O Concello de Barbadás organiza unha nova edición do seu campamento de inglés de verán, unha proposta lúdica e educativa pensada para que os máis pequenos aprendan o idioma de forma dinámica e divertida.

O campamento está dirixido a nenos e nenas nados entre 2014 e 2022 e desenvolverase nas instalacións municipais do Parque da Solaina, do 22 ao 30 de xuño (agás o día 24), en horario de 9:00 a 14:00 horas.

Ofértanse un máximo de 40 prazas (cun mínimo de 20 para a súa realización).

A listaxe provisional de admitidos publicarase o 5 de xuño e a definitiva o 16 de xuño.

Nas listaxes provisional e definitiva de admitidos/as publicarase o número de rexistro da solicitude.

O custo da actividade é de 35 euros por participante, que deberá aboarse entre o 8 e o 12 de xuño.

CONCILIACIÓN e FORMACIÓN

Esta iniciativa está organizada pola Concellería de Educación, que busca facilitar a conciliación familiar ao tempo que promove a aprendizaxe do inglés nun entorno lúdico e participativo.