarios, unha iniciativa do Ministerio de Xuventude e Infancia para formar e sensibilizar á xuventude no uso seguro das novas tecnoloxías. O subdelegado do Goberno, Eladio Santos, visitou a inauguración da actividade en compañía do alcalde, Xosé Carlos Valcárcel; a tenente alcalde, Victoria Morenza, e a concelleira de Mocidade, Noemí Pintos.
O campamento, dirixido a rapaces e rapazas de 9 a 17 anos, está deseñado para achegar ferramentas que faciliten a navegación segura no entorno dixital. “Consideramos que é esencial formar á nosa mocidade nas habilidades e ferramentas dixitais para atopar contidos de valor, navegar de xeito seguro e mesmo atopar oportunidades laborais”, explicou Xosé Carlos Valcárcel, quen recordou que son idades “clave” para aprender a utilizar as novas tecnoloxías. Nesa liña, Eladio Santos reflexionou sobre os riscos de internet: “É esencial dotar ás e aos máis novos de coñecementos para previr perigos nas redes sociais, identificar noticias falsas e frear calquera forma de discurso de odio na rede”.
“La vulnerabilidad es la llave para entender mi poemario”
Conocemos a Alexandra Morán, vecina de Barbadás y autora del poemario “Bálsamo emocional”. La joven, de 23 años, nos acerca a su obra poética y a su mundo creativo.
¿Cómo surge “Bálsamo emocional”? ¿Es tu primer poemario?
Surge de la necesidad de dejar huella, de llevar al exterior algo que siempre ha sido mío. Como una forma de demostrar que yo también estoy aquí, que también soy capaz de llevar mi creatividad y mis emociones a un lugar donde tengan voz. Darle validez también a sensaciones y pensamientos no tan agradables y mezclarlos con aquello que creemos que es lo ‘esperado’, obteniendo como resultado la sensación agridulce que es la vida. Llevo 3 años viviendo en Coruña, y una de mis compañeras de piso y mejores amigas, Sara Luna, fueron una de mis mayores inspiraciones para este libro. Nunca había convivido con una persona tan creativa como ella, es como si en su cabeza guardase la respuesta a todo; me hizo ver que yo también valgo, y también puedo llevar aquello que murmulla en mi cabeza hacia afuera de forma creativa.
Sí, es mi primer poemario en el sentido de prepararlo y publicarlo. Siempre me ha gustado escribir de forma privada, aunque nunca antes había pensado en publicar nada de ello.
¿Cuáles son las historias, emociones, ideas que cuentas en el libro?
La vulnerabilidad es la llave para entender mi poemario. No hay una sola historia lineal en el libro, simplemente recuerdos de emociones y sensaciones que se entrelazan con la necesidad de reconstruirse. Quería reflejar la contradicción entre lo que duele y lo que, a su vez, sana, todo muy visual y sensorial: las caricias, la ausencia, la espera, la rabia y la entrega.
¿Crees que la poesía permite expresar emociones y sentimientos que la narrativa no puede?
Si, totalmente. En mi opinión la poesía es mas visceral. No necesita justificación ni argumentación: puede ser fragmentaria, ambigua y contradictoria y aun así podrá transmitir sensaciones muy profundas. La narrativa necesita de esa lógica que la poesía no, porque esta nace de la emoción pura. Es por ello que escogí la poesía para expresar mis sentimientos, necesitaba esa libertad emocional.
¿Cuántas horas de trabajo hay detrás del poemario? ¿Releíste y revisaste muchas veces o te dejaste llevar por la intuición?
En lo que respecta a la creación del poemario tal vez una semana. Como mencioné anteriormente, llevo escribiendo desde hace muchos años, y Bálsamo Emocional es una recopilación de esas pequeñas obras que fui creando a lo largo de mi vida.
Para mi fue esencial la opinión externa, qué sensaciones evocaban mis poemas. Una vez estaban escritos ya estaban completos, porque para mi ya eran “algo”. Pero la verdadera revisión llegaba cuando personas de mi entorno los leía. Esa mirada externa me ayudaba a ver mas allá de lo que ya había creado.
¿Los lectores se pueden sentir identificados?
Creo que sí, porque a pesar de que hablo de vivencias personales, siento que las emociones que descansan entre los versos son experiencias universales: el abandono, la ansiedad, el deseo, la culpa, la necesidad de ser entendida. Quiero pensar que muchas mujeres pueden sentirse representadas, sobre todo con la parte de cargar con un peso emocional propio y ajeno.
¿Piensas ya en la posibilidad de escribir otro libro?
Me encantaría, aunque es una posibilidad que considero a largo plazo. Para mí escribir es algo esporádico, cuando me lo pide el cuerpo. Soy incapaz de forzarlo.
¿Cuándo descubriste la poesía? ¿Fue amor a primera vista?
Fue una vía de escape. Una opción, un nuevo camino. Darle voz a emociones tan profundas y arraigadas era una posibilidad que no veía tan clara en aquellos momentos.
¿Escribes todos los días?
Trato de llevar la escritura conmigo siempre que puedo, no trato de que sea perfecta, pero sí que se sienta mía.
¿Cómo compaginas la escritura con el día a día con los estudios?
Depende de para qué la necesite. En ocasiones es una prioridad, ya que me ayuda a desatar dudas y a resolver problemas internos. En otros momentos es un “hobby”, para calmar la mente y enriquecerla.
¿Quiénes son tus referentes en la poesía?
Esto es algo que incluso menciono en mi libro. Alejandra Pizarnik y Idea Vilariño. De Alejandra Pizarnik me mueve su forma de nombrar el dolor con tanta crudeza y belleza, sin miedo. De Vilariño admiro si forma tan directa de hablar sobre el amor, sin ornamentos innecesarios.
¿Crees que la gente no se acerca a la poesía por prejuicio?
Desde luego que sí. Creo que hay una idea muy generalizada sobre cómo la poesía es un genero para intelectuales, que hay una forma “correcta” de entenderla, y para mí es todo lo contrario. Mi poesía es mía hasta que la leo en un papel, desde ese momento entonces es de quién la lea; si mi poema sobre el dolor y el abandono se siente tuyo entonces ES tuyo, lo interprete como lo interprete aquel que lo lea. Creo que se fuerza un entendimiento lógico de algo movido por la emoción y eso lleva a la frustración. La poesía se siente y luego se entiende. Es el cuerpo el que capta el poema antes que la mente, porque lo que lees te atraviesa emocionalmente, y es desde esa emoción que comienzas a comprenderlo.
Un poemario al que siempre vuelvas.
“Diarios” de Alejandra Pizarnik. Siempre. También “Aconsejo beber hilo” de Gloria Fuertes.
O Concello de Barbadás busca aos responsables dos desperfectos e danos na pista multideporte da Valenzá
“Non é a primeira vez que hai actos vandálicos nestas instalacións”, lamenta Xosé Carlos Valcárcel, alcalde de Barbadás
Os vándalos racharon unha das redes e envorcaron unha das canastas do recinto
O Concello de Barbadás busca aos responsables dos desperfectos e danos ocasionados na pista multideporte da Valenzá esta semana. Os vándalos racharon unha das redes e envorcaron unha canasta das instalacións, inauguradas no outono de 2024. “Non é a primeira vez que hai actos vandálicos neste espazo”, lamenta Xosé Carlos Valcárcel, alcalde de Barbadás. O goberno local puxo en coñecemento da situación á Policía Local e a Garda Civil, que actualmente investiga os feitos. Os culpables deberán pagar os danos causados e enfrontaranse á correspondente sanción económica.
A limitación de horarios dos espazos deportivos ao aire libre responde tamén á necesidade de poñer fin a este tipo de actos vandálicos que se producen durante a madrugada. O bando municipal publicado esta mesma semana establece como horario de uso das 9,00 ás 23,00 horas co obxectivo de evitar desperfectos, pero tamén ruídos, despois das numerosas queixas recibidas pola veciñanza da contorna. A poboación quéixase de ruídos, música e coches que aparcan e circulan nas zonas anexas á pista multideporte.
Cabe destacar que numerosas familias e mozos e mozas fan uso da pista de fútbol sala e da pista de baloncesto durante as xornadas estivais. “Desde o Concello apostamos por este tipo de espazos porque favorecen os hábitos de vida saudables, pero temos que velar pola boa convivencia cidadá e polo uso adecuado da pista”, resalta o alcalde.
O Concello de Barbadás enxalza a solidariedade da veciñanza: a taxa de doazón de sangue do municipio supera a media galega
O alcalde, Xosé Carlos Valcárcel, pón en valor a elevada colaboración veciñal durante todo o ano, incluído o verán, no que habitualmente a participación descende
A taxa de doazón en Barbadás é a novena máis alta de Ourense
A unidade móbil de ADOS fará parada na Valenzá o martes 2 de setembro
O Concello de Barbadás pón en valor a solidariedade da poboación, que cada ano convirte Barbadás nun dos municipios con maior taxa de doazóns de sangue de toda a provincia. As aportacións das veciñas e veciños logran que, actualmente, Barbadás goce dunha taxa de doazóns superior á galega, con 40 doazóns por cada 1.000 habitantes.
O alcalde, Xosé Carlos Valcárcel, agradece a elevada participación cidadá, durante todo o ano, incluído o verán, no que as aportacións descenden. Nesa liña, recorda que os hospitais galegos seguen precisando doazóns nas vacacións estivais para tratar as enfermidades dos pacientes. “Quero poñer en valor a solidariedade da nosa veciñanza, que fai posible que sexamos o noveno concello con maior taxa de toda a provincia de Ourense e que a nosa taxa de doazón estea dentro da recomendación da OMS”, apunta.
Valcárcel anima á poboación a sumarse á campaña de concienciación actual de ADOS, “Non esquezas doar antes de veranear”. A unidade móbil estará na Valenzá o martes 2 de setembro no número 72 da avenida de Celanova, na Valenzá. O horario incluirá a mañá (de 9,30 a 14,30 horas) e a tarde (15,30 a 21,00 horas).
O Concello de Barbadás inviste 82.000 euros na rehabilitación da pista entre Santa Uxía e Reza
O Concello de Barbadás vén de adxudicar por 82.003,72 euros a obra de rehabilitación de firme da pista que une o núcleo de Santa Uxía con Reza. A intervención, que consiste no acondicionamento e mellora da estrada, será levada a cabo pola empresa Obras e Saneamientos Galicia.
A actuación inclúe desbroce e retirada de vexetación e material solto nas marxes do camiño, limpeza do pavimento existente, ensanche dun primeiro tramo de 50 metros, colocación dunha canalización de drenaxe de augas pluviais, ampliación da plataforma da pista, rexeneración do firme existente e pintado de marcas viarias, entre outras melloras. A superficie aproximada conxunta da intervención é de 6.097 m².
O Concello de Barbadás reforza con esta obra a súa aposta por dotar aos núcleos do municipio do equipamento mínimo de infraestructuras, logrando así o aumento da calidade de vida dos seus habitantes e a mellora das condicións medioambientais destes núcleos. “Queremos atender as necesidades de todos os núcleos. Neste caso, Santa Uxía é un dos de menor poboación de todo o concello, e queremos apostar pola recuperación do rural fomentando a mobilidade”, apunta Xosé Carlos Valcárcel, alcalde de Barbadás.
O rexedor pon en valor a localización da aldea, que goza de vistas panorámicas sobre o río Miño, “o que debería favorecer, xunto con esta actuación, a implantación de nova poboación”.
O circo de La Finestra Nou Circ chega a Barbadás con “Tranvía nº12”
Xoves, 21 de agosto, ás 21:00 h, no Parque dos Patos
Un dos pratos fortes do Programa de Verán do Concello de Barbadás chega esta semana. O xoves 21 de agosto, ás 21:00 horas, a compañía valenciana La Finestra Nou Circ presentará no Parque dos Patos (A Valenzá) o espectáculo “Tranvía nº12”.
La Finestra Nou Circ, creada no 2012, é unha compañía de circo que aposta por producir e difundir espectáculos multidisciplinares accesibles a todo tipo de públicos. As súas propostas combinan malabares, acrobacias, aéreos, equilibrios e clown con música, danza e teatro, creando experiencias únicas.
Sinopse: cinco personaxes diferentes coinciden nunha peculiar parada dun antigo tranvía. Están nerviosos, desprazados, coa maleta preparada… agardan. Queren marchar, viaxar, descubrir que lles depara o destino. Pero sempre hai un motivo para quedar. Esa emoción colectiva provoca unha inesperada forma de relacionarse e compartir. O humor, o talento, a creatividade e o circo mestúranse para dar vida a unha obra que invita a rir e a reflexionar.
📅 Xoves, 21 de agosto ⏰ 21:00 horas 📍 Parque dos Patos (A Valenzá) 📌 Organiza: Concellería de Cultura de Barbadás
O Concello de Barbadás adxudica por máis de 75.000 euros a mellora do firme da pista entre Parada e San Bieito
O Concello de Barbadás vén de adxudicar por 75.340,65 euros a rehabilitación do firme da pista que une os núcleos de Parada e San Bieito. A empresa Excavaciones P. Prol será a encargada de realizar a intervención, que comezará no mes de setembro.
A actuación inclúe a limpeza e reapertura de cuneta, rozado e limpeza dos bordos laterais do camiño, construción de bocas de pozo, demolición do pavimento asfáltico en cruces de estrada, escarificación do firme existente para regular a superficie, bacheo de zonas puntuais, reforzo do firme do camiño e colocación de sinais verticais, entre outras melloras.
Esta obra dá conta do empeño do Concello de Barbadás por dotar aos núcleos do municipio do equipamento mínimo de infraestruturas. “Queremos actuar sobre o entorno rural, non só sobre os grandes núcleos”, resalta o alcalde, Xosé Carlos Valcárcel. O vial é sumamente frecuentado, sobre todo en certas épocas do ano, polo que a intervención facilitará a mobilidade de veciños e visitantes. “Nesta zona está ubicado un dos lugares máis senlleiros de Barbadás como é o Santuario do San Bieito de Cova do Lobo”, recorda Valcárcel.
O Concello de Barbadás adxudica por preto de 93.000 euros a rehabilitación da estrada que une Barxa con Vistahermosa
O Concello de Barbadás vén de adxudicar por 92.908,64 euros a obra de rehabilitación de firme da estrada que une o núcleo de Barxa, en Piñor, co barrio de Vistahermosa, en Ourense. A intervención será realizada pola empresa Extraco e arrancará durante o mes de setembro, cun prazo de execución dun mes.
Actualmente, a estrada presenta un firme totalmente esgotado e numerosas irregularidades que cómpre corrixir, tal e como sinala Victoria Morenza, tenente alcalde e concelleira de Vías e Obras. O alcalde, Xosé Carlos Valcárcel, destaca a rehabilitación como “prioritaria”, dado o elevado tráfico deste vial. “Esta vía serve como acceso a Ourense desde unha das parroquias máis grandes de Barbadás, e precisamente serve para desafogar outros viais de acceso á capital, diversificando así a mobilidade”, apunta.
O tramo a rehabilitar comeza nas inmediacións da igrexa de San Lourenzo de Piñor e ten unha lonxitude de 1.140 metros, ata o límite do concello de Ourense. O ancho medio é de 5,50 metros, con algunhas zonas que presentan sobreanchos.
A intervención incluirá a limpieza de cuneta, fresado da superficie existente, rega de adherencia, pintado das marcas viarias ou levantamento de dous reductores de velocidade de 3 metros, entre outras melloras.
O Concello de Barbadás remata a instalación dunha estación de bombeo en Piñor para evitar o uso de fosas sépticas
O Concello de Barbadás vén de rematar a instalación dunha estación de bombeo na rúa Travesía de Piñor co obxectivo de evitar o uso de fosas sépticas e adaptarse aos requisitos medioambientais. “Este tipo de intervencións xa se levaron a cabo noutros lugares como Sobrado, na zona do Outeiriño, e se seguirán facendo”, explica Victoria Morenza, tenente alcalde e concelleira de Servizos Públicos.
Morenza dá conta do importante avance que supón a estación de bombeo para a depuración de augas en Piñor, xa que era “un dos poucos lugares que quedaban sen saneamento”.
Pola súa parte, o alcalde, Xosé Carlos Valcárcel, tamén destaca os beneficios desta intervención: “É un avance medioambiental que tamén levaremos a cabo noutros lugares do municipio en base ao cumplimento da lexislación e á optimización dos recursos medioambientais”.
A instalación da estación de bombeo foi unha das obras incluídas polo Concello de Barbadás no Plan Provincial.
O Concello de Barbadás sancionou con preto de 30.000 euros á empresa adxudicataria do SAF e reclámalle á Xunta que se encargue da xestión do servizo
O goberno local vén de concluír o segundo expediente sancionador á Osventos polos sucesivos incumprimentos no contrato e o importante detrimento da atención
O Concello de Barbadás vén de concluír o segundo expediente sancionador á empresa adxudicataria do Servizo de Atención no Fogar (SAF), Osventos, polos sucesivos incumprimentos do contrato e o importante detrimento da atención aos usuarios e usuarias. Meses despois da primeira sanción, de máis de 17.000 euros, o goberno local multa con 11.268 euros á concesionaria, que actualmente non está a cubrir nin as baixas nin as vacacións da plantilla, o que impide atender nas condicións adecuadas ás persoas vulnerables.
O primeiro expediente, de máis de 17.000 euros, correspóndese co período de execución do anterior contrato (a empresa tamén xestionou o SAF no período 2021-2024). Nese tempo, o Concello tamén enviou múltiples requerimentos á empresa para adecuarse as condicións estipuladas no contrato, sen que fosen acatados.
O alcalde de Barbadás, Xosé Carlos Valcárcel, asegura que a situación é “inadmisible” e por iso lle solicita á Xunta que se encargue da xestión do Servizo de Atención no Fogar. Nesta liña, o rexedor enviou este xoves unha carta a Política Social para solicitarlle a súa intervención en Barbadás e que asuma integramente o SAF. Valcárcel dá conta ante a Xunta das “reiteradas infraccións da empresa adxudicataria, as continuas faltas de obediencia aos requerimientos do Concello, as innumerables queixas dos usuarios e usuarias e o prexuízo que está a causar a empresa en persoas vulnerables”.
Neste sentido, o alcalde lamenta as sucesivas infraccións da empresa que realiza o servizo, Osventos, así como a falta de obediencia aos requerimentos do Concello, e pide desculpas á poboación afectada en nome da empresa, que está obrigada a cumprir as condicións estipuladas no contrato.
Esta mesma semana, o Concello de Arteixo tamén lle reclamou á Xunta que asuma a xestión do SAF despois das sucesivas infraccións por parte de Osventos, a mesma empresa.
Xosé Carlos Valcárcel lembra que a lei obriga á administración autonómica e á estatal a financiación do 100% da atención a domicilio, algo que non se cumpre en Barbadás (o Concello financia o 58,7% do SAF na actualidade). De feito, no ano 2024, o Concello de Barbadás investiu preto de 450.000 euros no SAF, cando Xunta e Goberno deberían cubrir integramente o custe do servizo. “Chegamos a esta situación polo incumprimento flagrante por parte da Xunta e do Ministerio de Dereitos Sociais, Consumo e Axenda 2030 da normativa, o que imposibilita a este Concello a prestación adecuada do servizo”, recalca.
O Concello de Barbadás solicítalle á Xunta que asuma a xestión íntegra do Servizo de Axuda no Fogar ante os sucesivos incumprimentos da empresa adxudicataria
O goberno local remitiulle unha carta á Política Social este xoves para requerir a súa intervención tras o importante detrimento do servizo prestado por Osventos
Xosé Carlos Valcárcel, alcalde de Barbadás, lembra a obrigatoriedade de Xunta e Goberno Central de financiar o 100% do custe
Concellos como Arteixo, onde a atención a domicilio tamén está adxudicado a Osventos, tamén solicitan á xestión da Xunta
O Concello de Barbadás solicítalle á Xunta que asuma a xestión íntegra do Servizo de Axuda no Fogar (SAF) ante os sucesivos incumprimentos da empresa adxudicataria, Osventos, que derivaron nun importante detrimento da atención ás persoas vulnerables do municipio.
O alcalde de Barbadás, Xosé Carlos Valcárcel, enviou este xoves unha carta á Consellería de Política Social para expoñerlle a difícil situación do servizo tras os sucesivos incumprimentos de contrato por parte de Osventos e a falta de resposta ante os requerimentos do goberno municipal. “Queremos dar un bo servizo aos usuarios e usuarias, e agora mesmo, non é posible”, asegura o alcalde.
“As reiteradas infraccións, as continuas faltas de obediencia aos requerimentos, as innumerables queixas dos usuarios e usuarias, o prexuízo que están a causar en persoas especialmente vulnerables… Non podemos permitir que isto siga así”, reclama Valcárcel. Actualmente, a empresa non está cubrindo as baixas médicas e as vacacións do seu persoal, o que impide atender en condicións adecuadas aos usuarios e deteriora de forma notable a atención. A mala praxis de Osventos xa provocou a apertura dun expediente sancionador hai meses de máis de 17.000 euros por parte do Concello de Barbadás correspondente coa execución do anterior contrato (a empresa tamén xestionou o SAF no período 2021-2024), ademais de múltiples requerimentos para adecuarse as condicións estipuladas no contrato.
O alcalde lembra que a lei obriga á administración autonómica e á estatal a financiación do 100% da atención a domicilio, algo que non se cumpre en Barbadás (o Concello financia o 58,7% do SAF na actualidade). “Chegamos a esta situación polo incumprimento flagrante por parte da Xunta e do Ministerio de Dereitos Sociais, Consumo e Axenda 2030 da normativa, o que imposibilita a este Concello a prestación adecuada do servizo”, recalca.
Así, Barbadás únese á petición de concellos galegos como Arteixo, quen tamén reclamou á Xunta esta mesma semana á xestión íntegra do SAF despois dos incumprimentos reiterados no contrato do servizo por parte da mesma empresas, Osventos.
O Concello de Barbadás urxe a Telefónica a retirar “inmediatamente” un poste caído hai xa dous meses
A primeira comunicación foi o 16 de xuño e a compañía respondeu que incidencia xa fora trasladada á central, pero a situación é hoxe a mesma
Desde entón, o goberno local púxose en contacto en reiteradas ocasións coa compañía, que segue alegando que a incidencia “está trasladada”
A veciñanza tamén alertou ao 112 da situación de perigo, que deu conta das queixas a Telefónica
O goberno local non descarta iniciar algún outro tipo de acción si non se produce unha resposta inmediata, pois existe un perigo real para os peóns
O Concello de Barbadás solicitou xa o pasado 16 de xuño a reparación inmediata do poste da rúa Escaleiras, na Valenzá, á dirección xeral de Galicia da compañía Telefónica. O poste vencera e supuña un perigo para viandantes e vehículos. A compañía respondeu tres días despois, o 19 de xuño, informando de que a petición xa fora trasladada aos operarios de zona. Hoxe, 2 meses despois, o poste ainda non foi reparado nin substituído, de feito, seguiu vencendo desde entón ata estar agora apoiado na fachada dun dos edificios da rúa, supoñendo cada vez un perigo maior.
O alcalde, Xosé Carlos Valcárcel, púxose este mércores en contacto coa central de Telefónica en Galicia de novo, ante a situación de risco e a falta de solución. Desde a compañía asegurouse que a solicitude será atendida coa “maior prioridade posible” debido ao perigo para peóns e vehículos. “Lamentamos a desatención por parte de Telefónica en relación a esta situación tan perigosa que pode afectar a persoas e bens”, sinala o alcalde. Nesta liña, asegura que este tipo de situacións son comúns con todas as “grandes empresas” que sistematicamente desatenden aos concellos ao non facilitar un contacto directo para informar de incidencias. “No seu momento, o Concello de Barbadás xa aprobou unha moción solicitando un contacto directo das empresas”, explica Valcárcel.
Cabe destacar que a rúa Escaleiras é unha zona de paso frecuente de viandantes que soben desde a zona do río ao núcleo da Valenzá, e tamén é un punto de aparcamento de numerosos vehículos. Desde xuño, o goberno local púxose en contacto en reiteradas ocasións coa compañía Telefónica, que segue alegando que a incidencia “está trasladada”. Ante a situación, o Concello acordoou o poste, pero ao tratarse dunha instalación de Telefónica, é a empresa quen está na obriga de reparala ou substituíla.
Por outra parte, numerosos veciños deron conta da situación de risco de caída ao 112, quen deu conta das queixas e da situación a Telefónica, que segue sen resolver a incidencia.
É por elo que o goberno local urxe por última vez a Telefónica a que enmende coa maior celeridade posible este problema, pois do contrario emprenderá outro tipo de acción.
A actividade é gratuíta e levarase a cabo o domingo 7 de setembro
O concello de Barbadás é un dos municipios ourensáns que forman parte do ciclo Coñece e Saborea Ourense, unha proposta para descubrir a riqueza paisaxística e gastronómica da provincia.
A cita de Barbadás levarase a cabo o domingo 7 de setembro, e permitirá coñecer espazos senlleiros do municipio, ademais de degustar os produtos tradicionais.
A actividade é gratuíta e a inscrición pódese realizar a través de surbia.es.
O Concello de Barbadás apela á responsabilidade e civismo dos propietarios de animais domésticos para manter limpos os espazos públicos
“Hai moito malestar: ten habido numerosas queixas e recollidas de firmas por parte da veciñanza pola falta de concienciación dalgúns propietarios”, explica Victoria Morenza, tenente alcalde e concelleira de Parques e Xardíns
O goberno local lanza unha campaña de concienciación para recordar as normas básicas da convivencia e as sancións, que poden chegar aos 500 euros
O Concello de Barbadás lanza unha campaña de concienciación dirixida aos propietarios de animais domésticos despois das numerosas queixas da veciñanza polo estado de beirarrúas e soportais do núcleo da Valenzá. Baixo o lema “Coida dos teus animais e da túa contorna”, o goberno local recorda a normas básicas de convivencia (recollidas na ordenanza municipal, pero tamén na normativa autonómica e estatal), que inclúen a obrigatoriedade de recoller os excrementos no espazo público e de botar auga por riba dos ouriños.
“Esta campaña realízase porque hai zonas comúns que están sendo ensuciadas por persoas que non cumpren coa normativa. Hai moito malestar: ten habido numerosas queixas e recollidas de firmas por parte da veciñanza pola falta de concienciación dalgúns propietarios”, explica Victoria Morenza, tenente alcalde e concelleira de Parques e Xardíns.
O último tramo da avenida de Celanova, antes de chegar ao Concello de Ourense, os soportais dos edificios e as zonas tapadas son os puntos máis conflitivos. “É importante recordar que existen unhas normas a cumprir ao ter unha mascota”, sinala Morenza. O incumprimento das mesmas conleva sancións de tipo económico, que oscilan entre os 100 e os 500 euros.
A campaña de concienciación levarase a cabo a través das redes sociais e coa colocación de carteis no espazo público. Victoria Morenza recorda que a responsabilidade do Concello é a vixilancia das rúas, polo que se intensificará nas próximas semanas. “Pero tamén apelamos ao civismo da poboación”, engade.
O Concello de Barbadás finaliza a primeira gran actuación do proxecto de rehabilitación do local social de Sobrado do Bispo
O goberno local investiu 151.957 euros na fase inicial da intervención, que incluíu a reforma integral da fachada e dos sistemas de fontanería e iluminación, así como a mellora da accesibilidade
“Esta actuación está enmarcada no afán do Concello por recuperar edificios emblemáticos para destinalos a un fin social, educativo e cultural”, explica Xosé Carlos Valcárcel, alcalde de Barbadás
O segundo paso do proxecto consiste na instalación dunha soleira ventilada que protexa o inmoble da humidade e na colocación dun chan de madeira
O Concello de Barbadás vén de rematar a primeira gran actuación do proxecto de rehabilitación do local social de Sobrado do Bispo, situado na rúa da Granxa. A intervención, orzamentada en 151.957 euros, completarase coa instalación dunha soleira ventilada e dun chan de madeira.
“O local foi a antiga escola de Sobrado, polo que é un edificio emblemático para a localidade. Este proxecto, por tanto, enmárcase no afán do Concello por recuperar edificios emblemáticos para destinalos a un fin social, educativo e cultural”, explica Xosé Carlos Valcárcel, alcalde de Barbadás. A tenente alcalde e concelleira de Obras, Victoria Morenza, destaca a importancia desta rehabilitación que converte “un edificio case residual nun local coas condicións óptimas para ser empregado en diferentes actividades”.
A fase inicial da actuación incluíu a renovación da cuberta, a substitución parcial da estrutura soporte, o cambio das carpinterías, cámaras e illamento das fachadas e a modernización das instalacións de fontanaría, saneamento, electricidade, iluminación e ventilación. “O edificio está perfectamente insonorizado e iluminado, construíronse baños óptimos, permítese a entrada pola parte traseira…”, desgrana Morenza.
A intervención permitiu a mellora da accesibilidade do edificio, que data de 1920. Así, modificouse o acceso na fachada nordeste, construíuse unha nova escaleira e creouse un espazo de descanso como antesala do edificio para protexer aos usuarios do centro do tráfico rodado. Ademais, a fachada recuperou o seu aspecto orixinal cos encintados tipo rústicos.
O centro convertirase nun punto de encontro dos veciños e veciñas de Sobrado, onde non só acudir para socializar ou ler prensa, senón tamén para realizar actividades de diversa índole (desde promoción da vida activa ate alfabetización informática). “O local vai ser utilizado tamén por agrupacións como a Coral Voces e Cordes, emblemática en Sobrado, que o ano que vén celebra o seu 40 aniversario”, apunta o alcalde.
A actuación completarase coa instalación dunha soleira ventilada, que protexerá o edificio da humidade, e coa colocación dun chan de madeira.
El Concello de Barbadás finaliza la primera gran actuación del proyecto de rehabilitación del local social de Sobrado do Bispo
El gobierno local invirtió 151.957 euros en la fase inicial de la intervención, que incluyó la reforma integral de la fachada y de los sistemas de fontanería e iluminación, así como la mejora de la accesibilidad
“Esta actuación está enmarcada en el afán del Concello por recuperar edificios emblemáticos para destinarlos la un fin social, educativo y cultural”, explica Xosé Carlos Valcárcel, alcalde de Barbadás
El segundo paso del proyecto consiste en la instalación de una solera ventilada que proteja el inmueble de la humedad y en la colocación de un suelo de madera
El Concello de Barbadás viene de finalizar la primera gran actuación del proyecto de rehabilitación del local social de Sobrado do Obispo, situado en la calle de A Granxa. La intervención, presupuestada en 151.957 euros, se completará con la instalación de una solera ventilada y de un suelo de madera.
“El local fue la antigua escuela de Sobrado, por lo que es un edificio emblemático para la localidad. Este proyecto, por tanto, se enmarca en el afán del Concello por recuperar edificios emblemáticos para destinarlos la un fin social, educativo y cultural”, explica Xosé Carlos Valcárcel, alcalde de Barbadás. La teniente alcalde y concejala de Obras, Victoria Morenza, destaca la importancia de esta rehabilitación que convierte “un edificio casi residual en un local con las condiciones óptimas para ser empleado en diferentes actividades”.
La fase inicial de la actuación incluyó la renovación de la cubierta, el relevo parcial de la estructura soporte, el cambio de las carpinterías, cámaras y aislamiento de las fachadas y la modernización de las instalaciones de fontanería, saneamiento, electricidad, iluminación y ventilación. “El edificio está perfectamente insonorizado e iluminado, se construyeron baños óptimos, se permite la entrada por la parte trasera…”, desgrana Morenza.
La intervención permitió la mejora de la accesibilidad del edificio, que data de 1920. Así, se modificó el acceso en la fachada nordeste, se construyó una nueva escalera y se creó un espacio de descanso como antesala del edificio para proteger a los usuarios del centro del tráfico rodado. Además, la fachada recuperó su aspecto original con los encintados tipo rústicos.
El centro se convertirá en un punto de encuentro de los vecinos y vecinas de Sobrado, donde no solo acudir para socializar o leer prensa, sino también para realizar actividades de diversa índole (desde promoción de la vida activa ate alfabetización informática). “El local va a ser utilizado también por agrupaciones como la Coral Voces y Cordes, emblemática en Sobrado, que el año que viene celebra su 40 aniversario”, apunta el alcalde.
La actuación se completará con la instalación de una solera ventilada, que protegerá el edificio de la humedad, y con la colocación de un suelo de madera.
O Concello de Barbadás reforza a accesibilidade e seguridade viaria da avenida de Celanova coa instalación de novas luminarias en seis pasos de peóns
O goberno local investiu 20.000 euros na instalación de 12 luces led modernas
“O obxectivo é incrementar a visibilidade, a seguridade viaria e a mobilidade da poboación en cruces moi transitados”, explica Victoria Morenza, tenente alcalde e concelleira de Servizos Públicos
O Concello de Barbadás reforza a seguridade viaria e a mobilidade da avenida de Celanova, a arteria principal da Valenzá, coa instalación de novas luminarias en seis pasos de peóns moi transitados. A tenente alcalde e concelleira de Servizos Públicos, Victoria Morenza, destaca a importancia desta actuación, valorada en 20.000 euros, que mellora non só a visibilidade dos condutores, senón tamén a dos peóns. “O obxectivo é incrementar a seguridade viaria, a visibilidade, fundamentalmente pola noite, e a mobilidade da poboación en zonas de cruce de moitas persoas”, apunta Morenza.
A intervención incluíu a instalación de dúas luminarias led modernas, unha en cada sentido da marcha, en seis pasos de peóns da avenida (no número 1, á altura do número 52, no número 60, no 80, 93 e 116). Estes cruces son dos máis transitados da Valenzá pola proximidade a comercios, hipermercados, servizos municipais, parques e farmacias. “Hai pasos nos que ten habido incidentes viarios por falta de visibilidade, por iso é tan importante incrementar a iluminación”, sinala a tenente alcalde.
O tipo de aparello instalado varía segundo o espazo e a contorna; así, en varios puntos colocáronse luces máis altas, que tamén iluminan a entrada a parques ou zonas de escaleiras, mentres que noutros cruces puxéronse luminarias máis baixas e dirixidas.
O Concello de Barbadás convoca as axudas para persoas con celiaquía ou intolerancia á lactosa, únicas en toda Galicia
Cada solicitante percibirá un máximo de 400 euros para mitigar os elevados prezos dos alimentos sen glute e sen lactosa
“Pretendemos seguir axudando ás familias, xa que o prezo destes produtos preocupa, sobre todo nun momento no que o custe da cesta da compra está disparado”, sinala Elisabet González Nistal, concelleira de Servizos Sociais
O Concello de Barbadás convoca as axudas económicas para persoas celíacas ou con intolerancia á lactosa, sendo o único concello de toda Galicia en contar con este tipo de subvencións. O goberno local puxo en marcha esta liña de axudas hai máis de 10 anos co obxectivo de mitigar o elevado custe que aínda teñen os alimentos sen glute e sen lactosa.
“Pretendemos seguir axudando ás familias, xa que o prezo destes produtos preocupa, sobre todo nun momento no que o custe da cesta da compra está disparado”, sinala Elisabet González Nistal, concelleira de Servizos Sociais. As persoas con intolerancias deste tipo vense obrigadas a asumir un sobrecuste na alimentación que pode chegar aos 500 euros anuais. “Vense na obriga de gardar unha dieta porque, de non facelo, a súa saúde veríase seriamente afectada”, recorda a concelleira.
O importe máximo das axudas é de 400 persoas por solicitante, e cubre aqueles gastos en alimentos realizados durante este 2025 (en ningún caso se subvencionan bebidas alcólicas ou adozadas). A documentación necesaria para solicitar estas axudas pódese presentar a través da sede electrónica do Concello de Barbadás (barbadas.sedelectronica.gal) ata o 12 de agosto.
Comezan as obras de rehabilitación do firme da rúa Fonsillón
O Concello de Barbadás inicia as obras de rehabilitación do firme na rúa Fonsillón no tramo comprendido entre o cruce coa rúa da Campiña e o límite co concello de Ourense. Trátase dunha actuación prioritaria do Plan de Obras 2025 do goberno de Barbadás, e conta cun investimento de 30.000 euros e un prazo de execución dun mes. “A mellora do firme desta rúa é fundamental para favorecer a comunicación do barrio do Fonsillón co resto do concello e coa zona comercial próxima”, explica Victoria Morenza, tenente alcalde e concelleira de Infraestruturas.
A intervención foi solicitada pola propia asociación veciñal do barrio e supón unha mellora significativa de seguridade e mobilidade, tanto de vehículos como de peóns. Os traballos inclúen o cambio do firme superficial, pintado da sinalización viaria e substitución do actual redutor de velocidade, moi deteriorado na actualidade. “Vaise instalar un lombo elevado para reducir a velocidade, e tamén melloraremos a limpeza e saneamento do vial, debido a que nesa zona hai moitos arrastres de terra”, detalla Morenza.
Sobrado do Bispo impulsa a segunda edición do EmularT e propón 15 actividades culturais do 12 ao 20 de xullo
O Concello de Barbadás colabora nesta iniciativa veciñal que pon en valor a cultura no rural
“Sobrado sempre foi faro de cultura e referente en todo o concello”, sinala o alcalde, Xosé Carlos Valcárcel
Sobrado do Bispo celebra a segunda edición do festival cultural Emulart do 12 ao 20 de xullo. A iniciativa, impulsada polos propios veciños da parroquia, conta coa colaboración do Concello de Barbadás a través da Concellería de Cultura. Emulart propón un total de 15 actividades artísticas que se desenvolverán en distintas localizacións da vila como prazas, o convento ou o bar. “Sobrado sempre foi faro de cultura e referente en todo o concello”, destaca o alcalde, Xosé Carlos Valcárcel.
A localidade conta cunha importante actividade musical de grupos e asociacións, pero Emulart tamén ten espazo para outras disciplinas artísticas. “Teremos música clásica, contemporánea, tradicional, exposicións… Este festival é unha forma de recuperar a cultura desde o rural”, explica Valcárcel, que pon en valor a iniciativa. “Queremos que Sobrado sexa un referente para outras parroquias”, asegura.
Pola súa parte, Ana Peleteiro, concelleira de Cultura e veciña de Sobrado, agradece o traballo e esforzo da organización e das asociacións culturais involucradas, como Porta da Cadea e Voces e Cordas. “Para nós é un orgullo e un privilexio poder colaborar con estas actividades”, apunta. A edila sinala a boa participación da poboación na pasada edición, e convida á veciñanza a volver a desfrutar das variadas propostas de Emulart: “Haberá música, escultura, cine, curtametraxes de humor…”.
Rafael Yebra, director artístico do festival, agradece a cooperación do Concello de Barbadás, así como do resto de entidades colaboradoras. “Se tradicionalmente pensabamos na cultura nun espazo como un auditorio ou un salón, agora mesmo iso todo mudou, a cultura podémola atopar en calquera espazo”, asegura. Yebra da conta da intención do equipo organizativo por crear un espazo de “desenvolvemento artístico” no que a veciñanza poida encontrarse, compartir e desfrutar das diferentes manifestacións culturais incluídas na programación. “Emulart aspira a ser moi grande e a converter a Sobrado e a Barbadás no epicentro da cultura nestas datas”, apunta.
O festival comeza o día 12 co concerto de Rafael Yebra e Oswaldo Oro na igrexa da localidade, que dará inicio a sete días de moita cultura, confraternización e diversión.
Rehabilitación da antiga escola
Xosé Carlos Valcárcel recorda a aposta do goberno local por reforzar e apoiar as iniciativas culturais, non só a través da colaboración en festivais, senón tamén con obras de rehabilitación. “Acabamos de recepcionar a obra de rehabilitación da antiga escola de Sobrado, que se destinará, entre outras moitas funcións, a ser o lugar de ensaio da coral Voces e Cordas, un dos referentes culturais da localidade”, detalla o alcalde.
Os 200 aventureiros da Ruta Quetzal coñecen O Piñor de Carmiña
A famosa ruta cultural fai parada en Barbadás para coñecer a relación de Carmen Martín Gaite con San Lourenzo de Piñor
O goberno local recibiu aos expedicionarios no Campo de Roma, en Piñor
A coñecida Ruta Quetzal fixo parada en Barbadás para achegarse á figura de Carmen Martín Gaite. Os 200 expedicionarios -mozos e mozas de 15 e 16 anos de toda España-, acompañados dos monitores e de Íñigo de la Quadra-Salcedo, quen mantén viva a Ruta creada polo seu pai, percorreron parte do Paseo Literario “O Piñor de Carmen Martín Gaite” e coñeceron a pegada desta localidade na vida e obra da escritora.
A actividade estivo guiada polo docente e investigador David G. Couso, quen lles amosou algúns dos lugares máis especiais de San Lourenzo de Piñor. O goberno local deulle a benvida ao grupo no Campo de Roma, onde desfrutaron dun pequeno descanso antes de iniciar o paseo. “Encántannos a vosa enerxía e alegría, demostrádelle ao mundo que a xuventude é o futuro do noso país”, apuntou Xosé Carlos Valcárcel, alcalde de Barbadás.
Ruta Quetzal
Ruta Quetzal
Ruta Quetzal
Ruta Quetzal
Ruta Quetzal
Ruta Quetzal
Ruta Quetzal
Ruta Quetzal
Ruta Quetzal
Ruta Quetzal
Ruta Quetzal
Valcárcel puxo en valor a elección de Íñigo de facer parada en Barbadás -despois do paseo, o grupo ceou no parque dos Carrís e pernoctou no Polideportivo Municipal- e destacou a importancia de Carmen Martín Gaite na literatura universal. Pola súa parte, Íñigo puxo en valor a colaboración do Concello de Barbadás e entregoulle unha placa en sinal de agradecemento ao alcalde.
Máis de 350 familias conciliarán este verán grazas aos campamentos do Concello de Barbadás
Hoxe arrancou o campamento de inglés, do que se beneficia medio cento de familias do municipio
O Concello de Barbadás reforza a súa aposta pola conciliación das familias coa creación de máis de 350 prazas en campamentos para este verán. Hoxe, co inicio da temporada non lectiva, arrancou o campamento de inglés, unha proposta que beneficia a medio cento de familias do municipio. A actividade dos colexios finalizou o pasado venres, polo que moitos son os pais e nais que xa se atopan dificultades para conciliar. A Concellería de Educación impulsa o campamento de inglés durante esta primeira semana de vacacións co obxectivo de axudar á conciliación e favorecer o uso do inglés por parte da rapazada, que aprenderá a divertirse e xogar coa lingua estranxeira.
A partir do día 1 de xullo e ata finais de agosto, os campamentos ofertados pola concellería trasládanse tamén ás diferentes parroquias do municipio. “É importante conciliar no rural e que os cativos desfruten e descubran o seu entorno”, resalta Marga Pérez, edila de Educación.
Preto de 300 nenos e nenas participarán nos distintos programas organizados para esta campaña estival desde Educación.
Campamento multideporte
Á oferta educativa súmase o campamento multideporte da área de Mocidade. Este programa levarase a cabo do 4 ao 29 de agosto, e incluirá deportes, obradoiros, xogos e visitas á piscina, entre outras propostas. En total, 80 nenos e nenas participarán nas distintas quendas.
Fado, espectáculos circenses ou pop rock para amenizar as noitiñas dos xoves de verán en Barbadás
O Concello impulsa un ano máis o Verán Cultural, un referente de oferta artística na contorna que inclúe nove espectáculos nacionais e internacionais
O concerto da Banda de Música Infantil de Barbadás inicia a programación
“Somos un referente cultural na comarca de Ourense”, destacou o alcalde, Xosé Carlos Valcárcel
O Concello de Barbadás impulsa un ano máis o Verán Cultural, a proposta cultural que cada noitiña de xoves leva ao parque dos Patos actuacións e espectáculos artísticos. “Somos un referente cultural na comarca de Ourense, polo que convidamos a toda a poboación, non só á de Barbadás, a desfrutar do Verán Cultural”, sinalou o alcalde, Xosé Carlos Valcárcel, na presentación da programación.
Esta “cita obrigada”, en palabras de Victoria Morenza, tenente alcalde e concelleira de Parques e Xardíns, inclúe nove espectáculos de música, teatro, circo, títeres e clown. “A tarima xa está montada e a programación, lista”, apuntou Morenza, quen tamén animou á veciñanza a desfrutar da cultura nun entorno natural e refrescante.
O Verán Cultural conta coa participación de artistas locais, como é o caso da Banda de Música de Barbadás ou o grupo En Mala Hora, pero tamén de artistas nacionais, como a compañía circense Finestra Nou Circ, e internacionais, como Desastronauts ou a fadista Marlene Rodrigues, que inundará de nostalxia e sentimento o parque dos Patos. Inventi Teatro, Trécola Producións e o grupo musical Gin Toni’s completan a programación da cita estival en Barbadás.
A primeira cita, coa Banda de Música Infantil
O Verán Cultural arrancará a próxima semana da man da Banda de Música Infantil. Neste caso, a actuación será o mércores, á hora habitual (21,00 horas). “O mércores actúa a banda infantil e o xoves, a xuvenil”, explicou Marga Pérez, concelleira de Educación.
Pola súa parte, Ana Peleteiro, edila de Cultura, detallou a programación do verán, que inclúe oferta para todos os gustos: “Dirixímonos a público de todas as idades, sempre cun enfoque interdisciplinar”. Este ano, haberá circo, teatro, títeres e música en directo. “O que se pretende é que a veciñanza desfrute da cultura, porque en Barbadás a cultura non colle vacacións. Teremos circo contemporáneo, acrobacias, clown, noite de fados, música das décadas douradas do pop e rock español…”, apuntou Peleteiro.
Barbadás homenaxea a estreita relación de Carmen Martín Gaite con San Lourenzo de Piñor co III Paseo Literario
O percorrido, guiado polo profesor e investigador David G. Couso, realizarase este sábado a partir das 9,45 horas
Esta é a actividade central do Ano Carmen Martín Gaite, pero a programación estenderase ata o mes de decembro
“Boa parte da súa obra literaria ten chiscos das súas vivencias nesta parroquia de Barbadás”, destaca o alcalde, Xosé Carlos Valcárcel
O Concello de Barbadás convida á participación no III Paseo Literario “O Piñor de Carmen Martín Gaite”, unha actividade que permite coñecer lugares e espazos da localidade reflectidos nas novelas da escritora. A edición deste ano é, se cabe, máis especial, ao enmarcarse dentro do Ano Carmen Martín Gaite polo centenario do seu nacemento.
O percorrido, dirixido polo docente e investigador David G. Couso, levarase a cabo este sábado, día 21, a partir das 9,45 horas. O prazo de inscrición, que se pode realizar a través da web do Concello de Barbadás, permanecerá aberto ata este mércores.
O alcalde, Xosé Carlos Valcárcel, pon en valor a “estreitísima” relación da escritora – “unha das máximas expoñentes das letras hispánicas” – con San Lourenzo de Piñor, convertido en “Trimonte” nas súas novelas. “Boa parte da súa obra literaria ten chiscos das súas vivencias nesta parroquia”, recordou Valcárcel esta mañá, na presentación do paseo literario.
O acto tivo lugar na Fonte do Regueiro de Piñor, un espazo “senlleiro” da vinculación de Martín Gaite coa localidade. “Esta fonte foi promovida polo seu tío hai case un século, e é un dos escenarios do percorrido”, explicou Victoria Morenza, tenente alcalde e concelleira de Parques e Xardíns. O Concello levou a cabo recentemente unha intervención de mellora da fonte e do entorno. “Vaise instalar un banco coa silueta da cara da escritora e unha caseta cunha selección das súas obras literarias”, detallou Morenza. A tenente alcalde tamén avanzou que Piñor será o escenario dunha película sobre Carmen Martín Gaite, que comenzará a rodarse o próximo mes de setembro.
A concelleira de Cultura, Ana Peleteiro, animou á veciñanza a sumarse ao paseo literario, que culminará coa actuación da Banda Cultural Barbadás e cun convite de petiscos. Ademais, cada participante recibirá un agasallo, cortesía do Concello.
Pola súa parte, David G. Couso agradeceu ao goberno local de Barbadás “saber ver e valorar” a importancia de Piñor como lugar literario. “Transcendeu como lugar na literatura ao ser inmortalizado como Trimonte. Calquera persoa no mundo pode coñecelo a través dos libros de Martín Gaite”, destacou.
Ano Carmen Martín Gaite
A corporación municipal acordou declarar este 2025 como Ano Carmen Martín Gaite, coincidindo co centenario do seu nacemento. A actividade central da programación cultural é o paseo literario, pero a programación continuará ata o mes de decembro. Polo de agora, xa se levaron a cabo propostas culturais cos máis pequenos, como o obradoiro de collage realizado no Mes do Libro. “Aínda quedan moitas actividades máis, como a visita da Ruta Quetzal, que fará parada en Piñor. 200 mozos e mozas percorrerán Barbadás para coñecer o lugar onde Carmiña pasou os veráns da súa infancia”, comentou Ana Peleteiro.
Por outra banda, o Concello de Barbadás está a crear “importantes vencellos” con Salamanca, cidade onde a escritora pasou a súa xuventude. Na web de Barbadás pódese consultar o apartado “Piñor, lugar literario”, onde se recollen diversas informacións e actividades realizadas para homenaxear á escritora.
Barbadás oferta máis de 350 prazas para facilitar a conciliación das familias no próximo curso escolar
As actividades extraescolares inclúen idiomas, deportes, arte e creatividade
O programa Bos días cole arranca ás 7,30 horas e remata ao inicio da xornada escolar
Tamén se ofrece o servizo de Mudas Escolares de xeito totalmente gratuíto
A Concellería de Educación de Barbadás traballa xa na programación do curso escolar 2025/2026 coa mirada posta nas familias. Así, oferta máis de 350 prazas que facilitan a conciliación de pais e nais, tanto nas primeiras horas da mañá como polas tardes.
O goberno local impulsa unha variada proposta de actividades extraescolares nos centros educativos públicos (CEIP Filomena Dato e CEIP O Ruxidoiro), que inclúen idiomas, deporte, arte e creatividade. A selección está deseñada para fomentar o desenvolvemento físico, creativo e emocional dos menores. En cada colexio ofértanse 120 prazas. As actividades comezarán o 1 de outubro e rematarán o 28 de maio de 2026.
Por outra banda, para facilitar a entrada temperá aos colexios, o Concello ofrece o servizo Bos días cole, dispoñible desde as 7,30 horas ata o inicio da xornada escolar. Este programa conta cun total de 120 prazas entre os dous centros educativos.
As inscricións para as actividades extraescolares e para o servizo Bos días cole poderán realizarse desde o 16 de xuño ata o 6 de xullo. As solicitudes formalízanse a través do rexisto electrónico da web do Concello de Barbadás ou nas oficinas municipais.
A Concellería de Educación tamén oferta o servizo de Mudas Escolares de xeito totalmente gratuíto, para facilitar a conciliación no horario escolar e evitar que as familias se teñan que desprazar ata o centro escolar se é preciso cambiar de roupa aos menores.
Barbadás impulsa o III Paseo Literario “O Piñor de Carmen Martín Gaite”
A actividade estará guiada, como é habitual, polo experto David G. Couso, e levarase a cabo o 21 de xuño
Esta terceira cita é, se cabe, a máis especial, ao realizarse durante o Ano Carmen Martín Gaite
Ana Peleteiro, concelleira de Cultura, e a tenente alcalde, Victoria Morenza, reuníronse co director xeral de Cultura da Xunta para solicitar a colaboración do goberno autonómico na sinalización do Paseo Literario ou na colocación de esculturas en homenaxe á autora
O Concello de Barbadás impulsa o III Paseo Literario “O Piñor de Carmen Martín Gaite”, que se levará a cabo o próximo sábado 21 de xuño a partir das 9,45 horas. Esta terceira cita é, se cabe, a máis especial, ao realizarse neste 2025, Ano Martín Gaite en Barbadás. Como é habitual, o paseo estará guiado polo estudioso David G. Couso, quen achegará aos participantes á vida e obra da escritora, intimamente vencellada a San Lourenzo de Piñor. “Esta localidade é a capital do universo vital e literario de Carmen Martín Gaite”, recorda Ana Peleteiro, concelleira de Cultura.
O prazo de inscrición para sumarse á actividade permanecerá aberto ata o 18 de xuño. A solicitude realízase a través do enlace https://docs.google.com/forms/d/e/1FAIpQLSc4PpM7Z2RN_NSvBN9nUC9rrDMH9jQddiBkWWT5OvwnW8LezQ/viewform. Neste terceiro paseo, os participantes recibirán un agasallo do Concello de Barbadás. Ademais, a cita contará coa participación da Banda Cultural Barbadás. Como nas anteriores edicións, o punto de inicio da ruta será o centro social San Lourenzo de Piñor.
Os servizos municipais de limpeza encárganse estes días de poñer a punto as zonas máis emblemáticas de San Lourenzo de Piñor, onde o grupo fará paradas para coñecer a influencia desta localidade na vida e obra da autora.
Petición á Xunta
A tenente alcalde, Victoria Morenza, e a concelleira de Cultura, Ana Peleteiro, mantiveron recentemente unha reunión co director xeral de Cultura da Xunta, Anxo Lorenzo, para darlle a coñecer o intenso traballo de recuperación e divulgación da relación de Carmen Martín Gaite con Barbadás. “Levamos distintas documentacións do Plan Director que temos para documentar e xustificar a nosa proposta dunha posible colaboración da Consellería de Cultura co centenario da autora”, explica Peleteiro.
Nese sentido, as concelleiras amosáronlle o traballo realizado nos dous últimos anos, desde os paseos literarios ás actividades organizadas para poñer en valor as novelas da autora nas que o universo literario é Piñor. Por outra banda, regaláronlle un exemplar do libro de David González Couso, así como unha axenda deste ano Carmen Martín Gaite.
En relación á posible colaboración coa Xunta, as edilas plantexáronlle a posibilidade de colocar esculturas da autora, así como a sinalización do paseo literario para que se poida facer durante todo o ano, exposicións fotográficas ou contactar con institucións como a UNED ou a Universidad de Salamanca. Anxo Lorenzo asumiu o compromiso de sumarse ás iniciativas plantexadas, aínda que todavía non concretou a colaboración.
Por outra banda, Peleteiro e Morenza tamén se reuniron con César Fernández, vicepresidente segundo da Deputación, para valorar posibles vías de cooperación coa institución provincial.
Barbadás, pioneiro en nova arquitectura pedagóxica coa inauguración das aulas abertas á natureza no CEIP O Ruxidoiro
Máis de 340 nenos participaron esta mañá na inauguración do espazo verde, que conta con gradas, escenario de area e especies arbóreas
“Este proxecto permite concienciar á mocidade na sostibilidade do noso planeta, e supón unha nova forma de achegarse ao coñecemento, cunha didáctica diferente”, resaltou Xosé Carlos Valcárcel, alcalde de Barbadás
O CEIP O Ruxidoiro de Barbadás dá un paso máis no seu innovador programa pedagóxico coa inauguración das aulas abertas á natureza, un novo espazo de aprendizaxe e lecer. Esta mañá, coincidindo co Día Mundial do Medio Ambiente, a comunidade educativa e o goberno local estrearon o proxecto, no que o Concello, a través da Concellería de Parques e Xardíns, invertiu preto de 40.000 euros.
“É unha ledicia poder traballar para concienciar á mocidade na sostibilidade do noso planeta, é algo que veremos a futuro. Queremos traballar todos para ter un planeta no que poidades desfrutar en harmonía, en paz, con natureza viva”, sinalou o alcalde, Xosé Carlos Valcárcel, mirando aos máis de 340 alumnos que acudiron á inauguración. O rexidor aproveitou a ocasión para poñer en valor o proxecto educativo do colexio, onde se levan a cabo actividades como Ruxihorto, Ruxilecer, Ruxinatura ou Ruxisaber. “Este espazo supón unha nova forma de achegarse ao coñecemento, cunha didáctica e unha visión diferentes e moito máis positivas”, apuntou.
A directora do Ruxidoiro, Elena Gayo, agradeceu a colaboración institucional na creación da aula aberta á natureza: “Este proxecto que hoxe se materializa é unha testemuña viva do que se pode acadar cando traballamos xuntos cunha visión compartida”. A intervención, realizada nos últimos meses, permitiu converter un espazo residual nun lugar cheo de vida, do que desfrutarán tanto alumnado e docentes do Ruxidoiro como do Filomena Dato. Ademais, poderá acoller actividades impulsadas polo Concello de Barbadás.
Gayo tamén incidiu en que as novas aulas son un reflexo “da nosa aposta decidida” polo plan da nova arquitectura pedagóxica, que convida a repensar as contornas de aprendizaxe e a facelas máis flexibles, inspiradoras e conectadas “co mundo que nos rodea”.
O espazo conta cunha bancada corrida de madeira, asentada sobre a topografía natural, en alusión aos teatros gregos. A bancada está orientada a un espazo ovalado de area. A actuación completouse cunha estacada de travesas que configura unha sorte de cabana para usos varios, bancos, plantacións vexetais (con especies perennes e caducifolias) e sistema de rego.
O alumnado de Barbadás coñece de cerca o traballo das forzas e corpos de Seguridade e Emerxencias
“Esta xornada ten como obxectivo fomentar o coñecemento, respecto e confianza cara os medios de Emerxencia e Seguridade entre os nenos e nenas”, explica Elisabet González, concelleira de Servizos Sociais, Saúde e Igualdade e organizadora do evento
Na cita participaron axentes da Garda Civil, Policía Nacional, Policía Local Barbadás, Bombeiros San Cibrao, Bombeiros Ourense, Protección Civil Barbadás, Protección Civil Ourense, Medio Rural, Axega 112, Patrimonio Natural e Axencia de Doazón de Sangue
O Campo dos Carrís e a Calzada Romana acolleron esta mañá a III Exhibición de medios de Seguridade e Emerxencias, unha xornada adicada a divulgar e dar a coñecer o traballo dos axentes entre as novas xeracións. Centenares de alumnos e alumnas dos CEIP Filomena Dato, O Ruxidoiro, CPR Luis Vives, Escola Infantil Municipal e Centro Ocupacional As Burgas divertíronse achegándose ao día a día dos servizos participantes.
“Esta actividade ten como obxectivo fomentar o coñecemento, respecto e confianza cara os servicios de Emerxencia e Seguridade entre os nenos e nenas, ademais de promover valores como a solidaridade ou a prevención”, explica Elisabet González, concelleira de Servizos Sociais, Saúde e Igualdade e organizadora do evento. A III Exhibición contou coa participación da Guarda Civil, Policía Nacional, Policía Local de Barbadás, Bombeiros San Cibrao, Protección Civil Barbadás, Protección Civil Ourense, Medio Rural, Axega 112, Patrimonio Natural e Axencia de Doazón de Sangue. Ademais, Desguaces Sandiás colaborou coa doazón dun vehículo e DJ Tibu encargouse de explicar o traballo dos diversos servizos.
A Garda Civil acudiu con diversas unidades: Seguridade Cidadá, Seprona, Tráfico, Geas, Equipo de Montaña, Equipo Tebyl, Tedax, Equipo Cinolóxico e incluso, un helicóptero. O Capitán Pulido, da compañía da Garda Civil en Ourense, deu conta da importancia de achegarse ao alumnado: “É un día pensado para que nos coñezan e vexan o traballo que realizamos, pódense montar nos coches, nas motos, os compañeiros explícanlle os medios que temos… O que máis triunfa é o helicóptero e a zodiac do Geas, porque nunca teñen oportunidade de velos tan cerca”. A participación da Garda Civil enmárcase dentro do seu Plan Director Para a Convivencia e Mellora da Seguridade nos Centros Educativos e Contornas.
Exhibición dos cans e do robot da Guardia Civil e excarcelación
A xornada comezou no Campo dos Carrís, onde o alumnado desfrutou da demostración dos cans antidroga da Guarda Civil. A continuación, o equipo Tedax (que participa por primeira vez nesta exhibición) realizou unha operación de desactivación de explosivos co seu robot. Para finalizar, os Bombeiros de San Cibrao, en colaboración con Protección Civil e Axega, realizaron unha excarcelación dun home atrapado nun coche. O vehículo foi doado por Desguaces Sandiás.
Despois das exhibicións, o alumnado achegouse á Calzada Romana para achegarse aos vehículos e postos dos diversos servizos participantes, onde os propios axentes lles explicaron o seu traballo.
A Feira do 2 congrega preto de 40 postos de alimentación, roupa e accesorios na súa terceira edición
A boa resposta da poboación e dos comerciantes confirma a aposta da Concellería de Cultura por revivir o tradicional mercado da Valenzá
O Concello xa recibiu cinco propostas de novos postos para o mes de xullo
“É unha actividade que dinamiza moito Barbadás porque se achegan persoas dos municipios limítrofes”, destaca Marga Pérez, concelleira de Comercio
A Feira do 2 celebrou este luns unha exitosa terceira edición, despois da aposta da Concellería de Comercio por revivir o tradicional mercado. A cita, que arrincou cunha decena de postos no mes de abril, congregou esta mañá preto de 40 comerciantes participantes. A oferta, cada vez máis variada, inclúe roupa, accesorios, calzado, alimentación ou plantío, ademais do habitual posto de pulpo e churrasco.
A concelleira de Comercio, Marga Pérez, amosa a súa satisfacción ante a boa resposta da veciñanza e dos feirantes. “Estamos moi contentos pola acollida da Feira: o número de postos medra e vai seguir facéndoo”, adianta. De feito, o Concello xa recibiu cinco propostas de novos postos que queren participar na cita do mes de xullo.
Pérez anima á poboación a participar, tanto de Barbadás como dos concellos limítrofes, e recorda a oferta gastronómica. “A xente pode comer aquí se quere, pero se prefire xantar na casa, pode coller comida para levar nos postos”, sinala.
A Feira do 2 non só dinamiza o tecido comercial do municipio, senón que tamén atrae poboación de localidades cercanas. “Esa xente despois tamén dá un paseo, toma algo, compra…”, apunta a edila.
Barbadás aproba unha ordenanza para cubrir o custo das emerxencias atendidas por Protección Civil
A agrupación presta servizos de prevención e extinción de incendios, prevención de ruínas, construción e derrubas, salvamentos, atención en accidentes viais e tarefas de protección de persoas e bens, ademais de elaborar atestados e informes derivados das intervencións
Victoria Morenza, tenente alcalde e concelleira de Parques e Xardíns, deu conta da reforma da práctica totalidade de parques do concello, en resposta a unha moción presentada polo PP
O pleno do Concello de Barbadás aprobou unha ordenanza reguladora de taxas pola prestación de servizos en emerxencias, unha tarefa que asume Protección Civil ao non contar cunha dotación de bombeiros no municipio. A agrupación leva a cabo traballos de prevención e extinción de incendios, prevención de ruínas, construcción e derrubas, salvamentos, atención a accidentes viais e protección de persoas e bens, ademais da elaboración de atestados e informes derivados das intervencións.
Ata 2015, Protección Civil cobraba ás aseguradoras os seus servizos, pero o sistema cambiou cando o Concello asumiu os gastos. O concelleiro de Emerxencias, Daniel Rey, puxo sobre a mesa a importancia de cubrir o custo exacto destas intervencións, e puxo en valor o traballo levado a cabo pola agrupación de Barbadás. Nese sentido, insistiu en que o servizo de Protección Civil seguirá sendo gratuíto para a cidadanía. A ordenanza foi aprobada cos votos a favor de PSdeG, DO, Partido Galego e PP, e cos votos en contra do BNG.
Inversións en parques
Victoria Morenza, tenente alcalde e concelleira de Parques e Xardíns, deu conta no pleno das sucesivas melloras levadas a cabo nos parques do municipio, en resposta a unha moción presentada polo Partido Popular. Dos 34 espazos infantís, a práctica totalidade foi obxecto de reforma nos últimos anos, como é o caso do parque da Solaina, Casa da Cultura, Amieiros, Campo de Roma, Barreiro, Area Gorda ou Lameira de Mato. Morenza anunciou tamén que en atención ás peticións veciñais, instalaranse velas no Campo de roma e no parque situado a carón da Casa Consistorial.
Sobre a instalación de elementos inclusivos, solicitada polo PP na moción, a tenente alcalde destacou que “foi o actual goberno” o que introduciu este tipo de elementos. “Este gobierno investiu ano tras ano contías considerables na reforma de parques”, asegurou.
En canto á pista multideporte, Morenza avanzou que a Concellería de Deportes xa está tramitando o peche perimetral do espazo, e lembrou ao PP que hai “múltiples vías” para trasmitir incidencias ao Concello. “Proximamente tamén reformaremos o parque Lucinda, tanto a zona deportiva como o parque infantil e o espazo de lecer”.
“Non é posible converter un local social nun centro de maiores”
A concelleira de Servizos Sociais, Elisabet González, instou ao BNG a presentar mocións “cos pés na terra”, en relación á solicitude dos nacionalistas de converter un local social nun centro de maiores. “Temos que dicir con total claridade que iso non é posible nin legalmente nin tecnicamente”, apuntou a edila. González asegurou que o goberno local comparte “o fondo da proposta” presentada pola oposición, así como o interese en que “os nosos maiores” reciban os coidados precisos e axeitados. Porén, insistiu en que un local social non é un espazo apropiado para a atención das persoas maiores nin para que o persoal cualificado realice o seu traballo. A moción foi desestimada cos votos en contra do PSdeG, DO e Partido Galego, a abstención do PP e os votos a favor do BNG.
Por outra banda, o PP presentou unha moción sobre a regulación dos vaos fixos e a mellora da sinalización nas rúas e estradas municipais. Victoria Morenza, tenente de alcalde, explicou que xa se está levando a cabo o traballo de campo para a revisión dos vaos. “A prioridade é a modificación da ordenanza”, recalcou. Morenza tamén sinalou que é un servizo delegado na Deputación, polo que cando se realice a actualización dos vaos, comunicarase ao servizo de recadación do órgano provincial. Respecto á petición de elaborar un estudo técnico de sinalización en todo o concello, a tenente alcalde apuntou o elevado custo económico deste tipo de estudos e anunciou que se abordarán melloras en lugares onde haxa esa necesidade. Ademais, anticipou que nas vindeiras semanas levarase a cabo unha intensificación da iluminación directamente sobre os pasos de peóns en cinco puntos da avenida de Celanova, na Valenzá. A moción foi aprobada por unanimidade.
Barbadás aposta pola concienciación ás novas xeracións para avanzar na loita contra a violencia de xénero
O salón de plenos acolleu a mesa local de coordinación institucional fronte á violencia de xénero
O alcalde, Xosé Carlos Valcárcel, amosou a súa preocupación pola forza dos discursos negacionistas da violencia machista nas redes
A mesa local de coordinación fronte á violencia de xénero, integrada por representantes da corporación municipal e por actores do ámbito xudicial, policial, sanitario, educativo e social, reuniuse no salón de plenos do Concello de Barbadás. Este encontro, de tipo semestral, permite poñer en común a realidade da contorna, así como analizar o traballo feito e afondar nos retos pendentes. A concelleira de Igualdade, Elisabet González, recalcou o papel “clave” da mesa na loita conxunta contra a violencia machista e na elaboración de respostas “máis humanas” para as mulleres que a sofren. Tamén agradeceu o esforzo de todas as institucións implicadas, desde a Policía Local de Barbadás ata o equipo directivo dos centros educativos.
Pola súa parte, o alcalde, Xosé Carlos Valcárcel, manifestou a súa preocupación polo avance dos discursos negacionistas da violencia de xénero, que gañan cada día máis espazo nas redes sociais, tan consumidas polas novas xeracións. “Temos que loitar en certos ámbitos xuvenís nos que ese discurso está ocupando espazos políticos que non podemos deixar escapar. Os que loitamos a prol da muller temos que lograr ocupar esos espazos de novo”, sinalou o rexidor.
Así, a mesa abordou a necesidade de que a administración autonómica implemente formacións específicas dirixidas ao profesorado, xa que a educación baséase en “valores”, en palabras de Valcárcel. As representantes do ámbito educativo puxeron enriba da mesa a importancia de que os valores continúen na familia, e amosaron a súa preocupación por non chegar aos pais e nais “como quereríamos”.
Nesa liña, os integrantes da mesa tamén apuntaron o incremento da violencia sexual entre os menores, un fenómeno moi ligado ao consumo “excesivo” de pornografía desde idades temperás.
Por outra banda, os diferentes actores fixeron unha radiografía da situación de Barbadás en canto ao número de mulleres que actualmente contan con medidas policiais para protexelas dos seus agresores. Tamén se reflexionou sobre a situación da provincia ourensá, xa que no último mes un home asasinou á súa muller no Bolo, outro home disparou á súa exparella en Verín, e outro home apuñalou á súa muller no Barco de Valdeorras.
O Concello licita por casi 700 mil euros a limpeza durante 2 anos dos edificios municipais e os colexios
O Concello de Barbadás saca a licitación a prestación do servizo de limpeza das instalacións municipais, que actualmente se atopa en precario. O contrato, valorado en 676.515,84 euros, inclúe o aseo de máis de máis dunha vintena de edificios públicos.
Victoria Morenza, tenente alcalde, resalta a mellora do servizo nesta licitación. “Auméntase a limpeza en centros de traballo como a nave de obras ou as gradas de fútbol”, detalla. Nesa liña, apunta o incremento da calidade do servizo e os beneficios para empleados municipales e cidadanía.
Entre outros, a empresa adxudicataria fariase cargo da limpeza de instalacións como a Casa Consistorial, o Museo da Gaita, o polideportivo, os locais de asociacións veciñais, os colexios Filomena Dato e O Ruxidoiro, a Casa da Mocidade, os tanatorios, a Casa da Cultura, o CET ou a xefatura da Policía Local.
A licitación terá unha duración de dous anos, e comezará ao día seguinte de formalizarse o contrato. Trátase dunha prestación de servizos de carácter periodico e continuado durante eses dous anos.
Súmate ao III Paseo Literario “O Piñor de Carmen Martín Gaite”
A actividade levarase a cabo o 21 de xuño, a partir das 9,45 horas
O prazo de inscrición está aberto ata o 18 de xuño
A Concellería de Cultura de Barbadás organiza o III Paseo Literario “O Piñor de Carmen Martín Gaite”, unha cita que gaña máis adeptos en cada edición. Neste 2025, Ano Carmen Martín Gaite, o evento é, se cabe, máis especial.
Como é habitual, a ruta estará guiada por David G. Couso, quen achegará aos participantes á vida e obra da autora. Nesta ocasión, contaremos coa actuación da Banda Cultural Barbadás, e cada persoa inscrita recibirá un agasallo do Concello.
O punto de encontro é o centro social San Lourenzo de Piñor, ás 9,45 horas do próximo 21 de xuño.
Barbadás aposta polo comercio local con música, sorteos e descontos na Noite Moucha
“Utilizar o comercio de proximidade axuda a darlle vida ao noso concello”, explica Marga Pérez, concelleira de Comercio
Os 13 establecementos participantes estarán abertos este venres ata as 23,00 horas e ofrecerán ofertas e sorpresas á clientela
O Concello de Barbadás festexa este venres a Noite Moucha, un evento que permite poñer en valor o papel do comercio local no tecido económico e social do municipio. Os 13 establecementos participantes permanecerán abertos ata as 23,00 horas, e ofrecerán descontos especiais, mesas doces, actividades e sorpresas para a poboación. “Tamén haberá animación nas rúas, como actuacións de baile, zancudos ou pintacaras”, explicou Marga Pérez, concelleira de Cultura, na presentación da cita.
Cada negocio contará cunha decoración específica, elaborada polo Concello para facilitar a identificación dos locais participantes. “Como novidade, este ano haberá sorteos de 13 bonos de 40 euros cada un para reinvertir no comercio local de Barbadás”, detallou a edila.
Gloria Martín, presidenta do Centro Comercial Aberto (CCA) A Valenzá, animou á poboación a sumarse ao evento para coñecer “todo o que temos que ofrecerlles”. Por outra banda, Martín convidou aos comerciantes a sumarse á iniciativa: “Queremos que cada ano se animen máis establecemtnos a participar”.
Nesa liña, o alcalde, Xosé Carlos Valcárcel, destacou a importancia do asociacionismo. “Hoxe en día, a formación e o asociacionismo son moi importantes no ámbito do comercio, sen iso é moi difícil traballar e ser competitivos”, asegurou. Marga Pérez tamén insistiu no papel dos establecementos: “Utilizar o noso comercio axuda a darlle vida ao concello”.
O Concello de Barbadás realiza diversas campañas de apoio ao comercio, como o concurso de escaparates do Nadal ou o Barbadás a bocados, que permite visibilizar a calidade dos negocios do municipio. “Tamén reforzamos o traballo das pemes coas formacións do Centro Empresarial Transfronterizo (CET), cos programas de emprendemento de Adercou ou coas campañas que facemos, que intentamos acompasar ás que fai a Xunta”, apuntou.
A ampliación do programa de festas con dous concertos o venres motiva un cambio de ubicación
Mudan do Parque da Liberdade á rúa 17 de Maio ante a necesidade de maior aforo e por recomendación de Protección Civil para garantir a seguridade
O Concello de Barbadás, por recomendación de Protección Civil, tomou a decision de cambiar a ubicación dos concertos da noite do venres 6 de xuño das Festas da Valenzá 2025 para garantir a seguridade do público asistente. A comisión de festas informou nestes días ao goberno local sobre a ampliación da programación inicial, coa incorporación dunha orquestra, ademais da discomóbil, polo que se revisou a viabilidade da ubicación prevista nun primeiro momento, que era o parque da Liberdade.
Despois de analizar o espazo dispoñible e o aforo esperado, Protección Civil recomendoulle ao Concello mudar o lugar dos concertos para cumprir a normativa vixente e garantir en todo momento a seguridade dos asistentes e a accesibilidade dos servizos de emerxencias. Así, a actuación da orquestra e da discomóbil terá lugar finalmente na rúa 17 de Maio, por ser o espazo máis a acaído e o único que garantiza o cumplimento de todos os requisitos de seguridade.
A celebración das festas levarase a cabo os días 6, 7, 8 e 11 de xuño, segundo anunciou a comisión, encargada da organización da celebración. O resto da programación manterá a ubicación inicial, aprobada polo Concello por cumprir a normativa de seguridade. Por agora, a comisión avanzou a participación das agrupacións orquestra New York e Discomovil Apocalipsis. Nas próximas semanas, o equipo organizador irá dando a coñecer o resto das actividades e concertos dos que desfrutará a veciñanza.
O alumnado do Obradoiro de Emprego adecenta o lavadoiro das Lameiras
Trátase dun espazo senlleiro de Sobrado do Bispo que precisaba dunha limpeza en profundidade
O alumnado do Obradoiro de Emprego realiza estes días tarefas de limpeza no lavadoiro das Lameiras, un espazo senlleiro da localidade de Sobrado do Bispo. A actuación consiste no vaciado do vaso, eliminación da vexetación, limpeza das pedras e mellora dos accesos.
A intervención permitirá que a veciñanza poida desfrutar de novo deste espazo, sobre todo coa chegada das altas temperaturas do verán.
O Obradoiro de Emprego tamén está levando a cabo a rehabilitación do lavadoiro de Costa Mollada. O obxectivo é convertelo nun lugar de lecer que ten a auga como elemento principal para potenciar a súa estética.
Barbadás enxalza a tradición lírica galega coa celebración da IV Foliada
O alcalde, Xosé Carlos Valcárcel, pon en valor o papel das cantareiras e pandereteiras na creación e transmisión de arte e beleza
“Este ano hai novidades, e contamos coa colaboración da Asociación Cultural Moureán, que xurdiu este mismo ano entre mozos e mozas de Barbadás”, sinala Ana Peleteiro, concelleira de Cultura
Rodrigo Míguez, tesoureiro de Moureán, anima a toda a poboación a achegarse ao parque dos Carrís este sábado
A celebración das Letras Galegas continúa en Barbadás, que este sábado festexa a IV Foliada. Nesta ocasión, a Concellería de Cultura conta coa colaboración da Asociación Cultural Moureán, unha entidade recentemente impulsada por mozos e mozas do municipio vencellados á música tradicional galega.
O parque dos Carrís acollerá a celebración, que arrancará ao mediodía para rematar pola noitiña. “Este ano temos novidades que esperamos que sexan do agrado de todo o mundo”, anunciou esta mañá Ana Peleteiro, concelleira de Cultura, na presentación do evento. Nesa liña, apuntou a recuperación do tradicional desfile matutino polas rúas da Valenzá (amenizado por Nova Fronteira e a Banda de Música Cultural de Barbadás) con posterior sesión vermú nos Carrís. “Nesta ocasión teremos unha degustación de porco ao espeto en lugar do xantar popular habitual, polo que non é preciso coller antes os tickets, senón que se poden comprar no momento”, detallou.
Despois da comida, haberá un obradoiro de danza con Dantzari, e a partir das 17,30 horas, actuacións das agrupacións participantes. “En Barbadás temos o privilexio de contar con distintas agrupacións culturais que promoven a nosa tradición e a unión entre a veciñanza, e son elas as que van estar o sábado enriba do escenario”, comentou.
O prato forte da xornada é o concerto do grupo Fiandola, seguido dunha foliada aberta. Rodrigo Míguez, tesoureiro de Moureán, animou á poboación a sumarse a celebración e a desfrutar dun día de música, tradición e diversión. “Ademais, teremos xogos populares durante toda a xornada, así como sorteos de máis de 20 premios”, indicou.
A IV Foliada tamén contará co Punto Violeta da Concellería de Igualdade, de 20,00 a 23,00 horas.
Xosé Carlos Valcárcel, alcalde de Barbadás, puxo en valor o papel das cantareiras e pandereteiras, homenaxeadas nas Letras Galegas 2025. “Foron e son mulleres creadoras e transmisoras de arte e de beleza”, recalcou. Nese sentido, referiuse ás cantareiras e pandereteiras de hoxe en día, que continúan a recuperar, compartir e manter “a nosa tradición musical” entre as novas xeracións.
O parque dos Carrís acolle este sábado a IV Foliada de Barbadás
Haberá concertos de grupos tradicionais, xogos, obradoiros e degustación de porco ao espeto
A Concellería de Cultura organiza, en colaboración coa Asociación Moureán, a IV Foliada de Barbadás, que terá lugar no parque dos Carrís este sábado, día 24 de maio.
A celebración arrancará ás 12,00 horas, cun desfile polas principais vías da Valenzá das agrupacións do municipio Nova Fronteira e Banda de Música Cultural de Barbadás.
A partir das 13,00 horas haberá sesión vermú amenizada polas bandas tradicionais, ata ás 14,30 horas, que arranca o xantar popular con degustación de porco ao espeto. Non é necesario retirar tickets previamente para a comida, xa que haberá un posto da organización no que se poderán adquirir no momento.
Despois do xantar, ás 16,15 horas, comeza o obradoiro de danzas do mundo con Dantzari, e a partir das 17,30 horas haberá concertos dos grupos tradicionais Velai Vai, Cantares da Cunha, Escola Tradicional Nova Fronteira, Picafoles, Vagalumes e Pandereteiras de Seixalbo.
O prato forte será ás 21,00 horas, co concerto de Fiandola, seguido dunha foliada aberta a todo o público.
*Haberá xogos populares e sorteos durante toda a tarde
Barbadás avanza na creación dun Polígono Industrial sumando dous informes favorables á súa viabilidade
O alcalde, Xosé Carlos Valcárcel, e o concelleiro de Promoción Económica, José Manuel Morgade, reuníronse con Beatriz Sestayo, xerente de Suelo Empresarial Atlántico (SEA)
Os dous informes realizados sobre a viabilidade urbanística, técnica e económica da construción do parque son favorables
O Concello de Barbadás avanza un paso máis para facer realidade a construción dun polígono industrial no concello, un dos proxectos estratéxicos prioritarios para o goberno local. O alcalde, Xosé Carlos Valcárcel, e o concelleiro de Promoción Económica, José Manuel Morgade, reuníronse con Beatriz Sestayo, xerente de Suelo Empresarial Atlántico (SEA), para valorar os dous informes realizados sobre a viabilidade do polígono. “Ambos informes arroxan resultados esperanzadores, sobre todo porque permitirían dotar de chan industrial a unha zona moi próspera que o precisa”, recalcou Sestayo.
Os dous estudos analizan pormenorizadamente a viabilidade urbanística, técnica e económica do proxecto, e ambos son favorables, o que supón un importante paso na consecución deste obxectivo estratéxico. Cabe destacar a excelente ubicación de Barbadás, tan preto da cidade, así como as boas conexións coas vías de alta capacidade.
Xosé Carlos Valcárcel destaca a relevancia do favorable resultado de ambos informes, e incide no interese do goberno local por facer realidade ese espazo: “Seguimos traballando para implantar no noso territorio un área industrial que dinamice aínda máis o cuarto concello da provincia”. Nesa liña, recorda os obxectivos do futuro polígono: “Crear emprego, a pesares de ser xa un dos municipios ourensáns con menos desemprego, e diversificar as actividades industriais e empresariais de Barbadás”.
O próximo paso é a elaboración dun proxecto estruturante e outro de urbanización, dos que se encargará o Concello, para analizar custes e fixar o precio da inversión, da que sería SEA o inversor maioritario. Na reunión tamén se valorou a importancia de achegarse ao empresariado do municipio para coñecer as súas necesidades e inquedanzas.
A Castro Trail de Barbadás chega á súa décima edición con 400 corredores
A carreira é este ano Campionato Xunta de Galicia por equipos da Federación Galega de Atletismo, tanto na proba raíña (28 kilómetros) como na pequena (9 kilómetros)
David Losada, o organizador, anima á poboación a participar para gozar dunha xornada de deporte e natureza nas “paisaxes máxicas” de Barbadás
O Concello de Barbadás impulsa a décima edición da Castro Trail, unha das citas galegas máis esperadas desta disciplina deportiva. A proba levarase a cabo este domingo, día 25. Este ano, a carreira é Campionato Xunta de Galicia por equipos da Federación Galega de Atletismo, un novo aliciente para os participantes. “Temos a previsión de contar con preto de 400 inscritos”, explica David Losada, o organizador da proba. A concelleira de Deportes, Noemí Pintos, destaca o importante papel desta carreira no deporte galego, así como na posta en valor do concello.
A Castro Trail conta con tres categorías: percorrido longo (28 kilómetros), medio (14 kilómetros), e pequeno (9 kilómetros). “A proba raíña, a máis longa, está no campionato, e tamén a pequena, que é campionato promoción para as categorías inferiores”, detalla Losada. Ademais, a cita deportiva tamén inclúe unha andaina de 14 kilómetros.
Os horarios varían, según a proba: o trial longo arranca ás 09,00 horas; o medio ás 10,00 horas; o curto ás 09,45 horas, e a andaina ás 10,00 horas.
Paisaxe única
A proba percorre paisaxes únicas de Barbadás como as carballeiras de Santa Uxía e San Benito, sendeiros tradicionais ou miradoiros. “Hai vistas impresionantes á cidade de Ourense, a Barbadás e á provincia en xeral. Son lugares máxicos que non se coñecen”, asegura.
Na Castro Trail participan os mellores corredores e corredoras de Galicia, tanto en equipos como individual, pero tamén poboación que quere gozar dunha xornada de deporte e natureza: “Animamos a todo o mundo a participar e aproveitar esta oportunidade de coñecer Barbadás”. Despois da proba, haberá petiscos, froita, bebidas e xeados, ademais de ambientación musical.
David Losada pon en valor a colaboración das institucións e empresas implicadas, así como do Concello de Barbadás e de Protección Civil e Policía Local de Barbadás.
O Museo da Gaita de Fole percorre os centros educativos para festexar as Letras Galegas
O músico e artesán Pablo Martínez visitou esta semana o CEIP Filomena Dato e o CEIP As Mercedes para achegar os instrumentos tradicionais aos máis pequenos
A actividade está enmarcada na celebración do Día das Letras Galegas, adicado este ano ás cantareiras
O Museo da Gaita de Fole de Barbadás, referente internacional no ámbito da música tradicional, súmase á celebración das Letras Galegas achegándose aos centros educativos e dando a coñecer a nosa cultura oral entre as novas xeracións. Esta semana, o músico e artesá Pablo Martínez visitou o CEIP Filomena Dato (Barbadás) e o CEIP As Mercedes (Ourense) co obxectivo de amosar a riqueza da música e tradición popular galega.
As visitas, que se estenderán durante todo o mes de maio por distintos colexios da provincia, inclúen unha actividade didáctica na que o alumnado coñece os instrumentos galegos (desde a gaita, símbolo identitario do noso patrimonio musical, ata o bote de pementón, a tixola, as cunchas, a táboa de lavar ou a botella de anís).
Os participantes poden así descubrir e experimentar cos instrumentos cotiás que foron empregados historicamente como percusión popular. Estes obxectos foron ferramentas musicais nas mans das cantareiras homenaxeadas nas Letras Galegas, o que amosa o vínculo entre a vida e a cultura do pobo galego.
O alumnado do Filomena Dato e das Mercedes participou activamente nesta proposta, aprendendo ritmos, tocando os utensilios e cantando pezas tradicionais nun ambiente lúdico e educativo. A actividade foi especialmente valorada polo seu enfoque inclusivo, interxeracional e pola posta en valor da muller como transmisora da nosa tradición oral e musical.
Desde o Museo da Gaita, o equipo destaca a importancia de continuar con este tipo de accións divulgativas. “Achegar o noso patrimonio cultural ás aulas é fundamental para garantir a súa continuidade e fomentar o orgullo pola nosa identidade”, sinalan os responsables da iniciativa.
Programación Letras Galegas
A programación de actividades co gallo das Letras Galegas continúa en Barbadás cos Cantos de taberna (este venres, a partir das 18,00 horas en diversos establecementos hostaleiros da Valenzá) e coas Contadas no parque (esta tarde é a segunda cita, neste caso guiada pola actriz Sabela Gago de Sarabela Teatro).
O sábado, Día das Letras Galegas, levarase a cabo unha especial homenaxe ás cantareiras e á poesía popular con concertos e exposición fotográfica no parque da Solaina. O día 24 festexarase a IV Foliada no parque dos Carrís, na que participarán diversos grupos de música tradicional, como Fiandola, Vagalumes, Velai Vai, Pandereteiras de Seixalbo, Picafoles ou Cantares da Cunha. Ademais, haberá xantar popular.
A Cavernícola Race congrega este sábado a máis de 450 deportistas en Barbadás
A carreira forma parte desde este ano da Liga de Organizadores de Carreras de Obstáculos (AOCO), polo que pasa a ser competitiva e puntuable
“Aumentamos o percorrido e hai novos desafíos como a proba de pistolas láser ou o asador de polos”, explica Diego López, coordinador da carreira
O alcalde, Xosé Carlos Valcárcel, destaca o papel da Cavernícola na posta en valor e visibilidade do concello en toda España
O Concello de Barbadás organiza este sábado, a través da Concellería de Deportes, a VI edición da Cavernícola Race, unha proba que xa conta cun oco propio no calendario de carreiras de obstáculos (OCR) a nivel nacional. De feito, desde este ano a Cavernícola xa forma parte da Liga de Organizadores de Carreras de Obstáculos (AOCO), que inclúe eventos deste tipo en toda España.
Xosé Carlos Valcárcel, alcalde de Barbadás, destaca o importante valor desta proba deportiva, que o sábado congregará a máis de 450 deportistas no municipio. “Son 8 kilómetros de percorrido intenso, fermoso, o que supón unha vista xeral sobre o noso concello, con naturaleza, zona urbana… É unha carreira sumamente interesante que tamén serve para visibilizar o noso concello con participantes de todo o país”, sinalou esta mañá durante a presentación da cita.
Nesta sexta edición, a Cavernícola colabora coa Asociación Española Contra o Cancro (AECC) en Ourense. “Apórtanse dous euros por cada participante, o que supón case mil euros da recadación das inscricións”, apuntou Valcárcel.
Novidades
Diego López, coordinador da proba, avanza algunhas das novidades que se van atopar este ano os corredores, tales como unha proba de pistolas láser ou o asador de polos, “que pensamos que vai gustar moito”. López recorda que formar parte de AOCO permite que a Cavernícola sexa competitiva e puntuable, ademais de atraer a numerosos deportistas de fóra de Galicia. “Tamén teremos a unha das voces máis populares das OCR, Tribbi speaker, que animará a todos os corredores e ao público”, engade.
Pola súa parte, Miguel Soto, encargado do percorrido e dos obstáculos, invita a desfrutar a todos os participantes dos novos “combos” colocados durante os 8 kilómetros de carreira.
Colaboradores
A concelleira de Deportes, Noemí Pintos, agradeceu na rolda de prensa a implicación do persoal do Polideportivo Municipal, que estes días traballa arreo para ultimar os detalles da proba, así como da Policía Local de Barbadás e de Protección Civil. “Tamén, temos que dar as grazas á Deputación pola súa colaboración, así como ás empresas que nos axudan: Cuevas, Micocadas, Panadería Vistahermosa, Galfor, Maquinor, Patatas Xinzo, Jofesa, Enervit, Panadería Maceda, Cervecería Laza, Deportes Moncho e Forno”, destacou.
Barbadás avanza coa Xunta nas fórmulas para modernizar e actualizar o plan de urbanismo
O alcalde, Xosé Carlos Valcárcel; a tenente alcalde, Victoria Morenza; unha técnico municipal, e o concelleiro Daniel Rey, mantiveron unha reunión en San Caetano coa directora xeral de Urbanismo, Encarnación Rivas
A solución acordada entre ambas partes é a de abordar os cambios precisos na planificación urbanística a través de modificacións puntuais
O Concello de Barbadás avanza un paso máis no obxectivo de actualizar e modernizar o seu Plan Xeral de Ordenación Municipal (PXOM), aprobado no ano 2002, baixo o goberno do Partido Popular. O alcalde, Xosé Carlos Valcárcel; a tenente alcalde, Victoria Morenza; unha técnico municipal, e o concelleiro Daniel Rey, mantiveron unha reunión en San Caetano coa directora xeral de Urbanismo, Encarnación Rivas.
No encontro, trasladaron a necesidade de modificar o PXOM para adaptalo ás necesidades actuais da poboación e á realidade do municipio. Encarnación Rivas, pola súa parte, destacou que o PXOM, pese a ser do 2002, está dentro do marco da lexislación urbanística galega (LouGa), polo que aconsellou ao goberno local a levar a cabo modificacións puntuais de cuestións ás que o plan non dá solucións. Cabe destacar que o Concello de Barbadás terá que asumir integramente o custo dos cambios na normativa.
A directora xeral tamén sinalou a falta da cartografía requirida pola Xunta nos PXOM. En resposta, o alcalde solicitou a colaboración da Administración autonómica (este tipo de tecnoloxía ten un elevado custo), que nestes momentos está a elaborar unha cartografía do territorio galego. Porén, a Xunta aínda non confirmou a súa cooperación con Barbadás.
Modificacións no Fonsillón e na área industrial e ampliación da piscina
Algunhas das modificacións puntuais a incluír no PXOM están localizadas no Fonsillón, a área das piscinas municipais ou a área industrial de Bentraces.
No Fonsillón, o PXOM do 2002 propoñía un vial que tería continuidade no término municipal de Ourense, pero que o Concello de Ourense non incluíu non seu PXOM. Neste caso, será necesario actualizar e regularizar a rúa planificada, xa que non se corresponde coa realidade.
Por outra banda, o goberno local analizará modificacións relacionadas coa ampliación da piscina municipal, así como cambios vinculados á área empresarial de Bentraces para axeitala á realidade.
Barbadás rehabilita o firme da rúa Fonsillón e reforza a mobilidade e a seguridade vial de condutores e peóns
A actuación, solicitada pola asociación veciñal do barrio, afecta ao tramo comprendido entre o cruce coa rúa da Campina e o límite co concello de Ourense
O goberno local decide levar a cabo esta intervención, incluída no Plan de obras de 2025, para poñer solución a un firme en “moi mal estado”
O Concello de Barbadás rehabilitará o firme da rúa Fonsillón no tramo comprendido entre o cruce coa rúa da Campina e o límite co concello de Ourense. As obras incluirán o cambio do firme superficial, así como o pintado de marcas de tráfico para os vehículos e a colocación dun novo redutor de velocidade. “Esta intervención foi plantexada polos veciños, desde o Concello tamén detectamos que a vía estaba en moi mal estado e por iso nos marcamos para o 2025 a súa rehabilitación como unha prioridade”, sinala Victoria Morenza, tenente alcalde e concelleira de Infraestruturas.
O tramo de vía afectado é moi transitado e cun alto volume de tráfico rodado, xa que comunica o núcleo da Valenzá coa N-525. “Queremos facilitar a accesibilidade e mobilidade de peóns e vehículos neste barrio, o que vai redundar nunha mellora da calidade de vida da veciñanza”, explica Morenza. O Concello tamén incluíu na obra de reparación do firme a renovación do actual redutor de velocidade, que se atopa “destrozado” e xa non cumple a súa función.
Plan de obras
O Concello de Barbadás invirte 30.000 euros nesta obra, que conta cun prazo de execución dun mes. A intervención está contemplada no Plan de obras de 2025, que supera os 1,1 millóns de euros para actuacións e melloras no municipio durante este ano, con financiamento propio, do Goberno de España, da Xunta de Galicia ou da Deputación de Ourense.
En total son 9 actuacións, que van desde a substitución de luminarias tradicionais por leds en todo Bentraces e Barbadás, ata a rexeneración de estradas, recuperación de edificios (antiga escola de Sobrado), novas áreas de recreo e deportes (Parque Lucinda), a ampliación do Polideportivo, obras de saneamento ou melloras nos accesos, como por exemplo á Valenzá Vella.
A edil de Infraestruturas da conta da equidade coa que traballa o goberno local nas distintas localidades: “Desde Infraestructuras queremos establecer equilibrio entre os diferentes territorios municipais, que haxa obras e melloras nos núcleos máis pequenos de Barbadás, como Santa Uxía, ata nos máis grandes, como pode ser A Valenzá, pasando por todos os intermedios”.
No caso do barrio do Fonsillón, ademais da rehabilitación do firme da vía, o Plan de obras tamén contempla a reforma do Parque Lucinda e a substitución integral da iluminación actual por luces LED.
Barbadás reducirá nun 83% o consumo enerxético coa renovación de 581 vellas luminarias por tecnoloxía LED
O Instituto para a Diversificación e Aforro da Enerxía (IDAE) vén de aprobar o terceiro proxecto presentado polo Concello para modernizar a iluminación pública, neste caso, nos núcleos de Bentraces e Barbadás
“Esta actuación vai supoñer unha modernización dun alumeado moi obsoleto, agora mesmo hai un tipo de bombillas que xa nin se atopan e case nin se fabrican”, explica Victoria Morenza, tenente alcalde
A intervención ascende aos 350.984,26 euros, e busca modernizar e optimizar instalacións eléctricas e reducir así o gasto enerxético e económico e a contaminación lumínica
O Concello de Barbadás vén de recibir a aprobación do Instituto para a Diversificación e Aforro da Enerxía (IDAE) da renovación de 581 vellas luminarias por tecnoloxía LED. Trátase do terceiro proxecto de modernización que o Concello presenta ante o organismo estatal co obxectivo de cambiar e optimizar as instalacións eléctricas municipais, ademais de reducir o gasto enerxético e económico e a contaminación lumínica.
A actuación permitirá reducir nun 83% o gasto enerxético nos núcleos de Barbadás e Bentraces, que desfrutarán dunha iluminación máis eficiente e de maior calidade. O proxecto aprobado polo IDAE ascende aos 350.984,24 euros, e inclúe un total de 581 luminarias repartidas en nove instalacións de alumeado público nos núcleos de Barbadás e Bentraces, principalmente. “A actuación faise a través dun préstamo a dez anos, xa contemplado nos orzamentos de cada ano”, explica Victoria Morenza, tenente alcalde e concelleira de Servizos Públicos.
A renovación das iluminacións é unha aposta do goberno local por mellorar e optimizar o servizo, pero tamén por reducir a contaminación lumínica, na liña de aforro enerxético marcado polo Goberno Central e pola Unión Europea. En palabras da edila: “Isto vai supoñer a modernización dun alumeado moi obsoleto, hai un tipo de bombillas que actualmente xa nin se atopan nin case se fabrican. Este tipo de préstamos teñen unha serie de requisitos moi estrictos para evitar a contaminación lumínica”.
A renovación completa dos case 600 puntos de luz conta cun prazo de 12 semanas para a súa execución, polo que nas próximas semanas a poboación comezará a ver os cambios nas instalacións e nos cuadros.
Concello pioneiro en instalacións LED
Os dous anteriores proxectos do Concello de Barbadás aprobados polo IDAE permitiron substituír vellas luminarias por tecnoloxía LED en núcleos como Parada e Sobrado e en sete rúas da Valenzá.
Ao marxe dos préstamos concedidos polo IDAE, Barbadás foi un concello pioneiro na modernización da iluminación pública. Con fondos propios, o goberno local leva cambiado nos últimos anos as luminarias de localidades como Piñor ou Finca Fierro.
Barbadás rende homenaxe ás cantareiras e pandereteiras con cantos de taberna e a IV Foliada
A Concellería de Cultura propón unha variada programación para festexar o Día das Letras Galegas
“Queremos poñer en valor esta figura tan importante da cultura galega, que contribuíu e contribúe a preservar o noso legado”, resalta Ana Peleteiro, edila de Cultura
A celebración conta coa colaboración da asociación cultural Moureán, recentemente creada por músicos novos de Barbadás
O Concello de Barbadás festexa o Día das Letras Galegas cunha ampla programación en homenaxe ás mulleres cantareiras e pandereteiras e ao seu papel fundamental na preservación e transmisión da nosa cultura. “Son un símbolo de resistencia, apoderamento e sororidade. Defenderon sempre a literatura popular, sen darse conta”, explica Ana Peleteiro, concelleira de Cultura.
Neste 2025, Barbadás propón unha variada oferta de actividades festivas, que inclúen oferta para poboación de todas as idades. “Non nos centramos unicamente no 17”, destaca a edila. Haberá contacontos, cantos de taberna, actuacións musicais e foliada popular. A asociación cultural Moureán, recentemente impulsada por un grupo de rapaces do municipio, colabora coa Concellería de Cultura en citas como os cantos de taberna ou a foliada.
Ana Peleteiro tamén pon en valor a implicación das distintas áreas do Concello, como Parques e Xardíns, Limpeza, Protección Civil, Policía Local ou Deportes, ademais da colaboración de establecementos hosteleros. “Queremos convidar a todo o mundo a desfrutar desta programación feita en torno á figura das cantareiras”, engade.
A gran novidade: os cantos de taberna
Este ano, Barbadás impulsa unha nova actividade para reivindicar a cultura popular galega: os cantos de taberna. Os integrantes da asociación Moureán visitarán 12 establecementos hostaleiros do municipio desde este venres, día 9, ata o próximo venres, día 16. A ruta arrancará ás seis da tarde, e percorrerá diversos locais da Valenzá. Os bares encheranse de música e cantos tradicionais, abertos á participación da poboación.
Homenaxe ás cantareiras e IV Foliada
A xornada do 17 de maio incluirá un acto conmemorativo das Letras Galegas no parque da Solaina, que consistirá nunha exposición fotográfica protagonizada polas sete pandereteiras ás que se lle adica o Día. Ademais, a Concellería de Cultura colocará imaxes das pandereteiras e cantareiras de Barbadás, “que semana tras semana ensaian, socializan e contribúen á preservación desta literatura popular”, en palabras de Peleteiro.
Desde as doce do mediodía, haberá actuacións musicais das Lambisqueiras, Ferreñas no Luscofusco, grupo de baile Abesour@s de Nova Fronteira e, como non podía ser doutro xeito, do grupo de cantareiras e pandereteiras de Barbadás.
O día 24 celebrarase a IV Foliada de Barbadás, que se vai desenvolver no Parque dos Carrís. “Nesta actividade tamén colabora a asociación Moureán”, detalla a edila. Este ano, o Concello retoma o desfile da Banda de Gaitas e da Banda Cultural de Barbadás, que percorrerá a avenida de Celanova ata o parque dos Carrís. Alí haberá concertos, sesión vermú e actuacións de grupos como Vagalumes, Velai Vai, Pandereteiras de Seixalbo, Picafoles ou Cantares da Cunha. “Este ano modifícase a opción de comida, haberá degustación de porco ao espeto, empanada e lambiscadas”, explica Peleteiro. A organización porá a disposición do público tickets de venda para sumarse ao xantar popular. Tamén haberá sorteos de produtos e lotes, ademais de postos de artesanía, xogos populares ou obradoiros de baile.
Xa pola noite, actuará Fiandola. Unha vez remate o concerto, a foliada será aberta á participación de veciños e veciñas.
Para os máis pequenos
A celebración das Letras Galegas arrancou para os máis pequenos este xoves coa primeira Contada no parque. A actividade correu a conta Carmen Domech, que interpretou o conto “O Grúfalo” para familias e nenos e nenas de máis de 3 anos. “Como anos anteriores, ofrecemos xornadas de contacontos en lingua galega para fomentar a lectura”, detalla Peleteiro. As contadas continúan os próximos xoves (15, 22 e 29), ás 18,30 horas (sempre que as condicións meteorolóxicas o permitan, levaranse a cabo no parque da Casa da Cultura). Cabe destacar que é preciso inscribirse a través do correo biblioteca@barbadas.es.
Barbadás embelece dúas zonas axardinadas da Valenzá
Os espazos verdes ubícanse na rúa do Viso e no acceso da avenida de Celanova ao Camiño da Igrexa
O Concello de Barbadás vén de finalizar as obras de remodelación de dúas zonas axardinadas ubicadas na Valenzá (concretamente, na rúa do Viso e no acceso da avenida da Celanova ao Camiño da Igrexa). Ambos espazos presumen agora dun aspecto renovado e humanizado, con novas especies arbóreas. “Eran dúas zonas que presentaban un estado deteriorado, sen moita vida, e quixemos embelecelas”, explica Victoria Morenza, tenente alcalde e concelleira de Parques e Xardíns.
Na rúa do Viso, a intervención consistiu na retirada de pedras, na colocación de céspede artificial e na plantación de novas especies. No caso do acceso da avenida Celanova ao Camiño da Igrexa, o Concello decidiu sementar novas especies arbóreas e arbustivas, ademais de pintar, adecentar e ampliar a zona. Por último, neste espazo tamén se colocaron pedras de pequeno tamaño de tipo ornamental.
Este tipo de actuacións, destinadas á mellora e ampliación das infraestructuras do municipio, enmárcanse dentro da inversión de 1,1 millóns de euros do Plan de Obras 2025 do Concello de Barbadás.
Barbadás convértese no primeiro concello ourensán en reclamar a reapertura da unidade poscovid da provincia
O pleno do Concello aprobou por unanimidade a moción presentada por PSdeG e DO, na que se solicita á Xunta a reactivación deste servizo, ao que acudían máis de 400 persoas afectadas
O alcalde, Xosé Carlos Valcárcel, recordou o traballo que leva feito e continúa facendo Barbadás por visualizar esta enfermidade
O Concello de Barbadás converteuse este luns no primeiro concello ourensán que reclama a reapertura da unidade poscovid da provincia. O pleno aprobou, por unanimidade, unha moción presentada polo PSdeG e DO para instar á Xunta a reactivar este servizo, activo desde hai anos no Complexo Hospitalario Universitario de Ourense (CHUO), e pechado recentemente pola administración autonómica. O goberno local de Barbadás súmase a esta demanda e amosa así o seu apoio ás mobilizacións realizadas este último mes por parte da asociación de persoas afectadas pola covid persistente na provincia ourensá.
A unidade sanitaria atendía a máis de 400 pacientes cando a Xunta decidiu desmantelala. Entre os numerosos e variados síntomas que sofren estas persoas destacan a fatiga crónica, a dificultade respiratoria, as taquicardias, a alteración da memoria ou o deterioro físico e cognitivo. O peche do servizo, no que se abordaba a enfermidade desde distintas especialidades médicas, supón para os pacientes a perda dunha atención personalizada que lles permitía convivir cos seus síntomas.
O concelleiro de DO, Daniel Rey, defendeu a importancia da reactivación desta unidade “por riba de posicionamientos políticos ou partidistas”, e deu conta do impacto da enfermidade lendo un fragmento dunha carta escrita por unha persoa con covid persistente. Nesa liña, cabe destacar a presencia no salón de plenos de Barbadás de dous pacientes, entre elas, a tesorera da asociación de afectados pola longcovid.
Pola súa parte, a concelleira de Sanidade, Elisabet González, puxo cifras a esta realidade moitas veces invisibilizada: “Estímase que a covid persistente afecta ao 10/15% das persoas que se contaxian. As persoas afectadas non poden ser abandonadas, por iso é necesario garantir a continuidade desta atención médica especializada”.
O PP presentou unha emenda para reactivar a unidade ao remate das obras no CHUO
A moción presentada polo PSdeG e DO foi apoiada pola unanimidade do pleno. Porén, o PP presentou unha emenda para reactivar a unidade ao remate das obras do CHUO, xa que o complexo hospitalario está sendo reformado e ampliado desde agosto de 2022. O goberno local non aceptou esta emenda porque non corresponderse co “espírito da moción”.
Nese sentido, PSdeG, DO, Partido Galego e BNG coincidiron en que non se trata dunha cuestión vencellada ao remate das obras (previsto, segundo a Xunta, para mediados de 2026), senón da necesidade de manter a atención aos pacientes afectados. “Reforzar o servizo pódese facer mantendo a unidade activa e posteriormente, cando esas obras estean rematadas, ampliala”, resumiu o alcalde, Xosé Carlos Valcárcel, quen recordou o traballo feito polo Concello de Barbadás neste ámbito. “Quero que lle chegue este mensaxe á cidadanía: as demandas que había foron escoitadas e atendidas”, sinalou.
Barbadás cobrará pola recollida e o coidado dos animais extraviados aos donos irresponsables
“A finalidade non é recaudar, senon poñer en valor a quen cumple as normas e é responsable dos seus animais”, sinala Daniel Rey, concelleiro de Emerxencias
Protección Civil recolle cada ano un cento de cans en gatos, en algúns casos sen que os propietarios amosen ningún tipo de interese por eles
O pleno do Concello de Barbadás aprobou por unanimidade na sesión ordinaria de este luns a ordenanza fiscal nº17 reguladora da taxa por prestación do servizo de recollida, aloxamento, manutención e entrega de animais (cans e gatos) extraviados ou abandonados na vía pública. O goberno local dá así un paso adiante, na liña da normativa autonómica e estatal, no reforzo do benestar dos animais domésticos.
O servizo de Protección Civil de Barbadás recolle cada ano arredor dun cento de cans e gatos nas vías públicas do municipio. Na maioría de casos, tal e como asegurou Daniel Rey, concelleiro de Emerxencias, no salón de plenos, estas situacións resólvense con rapidez e coa colaboración dos donos. “Cando o animal ten microchip, Protección Civil accede ao rexistro galego de microchips e contacta cos donos. Aí notamos o interese, ou non, dos propietarios. Hainos que non poden recoller o seu animal no momento, pero pídenlle a outra persoa que o faga, ou informan da hora á que lles é posible chegar”, explicou o edil.
Porén, tamén se dan casos nos que os animais non contan con microchip, ou incluso nos que os propietarios non se responsabilizan da situación. Nestas situacións, despois de 3 días Protección Civil encárgase do transporte dos animais ata a protectora, e o Concello asume os gastos de recollida e coidado. “Nótase quen ten interese polos seus animais e quen non, e o que buscamos é premiar a quen coida e ten en condicións aos seus cans ou gatos”, resaltou Rey, que incidiu en que o interese non é recaudatorio. De feito, a taxa que se vai gravar aos propietarios é o custe do servizo: 100 euros por recollida de cans, 85 euros por recollida de gatos e 10 euros diarios pola estancia dos animais nas instalacións municipais. “Só se vai cobrar cando o gato ou can non estea identificado e se entregue na protectora, e cando os donos son reincidentes”, resumiu Rey.
Barbadás acolle a exposición “Destino” do fotógrafo Manuel Valcárcel na súa primeira parada na provincia
Ata o 23 de maio, na Casa da Cultura Manuel María
A mostra enmárcase no proxecto Corriente Cultural de Abanca e Afundación, que percorre diversas localidades galegas
A Casa da Cultura Manuel María albergará a exhibición ata o 23 de maio
A Casa da Cultura Manuel María de Barbadás acolle desde este xoves a exposición fotográfica “Destino” do monfortino Manuel Valcárcel, na que presenta imaxes das súas peregrinacións a catro países de catro continentes distintos. A mostra, de carácter itinerante, enmárcase no proxecto Corriente Cultural de Abanca e Afundación, e conta coa colaboración do Concello de Barbadás.
A exposición fai a súa primeira parada na provincia ourensá en Barbadás, despois de ter percorrido diversas localidades galegas. O público poderá visitala, de forma gratuíta, no segundo andar da Casa da Cultura ata o 23 de maio.
En “Destino”, composta por máis dunha trintena de fotografías, o autor reflexiona sobre a familia, a emigración, o envellecemento ou a sostenibilidade a través da súa viaxe interior e física. Tíbet, Senegal, México e Galicia son os catro espazos elixidos por Valcárcel para contar distintas historias unidas por un mesmo destino.
Na inauguración da exposición participaron Beatriz Fernández-Anguino, coordinadora institucional de Afundación; Mateo Alonso, coordinador institucional de Abanca; Miguel Madriñán, director da sucursal Abanca de A Valenzá; Xosé Carlos Valcárcel, alcalde de Barbadás; Ana Peleteiro, concelleira de Cultura, e José Manuel Morgade, concelleiro de Turismo.
Preto dun centenar de alumnos dos CEIP Filomena Dato e O Ruxidoiro participan no Día da Bici
A actividade forma parte do proxecto Camiño Escolar/Ruta Catalina
O obxectivo é concienciar ás familias sobre a utilización da bicicleta como medio de transporte ecolóxico e saudable
Preto dun centenar de alumnos de 6º de Primaria dos CEIP Filomena Dato e O Ruxidoiro fixeron súas as rúas da Valenzá este xoves con motivo do Día da Bici. A iniciativa, dirixida a escolares do municipio, está impulsada pola Concellería de Educación, en colaboración coa Dirección General de Tráfico (DGT).
O obxectivo do Día da Bici, enmarcado no proxecto Camiño Escolar/Ruta Catalina, é concienciar ás familias sobre a utilización da bicicleta como un medio de transporte ecolóxico, seguro e saudable. “Ir en bici ao colexio é divertido, axuda a desenvolver a independencia, fomenta a actividade física e mellora a saúde mental da rapazada”, explica Marga Pérez, concelleira de Educación.
Os pequenos ciclistas percorreron diversas rúas da Valenzá, tanto no tramo urbano coma ao carón do río. O concelleiro de Emerxencias, Daniel Rey, encargouse de guiar a actividade, na que tamén participaron docentes dos centros escolares. A Policía Local de Barbadás e Protección Civil Barbadás ocupáronse de garantizar a seguridade dos participantes durante toda a proba.
A actividade tamén contou coa presenza de Estrella Garrido Calviño, xefa de sección de Seguridade Vial na Xefatura Provincial de Tráfico de Ourense, quen fixo fincapé na importancia de respetar a normativa vial. “Ao coller a bici, vós tamén sodes condutores, e é moi importante conducir de forma segura e responsable”, explicoulle á rapazada.
Barbadás festexa o Día do Libro coa mirada posta nos máis pequenos
A Biblioteca Municipal acolleu pola mañá un contacontos para alumnado da Escola Infantil, e pola tarde é a quenda das librerías Moraima e Carlin
As catro librerías da Valenzá ofrecen descontos do 10% durante toda a xornada
Barbadás festexa o Día do Libro cunha programación especialmente dirixida aos futuros lectores. A Biblioteca Municipal recibiu a alumnado e docentes da Escola Infantil de Barbadás, que gozaron dun divertido contacontos. Ao remate da actividade, os participantes recibiron como agasallo un libro adaptado á súa idade.
“Con esta programación queremos fomentar entre os máis pequeniños a pasión pola lectura, polos libros e por desenvolver a imaxinación”, apunta Marga Pérez, concelleira de Educación e Comercio. Nesta liña, pola tarde se levarán a cabo contacontos nas librerías Moraima e Carlin, unha iniciativa que onte tivo lugar nas librerías Espa e Valenzá. “É un xeito de achegar aos futuros lectores aos libros e de impulsar ao comercio local”, detalla a edila. As catro librerías ofrecen descontos do 10% nas compras durante toda a xornada.
A programación continúa
O Concello de Barbadás apostou este 2025 por celebrar o Día do Libro durante todo o mes de abril con diversas actividades na Biblioteca Municipal, nas librerías e na Casa da Cultura.
A programación continúa mañá, cun obradoiro de collage sobre a escritora Carmen Martín Gaite, moi vencellada a San Lourenzo de Piñor, onde pasou varios períodos da súa vida. Os participantes aprenderán a técnica do collage, utilizada pola autora na súa estancia en Nova York, e elaborarán unha obra baseada na novela “Carapuchiña en Manhattan”.
O Mes do Libro despídese o sábado coa peza teatral “Castelao. Un corazón á intemperie”, da compañía Fantoches Baj. A obra, na que se mesturan narración oral, monicreques, música tradicional e teatro de máscaras, busca dar a coñecer a figura de Castelao entre a rapazada, así como poñer en valor o seu legado e a lingua galega. A representación terá lugar na Casa da Cultura Manuel María.
Alumnos e docentes do Conservatorio Superior de Música de Vigo visitan o Museo da Gaita
O grupo coñeceu a evolución histórica deste emblemático instrumento, así como a súa relevancia cultural en Galicia
Estudantes e docentes do Conservatorio Superior de Música de Vigo visitaron este martes o Museo da Gaita de Barbadás. A actividade, centrada na etnomusicoloxía e na música tradicional galega, permitiu aos participantes explorar a evolución histórica da gaita e a súa relevancia cultural en Galicia.
Durante a visita, os asistentes percorreron as distintas salas do Museo, que albergan unha colección de gaitas desde a Idade Media ata a actualidade. Tamén coñeceron o obradoiro do museo con ferramentas e materiais empregados na construción e mantemento do instrumento. Esta experiencia enriqueceu a formación práctica do alumnado, especialmente daqueles centrados en musicoloxía e música tradicional.
A visita ao Museo da Gaita enmárcase no compromiso do Conservatorio Superior de Música de Vigo por conectar a formación académica co patrimonio cultural galego.
Ampliación horario
O Museo da Gaita, único no seu tipo en Galicia, ampliou recentemente o seu horario para facilitar o acceso a visitantes e grupos educativos. Ofrece visitas guiadas e obradoiros que afondan na historia e construción da gaita, consolidándose como un referente na preservación da música tradicional galega.
O Barbadás Gaming arranca a súa cuarta edición con videoxogos, equipos de simulación e gafas de realidade virtual
A Casa da Mocidade acolle hoxe e mañá a cita, que congrega a rapazada de todo o municipio
A Casa da Mocidade do Concello de Barbadás acolle hoxe e mañá o IV Barbadás Gaming, un evento que cada ano gaña máis adeptos entre a rapazada do municipio. A cita, dirixida a maiores de 12 anos, conta cunha ampla oferta de xogos: desde consolas PS5 ata gafas de realidade virtual ou equipos de simulación de condución.
Para aqueles participantes que prefiran os xogos tradicionais aos virtuais, o evento conta tamén cunha variada selección de pasatempos como o Monopoly, o Tabú, o Trivial ou o Cluedo.
O horario do Barbadás Gaming é de 11,00 a 14,00 horas e de 16,00 a 20,00 horas.
O legado de Carmen Martín Gaite dá comezo ao Mes do Libro en Barbadás
A Biblioteca Pública conta cunha exposición adicada á escritora e regala aos usuarios axendas literarias deste 2025, ano Carmen Martín Gaite
O espazo cultural convida á poboación a participar nun bookface colectivo
A Biblioteca Pública de Barbadás dá o pistoletazo de saída da programación cultural do Mes do Libro. O Concello busca deste xeito celebrar e poñer en valor o papel da literatura ao longo de abril, sen limitarse ao festexo puntual do Día do Libro (23 de abril). Así, nas próximas semanas haberá contacontos, postos de librerías, teatro de monicreques ou exposicións.
Este 2025 celébrase o Ano Carmen Martín Gaite co gallo do centenario no seu nacemento, polo que a pegada da escritora estará moi presente nas actividades previstas ao longo destas semanas. Nesa liña, as instalacións da Biblioteca contan cunha mostra adicada á autora, na que se fai un pequeno repaso pola súa obra e pola súa especial relación con San Lourenzo de Piñor. Cabe destacar que o Concello de Barbadás impulsa desde 2023 un paseo literario por Piñor, guiado polo investigador David González.
Por outra banda, aquelas persoas que realicen préstamos na Biblioteca durante este mes recibirán un regalo moi especial: a axenda 2025 “Piñor, lugar literario”, na que se inclúen citas, reflexións da escritora e fragmentos das súas obras.
Bookface colectivo
A Biblioteca de Barbadás convida á veciñanza a participar na elaboración dun bookface colectivo. Esta técnica creativa, cada vez máis estendida, consiste na toma dunha fotografía na que a cuberta dun libro se funde co contexto que o rodea (sexa unha persoa, un espazo, un animal…).
As persoas interesadas en participar poden enviar as súas imaxes á dirección de correo biblioteca@barbadas.es ata o próximo día 21 de abril. O persoal municipal elaborará un vídeo a partir das fotografías compartidas pola veciñanza que posteriormente se compartirá nas redes.
O goberno local insta ao PP a desbloquear a subvención da Deputación para cambiar o chan do local de Sobrado, que o propio PP propuxo en pleno
A moción dos populares de Barbadás foi aprobada por unanimidade o 13 de xaneiro e o 23 do mesmo mes a obra xa foi solicitada, xunto coas outras dúas previstas, á Deputación, que agora obriga a descartar unha delas
Xosé Carlos Valcárcel pídelle a voceira popular que cumpra o prometido coa veciñanza: “Axude a que o presidente da Deputación non diga que 300.000 euros son moitos para Barbadás. Nos llo agradeceríamos a vostede e a el”
O pleno de Barbadás instou onte ao PP a desbloquear a subvención nominativa solicitada á Deputación de Ourense para o cambio de chan do local social de Sobrado do Bispo. Na sesión ordinaria onte celebrada na Casa do Concello, o grupo popular levou unha moción para que o Concello faga a petición desta axuda, algo que o goberno local realizara xa o pasado mes de xaneiro, concretamente o día 23. A tenente alcalde, Victoria Morenza, explicou que o proxecto se presentou no Pazo Provincial xunto coa ampliación do polideportivo e a reforma do Museo da Gaita. A incorporación desta obra en Sobrado do Bispo ás solicitadas polo Concello de Barbadás á Deputación (vía subvencións nominativas) foi o resultado dunha moción presentada polo PP local so 10 días antes, o día 13 de xaneiro, na que propoñían precisamente que así se fixera e que contou co apoio de toda a Corporación.
Agora Barbadás aspira a manter as tres obras solicitadas, tal e como explicou ironicamente Victoria Morenza: “Barbadás ten tres fillos para enviar á universidade, pero non quere ter que elixir entre so dous”, para o que pediu a axuda do PP local, pois ao final, a decisión última depende da Deputación.
É por elo que o alcalde, Xosé Carlos Valcárcel, recalcou que o goberno municipal “fixo o seu traballo” e nesa liña instou tamén á voceira popular, Chelo Vispo, a mediar coa Deputación para conseguir as tres subvencións e cumprir así co seu compromiso coa veciñanza. “Axude a que o presidente da institución provincial non nos diga que 300.000 euros son moitos para Barbadás. Non eran tantos cando en tempos pasado se invertían en concellos de moita menor entidade que Barbadás”, recordou. Pola súa parte, Chelo Vispo recoñeceu que a Deputación recibiu a petición da subvención nominativa, pero descoñece o estado da mesma. “Teremos que esperar ao pleno provincial de finais de abril, no que se tratará a modificación de crédito para Barbadás, para saber en que estado está a petición”, explicou.
Cabe recordar que a ampliación do Polideportivo e o a impermeabilización do Museo da Gaita son tan necesarios para o Concello e o goberno local como o cambio do chan en Sobrado do Bispo, polo que espera que a Deputación non os poña na situación de ter que elixir. En todo caso, para tranquilidade dos veciños, Victoria Morenza asegurou que “a substitución do solo de Sobrado efectuarase con fondos municipais se é necesario”, aínda que confía que o PP cumpra a súa palabra coa veciñanza, pois entre outras cousas, así se adiantaría a execución da obra.
A moción do PP foi aprobada onte cos votos a favor dos populares e do BNG, e coa abstención do PSOE, de DO e do Partido Galego, pois entenderon o que pedían nela xa estaba trasladado á Deputación e que agora a pelota estaba no tellado da institución provincial e do PP local.
Apoio á sanidade pública
O pleno de Barbadás aprobou o apoio á manifestación da plataforma S.O.S Sanidade Pública, cos votos a favor do PSOE, DO, Partido Galego e BNG, e cos votos en contra do PP. A concelleira de Sanidade, Elisabet González, respondeu á moción presentada polo BNG cun apoio inequívoco. “Somos coñecedores dos recortes e deterioro da sanidade galega, é necesario dotala de maior persoal, hai listas de espera en todas as especialidades e sabemos do aumento das derivacións aos servizos de saúde privados. Teñen que deterse os recortes sanitarios”, reclamou González.
O pleno tamén aprobou, cos votos en contra do PP, a moción presentada polo BNG en rexeitamento ao proxecto de construción da macrocelulosa de Altri en Palas de Rei.
Por outra banda, o pleno rexeitou a moción presentada polo PP para a creación dunha ordenanza reguladora dos locais sociais. A concelleira de Participación Veciñal, Ana Peleteiro, destacou o bo funcionamento dos locais sociais coas propostas do Concello, das asociacións veciñais e das iniciativas cidadáns. “Dende a concellería estamos a traballar en coordinación coas asociacións, existen unhas normas de funcionamento que se cumpren por todos”, resaltou Peleteiro. Nesa liña, avanzou que o goberno local está a traballar nunha ordenanza que abranguerá o uso de todas as instalacións municipais. “Previamente haberá que facer consulta pública”, sinalou. A moción foi rexeitada cos votos en contra do PSOE, DO e Partido Galego, e cos votos a favor de PP e BNG.
A Policía Local de Barbadás estrea un vehículo todoterreo e inicia o seu proceso de modernización
O Concello incorporará un novo efectivo ao longo do ano, e nos próximos meses se mellorarán as comunicacións coa rede dixital Tetra
“Con este novo vehículo cubrimos unha das importantes carencias deste servizo”, resalta o alcalde, Xosé Carlos Valcárcel
A Policía Local de Barbadás estrea novo vehículo trala incorporación dun todoterreo aos equipos da xefatura. O Concello de Barbadás reforza así o compromiso coa seguridade da poboación e mellora os medios dispoñibles polos axentes. “Coa incorporación deste vehículo cubrimos unha das importantes carencias deste servizo”, asegurou Xosé Carlos Valcárcel, alcalde de Barbadás, durante a presentación oficial do automóbil.
O todoterreo, que cumpre cos requisitos medioambientais e de mobilidade, permitirá á Policía Local cubrir espazos urbanos, así como rurais e mesmo zonas de montaña. “Ofrece un servizo integral para cubrir as necesidades da da veciñanza de todo o municipio”, resaltou Valcárcel.
O alcalde e o xefe da Policía Local de Barbadás, Fernando Freire, recibiron esta mañá as chaves do automóbil. Ao acto de entrega tamén acudiron a tenente alcalde, Victoria Morenza; o edil de Seguridade e Emerxencias, Daniel Rey, así como personal administrativo da Policía Local e integrantes de Protección Civil.
Modernización: novo efectivo e rede Tetra
A chegada do novo vehículo supón o inicio do proceso de modernización da Policía Local impulsado polo Concello de Barbadás nunha firme aposta polo benestar da poboación. “Está prevista a incorporación dun novo efectivo ao longo deste ano”, recordou o rexedor. Tamén nesta liña, durante os meses de maio e xuño se mellorarán as comunicacións coa rede dixital Tetra, “un gran avance fundamental para que a veciñanza sexa ben atendida”, en palabras de Valcárcel.
Por outra banda, o Concello ten solicitado á Xunta de Galicia a entrega dun vehículo neste 2025 a través do Fondo de Compensación Ambiental. “A mellora na Policía Local de Barbadás será completa ao longo deste ano”, remarca o alcalde.
Barbadás acolle unha formación práctica de candidatos a Protección Civil
O curso, impartido pola Academia Galega de Seguridade Pública (AGASP) habilita aos participantes a formar parte do sistema integrado de Protección Civil e Emerxencias
A aula tecnolóxica do Parque da Solaina e un campo habilitado para as prácticas acolleron a actividade este sábado
O concello de Barbadás foi este sábado a sede da formación práctica dos candidatos a voluntarios de Protección Civil de varios municipios da provincia. Os cursos son impartidos pola Academia Galega de Seguridade Pública (AGASP) e forman parte do seu programa de formación continua e descentralizada.
A aula tecnolóxica do Parque da solaina e un campo habilitado para as prácticas acolleron a xornada formativa. Unha vez superado o curso, o alumnado adquire a condición de voluntarios no sistema integrado de Protección Civil e Emerxencias de Galicia, adscribíndose cada un á agrupación do seu concello. A formación consistiu no manexo de equipos de comunicación TETRA, primeiros auxilios e utilización de extintores.
O concelleiro de Emerxencias, Daniel Rey, avanza que Barbadás será este ano a sede do curso de 2º nivel de extinción de incendios e tamén do curso de busca de persoas desaparecidas. Nese senso, o edil agradece a confianza depositada en Barbadás por AGASP e polo servizo provincial de emerxencias da Xunta.
A oficina de obxectos perdidos de Barbadás almacena preto de 300 artigos sen reclamar
Paraugas, frautas, chaves, carteiras ou teléfonos son algúns dos útiles que recalan no posto da Policía Local
O Concello conta cunha páxina de Facebook (Obxectos perdidos Barbadás) para facilitar á veciñanza a recuperación dos mesmos
A oficina de obxectos perdidos do Concello de Barbadás, ubicada na sede da Policía Local, almacena actualmente preto de 300 útiles sen reclamar. Entre outros artigos hai paraugas, frautas, chaves de vivendas e de automóbiles, documentos de identidade, lentes, fundas, carteiras e teléfonos móbiles.
Para facilitar a recuperación dos obxectos, a oficina conta cunha páxina de Facebook (Obxectos perdidos Barbadás), onde se colgan as imaxes dos artigos que chegan á oficina xunto con información sobre o lugar no que apareceron. “Neste caso, as redes sociais fan unha labor fundamental”, resalta Daniel Rey, concelleiro de Emerxencias.
O goberno local busca dar a coñecer entre a veciñanza este servizo, xa que aínda que acotío se achegan propietarios, son moitos os obxectos que permanecen desde hai meses na oficina. “Moita xente non sabe que pode reclamar estes artigos aínda pasado o tempo”, explica Rey.
Entregar os obxectos á Policía Local
O concelleiro recorda que é obriga cidadá entregar á Policía Local aqueles útiles que se poidan atopar na rúa, tal e como se recolle no artigo 615 do Código Civil. “É obrigación de quen atopa un obxecto perdido poñelo a disposición das autoridades, non pode gardalo na casa e esperar a que apareza o propietario”, recalca.
Barbadás recupera a esencia da Feira do 2 e amplía postos con comida, antigüedades, plantas ou roupa
Aínda que esta cita acumula máis de dúas décadas historia, o único posto que se mantiña a día de hoxe era a carpa da pulpeira
O Concello de Barbadás impulsa a tradicional Feira do 2 cunha ampliación da oferta de postos. A cita mensual, que conta xa con máis de 20 anos de historia, vendía nos seus inicios produtos de diversa índole, pero co paso do tempo foi perdendo variedade, ata quedar reducida á carpa da pulpeira.
“Queremos recuperar esa venda de alimentos, roupa, plantas e antigüidades que se foi perdendo e facer así que a nosa feira sexa como calquera outra que podamos atopar noutros lugares”, explica a concelleira de Comercio, Marga Pérez. A ampliación da oferta tamén pretende rescatar a tradición das rianxeiras que “houbo sempre no noso concello”, en palabras da edila.
A primeira cita desta renovada Feira do 2 é este mércores, pero a intención da Concellería de Comercio é seguir aumentando o número de postos no futuro. “Queremos que vaia medrando e que se converta nunha data de referencia para a nosa poboación”, asegura Pérez.
Paseo dos Amieiros
A Feira do 2 ten lugar no Paseo dos Amieiros da Valenzá, despois do cambio de ubicación levado a cabo nos últimos anos. Este mércores pola mañá, a Policía Local cortará un pequeno tramo da rúa, pero apenas afecta ao tráfico ao tratarse dunha zona sen vivendas nin acceso a garaxes.
Máis de 24 toneladas de toalliñas húmidas provocan graves avarías cada ano na rede de saneamento de Barbadás
O Concello lanza unha campaña en redes para sensibilizar á poboación do impacto de desfacerse deste tipo de produtos polo váter
A súa composición plástica impide a descomposición, polo que as toalliñas tupen as tubaxes, causan roturas na rede e sobrecargan os aliviadoiros
O Concello de Barbadás lanza unha campaña de sensibilización para concienciar á poboación do grave impacto de tirar as toalliñas húmidas ao váter. Cada ano, máis de 24 toneladas deste produto rematan na rede de saneamento municipal, o que provoca sucesivos atascos e avarías, tanto nas propias acometidas dos edificios como nas tubaxes xerais, co conseguinte gasto económico.
A composición plástica das toalliñas impide a súa descomposición unha vez que se lanzan polo váter, e basta a súa acumulación para causar sobrecargas e roturas de tubaxes, así como obstrucións nos aliviadoiros da rede. “Hai numerosas avarías ao longo do ano no concello, e a causa sempre é a mesma: as toalliñas”, explica a tenente alcalde, Victoria Morenza. A recollida de augas pluviais na rede tamén se ve afectada ao arrastrar estes produtos: “Nalgunhas zonas verdes da Valenzá, preto do río, saen toalliñas ao exterior das arquetas, porque a acumulación fai que se levanten as tapas”.
A campaña lanzada hoxe polo Concello de Barbadás propón alternativas á veciñanza, tales como tirar este tipo de panos ao lixo, en lugar de facelo ao wc, ou utilizar toalliñas biodegradables e respectuosas co medio ambiente.
Aumento do seu uso
Pese ás numerosas campañas destes anos centradas no grave impacto das toalliñas, os datos amosan que o seu uso vai en aumento. No ano 2024, estímase que 24,6 toneladas deste produto remataron na rede de saneamento de Barbadás, un 5% máis ca o ano anterior.
2022
2023
2024
24.559 kg
23.408 kg
24.600 kg
Cabe recordar que as negativas consecuencias de desfacerse das toalliñas no váter non rematan nas tubaxes e depuradoras: os panos acaban por chegar a ríos e mares, onde poñen en perigo á fauna e flora dos ecosistemas.
A Casa da Cultura de Barbadás acolle unha exposición didáctica sobre o mundo dos insectos
A mostra, promovida por Ecoloxistas en Acción en colaboración coa Concellería de Cultura, pódese visitar ata o 11 de abril
O obxectivo é dar a coñecer a importante función destes animais no noso ecosistema
A Casa da Cultura Manuel María de Barbadás acolle desde esta semana a exposición didáctica “Sen insectos non hai vida”, promovida por Ecoloxistas en Acción Ourense en colaboración coa Concellería de Cultura. A mostra poderase visitar ata o 11 de abril na sala de exposicións do edificio municipal.
O obxectivo desta iniciativa é dar a coñecer entre maiores e pequenos o papel que xogan os insectos nas nosas vidas e no noso ecosistema. Nesa liña, os 11 paneles que conforman a exposición recollen información sobre a función destes animais na polinización, no ciclo de nutrientes ou nas cadeas alimenticias das aves e outros insectívoros.
Desde a área de Cultura, a concelleira Ana Peleteiro convida a toda a poboación de Barbadás a visitar a mostra e comprender así “a gran importancia ecolóxica” destes seres vivos.
