O CONCELLO DE BARBADÁS RECEPCIONOU 3 VEHÍCULOS QUE DISPOÑEN DE ETIQUETA ECO, CON BAIXA EMISIÓN DE CO2 Á ATMOSFERA

Un Dacia Lodgy, unha Renault Express e un Dacia Sandero contribuirán a mellorar a flota do parque móbil da entidade local

O financiamento é conxunto da Xunta de Galicia, que aporta 30.000 euros, en tanto que o Concello achega 19.500 € para a compra dos vehículos

Un dos vehículos destinarase ao uso por parte do Concello e os outros 2 para as brigadas de Obras e Xardinería

• O Concello de Barbadás recepcionou este mediodía 3 vehículos que dispoñen de etiqueta ECO, con baixa emisión de CO2 á atmosfera.

• Trátase de un Dacia Lodgy, unha Renault Express e un Dacia Sandero, que contribuirán a mellorar a flota do parque móbil da entidade local.

• A compra dos vehículos efectuouse a través de unha licitación pública. O custo total, IVE incluído, é de 49.500 euros.
  O financiamento para custear a compra dos vehículos é conxunto entre a Xunta de Galicia, que aporta 30.000 euros, en tanto que o Concello de Barbadás achega 19.500 euros.

• Con este tipo de iniciativas, enmarcadas na subvención do Fondo de Compensación Ambiental da Xunta, apóstase pola mobilidade sostible.

• O alcalde de Barbadás, Xosé Carlos Valcárcel, explicou no acto de recepción que “estamos na entrega de tres vehículos con distintivo medio ambiental 0 ou Eco que son unha mostra mais do Concello de Barbadás polo medio ambiente”.

• Valcárcel incidiu en que se trata de “unha aposta que xa se vén reiterando varios anos mediante adquisición de outro vehículo que tamén tiña características similares, naquel entón era un vehículo cento por cento eléctrico, e tamén polo feito que estamos substituíndo a iluminación do Concello por iluminación led”.

• O rexedor sinalou que os 3 vehículos adquirido “cumpren con todos os requisitos ambientais actuais e que polo tanto, insisto, inciden na aposta do Concello de Barbadás polo Medio Ambiente”. Agradeceu á Xunta de Galicia esta aposta polo Medio Ambiente, mentres que dende o Concello seguiremos traballando nesta liña de mellorar a loita en contra dos contaminantes e a prol das enerxías renovables”.

• A tenente alcalde, Victoria Morenza, destacou que “os vehículos propulsados con enerxías alternativas aos combustibles fósiles tradicionais xa forman parte da mobilidade substentable no transporte a nivel global”.

• Morenza destaca os beneficios deste tipo de vehículos en materia de diversificación enerxética e redución da dependencia dos produtos petrolíferos, así como pola redución de emisións de CO2 e e outras emisións contaminantes e de efecto invernadoiro.

• Rafael Sierra, concelleiro de Medio Ambiente, fixo fincapé na mellora da calidade do aire dos pobos e núcleos de poboación coa utilización de este tipo de vehículos. Falou da diminución “da contaminación acústica e do beneficio de que se consuman enerxías de fontes renovables”

ECOVIDRIO, A XUNTA DE GALICIA E O CONCELLO DE BARBADÁS POÑEN EN MARCHA A CAMPAÑA SOLIDARIA ””RECICLA VIDRO POR ELAS”” EN COLABORACIÓN COA FUNDACIÓN SANDRA IBARRA.

Cada envase depositado nestes contenedores converterase nunha doazón para a fundación

• Ecovidrio instalou un contedor rosa, que forma da da campaña “Recicla vidro por elas”, na avenida de Celanova á altura da confluencia coa rúa Outeiro, marxe dereita da avenida en dirección Ourense.

• Ecovidrio instalou 28 contedores rosas en 19 municipios galegos, un deles o de Barbadás, para fomentar a reciclaxe de envases de vidro e a prevención do cancro de mama.

• Cada envase depositado nestes contenedores converterase nunha doazón para a fundación Sandra Ibarra.

• O Concello de Barbadás recolleu no ano 2020 un total de 163.570 quilos de vidro, o que supón un 31,24% do global do lixo recollido en todo o concello.

• A campaña, desenrrolada con motivo do Día Mundial do Cancro de Mama, destaca a importancia de coidar o medioambiente e coidar a saúde mediante a prevención.

• Nesta ocasión, a campaña estendeuse por máis de 170 cidades de todo o territorio nacional, instalando 500 contedores rosas por todo o país.

• Ágata Ruíz da Prada deseñou un miniglú especial para a ocasión, que se poderá adquirir a través da web Miniglú.es, os beneficios destinaranse á Fundación Sandra Ibarra para contribuír á prevención e investigación do cancro.

• Segundo os últimos datos relativos a 2020, os habitantes de Galicia reciclaron un total de 49.380 toneladas de envases de vidro, o que supón que cada habitante reciclou de media 18,3kg.

• Respecto á táxa de contenerización, Galicia sitúase cunha media de 159 habitantes por contedor, contando cun total de 16.970 iglús para os residuos de envases de vidro instalados. Nas últimas dúas décadas o sistema de Ecovidrio permitiu o crecemento exponencial de tasa de reciclaxe pasando dun 31,3% no ano 2000 ao 76,8% en 2018, segundo os datos oficiais do ( MITERD).

• A Fundación Sandra Ibarra desde os seus inicios impulsou e financiou campañas e proxectos de investigación, sensibilización e prevención fronte ao cancro, e colaborou activamente no desenvolvemento da humanización da Sanidade.

O CONCELLO DE BARBADÁS PRETENDE IMPLICAR Á CIDADANÍA NO COIDADO DO MEDIO AMBIENTE A TRAVÉS DE UNHA PÁXINA WEB INTERACTIVA

A finalidade é contribuír a que a cidadanía coñeza de xeito sinxelo e ameno a información interesante e útil sobre os residuos no concello de Barbadás, dende a recollida ata o tratamento en planta

A través desta páxina a veciñanza pode coñecer datos relativos á ubicación dos contedores, contías de recollida selectiva en quilos, equivalencias de hábitos saudables e xogos interactivos para poder concienciar á poboación

• O Concello de Barbadás pretende implicar á cidadanía no coidado o medio ambiente a través de unha páxina interactiva, á que se pode acceder clicando no banner da páxina web ou premendo no apartado de Concellerías, Medio Ambiente.

• Este mediodía tivo lugar a presentación da páxina web interactiva de xestión de residuos en Barbadás. Coincidindo co feito de que o mes de xuño está adicado ao Medio Ambiente, o Concello de Barbadás dá a coñecer esta posibilidade interactiva para contribuir a que a cidadanía coñeza de xeito sinxelo e ameno a información interesante e útil sobre os residuos no concello de Barbadás, dende a recollida ata o tratamento en planta.

• Entre os apartados da páxina poden consultarse que residuos xestiona o Concello de Barbadás, procesos que seguen os residuos e cales son os medios dispoñibles. Tamén pode coñecerse cal é o resultado da colaboración da veciñanza, que información de referencia pode consultar e como poden comunicarse co Concello, así como a normativa vixente.

• O alcalde de Barbadás, Xosé Carlos Valcárcel, explicou que “dende o Concello de Barbadás decidimos crear esta ferramenta co obxectivo de ter un espazo actualizado en relación a reciclaxe para que se converta nunha fonte de información e entretemento, pero sen esquecer cal é o motivo fundamental e principal que nos levou a materializar este proxecto que non é outro que o coidado do medio ambiente e a mellora da xestión dos residuos do noso concello para así chegar a ser unha administración máis eficiente na xestión dos residuos e concienciando á veciñanza”.

• O rexedor comentou que se trata con esta iniciativa “de dar un paso máis na filosofía de traballar en conxunto para colaborar en conseguir un planeta máis sostible e a o que nós queremos aportar o noso gran de área por pequeno que sexa”.

• Esta páxina web “pretende ser un un ámbito de interacción e aprendizaxe para toda a cidadanía, que busca a implicación dos veciños e veciñas, axudando a todo tipo de persoas, dende os máis cativos e cativas, facilitando a aprendizaxe por medio de xogos, ata os máis maiores, servindo de guía para levar a cabo a separación de residuos así como para contactar co concello para tramitar e xestionar as solicitudes que precisen”.

• Valcárcel falou tamén da satisfacción de unha iniciativa que pode ser “ta poida ser unha plataforma de axuda mutua, agradecendo xa de antemán todas as aportacións e suxestións que a veciñanza queira achegar e que de seguro fará que a experiencia no emprego da páxína sexa moito máis completa para todos e todas”.

• Victoria Morenza, tenenta de alcalde e concelleira de Servizos Públicos, entre os que se atopa a recollida de residuos, abordou a “importancia de proceder adecuadamente a separar o lixo nos fogares co obxecto de reducir a cantidade de lixo xenérico ou resto do contedor verde”.

• Morenza aportou datos que tamén se poden atopar na páxina web relativos á contía de quilos da fracción resto (contedor verde) recollidos en 2020, que foron un total de 3.591.920 quilos, en tanto que a recollida selectiva de envases e plástico foi de 169.860 quilos.

• As porcentaxes de separación de residuos (un total de 523.515,38 quilos), a recollida selectiva do contedor amárelo supuxo un 32,44 %, o vidro un 31,24 %, os residuos voluminosos un 10,24 %, a roupa usada un 4,82 por cento, o aceite vexetal un 1,19 % e os tapóns solidarios un 0,15 %.

• Este tipo de datos poden atoparse navegando na páxina interactiva do Concello de Barbadás, na que poden consultarse cifras coma os 241,38 quilos de roupa usada, os 104.215 quilos de papel/cartón, os 53.600 quilos de voluminosos, etc.

• Morenza resaltou a importancia deste tipo de páxinas á hora de “coñecer as cifras próximas dos residuos que xeramos para poder así concienciarnos da importancia que ten que cada cidadá tome conciencia da importancia de seleccionar adecuadamente o lixo en orixe e deposítalo no contedor correcto”.

• A concelleira de Servizos Públicos destacou que é fundamental a implantación de hábitos responsables para mellorar o medio ambiente: dobre os residuos de papel e cartón que xere para que ocupen o mínimo espazo posible en contedores. Asegúrese de que os seus residuos de papel e cartón non conteñan comida,  papeis plastificados, cueiros, etc. Baleire sempre o contido que queda dentro do envase e procura que estea o máis limpo posible a fin de facilitar o traballo dos/das operarios/as. Deposite os envases dobrados ou compactados para aforrar espazo. Non tire ao lixo os aparatos eléctricos ou electrónicos. A roupa usada que desexes depositar no contedor lávea, dóbrea e deposítea en bolsas pechadas dentro dos contedores. Os zapatos deben estar apareados e unidos polos cordóns ou ben con cinta e dentro dunha bolsa.

• Todas estas recomendacións pode atopalas a persoa que acceda á páxina interactiva de Medio Ambiente do Concello de Barbadás. “Tamén pode atopar xogos para que participe toda a familia e se contribúa a concienciar na importancia de ter hábitos saudables na vida cotiá, sinalou Morenza.

• Morenza destacou tamén “un aspecto moi construtivo e ilustrativo da páxina interactiva, como son as equivalencias que poden axudarnos a entender que coidar o noso entorno é esencial”.

• EQUIVALENCIAS: Con 8 latas de conserva poderíase fabricar unha ola de cociña. Con 80 latas de refresco poderíase fabricar un aro de bicicleta. Con 8 caixas de cereais poderíase fabricar un libro. Con 6 cartóns baleiros poderíase fabricar unha caixa de zapatos. Con 6 cartóns de sopa reciclados poderíase fabricar un rolo de papel hixiénico. Con 40 botellas de plástico PET poderíase fabricar un forro polar. Con 550 latas de aluminio poderíase fabricar unha cadeira. Por cada folio reciclado afórrase a enerxía equivalente a 2 lámpadas de baixo consumo de 20w cada unha acesas durante 1 hora. Por cada tonelada de vidro reciclado afórrase unha enerxía equivalente a uns 136 litros de petróleo. A reciclaxe dunha tonelada de vidro evita a extracción duns 200 kg de materia prima. A enerxía que se aforraría con 1 botella de vidro podería iluminar unha lámpada de 100w durante 4 horas. Unha cantidade de 3.000 botellas de vidro recicladas equivalería á redución de 1.000 kgs. de lixo no vertedoiro. Por cada botella de plástico que se recicla, afórrase a enerxía necesaria para ter unha TV acesa durante 3 horas. Recuperar dúas toneladas de plástico equivalería a aforrar 1 tonelada de petróleo. Con 5 latas de aluminio recicladas poderíase fabricar un bote de aerosol. 1 litro de aceite doméstico podería contaminar uns 1.000 litros de auga.

• O concelleiro de Medio Ambiente, Rafael Sierra, comeza a súa presentación agradecendo a todos os que participaron na creación da páxina web interactiva, a Avantis pola creación da ferramenta Genially, que foi da que nos servimos, á Fegamp e sobre todo a primeira persoa que se interesou por levar a cabo esta iniciativa que foi Juan Felipe Sutil, que estivo unha pequena tempada traballando neste Concello. Tamén agradecer a Martín Muñoz que a puliu e a rematou.

• Sierra sinala que se trata de “unha páxina web interactiva a disposición de toda a veciñanza que ten como obxectivo a concienciación acerca da importancia da reciclaxe e da educación ambiental”.

• A través da páxina “poderemos acceder de maneira moi intuitiva a unha gran variedade de apartados, dende a localización de contedores especiais, test interactivos, algún que outro xogo para os máis cativos ata aos custos do tratamento dos residuos para o concello”, indica o concelleiro de Medio Ambiente.

• Esta páxina tentará ser unha ferramenta de axuda para facer máis sinxela a separación dos residuos así como ter á disposición de todo o mundo as distintas solicitudes e contactos, axilizando así os procesos de recollida e xestión.

• Ademais o seu deseño e actividades interactivas “buscan chegar aos rapaces aos cales poder ensinar a importancia e o proceso da reciclaxe por medio dos centros educativos cos que se está a traballar para que fagan uso da mesma”, comentou Rafael Sierra.

• Sierra anticipou que “aínda que a cantidade de información contida nela é elevada, o obxectivo é que a páxina non deixe de medrar e de manterse actualizada con máis novas, vídeos, imaxes, boas prácticas , etc, convertendoa así nunha ferramenta case de uso diario”.

• O edil de Medio Ambiente matizou que “é moi importante coñecer a onde van os impostos da cidadanía, xa que nos custos de recollida de residuos e de limpeza diaria temos un déficit de 303.236,72 euros, tendo en conta o que recada o Concello de impostos de lixo e o que temos que pagar a Geseco, Sogama e Utramic, xa que se recadan 448.887 € /ano e gástanse 752.123,72 euros.

• Sierra aproveitou a rolda de prensa tamén dicir que o Concello de Barbadás está traballando na implantación do quinto contedor de cor marrón, de orgánico para compost.

CONFEDERACIÓN HIDROGRÁFICA E CONCELLO DE BARBADÁS FINANCIAN  OBRAS PARA A MELLOR DA REDE DE SANEAMENTO EN BENTRACES

O Concello de Barbadás aporta o 30 % e a Confederación o 70%, en tanto que o orzamento de licitación foi de 156.720,19 €

• O proxecto de obras de saneamento no núcleo de Bentraces foi licitado por un importe de 156.720,19 € e adxudicado por unha contía de 120.426,94 euros.

• A Confederación Hidrográfica do Miño-Sil aporta o 70 por cento do orzamento, en tanto que o Concello de Barbadás aporta o 30%.

• O obxecto do proxecto consiste no deseño dun sistema de colectores que recollan as verteduras do núcleo de Bentraces par incorporaos á rede municipal.

• A nova rede de tipo ramificada en dirección SO- NE segue o leito do denominado “regato do Barreiro”.

• Esta nova rede partirá das vivendas situadas ao sur do núcleo, ao final da “Rúa de Abaixo”, ata o cruzamento de “ Camiño do Moredo” coa estrada OU-160. O trazado exposto segue o leito do río fose do Dominio Público Hidráulico dando servizo ás vivendas que actualmente carecen de saneamento, así como permitindo a recollida das verteduras de dous colectores que verten directamente ao río.

• Para acometer este proxecto foi necesaria a cesión previa dos propietarios colindantes co leito do río, un trámite realizado polo goberno municipal de Barbadás.

• O colector principal será de PVC con diámetro 315 mm, cunha lonxitude de 578,597 metros.

• Este colector principal contará con 19 pozos de profundidade variable, necesaria para o cumprimento dos cálculos hidráulicos.

• O último tramo será de reposición dun colector existente de fibrocemento de diámetro 300 mm.

• A maiores defínense outros catro eixos da nova rede, que permitirán conectar ao colector xeral paralelo ao río o actual sistema de rede de sumidoiros do núclero rural de Bentraces, así como vivendas que actualmente non teñen servizo de saneamento.

• Características dos Eixos: Eixo 2: dará servizo a 2 vivendas. Eixo 3: dará servizo a 2 vivendas. Eixo 4: consiste nun tramo de conexión coa actual rede de rede de sumidoiros de parte do núcleo de Bentraces. Eixo 5: é un tramo de reposición que conecta o saneamento actual coa rede municipal de saneamento augas abaixo do núcleo de Bentraces.

• Estas procedendo demolición da superficie pavimentada necesaria para a execución da nova rede de saneamento. Por outra banda, en zonas non pavimentadas e de uso agrícola, será necesario realizar unha roza da vexetación existente.

• No Anexo de bens afectados estúdanse as afeccións á propiedade necesarias para a execución da nova rede de saneamento exposta neste proxecto. Recolleranse as referencias catastrais daquelas parcelas que necesitan ser ocupadas pola nova rede de saneamento. Por outra banda, é importante sinalar que a afección de bens non é exclusivamente de bens privados, se non que en determinados puntos deberase ocupar parte do Dominio Público Hidráulico, o que se xustifica atendendo ao Plan Xeral de Ordenación Municipal.

• A rede que se proxecta, consiste nun colector paralelo ao leito do río, co obxecto de recoller as augas fecais nas cotas máis baixas e conducilas coa menor pendente cara ao sistema de depuración.

• O ámbito rural do proxecto lévanos a expor unha rede de saneamento separativa na que se recollerá exclusivamente o caudal de fecais das vivendas que actualmente carecen do servizo, así como garantir a continuidade total da rede existente.

• A poboación actual: 307 habitantes. Dato do Instituto Nacional de Estatística (INE) de 2018.

• A tendencia lineal do gráfico de poboación defínese como case horizontal, polo que se interpreta un crecemento nulo da poboación ou dun habitante por ano. Considerando a vida útil da infraestrutura proxectada de 25 anos, ao dato anterior podemos sumarlle 25 habitantes no ano 2043, obtendo así 332 habitantes.

• As prazas hostaleiras actuais/futuras: 6 prazas.

• O tipo de zona de abastecemento: residencial de baixa densidade e hostaleiro (pazo).

• A partir do exposto anteriormente, dispoñerase unha tubaxe de diámetro 315 que conformarán a nova rede de saneamento de fecais de modo que se eliminan as actuais verteduras ao río.

• A concelleira de Urbanismo, Victoria Morenza, destaca a importancia deste proxecto “na liña de que todos os núcleos do concello de Barbadás dispoñan dos servizos básicos”. Sinala tamén a importancia que ten a liña de colaboración establecida coa Confederación Hidrográfica para este tipo de proxectos que melloran as infraestruturas básicas e constitúen un avance no ámbito do medio ambiente.

• O concelleiro de Medio Ambiente, Rafael Sierra, comenta a importancia da colaboración veciñal “na cesión do uso de terreos para poder levar a cabo este proxecto”. Destacou ademais o “gran avance que a nivel medioambiental supón a execución deste proxecto porque se evitan as verteduras ao regato do Barreiro”.

TOÉN, BARBADÁS, TABOADELA E SAN CIBRAO DESENROLARÁN CONXUNTAMENTE UN OBRADOIRO DUAL DE EMPREGO  CENTRADO NO MANTEMENTO DE XARDÍNS E ZONAS VERDES NOS 4 CONCELLOS

A Consellería e Emprego e Igualdade financiará este proxecto para favorecer a empregabilidade nestes territorios

O obradoiro conxunto implicará a contratación de 1 director/a 2 docentes, 1 administrativo/a e 20 alumnos/as para un período de 9 meses

• A Consellería de Emprego e Igualdade confirma a concesión de financiamento para un Obradoiro Dual de Emprego denominado “Concellos Rurais da Comarca de Barbadás, San Cibrao, Taboadela e Toén”.

• O obradoiro de emprego que se desenrolará nos 4 concellos abrangue as especialidades de instalación e mantemento de xardíns e zonas verdes.

• A posta en funcionamento deste obradoiro implicará a contratación de 2 docentes, 1 director/a, 1 administrativo/a e 20 alumnos/as para un período de 9 meses.

• A Xunta de Galicia aportará 346.946 euros, en tanto que os 4 concellos participantes achegarán 31.827,46 euros.

• Os módulos que se abordarán no obradoiro de emprego de Barbadás, Toén, Taboadela e San Cibrao centraranse na instalación de xardíns e zonas verdes, mantemento de mellora dos mesmos, control fitosanitario e un módulo de prácticas profesionais de instalación e mantemento.

• As unidades competenciais serán as seguintes: Instalación de xardíns de interior, exterior e zonas verdes; manter e mellorar xardíns e controlar as pragas, enfermidades, malas herbas e fisiopatías.

• O obradoiro dual de emprego impartirá formación complementaria ao alumnado: inserción laboral, prevención de riscos laborais, alfabetización informática, sensibilización ambiental e sensibilización en violencia de xénero.

• Os Obradoiros de emprego son programas destinados a mellora e empregabilidade das persoas desempregadas, alternando a formación para o emprego xunto coa práctica laboral.

• INTERVENCIÓNS EN BARBABAS ( A Valenzá, Bentraces e todo o concello):
• Mellora da área recreativa do Barreiro, situada en Bentraces, que na actualidade se atopa nun estado de deterioro. Procederase neste espazo natural á reposición de bancos, mesas e barbacoas. Habilitarase unha zona de xogos infantís renovada. Realizaranse ademais traballos de limpeza, desbroce, lavado con hidrolimpadora dos elementos de pedra e repintado dos elementos biosaudables.
• Axardinamento do noiro de acceso dende a rúa da Presa ao parque dos Patos. Nesta zona de bancais creados hai uns meses realizarase un axardinamento que destaque pola súa beleza e colorido. Deste xeito pretende conseguirse unha sintonía coa beleza do lugar aproveitando os bancais de recente creación.
• Recuperación dos céspedes e pradeiras e mellora das zonas verdes do Paseo dos Amieiros.
• Traballos de poda en diferentes zonas verdes: Solaina, Leiteira, Viso, Diestros, Canella, Salgueiriños, Searas, Area gorda, Amieiros, Patos-Vilaescusa-Lameira do Mato, Cuartas, Liberdade, Avenida Celanova, Bahamonde.

INTERVENCIÓNS EN TOÉN

• Mellora na área recreativa San Alberte (Moreiras)
• Mellora no parque de Fondón
• Traballos de poda no CEIP Saco e Arce
• Traballos de poda do arborado viario na OU-0519 ao seu paso polo núcleo de Toén.
• Traballos de poda do arborado viario na OU-0518 ao seu paso polo núcleo de San Pedro de Moreiras.
• Traballos de mantemento de elementos vexetais e non vexetais no parque infantil de Trellerma.

INTERVENCIÓNS EN TABOADELA

• Creación dun parque en Santa Leocadia.
• Traballos de mantemento e mellora na ruta de San Xoan.

• INTERVENCIÓNS EN SAN CIBRAO DAS VIÑAS: Reposición e mellora da sinalización nas rutas do Espazo Natural de Interese Local de A Boutureira. Este Espacio Natural presenta catro rutas:
• Ruta A : Percorrido circular: A Boutureira – Capela de San Roque – Outeiro Calvo – A
• Ruta B : Percorrido circular: Boutureira – Laxe – Rego – Boutureira.
• Ruta C : Percorrido lineal: Boutureira – Muíño de Soutopenedo – Igrexa de San Miguel – Cruceiro de Soutopenedo.
• Ruta D : Percorrido líneal: Boutureira – San Cibrao das Viñas – O Condado – Noalla –Ponte Noalla –

BARBADÁS APOSTA POLA MOBILIDADE SOSTIBLE ADQUIRINDO UN VEHÍCULO CENTO POR CENTO ELÉCTRICO

A furgoneta é unha Nissan e-NV200 con unha autonomía de ata 301 quilómetros

O vehículo destinarase para o uso nas áreas de Parques, Xardíns e Obras

• O Concello de Barbadás é o primeiro da provincia de Ourense que adquire un vehículo destas características.

• A mobilidade cento por cento eléctrica chega a Barbadás coa adquisición por parte do Concello desta furgoneta que constitúe un dos vehículos eléctricos con recarga máis rápida do mercado, podendo acadar o 80 % da carga en só 60 minutos.

• O novo vehículo foi entregado hoxe ao mediodía de un xeito oficial ao alcalde de Barbadás, o socialista Xosé Carlos Valcárcel, quen estivo acompañado dos/as concelleiros/as do grupo de goberno.

• A furgoneta eléctrica supoñerá non só un aforro en combustible, senón que tamén se evitarán emisións de CO2 á atmósfera.

• Esta adquisición enmárcase nunha liña de subvencións da Xunta de Galicia baixo o epígrafe do Fondo de Compensación Ambiental.

• Para a compra do vehículo o Concello de Barbadás abriu un proceso de licitación pública.

• O alcalde de Barbadás, Xosé Carlos Valcárcel, explicou no acto de entrega que “unha das prioridades que ten o Concello de Barbadás é ser coidadosos co medio ambiente a nivel transversal en todas as áreas de traballo”.

• Este vehículo é adquirido a través de unha subvención da Xunta de Galicia e vai destinado aos servizos de Parques e Xardíns e a Obras, sinalou o rexedor.

• Valcárcel anticipou que “a intención do goberno é seguir traballando nesta liña, é dicir, ir substituindo os vehículos que están en uso por outros que sexan favorables para o medio ambiente”.

• Alberto Barreiros, xefe de vendas da Nissan en Ourense, amosou a “satisfacción por ter participado nesta venda, xa que é un vehículo que aposta pola mobilidade sostible, con emisións cero de CO2 e sen contaminación acústica”.

• Barreiros destacou tamén o aspecto “do aforro en combustible para o Concello”.

• O prezo de adxudicación do vehículo foi de 28.600 euros (sen IVE).

O CONCELLO DE BARBADÁS PON EN MARCHA UN PROXECTO PARA A COMPOSTAXE DOMÉSTICA E COMUNITARIA

Esta iniciativa está aberta a 50 familias que poderán inscribirse no concello para dispoñer de 1 composteiro

As familias que desexen participar poderán triturar os restos de podas e usar os mesmos coma compost

• O Concello de Barbadás pon en marcha unha iniciativa de compostaxe doméstica aberta a toda a veciñanza que desexe participar.

• O obxetivo deste proxecto é a producción de compost, un abono natural aproveitable polas plantas, a partir de restos vexetais, como son desperdicios de comida, podas ou de limpezas de xardíns.

• Coa posta en funcionamento deste tipo de proxectos pode chegar a reducirse de xeito considerable a producción de lixo doméstico así como a de basura que se transporta aos vertedoiros.

• A compostaxe doméstica provoca unha diminución na compra de fertilizantes químicos e reduce notablemente  o uso de bolsas de plástico.

• A adhesión das familias a este proxecto implicará a entrega a cada participante de 1 compostador totalmente gratuíto para levar a cabo a producción de compost que posteriormente poderá utilizarse no aboado de fincas e na restauración de solos.

• Todas aquelas persoas que estén interesadas en participar, deberán cumplir uns requisistos:

– Dispor dunha parcela mínima de 50m2

–  A vivenda de residencia sexa habitual

–  Unidade familiar minima de dous membros

• As vantaxes de este tipo de iniciativas son a mellora da educación medioambiental, a reducción de consumo de auga (o uso do compost doméstico favorece a retención de auga das plantas), o aforro nos gastos derivados de restos de podas ou o feito de que non necesita enerxía para funcionar.

• Outro dos beneficios para o medio ambiente consiste na reducción do efecto invernadeiro, coa emisión de 5 veces menos gases ca coa compostaxe industrial.

• O proxecto de implantación da compostaxe doméstica e comunitaria de bioresiduos englobará a 50 familias do municipio, aos colexios Filomena Dato e O Ruxidoiro e á brigada de xardinería do Concello de Barbadás.

• O alcalde de Barbadás, Xosé Carlos Valcárcel, destaca que esta iniciativa “é unha aposta do Concello de Barbadás pola reciclaxe”.

• Valcárcel sinala que o proxecto vai dirixido a 50 familias e “quere incidir na compostaxe de forma activa mediante a adquisición de un biotriturador, pero tamén ten un importante aspecto educativo porque participan os colexios de Barbadás”.

• Para o rexedor de Barbadás “é fundamental que a educación nos temas medioambientais teñan unha gran presenza na formación de nenos e nenas”.

• O concelleiro de Medio Ambiente, Rafael Sierra, incide en que “a reducción na fracción de restos orgánicos implica un aforro no custo por tonelada que os concellos pagan a Sogama”.

• Para Sierra “a importancia do compost radica en que pode utilizarse como substrato, como abono orgánico para a nutrición das plantas e tamén coma elemento para mellorar as propiedades do solo degradado, conseguindo así unha economía circular e reutilizando os restos orgánicos”.