Advertidos erros na publicación das bases reguladoras do Programa de axudas municipais para a creación de empresas do Concello de Barbadás, (BOP n.º 185, do 13 de agosto de 2020)

Na páxina 14 (galego e castelán) no punto quinto, onde di: “… que iniciasen a súa actividade entre o 1 de novembro de 2019 e o 30 de setembro de 2020…” debe dicir: “entre o 1 de outubro de 2019 e o 30 de setembro de 2020…”

O CONCELLO DE BARBADÁS ACTIVA A CREACIÓN DE EMPREGO NO MUNICIPIO CO PROGRAMA DE AXUDAS MUNICIPAIS PARA CREAR EMPRESAS

O prazo de presentación de solicitudes finaliza o 30 de setembro

As accións incluidas nesta convocatoria financiaranse con importe de 15.000 euros, unha contía que poderá ampliarse en función da dispoñibilidade orzamentaria

• As axudas que habilita o Concello de Barbadás están dirixidas a empresarios/as individuais e pequenas e medianas empresas que iniciasen a súa actividade empresarial entre o 1 de novembro de 2019 e o 30 de setembro de 2020.

• Entre os requisitos xerais dos/as beneficiarios/as figuran que a empresa teña o seu domicilio fiscal e o centro de traballo no concello de Barbadás.

• As empresas deben ser de nova creación, considerando incluidos neste concepto os traspasos de negocios, excepto aqueles que se realicen entre cónxuxes ou parellas de feito e familiares por consanguinidade, afinidade ou adopción ata o segundo grao.

• Como mínimo cada empresa debe crear 1 posto de traballo, non ter débedas coa Seguridade Social nin coa Consellería de Economía e Facenda, coa Axencia Estatal, de Administración Tributaria nin co Concello de Barbadás.

• As axudas son a fondo perdido e a súa finalidade é subvencionar a reación do propio posto de traballo e parte dos gastos iniciais da posta en marcha da actividade.

• O importe das axudas desglósase do seguinte xeito:

• Contía fixa de 500 euros pola cración do propio posto de traballo acreditada mediante a alta no réxime especial de autónomos ou equivalente da Seguridade Social, mutualidade ou colexio profesional.
• Contía variable equivalente á metade dos gastos iniciais de posta en marcha da actividade con un máximo de 1.000 euros por empresa.
• A axuda mínima de 500 euros terá carácter individual, polo tanto concederase a cada un dos promotores/as que acredite terse dado de alta na Seguridade Social, mutualidade ou colexio profesional.

• Relación de gastos obxecto da subvención:

• Os gastos de constitución serán subvencionables ao 50 %.
• As existencias de mercancías serán subvencionables ao 50%.
• Os gastos de aluguer de local, do vehículo industrial, de aplicacións informáticas e de equipos informáticos: subvencionables ao 50 %.
• As primas de seguros tamén serán subvencionables ao 50 %, o mesmo que as subministracións e gastos correntes, os dereitos de propiedade industrial e o imposto de vehículos de tracción mecánica.

• O procedemento da concesión das axudas a emprendedores/as tramitarase en réxime de concorrencia non competitiva, é dicir, non será necesario realizar a comparación e prelación das solicitudes presentadas en un único procedemento ata esgotar o crédito orzamentario.

• O conxunto de axudas desta convocatoria son compatibles con calquera outra concedida por empresas públicas ou privadas, estatais ou internaconais, sempre que o importe total das axudas percibidas polo mesmo concepto non supere o custo total dos gastos subvencionables.

• A Concellería de Promoción Económica, dirixida por Ramón Selas, será a encargada da tramitación das solicitudes e emitirá unha proposta de concesión ou denegación das axudas á Xunta de Goberno Local.

• O prazo máximo para resolver será, como máximo, de 3 meses dende a presentación de solicitudes no Rexistro Xeral do Concello de Barbadás.

• Os/as beneficiarios/as das subvencións deberán poñer no seu local un cartel, de forma visible, no que se indique que a actividade está financiada polo Concello de Barbadás.

Publicación da convocatoria do  PROGRAMA DE AXUDAS MUNICIPAIS PARA A CREACIÓN DE EMPRESAS no ámbito do Concello de Barbadás coa finalidade de colaborar dunha forma activa na xeración de emprego no municipio apoiando a posta en marcha de novos proxectos empresariais.

Data límite de solicitude: 30 de setembro de 2020 ou ata esgotamento de crédito.

O Diario Oficial de Galicia publica a Orde do 30 de xullo de 2020 da Consellería de Economía, Emprego e Industria pola que se establecen as bases reguladoras para a concesión, en réxime de concorrencia non competitiva, das subvencións para o impulso da comercialización dixital, e se procede á súa convocatoria para o ano 2020.

O Diario Oficial de Galicia publica unha resolución da Secretaría Xeral da Igualdade, pola
que se establecen as bases reguladoras das axudas do programa Emega
para o fomento do emprendemento feminino en Galicia, cofinanciadas polo
Fondo Social Europeo.

O Diario Oficial de Galicia publica as bases reguladoras das axudas destinadas, no ámbito da Comunidade Autónoma de Galicia, ás persoas traballadoras e ás empresas afectadas por expedientes de regulación temporal de emprego de suspensión de contratos ou redución da xornada para favorecer o mantemento do emprego ante flutuacións da economía, e se procede á súa convocatoria para o ano 2020.

O prazo de presentación de solicitudes remata o 31 de outubro de 2020.

A Orde do 4 de xuño de 2020 da Consellería de Economía, Emprego e Industria  establece as bases reguladoras do Programa de axudas para a contratación de persoas traballadoras remudistas, e se procede á súa convocatoria para o ano 2020.

A  Secretaría Xeral Técnica da Consellería de Sanidade, publica o Acordo do Consello da Xunta de Galicia, do 12 de xuño de 2020, sobre medidas de prevención necesarias para facer fronte á crise sanitaria ocasionada polo COVID-19, unha vez superada a fase III do Plan para a transición cara a unha nova normalidade.

Estas axudas son destinadas a  proxectos que promovan a adaptación dos beneficiarios elixibles á situación creada polo COVID-19 mediante a implementación efectiva de tecnoloxías dixitais.

Son subvencións a fondo perdido en réxime de minimis e que se resolven polo procedemento de concorrencia non competitiva.

O Boletín Oficial da Provincia de Ourense publica no día de hoxe unha convocatoria de subvencións da Deputación de Ourense.

Estas liñas de axudas están dirixidas a Pemes e traballadores autónomos  dos concellos de menos de 20.000 habitantes que se visen afectados pola crise do Covid-19.

SUBVENCIÓN TRABALLADORES AUTONOMOS

• Esta axuda será compatible con calquer outra.
• Para traballadores autónomos, incluídos no Réxime Especial de Traballadores Autónomos ou no Sistema Especial para traballadores por Conta Propia Agrarios e que figuren dados de alta no Imposto de Actividades Económicas. Non poderá ser beneficiarios os traballadores autónomos colaboradores
• Exercer unha actividade económica con carácter empresarial, profesional ou artística por conta propia nun municipio de Ourense con poboación inferior a 20.000 habitantes.
• Ter recoñecida a prestación extraordinaria por cese de actividade prevista no artigo 17 do RD Lei 8/2020 de 17 de marzo, de medidas urxentes extraordinarias fronte ao impacto económico e social do COVID 19, ou ben por unha perda do 75% ou máis da súa facturación respecto do semestre anterior.
• Recibirán un pago único dunha contía fixa e igual para todos de 600€.
• As solicitudes presentaránse no Rexistro da Deputación de forma presencial ou telemático, nun prazo de 20 días hábiles a partir do seguinte a publicación no BOP, ainda que toda a tramitación e notificación serán electrónicas.
• Documentación a presentar:

o   Formulario normalizado a disposición na web da Deputación.

o   https://www.depourense.es/images/subvencions_coronavirus/Solicitude-subvencion-autonomos-galego.pdf

o   Copia resolución recoñecemento prestación por cese actividade.

o   Certificación situación censal expedida por Axencia Estatal Tributaria posterior a 31/12/2019 na que se indique actividade e domicilio.

o   Certificado titularidade conta corrente para ingreso subvención.

o   Copia poder representación interesado no caso de que se presente a        través representante.

SUBVENCIÓN A PEQUENAS EMPRESAS

• Esta axuda será compatible con calquer outra.
• Para persoas físicas ou xurídicas ou entidades sen personalidade xurídica que exerzan actividade económica nun municipio da provincia de menos de 20.000 habitantes con alta no Imposto de Actividades Económicas, ter menos de dez traballadores a data 14/03/2020 e no exercicio 2019 unha facturación anual a efectos de IVE inferior a un millón de euros. Tamén que a actividade económica realizada non se vise afectada polo peche obrigatorio durante o estado de alarma e a súa facturación a efectos de IVE entre 14/03/2020 e 30/04/2020 se vise reducida nun 50% respecto a media de 2019.
• A subvención será idéntica na súa contía para todos os solicitantes e determinarase logo de pechar prazo de presentación solicitudes, dividindo o crédito (550.000€) entre as solicitudes con dereito a subvención e nunca poderá exceder de 1.000€.
• As solicitudes presentaranse no Rexistro da Deputación de forma presencial ou telemático, nun prazo de 20 días hábiles a partir do seguinte a publicación no BOP.
• Documentación a presentar:

o   Formulario normalizado a disposición na web da Deputación.

o   https://www.depourense.es/images/subvencions_coronavirus/Solicitude-subvencions-pequenas-empresas-galego.pdf

o   Certificación actualizada situación censal expedida Axencia Estatal Tributaria posterior a 31/12/2019 indicando actividade económica e domicilio.

o   Documento Relación liquidación cotización ao mes de marzo de 2020 ou, no seu caso TC1

o   Copia modelo 390 presentado ante a Axencia Estatal Tributaria co resumo anucal facturación IVE exercicio 2019

o   Copia libro rexistro facturas emitidas solicitante 14/03/2020 ao 30/04/2020.

o   Certificado titularidade conta corrente para ingreso subvención.

o   Copia poder representación interesado no caso de que se presente a través de representante.

O CONCELLO DE BARBADÁS ORGANIZA UNHAS XORNADAS INFORMATIVAS EN FORMATO “ON LINE”SOBRE O COVID-19

Dirixidas a empresariado, autónomos e comerciantes. Tamén están destinadas a persoas desempregadas

As xornadas abordan cuestións de interese como consecuencia da pandemia: lexislación, axudas, trámites e resolución de dúbidas

• A Concellería de Promoción Económica do Concello de Barbadás organiza unhas xornadas informativas dirixidas a empresarios/as, autónomos/as , comerciantes e desempregados/as.

• O concelleiro de Promoción Económica, Ramón Selas, explica que “as xornadas abordan cuestións de interese como consecuencia da pandemia: lexislación, axudas, trámites e resolución de dúbidas”.

• As xornadas para empresarios/as, autónomos/as  e comerciantes celebraranse o xoves 7 de  maio entre as 18.00 e as 20.00 horas.

• Para acceder ás xornadas que se impartirán o xoves 7 de maio hai que seguir o seguinte link: https://meet.google.com/npd-addb-xyc?authuser=2

• As xornadas para  desempregados/as impartiranse o venres 8 de maio,  de 11.00 a 13.00 horas e para participar hai que seguir o seguinte enlace: https://meet.google.com/may-gpds-jus?authuser=2

O Boletín Oficial do Estado o domingo día 3 de maio publicou a orde do Ministerio de Sanidade pola que se establecen as condicións de apertura ao público de determinados comercios e servizos, a apertura de arquivos , así como a práctica do deporte profesional e federado.

O CONCELLO DE BARBADÁS AXILIZA O PAGO DE FACTURAS A PROVEEDORES E EMPRESAS PARA DAR LIQUIDEZ CO ÁNIMO DE APOIAR AO COMERCIO LOCAL E AO EMPRESARIO

• O Concello de Barbadás, “no ánimo de seguir apoiando ao comercio local e aos proveedores e empresas que prestan servizos para a administración local, procedeu ao pago de unha suma importante para dar liquidez aos mesmos”, sinala Xosé Carlos Valcárcel, alcalde de Barbadás.

• Co obxecto de dar liquidez e favorecer a actividade empresarial e comercial de proveedores e empresas que manteñen unha relación contractual co Concello de Barbadás, onte realizaronse varias operacións de pago de facturas por valor de 246.475 euros, explica Valcárcel.

• O alcalde de Barbadás e concelleiro de Economía e Facenda indicou que “a pesares da situación xerada polo estado de alarma, o Concello está facendo un esforzo importante para efectivizar os pagos a proveedores e empresas”

O Banco de España vixia que as entidades bancarias “non coloquen” os seus produtos propios aos clientes que piden créditos con avais.

• Segundo informa o periódico “El País” ante algunhas queixas dos/das consumidores, as patronais AEB e CECA lembran aos seus bancos que non pode vincular nada aos préstamos ou liñas de liquidez con aval do Estado.

• Ante a aparición nas redes sociais de vídeos de supostos/as clientes de bancos aos/ás que se lles esixiu contratar seguros de vida ou tarxetas se querían acollerse aos créditos ou liñas de liquidez con aval do Estado.

• Esta práctica non está permitida no contrato firmado entre o sector e o Instituto de Crédito Oficial (ICO), xestor desta liña.

• Segundo unha noticia publicada por “El País” algunhas entidades asumiron esta actuación incorrecta, aínda que o atribuiron a erros de algún/algunha empregado/a que foron subsanados horas despois.

• Co obxecto de que non queden dúbidas no sector, o Banco de España lanzou a inicios de semana, na que comezou a campaña oficial de colocación dos 000 primeiros millóns avalados un comunicado.

• No comunicado do Banco de España lémbrase ao sector bancario que revisará o cumprimento da normativa e as boas prácticas bancarias na comercialización dos avais do ICO.

• O Banco de España considera de vital importancia para a economía do país nestes momentos que os avais do Estado aprobados polo goberno para facilitar o mantemento do emprego e paliar os efectos económicos do COVID-19 sexan comercializados polas entidades financieiras en estrito cumprimento tanto das condicións e requisitos fixados na normativa que os regula coma dos criterios de boas prácticas bancarias.

• Banco de España lembra que, sen prexuízo da atención telefónica e o canal de consultas do ICO, as discrepancias da comercialización dos avais, poden plantexarse ante o servizo de atención ao cliente ou defensor do cliente da entidade comercializadora.

• Se o cliente acudiu a esta vía e considera que o banco non actuou correctamente poderá recorrer ao servizo de atención telefónica do Banco de España (900 54 54 54).

• O presidente do Instituto Oficial de Crédito, José Carlos García de Quevedo, advertiu que as entidades financieiras non poden esixir ás empresas ou aos/ás autónomos/as a contratación de produtos ou servizos adicionais a cambio de conceder estas liñas de liquidez.

• https://elpais.com/economia/2020-04-06/el-banco-de-espana-vigila-que-las-entidades-no-coloquen-productos-propios-a-los-clientes-que-piden-creditos-con-avales.html

Ao abeiro do Plan territorial de emerxencias da Xunta de Galicia e do estado de alarma decretado a nivel estatal, Emprego Galicia, en coordinación co Servicio Público de Empleo Estatal (SEPE), acordou as seguintes medidas:

• As oficinas de emprego permancerán pechadas ao público.
• NON será necesario renovar a demanda de emprego ata o 30 de abril de 2020.
• Se tes que realizar algún trámite urxente na túa demanda de emprego, poderás facelo chamando a túa oficina de emprego ou ao 012.
• Quedan suspendidas as citas presenciais de orientación laboral.
• Quedan aprazadas, mentres dure a suspensión das actividades educativas, as accións de formación profesional para o emprego xestionadas ou financiadas pola Xunta de Galicia, os obradoiros de emprego e os programas integrados de emprego.
• Habilitaranse canles para a recuperación da demanda daquelas persoas inscritas con anterioridade ou para facilitar, no seu caso, a inscrición inicial.
• Ademais, cómpre ter en conta que, no que se refire ás Oficinas de Prestacións dependentes do SEPE:
• NON se terán en conta os prazos actualmente establecidos para solicitar a prestación ou subsidio. É dicir, o teu dereito á prestación ou subsidio queda plenamente asegurado sen ter que cumprir o prazo habitual para solicitalos.
• NON se esixirá a acreditación da busca activa de emprego (BAE) na solicitude do subsidio extraordinario ou renda activa de inserción.

En calquera caso, dende Emprego Galicia irase actualizando toda esta información á medida que se desenvolva o dito plan autonómico.

O Diario Oficial de Galicia publica varias ordes da Consellería de Economía, Emprego e Industria con axudas e subvencións a traballadores autónomos.

-Programa I: Axudas á promoción do emprego autónomo

-Programa II: Axudas a persoas traballadoras autónomas pola contratación indefinida de persoas asalariadas.

-Programa Bono persoas autónomas.

-Programa Bono Renova nos negocios das persoas autónomas.

-Programa Bono nova oportunidade.

-Axudas á conciliación por maternidade ou paternidade de persoas traballadoras autónomas

-Subvencións ás entidades asociativas galegas de persoas traballadoras autónomas.

O Diario Oficial de Galicia publica o martes 7 de xaneiro, as bases reguladoras dos Programas Emprega,onde se regulan os incentivos para a contratación e formación de :

-Xuventude

-Persoas discapacitadas e en risco de exclusión

-Mulleres

-Persoas desempregadas de longa duración

A Secretaría Xeral da Emigración,amplía a dotación orzamentaria da Resolución do 11 de xuño de 2019 pola que se aproban as bases reguladoras para a concesión, en réxime
de concorrencia non competitiva, de subvencións para promover o autoemprego
e a actividade emprendedora na Comunidade Autónoma galega das persoas
galegas retornadas e dos seus descendentes, e se procede á súa convocatoria
para o ano 2019.

-No DOG do 17 de xuño publícanse  subvencións para promover o
autoemprego e a actividade emprendedora na Comunidade Autónoma galega
das persoas galegas retornadas e dos seus descendentes, e se convocan para
o ano 2019.

-No DOG do 19 de xuño convócase un programa extraordinario para o recoñecemento
de actividades artesanais e tamén unha resolución  pola que se establecen as bases reguladoras para a concesión, en réxime
de concorrencia competitiva, de subvencións para actuacións de mellora das
infraestruturas dos establecementos turísticos de aloxamento da Comunidade
Autónoma de Galicia e se establece a súa convocatoria para o ano 2019

-No DOG do 21 de xuño publícase a ampliación da  convocatoria de subvencións para a concesión directa de bolsas e axudas para persoas traballadoras desempregadas que participen en accións formativas de formación profesional para o emprego correspondentes aos exercicios 2018 e 2019

* Resultaron beneficiadas oito iniciativas, cinco delas promovidas por mulleres

* O alto número de solicitudes levou ó Concello a elevar un 50% a partida de axudas ata fixala en 18.000 €

Barbadás, 11 de xaneiro de 2019. O concello de Barbadás ven de conceder axudas a oito empresas de nova creación a través da Concellería de Promoción Económica, que dirixe o tenente de alcalde, Xosé Manuel Fírvida, co obxectivo de “colaborar á consolidación de iniciativas empresariais e comerciais recentes e que poidan situarse no camino da dinamización económica e social do noso concello”, segundo o edil nacionalista.

A cuantía das axudas, fixada inicialmente en 12.000 euros, foi incrementada nun 50%, situándoa en 18.000 “debido ó número de solicitudes presentadas e que nos parecían o suficientemente interesantes e ben enfocadas para resultar exitosas como para aumentar o esforzo orzamentario por parte do Concello”, apunta Fírvida. Ainda así, duas empresas aspirantes quedaron fóra das subvencións debido ó esgotamento do crédito. O criterio de eliminación foi establecido en función do orden de solicitude, resultando estas as últimas en presentalas ó ser presentadas o último día (31 de outubro de 2018, as 13,55 e ás 21,27 horas, respectivamente. Ainda foi apartada unha terceira por ter iniciado a sua actividade con anterioridade ó 1 de outubro de 2017, que era a data de prazo máximo para poder ter dereito á demanda de subvención.

Das oito iniciativas de emprendemento subvencionadas, cinco están promovidas por mulleres; sete delas obtiveron 2.500 euros cada unha, que é a cantidade máxima fixada nas bases para cada unha, en tanto que a octava recibiu 500 euros.

O titular da área de Promoción Económico amósase “satisfeito da resposta obtida, o cal nos indica que estamos no camino axeitado cas medidas de estímulo á actividade empresarial no concello de Barbadás, que aplicamos por segundo ano consecutivo para favorecer o asentamento de novos negocios e contribuir a impulsar a creación de postos de traballo”.

As axudas contemplan subvencións para a compra de inmovilizado, equipos informáticos, gastos xerados no proceso de apertura e constitución da empresa, adquisición inicial de mercadorías, gastos correntes de aluguer de local, gastos de auga, calefacción e teléfono, gastos en publicidade de lanzamento, así como dereitos de propiedade industrial; axudas para abonar o dominio de internet ou elaboración de páxina web da empresa; a asistencia dos promotores a cursos, seminarios e xornadas de temas que teñan que ver co obxecto da formación para a posta en marcha da actividade empresarial; inversión en concepto de adquisición de activos fixos novos, como ordenadores, termináis de punto de venta ou impresoras, etc.; imposto de vehículos de tracción mecánica, ainda que so un por empresa e deberá estar adicado directamente coa actividade da empresa para uso comercial, transporte ou reparto.