REUNIÓN DA MESA DE COORDINACIÓN INTERINSTITUCIONAL FRONTE Á VIOLENCIA DE XÉNERO DO CONCELLO DE BARBADÁS

• O salón de plenos do Concello de Barbadás acolleu a reunión da Mesa de Coordinación Interinstitucional fronte á Violencia de Xénero do Concello de Barbadás, que se celebra semestralmente.

• Esta mesa ten por obxectivo a coordinación da atención ás vítimas de violencia de xénero dende o ámbito municipal de Barbadás entre todas as institución implicadas na abordaxe e tratamento de casos de violencia de xénero.

• Esta mesa de traballo foi presidida por Xose Carlos Valcárcel, alcalde de Barbadás, a concelleira de igualdade, Elisabet González Nistal, a secretaria xeral de igualdade da Xunta de Galicia, Susana López Abella e a xefa da Unidade de Violencia de Xénero da Subdelegación do Goberno, María Alida Iglesias.

• Á mesa interinstitucional, da que tamén forma parte o Concello de Taboadela, acudiron traballadoras sociais de ambos concellos, as orientadoras dos centros educativos de referencia, colexios de Barbadás e instituto Ferro Couselo, representantes do Centro de saúde de Barbadás, persoal dos servizos sociais municipais e das forxas e corpos de seguridade, concretamente o equipo de violencia de xénero da primeira compañía da Garda Civil.

• Tamén está presente na mesa interinstitucional a Policía Local de Barbadás, que colabora coas forzas de seguridade do estado na atención ás vítimas de violencia de xénero a través do Programa Viogen.

• Ademais forman parte da mesa interinstitucional as/os traballadores do CIM de Barbadás, directora, asesor xurídico e psicóloga.

• Esta mesa ten por obxectivo a coordinación da atención ás vítimas de violencia de xénero dende o ámbito municipal de Barbadás entre todas as institución implicadas na abordaxe desta problemática, segundo indica a concelleira de igualdade, González Nistal. O alcalde salientou a importancia destas reunións de cara a avanzar nos procesos de atención ás vítimas de violencia e de coordinación entre profesionais.

• Os datos do Centro de Información á Muller de Barbadás evidencian que nos últimos seis meses atendéronse a 85 mulleres, na súa maioría por consultas relacionadas coa violencia de xénero, en tanto que a franxa de idade maioritaria das usuarias oscila entre os 25 e 54 anos.

A SECRETARIA XERAL DE IGUALDADE, SUSANA LÓPEZ, DESTACA A IMPORTANCIA DOS FONDOS DE RESILENCIA PARA A ATENCIÓN DURANTE 24 HORAS ÁS VÍTIMAS DE VIOLENCIA DE XÉNERO

Na mesa redonda que tivo lugar en Barbadás con motivo do 25N, a responsable da Unidade de Violencia de Xénero da Subdelegación do Goberno, María Alida, anunciou que antes de finais de 2021 está previsto crear unidades específicas de violencia de xénero

• O Centro de Información á Muller de Barbadás programou parao mediodía de hoxe unha mesa redonda sobre “os procesos de atención ás vítimas de violencia de xénero”.

• A esta mesa redonda onde se abordaron os recursos dos que dispoñen as mulleres vítimas de violencia, acudiron profesionais vinculadas/os á atención da violencia de xénero e cidadáns/ás.

• A mesa redonda estivo formada pola responsable da Unidade contra a Violencia sobre a Muller da Subdelegación de Goberno en Ourense, María Alida Iglesias Gil, a Secretaria Xeral de Igualdade da Xunta de Galicia, Susana López Abella, e a concelleira de Igualdade de Barbadás, Elisabet González Nistal. Tamén estivo Iago Borrajo, xefe territorial de Emprego e Igualdade.

• A concelleira de Igualdade, Elisabet González, indicou ao inicio da mesa redonda que a violencia de xénero “constitúe un problema social que debemos combater entre todos e todas e dende todos os ámbitos porque as mulleres temos dereito a vivir unha vida libre libre de violencia nun contexto de xustiza e liberdade”

• López Abella destacou o carácter transversal da política de Igualdade da Xunta, traballando conxuntamente coas universidades, o Colexio de Psicoloxía de Galicia, o Colexio de Traballo Social, as forzas e corpos de seguridade, os centros de Atención á Muller e asociaciacións sen ánimo de lucro.

• A Secretaria de Igualdade destacou a importancia de “ter unha proposta de xénero interiorizada e do fundamental que é dar continuidade ao Pacto de Estado”, así como a revalorización dos recursos humanos que traballan a prol da igualdade en Galicia.

• Para López Abella é moi importante fortalecer os itinerarios de inserción laboral e dar a coñecer o títiula habilitante para acceder aos recursos de apoio ás vítimas de violencia de xénero.  Tamén incidiu no fundamental que é a formación do persoal das Administracións Públicas na materia.

• Anticipou que se está traballando na liña de que o Colexio de Psicoloxía de Galicia teña un papel máis activo en colaboración coas forzas e corpos de seguridade, que son os que activan o protocolo para a atención ás víticas. Abordouse tamén a necesidade de incentivar a importancia da intervención do Colexio de Traballo Social .

• María Alida Iglesias, xefa da Unidade de Violencia de Xénero da Subdelegación do Goberno, coincidiu con Abella no feito de que o Pacto de Estado constituiu un fito á hora de establecer un consenso das Administración nas políticas de loita conta a violencia “e foi un instutmento efectivo e  necesario, polo que, a pesar de que remata en 2022, existe interese por parte de todas/os en que se siga desenvolvendo”.

• Iglesias Gil destacou que se distribúen fondos en función do número de habitantes, 0,18 euros por habitante, ademais de 1.000 euros a cada concello. Esto engadido aos fondos que distribúe a Xunta para financiar os centros de información á Muller e o persoal dos mesmo.

• María Alida Iglesias anunciou que está previsto crear antes de que finalice 2021 unidades específicas de Violencia de Xénero, en colaboración coa Garda Civil.

• Falou tamén da mellora que supuxo ampliar a atención do teléfono 016 para a atención de todo tipo de violencia que se contempla no Convenio de Estambul e valorou positivamente o investimento previsto polo Goberno Central de  32 millóns de euros para o  016.

• Así mesmo, o goberno de Madrid destina 32 millóns de euros para Atempro, o dispositivo de seguridade para as mulleres que se xestiona a través da Cruz Vermella.

OBRADOIROS, MESAS REDONDAS E REUNIÓN DE COORDINACIÓN INTERINSTITUCIONAL CONFORMAN A PROGRAMACIÓN PARA O 25N DO CONCELLO DE BARBADÁS

Entre as actividades inclúese un obradoiro de defensa para mulleres

• 16 DE NOVEMBRO: Reunión da Mesa de coordinación interinstitucional fronte á violencia de xénero:

Terá lugar a primeira reunión de seguimento da Mesa, despois de ser constituída o pasado mes de abril como ferramenta de coordinación entre as diferentes institucións implicadas na prevención, abordaxe e tratamento da violencia de xénero no ámbito municipal de Barbadás. Forman parte da Mesa representantes do ámbito educativo, sanitario, das forzas e corpos de seguridade, da Subdelegación do Goberno en Ourense, así como persoal municipal das diferentes áreas implicadas na abordaxe da violencia de xénero, concretamente CIM e servizos sociais.

• 19 DE NOVEMBRO: Obradoiro “Humor e machismo”

Actividade dirixida aos mozos e as mozas a partires de 14 anos. Trátase dun obradoiro de carácter lúdico e práctico para analizar a transmisión de condutas  machistas a través do humor e analizar deste xeito a socialización audiovisual entre a mocidade, co obxectivo de xerar un debate acerca do humor machista, saber identificar quen o executa hoxe en día e demostrar como está presente nos/as referentes da súa xeración, ofrecendo unha visión crítica dos seus ídolos, así como do contido de internet e das redes sociais coa finalidade de debater sobre os límites do humor e o seu contexto social.

Lugar: Casa da Mocidade, hora: de 17:00 a 20:00h.

• 24 DE NOVEMBRO: Mesa redonda “Procesos de atención ás vítimas da violencia de xénero”

Interveñen:

• Susana López Abella, Secretaria Xeral de Igualdade da Xunta de Galicia, quen falará acerca dos recursos institucionais que ofrece a Xunta de Galicia, en concreto a Secretaría Xeral de Igualdade, para a prevención, a abordaxe e o tratamento da violencia de xénero e en concreto das axudas e prestacións coas que contan as mulleres vítimas da violencia machista en Galicia
• Mª Alida Iglesias Gil, Xefa da Unidade contra a Violencia sobre a Muller da Subdelegación do goberno en Ourense, quen falará da atención das forzas e corpos de seguridade ás vítimas da violencia de xénero.

Lugar: CIM Barbadás, hora: 12:00h.

• 25 DE NOVEMBRO: Acto institucional. Lectura de manifesto fronte á violencia de xénero

Lugar: Casa do Concello. hora: 12:00h.

• 27 DE NOVEMBRO: Obradoiro de autodefensa e relaxación para mulleres

Obradoiro dirixido a mulleres, de tres horas de duración e organizado en colaboración con +Deporte do diario La Región. Trátase dunha actividade que ten como obxectivo dar a coñecer e practicar, por unha banda, diversas técnicas de autodefensa persoal e por outra, nunha segunda parte, técnicas de autorelaxación coa finalidade de crear un espazo seguro para o aprendizaxe e para a autoprotección.

Lugar: Polideportivo municipal, hora: de 10:00 a 13:00h.

• 30 DE NOVEMBRO: Obradoiro “Eu mesma, co meu mecanismo!”

Trátase dun taller de tipo práctico, vivencial e participativo que ofreza ás mulleres participantes a posibilidade de crear un tempo e un espazo para repensarnos como mulleres, dende ideas que nos axuden a acomodarnos ao mundo e entendernos dende a nosa biografía, entendendo así as posibilidades de ser mulleres diversas, con historias de vida diversas e traballar sobre a idea de diversidade, de entendernos como diferentes e propiciar actitudes comprensivas cara outras mulleres, traballando así a sororidade.

Lugar: CIM Barbadás, hora: 10:00 a 13:00h.

MANIFESTO POLO DÍA INTERNACIONAL DO ORGULLO

LÉSBICO, GAI, TRANSEXUAL, BISEXUAL E INTERSEXUAL.

O Concello de Barbadás únese as celebracións, un ano máis, do día do Orgullo LGTBI, este ano baixo o lema “2020 Mulleres LTB: Sororidade e Feminismo”, reivindicación que pretende que as mulleres de colectivo LTB acaden unha igualdade real e efectiva nos ámbitos social, político, cultural, económico e educativo.

A realidade que viven as mulleres do colectivo LTB é que en moitas ocasións, experimentan discriminacións múltiples: coma integrantes do colectivo LGTBI, coma mulleres e a opresión que estas viven na nosa sociedade, así como, os diferentes tipos de discriminacións por ter recoñecida algún tipo de discapacidade, ou por pertencer a un colectivo de persoas que se encontren en situación de vulnerabilidade.

Esta reivindicación pretende visibilizar as discriminacións específicas que afrontan as mulleres do colectivo LGTBI. Con isto, preténdese amosar a diversidade coma algo positivo, real e necesario, unha ferramenta que permita empoderar as mulleres cara unha sociedade igualitaria, así como, protexer das discriminacións ás máis vulnerables dentro do colectivo, como poden ser as mulleres migrantes, refuxiadas e aquelas que foron vítimas da trata de persoas.

Tamén a necesidade de poñer en funcionamento medidas que erradiquen a discriminación no ámbito laboral e educativo, a través da creación de programas que amosen a realidade do colectivo LGTBI e a diversidade como un valor social, dirixido a todos os niveis formativos.

Para lograr unha sociedade igualitaria é necesario que todas e todos sexamos visibles, por iso consideramos imprescindible que a realidade das persoas gais, trans, bisexuais, e intersexuais estea presente no ámbito cultural e social, como referentes que axuden a rachar cos estigmas e discriminacións vencelladas principalmente a orientación sexual e de identidade de xénero das persoas.

O feito de poñer este ano o foco da atención no concepto de sororidade, posibilita a reivindicación feminista na que as mulleres do colectivo LGTBI, se unan e coma colectivo, loiten para dar a coñecer a súa realidade social, na que a igualdade non sexa unha mera utopía senón que sexa o motor de cambio na construción social actual.