Procedeuse ao  arranxo do firme na rúa Val do Muíño da localidade de Barbadás,  o que mellorará  a accesibilidade ás  fincas agrícolas.

• A rúa Val do Muíño, na localidade de Barbadás, preto do antigo pobo dos Muíños, foi obxecto dunha mellora do firme viario  para facilitar o tránsito e o  acceso ás explotacións agrícolas.
  Barbadás pobo é unha das localidades da provincia na que se concentra unha importante actividade agrícola de plantación de produtos hortícolas

• O proxecto de mellora incluíu a limpeza de cunetas, o ensanche da plataforma do camiño nunha superficie de 143 metros cadrados e a instalación e 2 embocaduras para caño,  así como a dotación de dobre rego asfáltico e ampliación da vía, significando  unha mellora notable, que facilitará o acceso  ás explotación agropecuarias desta zona.

• Tamén se procedeu ao bacheo de zonas puntuais nunha superficie de 154 metros cadrados e a colocación de un caño de 9 metros de lonxitude.

• O investimento total na mellora da rúa Val do Muíño ascende a 17.713 euros, traballo executado pola empresa Consernor.

• A concelleira de Infraestruturas, Victoria Morenza, destaca “a importancia da reforma deste vial na cohesión do territorio e a mellora das condicións de vida e traballo no medio rural, así como facilitar a accesibilidade e vertebración do territorio a través deste tipo de iniciativas sobre os camiños rurais”.

• Este tipo de melloras de camiños rurais aumentan a competitividade agraria e forestal porque facilitan o tránsito de maquinaria ás explotacións agrarias, o que redunda nunha maior operatividade, nunha redución de custos e dos tempos necesarios para poñer os produtos no mercado.

• Este proxecto de mellora da rúa do Val do Muíño enmárcase no Plan de Mellora de Camiños Municipais de Acceso a parcelas agrícolas financiado pola Axencia Galega de Desenvolvemento Rural.

O CONCELLO DE BARBADÁS ACOMETEU OBRAS DE AMPLIACIÓN, MELLORA E MANTEMENTO DO CAMIÑO DE HERVIDEIRO, EN SOBRADO DO BISPO

O reforzo do fírme efectuouse coa execución de unha capa de regularización con aglorerado en quente  nunha superficie de 1.687 metros

O orzamento base de licitación para a reforma deste vial ascendeu a 36.786,40 euros.

• As obras de ampliación e execución con aglomerado en quente no Camiño do Hervideiro pretenden manter a liña do Concello de Barbadás nos últimos tempos, promovendo a execución de obras para conservar e mellorar as infraestruturas rurais.

• Este tipo de proxecto xeran cohesión social e territorial, mellorando as condicións de vida e traballo no medio rural. Por unha banda, os camiños rurais facilitan a accesibilidade e vertebración do territorio, e por outra, aumentan a competitividade agraria e forestal facilitando o tránsito da maquinaria ás explotacións agrarias.

• As obras consistiron na ampliación mediante o desbroce, limpeza e retirada da vexetación dos bordes laterais do camiño e incrementando a anchura en certos tramos mediante o afirmado de sobreanchos.

• O reforzo do fírme efectuouse coa execución de unha capa de regularización con aglorerado en quente nunha superficie de 1.687 metros.

• O orzamento base de licitación para a reforma deste vial ascendeu a 36.786,40 euros.

• O alcalde de Barbadás, Xosé Carlos Valcárcel, valora esta mellora do vial “moi positivamente, tendo en conta que se trata de un vial polo que transitan moitos/as automolistas e que se atopaba nun estado de deterioro evidente”.

• Valcárcel indicou que este tipo de mellorar redundan na mellora das comunicación en diferentes puntos do medio rural que se están efectuando na actualidade con cargo aos fondos propios do Concello de Barbadás correspondentes ao remanente de tesoureiría.

• A concelleira de Infraestruturas, Victoria Morenza, destacou que “a utilización de un tratamento de aglomerado en quente implica que este sistema é moito máis efectivo e cómodo para a circulación debido, fundamentalmente á súa durabilidade e calidade”.

• A mellora do Camiño do Hervideiro enmárcase na “Mellora de Camiños Municipais de acceso a parcelas agrícolas, subvencionada pola Axencia Galega de Desenvolvemento Rural (AGADER).

O CONCELLO DE BARBADÁS REDACTA UNHA AUDITORIA MUNICIPAL DE ABASTECEMENTO PARA MINIZAR AS PERDAS DE AUGA

O obxectivo é mellorar a eficiencia do sistema de abastecemento de auga potable

As perdas de auga son cuantificadas para deseñar un plan de actuacións pra minimizalas

• O Concello de Barbadás redacta a auditoría municipal de abastecemento para minimizar as perdas de auga do concello que ten por obxecto determinar as actuacións necesarias para mellorar a eficiencia do sistema de abastecemento de auga potable no concello, dando cumprimento á lei: “LEY 9/2019, de 11 de diciembre, de medidas de garantía del abastecimiento en episodios de sequía y en situaciones de riesgo sanitario”, sobre a obligatoriaridade por parte dos Concellos, da redacción do Plan de acción para a redución de perdas.

• No establecemento deste contido tense en conta que a finalidade destas auditorías é cuantificar as perdas de auga e poder deseñar un plan de actuacións para minimizar as perdas de auga. Trátase, polo tanto, dunha auditoría volumétrica do abastecemento municipal, para coñecer a auga subministrada e rexistrada e calcular os indicadores máis importantes de eficiencia da rede: o volume de auga non rexistrada (ANR) e o rendemento técnico hidráulico (RTH)

• O obxecto deste Plan de Acción é minimizar as perdas do volume de auga que se perde dende a extracción, no orixe do recurso ata o consumidor final, e dicir, mellorar o rendemento da rede de abastecemento, anticiparse ao risco de fugas e reducir todos os custos operacionais (mantemento, consumo eléctrico, administración, etc.)

• Tras o estudo dos volumes de auga dispoñible, auga distribuída e por último auga consumida polo usuario final, establécense unhas medidas, tanto de carácter preventivo como correctivas, encamiñadas a reducir as perdas que se producen ao longo da rede.

• Coa implementación das medidas descritas no Plan, agardase acadar un maior rendemento da rede de abastecemento, redución de custes de mantemento e alongar a vida útil do sistema.

• En concreto agárdase ir reducindo as perdas do sistema conforme se vaian executando as medidas propostas ata acadar unha redución estimada superior ao 46 % das perdas actuais (18 %), o que supón reducir estas por debaixo do 10 % sobre a auga que entra no sistema.

SOBRADO DE BISPO RENOVARÁ O ALUMEADO PÚBLICO CON TECNOLOXÍA LED NA SEGUNDA FASE DE MELLORA ENERXÉTICA NO CONCELLO DE BARBADÁS

Con esta actuación producirase unha redución do gasto de máis de 26.900€ anuais e de máis de 105.000 kWh de consumo enerxético

O proxecto está cofinanciado con fondos FEDER a través do Instituto de Diversificación e Aforro da Enerxía, IDAE

O investimento será de 101.035 euros e consistirá na renovación de máis de 300 luminarias

• O proxecto enmárcase na planificación de eficiencia enerxética na edificación e nas Infraestruturas e servizos públicos e conta co cofinanciamento de fondos FEDER (Fondo Europeo de Desenvolvemento Rexional), que corresponde á cooperación segundo o Eixo prioritario e Categoría de rexión á que pertence, con un financiamento do 80 % a través do Instituto para a Diversificación e Aforro da Enerxía, IDAE.

• Realizada a primeira fase dás actuacións sobre ou alumeado público do Concello de Barbadás para o aforro enerxético, desenvolveuse un inventario de todos os puntos de luz municipais, incluíndo auditoría de cada centro de mando, que serviu como documentación de base para a identificación das instalacións máis ineficientes e que resulta máis recomendable reformar.

• A primeira fase acometida con fondos FEDER efectuouse hai uns meses nun tramo da avenida de Celanova, nas rúas Canella, Severo Ochoa, Tomás Rodríguez Punxín, Ensino e Presa e na localidade de Santa Uxía.

• O proxecto, que se está executando dende hai días, consiste na renovación de luminarias na localidade de Sobrado do Bispo.

• Trátase de substituir luminarias de vapor de mercurio e de vapor de sodio por outras de tecnoloxía led. A actuación afecta a 284 farolas e o contrato de adxudicación inclúe ademáis o subministro de 25 luminarias máis como unha mellora de obra.

• O proxecto de renovación de luminarias, brazos e cadros de mando saiu a licitación pública por unha contía de 106.837 euros. A esta licitación só se presentou unha empresa, Jesús del Caño. Adxudicouse por unha contía de 101.035 euros.

• Existen actualmente varias iluminacións municipais que se atopan deteriorados polo paso do tempo e con equipos obsoletos, polo que se fai recomendable a súa renovación.

• O alcalde de Barbadás, Xosé Carlos Valcárcel, explica que “entre os obxectivos do proxecto figuran a minoración do gasto enerxético mediante o emprego de tecnoloxías máis eficientes, a redución da potencia instalada, o axuste dos horarios de aceso e a implementación de sistemas de regulación de consumo en horario de madrugada”.

• A tenente alcalde de Barbadás e concelleira de Servizos Públicos e Urbanismo, Victoria Morenza, indica que “outra das finalidades deste tipo de proxectos é a minoración dos gastos de mantemento mediante o aumento de vida útil das luminarias e a mellora das condicións de confort visual mediante o axuste dos parámetros de iluminación a cada tipo de vial”.

• Desenvolveuse un inventario de todos os puntos de luz municipais incluíndo auditoría de cada centro de mando que serviu como documentación de base para a identificación das instalacións máis ineficientes e que resulta máis recomendable reformar.

• As instalacións que se propón reformar con este proxecto caracterízanse por proponer o cambio de luminarias obsoletas con un rendemento moi baixo (lámpadas de vapor de mercurio), moi ineficientes. Co paso do tempo tense producido unha gran deterioración en luminarias e centros de mando.

• Instalaranse ademáis equipos de redución de consumo en cabeceira, actualmente avariados.

• Considérase que con esta actuación producirase unha redución do gasto de máis de 26.900 euros anuais e de máis de 105.000 kWh de consumo enerxético.

• A renovación das instalación inclúe para cada centro de mando seleccionado as seguintes reformas: substitución das luminarias existentes por luminarias tipo LED. Substitución dos brazos actuais por outros que eleven a posición da fonte de luz nos casos de luminaria de estrada. Renovación dos centros de mando actuais. Renovación de varios tramos de condutor aéreo deteriorados. Dotación de proteccións contra sobretensiones transitorias en cabeceira de instalación aos cadros existentes.

• Tamén se inclúe neste proxecto a dotación de acceso mediante reloxo astronómico aos cadros existen.

• Reducirase o consumo de enerxía final en infraestruturas públicas, reduciranse as emisión de CO2 e renovarase a iluminación pública exterior no municipio de Barbadás, actuando en 284 dos 3.279 puntos de luz existentes, substituíndo as actuais luminarias, principalmente VSAP, VM e HM por luminarias LED máis eficientes, incluíndo a posibilidade de regulación.

• Actuarase en 3 dos 59 cadros de mando existentes. Con esta actuación diminuirase a potencia no que respecta a os puntos de luz obxecto da actuación de 30,11 kW a 8,75 kW e conseguirase un aforro enerxético estimado do 78,92 %kteq/ano).

• A axuda outorgada será obxecto de cofinanciamento polo Fondo Europeo de Desenvolvemento Rexional (FEDER) no marco do Programa Operativo de Crecemento Sostible 2014- 2020, dentro do Obxectivo Temático 4 – Economía Baixa en Carbono.

• O proxecto enmárcase na liña de actuación de eficiencia enerxética na edificación e nas Infraestruturas e servizos Públicos, con unha taxa de cofinanciamento FEDER que corresponde á operación segundo o Eixo prioritario e Categoría de rexión a que pertence: 80 %.

OS CONCELLOS DE SAN CIBRAO, A MERCA E BARBADÁS ASINAN UN CONVENIO PARA ELABORAR UN PROXECTO DE MELLORA MEDIOAMBIENTAL DO RÍO BARBAÑICA

• Ao longo do cauce do denominado rio Barbadás/Barbañica, no transcorrer no termos municipais dos concellos de Barbadás, A Merca e San Cibrao, existe unha rede de saneamento que é preciso adecuar ás novas demandas tanto poboacionais como medioambientais.

• Ademais, no referido cauce é obxectivo dos concellos asinantes a realización de melloras medioambientais, como paseos fluviais, para a posta en valor de dita conca.

• De cara ao estudo do posible cofinanciamento do proxecto de recuperación, a través de futuras axudas a outros organismos, é precisa a redacción dunha memoria técnica das características e orzamento que os referidos concellos pretenden realizar de maneira conxunta.

• Os Concellos de Barbadás, A Merca e San Cibrao das Viñas manifestan a súa vontade de cooperación para levar a cabo a elaboración da memoria de recuperación do cauce do río Barbadás/Barbañica, dentro dos termos municipais dos referidos concellos.

• O alcalde de San Cibrao, Manuel Pedro Fernández, explica que esta iniciativa “é fundamental para realizar intervención de mellora medioamental nos territorios dos concellos asinantes. Trataremos de identificar onde é preciso levar a cabo actuacións que redunden na calidade das augas do cauce principal e dos seus ramais, así como na habilitación de itinerarios peonís no entorno natural”.

• Xosé Carlos Valcárcel, alcalde de Barbadás, indica que este proxecto entronca coa “absoluta prioridade do Concello de Barbadás para arranxar e adecentar todo ese entorno, en colaboración con concellos debido a que é unha zona vital no ámbito medioambiental dentro dos termos municipais dos 3 concellos”.

• José Manuel Garrido, alcalde de A Merca, sinala que “este proxecto será un documento moi útil para definir cales son as debilidades e fortalezas do cauce principal e dos ramais fluviais do entorno sobre o que os 3 concellos teñen previsto intervir nesta actuación conxunta de recuperación medioambiental”.

O CONCELLO DE BARBADÁS AFORRARÁ UN 10 % NA FACTURA DO SUBMINISTRO ELÉCTRICO

A Administración Local adxudicou recentemente o subministro de enerxía eléctrica en instalacións municipais e alumeado público con un prezo pechado durante 2 anos

• Na licitación dispoñíanse dous lotes, o primeiro comprendendo os subministros con potencia contratada inferior a 10 kW, no que concorreron 7 empresas comercializadoras e resultando a oferta máis vantaxosa a presentada por Gas Natural Comercializadora S.A, por 139.184,80 euros.

• Por outra banda no segundo dos lotes, que comprendía os subministros con potencia contratada superior a 10 kW concorreron tamén 7 licitadores, resultando adxudicataria Endesa Energía, S.A.U. cunha oferta de 115.871,22 euros.

• A adxudicación en ambos casos realizouse á oferta máis baixa, acadando unha redución dos prezos da enerxía que producirá un aforro no gasto corrente do concello de arredor dos 40.000 euros anuais, é dicir, un 10% do gasto neste capítulo.

• O alcalde de Barbadás, Xosé Carlos Valcárcel, afirma que “o de Barbadás é un dos primeiros concellos que licita este servizo esencial para a cidadanía polo custo que supón. Esta licitación resolveuse meses antes de que se producira o incremento do custo do subministro eléctrico. E supoñerá un aforro de aproximadamente 40.000 euros, o que redundará na mellora de outros servizos e na atención a outras necesidades municipais”.

• A tenente alcalde e concelleira de Servizos Públicos, Victoria Morenza, destacou o importante aforro para as arcas municipais do contrato de subministro eléctrico, con un prezo pechado por 2 anos.

• Morenza sinalou a aposta do Concello de Barbadás pola eficiencia enerxética a través da licitación do subministro eléctrico e tamén coa mellora do alumeado público en diferentes zonas.

• Coa instalación de luminarias led no pobo de Santa Uxía, nun tramo da avenida de Celanova e nas rúas Canella, Tomás Rodríguez Punxín, Severo Ochoa, Ensino, Carrís e Picouto, “conségúese non só unha maior calidade na iluminación, senón tamén unha redución substancial no consumo e unha diminución da contaminación lumínica”.

• Morenza informou tamén que a eficiencia enerxética pasa tamén por actuacións puntuais de instalación de luminarias led no entorno do centro comercial Carrefour, Lidl, accesos á rúa 17 de Maio e accesos dende a N-540. Tamén se instalaron luminarias led nas rúas San Bernabé e Altamira.

• Ademais está en período de adxudicación a substitución de todas as luminaria no pobo de Sobrado por equipos de iluminación de led, o que implicará un importante aforro enerxético tamén.

BARBADÁS MELLORA O PAVIMENTO EN 4 RÚAS PARA FACILITAR A MOBILIDADE E MELLORA A SEGURIDADE VIARIA

O proxecto inclúe a mellora de Pavimento nas Rúas Campo de Roma, Rúa Quintas, Rúa Roble e Rúa Dilueiras

• O proxecto de mellora en 4 viais enmárcase no programa de “Obras municipais do Plan Provincial de Cooperación das Obras e Servizos Municipais e da Rede Viaria Provincial para o ano 2021.

• Trátase de viais emprazados na localidade de San Lourenzo de Piñor que presentan firmes e capas de rodadura executadas hai décadas mediante regos asfálticos.

• Como consecuencia do tráfico rodado de vehículos, é dicir, turismos particulares, industriais e de transporte (furgonetas, maquinaria media, camións de transporte, etc.), así como medios agrícolas (pequenos tractores e similares), atópanse en avanzado estado de deterioro, presentando importantes deficiencias como fochancas, fisuras, acumulación de residuos en marxes.

• As obras no Concello de Barbadás pretenden a mellora do pavimento das distintas rúas municipais para facilitar a mobilidade e a mellora da seguridade viaria.

• Na Rúa Campo Roma procederase a demolición de lousa de formigón, limpeza da superficie, arranxo de fochas e aplicación de triplo rego asfáltico. Superficie a executar: 842,31m2.

• En Rúa Dilueiras: efectuarase a limpeza do pavimento existente, arranxo de fochas con rego asfáltico e posterior tratamento de dobre rego asfáltico. Superficie a executar: 739,26m2.

• Rúa Roble: Procederase a reparación de rexa de pluviais actual, limpeza de pavimento dunha superficie de 1023,85m2 e posterior dobre asfáltico. Reparación de fochas dunha superficie de 108,15m2.

• Rúa Quintas: procederase a escavación de 6,50ml para colocación de tubaria de drenaxe, limpeza de 1.338,45 m2 de pavimento, reparación de fochas nunha superficie de 146,12m2 e pavimentado con triplo rego asfáltico dunha superficie de 1.338,45m2.

• O Orzamento ao que ascenden as obras será de : 48.000€. O proxecto de execución das obras foi adxudicado por  39.669,42 € pola Deputación Provincial á empresa  Camiños de Ourense S.L.

• O prazo de execución previsto é de 2 meses e comezaron a principios de setembro.

• O alcalde de Barbadás, Xosé Carlos Valcárcel, destaca a prioridade destas obras de mellora do pavimento “pois supoñen a rexeneración do firme en lugares onde a capa de rodadura se atopaba nun evidente estado de deterioro”.

• A concelleira de Urbanismo e Infraestruturas, Victoria Morenza, resalta “a importancia de intervir en rúas e camiños que precisan de melloras en aras da mobilidade das persoas e da seguridade do tráfico” e anticipa que se trata de unha intervención enmarcada nun plan de melloras das vías municipais en diferentes puntos do concello de Barbadás.

BARBADÁS MELLORA O ALUMEADO PÚBLICO NA AVENIDA DE CELANOVA, EN 7 RÚAS ADXACENTES Á VÍA PRINCIPAL E EN TODO O POBO DE SANTA UXÍA

Un total de 7 rúas da Valenzá verán mellorada a iluminación pública co cambio a luminarias led. Trátase das rúas Ensino, Lameira do Mato, Canella, Severo Ochoa, Garrida, Presa e Tomás Rodríguez Punxín

A actuación comprende a subministración e instalación de luminarias con tecnoloxía led, a substitución dos brazos actuais por outros que eleven a posición da fonte de luz en casos de luminaria de estrada e a renovación dos centros de mando actuais

O custo global previsto da actuación é de 111.646,70 euros, financiados ao 80 por cento polo IDAE e o 20 % polo Concello de Barbadás

• Estas actuacións para a o aforro enerxético en iluminacións públicas enmárcanse nas axudas para proxectos singulares de entidades locais que favorezan o paso a unha economía baixa en carbono no marco do Programa Operativo FEDER de crecemento sostible.

• As obras de execución xa comezaron na avenida de Celanova, na Valenzá. A arteria principal da Valenzá será obxecto do cambio de luminarias na marxe dereita dende a rotonda da Familia ata o límite con Ourense.

• Os farois fernandinos da avenida de Celanova serán obxecto de instalación de retrofilm de led e a eliminación dos difusores. En un total de 93 unidades destes farois de corte clásico instalaranse ópticas diferentes para alumear a distintos niveis para dar luz ao vial ou á beirarrúa.

• A eliminación de difusores realízase seguindo as recomendacións técnicas da Unión Europea, para rendibilizar a tecnoloxía led e para diminuír a contaminación lumínica.

• Un total de 7 rúas de A Valenzá verán mellorada tamén a iluminación pública co cambio a luminarias led. Trátase das rúas Ensino, Lameira do Mato, Canella, Severo Ochoa, Garrida, Presa e Tomás Rodríguez Punxín. Nestas 7 rúas substituiranse 78 unidades de luminarias e cambiaranse os brazos que se atopen en mal estado.

• En Santa Uxía procederase á substitución de todas as luminarias deste núcleo de poboación. Trátase de 36 puntos de iluminación os que verán mellorada a súa eficiencia enerxética.

• A axuda solicitada e xestionada polo Instituto para a Diversificación e Aforro de Enerxía (IDAE), dependente do Ministerio para a Transición Ecolóxica e o Reto Demográfico, ten como obxectivo a realización do proxecto de aforro enerxético en determinados alumeados públicos do Concello de Barbadás, consistente na renovación das instalacións do alumeado, iluminación e sinalización exterior.

• Existen actualmente varias iluminacións municipais que se atopan deterioradas polo paso do tempo e con equipos obsoletos, polo que se fai recomendable a súa renovación cos seguintes obxectivos: minoración do gasto enerxético mediante o emprego de tecnoloxías máis eficientes, a redución da potencia instalada, o axuste dos horarios de acceso e a implementación de sistemas de regulación de consumo en horario de madrugada.

• Con esta iniciativa tamén se pretende a minoración dos gastos de mantemento mediante o aumento de vida útil das luminarias e a mellora das condicións de confort visual mediante o axuste dos parámetros de luminación a cada tipo de vial.

• O alcalde de Barbadás, Xosé Carlos Valcárcel, explica que previamente á execución deste proxecto “desenvolveuse un inventario de todos os puntos de luz municipais incluíndo auditoría de cada centro de mando que serviu como documentación de base para a identificación das instalacións máis ineficientes e que resulta máis recomendable reformar”.

• A concelleira de Servizos Públicos, Victoria Morenza, explica que “as instalacións que se propón reformar con este proxecto caracterízanse polo emprego de luminarias obsoletas cun rendemento moi baixo, a utilización de lámpadas de vapor de mercurio moi ineficientes, o gran deterioro polo paso do tempo en luminarias e centros de mando e a presenza de equipos de redución de consumo en cabeceira actualmente avariados”.

• Morenza sinala que segundo o estudo técnico realizado “considérase que con esta actuación producirase unha redución do gasto de máis de 21.500 euros anuais e do consumo enerxético de máis de 84.100 kWh”.

• A actuación comprende a subministración e instalación de luminarias con tecnoloxía, a substitución dos brazos actuais por outros que eleven a posición da fonte de luz en casos de luminaria de estrada, a renovación dos centros de mando actuais, de varios tramos de condutor aéreo deteriorados, a dotación de proteccións contra sobretensións transitorias en cabeceira de instalación aos cadros existentes e a instalación de aceso mediante reloxo astronómico aos cadros existentes.

• O custo global previsto da actuación é de 111.646,70 euros, financiados ao 80 por cento polo IDAE e o 20 % polo Concello de Barbadás.

• Ao proceso de licitación presentáronse 7 empresas: CID ELECTRICIDAD SL, ELYTE XINZO, S.L.U., FORMATESA LALIN S.L, JESUS DEL CAÑO GONZALEZ, MANUEL NOVOA CASTRO, SEGADE SAELCO, S.A., e VILELA ELECTRICIDAD SL .

•  O adxudicatario foi Jesús del Caño por un prezo do contrato de 81.982,34 euros.

• O orzamento de contrata previsto está valorado en 111.646,70 euros, dos cales 15.669,50 corresponden á redacción do proxecto técnico, 9.680 euros destínanse á dirección de obra e 86.646,70 son para a execución das obras de mellora de aforro enerxético.

Idae 1 reportaxe fotográfica

A DOTACIÓN DE DOBRE REGO ASFÁLTICO MELLORA A COMUNICACIÓN ENTRE SAN LOURENZO DE PIÑOR E SANTA UXÍA

O proxecto inclúe a mellora do firme da rúa Sal do Muíño, en Bentraces

As obras teñen un presuposto base de licitación ascende a 44.808 euros

• O Concello de Barbadás está acometendo nos últimos días obras de melloras en varios viais: na pista que comunica San Lourenzo de Piñor con Santa Uxía e na rúa Sal do Muíño (camiño do cemiterio), en Bentraces.

• As obras de mellora da pista a Santa Uxía incluiron a limpeza de cunetas e caños, a construcción de salvacunetas, o bacheo de zonas puntuais e laterais, a limpeza da superficie do pavimento existente mediante cepillado e a dotación de dobre rego asfáltico de unha superficie de 5.460 metros cadrados.

• O presuposto base de licitación ascende a 44.808 euros e o proxecto é financiado conxuntamente con fondos do Plan Marco e do propio Concello de Barbadás.

• O proxecto redáctouse ao amparo da financiación da Axencia Galega de Desenvolvemento Rural (AGADER) para a concesión directa de axudas correspondentes ao Plan de Mellora de Camiños Municipais de acceso a parcelas Agrícolas (Plan Marco).

• En Bentraces a mellora do camiño Sal do Muíño inclúe a demolición do pavimento asfáltico, a construcción de un muro de sostemento a base de mampostería de pedra granítica, o bacheo en zonas puntuais e laterais e o reforzo do firme existente mediante a execución de dobre rego asfáltico.

• O alcalde de Barbadás, Xosé Carlos Valcárcel, indica que “estas obras pretenden manter a liña que caracterizou a planificación do goberno de Barbadás nos últimos anos promovendo investimentos na mellora da rede viaria existente no medio rural, xeran cohesión social e territorial, facilitando a accesibilidade e a vertebración do territorio”.

• A concelleira de Urbanismo e Infraestruturas, Victoria Morenza, asegura que a execución da mellora de ambos os dous viais “aumentará a competitividade agraria e forestal ao facilitar o tránsito de maquinria ás explotacións agrarias e unha reducción dos custos, que é o obxectivo das axudas enmarcadas no Plan Marco, financiado polo AGADER”.

• As obras no vial que comunica Santa Uxía con Piñor afectan a unha lonxitude de 1.748,50 metros, en tanto que en Bentraces a lonxitude afectada afecxta a un tramo de 165,80 metros.

• Os traballos de melloras en ambos camiños están sendo executados pola empresa Construccións Viso e Hijos.

• Morenza explica que “ambos camiños atopábanse nun estado de deterioro evindente polo que era necesaria unha intervención urxente para mellorar a mobilidade e a accesibilidade, no caso de Santa Uxía por ser unha pista moi utilizada para acceder a parcelas agrícolas e forestais e para comunicar ambos núcleos. No caso de Bentraces trátase de un camiño que precisaba unha intervención para mellorar o firme e a anchura do mesmo, así como asegurar un muro de contención da rúa porque corría perigo de derrube”.

CORTE DE TRÁFICO DA RÚA MARCELO MACÍAS E QUE AFECTA TAMÉN Á GLORIETA DE ACCESO DA VALENZÁ

As obras son executadas pola Xunta e a empresa adxudicataria xa habilitou un desvío alternativo

– Segundo informa a empresa adxudicataria de reforma da rúa Marcelo Macías que se están executando no territorio do Concello de Ourense, para levar a cabo estas obras é preciso realizar o corte ao tráfico de 1 ramal que afecta ao tráfico en dirección Ourense na glorieta da Valenzá.

– O próximo martes 2 de febreiro está previsto iniciar os traballos de reposición de beirarrúas no ramal de acceso dende a glorieta de “A Valenzá” a Marcelo Macías, unhas obras que se executan no territorio de Ourense pola Xunta.

– O Concello de Barbadás informa de este corte porque afecta á veciñanza que circula dirección a Ourense pola glorieta, pero a execución dos traballos depende da Xunta.

– Durante o período de tempo que se realicen as obras, a alternativa é ir hacia a glorieta do centro comercial de Carrefour e incorporarse hacia os túneles dirección Ourense.

– A duración prevista dos traballos é de aproximadamente 3 semanas.

– Para a execución dos traballos é necesario proceder ó corte do tráfico en dito ramal e para eso a empresa adxudicataria Petrolan habilitará un desvío.

– Este corte aféctalle a todos os vehículos que pretenden acceder á Rúa Marcelo Macías ou incorporarse á N-525 (dirección Santiago) dende A Valenzá ou dende a N-525 (sentido Madrid).

A CONFEDERACIÓN HIDROGRÁFICA E O CONCELLO DE BARBADÁS ASINAN UN CONVENIO DE FINANCIAMENTO PARA A MELLORA DO PARQUE DOS PATOS E A REFORMA DO PARQUE INFANTIL DO TREN

O parque do tren será obxecto do cambio de pavimento e a instalación de unha nova locomotora e vagón, ademáis de reparar os xogos do parque e aplicar un tratamento de pintura

O peche do parque dos Patos mellorará a seguridade na zona e ampliarase o vial preto de 1 metro

• O presidente da Confederación Hidrográfica do Miño-Sil, José Antonio Quiroga, e o alcalde de Barbadás, Xosé Carlos Valcárcel, asinaron este mediodía un convenio para a financiación, execución e entrega das obras de mellora na zona verde dos Patos e non parque infantil do tren.

• O parque dos Patos conta con un peche vexetal de pouca entidade e atópase deteriorado, o que supón un risco pola facilidade que os/as nenos/as teñen para sair da zona verde e pola posibilidade de invasión por parte dos vehículos que circulan pola rúa.

• O parque infantil do Tren é moi frecuentado por nenos e nenas da zona e precisa unha reforma porque o pavimento de baldosas de caucho está deteriorado , o multixogo precisa reparacións e a valla perimetral e outras pezas de madeira do parque requiren de tratamento e pintura.

• O custo todal de reforma de ambos parques é de 110.000 euros, dos cales 22.000 son aportados polo Concello de Barbadás e 88.000 pola Confederación, é dicir, unha porcentaxe do 20 % aportada por Barbadás e un 80 % polo organismo de augas.

• Estas contías están distribuidas en dúas anualidades: 12.000 para o ano 2020 e 98.000 para o exercicio de 2021.

• As actuacións no peche do parque dos Patos consitirán na retirada do seto vexetal que linda coa estrada nun tramo de 118 metros e o levantamento de un muro de pedras de granito con albardilla, reixa metálica de aceiro pintado e postes de granito rematados con capiteles graníticos.

• Inclúese tamén unha porta metálica de doble fola de 1,80 de ancho e rematarase a frontera con ovo peche con firme de zahorra. Ademais retranquearase un tramo de 80 metos para a ampliación da rúa e rematarase ese tramo de vial con asfalto.

• As obras a realizar no parque infantil do Tren consistirán na retirada do pavimento de caucho e do xogo do tren para a posterior colocación do novo pavimento e instalarase unha nova locomotora de tren e un vagón novos. Tamén se efectuarán as reparacións necesarias do resto dos xogos do parque.

• No parque do Tren aplicarase un tratamento de pintura e lasur ás pezas de madeira do tren, do resto de xogos do parque e á valla perimetral.

• No acto de sinatura ademais do presidente da Confederación Hidrográfica, José Antonio Quiroga, e o alcalde de Barbadás, Xosé Carlos Valcarcel, estivo tamén a concelleira de Urbanismo, Victoria Morenza.

O CONCELLO DE BARBADÁS ACOMETE A REFORMA DA PISTA DE SAN BIEITO PARA FACILITAR A ACCESIBILIDADE E A MELLORA DE INFRAESTRUTURAS NA ZONA RURAL

A execución das obras tivo un custo de 38.811,61 euros

Un dos obxectivos da actuación no vial mellorar un tramo de acceso a vivendas e a fincas agrícolas e pór en valor aos núcleos rurais, así como potenciar o arraigo da súa poboación

• As obras de mellora na Pista de San Bieito de Cova do Lobo consistiron na rexeneración do firme nun camiño de titularidade municipal que presentaba un estado que dificultaba o tráfico rodado polo mesmo, debido fundamentalmente ao deterioro da súa capa de rodadura.

• Procedeuse tamén á ampliación, mediante a roza e retirada da vexetación herbácea dos bordos laterais do camiño, deixando á vista o pavimento existente baixo ela, limpeza de cunetas, regularización da rasante en zonas puntuais, pola aparición de raíces na calzada, mediante a eliminación das mesmas e o afirmado.

• Os traballos de execución do proxecto incluiron tamén a mellora, mediante o reforzo do firme existente cunha dobre rega asfáltica, e o mantemento mediante o bacheo de zonas puntuais dun tramo de 550 m de lonxitude dun camiño de titularidade municipal que dá acceso a parcelas agrícolas situadas entre loa Travesía de Piñor e a capela de San Bieito de Coba do Lobo.

• Xosé Carlos Valcárcel, alcalde de Barbadás, destaca que a Pista de San Benito, que comunica a travesía de Piñor coa hermida de Cova do Lobo, “é unha zona moi transitada, na que se están construindo vivendas no seu tramo inicial, e ademais é un paraxe moi representativo do Concello de Barbadás a nivel natureza e no ámbito relixioso”.

• Un dos motivos do arranxo desta pista é “mellorar un tramo de acceso a vivendas e a fincas agrícolas e pór en valor aos núcleos rurais, así como potenciar o arraigo da súa poboación”, sinala Valcarcel.

• A concelleira de Urbanismo e Obras, Victoria Morenza, explica que “mediante as obras proxectadas o Concello de Barbadás pretende manter a liña que lle caracterizou nos últimos anos, no seu empeño de reforzar o tecido social e mellorar a capacidade produtiva das áreas municipais. Deste xeito perséguese dinamizar o tecido empresarial e fixar poboación nos núcleos rurais, promovendo accións encamiñadas á execución de obras de conservación e acondicionamento de accesos”.

• Morenza sinala que o custo de execución do proxecto ascendeu a 38.811,61 euros e que esta actuación forma parte da mellora de viais anual correspondente ao Plan Marco, financiado con fondos europeos (Fondo Europeo Agrícola de Desenrolo Rural).

O CONCELLO DE BARBADÁS ACOMETE OS PREPARATIVOS E POSTA A PUNTO PARA A APERTURA DOS PARQUES INFANTÍS

• O Concello de Barbadás afronta a desescalada do Covid-19 acometendo a limpeza e posta a punto dos parques infantís.
• Os/as voluntarios/as de Protección Civil comezaron a finais da semana pasada a realizar tarefas de limpeza a fondo dos parques infantís.
• Estes traballos de limpeza continuarán ao longo da presente semana do 1 de xuño para que a práctica totalidade dos parques infantís e zonas de xogo queden listos para a súa apertura o 8 de xuño.
• Operarios da brigada de obras están ao mesmo tempo levando a cabo labores de comprobación e posta a punto dos elementos de xogo das diferentes zonas de xogo infantil.
• O alcalde de Barbadás, Xosé Carlos Valcárcel, destacou a colaboración de sectores, empresas, colectivos, sanitarios/as, Protección Civil, persoal do Concello de Barbadás, forzas e corpos de seguridade, profesionais, persoal de servizos básicos (de supermercados, recollida de lixo, limpeza viaria, panadeiros/as, establecementos de venta de produtos de alimentación, cidadáns e un longo etcétera dende o inicio da pandemia.
• Valcárcel agradeceu “a colaboración da cidananía en xeral durante o proceso de confinamento e posterior desescalada e dos diferentes profesionais e persoal que durante os difíciles momentos que vivimos estiveron atentos e pendentes de cumprir as directrices marcadas para salvagardar a saúde de tod@s”.

AVISO POR CORTE DE RÚA COMO CONSENCUENCIA DO INICIO DAS OBRAS EN UN CAMIÑO EN PIÑOR

A ampliación e mellora de un tramo da rúa Requeixo está enmarcada en un proxecto de mellora de varios viais no municipio

• O inicio das obras de ampliación e mellora de un tramo na rúa Requeixo, en Piñor, provoca o corte ao tráfico deste vial.

• A execución destas obras enmárcase nun proxecto de mellora de viais en diferentes puntos do concello de Barbadás.

• A mellora da pavimentación na rúa Tras Cotromela e a dotación de pavimento ao Sendeiro da Cotromela (actualmente en terra), no pobo de Sobrado do Bispo son outras actuación incluidas no mesmo proxecto de mellora de viais.

• A mellora na pavimentación no patio exterior de Protección Civil, na rúa Ruxidoiro (As Lamás) é outra das melloras incluidas no mesmo proxecto.

• A localidade de Barbadás tamén verá mellorada un dos rincóns ubicados na zona antiga da rúa Carreira. En concreto trátase da rúa Boulevar, que na actualidade ten unha pavimentación en mal estado e moi desigual.

• Todas estas actuacións de mellora enmárcanse na proposta que o Concello de Barbadás realizou para que a Deputación conceda a contía de aproximadamente 50.000 euros que destina aos 91 concellos da provincia no que se denomina Plans Provinciais, unha contía que se distribúe na mesma cantidade para todos os municipios, independentemente da súa poboación.

• Estes traballos estaba previsto inicialos na segunda quincena de marzo, pero a declaración do estado de alarma paralizou a súa execución.

O CONCELLO DE BARBADÁS ALUGA O CAMIÓN BALDEADOR DA DEPUTACIÓN DE OURENSE PARA INCREMENTAR AS TAREFAS DE LIMPEZA E DESINFECCIÓN DAS VÍAS E RÚAS DO CONCELLO ALUGOU UN CAMIÓN BALDEADOR Á DEPUTACIÓN DE OURENSE

• A solicitude do uso do camión baldeador da Deputación foi cursada den a Alcaldcía de Barbadás o 30 de marzo de 2020 co obxecto de implementar a limpeza e desinfección de vías, rúas e camiños.

• A Deputación contestou días despois á solicitude enviada polo Concello de Barbadás especificando que o custo do cambión por cada xornada de traballo é de 175 euros máis IVE.

• O día 10 de abril estivo o camión baldeador en Barbadás realizando as tarefas de limpeza e desinfección na Valenzá, As Lamas, zona do Ruxidoiro, zona Carrefour e Fonsillón.

• En vindeiras xornadas o Concello de Barbadás ten previsto alugar este camión, en concreto o luns13 de abril continuará pola zona da Finca Fierro, Piñor, Parada, etc.

VIAQUA COMUNICA UNHA SERIE DE MEDIDAS PARA AFRONTAR AS CONSECUENCIAS ECONÓMICAS SOBRE OS/AS CLIENTES ANTE O COVID-19

• A empresa Viaqua informa de unha serie de medidas dirixidas a autónomos, propietarios/as de pequenas e medianas empresas, comerciantes, restauradores, persoas en situación de desemprego sobrevido, empresarios/as, hosteleiros/as, etc.

• A empresa adxudicataria do servizo de saneamento e abastecemento en Barbadás comunica á cidadanía unha serie de medidas, entre as que figuran o “Plan 12 gotas”, o aprazamento ou financiamento de facturas, a posibilidade de elixir a data do mes na que prefire o/a usuario para a domiciliación bancaria e seguen vixentes as bonificacións para colectivos vulnerables.

• Medidas adoptadas por Viaqua ante a situación de emerxencia sanitaria do COVID-19:

• —–Financiamento ou aprazamento de facturas, sen intereses, a todos os colectivos que ante esta situación excepcional presenten dificultades no pago das súas facturas.
• —-Plan de cuota fixa, “Plan 12 Gotas”, que pode solicitar calquer cliente e que permite pagar todos os meses ao mesmo importe en base ao consumo do anto anterior, regularizando ao final do ano a situación. No caso de que o importe sexa superior ou inferior ao consumido, devólvese a cantidade ou financiase a pagar nos seguintes meses respectivamente.
• —–A empresa que presta o servizo en Barbadás ofrece tamén a posibilidade de elixir a data do mes que prefire para a domiciliación bancaria.

• Por outra banda, seguen vixentes as bonificacións para colectivos vulnerables aprobadas de acordo co Concello de Barbadás segundo o Convenio de facturas sen papel.

• Puxéronse en marcha tamén medidas compelementarias como a suspensión dos cortes do subministro a persoas en situación de vulnerabilidade económica. Dende que se produciu a emerxencia sanitaria Viaqua ampliou esta medida aos/ás clientes, paralizando calquera acción de reclamación de débeda ou cortes de subministro.

• Viaqua aclara que con este tipo de medidas “garántese que un ben básico como é a auga chegue a todos os fogares en un momento no que ademais a hixiene converteuse nunha acción indispensable para previr o contaxio do COVID-19”.

• Outra das medidas complementarias consiste na duplicación do pago de facturas, polo que o/a cliente dispón de 2 meses para realizar o pago a partir do momento no que habitualmente lle chega o recibo da auga.

LAVADO DE CONTENEDORES DE RECOLLIDA DE LIXO: XENÉRICOS (VERDES) E PLÁSTICOS/ENVASES (AMARELOS)

• A empresa concesionaria do servizo de recollida de residuos sólidos urbanos, Geseco, está procedendo á limpeza de contenedores de lixo xenérico (verdes) e os de plásticos e envases (amarelos).

• Con esta limpeza intensifícase a hixiene en lugares e zonas públicas e en elementos utilizados diariamente pola veciñanza.

• Lembren deixar a tapa dos colectores verdes e amarelos abertas como medida de seguridade e hixiene.

O CONCELLO DE BARBADÁS INFORMA QUE A PARTIR DE AGORA GESECO DEIXARÁ OS COLECTORES DE LIXO ORGÁNICO ABERTOS PARA EVITAR TOCAR A TAPA AO DEPOSITALO

• Solicitamos a colaboración cidadá para adoptar as medidas de precaución necesarias á hora de depositar o saco do lixo nos contenedores de orgánico (contenedores verdes) e nos de plásticos/envases (contenedores amarelos)

• Instruccións de cara á situación de emerxencia sanitaria: nos días sucesivos e ata que dure a crise do COVID-19 – NON PECHE A TAPA DO CONTENEDOR.

• A cidadanía debe lembrar que estes días, máis ca nunca, ROGAMOS O MÁXIMO RESPECTO PARA DEPOSITAR O LIXO NOS CONTENEDORES A PARTIR DAS 20,00 HORAS.

• A empresa Geseco irá abrindo progresivamente as tapas dos contenedores verdes e amarelos nos vindeiros días para facilitar o cumprimento desta instrucción.

• A veciñanza só pode sair á rúa para cuestións imprescindibles e gardando as indicacións comunicadas pola Autoridade Sanitaria.

VIAQUA INFORMA QUE DENDE O 17 DE MARZO OS TRABALLADORES DESTA EMPRESA NON SE DESPRAZARÁN PARA OBTER A LECTURA DOS CONTADORES

• Con motivo da emerxencia sanitaria e para protexer aos/ás traballadores/as de Viaqua a lectura de contadores realizarase en base a unha estimación do consumo.
• Os consumos así estimados e unha vez obtida a lectura real, NORMALIZARANSE POR EXCESO OU POR DEFECTO NAS FACTURACIÓNS DOS SEGUINTES PERÍODOS A TENOR DA LECTURA PRACTICADA EN CADA UN DELES.
• Viaqua informa que os/as clientes serán debidamente informados/as a través das facturas e tamén a través dos diferentes canles de atención que pon á súa disposición a empresa.
• Co obxecto de facilitar o pago de facturas, AMPLIARASE UNHA MORA DE 30 DÍAS NO PERÍODO VOLUNTARIO.
• A empresa concesionaria do servizo de abastecemento e saneamento en Barbadás indica que “durante o período de vixencia do estado de alarma NON SE REALIZARÁN INTERRUPCIÓNS DO SUBMINISTRO POR IMPAGOS EN NINGÚN CASO.

2020-S-340_Barbadas

VIAQUA ADOPTA MEDIDAS PARA GARANTIR A SUBMINISTRACIÓN DE AUGA

Consulte a información no seguinte enlace

Coronavirus VIAQUA

MELLORA DO PAVIMENTO NA RÚA DÁMASO MONTES DE BARBADÁS

1.- ANTECEDENTES, NECESIDADES E OBXECTIVOS:

• A Rúa Dámaso Montes constitúe unha arteria importante na circulación de

vehículos dentro do núcleo de Barbadás.

• Este vial constitúe unha rúa estreita pola que ademais da circulación dos vehículos transcorre o tránsito peonil dos veciños.
• Antes da execución do proxecto de mellora presentaba un firme asfáltico

con mal estado da capa de rodadura que presentaba fochancas e bacheos que

desentonaban coas características do entorno.

• O Concello pretende mellorar o firme da rúa e as condicións de utilización da mesma por peóns e vehículos.
• Tamén se pretende resaltar o valor cultural rural do entorno.
• Esta rúa atópase en zona de protección de bens catalogados, con protección

patrimonial que debe manter características específicas de integración ambiental,

cultural e harmonía co entorno circundante.

DESCRICIÓN DAS OBRAS:

• O novo pavimento mantén as características de colorido do firme asfáltico, con acabados de formigón desactivado con acabado árido visto natural, definindo unha zona de amortiguación entre as paredes de pedra e o pavimento de formigón cunha franxa de 20 cm de adoquín de pedra de granito integrado no conxunto, buscando unha mellora da rodadura e unha aproximación as características rurais da vía.

ORZAMENTO:

• O orzamento base de licitación das obras ascende a TRINTA E TRES MIL

CEN EUROS (33.100,00 €).

• A obra foi adxudicada por un valor de 32.401,96 euros