CARTA DO ALCALDE DE BARBADÁS APELANDO AO CONSUMO RESPONSABLE DE AUGA

Estimada veciñanza:

 Levamos unha longa tempada con escasez de choivas o que, sumado ás altas temperaturas, propicia que nos atopemos nunha situación preocupante no que atinxe ó consumo de auga.

 Hai comarcas na costa galega que xa tiveron que adoptar medidas restritivas en canto ó subministro de auga.

 Tamén algún concello da nosa provincia está analizando si ten que tomar medidas semellantes.

 En Barbadás a situación non é grave nin alarmante, pero debemos ser precavidos/as e, polo tanto, é convinte que todos e todas nós fagamos un uso racional e comedido da auga tendo presente que a situación de seca pode ser prolongada dado que as previsións meteorolóxicas indican que voltarán as temperaturas extremas.

 Nestas condicións, precisamos a colaboración de toda a veciñanza para que teñamos garantido un subministro de calidade.

 A colaboración de todos e todas resulta imprescindible nestas circunstancias.

 Por pouco que aforremos cada un e unha de nós, axudaremos a que a situación se manteña estable.

 Moitas grazas.

 Un cordial saúdo.

 O Alcalde: Xosé Carlos Valcárcel Doval