Categoría: Participación cidadá

Convocatoria de subvencións 2024 para as Asociacións Culturais do Concello de Barbadás

12/10/2024

Convocatoria de subvencións 2024 para as Asociacións Culturais do Concello de Barbadás

Prazo de presentación, 20 días naturais, contados a partir do día seguinte ao da publicación no Boletín Oficial da Provincia.

O Concello de Barbadás habilita a convocatoria 2024, de subvencións municipais dirixidas ao apoio e promoción da Cultura en todas as súas facetas, de acordo cos principios de publicidade, transparencia, obxectividade, libre concorrencia, non discriminación e igualdade, para a realización de actividades que contribúan ao fomento dos intereses xerais ou sectoriais dos veciños e veciñas do Concello, a realización de actividades culturais que complementen as atribuídas á competencia municipal e, en xeral, contribúan ao fomento dos intereses culturais peculiares do municipio.

PRAZO E PRESENTACIÓN DE SOLICITUDES

O prazo improrrogable de presentación será de 20 días naturais, contados a partir do día seguinte ao da publicación do extracto destas bases no Boletín Oficial da Provincia.

As solicitudes segundo o modelo de instancia normalizado aprobado, subscritas polo representante legal da entidade interesada, irán dirixidas á Concello de Barbadás, segundo establece o artigo 14 da lei 39/2015, do Procedemento Administrativo Común das Administracións Públicas, e mediante a súa presentación no rexistro xeral do Concello ou través de calquera outro medio dos previstos no artigo 16 da mesma lei.

Bases e anexos na documentación que se achega.

CONTENT-CAT.1733809297

Convocatoria de subvencións 2024 para as Asociacións Veciñais do Concello de Barbadás

11/10/2024

Convocatoria de subvencións 2024 para as Asociacións Veciñais do Concello de Barbadás

Presentación de solicitudes: 20 días naturais, a contar desde o día seguinte da publicación no Boletín Oficial da Provincia de Ourense.

O Concello de Barbadás habilita a convocatoria,  en réxime de concorrencia competitiva, das axudas económicas ás asociacións veciñais, constituídas como tales, e co ámbito de actuación no Concello de Barbadás, para o desenrolo de actividades e programas de interese xeral durante o exercicio 2024.

 

  • A finalidade das presentes subvencións é o fomento do movemento asociativo do Concello.

 

  • Para os efectos desta convocatoria, considéranse subvencionables os gastos necesarios para o desenrolo de actividades de interese xeral para os cidadáns que se sinalan no epígrafe 5 das bases.

 

SOLICITUDES

  • A solicitude da subvención, xunto con toda a documentación necesaria, presentarase, obrigatoriamente, na sede electrónica do Concello de Barbadás https://barbadas.sedelectronica.gal , no prazo de 20 días naturais contado a partir do día seguinte á publicación do extracto no Boletín Oficial da Provincia de Ourense.

 

PRAZO

  • O prazo de presentación das solicitudes e da documentación será de 20 días naturais, a contar desde o día seguinte á publicación do extracto da convocatoria no Boletín Oficial da Provincia de Ourense.

 

Bases e anexos na documentación que se achega.

CONTENT-CAT.1733809297

CONTENT-CAT.1733809297

Conmemoramos o Día de Rosalía

24/02/2024

Conmemoramos o Día de Rosalía

23 de febreiro de 2024 na Biblioteca Municipal de Barbadás

A Biblioteca Municipal de Barbadás, acolleu na tarde de onte, un acto de conmemoración con motivo do Día de Rosalía de Castro, para poñer en valor a vida e obra desta valente muller e escritora, figura fundamental da nosa lingua.

 

Primeiramente, Marga Pérez e Ana Peleteiro, concelleiras de Educación e Cultura respectivamente, deron lectura do Manifesto da Asociación de Escritoras e Escritores en Lingua Galega (AELG).

 

A continuación, nenos e nenas do Coro da Escola de Música, leron fragmentos da obra de Rosalía, para continuar coa entrega de agasallos aos grandes lectores e lectoras, da Biblioteca Municipal de Barbadás, do pasado ano.
• Noa e Alicia, de infantil
• Hugo e Uxía, de xuvenil
• e Antonio e Lourdes, na categoría de adultos.

 

Compoñentes do Club de Lectura “Café con Letras” da localidade de Bentraces, puxeron en común a súa experiencia: Comentan e intercambian opinións sobre unha mesma obra que len, á vez que comparten un café, organizan encontros cos autores ou mesmo fan saídas para coñecer os itinerarios relatados nos libros.

 

A nota musical, foi da man de José Antonio, á guitarra, e Noa ao violín, mestres da Escola de Música de Barbadás, que interpretaron marabillosamente, varios temas relacionados coa nosa terra e coa obra literaria da homenaxeada, Rosalía de Castro.

2024-Banner-Barbadás-Día de Rosalía 112.99 KB

2024-Día de Rosalía de Castro en Barbadás 182.13 KB

2024-Día de Rosalía de Castro en Barbadás 180.28 KB

2024-Día de Rosalía de Castro en Barbadás 226.22 KB

2024-Día de Rosalía de Castro en Barbadás 226.76 KB

2024-Día de Rosalía de Castro en Barbadás 238.64 KB

2024-Día de Rosalía de Castro en Barbadás 260.21 KB

2024-Día de Rosalía de Castro en Barbadás 264.88 KB

2024-Día de Rosalía de Castro en Barbadás 229.11 KB

2024-Día de Rosalía de Castro en Barbadás 280.82 KB

2024-Día de Rosalía de Castro en Barbadás 254.64 KB

2024-Día de Rosalía de Castro en Barbadás 244.83 KB

2024-Día de Rosalía de Castro en Barbadás 278.33 KB

2024-Día de Rosalía de Castro en Barbadás 210.30 KB

WhatsApp Image 2024-02-24 at 21.06.05 (1) 303.52 KB

2024-Día de Rosalía de Castro en Barbadás 243.23 KB

2024-Día de Rosalía de Castro en Barbadás 239.31 KB

2024-Día de Rosalía de Castro en Barbadás 236.13 KB

2024-Día de Rosalía de Castro en Barbadás 243.24 KB

2024-Día de Rosalía de Castro en Barbadás 238.07 KB

2024-Día de Rosalía de Castro en Barbadás 252.15 KB

2024-Día de Rosalía de Castro en Barbadás 222.01 KB

WhatsApp Image 2024-02-24 at 21.05.32 238.84 KB

CONTENT-CAT.1733809297

Concurso de decoración de balcóns, xanelas e portais do Nadal 2023

03/12/2023

Concurso de decoración de balcóns, xanelas e portais do Nadal 2023

Inscricións ata o 12 de decembro de 2023 antes das 14:00 h

O Concello de Barbadás convoca o Concurso de decoración de balcóns, xanelas e portais  co obxectivo de fomentar a colaboración dos veciños,  na ornamentación e embelecemento da vila durante a tempada de Nadal 2023-2024.

  • Inscrición

Poderán participar neste concurso tanto as persoas físicas como as xurídicas do Concello de Barbadás que teñan vivendas con balcóns, xanelas ou portais que poidan ser decorados.

Valorarase
-A creatividade.
-A orixinalidade.
-A combinación de elementos e cores,
-A iluminación e composición.
-Motivos empregados para decorar.

 

Os impresos para inscribirse poderán obterse , no Concello de Barbadas, na Oficina Municipal de A Valenzá ou a través da páxina web do Concello (www.barbadas.es).

Os impresos debidamente cumprimentados presentaranse por rexistro, no Concello de Barbadás, na Oficina Municipal de A Valenzá, ou a través da Sede Electrónica desde o día seguinte á publicación destas bases no Boletín Oficial da Provincia de Ourense (03.12.2023) ata o 12 de decembro de 2023, antes das 14:00 h.

 

Os interesados deberán, na solicitude de inscrición, facer unha declaración responsable de que se atopan ao corrente de obrigas coa Axencia Estatal da Seguridade Social, Instituto Nacional da Seguridade Social, Axencia Tributaria Galega e o Concello de Barbadás.

Coa ficha de inscrición será preciso para formalizar a participación no concurso enviar unha foto do balcón, xanela ou portal ó enderezo de correo electrónico cet@barbadas.es ata o día 12 de decembro de 2023  antes das 14:00 h, facendo constar no asunto do correo electrónico PARTICIPACIÓN CONCURSO DE BALCÓNS, XANELAS E PORTAIS así como o nome da persoa participante.

  • Votación telemática

Poderase votar, emitindo un voto por cada categoría (un voto por balcóns, un voto por xanelas e un voto por portais), dende 12 de decembro a partir das 16:00 h, ao 18 de decembro de 2023 (ata as 14:00 h) dende esta ligazón.  

  • Premios

Establécense os seguintes premios:
1º premio ao mellor balcón de 200 €
1º premio a mellor xanela de 200 €
1º premio ao mellor portal de 200 €

  • Entrega de premios

O día 21 de decembro, publicarase o listado das persoas gañadoras.
O día 22 de decembro, entregaranse os diplomas as persoas gañadoras.

2023-redes-Barbadás-Concurso de balcóns

CONTENT-CAT.1733809297

Aberto o prazo para a solicitude para subvencións ás asociacións veciñais rexistradas no rexistro municipal de asociacións do oncello de Barbadás no ano 2023

08/11/2023

CONTENT-CAT.1733809297

CONTENT-CAT.1733809297

Listados provisionais de admitidos/as actividades de lecer de Barbadás 2023-2024

12/09/2023

Listados provisionais de admitidos/as actividades de lecer de Barbadás 2023-2024

As Concellerías de Cultura, Deportes e Participación Veciñal de Barbadás presentan unha variada gama de actividades, dirixidas a maiores de 18 anos,  para o próximo curso 2023/2024, cun enfoque no enriquecemento creativo, a expresión artística e o benestar físico:

  • Obradoiro de Manualidades: Desata a túa Creatividade
    Este taller brindará aos/ás participantes a oportunidade de explorar a súa creatividade  coa elaboración  de obxectos decorativos,  agasallos personalizados …

 

  • Clases de Pintura: Cores que Inspiran
    Para  mergullarte no mundo da pintura a través de técnicas e estilos diversos, permitíndote explorar e desenvolver o teu talento artístico nun universo de cores que che inspirarán.

 

  • Ximnasia de Mantemento: Activa Corpo e Mente
    O benestar físico e mental fusiónanse nas nosas clases de ximnasia de mantemento. Deseñadas para todas as idades e niveis de condición física, estas sesións axudarante a manter un corpo activo e áxil  nun ambiente motivador e positivo. Poñerse en movemento nunca foi tan divertido!

 

As actividades de manualidades e ximnasia de mantemento desenvolveranse
nos seguintes locais sociais:
– Local social de Loiro
– Local social de Sobrado
– Local social de Bentraces
– Local social de Barbadás
– Local social das Lamas
– Local social O Fonval
– Local social do Fonsillón
– Local social da Finca Fierro
– Local social de Parada
– Local social de Piñor
– Local social de Santa Uxía

 

A actividade de pintura desenvolveranse no local municipal da Rúa do Ensino nº 5 (A Valenzá)

 

As inscricións están abertas desde o luns 28 de agosto de 2023 ata o día 08 de setembro de 2023 (ámbolos dous incluídos) .

 

Lugar de presentación de solicitudes de inscrición: Rexistro do Concello de Barbadás (presencial no Concello ou nas oficinas municipais da Valenzá, e electrónico a través da  sede electrónica municipal).

 

Actividades lecer Barbadás

Resolucion definitiva actividades Lecer

CONTENT-CAT.1733809297

Listado definitivo de admitidos/as obradoiros de manualidades nos locais sociais do concello

26/09/2022

Listado definitivo de admitidos/as obradoiros de manualidades nos locais sociais do concello

Horarios: 

A Valenzá:

Luns, 16:00 – 17:45 horas.

Comenzán as clases o día 3 de outubro.

Finca Fierro:

Luns, 18:00 – 19:45 horas.

Comenzan as clases o día 3 de outubro.

Sobrado:

Martes,  16:00 – 17:45 horas.

Comenzán as clases o día 4 de outubro.

Barbadás:

Martes,  18:00 – 19:45 horas.

Comenzán as clases o día 4 de outubro.

Loiro:

Mércores 16:00 – 17:45 horas.

Comenzán as clases o día 5 de outubro.

Bentraces:

Mércores 18:00 – 19:45 horas.

Comenzán as clases o día 5 de outubro.

Piñor:

Xoves, 16:00 – 17:45 horas.

Comenzán as clases o día 6 de outubro.

Parada:

Xoves, 18:00 – 19:45 horas.

Comenzán as clases o día 6 de outubro.

CONTENT-CAT.1733809297

CONTENT-CAT.1733809297

Obradoiros sobre prevención de accidentes domésticos

13/06/2022

Obradoiros sobre prevención de accidentes domésticos

Programa "Prevención é Saúde" da Concellería de Sanidade do Concello de Barbadás

  • A Concellería de Sanidade, como continuación ás actividades que se veñen desenvolvendo no Concello de Barbadás dentro do programa PREVENCIÓN É SAÚDE, organiza uns obradoiros sobre PREVENCIÓN DE ACCIDENTES DOMÉSTICOS, que se realizarán durante este mes de xuño, nos distintos locais sociais do concello.

 

  • As datas e lugares previstos son:
    • 16 de xuño, ás 18:30 h, no local social FONVAL (A Valenzá)
    • 17 de xuño, ás 18:30 h, no local social de BENTRACES
    • 20 de xuño, ás 18:30 h, no local social de LOIRO
    • 21 de xuño, ás 18:30 h, no local social FIDALGUIÑO de Sobrado do Bispo
    • 22 de xuño, ás 18:30 h, no local social da FINCA FIERRO
  • Imparte, persoal de Protección Civil do Concello de Barbadás.
  • Proximamente, informarase de datas e lugares onde se levarán a cabo máis obradoiros sobre esta temática.

 

Obradoiro Prevención accidentes domésticos _ Concello de Barbadás    

 

CONTENT-CAT.1733809297

Talleres de conservación de produtos das hortas

13/06/2022

Talleres de conservación de produtos das hortas

Durante o mes de xullo van a realizarse varios talleres de conservación de produtos das hortas.

Están dirixidos as persoas integrantes das diferentes Asociacións de veciños do Concello.

O luns 11 de xullo serán no local de Fonval na Valenzá en dúas sesións de 9:00 a 13:00 h ou de 16:00 a 20:00 podendo asistir ou a mañá ou a tarde, e están dirixidos as Asociacións de Fonval e de veciños de O Fonsillón, As Lamas e Finca Fierro.

O martes 12 de xullo será no local social de Loiro, en horario de 10:00 a 13:00 h , para as Asociacións de veciños de Loiro e Bentraces.

O mércores 13 de xullo será no local social de Barbadás, en horario de 10:00 a 13:00 h , para as Asociacións de veciños de Barbadás, O Pontón e Sobrado.

O xoves 14 de xullo será no local social de Piñor, en horario de 16:00 a 20:00 h ,  para as Asociacións de veciños de Parada, Piñor e Mun Di Deu

A entrada é libre e non se precisa de inscrición previa.

CONTENT-CAT.1733809297

Marina é a única muller en Protección Civil de Barbadás e anima a outras “para ter unha agrupación como hai 20 anos”

08/06/2022

Marina é a única muller en Protección Civil de Barbadás e anima a outras “para ter unha agrupación como hai 20 anos”

Sociedade en Barbadás

Veciña da Valenzá, natural do concello de Amoeiro, Hai 46 anos deixou O Carballiño e dende 2004 vive en Barbadás.

  • Lembra que en 2009 enfermou gravemente o seu sobriño Julio César, que formaba parte do grupo de Protección Civil do Carballiño. “Sempre falaba de ese traballo e de canto lle gustaba e até me animaba a min para que me engadise á súa agrupación”.
    Daquela Marina non o fixo, pero cando chegou á Valenzá para comezar unha nova etapa na súa vida, preguntou os requisitos e deu o paso.

 

  • “Dende que son voluntaria, sempre me sentín moi a gusto e lembro que hai anos había tantas mulleres coma homes, ou máis, pero elas o foron deixando cando se casaron, cousa que non entendo pero animo a outras para que veñan, para formarse e para botar unha man”, detalla.

 

  • Segundo a súa experiencia de aprendizaxe, Marina explica que pasou de candidata a voluntaria tras facer un curso básico, homologado por la Xunta de Galicia a través da Academia Galega de Seguridade Pública.
    Con ese curso básico, Marina, e calquera outra persoa candidata, pasa a formar parte da Agrupación de Voluntari@s de Protección Civil de Barbadás.
    “Despois funme especializando con outros cursos como,  por exemplo, o de excarcelacións para tráfico que fixen en Ribadavia”, engade.
Marina Corral de Protección Civil Barbadás
Marina Corral Rodríguez. Única muller neste momento en Protección Civil de Barbadás. Xuño 2022

De oficio polbeira

  • O dito popular, “cociñeiro antes que frade”, vai coma unha luva para Marina pois entre os seus traballos, está o de carga e descarga de camións nunha empresa familiar de transportes, mentres criaba unha filla e un fillo.

 

  • Mentres viviu, anos atrás, no Carballiño, unha familia de Arcos, próxima a ela, aprendeulle a “picalo polbo” o que a levou até Asturias como polbeira dentro dun restaurante e a estar dispoñible agora para ese traballo sempre que a requiren porque coñece ben o oficio.
    “Teño un pequeno equipamento de tesoiras e mandilón persoal e con frecuencia chámanme para a zona de Pontevedra”, relata. Con ese traballo e o de voluntaria de Protección Civil asegura deitarse “moi tranquila e satisfeita do traballo ben feito”.

 

  • Antes traballou tamén nun salón de peiteado, pastelería etc. Pero o que máis lembra son os seus comezos en Barbadás, na agrupación de voluntarios. “Miña primeira intervención foi nuns carnavais, cando tiñamos a base preto do colexio Filomena Dato, e daquela comezamos 3 ou 4 compañeiros a un tempo”.

 

O sal sempre groso

  • Non se pode deixar ir a unha polbeira sen preguntarlle segredos do seu oficio. E ás veces conta algún. No caso de Marina, asegura que a cantidade de auga para a cocción, un “polbo de boa calidade” e o uso de sal groso, son os elementos máis importantes.

 

  • Para ela mesma fai receitas como a de pasalo pola brasa ou guisalo con cebola e allo, acompañado de cachelos.

 

  • E xa cando se lle pregunta por algo que lle gustaría facer, se tivera oportunidade, a resposta vai cara o mesmo: abrir unha tapería de polbo e embutidos de boa calidade e, se pode ser, traballar ao ar libre.

 

  • Se alguén recolle a luva que avise!! Calquera persoa interesada xa sabe onde localizala

 

Marina Corral de Protección Civil Barbadás
Marina Corral Rodríguez. Única muller neste momento en Protección Civil de Barbadás. Xuño 2022

 

 

Marina Corral de Protección Civil Barbadás 259.69 KB
Marina Corral Rodríguez. Única muller neste momento en Protección Civil e Barbadás. Xuño 2022

Marina Corral de Protección Civil Barbadás 421.26 KB
Marina Corral Rodríguez. Única muller neste momento en Protección Civil e Barbadás. Xuño 2022

Marina Corral de Protección Civil Barbadás 181.18 KB

CONTENT-CAT.1733809297

Taller de Memoria. Actividad en los locales sociales

04/10/2021

Taller de Memoria. Actividad en los locales sociales

HORARIO

    • A  Concello de Barbadás,  dentro do programa de actividades da Concellería de Servizos Sociais,Sanidade e Participación Veciñal, organiza un obradoiro de MEMORIA, dirixido a poboación adulta,  que se desenvolverá nos seguintes locais sociais:
      • Local social de Loiro.
      • Local social de Bentraces.
      • Local social O Fonval.
      • Local social de Piñor.

     

    • As prazas ofertadas serán de 6 persoas por local.
      O número de prazas ofertadase o indicado segundo as disposicións aplicables que a administración autonómica e estatal dispón en relación coa apertura dos locais sociais e a distribución de espazos dentro dos mesmos, con motivo da incidencia do COVID-19.
      Para que se leve a cabo a actividade será preciso un número mínimo de 5 persoas.

     

    • A actividade comezará en outubro do 2021 e rematarán en maio do 2022.
      En horario de tarde.
      O horario determinarase no momento da aprobación dos listados definitivos.

     

    • O prazo para a presentación de solicitudes será dende o día 14 de setembro ata o día 21 de setembro de 2021 (ámbolos inclusive).

     

    • A solicitude debidamente cumprimentada deberá presentarse por unha das seguintes formas:
      • De forma telemática a través da sede electrónica do Concello de Barbadás https://barbadas.sedelectronica.gal.
      • De forma presencial no rexistro (Casa do Concello 988360000, Oficinas A Valenzá 988393168).
      • En calquera dos rexistros establecidos no artigo 16 da Lei 39/2015.
        As solicitudes estarán dispoñibles na páxina web do Concello (www.barbadas.es).

     

    • O listado provisional de admitidos/as publicarase o día 22 de setembro de 2021 na páxina web do Concello de Barbadás (www.barbadas.es), e nos taboleiros de anuncios do Concello e das oficinas municipais da Valenzá.
      Os listados definitivos publicaranse o día 30 de setembro de 2021.

     

    • O Obradoiro de Memoria ten un custo total de 40 euros.

     

     

CONTENT-CAT.1733809297

Actividades nos locais sociais: Obradoiro de MANUALIDADES

01/10/2021

Actividades nos locais sociais: Obradoiro de MANUALIDADES

HORARIO

  • A  Concello de Barbadás,  dentro do programa de actividades da Concellería de Servizos Sociais,Sanidade e Participación Veciñal, organiza un obradoiro de Manualidades, dirixida a maiores de 18 anos,  que se desenvolverán en:
    • Local social de Loiro.
    • Local social de Sobrado.
    • Local social de Bentraces.
    • Local social de Barbadás.
    • Local social das Lamas.
    • Local social O Fonval.
    • Local social de O Fonsillón.
    • Local social da Finca Fierro.
    • Local social de Parada.
    • Local social de Piñor.
    • Local social de Santa Uxía.

 

  • As prazas ofertadas serán de 6 persoas por local.
    O número de prazas ofertarase  segundo o indicado nas disposicións aplicables que a administración autonómica e estatal dispón en relación coa apertura dos locais sociais e a distribución de espazos dentro dos mesmos, con motivo da incidencia do COVID-19.
    Para que se leve a cabo a actividade lúdica será preciso un número mínimo de 5 persoas.

 

  • As actividades comezarán en outubro do 2021 e rematarán en maio do 2022.
    En horario de tarde.
    O horario determinarase no momento da aprobación dos listados definitivos

 

  • O prazo para a presentación de solicitudes será dende o día 14 de setembro ata o día 21 de setembro de 2021 (ámbolos dous inclusive).
    A solicitude debidamente cumprimentada deberá presentarse por unha das seguintes formas:

    • De forma telemática a través da sede electrónica do Concello de Barbadás https://barbadas.sedelectronica.gal.
    • De forma presencial no rexistro (Casa do Concello 988360000, Oficinas A Valenzá 988393168).
    • En calquera dos rexistros establecidos no artigo 16 da Lei 39/2015.

 

  • Os listados provisionais  publicaranse o día 22 de setembro e os definitivos o día 24 de setembro ná páxina web do Concello de Barbadás e nos taboleiros de anuncios do Concello e das Oficinas Municipais  A Valenzá.

 

  • A actividade “Manualidades” é de balde,  estando subvencionada polo Concello de Barbadás.

 

** Primera noticia Publicada el: 13 Sep de 2021 @ 17:04

CONTENT-CAT.1733809297

Convocatoria para a concesión de subvencións ás Asociacións Veciñais do Concello de Barbadás para o ano 2021.

31/05/2021

Convocatoria para a concesión de subvencións ás Asociacións Veciñais do Concello de Barbadás para o ano 2021.

Convocatoria para a concesión de subvecións ás asociacións veciñais inscritas no Rexistro Municipal de Asociacións do Concello de Barbadás para o ano 2021.

CONTENT-CAT.1733809297

Cen veciñas e veciños son hoxe a memoria de Loiro

14/01/2021

Cen veciñas e veciños son hoxe a memoria de Loiro

Emprendemento en Barbadás

  • Manuel Fernández é un fillo de Loiro, retornado en 2014 dende Madrid, e a cara visible do colectivo “Loiro na memoria” que decidiu recuperala vida e historia do seu pobo natal, que conta arredor de cen veciños.

 

  • Esa labor comezou como proxecto persoal de Manuel, que quixo facela a árbore xenealóxica da súa familia consultando os rexistros Civil e Eclesiástico, e xuntar unha colección de fotografías de tódolos seus parentes.

 

  • “Falei cos veciños e as veciñas  para pedirlles as que tiveran, e agora xa hai case mil fotografías escaneadas e gardadas como arquivos dixitais e o número segue a aumentar”, detalla.

 

  • Cando se fixo idea do que comezara, falou co concello de Barbadás para propoñer unha exposición no pobo e o interese medrou: “nese momento envorcouse todo o mundo e fixemos unha exposición no ano 2018, cando tiñamos 300 fotos, impresas en paneis con textos”.

 

  • O concello cedeu un local aos veciños para mantela mostra, e hoxe contan coa primeira planta do edificio que ten o tanatorio na pranta baixa. “Agora, os paneis cas fotos están entre ferramentas e apeiros de traballo e os visitantes dinnos que saen impresionados”.

 

  • Arredor dos paneis de fotos, o espazo etnográfico acolleu cursos de restauración de obxectos antigos e mobles, impartidos por Conchi Carbajo de “Artelandia” e algunhas persoas das participantes xa non pararon de restaurar. “Primeiro foron cousas da casa de cadaquén, despois falamos co párroco e comezamos a limpar e recuperar obxectos antigos que estaban na sacristía da igrexa”.  Algúns deles xa forman parte do museo.

 

  • Unha cousa levou a outra e…

 

  • Chegou o verán de 2019 e, como unha cousa leva a outra, co bo tempo xurdiron “fiadeiros” con xuntanzas arredor de merendas ao aire libre, con música e cantos. “Así fixemos unha versión actual dos fiadeiros que se xuntaban nas casas durante a escasulla do millo”, lembra.

 

  • O guitarrista, Manuel Estévez Viriato, deu clase para que as veciñas e os veciños  de Loiro aprenderan a tocar e hoxe teñen no pobo a charanga “Os fedellos” co propio Manuel, o acordeonista Hans Marlanska do pobo,  o gaiteiro Juan Manuel Conde, a pandeireteira María Dolores Franco e o outro guitarrista Manu.

 

  • O novo grupo musical tocou no centenario da veciña Olimpia Iglesias no día do seu aniversario, e diante da casa de dous veciños/as máis que cumpriron 100 anos dende 2018, tamén durante a pandemia, con distancia e medidas de seguridade sanitaria.

 

  • A asociación “Loiro a memoria” naceu durante a construción do museo, en tres antigas adegas da rúa das Quintas e deu pulo ademais a outras actividades como ximnasia ao aire libre, cine de verán, teatro e novos cursos de pandeireta e guitarra, incluso durante o verán de 2020.

 

  • Tamén xestionou proxectos para o pobo con financiamento do concello. Entre os executados: os canastros da Uxeira e o propio museo. Entre os pendentes: homenaxe a familia dun veciño que escribiu un libro de contos baseado na xente do pobo e homenaxe ás persoas que foron mestres/as en Loiro.

 

Manuel Fernández. Loiro. 14/01/2021. Fotos: Rosa Veiga
Manuel Fernández. Loiro. 14/01/2021. Fotos: Rosa Veiga

Manuelfdez1 529.27 KB

manuelfdez3 702.32 KB

Manuel Fernández - Loiro 529.27 KB

Manuel Fernández - Loiro 702.32 KB
Manuel Fernández. Loiro. 14/01/2021. Fotos: Rosa Veiga

CONTENT-CAT.1733809297

Convocatoria para a concesión de subvencións ás asociacións veciñais inscritas no Rexistro Municipal de Asociacións do Concello de Barbadás ano 2020.

11/08/2020

Convocatoria para a concesión de subvencións ás asociacións veciñais inscritas no Rexistro Municipal de Asociacións do Concello de Barbadás ano 2020.

Convocatoria para a concesión de subvencións ás asociacións veciñais inscritas no Rexistro Municipal de Asociacións do Concello de Barbadás ano 2020.

CONTENT-CAT.1733809297

Aberto o prazo para que as asociacións veciñais opten a subencións municipais

02/09/2019

Aberto o prazo para que as asociacións veciñais opten a subencións municipais

CONVOCATORIA PARA A CONCESIÓN DE SUBVENCIÓNS ÁS ASOCIACIÓNS VECIÑAIS INSCRITAS NO REXISTRO MUNICIPAL DE ASOCIACIÓNS DO CONCELLO DE BARBADÁS ANO 2019.

  • O Boletín Oficial da Provincia publicou o 31 de agosto as bases para optar ás subvencións de asociación de veciños que concede o Concello de Barbadás.

 

  • O prazo de presentación de solicitudes remata o 30 de setembro.

 

  • O sistema é a concorrencia competitiva, de subvencións a asociacións de veciños que desenvolvan a súa actividade dentro do termo municipal de Barbadás, para a prestación de servizos ou a realización de actividades que complementen ou suplan os atribuídos á competencia municipal e que, en xeral, contribúan ó fomento dos intereses peculiares do municipio.

 

 

  • Poderán solicitar as subvencións reguladas na presente convocatoria as persoas físicas e xurídicas que reúnan os seguintes requisitos:

1.—Ser asociacións culturais validamente constituídas e debidamente inscritas no Rexistro Municipal de Asociacións.

2.—Carecer de fins de lucro (acreditándose cunha declaración responsable do representante).

3.—Ter o seu domicilio social e desenvolver a súas actividades no ámbito territorial do Concello do Barbadás.

4.—Realizar actividades de interese cultural no ámbito do municipio.

5.—Non estar incurso en ningún dos supostos de incapacidade ou incompatibilidade para percibir axudas ou subvencións públicas.

6.—Estar ao corrente coas obrigas tributarias e coa seguridade social.

  • Son subvencionables as actividades culturais, realizadas entre o 1 de xaneiro e o 1 de decembro do ano en curso. Excepcionalmente, poderanse subvencionar actividades realizadas no mes de decembro para o que se faculta á concellaría de Participación Cidadá para a súa autorización, e que se recollan nalgún destes bloques:

A.—As dirixidas á realización de actuacións puntuais ou de carácter permanente no eido cultural en tódalas súas vertentes: música, teatro, literatura, pintura, danza, encontros, obradoiros, cursos, audiovisuais, conferencias, xornadas e análogos.

B.—Ás dirixidas á realización de festas etnográficas, tradicionais e de valor histórico e cultural nas súas parroquias.

Quedan excluídas da presente convocatoria e, por tanto, non serán obxecto de subvención as seguintes actividades:

  • As actividades subvencionadas, no mesmo exercicio, a través doutras convocatorias de subvencións ou plans do Concello ou aquelas que sexan beneficiarias dalgunha axuda ou aportación, directa ou indirecta, de calquera área ou departamento do Concello no mesmo exercicio económico.
  • Os gastos de funcionamento das entidades e os gastos correntes.
  • As viaxes de ocio,os gastos de arreglos florais (ramos, centros, coronas, etc.)
  • As actividades que non teñan un carácter de acceso público.
  • Os gastos de instrumentos e vestiario.
  • Os gastos gastronómicos, excepto naqueles casos que garden relación directa coa actividade e sexan necesarios para esta.
  • As actividades que non se axusten ao descritos nos apartados A e B.
  • As actividades que sexan subvencionadas polo Concello noutras convocatorias ou de xeito directo.

O importe das axudas en ningún caso poderá ser de tal contía que, illadamente ou en concorrencia con outras subvencións ou axudas doutros organismos públicos ou privados, supere o custo da actividade subvencionada.

Serán subvencionables os gastos en material inventariable, necesario/imprescindible para a realización das actividades, sempre que non superen o 20% do orzamento total presentado.

No caso da organización de eventos que conleven comidas, ceas ou similares financiarase ata o 20 % das facturas presentadas en concepto de alimentos e bebidas non alcohólicas, sempre que se xustifique na memoria. Quedan totalmente excluidos como gastos subvencionables os productos de limpeza.

 

 

 

CONTENT-CAT.1733809297

II Romaría Feminista de Barbadás (5 de outubro de 2019)

07/08/2019

II Romaría Feminista de Barbadás (5 de outubro de 2019)

Bases reguladoras para a colocación de postos temporais

O concello de Barbadás, a través da Concellería de Servizos Sociais, Igualdade, Participación Veciñal e Sanidade organiza a II Romaría Feminista de Barbadás, que ten por obxecto reflexionar sobre distintos aspectos relativos á igualdade de xénero, promocionar e visibilizar o papel da muller nas diferentes disciplinas artísticas, así como, poñer en valor todas as actividades realizadas por mulleres no eido creativo, artístico, comercial, asociativo, etc.

Poderán poñer un posto, todas as mulleres que desexen amosar a súa actividade, podendo ser esta, de carácter artístico, artesanal, comercial, informativo ou outro que se considere acaído en relación ao obxecto da Romaría, ate completar aforo.

Bases reguladoras postos Romaría Feminista 2019

ANEXO I -Solicitude de colocación de posto

Para calquera dúbida ao respecto contactar con:
Concellería de Servizos Sociais, Igualdade, Participación Veciñal e Sanidade
Centro de Información á Muller (CIM)
Barrio Fornos, 4- 32890 Barbadás
Tel. 988222251
email: igualdade@barbadas.gal

 

CONTENT-CAT.1733809297

Convocatoria axudas a escolarización para nenos/as de 0-3 anos para o ano 2019

10/06/2019

Convocatoria axudas a escolarización para nenos/as de 0-3 anos para o ano 2019

Convocatoria axudas a escolarización para nenos/as de 0-3 anos para o ano 2019
Primeiro. Obxecto
O obxecto da convocatoria é regular a concesión de subvencións ás familias na escolarización de nenos/as menores de tres
anos, matriculados en escolas infantís privadas de Barbadás nas
que se imparte o primeiro ciclo de Educación Infantil.
Segundo. Beneficiarios
Poderán ser beneficiarios das axudas as familias con nenos e
nenas menores de tres anos inscritos/as nalgunha das escolas
infantís privadas do municipio de Barbadás, que non obtiveran
praza na Escola Infantil Municipal de Barbadás, no curso actual
e/ou no anterior. As escolas infantís privadas do municipio de
Barbadás son as seguintes: – Escola Infantil “Hadas e Duendes”.
– Escola Infantil “Ananiños”.
Terceiro. Importe
Os criterios de baremación virán determinados por:
– A renda anual familiar.
– O número de horas solicitadas.
– Servizo de comedor.
Cuarto. Solicitudes
O prazo de presentación de solicitudes permanecerá aberto
todo o ano.

CONTENT-CAT.1733809297

Xornada formativa: Accidentes de tráfico e seguridade vial

15/03/2019

Xornada formativa: Accidentes de tráfico e seguridade vial

Venres, 29 de marzo de 2019 ás 19:30 hs.

Esta xornada formativa que correrá a cargo de EFESGAL (Escola de Formación en Emerxencias e Saúde de Galicia),  incidirá sobre como actuar ante un accidente de tráfico, as consecuencias das distraccións, os sistemas de retención infantil ou  as novidades lexislativas, entre outros.

Ademais os asistentes, poderán expoñer as dúbidas que lles xurdan nesta materia.

TALLER CET MARZO 299.48 KB

CONTENT-CAT.1733809297

CONTENT-CAT.1733809297

Aberto prazo de inscrición nas actividades para adultos do Concello de Barbadás

18/09/2018

CONTENT-CAT.1733809297

CONTENT-CAT.1733809297

CONTENT-CAT.1733809297

“I LEMBRANZA DA FEIRA DO 21” EN BENTRACES

20/04/2018

“I LEMBRANZA DA FEIRA DO 21” EN BENTRACES

UN OBRADOIRO DE PAN, PASO PREVIO PARA A RECREACIÓN DA ANTIGA FEIRA DO DÍA 21 DE BENTRACES

Gastronomía, arte, tradición e música confluirán na “I Lembranza da Feira do 21”

A cita coa tradición será mañá sábado na Praza do Pumar

  • A asociación de veciños de Bentraces organizou para mañá sábado unha actividade que pretende rememorar a antiga feira do día 21, que se celebraba neste pobo do municipio de Barbadás.

 

  • Tras medio século sen celebrarse, mañá sábado día 21 en Bentraces haberá feira.

 

  • Trátase dunha replica adaptada aos novos tempos da antiga feira da contorna.

 

  • A Asociación vecinal San Bieito de Bentraces organiza a “I Lembranza da Feira do 21” na Praza do Pumar o sábado 21 de abril a partir das 11,30 da mañá.

 

  • Previamente, o venres día 21, desenrolarase un obradoiro de pan no Forno do Florente (Antón) ás 18,00 horas.

 

  • O pan forneado neste forno restaurado situado na rúa de Abaixo, en Bentraces, será degustado na réplica da “Feira do 21”.

 

  • Na feira haberá unha exposición de obxectos antigos recopilados entre a veciñanza de Bentraces: artiluxios para trasfegar o viño, máquinas de coser, elementos de labranza, etc, explica Begoña Fernández Rodríguez, presidenta da asociación de veciños.

 

  • Serán expostas tamén tallas de madeira, pezas de pintura artística e elementos de manualidades.

 

  • Poderá contemplarse en vivo a virtualidade de dous artistas: Conchi Carbajo, que pintará en directo, e Julio Castro Vaamonde, que facerá unha demostración na elaboración de tallas de madeira.

 

  • A lembranza da feira terá tamén o componente gastronómico: haberá degustación de callos (socios- 1 €; non socios- 2€), de boliños e de tortilla, mesturados co pan forneado no obradoiro do venres no Forno do Antón.

 

  • A “I Lembranza da Feira do 21” conta coa colaboración do Concello de Barbadás a través da Concellería de Participación Veciñal.

 

  • Esta cita feiral hai máis de 50 anos que non se celebra. Antigamente dábanse cita vendedores/as de gando e de produtos de horta, habendo incluso no pobo de Bentraces refráns que falan desta feira.

 

  • José Luis Alfageme, membro da directiva da asociación, explica que a finalidade desta feira é “recobrar actividades que se organizaban hai anos, para recuperar as tradicións populares”.

 

  • No apartado musical actuarán o grupo “Velaí vai”, cuxos membros son do pobo de Bentraces e inclúen no seu repertorio pezas tradicionais e cantigas populares.

CONTENT-CAT.1733809297