AXUDAS PARA A RENOVACIÓN DE ELECTRODOMÉSTICOS DESTINADAS A PARTICULARES

As axudas poderán alcanzar o 25% do prezo do electrodoméstico para un consumidor xeral, o 50% para os vulnerables e o 75% para os vulnerables severos

O prazo de presentación de solicitudes de adhesión das entidades colaboradoras finalizará o 30 de xuño 2021 ( 30/03/2021 – 30/06/2021)

• Este programa de apoios permitirá a 20.000 familias, durante este ano 2021, aforrar 560.000 euros ao ano na súa factura enerxética.

• O programa Renove Electrodomésticos está dirixido a persoas que residan en vivendas localizadas en Galicia e queiran renovar os seus equipos por outros da mesma tipoloxía e coa seguinte cualificación enerxética: frigorífico ou frigorífico conxelador A, B, C ou D; conxelador A, B, C ou D; lavadora A, B ou C; lavalouzas A, B ou C; ou encimera de indución total.

• As axudas, ás que se destinan un total de 3 M€ -o que supón un incremento do 70% con respecto á convocatoria anterior en 2020-, serán de concorrencia non competitiva.

• As solicitudes tramitaranse a través de entidades colaboradoras ( inega.gal ou desde a sede electrónica da Xunta de Galicia ( http://sede.xunta.gal) cumprimentando a solicitude de adhesión.

• As axudas poderán alcanzar o 25% do prezo do electrodoméstico para un consumidor xeral, o 50% para os vulnerables e o 75% para os vulnerables severos, polo que, segundo a tipoloxía de electrodoméstico e o consumidor, as axudas irán desde os 100 aos 450 euros.

• Cada beneficiario só poderá recibir unha axuda para cada unha das tipoloxías con un máximo de tres electrodomésticos. Prestarase especial atención ás familias vulnerables.

• DOCUMENTACIÓN NECESARIA Y DATOS:

1. NIF da entidade solicitante cando sexa unha persoa xurídica.
2. DNI/ NIE da persoa solicitante cando sexa unha persoa física.
3. DNI/ NIE da persoa representante.
4. Certificado de estar ao corrente do pago coa EAT.
5. Certificado de estar ao corrente de pago coa Seguridade Social.
6. Certificado de estar ao corrente do pago coa Facenda Autonómica.
7. Certificación de alta no imposto de actividades económicas cando a entidade colaboradora sexa unha empresa.