Dentro das actividades formativas que se organizan desde a  Concellaría de Promoción Económica, Turismo e Formación, vaise impartir unha edición do curso de Manipulación de alimentos.

Neste curso as persoas participantes van coñecer as nocións básicas de hixiene e  manipulación de alimentos.

Data: 16 de outubro

Horario: De 16:30 a 19:30h

Lugar: CET Barbadás

PRAZAS LIMITADAS

Inscricións:

Por e-mail: cet@barbadas.es

Por teléfono: 988 360 413

A Concellería de Promoción Económica organiza  dous Obradoiros de Búsqueda online de emprego.

Nestes obradoiros ofreceranse ferramentas e recursos necesarios para a búsqueda activa de emprego e orientarase as persoas participantes sobre a situación actual do mercado laboral e as ofertas de emprego.

Data: 

Luns 26 de xuño

Hora:  De 17:00 a 20:00h

Lugar: A Solaina

Inscricións:

Por e-mail: cet@barbadas.es

Por teléfono: 988 360 413

Dentro das actividades formativas do primeiro semestre de 2023, organizadas pola  Concellaría de Promoción Económica, Turismo e Formación, vaise impartir unha segunda edición do curso de Operador/a de carretilla elevadora.

Neste curso as persoas participantes van  combinar clases teóricas e prácticas para capacitarse  para o manexo das carretillas elevadoras e dos riscos asociados.

Datas: Do 12 de xuño ao 16 de xuño

Horario: De 16:00  a 20:00h

Lugar: Centro Empresarial Transfronteirizo de Barbadás

Inscricións:

Por teléfono: 988 360 413

Prazas limitadas con preferencia para persoas empadroadas no Concello de Barbadás

A Concellería de Promoción Económica có fin de fomentar a economía circular organiza  un obradoiro de Horta Re-circular.

Aproveitando os refugallos domésticos  as persoas participantes, usarán envases ou obxectos de productos que se consumen nos fogares, para darlle unha segunda vida; transformándoos en soportes de cultivo de prantas para a horta, o xardín ou o fogar, como poden ser semilleiros, macetas,refuxios de fauna ou repelentes de pragas.

Este obradoiro será de carácter interxeracional e poderán asistir persoas de todas as idades a partir de 6 anos.

Data: venres 2 de xuño

Hora: De 16:30h a 20:30 h

Lugar: Centro Empresarial Transfronteirizo de Barbadás

Inscricións: no teléfono 988 360 413

Dentro das actividades formativas organizadas pola Concellaría de Promoción Económica, Turismo e Formación, vanse realizar varias Xornadas apícolas.

• Sabes qué mel consumes?   Aprende a coñecer máis da calidade do mel

Data:  Mércores 26 de abril

Hora:  De 16:30 a 19:30h

Lugar: CET Barbadás

Nesta xornada abordaranse factores de calidade do mel para consumidores. Coñecerase que proceso sofre o mel co paso do tempo e como é o mel que estamos a consumir. Erros de conservación e consumo.
Tamén se fará unha Cata comentada de diferentes variedades de Mel de Galicia, para poder comprobar que non todo o mel é igual
E falarase dos mitos e verdades sobre as propiedades do mel e o seu consumo.

• Sinerxias do mel e aceites esenciais para unha  cosmética natural 

Data: Mércores  10 de maio

Hora:  De 16:30 a 19:30h

Lugar: CET Barbadás

Nesta xornada abordaranse as propiedades de distintos aceites esencias e do mel, os seus beneficios e o aproveitamento de ambos para facer cosmética natural.
Tamén se levará a cabo a elaboración de xabón, utilizando distintos aceites esenciais e produtos da colmea, que despois todos os asistentes levarán para a casa.

• Utilización do mel na gastronomía e elaboración de produtos con mel

Data: Mércores  7 de xuño

Hora:  De 16:30 a 19:30h

Lugar: CET Barbadás

Neste xornada abordarase a elaboración de distintos produtos con mel como por exemplo distintas especialidades de mel con noces, xenxibre, canela e/ou pole.
Tratarase a  utilización do mel na cocina, achegando aos participantes as posibilidades da súa utilización e vendo que o mel non é só para sobremesas, senón que se pode utilizar para primeiros pratos, segundos pratos, e ata para salsas.

Inscricións:

Por e-mail: cet@barbadas.es

Por teléfono: 988 360 413

Dentro das actividades formativas do primeiro semestre de 2023, organizadas pola  Concellaría de Promoción Económica, Turismo e Formación, vaise impartir un curso de Operador/a de carretilla elevadora.

Neste curso as persoas participantes van  combinar clases teóricas e prácticas para capacitarse  para o manexo das carretillas elevadoras e dos riscos asociados.

Datas: Do 17 de abril ao 21 de abril

Horario: De 16:00  a 20:00h

Lugar: Centro Empresarial Transfronteirizo de Barbadás

Inscricións:

Por e-mail: cet@barbadas.es

Por teléfono: 988 360 413

Prazas limitadas

Dentro das actividades formativas que se organizan desde a  Concellaría de Promoción Económica, Turismo e Formación, vaise impartir un curso de Informática básica e iniciación a internet.

Neste curso as persoas participantes van  adquirir destrezas e coñecementos para poder desenvolverse cun equipo informático: hardware, sistema operativo, aplicación de tratamento de textos, internet, correo electrónico

Datas: Do 20 marzo ao 31 de marzo

Horario: De 10:00  a 13:00h

Lugar: Instalacións Municipais de A Solaina

Inscricións:

Por e-mail: cet@barbadas.es

Por teléfono: 988 360 413

Prazas limitadas

Dentro das actividades formativas que se organizan desde a  Concellaría de Promoción Económica, Turismo e Formación, vanse impartir 3 cursos de manipulación de alimentos.

Nestes cursos as persoas participantes van coñecer as nocións básicas de hixiene e  manipulación de alimentos.

Datas: 27 de febreiro, 24 de abril e 16 de outubro

Horario: De 16:30 a 19:30h

Lugar: CET Barbadás

Inscricións:

Por e-mail: cet@barbadas.es

Por teléfono: 988 360 413

Dentro das actividades formativas que se organizan pola Concellaría de Promoción Económica, Turismo e Formación, durante o mes de marzo vai ter lugar un curso teórico- práctico de “Iniciación á apicultura, unha gandaría con futuro”

Neste curso explicaranse as nocións básicas para aquelas persoas que queiran achegarse a apicultura; para poder adicarse a ela de xeito profesional, semiprofesional ou para ter colmeas na casa, para autoconsumo e beneficiarse da polinización nas froiteiras.

Datas: 1, 8, 15, 22 e 29 de marzo

Horario: De 17:00 a 19:00h

Lugar: CET Barbadás

Inscricións:

Por e-mail: cet@barbadas.es

Por teléfono: 988 360 413

Dentro da programación formativa do primeiro semestre de 2023  da Concellería de Promoción Económica, Turismo e Formación, vanse realizar  un conxunto de Obradoiros de novas tecnoloxías dirixidos a poboación do Concello de Barbadás .

Os obradoiros serán:

-Trámites electrónicos en liña

DNI-e, citas Sergas, certificado electrónico, clave PIN, Chave 365

Datas: 9 de febreiro, 9 de marzo, 11 de abril e 9 de maio

Horario: De 16:00 a 19:00 h

Lugar: Instalacións municipais de A Solaina

-Iniciación ao uso de smartphone

• Local social de Loiro-Escola vella (Para veciños e veciñas de Loiro e Bentraces)

Data: 24 de febreiro

Horario: De 16:00 a 19:00 h

• Fonval

Data: 24 de marzo

Horario: De 16:00 a 19:00 h

•  Local social de Barbadás( Para veciños e veciñas de Barbadás, Pontón e Sobrado)

Data: 24 de abril

Horario: De 16:00 a 19:00 h

• Local social de Piñor( Para veciños e veciñas de Piñor, Parada e Santa Uxía)

Data: 24 de maio

Horario: De 16:00 a 19:00 h

A Escuela de Energía da Fundación Naturgy impartirá un taller online có fin de asesorar as familias en materia de enerxía e de minimizar o coste enerxético da vida dos colectivos vulnerables da sociedade.

Será o mércores 25 de xaneiro de 16:00 a 17:30 h

É importante ter unha factura da luz e do gas recente, independentemente da empresa comercializadora xa que os conceptos son semellantes.

Enlace de acceso : https://meet.jit.si/CET_G3424

A Oficina Agraria Comarcal de Ourense organiza unha acción de formación profesional e adquisición de competencias sobre poda e enxerta de froiteiras e vides.

Destinatarios: Persoas vinculadas profesionalmente cos sectores productivos relacionados coa agricultura, gandería, industria agroalimentaria e cadea forestal-madeira, ou con expectativa de incorporación, en especial mozas e mozos do medio rural galego.

Datas: Do 14 ao 21 de novembro

Horas: De 16:00 a 20:00 h

Instalacións: Centro Empresarial Transfronteirizo de Barbadás

Inscricións ata o día 10 de novembro no seguinte enlace:

https://foagro.xunta.gal/foagro/inscripcion/publica/accionsFormativas

Para máis información poden chamar ao 988 360 413

A Concellería de Promoción Económica, Turismo e Formación, organiza un curso de escaparatismo de Nadal, dirixido aos comerciantes locais.

DATAS :

• Do 2 ao 16 de novembro
• De 20:00 a 22:00 horas
• Instalacións municipais da Solaina ( A Valenzá)

PREFERENCIA DE INSCRICIÓNS:

• Comerciantes do Concello de Barbadás
• Interesados xerais

PRAZO DE PRESENTACIÓN DE SOLICITUDES

O prazo para presentar as solicitudes será desde o 26 de setembro ata cubrir as prazas.

As inscricións faranse chamando por teléfono ao 988 360 413 ou enviando un correo electrónico a cet@barbadas.es

Para máis información ou consulta de dúbidas, contactar co Centro Empresarial Transfronteirizo (CET). Teléfono: 988360413 .

O martes 11 de outubro impartirase nas Instalacións Municipais da Solaina, unha xornada sobre trámites administrativos en liña;  para aprender a realizar trámites coas administracións públicas de xeito telemático.

Esta xornada será desde as 10:00 ata as 13:00 horas, e poderán acudir todas as persoas que estén interesadas.

As prazas son limitadas.

É preciso inscribirse previamente, chamando ao 988 360 413

• A Concellería de Promoción Económica, Turismo e Formación organiza en colaboración coa Fundación Cibervoluntarios un programa de formación en novas tecnoloxías para persoas maiores.
• Expertclick, ofrece formación en novas tecnoloxías a maiores de 55 anos.
• Nestes cursos , as persoas participantes aprenden a navegar con seguridade e confianza por Internet , facer xestións de banca online, pedir unha cita médica, comprar online ou aproveitar o seu tempo de ocio na rede.
• Este programa axúdalles a aumentar a súa independencia e autonomía persoal.
• Datas: xoves 13 e venres 14 de outubro de 2022
• Horario: De 16:00 a 19:00 h
• Lugar: Instalacións municipais da Solaina
• Inscricións ata o día 15 de setembro: chamando por teléfono ao 988 360 413 ou enviando un correo electrónico a cet@barbadas.es

A Concellería de Promoción Económica, Turismo e Formación, organiza para o segundo semestre de 2022, diferentes actividades formativas.

Actividades formativas:

PREFERENCIA DE INSCRICIÓNS:

• Empadroados/as no Concello de Barbadás preferentemente desempregados/as.
• Comerciantes do Concello de Barbadás

PRESENTACIÓN DE SOLICITUDES:
A ficha de inscrición poderá presentarse:

• No Rexistro Xeral da Casa do Concello de Barbadás.
• Na Oficina Municipal de A Valenzá.
• A través da Sede Electrónica do Concello de Barbadás

PRAZO DE PRESENTACIÓN DE SOLICITUDES

O prazo para presentar as solicitudes será desde o 26 de xullo ata o 18 de agosto, ou ata cubrir as vacantes.

As actividades, segundo a súa temática, desenvolveranse en distintos locais do Concello de Barbadás.

• Local de formación de A Solaina. Parque da Solaina, A Valenzá – Barbadás
  Ourense
• Centro Empresarial Transfronteirizo (CET). Lg/ O Pontón, 25 – Barbadás – Ourense

Para máis información ou consulta de dúbidas, contactar co Centro Empresarial Transfronteirizo (CET). Teléfono: 988360413 .
Enderezo electrónico:  cet@barbadas.es

Con motivo do  II Paseo da Saúde, o día 2 de xuño de 2022 dentro do Obradoiro de administración electrónica, explicarase a APP Sergas Móbil.

Para anotarse a este Obradoiro que se impartirá en horario de 10.00 a 12.00 h na Casa da Mocidade só hai que chamar por teléfono ao 988 360 413 ou enviar un correo electrónico a cet@barbadas.es

Prazo de inscrición ata o 31 de maio

UN TALLER DE EMPRENDEMENTO INCIDIRÁ NAS TÉCNICAS PARA QUE EMPRENDEDORAS/ES CONSIGAN FINANCIAMENTO PARA OS SEUS NEGOCIOS

O obradoiro realizarase de xeito presencial nas Instalacións Municipais da Solaina o 25 de maio

• A través do Proxecto EMPRENDE MAKERS, levarase a cabo o Taller de emprendemento “Como presentar o meu emprendemento para conseguir financiamento”.

• Neste taller traballaranse os seguintes contidos: presentación do modelo de negocio,  proceso de selección de empresas e táboa de capitalización.

• Realizarase de xeito presencial nas Instalacións Municipais da Solaina na Valenzá.

• Data: 25 de maio de 9.30 a 13.30 h.

• Para inscribirse só hai que cubrir o formulario e envialo por correo a cet@barbadas.es

• Máis información chamando ao 988 360 413 ou no enderezo electrónico cet@barbadas.es.

O programa VolunTIC céntrase na formación e divulgación do voluntariado tecnolóxico en Galicia.

O obxectivo é facilitar a dinamización da realidade socio-económica en Galicia a través das TIC e o voluntariado, e promover a formación e o intercambio de experiencias e boas prácticas no ámbito do voluntariado tecnolóxico que potencian a participación cidadá e social.

A sensibilización en voluntariado tecnolóxico trae consigo a oportunidade de animar aos participantes a realizar voluntariado coa Fundación Cibervoluntarios.

Desta maneira as persoas interesadas do noso  Concello poden converterse nos futuros voluntarios que desenvolvan próximos proxectos coa Fundación Cibervoluntarios, impartindo formacións dos seus programas.

Para participar na xornada de formación de voluntarios tecnolóxicos, que se celebrará na modalide online o mércores 20 de abril de 2022 de 10.00 a 12.00 h, podes anotarte chamando ao CET de Barbadás no teléfono 988 360 413, ou escaneando o código QR do cartel.

• A fundación Cibervoluntarios en colaboración coa Concellería de Promoción Económica, Turismo e Formación organiza un programa de formación en novas tecnoloxías para persoas maiores.
• Expertclick, ofrece formación en novas tecnoloxías a maiores de 55 anos.
• Nestes cursos , as persoas participantes aprenden a navegar con seguridade e confianza por Internet , facer xestións de banca online, pedir unha cita médica, comprar online ou aproveitar o seu tempo de ocio na rede.
• Este programa axúdalles a aumentar a súa independencia e autonomía persoal.
• Datas: martes 5 de abril e xoves 7 de abril
• Horario: De 10:30 a 13:30 h
• Lugar: Instalacións municipais da Solaina
• Inscricións ata o día 1 de abril: chamando por teléfono ao 988 360 413 ou enviando un correo electrónico a cet@barbadas.es

 IniciaTIC   é un programa online para facilitar a adaptación da actividade económica das persoas autónomas, emprendedoras e Pemes a través de procesos de dixitalización básica.

Póñense en marcha 3 módulos que poden realizarse na modalidade online:

Comercio electrónico – 23 de febreiro de 17:00 a 18:30h

Ciberseguridade –  9 de marzo de 17:00 a 18:30h

Big data –  30 de marzo de 17:00 a 18:30h

Para anotarse hai que cubrir a ficha de inscrición e reenviala por correo electrónico a cet@barbadas.es

Máis información no 988 360 413

O día 17 de febreiro ás 20:30 horas e a través de Zoom, poderase seguir este taller sobre finanzas persoais.

Este taller está dirixido a emprendedores, a persoas que estén pensando en emprender, ao tecido comercial e empresarial do Concello de Barbadás, para analizar e reflexionar sobre as finanzas, e tamén a calquer persoa interesada.

O taller é gratuito e o prazo de inscrición está aberto ata o día 15 de febreiro

Para inscribirse seguir enlace do documento adxunto.

• O Concello de Barbadás organiza a masterclass  “Plan de Acción para a Búsqueda de Emprego”  que está dirixida  a  toda a cidadanía que teña interese en definir unha estratexia para a súa búsqueda de emprego.

• A masterclass será o día 20 de xaneiro nunha sesión de dúas horas de duración de 18:00 a 20:00 h

• O lugar de celebración desta masterclass será nas Instalacións Municipais do Parque da Solaina, o aforo permitido será de 15 persoas como máximo.

• A sesión será gratuíta e poderán inscribirse  cubrindo a ficha de solicitude ,  e enviando o formulario cuberto ao  CET de Barbadás a través do correo electrónico a cet@barbadas.es

• O Centro Empresarial Transfronteirizo de Barbadás organiza en colaboración con Cibervoluntarios.org , uns obradoiros dixitais dirixidos a mulleres emprendedoras.

• A temática destes talleres son as competencias dixitais para crecer de local a global.

• Serán dúas sesións a través de Zoom
  • Mércores 12 de xaneiro de 2022 de 19.00 a 20.30 horas- La transformación digital nos ayuda a crecer
  • Venres 14 de xaneiro de 2022 de 19.00 a 20.30 horas- Como crear anuncios en Facebook e Instagram

• Para participar hai que cubrir a ficha de inscrición e enviala ao correo cet@barbadas.es

• Prazo de inscrición do 10 de decembro de 2021 ata o 30 de decembro de 2021 ambos incluídos.

O Concello de Barbadás organiza a masterclass  “Plan de Acción para a Búsqueda de Emprego”  que está dirixida  a  toda a cidadanía que teña interese en definir unha estratexia para a súa búsqueda de emprego.

A masterclass será o día 2 de decembro nunha sesión de dúas horas de duración e en dúas quendas, unha de mañá (de 11:00 a 13:00 h)  e outra de tarde (de 18:00 a 20:00 h).

O lugar de celebración desta masterclass será nas Instalacións Municipais do Parque da Solaina, o aforo permitido para cada unha das quendas será de 15 persoas como máximo.

A sesión será gratuíta e poderán inscribirse  cubrindo a ficha de solicitude , na que se marcará a quenda a que se quere asistir, e enviando o formulario cuberto ao  CET de Barbadás a través do correo electrónico a cet@barbadas.es

A Oficina agraria comarcal de Ourense organiza un Curso de fruticultura: manexo, poda e enxerta de froiteiras.

O curso terá lugar nas instalacións do Centro Empresarial Transfronteirizo de Barbadás, dende o 22 de novembro ata o 26 de novembro, en horario de 16.00 a 20.00 horas.

Está destinado ás persoas vinculadas profesionalmente cós sectores produtivos relacionados coa agricultura, gandería, industria agroalimentaria, e cadea forestal-madeira, ou con expectativa de incorporación, en especial mozos e mozas do medio rural galego.

Prazas limitadas, as inscricións faranse cubrindo a solicitude e achegando unha fotocopia do DNI  por correo electrónico ao cet@barbadas.es

Para máis información 988 360 413

Dentro da oferta formativa do campus virtual, quedan sen cubrir prazas nas seguintes accións formativas:

Está aberta a inscrición nos anteriores cursos ata que se cubran a totalidade das prazas.

O Concello de Barbadás pon en marcha novamente o campus virtual de teleformación:

campus.barbadas.gal

• A plataforma estará dispoñible dende o 1 de marzo de 2021 e deica o 30 de novembro de 2021.
• Poderase acceder a un máximo de 3 accións formativas por participante.
• O requisito previo para poder acceder á formación é estar empadroado/a no Concello de Barbadás.
• As prazas son limitadas e a adxudicación será por orde de inscrición.
• O prazo de inscrición é dende o 10 ata o 19 de febreiro de 2021, ambos incluídos.
• As inscricións faranse cubrindo a ficha de inscrición e a declaración responsable  e enviandoas ao enderezo electrónico : cet@barbadas.es

Para máis información contactar co Centro empresarial transfronteirizo de Barbadás no teléfono 988 360 413  ou por correo electrónico cet@barbadas.es

Últimas  prazas dispoñibles para cursar accións formativas do campus virtual;  campus.barbadas.gal

• Pode accederse a un máximo de 3 accións formativas por participante.
• O requisito previo para poder acceder á formación é superar unha proba de selección de competencias dixitais.
• As inscricións faranse cubrindo a ficha de solicitude e enviandoa ao enderezo electrónico : cet@barbadas.es

A Xunta de Galicia pon en marcha, dentro do Plan de reactivación económica, un paquete de formación dixital para mellorar os coñecementos e habilidades de 2000 persoas no que se inclúe un programa para autónomos, outro para formadores, unha liña para menores de 30 anos sen emprego e un ciclo de obradoiros.

1) Autónomos dixitais

Programa formativo que pretende reforzar o tecido produtivo galego facilitando a 1200 alumnos o desenvolvemento de competencias en comercio electrónico e novas canles online co obxectivo de mellorar tanto a comunicación cos clientes como o coñecemento dos seus produtos e servizos. O programa, que xa está en marcha cos primeiros 160 participantes, ofrece dúas accións formativas online de 50 horas lectivas cada unha centradas na mellora de habilidades no eido da xestión loxística, o márketing, a venda online e a creación de tendas virtuais. En concreto, Fundamentos para a creación dun proxecto de comercio electrónico e Especialista en e-commerce. As persoas que realizan unha actividade económica por conta propia interesadas nestes cursos poden solicitar a súa praza cubrindo un formulario web na páxina https://www.autonomosdixitais.com. O último curso comezará o 23 de xullo.

2)Formadores dixitais 

Programa de formación online destinado a docentes e formadores para que adquiran coñecementos nas técnicas e métodos para impartir formación online. Destinado a 100 persoas, preferentemente docentes de formación profesional para o emprego, os interesados poderán realizar a súa inscrición ata o 14 de xuño a través dun formulario web na páxina http://www.formadoresdixitais.com e as clases comezarán o 17 de xuño. Os alumnos recibirán 50 horas de formación e poderán acceder a diferentes recursos, foros e un proxecto titorizado.

3)Impulso da empregabilidade 

Permitirá mellorar a empregabilidade dos menores de 30 anos en situación de desemprego nos últimos tres meses. O obxectivo é ofrecer formación e capacitación para incrementar as súas habilidades á hora de atopar un emprego. Celebraranse un total de cinco edicións de 20 alumnos cada unha en formato online que incluirán sesións grupais pero tamén sesións individuais de coaching. En total, ofrécense máis de 55 horas de formación.

4)Pon Rumbo

Obradoiros virtuais con capacidade para 500 personas que se completa con sesións de coaching individual para os 20 alumnos que reúnan os requisitos exixidos no programa. Cunha duración de 50 horas ao longo de tres semanas, traballarase en nove competencias: a análise, o traballo en equipo, a creatividade, a xestión emocional, a capacidade resolutiva, a comunicación, a conexión, a actualización e a organización para aplicar tanto no traballo e no teletraballo como na busca de oportunidades. Está dirixido a persoas en situación de desemprego, emprendedoras e autónomas. O obxectivo é comezar o 15 de xuño.

O Concello de Barbadás pon en marcha un campus virtual de teleformación:

campus.barbadas.gal

• A plataforma estará dispoñible dende o 1 de xuño e deica o 15 de decembro de 2020.
• Poderase acceder a un máximo de 3 accións formativas por participante.
• O requisito previo para poder acceder á formación é superar unha proba de selección de competencias dixitais.
• As inscricións faranse cubrindo a ficha de solicitude e enviandoa ao enderezo electrónico : cet@barbadas.es
• Terán preferencia os solicitantes empadroados no Concello de Barbadás

O Boletín Oficial da Provincia de Ourense, recolle as bases do Programa BenOurense ComercioOu que pon en marcha a  Deputación Provincial de Ourense.Este Programa consiste en subvencións a persoas físicas que estean en situación de vulnerabilidade social ou económica sobrevida ou acentuada como consecuencia da pandemia
do COVID-19 e precisen atender as súas necesidades
máis básicas e inmediatas.
O procedemento de concesión das subvencións é o de concorrencia
non competitiva.

Poderanse beneficiar autónomos, profesionais e pemes cuxa actividade económica se suspendese ou se reducise drasticamente

Esta medida vai  beneficiar a máis de 222.000 inmobles alugados de uso comercial, ocio, hostelería e turismo

O Concello de Barbadás pon en marcha un Curso de Marketing dixital e redes sociais, que se impartirá de xeito online.

A Consellería de Medio Rural estableceu uns protocolos e medios de contacto ante a emerxencia sanitaria desencadeada polo COVID-19.

O Boletín Oficial de Estado publica o domingo 29 de marzo o  Real Decreto-lei 10/2020, de 29 de marzo, que  regula un permiso retribuido recuperable para as persoas traballadoras por conta allea que non presten servizos esenciais, có  fin de reducir a movilidade da poboación no contexto da loita contra o COVID-19.

Debido á situación de emerxencia sanitaria, as oficinas do SEPE non atenden ao público , pero seguen traballando dende elas para tramitar as solicitudes que reciben.

Anexamos un comunicado do día 26 de marzo do SEPE onde se detalla como se fai a atención e os procedementos que se seguen en cada un dos casos.

O Consello de Ministros, na súa reunión do día 24 de marzo de 2020,  adoptou un Acordo polo que se aproban as características do primeiro tramo da línea de avales do ICO para empresas e autónomos, para paliar os efectos económicos do COVID-19.

A Concellería de Promoción Económica, Formación e Turismo pon en marcha un “Curso de Fitness colectivo” que ten como obxetivo ensinar a executar e dirixir rutinas de entrenamento  nunha clase colectiva.

Serán 40 horas teóricas que se impartirán no CET de Barbadás, en horario de luns a venres de 09.00 a 14.00 horas.

Despois da formación teórica haberá un período de outras 40 horas de prácticas non laborais en centros deportivos.

As prazas son limitadas, asignadas por orde de entrada das solicitudes no Rexistro, e con preferencia para as persoas desempregadas e empadroadas no Concello de Barbadás.

A Concellería de Promoción Económica, Formación e Turismo, publica o plan formativo do programa “FórmaTe” do primeiro semestre de 2020.

Todos os cursos son gratuitos, e teñen prazas limitadas.

Terán preferencia as persoas empadroadas no Concello de Barbadás.

As inscricións faranse por orde de entrada no Rexistro.

A Concellería de Promoción Económica e Formación a través do Programa FormaTe, pon en marcha un curso de administración electrónica onde se traballarán os seguintes contidos:

Trámites online de particulares, autónomos e pemes cás administracións públicas con distintos métodos de identificación de usuarios: DNI-e, ClavePin, Certificado electrónico

Prazas limitadas, data límite para anotarse 25 de novembro.

A concellería de Promoción Económica, Turismo e Formación, pon en marcha unha nova edición do Curso de Informática Básica, dentro do conxunto de actividades do programa FormaTe.

Será dende o 18 de novembro e ata o 29 de novembro, de 09:30 a 12:30 horas, na aula de informática da Casa da Xuventude na Solaina.

A Concellería de Promoción Económica e Formación dentro do Programa FórmaTe, pon en marcha un Curso de cociña de Nadal.

Será os sábados 30 de novembro, 7, 14 e 21 de decembro, en horario de 10:00 a 13:00 horas no Local de Fonval.

O prazo de inscrición remata o día 22 de novembro.