As persoas autónomas interesadas  terán ata o 30 de setembro para solicitar as axudas destinadas a impulsar o emprego autónomo e apoiar a consolidación do xa existente. Trátase dun programa que acolle dúas liñas de financiamento.

Poden optar a estas axudas as persoas dadas de alta no Reta, noutro réxime especial por conta propia ou en mutualidades profesionais entre o 1 de outubro de 2020 e o 30 de setembro de 2021. É preciso ter iniciada a actividade con anterioridade á presentación da solicitude da axuda e que se desenvolva en Galicia.