25/05/2021

Cambios lexislativos de ámbito estatal obrigan a circular a 30 Km/h no casco urbano de A Valenzá

Entrada en vigor, 11 de maio de 2021

OS CAMBIOS NA LEXISLACIÓN ESTATAL DE CIRCULACIÓN OBRIGAN AOS/ÁS AUTOMOBILISTAS A CIRCULAR A 30 QUILÓMETROS POR HORA EN TODO O CASCO URBANO DE A VALENZÁ

Instaláronse sinais de prohibido circular a máis de 30 quilómetos/h en sete entradas á zona urbana de A Valenzá

A finalidade deste cambio na lexislación de ámbito estatal é a de mellorar a seguridade vial no tráfico urbano

  • A modificación do Regulamento Xeral de Circulación, unha lexislación de ámbito estatal, rebaixa o límite de velocidade en vía urbana de 50 quilómetros por hora a 30 km/h.

 

  • Esta moficación, que afecta a toda España, garante a fluidez dos desprazamentos realizados nas avenidas e a reducción do impacto negativo na calidade do aire das cidades, vilas, etc.

 

  • A finalidade deste cambio na lexislación do Estado é a de mellorar a seguridade vial no tráfico urbano. Tamén se definen os requisitos e condicións dos vehículos de mobilidade persoal.

 

  • Estes vehículos de mobilidade persoal, ao ser definidos formalmente como tales, terán prohibida a súa circulación polas beirarrúas e zonas peonís.

 

  • Os cambios realizados no Regulamento Xeral de Circulación (Real Decreto 1428/2003, de 21 de novembro), normativa de ámbito estatal, permiten cumprir criterios de reducción da siniestralidade en vías urbanas a través de diminución da velocidade nunha porcentaxe significativa do viario, así como establecer os requisitos ténicos para os vehículos de mobilidade persoal.

 

  • A modificación do artigo 50 desta normativa de ámbito estatal, referente aos límites de velocidade en vías urbanas e travesías, queda redactado do seguinte xeito: “o límite xenérico de velocidade en vías urbanas será de 20 quilómetros por hora en vías que dispoñan de plataforma única de calzada e beirarrrúa” (na Valenzá non existen vías deste tipo.

 

  • O límite xenérico será de 30 quilómetros por hora en vías de un único carril por sentido de circulación foi definida neste cambio da lexislación de ámbito estatal. Este suposto afecta a todas as rúas e viais do casco urbano da Valenzá.

 

  • A modificación normativa estatal afecta, no caso de Barbadás, a toda a zona urbana de A Valenzá, motivo polo cal se colocaron o día 12 de maio as sinais de indicación de velocidade nas diferentes entradas ao casco urbano: entrada á Valenzá á altura do número 137 da avenida de Celanova; na entrada dende a cima da rúa do Viso; na avenida de Celanova entrando por Barbadás antes da ponte da autovía; na rúa 17 de Maio, xunto glorieta pequeña; xunto campo de fútbol entrando dende Barbadás; xunto túneles de Lameira do Mato e na baixada estreita dende a gasolinera da N-540.

 

  • A normativa que regulamenta estas modificacións está recollida no Real Decreto 970/2020, de 10 de novembro cuxo ámbito abrangue o territorio nacional de España. Os cambios no Regulamento Xeral de Circulación entraron en vigor o día 11 de maio.

Infraestruturas/Obras/Servizos, Novas, Seguridade cidadá, Transporte

CONTENT.1631923324

SINGLE.1631923324