SOLIDARIEDADE E CULTURA MUSICAL ÚNENSE NA SÉTIMA EDICIÓN DO FESTIVAL SOLIDARIO DA ESCOLA DE MÚSICA MUNICIPAL DE BARBADÁS

O concerto será o día 12 de marzo ás 19,00 horas no Conservatorio de Música de Ourense

A recadación destinarase á Asociación “Pequeños Superhéroes”, centrada na atención da xente que padece algunhas das Miopatías Centronucleares ou CNM

As entradas para asistir ou para participar nesta causa solidaria poden recollerse no stand de información do centro comercial Ponte Vella

No evento participarán distintas agrupacións da Escola de Música: Coro, Grupo de Corda, Ensemble de saxofóns, Grupo de Acordeóns, Banda de Gaitas, Banda Infantil de Música e Banda Xuvenil de Música.

• O VII Festival Solidario é unha actividade enmarcada no calendario escolar da Escola de Música Municipal de Barbadás.

• A concelleira de Cultura, Marga Pérez, “faise sempre co fin solidario e altruista, ofrecendo un concerto para recadar fondos para algunha asociación que consideremos que precisa apoio e colaboración”.

• Neste caso a asociación elixida foi a de “Pequenos superhéroes”, asociación que agrupa a nenos e nenas con Miopatías Centronuclearesou CNM (Miopatía Miotubular, DNM2, MTMR14, etc…). “Estas doenzas afectan aos músculos que se encargan das función motoras”, explica Pérez.

• Ademais de recadar fondos, “esta iniciativa solidaria do Concello de Barbadás, a través da Escola Municipal de Música, “pretende que se visibilice e se coñeza a patoloxía destes nenos e nenas” e que sexamos conscientes de que existe un número importante de persoas que padecen enfermidades raras. Calcúlase que hai 3 millóns de persoas en España que padecen este tipo de enfermidades raras”, segundo comenta Marga Pérez.

• Outra das finalidades deste tipo de iniciativa cultural é a de “inculcar os valores da solidariedade entre o alumnado. Tamén se pretende que as persoas que participen disfruten do concerto e colaboren coas doazóns que se entregarán a esta asociación, co obxecto de manter a asociación en si e contribuir á investigación deste tipo de enfermidades”, sinala Pérez.

• O Festival Solidario é un evento musical anual que organiza a Escola de Música Municipal de Barbadás, co apoio do Concello.

• Este ano celébrase a Séptima Edición (VII Festival Solidario) e vai a celebrarse o sábado, 12 de marzo, ás 19:00 h., no Auditorio do Conservatorio de Música Profesional de Ourense, indica Xohán Manole Xil Páxaro, director da Escola de Música de Barbadás.

• As entradas poderan recollerse no stand de información do Centro Comercial “Ponte Vella” ata o propio sábado día 12 ao mediodía, e levarán asociada unha doazón simbólica de 5 €uros.

• Este ano a recaudación vai a ser para a Asociación “Pequeños Superhéroes”, centrada na atención da xente que padece algunhas das Miopatías Centronuclearesou CNM (Miopatía Miotubular, DNM2, MTMR14, etc…); así mesmo traballan en campañas de recaudación para investigación, en mellorar a asistencia dos nenos con CNM, en concienciar á sociedade sobre a existencia das CNM, etc…, comenta Xil Páxaro.

• No evento participarán distintas agrupacións da Escola de Música: Coro, Grupo de Corda, Ensemble de saxofóns, Grupo de Acordeóns, Banda de Gaitas, Banda Infantil de Música e Banda Xuvenil de Música.

• Agradecemos ao Conservatorio polas facilidades que sempre non brindan para levar a cabo este Festival, e ao Centro Comercial “Ponte Vella” pola súa complicidade ao prestarnos a súa infraestructura para poñer as entradas a disposición do público, destaca o director da Escola de Música de Barbadás.

180 ALUMNOS/AS DA ESCOLA DE MÚSICA DE BARBADÁS, PROTAGONISTAS NO CONCERTO SOLIDARIO PARA APOIAR Á ASOCIACIÓN OURENSÁ DE ESCLEROSE MÚLTIPLE, ELA, PARQUINSON E OUTRAS ENFERMIDADES NEURODEXENERATIVAS

A cita musical-solidaria será o 1 de febreiro ás 19,00 horas no Conservatorio de Ourense

A recadación destinarase a dar continuidade aos programas iniciados dende a Asociación de Esclerose múltiple (AODEM)

• A sexta edición do concerto solidario protagonizado polo alumnado da Escola de Música de Barbadás a favor da Asociación Ourensá de Esclerose múltiple, Ela, Parquinson (AODEM) e outras enfermidades neurodexenerativas celebrarase o 1 de febreiro ás 19,00 horas.

• O alcalde de Barbadás, Xosé Carlos Valcárcel, afirmou hoxe na presentación do concerto solidario que “para o Concello de Barbadás é un orgullo poder colaborar durante estes anos con un colectivo que precisa de visibilidade e que ten unhas necesidades que precisan de apoio por parte das institucións”.

• No evento musical-solidario participarán un total de 180 alumnos/as da Escola Municipal de Música de Barbadás.

• Susana Fernández, presidenta da Asociación Ourensá de Esclerose múltiple, Ela, Parquinson e outras enfermidades neurodexenerativas, agradeceu ao Concello de Barbadás e á Escola de Música “a oportunidade que nos estades dando de divulgación e visibilidade para a asociación”.

• Fernández explicou que os donativos “servirán para dar continuidade aos programas que están en marcha e mellorar a calidade de vida das persoas afectadas polas patoloxías que engloba a asociación”.

• Marga Pérez, concelleira de Cultura, comentou que este evento “ten unha parte musical e outra solidaria”, destacando o esforzo do alumnado e do profesorado para a posta en escea do espectáculo”.

• A recadación que se obteña no concertó solidario será para dar continuidade ás múltiples actividades da asociación ao longo do ano e para dar apoio a familiares das persoas que teñen estas patoloxías.

• Marga Pérez, informou que aquelas persoas que non poden acudir teñen a posibilidade de colaborar a través de donativos porque existe unha fila cero para estes casos.

• As entradas para asistir ao concerto solidario están á venda no centro comercial Ponte Vella.

• Xoán Manuel Xil Páxaro, director da Escola Municipal de Música de Barbadás, resaltou “o traballo e a implicación de pais/nais, alumnos e alumnas da escola e do profesorado.

• Destacou ademais a importante colaboración con esta causa solidaria do Conservatorio de música de Ourense e do centro comercial Ponte Vella.

• Tamén se poden facer aportacións no seguinte número de conta: ES9101826853960201558049- BBVA