Como todos os anos, o Concello de Barbadás, súmase á conmemoración do 8M – Día Internacional das Mulleres, reafirmando o seu compromiso coa igualdade de xénero en todos os espazos da vida política e social local.

Dende o Concello de Barbadás asumimos a necesidade de avanzar cara unha representación paritaria de mulleres e homes nas corporacións locais e así o levamos á práctica na realidade do nosos concello. En xeral, na política local estanse a dar pasos importantes como é ter pasado nos últimos vinte anos de dezaoito a sesenta alcaldesas no ano 2023, o que supón o 22% dos concellos galegos. No caso das concelleiras, a presenza das mulleres ascende ao 40%. Estes avances non son suficientes e estas cifras teñen que seguir medrando xa que os datos reflicten que, aínda que se están dando importantes pasos nos liderados femininos, as mulleres seguen estando infrarrepresentadas nos espazos máis importantes de toma de decisións do eido local e, polo tanto, os espazos políticos en xeral seguen estando moi masculinizados.

Aínda que recoñecemos os avances, queda moita labor que desenvolver ata conseguir que a sociedade sexa un espazo onde a igualdade sexa unha realidade polo q é preciso abordar tanto as barreiras estruturais  como as actitudes e percepcións que perpetúan a discriminación e garantir que todas as persoas accedan ás mesmas oportunidades.

O compromiso do Concello de Barbadás pasa pola promoción da participación das mulleres na vida política e social local, mediante accións de sensibilización, capacitación e fomento do liderado feminino e, por suposto, pola incorporación da perspectiva de xénero de forma transversal en todas as nosas políticas, garantindo que se tomen en conta as necesidades e a realidade específicas das mulleres e das nenas nas nosas accións, pola aplicación de medidas para garantir a igualdade salarial e de oportunidades no emprego promovendo a participación equitativa de mulleres en todos os niveis e sectores sociais.

Consideramos imprescindible seguir impulsando campañas de prevención e sensibilización contra a violencia de xénero, e a través do CIM, como recurso específico do Concello de Barbadás para a promoción da igualdade e a loita fonte a violencia de xénero, continuar dando apoio integral ás mulleres vítimas e traballando na erradicación da violencia machista, xa que esta é a expresión máis miserable da desigualdade de xénero.

Dende o Concello de Barbadás amosamos o noso firme compromiso coa igualdade, a través do deseño, elaboración e apoio de todas as políticas públicas necesarias para mellorar a vida das mulleres do noso concello. Debemos seguir traballando na consolidación dos avances sociais en materia de igualdade tendo como horizonte unha sociedade máis feminista, xusta e igualitaria.

Barbadás, 8 de marzo de 2024

O CONCELLO DE BARBADÁS CONTINÚA TRABALLANDO NA ELABORACIÓN DO PLAN DE IGUALDADE

A concelleira de Igualdade e a técnica de Igualdade asistiron hoxe en Santiago a unha acción formativa, que levaba por título “Plans de igualdade nos concellos”

• A concelleira de Igualdade do Concello de Barbadás, Elisabet González Nistal, e a técnica de Igualdade do Centro de Información á Muller de Barbadás asistiron hoxe en Santiago a unha acción formativa, que levaba por título “Plans de igualdade nos concellos, da teoría á práctica”

• A acción formativa desenroluse na Federación Galega de Municipios e Provincias (FEGAMP), que era o organismo convocante de dita formación.

• Na xornada formativa abordouse a elaboración dos plans de igualdade a nivel local dentro das políticas locais de igualdade, as ferramentas para a súa elaboración e estratexias de actuación.

• González Nistal explica que “tamén se falou de como veñen os plans de igualdade na lexislación vixente, xa que son de obrigatorio cumprimento incluso para empresas a partir de 50 traballadores”.

• “Foi unha formación cun circuíto de pautas para a elaboración dun plan”, sinalou Elisabet González, quen anticipou que dende o CIM de Barbadás “xa se deron pasos para elaborar o Plan de Igualdade Municipal”.

• Na segunda parte da formación falouse dos protocolos de acoso sexual, dos mecanismos de prevención , de como previr o acoso sexual por razón de xénero, sobre todo no ámbito laboral e como introducir eses protocolos de prevención dentro dos propios plans de igualdade das empresas, entidades locais

• A concelleira de Igualdade enumerou algúns dos obxectivos dun plan de igualdade:

1. Elimina desequilibrios e desigualdades nas empresas respecto da presenza, categoría profesional e participación da mulleres e homes
2. Elimina desigualades e desequilibrios no acceso e participación de mulleres e homes na organización
3. Aseguran que os procesos de xestión se realicen de acordo ao principio de igualdade de trato
4. Favorece a conciliación laboral, persoal e familiar
5. Prevé o acoso sexual e acoso por razón de sexo
6. Elimina a fenda salarial

.

REUNIÓN DA MESA DE COORDINACIÓN INTERINSTITUCIONAL FRONTE Á VIOLENCIA DE XÉNERO DO CONCELLO DE BARBADÁS

Esta mesa ten por obxectivo a coordinación ás vítimas de violencia de xénero dende o ámbito municipal de Barbadás entre todas as institución implicadas

Os datos do Centro de Información á Muller de Barbadás evidencian que no último ano atendéronse a 92 mulleres

• O salón de plenos do Concello de Barbadás acolleu a reunión da Mesa de Coordinación Interinstitucional fronte á Violencia de Xénero do Concello de Barbadás, que se celebra semestralmente.

• Esta mesa de traballo foi presidida por Victoria Morenza, tenente alcalde de Barbadás, a concelleira de Educación, Marga Pérez e a xefa da Unidade de Violencia de Xénero da Subdelegación do Goberno, María Alida Iglesias.

• Ao encontro non pudieron acudir a concelleira de Igualdade, Elisabet González Nistal, e a directoria do Centro de Información á Muller de Barbadás, María Armada, por ter acudido a a Santiago a unha xornada formativa sobre plans municipais de igualdade promovida pola Federación Galega de Municipios e Provincias, FEGAMP.

• Á mesa interinstitucional, da que tamén  forma parte o Concello de Taboadela, acudiron traballadoras sociais de ambos concellos, as orientadoras dos centros educativos de referencia, colexios de Barbadás e instituto Ferro Couselo.

• Tamén forman parte desta mesa de traballo o Equipo de Violencia de xénero da primeira compañía da Garda Civil, recentemente creado, e do Equipo da Muller e do Menor (EMUME).

• Tamén está presente na mesa interinstitucional a Policía Local de Barbadás, que colabora coas forzas de seguridade na atención ás vítimas de violencia de xénero a través do Programa Viogen.

• Ademais forman parte da mesa interinstitucional as/os traballadores do CIM de Barbadás, directora, asesor xurídico e psicóloga.

• Esta mesa ten por obxectivo a coordinación ás vítimas de violencia de xénero dende o ámbito municipal de Barbadás entre todas as institución implicadas, indicou Victoria Morenza. A tenente alcalde salientou a “importancia destas reunións de cara a avanzar nos procesos de atención ás vítimas de violencia e de coordinación entre profesionais”.

• Os datos do Centro de Información á Muller de Barbadás evidencian que no último ano atendéronse a 92 mulleres, na súa maioría por consultas relacionadas coa violencia de xénero, en tanto que a franxa de idade oscila entre os 25 e 54 anos.

• Marga Pérez, concelleira de Educación destacou a importancia de difundir información de prevención nas redes sociais, que son o medio máis utilizados por as/os xóvenes.

• Abordouse no encontro a campaña do Ministerio do Interior para denunciar a difusión de contados violentos ou sexuais sen consentimiento. A retirada destes contados pode realizarse no seguinte enlace: aepd.es/canalprioritario.

• Na última reunión da mesa interinstitucional propúxose por parte dos centros educativos que se creara un canal fluído de información sobre a repercusión que determinadas situación de violencia de xénero poden ter sobre o alumnado afectado.

• María Alida Iglesias xa na anterior reunión institiu na confidencialidade dese tipo de dato e a raíz da proposta dos centros educativos elaborouse dende a Unidade de Violencia de Xénero un díptico que recolle diferentes tipos de indicadores para detectar entre o alumnado este tipo de violencia.

• O díptico clasifica os indicadores en físicos, psicolóxicos e socioeducativos. Tamén se recollen indicadores de que un/unha alumno/a pode estar exercendo malos tratos.

• Tamén se indican no díptico indicadores compatibles cunha situación de violencia de xénero no ámbito familiar.

BARBADÁS INICIA O “PROGRAMA ROSALÍA” PARA PROMOVER A ORIENTACIÓN E O ASESORAMENTO LABORAL DIRIXIDO A MULLERES

A programación agrupa 7 obradoiros durante un período de 2 meses

Acceso ao emprego, emprendemento das mulleres, inserción ocupacional, traballo non remunerado, mulleres na Historia, autoestima e benestar ou violencia de xénero constitúen a temática desta iniciativa

• Esta mañá presentouse nas instalacións municipais da Solaina o “Programa Rosalía”, dirixido a mulleres especialmente ás que se atopan en situación de vulnerabilidade e enmárcase no Pacto de Estado para promover a igualdade e contra a violencia de xénero.

• Na presentación, ademais das participantes, estiveron María Armada, técnica de Igualdade do Centro de Información á Muller de Barbadás, Elisabet González Nistal, concelleira de Igualdade, e Laura Seara, responsable da Consultora Red Talento, que desenrolará este proxecto nos diferentes obradoiros que o componen.

• Elisabet González Nistal, concelleira de Igualdade, explicou que “o O Programa Rosalía naceu nun momento de cambios, de dificultades e moitos retos para a cidadanía, en concreto para as mulleres”.

• A iniciativa é unha grande aposta da Concellería de igualdade do Concello de Barbadás e “vai dirixido a todas as mulleres coa finalidade de fomentar as habilidades laborais e persoais, as competencias, as capacidades e a autoestima de todas as mulleres que participen”, indicou González Nistal.

• Os obxectivos son “mellorar a inserción laboral, a creatividade, a participación e a mellora profesional das mulleres”, apuntou González Nistal. Tamén se busca incrementar a autoestima, ofrecer motivación e asesoramento personalizado para o acceso ao emprego e autoemprego.

• O Programa Rosalía ten unha duración de 2 meses, sinalou Nistal, quen ademais de dexexar que “estén a gusto, que disfruten e, por suposto, que sexa de proveito para o seu futuro”.

• Laura Seara iniciou a súa intervención asegurando que “as crises e guerras golpean de maneira máis violenta ás mulleres. Cando os servizos públicos desaparecen por parte das administracións son as mulleres as que ocupan ese espazo”.

• Segundo Seara “as mulleres reforzan o traballo de cuidados, as mulleres coidadoras reforzan o seu traballo incluso ao triplo das súas xornadas. Emigrar a quen máis lles costa é ás mulleres. Isto coñécese como discriminación múltiple. Todo isto sumado á situación personal de cada muller afecta na posición social desta e, polo tanto, no acceso ao mundo laboral”.

• O Programa Rosalía desenrolarase en 7 obradoiros, que serán impartidos por diferentes profesionais. Haberá unha psicóloga e unha orientadora laboral.

• O primeiro taller será sobre a autoestima e como cuidar a nosa mente, corpo, alimentación, etc. Impartirao unha profesora da Universidade de VIGO experta en saúde con perspectiva de xénero.

• Abordarase noutro dos obradoiros a violencia de xénero, así como as ferramentas de sensibilización e prevención.

• Outro dos talleres centrase no traballo non remunerado: os coidados. Laura Seara destacou que “é necesario valorar o traballo non remunerado, no cal o 90% son mulleres.

• Desenrolaranse talleres de autoemprego, a través das tecnoloxías, como preparar un bo currículo personalizado e programaronse grupos pequenos “para que sexa máis fácil traballar individualmente”.

• Seara anticipou que “visitaremos empresas do noso entorno e trataremos temas como axudas, mediación, etc, é dicir unha titorización completa e personal con cada unha delas e profesionais”.

• As mulleres que participen neste programa “sairán con capacidade de afrontar o mercado laboral, calquer proceso de selección”, segundo Seara Sobrado.

• Dende o Centro de Información á Muller estarán en coordinación constante cos profesionais do programa e ofrecen todos os recursos que poidan ofrecer.

• Para máis información, as persoas interesadas poden dirixirse ao Centro de Información á Muller a través do teléfono 988 222 251 ou no email igualdade@barbadas.gal.

ALUMNADO DO CENTRO EDUCATIVO LUIS VIVES PROTAGONIZA O ACTO CONMEMORATIVO DO DÍA INTERNACIONAL DA MULLER EN BARBADÁS

• Alumnado do centro de ensino Luis Vives protagonizan a conmemoración do Día Internacional da Muller en Barbadás.

• O alcalde de Barbadás, Xosé Carlos Valcárcel, realiza unha introducción destacando que “os nenos e nenas, así como a xuventude en xeral son moi importantes en canto que son o futuro da igualdade de dereitos e oportunidades entre homes e mulleres”.

• O alumnado do colexio Luis Vives realizaron unha lectura de textos reivindicativos da importancia da muller.

• No acto conmemorativo do Día Internacional da Muller de Barbadás tamén colaborou a Escola Municipal de Música.

• O director da Escola de Música, Xohán Manoel Xil Páxaro, interpretou dúas pezas musicais en homenaxe ás Mulleres.

• As/os alumnas/os do centro de ensino Luis Vives repasaron no acto conmemorativo do Día Internacional da Muller os fitos acadados a prol da igualdade.

• A consecución en 1931 do voto femininino grazas a Clara Campoamor.

• A progresiva igualdade de xénero no mundo da música, da literatura e do arte en xeral.

• A igualdade no mundo dos xogos/xoguetes.

• A progresiva incorporación da mullere ao mundo laboral.

• Procederon tamén á lectura dunha poesía en castelán da poetisa Felisa Nogueira Barbosa, profesora do colexio Luis Vives. Unha poesía con un profundo contido de reivindicación feminista.

• O acto conmemorativo do Día Internacional rematou co derrube do muro simbólico da intolerancia, do machismo e da desigualdade.

A PROGRAMACIÓN DO CONCELLO DE BARBADÁS PARA CONMEMORAR O 8 DE MARZO, DÍA INTERNACIONAL DA MULLER, INCLÚE UN CICLO DE EDUCACIÓN AFECTIVO-SEXUAL, UN PROGRAMA DE EMPREGO, OBRADOIROS DE DEFENSA PERSOAL E RISOTERAPIA E TEATRO

O acto conmemorativo central será na glorieta da familia e participará alumnado dos centros educativos

A programación desenvolverase nos meses de marzo e abril

• A presentación da programación en torno ao Día Internacional da Muller realizouse hoxe no Centro de Información á Muller de Barbadás coa presenza da concelleira de Igualdade, Elisabet González Nistal, e a directora do CIM, María Armada.

• A concelleira de Igualdade, Elisabet González, explicou no acto de presentación da programación que “as mulleres unímonos para celebrar e reivindicar o noso papel na sociedade e protestar contra as desigualdades que aínda existen. Para este ano o Concello de Barbadás ten previsto levar a cabo unha programación que inclúe un amplo abano de actividades”.

• En diferentes lugares do concello están a desenvolverse obradoiros de risoterapia, unha actividade interactiva que está tendo unha boa acollida entre a veciñanza.

• Realizaranse ciclos de educación afectivo-sexual nos que van participar os centros educativos do concello: CEIP O Ruxidoiro, CEIP Filomena Dato e CPR Luis Vives.

• O día 8 de marzo terá lugar un acto conmemorativo do Día Internacional da Muller nas inmediacións da rotonda da familia, onde alumnado dos centros de ensino procederán á lectura de varias poesías creadas por eles e elas coa temática do 8M.

• Tamén o 8 de marzo actuará a Escola Municipal de Música de Barbadás en unha actuación acompañando a lectura das poesías.

• O día 18 de marzo Isabel Risco poñerá en escena o espectáculo teatral “Nabiza girl” no auditorio da Casa de Cultura Manuel María.

• No mes de abril desenvolverase un taller de defensa persoal para todas as mulleres, onde se ensinarán diferentes técnicas de defensa ou protección ante unha posible agresión.

• Está previsto desenvolver o “Programa Rosalía”, coa finalidade de mellorar as habilidades laborais e persoais, competencia e autoestima das mulleres para promover a súa inserción laboral a través da súa orientación persoal e laboral.

• Este programa terá unha duración de 2 meses e desenrolarase en 3 fases. Na primeira fase vanse traballar as habilidades e motivacións das mulleres, na segunda orientación para atopar o perfil profesional de cada unha delas, mentras que a terceira fase está encamiñada á elaboración de un bo currículo e a preparar unha entrevista persoal.

• As participantes no “Programa Rosalía” terán a oportunidade de realizar visitas a empresas da zona”.

• O obxectivo final é acadar a inserción laboral das mulleres en situación de vulnerabilidade.

A CONCELLERÍA DE IGUALDADE A TRAVÉS DO CENTRO DE INTORMACIÓN Á MULLER DE BARBADÁS CONVOCA UN CONCURSO INFANTIL DE DEBUXOS POLA DIVERSIDADE EN BARBADÁS

O prazo de presentación dos debuxos será dende o día 24 ata o 28 de Maio de 2021

Os premios entregaránse na Casa da Cultura o día 25 de Xuño ás 12.00h

• A Concellería de igualdade, a través do CIM (Centro de Información á Muller) organiza un concurso infantil de debuxo dirixido ós/ás nenos/as de Barbadás, con motivo da conmemoración do 28 de xuño: Día da diversidade LGTBI.

• Está dirixido ás nenas e nenos do Concello de Barbadás, con idades comprendidas entre os 6 e os 12 anos.

1. Establécense dúas categorías:

– Nenos/as de 1º a 3º de Primaria

– Nenos/as de 4º a 6º de Primaria

• Os debuxos presentados deberán cumprir os seguintes requisitos: Este concurso celébrase con motivo do día da diversidade –día do orgullo LGTBI- que se conmemora o día 28 de xuño, por isto o tema do debuxo é: “¿que é para ti a diversidade?”. Valorarase a orixinalidade e a capacidade creativa. Estar presentado en cartolina ou papel, tamaño DIN A4 ( Folio Normal).

• Lugar e prazo de presentación:

Os debuxos poderán presentarse na Casa de Cultura, no buzón habilitado para tal efecto, ou nos CEIP Filomena Dato e O Ruxidoiro.

O prazo de presentación dos debuxos será dende o día 24 ata o 28 de Maio de 2021.

Os debuxos deberán presentarse en sobre pechado con pseudónimo e idade, dirixido á Concellaría de Igualdade de Barbadás : “”Concurso de Debuxos pola Diversidade”, e incluíndo no interior outro sobre pechado cos datos persoais:

• Nome e Apelidos
• Enderezo
• Idade
• Número de Teléfono

• Premios: Entregaranse tres premios por cada categoría:

Categoría nenos/as de 1º a 3º de Primaria: – 1º Premio: Un reloxo dixital. –2º Premio: Unhos cascos inalámbricos. – 3º Premio: Un libro. 

Categoría nenos/as de 4º a 6º de Primaria:  – 1º Premio: Un reloxo dixital, – 2º Premio: Uns cascos inalámbricos.  3º Premio: Un libro.

• O Xurado estará composto pola Concelleira de Igualdade, a directora do Centro de Información á Muller e por unha persoa do equipo directivo dos CEIP do Concello de Barbadás.

• O nome dos gañadores ou gañadoras publicarase na páxina web do Concello de Barbadás (barbadas.es) a partires do día 3 de Xuño de 2021.

• Os premios entregaránse na Casa da Cultura o día 25 de Xuño ás 12.00h.

• Entre todos os debuxos galardoados, o xurado escollerá un que será utilizado como imaxe do cartaz do Día da Diversidade — 28 de Xuño—do Concello de Barbadás.

CAMPAÑA “AGRESIÓN  OFF:  EU DIGO  NON *Á VIOLENCIA SEXUAL 2020 “

 Sábado 14 de novembro de 2020

Lugar: Glorieta da Familia (avenida Celanova,39)

Horario: 16,00-20,00 horas

Actividade aberta ao público en xeral

• Esta campaña serve para  previr e sensibilizar a  cidadanía sobre o que  é a violencia    sexual, e para que en  moitos casos,  as mulleres  poidan  identificala.
• Na caseta ofrécese á cidadanía participar en diferentes talleres de sensibilización e actividades lúdicas, sempre cumprindo con toda a normativa de prevención contra a            covid-19.
• Todos os talleres son inclusivos e están dirixidos a todas as idades. No caso do público infantil, hai un espazo especial destinado a dinámicas adaptadas á súa idade.
• Os talleres están divididos en áreas de traballo con contidos concretos co obxectivo de sensibilizar á poboación contra a violencia sexual.

Entre as temáticas que se abordan destacan :

• O desmantelamento de estereotipos de xénero co obxectivo de combater o sexismo desde a infancia.
• Mitos sobre o amor.
• Alerta de
• A parella e a igualdade.
• Autoestima e valoración
• Violencia e novas tecnoloxías.
• Educación en igualdade, e a importancia de estar informados.

O CENTRO DE INFORMACIÓN Á MULLER DO CONCELLO DE BARBADÁS CONTINÚA TRABALLANDO COMO SERVIZO ESENCIAL DURANTE O ESTADO DE ALARMA POR VÍA TELEFÓNICA.

• O Centro de Información á Muller de Barbadás segue a manter a súa atención como servizo esencial durante o estado de alarma DE XEITO TELEFÓNICO.

• Calquera usuaria ou cidadá que precise información ou asesoramento, pode recibir atención telefónica de luns a venres de 9,30 a 14,00 horas.

• O Centro de Información á Muller é un servizo que pode facilitar o asesoramento e atención se algunha muller está a vivir unha situación de violencia de xénero ou coñece a alguén que a poida estar vivindo.

• O servizo de atención do CIM está a disposición de calquera muller da comarca e durante o estado de alarma de xeito telefónico no teléfono indicado.

•  O teléfono de atención do CIM de Barbadás é 988-22 22 51.

• A dirección electrónica: igualdade@barbadas.gal.

• Tamén pode vostede chamar aos seguintes teléfonos dispoñibles as 24 horas: 016 e 900 400 273

• http://www.violenciagenero.igualdad.gob.es/informacionUtil/covid19/home.htm

DECLARACIÓN INSTITUCIONAL DO CONCELLO DE BARBADÁS CON MOTIVO DO 8M – DÍA INTERNACIONAL DA MULLER

O Concello de Barbadás, únese ao movemento feminista para reivindicar neste 8 de marzo, unha vez máis, os dereitos das mulleres. Neste 2020, o recoñecemento e posta en valor do traballo invisibilizado que seguen a facer de forma prioritaria as mulleres na nosa sociedade, coma os coidados, son un dos eixos centrais para este 8 de marzo.

Os coidados son imprescindibles para o mantemento da estrutura social, traballos asignados historicamente ás mulleres e non recoñecidos nin valorados socialmente. Isto impide o avance das mulleres, en condicións de igualdade, con respecto os homes, vivindo estas unha maior segregación horizontal, maiores dificultades para acceder o mercado laboral e continuar coa súa formación, e polo tanto impedindo o avance do conxunto da sociedade. É preciso mudar o sistema e que exista unha corresponsabilidade real e efectiva, incluíndo aos homes no eido dos coidados.

A conciliación é unha ferramenta fundamental para unha sociedade máis sostible tanto
económica coma socialmente, polo que é imprescindible que tanto a xestión dos coidados
como a do tempo se faga en base a criterios de igualdade entre mulleres e homes. Dende o
Concello de Barbadás seguiremos deseñando políticas públicas que melloren a calidade de vida das mulleres a través dunha maior e mellor conciliación, xerando outros modelos de sociedade máis xustos, equitativos e inclusivos.

Neste eido xoga un papel importante o consumo responsable e sostible . Temos que destacar e valorar a forma de vida e produción no rural e a da figura non recoñecida da muller no mantemento do mesmo.

Non podemos finalizar esta Declaración Institucional sen o rexeitamento de forma táxante e enérxica, unha vez máis, dende o Pleno da Corporación do Concello de Barbadás de calquera tipo de violencia contra as mulleres como máximo expoñente da desigualdade social, coa finalidade de que non se volvan a producir asasinatos como os últimos acontecidos en Aznalcóllar y Fuenlabrada. É preciso que se produza non so un rexeitamento unánime da nosa sociedade, senón que hoxe en día sexamos capaces de poñer a disposición das mulleres, políticas públicas integrais e eficientes para a erradicación de calquera tipo de violencia contra as mulleres, pero tamén de promoción da igualdade poñendo en valor o papel produtivo e reprodutivo das mulleres na nosa sociede.

Esta declaración insititucional foi aprobada polo pleno da Corporación de Barbadás o 2 de marzo de 2020

CHARLAS, TEATRO E UN OBRADOIRO DE DEFENSA PERSOAL CONFORMAN A PROGRAMACIÓN DE BARBADÁ DURANTE O MES DE MARZO PARA CONMEMORAR O DÍA INTERNACIONAL DA MULLER

Charlas en torno á imaxe das mulleres nas redes sociais ou a endometriose e teatro:  “As lavandeiras”, “O país dos mandóns”, un espectáculo de Nabiza girl e a proxección do filme “Tódalas mulleres que coñezo” son algunhas das actividades enmarcadas no “Mes da Muller” en Barbadás

 ·       A Concellería de Servizos Sociais, Igualdade, ParticipaciónVeciñal e Sanidade, dende a Área de Igualdade, e con motivo do 8M – Día Internacional da Muller, organiza ao longo de todo o mes de marzo diferentes actividades de promoción da igualdade eprevención da violencia, dirixidas a toda a poboación do Concello.

·       Durante todo o mes de marzo haberá diferentes actividades dirixidas ao público adulto, ás crianzas e ás súas familias, ás mulleres e a toda a poboación en xeral.

·       A programación do 8M pretende reflexionar sobre os espazos, sobre a liberdade e os dereitos que teñen as mulleres e todos os que quedan por acadar.

·       Esta programación está deseñada para promover e promocionar a igualdade e poñer en valor ás mulleres e os seus dereitos e tamén as súas reivindicacións.

·       A primeira actividade da programación terá lugar o xoves 5 de marzo ás 19,00 horas nas instalacións municipais do Parque da Solaina. Baixo o título de “A imaxe da mulleres nas redes sociais”, esta actividade  está organizada como Concello Aliado Dixital coa colaboración de Voluntariado Dixital da Xunta de Galicia.

·       O venres 6 de marzo ás 20,00h no Auditorio da Casa da Cultura “Manuel María” e dirixida ao público adulto poñerase en escena o espectáculo “Lavandeiras” de Vero Rilo e Sonsoles Penadique,  na que se unen  o conto e a música para achegarnos ao traballo das mulleres lavandeiras. Esta actividade está financiada polo Pacto de estado contra a violencia de xénero.

·       O xoves 12 de marzo ás 19,00h nas Instalacións Municipais do Parque da Solaina celebrarase unha charla sobre endometriose a cargo da entidade “Querendo”, coa finalidade de viibilizar unha doenza que afecta a milleiros de mulleres e da que tan pouco se fala.

• O venres 13 de marzo ás 20,00h. no Auditorio da Casa da Cultura “Manuel María” contaremos co espectáculo familiar “O país dos mandóns” baseado no conto ao que da título a obra, a cargo do Teatro Gazafelhos.

• O venres 20 de marzo ás 20,00h no Auditorio da Casa da Cultura “Manuel María”, para o público adulto gozaremos da orixinal Isabel Risco dando vida a superheroína rural galega con denominación de orixe protexida e poderes que proveñen do sulfato! “Nabiza Girl”. Esta actividade está financiada polo Pacto de estado contra a violencia de xénero.

• Os xoves 26 de marzo e o 2 de abril terá lugar un Obradoiro de defensa persoal para mulleres nas Instalacións do Polideportivo do Concello de Barbadás a cargo do Sensei Nicolas González. Para esta actividade é preciso a inscrición previa no Rexistro do Concello, xa que o aforo é limitado.

• Para finalizar, o venres 27 de marzo ás 20,00h. no Auditorio da Casa da Cultura “Manuel María” e para o público xuvenil e adulto proxectarase o laureado filme “Tódalas mulleres que coñezo”, da Directora galega, Xiana do Teixeiro, coa que teremos o pracer de contar despois da proxección para un pequeno coloquio. Esta actividade está financiada polo Pacto de Estado contra a violencia de xénero.

• Para todas as actividades que se levan a cabo no Auditorio da Casa daCultura “Manuel María” é preciso a recollida previa de invitacións.

CONVENIO DE COLABORACIÓN ENTRE O CONCELLO DE BARBADÁS E O CONCELLO DE TABOADELA PARA A PRESTACION CONXUNTA DO SERVIZO DO CENTRO DE  INFORMACIÓN ÁS MULLERES (CIM).

Os alcaldes de Barbadás, Xosé Carlos Valcárcel, e Taboadela, Álvaro Vila asinaron esta mañá o convenio de colaboración

• Os Concellos de Barbadás e Taboadela comprométense a través deste convenio a desenvolver as actuacións de cooperación e asistencia activa en materia de asistencia ás mulleres no Centro de Información á Muller de Barbadás.

• Esta colaboración está vinculada ás subvencións ás entidades locais da Comunidade Autónoma de Galicia para a promoción da igualdade de forma individual e mediante o sistema de xestión compartida cofinanciadas polo Fondo Social Europeo (FSE), con cargo ó programa operativo FSE Galicia 2014-2020, e polo Pacto de Estado contra a
  violencia de xénero.

• O obxecto do convenio é fixar as principais liñas de colaboración, así como a coordinación, dirección, xestión, financiamento, organización e funcionamento do servizo do CENTRO DE INFORMACIÓN ÁS MULLERES DE BARBADÁS e prestar de forma compartida entre os concellos de Barbadás e de Taboadela.

• A xestión do servizo será realizada polo Concello de Barbadás e incluirá todo o relacionado coa xestión do centro, aspectos materiais e técnicos ou de servizo (sexa tramitación administrativa, instalación, reparación e mantemento de infraestruturas, xestión de persoal, xestión de axudas, etc.).

• Atenderanse os casos remitidos polos servizos sociais ou outros departamentos municipais (educación familiar, axuda a domicilio, servizo de axuda no fogar,…) dos concellos respectivos entre a poboación empadroada neses concellos. Igualmente atenderanse os casos remitidos polo persoal médico, forzas e corpos de seguridade, ou Xulgados deses concellos.

• Este convenio comprende tamén a posibilidade de contratación polo Concello de Barbadás, na forma que se sinale, de todas as actividades ou prestacións necesarias para o funcionamento e xestión do servizo compartido.

• Para facilitar o seguimento, cumprimento e a coordinación do presente convenio, constituirase unha Comisión Mixta, sen prexuízo das competencia atribuídas ós respectivos Alcaldes, e ademais da súa presenza, estará integrada polo persoal técnico de cada Concello. Poderán ser invitados Forzas e Corpos de Seguridade do Estado, persoal dos Xulgados ou dos centros educativos e de saúde dos concellos asinantes.

• O convenio de colaboración foi asinao polo alcalde de Barbadás, Xosé Carlos Valcárcel, e o rexedor de Taboadela, Álvaro Vila Araújo. Tamén estiveron a tenente alcaldesa de Barbadás, Victoria Morenza, e a concelleira de Igualdade, Elisabet González Nistal.

O CONCELLO DE BARBADÁS, A TRAVÉS DO CENTRO DE INFORMACIÓN Á MULLER, ORGANIZA UNHA ACTIVIDADE DE DINAMIZACIÓN EN IGUALDADE

“Igual a nós” é un espazo de encontro para mellorar a autoestima persoal e grupal

A xornada será o 4 de febreiro ás 18,00 horas nas instalacións municipais do parque da Solaina

Esta actividade está dirixida ás mulleres adultas, especialmente ás de maior idade para potenciar o uso das novas tecnoloxías

• “Igual a nós” é unha actividade de dinamización en igualdade e prevención da violencia de xénero dirixida a mulleres adultas, especialmente ás de maior idade.

• “Promover e sensibilizar na educación en igualdade e a prevención da violencia de xénero é un dos obxectivo desta xornada, que se celebrará o 4 de febreiro ás 18,00 horas nas instalacións municipais do parque da Solaina” explica a concelleira de Igualdade, Elisabet González Nistal.

• A iniciativa, organizada polo Centro de Informnación á Muller de Barbadás, ten tamén como finalidade mellorar a calidade de vida das mulleres e potenciar o uso das novas tecnoloxías como ferrramenta de comunicación e formación.

• “Igual a nós” pretende ademais sensibilizar e concienciar ás persoas para a ruptura de estereotipos de xénero existentes.

• Nistal indica que “outra das finalidades é o fomento da participación social e o encontro entre mulleres como mecanismo de mellora da autoestima persoal e grupal”.

• A actividade está financiada pola Secretaría Xeral de Igualdade no marco do Acordo de colaboración asinado coa Federación Galega de Municipios e Provincias para a conformación dunha rede de entuidades locais contra a violencia de xénero, da que o Concello de Barbadás forma parte.

• Para anotarse nesta actividade, que ten un total de 30 prazas, as interesadas poden descargar o impreso de inscrición na páxina web e para máis información pode chamar vostede ao teléfono 988222251. Tamén pode entregar o impreso de inscrición nas Oficinas Municipais da Valenzá, no Concello de Barbadás e no Centro de Información á Muller (Praza de San Antón, Barbadás, antigo campo da festa).

Ficha_de_inscrición_-_Actividade_Igual_a_nós_

CONCENTRACIÓN NA CASA DO CONCELLO DE BARBADÁS PARA CONMEMORAR O 25 DE NOVEMBRO, DÍA INTERNACIONAL CONTRA A VIOLENCIA DE XÉNERO

Os/as asistentes gardaron un minuto de silencio na honra da última vítima de hoxe en Tenerife

Manifesto 25 de novembro de 2019

En Negro Contra as Violencias 

O Concello de Barbadás, xunto a outros 125 concellos, milleiros de establecementos, empresas e colectivos que están a tinguir Galicia, unímonos a esta acción social contra as violencias machistas para manifestar a máis absoluta repulsa ante todo tipo de violencias contra as mulleres, e de xeito máis enérxico, a súa consecuencia máis extrema, os feminicidios. 

Este ano –segundo datos oficiais–  foron asasinadas 51 mulleres en España, sen contar as asasinadas por estar ao lado da vítima, por ser irmá, filla ou nai. No caso de Galicia o contador xa suma cinco. Cinco mulleres foron asasinadas a mans de homes dos que pretendían afastarse: Maria José, Sandra, Alba e María Elena en Valga e Mari Carmen en Vilalba. A rabia e o desconsolo fainos seguir avanzando nesta andaina, e empúrranos a vestir de negro como símbolo de loito, pero tamén de loita.

Sabemos que o feminicidio é a última e máis extrema das violencias machistas,  pero hai moitas máis, expresadas de diferentes e diversas formas, que rodean e perseguen ás mulleres.  Nos últimos meses, atopámonos coa dobre agresión que sofren as mulleres vítimas de violacións en grupo e con sentenzas que subestiman a situación de indefensión ante os agresores; asemade, miles de mulleres en situación de violencia de xénero que deciden denunciar, sofren de xeito sistemático todo un proceso de violencia institucional que fai que desconfíen do sistema, que non se sintan amparadas e protexidas por el, e que ao fin as revitimiza, dificultando a súa recuperación . 

Para afrontar todas estas violencias, é preciso recoñecer as graves fendas de xénero existentes no ámbito social, económico, cultural;  cómpre atallar as causas estruturais e sociais que sustentan estas desigualdades a través de políticas reais para a promoción da igualdade e a prevención das violencias, contemplar recursos humanos e económicos para o seu correcto desenvolvemento, no ámbito da educación, da xustiza, dos coidados… por iso, este ano, queremos precisamente incidir na prevención, facendo o chamamento de CONTRA AS VIOLENCIAS, EDUCACIÓN!

Por iso, no Concello de Barbadás dende a Área de Igualdade,a través do CIM,  apostamos por desenvolver actividades educativas para crianzas onde o eixo fundamental é a perspectiva de xénero; soamente dende unha  educación en igualdade que inclúa todos os niveis educativos, poderase construír unha sociedade feminista, que rache coa actual estrutura patriarcal.

Tamén queremos denunciar a complicidade de quen acubilla e silencia estas violencias, porque quen actúa con complicidade e mirando para outro lado, tamén é culpable!

Desde o Concello de Barbadás queremos reiterar neste 25 de novembro, o noso compromiso na loita pola erradicación das violencias contra as mulleres e combatelas con todos os recursos ao noso alcance, e incluír a todas e a todos nesta loita, axentes sociais, institucións, cidadanía, medios de comunicación… recoñecendo a importancia do papel das entidades locais, en tanto, poderes públicos próximos ás realidades que viven as mulleres e as crianzas.

Xuntas, en rede, será máis doado seguir!

Novembro 2019

ESPECTÁCULOS INFANTÍS E XUV ENÍS, TEATRO E OBRADOIROS NOS CENTROS DE ENSINO FORMAN PARTE DA PROGRAMACIÓN DO CONCELLO DE BARBADÁS EN TORNO Á VIOLENCIA DE XÉNERO

As actividades lúdicas e didácticas están organizadas polo Centro de Información á Muller de Barbadás con motivo do 25 de novembro: Día Internacional contra a Violencia de Xénero

A campaña “En negro contra a violencia desenvolverase entre os días 19 e 27 de novembro

O obxectivo é promover a igualdade e previr e rexeitar a violencia de xénero

• A Concellería de Servizos Sociais, Igualdade, Participación Veciñal e Sanidade, dende a Área de Igualdade, e con motivo do 25N – Día Internacional Contra a Violencia de Xénero, organiza ao longo de todo o mes de novembro  diferentes actividades de promoción da igualdade e prevención e rexeitamento da violencia, dirixidas a toda a poboación do Concello.

• O Concello de Barbadás, a través do Centro de Información á Muller (CIM), elaborou unha programación dende o 19 ao 27 de novembro levarase a cabo a campaña de “Barbadas en Negro” para visibilizar a través dos establecementos e dos centros do Concello o rexeitamento da violencia de xénero tinguindo todos os espazos de negro.

• Ao longo do mes de outubro e novembro leváronse e levaranse a cabo diferentes obradoiros de promoción da igualdade e prevención da violencia nos diferentes centros de ensino de primaria e secundaria do Concello.

• Estas actividades están  financiadas pola Secretaría Xeral de Igualdade en desenvolvemento do Pacto de estado contra a violencia de xénero.

• O 19 de novembro, en dous pases, actuará Atenea García no Auditorio da Casa da Cultura, co seu espectáculo infantil “Estrafalaria” dirixido á poboación infantil dos centros de ensino do Concello.
• O 23 de novembro ás 19:30 h. e aberto a todo o público farán Xogo teatral a compañía “Silvardeiras Teatro” coa obra “cando Valentina era mala”.

• O 25 de novembro, en dous pases, actuará Pablísimo no Auditorio da Casa da Cultura, co seu espectáculo infantil “Príncipas e princesos” dirixido á poboación infantil dos centros de ensino do Concello. Actividade financiada pola Secretaría Xeral de Igualdade en desenvolvemento do Pacto de estado contra a violencia de xénero.

•  Para finalizar, o 27 de novembro ás 20:00h.no Auditorio da Casa da Cultura e aberto a todo o público xuvenil e adulto Artesacía Transmedia, presentarán “Chola, a it girl”, un espectáculo divertido, orixinal e sorprendente sobre Chola, unha mécanica de coches, blogueira e youtuber galega que é contratada por un teatro para presentar o seu show escénico youtuber. Esta actividade está financiada pola Secretaría Xeral de Igualdade en desenvolvemento do Pacto de estado contra a violencia de xénero.

LELÍA, BANDA DA LOBA E BAMBINA ACTUARÁN NA SEGUNDA EDICIÓN DA ROMARÍA FEMINISTA QUE SE CCELEBRARÁ O 5 DE OUTUBRO

Mesas de debate, postos na rúa, espazo infantil, food trucks e espazos para xantar/cear compoñen o programa da festa do feminismo en Barbadás

O día 4 de outubro ábrese a Romaría Feminista coa apertura de postos de comida na rúa e a actuación de “Carolina Rubirosa Band” e Paula Do Campo.

O espazo no que se desenrolará a festa feminista será na zona do pavillón da Valenzá e no parque dos Carrís, ao carón do río dos Muíños

• “Achegar o feminismo a todas as mulleres, creando espazos nos que estean representadas por diferentes mulleres do eido político, económico, cultural e/ou social” é o principal obxectivo da segunda edición da Romaría Feminista de Barbadás, sinala Elisabet González Nistal, concelleira de Igualdade.

• A romaría pretende nesta segunda edición tanto nas mesas de debate coma nas actividades e nas actuacións musicais “centrarse na sororidade coma ferramenta feminista”, apunta González Nistal.

• O lema “Xuntas camiñamos” é o eixo para facer fincapé no que a feminista mexicana Marcela Lagarde chama “pacto político entre mulleres”.

• As mesas de debate abordarán as diferentes formas de violencia contra as mulleres, “tratando específicamente a violencia sexual e a cultura da violación, as políticas públicas nesta Cuarta Ola e tamén sobre o activismo feminista nas redes sociais”, destaca a concelleira de Igualdade de Barbadás.

• Este mediodía fíxose a presentación da segunda edición da Romaría coa presenza de responsables municipais: o alcalde, Xosé Carlos Valcárcel, e a concelleira de Igualdade, Elisabet González Nistal. Tamén estiveron traballadoras do Centro de Información á Muller de Barbadás e representantes de postos na rúa: Eva Muñoz, coach educativo e representante do instituto Ferro Couselo que traballou durante varios cursos co alumnado en actividades transversais vinculados á muller, e Marisa Varela, da asociación La Can.

• O día 4 de outubro será o prólogo da Romaría coa presenza na zona de fook trucks e a actuación a partir das 21,00 horas de Carolina Rubirosa Band e Paula Do Campo.

• O día 5 de outubro o grupo de pandereteiras de Piñor “Euquechesei” protagonizarán a actuación de apertura da Romaría ás 10,50 horas da mañá.

• A Continuación a primeira mesa de debate está prevista para as 11,00 horas baixo o título “Movemento feminista nas políticas públicas”. Nesta mesa intervirán Pilar Cancela, presidenta da Comisión de Seguemento do Pacto de Estado contra a violencia de xénero, María del Consuelo Vispo, deputada e portavoz do PP en Barbadás, Zaida Rodríguez, Secretaria provincial de Igualdade do PSdeG, Cristina Cid, alcaldesa de Allariz e moderadora e Noa Presas.

• Ao mediodía (12,30 horas) está previsto un recital de poesía protagonizado por Irma Ruth del Ángel, ddo Círculo Poético de Ourense.

• Ás 13,00 horas comezará a segunda mesa de debate titulada a muller no deporte coa participación de Marta Bobo (primeira olímpica española e galega de ximnasia rítmica), Lorena Novas (árbitra de primeira división feminina de España), Carmen Cid “Witch” (atleta do Clube Box 001 Rumaniak), Mercé Barrientos (presidenta da Asociación de Mulleres Deportistas Galegas, MUDEGA) e Silvia Vieito (moderadora, de Xornalistas Galegas).

• Pola tarde a partir das 17,00 horas está prevista a mesa centrada en torno ao “Activismo feminista nas redes” coa presenza de Towanda Rebels (iutubers feministas), Feminista Ilustrada (ilustradora e educadora visual feminista), Daniela Fernández (AMIZANDO, Asociación LGTBI Galega) e Laura Seara (moderadora e Ex_Secretaria de Estado de Igualdade. Avogada e consultora de xénero).

• Ás 19,00 horas actuará a charanga “O son da Lila”.

• As actuacións musicais comezarán ás 21,00 horas coa presenza no escenario de “A banda da Loba”, “Leilía” e “Bambina”.

• O alcalde de Barbadás, o socialista Xosé Carlos Valcárcel, asegurou que é fundamental “eguir con esta liña de traballo dende o concello para promocionar e visibilizar os dereitos das mulleres, tendo en conta que estamos nun momento no que existe unha ideoloxía que pretende desprezar e minusvalorar a problemática da muller. Por esa razón é máis importante darlle relevancia a este evento”.

• Eva Muñoz, coach educativo, explica que la instalación de un puesto supone “dar ese pequeño pasito que podemos dar. En el stand con el que estaré en la romería figurarán trabajos realizados por jóvenes del instituto Ferro Couselo que han estado más de 2 años en la temática de la igualdad”.

• Marisa Varela, de la asociación canina La Can, indica que este colectivo desenrola un proxecto para coidar as mascotas de mulleres vítimas de violencia de xénero porque cando se van a casas de acollida non poder levar ás súas mascotas. Facémonos cargo deses animais ata que esa muller volve á súa vida habitual”.

CONVOCATORIA MOSTRA FOTOGRÁFICA “ MULLERES ”

O Concello de Barbadás celebra a Mostra Fotográfica “Mulleres” dentro do ámbito da II Romaría Feminista.

Abrese o prazo para presentar as fotografías que se desexen exhibir na mostra. 

As fotografías serán enviadas ó correo electrónico: igualdade@barbadas.gal, indicando en tódolos casos o nome da obra e o nome da autora ou do autor da mesma.

O prazo para enviar as fotografías ampliase ata o día 2 de outubro.