Os solicitantes admitidos deberán realizar o pagamento e presentar o xustificante de pago nas Instalacións Municipais do Parque da Solaina, do 25 ao 27 de xuño.
O pagamento deberá realizarse mediante ingreso ou transferencia bancaria no número de conta: IBAN: ABANCA ( A Valenzá): ES78 2080 0470 2931 10000065. Indicando no concepto: “Campamento urbano 2019” e o nome e apelidos do menor.
“Canta miña pedra canta”, con Xoan Curiel e Charo Pita.
Domingo, 5 de maio, ás 19h. Casa da Cultura Manuel María.
Canta miña pedra, canta, un espectáculo familiar dirixido a nenos e nenas de 5 a 12 anos que levarán adiante o músico Xoán Curiel e a contadora Charo Pita, baixo xestión da Editorial Galaxia.
Xoán Curiel volve ao FalaRedes acompañado desta volta da narradora e contadora Charo Pita. A actividade xira arredor dos relatos populares galegos e mais de cancións que don Antonio Fraguas, a quen este ano se lle dedica o Día das Letras Galegas, recolleu nas súas Aportacións ao Cancioneiro de Cotobade.
Co obxectivo de que o público que ve o espectáculo poida seguir afondando na lectura en galego e no coñecemento do noso patrimonio lingüístico e literario, cada familia asistente recibirá antes de marchar unha pequena antoloxía de narracións tradicionais de Galicia escolmadas por Quique Harquindey e Maruxa Barrio titulada O fillo do rei e outros contos populares.
Recomendada para público familiar.
Entrada gratuita ( Recollida de invitacións na Casa da Cultura Manuel María).
Sábado, 4 de maio ás 20h. Casa da Cultura Manuel María.
Margot, nai de Loló, queda no paro e decide instalarse na casa da súa filla, a un océano de distancia. Pero o que parecía unha idea xenial que axudaría a xuntar a unha familia desestruturada desde sempre, axiña muda en desastre.
Como acolle unha filla a volta da súa nai? Quen é a nai e quen a filla cando é esta última a que ofrece casa e sustento? Canto tempo pode pasar até que esta bomba de reloxería estoupe definitivamente? Loló e Mamá fainos ver, grazas a un humor fino e acedo, que as cousas case nunca son máis difíciles do que nos gustaría e sobre todo, que o amor é unha arma de dobre fío: canto máis se ama, máis se sofre.
Recomendado a partir de 12 anos.
Entrada gratuita (Recollida de invitacións na Casa da Cultura Manuel María”.
Venres, 8 de febreiro ás 20h. Casa da Cultura Manuel María.
Un espectáculo escénico sobre a violencia de xénero desde unha perspectiva filosófica.
Tres personaxes en escena: Sócrates, Aristóteles e Platón (interpretados por mulleres) que empregarán recursos de máscaras a escala real ademáis do emprego de técnicas audiovisuais sobre o escenario para acadar a sensación de duplicidade de personaxes sobre o escenario. Nesta peza, a escenografía, a videocreación, a paisaxe sonora e a poesía xoga un papel sumamente importante.
Lugar: Casa da Cultura Manuel María.
Data: Venres, 8 de febreiro ás 20h.
Entrada: Gratuita. (Previa recollida de invitacións na Casa da Cultura Manuel María).
Teatro con “Tarabeleando con Mario” de Silvardeiras
Sábado, 26 de xaneiro ás 20h. Casa da Cultura Manuel María.
Basada en “Cinco horas con Mario” de Miguel Delibes. Trátase dun retábulo de mulleres de diversa índole e condición que culpan a Mario, defunto marido de cada unha, de todas as frustracións da súa vida. Atacando a Mario, recentemente morto, intentan xustificar unha infidelidade que non tiveron tempo de explicar antes.
Lugar: Casa da Cultura Manuel María (A Valenzá).
Data: Sábado, 26 de xaneiro ás 20h.
Entrada con invitación -ata completar aforo- . Recollida de invitacións na Casa da Cultura.
Recomendada a público familiar a partir de 7 anos.
O vindeiro venres 21 de decembro de 2018, as 10:30 h. na Escola Infantil Municipal de Barbadás recibimos o Nadal cunha interpretación dun obradoiro espectáculo “Moraima”, a cargo de Marcelo Dobode e Beatriz Martínez. Neste espectáculo @s artistas interactúan co alumnado na nosa escola, non volo perdades.
Día 15, en horario de mañá e tarde e 16 en horario de mañá
Os establecementos comerciais de Barbadás, en colaboración coa Concellería de Comercio, organizan ,o día 15 en horario de mañá e tarde e o día 16 en horario de mañá, un fín de semana especial de compras con motivo da proximidade das datas do nadal.
Haberá un sorteo dun vale de 400€, ademaís de música, concurso de escaparates, visita de Papa Noel para os máis pequenos/as e moitas máis solpresas.
Dende a Concellería de Comercio queremosvos animar a participar nesta iniciativa, e apoiar o comercio local pensando nel para facer as compras do nadal.
Dende decembro do 2015, o Banco Solidario do concello de Barbadás, situado na rúa do Ensino 5, vén abrindo as súas portas para recoller e repartir entre as usuarias de Servizos Sociais (roupa, calzado, alimentación diversa, xoguetes,…).
Dada a proximidade das festa do Nadal, os vindeiros martes 11 e 18 deste mes de decembro, queremos facer entrega dunha “Caixiña Solidaria”, pretendendo ter un pequeno detalle con aquelas familias usuarias do Banco Solidario, con menos recursos económicos.
Axudas para a mellora da rede pública de escolas infantís.
Financiado pola Xunta e pola UE. Programa Operativo FEDER Galicia 2014-2020.
Adquisición de equipamento, mobiliario e dispositivos de novas tecnoloxías, para a Escola Infantil de Barbadás, financiado pola Xunta e pola UE con cargo a a orde do 27 de xuño de 2018.
Domingo, 2 de decembro ás 19h no Auditorio da Casa da Cultura "Manuel María"
A Cidade Cinza era absolutamente silenciosa. Ninguén falaba, ninguén cantaba, ninguén ría e ninguén choraba. Non había unha soa flor, non habitaba unha soa árbore. Pero todas as mañás pasaba o vendedor de paxariños cargando unha fermosa gaiola de portas abertas con paxariños libres de cores alegres. As nenas e os nenos inundaban as rúas para asistir ao espectáculo. O vendedor collía unha guitarriña e acompañaba o frenético chiar. Pero as xentes da cidade reprobaban aquel home que distraía as persoas das súas obrigas cotiáns. Pola súa banda, os mandaríns da cidade tentaron evitar que as cores lle roubasen a cidade cincenta o seu nome. Será que o conseguiron?
Lugar: Auditorio da Casa da Cultura Manuel María
Data: Domingo, 2 de decembro
Hora: 19.00 h
Entrada: Libre. Recollida de entradas na Casa da Cultura desde o luns día 26 ata o venres 30 de novembro.
Ampliase o prazo, ata o 8 de Outubro, para a renovación do bono social eléctrico.
O Bono Social consiste nun desconto na factura da luz que pretende protexer os fogares máis vulnerables.
Coa entrada en vigor, en octubre de 2017, do Real Decreto 897/2017 cambian os requisitos para ter dereito o Bono Social.
Para beneficiarse do Bono Social haberá que ter a tarifa eléctrica PVPC (con o sin discriminación horaria) e unha potencia igual ou inferior a 10 kW na vivenda habitual.
Ademáis, deberanse cumprir os requisitos para ser considerado cliente vulnerable, cliente vulnerable severo ou cliente vulnerable severo en risco de exclusión social.
