Categoría: CIM-Centro de Información á Muller

Obradoiro: “Vente encontrar! Un espazo para o crecemento persoal e convivencial”

29/04/2021

Obradoiro: “Vente encontrar! Un espazo para o crecemento persoal e convivencial”

Será cada 1º martes do mes, das 10.30 ás 13horas.

  • Despois da boa acollida que tivo o obradoiro de marzo, animámonos dende o CIM de Barbadás a repetir!

 

  • Polo que te convidamos a participar no vindeiro obradoiro: “Vente encontrar! Un espazo para o crecemento persoal e convivencial”, un lugar no que no que compartir estratexias de afrontamento en momentos difíciles, no que intercambiar recursos para o manexo das nosas emocións.

 

  • Partimos da idea de que todo o mundo ten fortalezas persoais que axudan para a supervivencia en situacións excepcionais e de vulnerabilidade. Tamén partimos da idea de que somos interdependentes e polo tanto necesitadas/os das/os outras/os, precisamos de apoios para remontar e sentirnos máis agusto. En situacións excepcionais de gran incertidume a colectividade, a conexión coas outras, o sentimento de pertenza, sentirse acompañada e o intercambio de saberes é clave para o manexo do medo e da ansiedade.

 

  • Queremos tamén, achegar nocións para entender estes e outros posibles estados emocionais, identificalos e probar prácticas sinxelas para a autorregulación emocional.

 

  • Unha oportunidade para parar, escoitar e observar o corpo que habitamos e as voces e sentires que nos habitan. Un espazo para o autocoidado consciente e amable.
Será cada 1º martes do mes, das 10.30 ás 13horas.
  • Comezaremos o martes día 4 de maio, no local da AAVV de Barbadás, na rúa dos Fornos.

 

  • Se tes interese en participar ou precisas máis información, chámanos ao 988 222 251 ou escríbenos a igualdade@barbadas.gal
  • Lembra que o aforo é limitado, polo que é imprescindible a inscrición previa.

 

  • Agardamos que sexa do teu interese e que axudes a difundir entre os teus contactos.

 

Se te animas, vémonos o martes día 4 de maio ás 10.30hs.

Obradoiros CIM 92.74 KB

CONTENT-CAT.1620445065

Mesa Local de Coordinación Interinstitucional fronte á violencia de xénero no concello de Barbadás

27/04/2021

Mesa Local de Coordinación Interinstitucional fronte á violencia de xénero no concello de Barbadás

MESA LOCAL DE COORDINACIÓN INTERINSTITUCIONAL FRONTE Á VIOLENCIA DE XÉNERO  DO CONCELLO DE BARBADÁS

  • Hoxe tivo lugar no salón de plenos do Concello de Barbadás a constitución da mesa local de coordinación interinstitucional fronte á violencia de xénero do concello de Barbadás.
  • Asistiron a esta, o alcalde de Barbadás Xosé Carlos Valcárcel, concelleira de igualdade, Elisabet González, xefa da unidade de prevención de violencia de xénero da Subdelegación do Goberno, María Alida Iglesias.
  • Tamén estiveron representantes dos corpos e forzas de seguridades do estado (EMUME, Garda Civil e Policía Local), representantes dos centros educativos, de servizos sociais do concello de Barbadás e de Taboadela, do centro de saúde e do Centro de Información da Muller.
  • A finalidade da mesa é a coordinación entre todas as institución con competencia en materia de violencia de xénero, co obxectivo de que esta ferramenta sirva para mellorar a calidade da atención as mulleres que se atopan nesta situación.
  • Nesta convocatoria abordáronse diferentes temas como o análise da incidencia da violencia de xénero no concello de Barbadás a través dos datos proporcionados pola Subdelegación do Goberno e puxéronse sobre a mesa distintas propostas de actuación cara a prevención e tratamento da violencia de xénero no concello, así como a coordinación das diferentes institucións e servizos alí representados.
  • A esta mesa local de coordinación interinstitucional fronte a violencia de xénero daráselle continuidade con futuros encontros de carácter semestral nos que se avaliará a consecución dos obxectivos da mesa e futuras propostas de actuación.
  • Xosé Carlos Valcárcel, alcalde de Barbadás, asegurou que “esta mesa ten que servir de canle e ferramenta para analizar a situación da violencia de xénero no noso entorno máis próximo, pero tamén para coordinar as actuacións entre todas as administracións que traballamos en mellorar a calidade da atención ás mulleres vítimas das agresións machistas”.
  • Valcárcel sinalou “estamos asumindo unha competencia que afecta a moitas administracións e profesionais: psicólogos/as, policía local, garda civil, abogado/a e traballadores/as sociais”.
  • LISTADO DE PERSOAS ASISTENTES Á MESA LOCAL DE COORDINACIÓN INTERINSTITUCIONAL FRONTE Á VIOLENCIA DE XÉNERO

    1.- Xosé Carlos Valcarcel Doval, Alcalde do Concello de Barbadás

    2.- María Alida Iglesias Gil, Xefa da Unidade de Violencia de Xénero da Subdelegación do Goberno en Ourense

    1. María Elisabet González Nistal, Concelleira de Servizos Sociais, Igualdade, Sanidade e Participación Veciñal do Concello de Barbadás

    4.- En representación da EMUME, Laura Cruz Cruz e Alejandro Fernández García.

    5.- En representación da Garda Civil, Subtenente José Manuel Moral; sarxento Iván Docampo González; garda civil, Adolfo Cid Jorge.

    6.- Fernando Freire, Xefe Policía Local de Barbadás

    7.- María Isabel Delgado Vila, Traballadora Social do Concello de Taboadela

    8.- María Isabel Rodríguez Cañas, Traballadora Social da UTES 01 do Concello de Barbadás

    9.- Eva Benita Dorado Andrade, Técnica do Programa de Educación Familiar do concello de Barbadás.

    10.- María Helena Gallo Álvarez, Directora do CEIP O Ruxidoiro

    11.- María Rúa Blanco, Orientadora do IES Ferro Couselo

    12.- María Villanueva Rey, Matrona do Centro de Saúde da Valenzá e responsable do Programa da Muller

    13.- María González Armada, Directora do centro de Información á Muller do Concello de Barbadás

    14.- Beatriz Pérez Fernández, , psicóloga do centro de Información á Muller do Concello de Barbadás.

    15.- José Manuel Fernández Soto, Asesor Xurídico do centro de Información á Muller do Concello de Barbadás

1619522245428 517.82 KB

1619522288189 228.91 KB

CONTENT-CAT.1620445065

Obradoiro no Centro de Información á Muller de Barbadás para abordar medos, estrés e ansiedades

16/03/2021

Obradoiro no Centro de Información á Muller de Barbadás para abordar medos, estrés e ansiedades

O CENTRO DE INFORMACIÓN Á MULLER DE BARBADÁS ORGANIZA PARA OS DÍAS 18 E 25 DE MARZO UN OBRADOIRO PARA ABORDAR MEDOS, ESTRÉS E ANSIEDADES

Para participar neste obradoiro hai que inscribirse no email cimbarbadas@gmail.com ou no teléfono 988 22 22 51

  • O obradoiro Ven ventilar! Os recursos que tes. Medos, estrés e ansiedadesé una iniciativa pensada dende o Centro de Información a Muller, CIM, de Barbadás.

 

  • Esta iniciativa ten como finalidade ofrecer un espazo no que compartir estratexias de afrontamento en momentos difíciles, no que compartir recursos para o manexo das emocións, en concreto do medo, do estrés e da ansiedade.

 

  • O obradoiro parte da idea de que todo o mundo ten fortalezas persoais que axudan para a supervivencia en situacións excepcionais e de vulnerabilidade.

 

  • A concelleira de Igualdade de Barbadás, Elisabet González Nistal, explica que na actividade “traballarán coa idea de que somos interdependentes e polo tanto necesitadas/os das/os outras/os, precisamos de apoios para remontar e sentirnos máis a gusto”.

 

  • “En situacións excepcionais de gran incertidume a colectividade, a conexión coas outras, o sentimento de pertenza, sentirse acompañada e o intercambiar saberes é clave para o manexo do medo e da ansiedade”, sinala González Nistal.

 

  • Dende o Centro de Información á Muller de Barbadás sinalan que con este tipo de obradoiros “preténdese tamén, achegar nocións para entender estes estados emocionais, identificalos e probar prácticas sinxelas para a autorregulación emocional”.

 

  • Dende o CIM destacan que este obradoiro “é unha oportunidade para parar, escoitar e observar o corpo que habitamos e as voces e sentires que nos habitan. Un espazo para o autocoidado consciente e amable”.

 

  • O obradoiro será o xoves o xoves día 18 e 25 de marzo das 10 ás 12.30h no CIM barbadás, na Praza de San Antón, no edificio do antigo centro médico desta localidade.

 

  • Se queres participar ou plantexar dúbidas ou precisas máis información chámanos  988222251 ou escríbenos: cimbarbadas@gmail.com.

CONTENT-CAT.1620445065

Bases de contración de persoal laboral para obradoiro de emprego: 1 director/a, 2 docentes, 1 técnico/a administrativo/a e 20 alumnos/as

04/12/2020

Bases de contración de persoal laboral para obradoiro de emprego: 1 director/a, 2 docentes, 1 técnico/a administrativo/a e 20 alumnos/as

Obradoiro: Instalación e mantemento de xardíns e zonas verdes

BASES DE CONTRATACIÓN DE PERSOAL LABORAL PARA O OBRADOIRO DE EMPREGO DENOMINADO “CONCELLOS RURAIS DA COMARCA DE OURENSE: BARBADÁS, SAN CIBRAO, TABOADELA E TOÉN”

Bases de contración de persoal laboral para obradoiro de emprego: 1 director, 2 docentes, 1  técnico/a administrativo/a e 20 alumnos/as.

Título do obradoiro: instalación e mantemento de xardíns e zonas verdes.

As persoas que desexen optar aos diferentes postos deben estar inscritas como demandantes de obradoiro de emprego na oficina de emprego de referencia: Ofina do INEM de A Ponte (Ourense).

20201129_Outros_Bases de convocatoria_20201123_Bases Docentes Obradoiro-1

20201129_Outros_Bases de convocatoria_Bases Administrativo Obradoiro-1

20201129_Outros_Bases de convocatoria_Bases Director Obradoiro-1

20201201_Outros_Bases de convocatoria__Bases Alumnado Obradoiro correxidas-1-1

CONTENT-CAT.1620445065

Cine, charlas, teatro, coloquios e obradoiros conforman a programación do Día Internacional da Eliminación da Violencia contra a Muller en Barbadás

18/11/2020

Cine, charlas, teatro, coloquios e obradoiros conforman a programación do Día Internacional da Eliminación da Violencia contra a Muller en Barbadás

Actividades dirixidas ao público adulto, ás crianzas e ás súas familias, ás mulleres e a toda a poboación en xeral.

TEATRO, CHARLAS INFORMTIVAS, OBRADOIROS DE SENSIBILIZACIÓN, CINE E ESPECTÁCULO DE  QUE REPASA A HISTORIA DA MULLER CONFORMAN A PROGRAMACIÓN DO CONCELLO DE BARBADÁS PARA CONMEMORAR O 25N

Programación do CIM (centro de información á muller) para o 25 de novembro,  Día Internacional da Eliminación da Violencia contra as Mulleres

  • A Concellería de Servizos Sociais, Igualdade, Participación Veciñal e Sanidade, dende a Área de Igualdade, e con motivo do 25n – DÍA INTERNACIONAL DA ELIMINACIÓN DA VIOLENCIA CONTRA AS MULLERES.

 

  • A finalidade destas actividades é a promoción da igualdade e prevención da violencia, dirixidas a toda a poboación do Concello, sinala a concelleira de Igualdade, Elisabet González Nistal.

 

  • Durante todo mes de novembro e parte de decembro haberá diferentes actividades dirixidas ao público adulto, ás crianzas e ás súas familias, ás mulleres e a toda a poboación en xeral.

 

  • A programación do 25N pretende reflexionar sobre os espazos, sobre a liberdade e sobre os dereitos que teñen as mulleres e todos os que quedan por acadar.

 

  • Esta programación está deseñada para promover e promocionar a igualdade e pór en valor ás mulleres e os seus dereitos e tamén as súas reivindicacións.

 

  • A programación arrincou o 6 de novembro con unha charla sobre endometriose e continuou o 14 de novembro con obradoiros de sensibilización e actividades lúdicas que tiveron lubar nunha carpa ubicada na rotonda da familia.

 

  • O Mércores 25 novembro ás 12:00h. realizásese a lectura do manifesto 25N diante do concello de Barbadás.

 

  • Ese mesmo día 25 de novembro no Auditorio da Casa da Cultura “Manuel María” ás 12:00h poñerase en escena o espectáculo – conferencia “Sofía”, que aborda a estrutura que sustenta a violencia: silencio, negacións. Esta actividade vai dirixida ao público adolescente.

 

  • O venres 27 novembro contaremos cunha proxección de filme “Todas as mulleres que coñezo” no Auditorio da Casa da Cultura “Manuel María”, dirixida ao público xuvenil e adulto.

 

  • “Todas as mulleres que coñezo” é o título dunha longametraxe baseada en conversacións entre mulleres que relatan vivencias persoais de terror vividas nas rúas por mor de acosos ou agresións por parte de homes.

 

  • Para finalizar, o venres 11 de decembro ás 20:00h. no Auditorio da Casa da Cultura “Manuel María” e para o público xuvenil e adulto poñerase en escena “Bravas” , un espectáculo unipersoal que ofrecen unha vision da historia das mulleres galegas. Unha historia sempre roubada, agochada e invisibilizada.

 

  • Para todas as actividades que se levan a cabo no Auditorio da Casa da Cultura “Manuel María” é preciso a recollida previa de invitacións.

4 809.44 KB

5 (1) 921.83 KB

CONTENT-CAT.1620445065

Charla sociosanitaria sobre a endometriose nas instalacións da Solaina: 16 de outubro ás 18,30 horas

06/10/2020

Charla sociosanitaria sobre a endometriose nas instalacións da Solaina: 16 de outubro ás 18,30 horas

O DÍA 16 DE OUTUBRO ESTÁ PROGRAMADA UNHA CHARLA SOCIOSANITARIA SOBRE A ENDOMETRIOSE NAS INSTALACIÓNS DA SOLAINA

  • A charla está programada para un aforo de 15 persoas.

 

  • É necesaria a inscrión previa, que se formalizará no e-mail igualdade@barbadas.gal ou chamando ao teléfono 988 22 22 51.

 

  • Cristina Fernández Feijóo da Asociación querENDO será a encargada de impartir a charla o día 16 de outubro ás 18,30 horas.

 

  • A continuación publicamos o impreso de inscrición, que pode vostede descargalo:

SOLICITUDE_DE__INSCRICIÓN

CONTENT-CAT.1620445065

Manifestso polo Día Internacional do Orgullo Lésbico, Gai, Transexual, Bisexual e Intersexual

27/06/2020

Manifestso polo Día Internacional do Orgullo Lésbico, Gai, Transexual, Bisexual e Intersexual

MANIFESTO POLO DÍA INTERNACIONAL DO ORGULLO

LÉSBICO, GAI, TRANSEXUAL, BISEXUAL E INTERSEXUAL.

O Concello de Barbadás únese as celebracións, un ano máis, do día do Orgullo LGTBI, este ano baixo o lema “2020 Mulleres LTB: Sororidade e Feminismo”, reivindicación que pretende que as mulleres de colectivo LTB acaden unha igualdade real e efectiva nos ámbitos social, político, cultural, económico e educativo.

A realidade que viven as mulleres do colectivo LTB é que en moitas ocasións, experimentan discriminacións múltiples: coma integrantes do colectivo LGTBI, coma mulleres e a opresión que estas viven na nosa sociedade, así como, os diferentes tipos de discriminacións por ter recoñecida algún tipo de discapacidade, ou por pertencer a un colectivo de persoas que se encontren en situación de vulnerabilidade.

Esta reivindicación pretende visibilizar as discriminacións específicas que afrontan as mulleres do colectivo LGTBI. Con isto, preténdese amosar a diversidade coma algo positivo, real e necesario, unha ferramenta que permita empoderar as mulleres cara unha sociedade igualitaria, así como, protexer das discriminacións ás máis vulnerables dentro do colectivo, como poden ser as mulleres migrantes, refuxiadas e aquelas que foron vítimas da trata de persoas.

Tamén a necesidade de poñer en funcionamento medidas que erradiquen a discriminación no ámbito laboral e educativo, a través da creación de programas que amosen a realidade do colectivo LGTBI e a diversidade como un valor social, dirixido a todos os niveis formativos.

Para lograr unha sociedade igualitaria é necesario que todas e todos sexamos visibles, por iso consideramos imprescindible que a realidade das persoas gais, trans, bisexuais, e intersexuais estea presente no ámbito cultural e social, como referentes que axuden a rachar cos estigmas e discriminacións vencelladas principalmente a orientación sexual e de identidade de xénero das persoas.

O feito de poñer este ano o foco da atención no concepto de sororidade, posibilita a reivindicación feminista na que as mulleres do colectivo LGTBI, se unan e coma colectivo, loiten para dar a coñecer a súa realidade social, na que a igualdade non sexa unha mera utopía senón que sexa o motor de cambio na construción social actual.

CONTENT-CAT.1620445065

Resumo da actividade do departamento de Servizos Sociais durante a Emerxencia Sanitaria

16/06/2020

Resumo da actividade do departamento de Servizos Sociais durante a Emerxencia Sanitaria

RESUMO DA  ACTIVIDADE DO DEPARTAMENTO DE SERVIZOS SOCIAIS DURANTE A EMERXENCIA SANITARIA

Desde os Servizos Sociais do Concello de Barbadás (atendido por unha das 3 traballadoras sociais do Concello), a raíz do estado de alarma decretado o 14 de marzo de 2020, e como apoio aos colectivos máis vulnerables, puxéronse en marcha unha serie de medidas para intentar paliar as situacións de crise destes colectivos:

Desde o día 8 ao 21 de abril realizouse un primeiro reparto entregando vales de 25€ para gastar en alimentación e enseres básicos xunto cun lote de comida (leite, pasta, arroz, conservas,galletas,alimentos infantís, carne, froita, patacas…).

Entre os días 4 e 14 de maio realizouse un segundo reparto, ademais de dous repartos extraordinarios dirixidos a familias con menores a cargo. En total realizáronse 4 repartos e a día de hoxe séguense repartindo segundo demanda e necesidades.

– Púxose en marcha un “teléfono solidario”, onde os maiores e persoas que o precisaran podían utilizar este servizo para a compra de medicación, de alimentos ou calquer enser necesario, a través do cal realizáronse 50 intervencións en total.

– Creouse un “teléfono de atención psicolóxica”, atendido por dúas psicólogas, ó cal podía acceder todo aquel que o precisara, chegando a realizar 19 intervencións.

– O Servizo de Axuda no Fogar (atendido por a segunda traballadora social do Concello de Barbadás) estivo funcionando en todo momento, concedendo 160 horas novas de SAF (Servizo de Axuda no Fogar) durante o estado de alarma. Ás auxiliares de axuda no fogar entregáronselle 1288 mascarillas, 15 lentes de protección, 15 pantallas, máis luvas das habituais, hidroxeles e batas desechables; todos estes EPIS para garantir a saúde das mesmas e dos/as usuarios/as. O servizo de axuda no fogar, coordinado pola traballadora social, a cal estaba en contacto diario cos/coas usuarios/as de SAF e coas auxiliares correspondentes.

– A través do CIM (Centro de Información á Muller) de Barbadás e durante o estado de alarma, proporcionouse ás mulleres unha alternativa de atención, por medios como atención telefónica, correo electrónico ou videochamadas. Atendeuse a mulleres usuarias novas derivadas doutros servizos, como SERGAS, corpos de seguridade, secretaría xeral de igualdade e servizos de emprego.

– Así mesmo, e a maiores dos programas específicos que se puxeron en marcha a raíz do estado de alarma, os Servizos Sociais Comunitarios estiveron atendidos en todo momento vía telefónica ou correo electrónico, recibindo unha media de 20 chamadas diarias, tramitando novas axudas para a Renda de Integración Social (RISGA), AIS (Ayuda de Integración Social), Xantar na Casa, tarxetas sanitarias para situacións especiais, tarxetas benvida, 155 tarxetas do comercio local (axudas proporcionadas pola Deputación, pero xestionadas pol o Concello de Barbadás) ou calquer outro tipo de demanda que precisara a cidadanía como trámites de prestacións da oficina de emprego ou seguridade social, de persoas que non tiñan acceso á vía  telemática.

O Concello de Barbadás quere agradecer ás empresas e particulares que doaron alimentos, así como a Agrupación de Protección Civil, voluntarios/as do Banco Solidario e demais persoas que que puxeron o seu tempo a disposición da cidadanía.

CONTENT-CAT.1620445065