O xoves 15 de novembro deu comezo o Obradoiro de Emprego «Concellos Rurais da Comarca de Ourense: Barbadás, Taboadela e Toén IV», unha iniciativa que permitirá formar durante nove meses a 20 alumnos/as-traballadores/as.

A formación desenvolverase en dúas especialidades: Atención sociosanitaria a persoas dependentes en institucións (SSCS0208) e Aproveitamentos forestais (AGAR0108), co obxectivo de mellorar a cualificación profesional e favorecer a inserción laboral das persoas participantes.

O Diario Oficial de Galicia publica a resolución da Secretaría Xeral de Emprego e Relacións Laborais, pola que se dá publicidade das bases reguladoras e da convocatoria para a selección de pequenas e medianas empresas e persoas traballadoras autónomas ás cales se prestarán servizos do programa Responsabilízate, quinta edición (código de procedemento TR320B).

Responsabilízate ofrece asesoramento 100 % gratuíto destinado a apoiar as pemes e microempresas do tecido empresarial galego na súa transformación cara modelos de negocio ambiental, social e economicamente sostibles. As entidades beneficiarias reciben acompañamento integral, formación e servizos de consultoría gratuítos por parte dun grupo de expertos para desenvolver iniciativas adaptadas ás súas necesidades, recursos e prioridades.

O programa ofrece:

• Análise de estado, potencial competitivo e situación da sostibilidade da empresa.
• Formación en liña “Fundamentos ASG para empresas” (15 horas).
• Asesoramento e formación personalizados.
• Definición dun plan de acción, acompañamento na implantación das primeiras accións e seguimento.

Persoas beneficiarias

Poderán ser beneficiarias do programa Responsabilízate as pequenas e medianas empresas (pemes), así como as persoas traballadoras autónomas, que teñan radicado o seu domicilio social e que conten con algún centro de traballo en Galicia

Prazo para presentar as solicitudes

O prazo estará aberto desde o día 3 de xuño e ata que se acade o número de prazas máximo segundo a dispoñibilidade orzamentaria.

O programa de impulso ao emprendemento xuvenil busca dotar ás persoas participantes das competencias necesarias para transformar unha idea nun proxecto viable, fomentando a iniciativa, a creatividade, a autonomía e a toma de decisións responsables.

Mellorar a empregabilidade das persoas mozas, promovendo os valores do emprendemento como vía de desenvolvemento profesional e persoal, e ofrecendo formación, orientación e acompañamento a quen desexe poñer en marcha a súa
propia idea de negocio.

Información en RED ARAÑA : 915 25 50 99 ou info@empleoenred.org

A Consellería de Emprego,Comercio e Emigración da  Xunta de Galicia mantén aberto o programa de axudas para a promoción do emprego autónomo ata o día 30 de xuño de 2026.

Procedemento TR341D Promoción do emprego autónomo das persoas traballadoras autónomas.

Se tes  unha idea de negocio ou estás empezando a emprender, esta é a túa oportunidade para dar o seguinte paso nun lugar pensado para facer crecer o teu proxecto. Nas instalacións do Centro Empresarial Transfronteirizo de Barbadás está dispoñible un niño empresarial.

Este espazo está pensado para facilitar o inicio da actividade económica, ofrecendo instalacións adecuadas e un entorno profesional que favorece o crecemento das novas empresas.

Cederase inicialmente por 12 meses con posibilidade de prórroga ata 36 meses. A persoa beneficiaria terá que abonar un custo simbólico ao mes, no que se inclúe mobiliario, equipos informáticos, conexión a Internet, luz, calefacción e servizo de limpeza. Tamén terá asesoramento e apoio do persoal técnico do CET.

Máis información no cet@barbadas.es ou no 988 360 413

O Diario Oficial de Galicia publica a Orde da Consellería de Emprego, Comercio e Emigración, do 29 de decembro de 2025, pola que se establecen as bases reguladoras do programa Galicia Suma Talento: Emprégate, de incentivos á contratación na empresa ordinaria, e se procede á súa convocatoria para o ano 2026 (código de procedemento TR342C)

Entidades beneficiarias

Poderán ser entidades beneficiarias dos incentivos previstos nesta orde as persoas empregadoras e as empresas, calquera que sexa a forma xurídica que adopten, incluídas as persoas autónomas que contraten persoas traballadoras por conta allea para prestaren servizos en centros de traballo radicados na Comunidade Autónoma de Galicia, de acordo cos requisitos e coas condicións que se establecen nesta orde. Tamén poden ser beneficiarios dos incentivos os centros especiais de emprego, excepto para subscribir contratos con persoas con discapacidade, e as empresas de inserción laboral, salvo para subscribir contratos con persoas en situación ou risco de exclusión social.

Obxecto

Esta orde ten por obxecto fixar as bases reguladoras e convocar para o ano 2026 as axudas establecidas pola Consellería de Emprego, Comercio e Emigración que favorezan a contratación de persoas desempregadas na empresa ordinaria e en entidades sen ánimo de lucro, especialmente daquelas que teñen maiores dificultades de inserción laboral.

A orde regula o programa Galicia Suma Talento: Emprégate (código de procedemento TR342C), de incentivos á contratación por conta allea dos colectivos vulnerables recollidos no artigo 24.1.a), a través dunha liña de incentivos á contratación por conta allea cuxas particularidades se recollen nesta orde, e que inclúe catro modalidades de axudas:

a) Incentivos á contratación indefinida inicial de persoas desempregadas.

b) Incentivos ao incremento de xornada das contratacións indefinidas, de tempo parcial a tempo completo.

c) Incentivos ao incremento da duración anual dos contratos fixos-descontinuos a un mínimo de 9 meses.

d) Axudas para a adaptación de postos de traballo de persoas con discapacidade.

e) Transformación en indefinidos dos contratos formativos subvencionados con cargo ao programa de primeira experiencia profesional (TR353C).

 Importe

Para a concesión destas axudas destínanse dezanove millóns setecentos mil euros (19.700.000 €), distribuídos do seguinte xeito:

– Persoas mozas: 4.000.000 €.

– Mulleres vítima de violencia de xénero e/ou vítima de trata de seres humanos, e mulleres con fillos e fillas menores de 3 anos, desempregadas de longa duración ou inactivas nos últimos 3 anos: 2.500.000 €.

– Mulleres en ocupacións masculinizadas: 1.200.000 €.

– Persoas desempregadas de longa duración e/ou persoas de 52 ou máis anos: 3.000.000 €.

– Persoas emigrantes retornadas e estranxeiras: 3.000.000 €.

– Persoas con discapacidade e/ou en risco ou en situación de exclusión social: 3.000.000 €.

– Persoas desempregadas que nos últimos 2 anos remataran accións de AFD, obradoiros de emprego ou programas integrados de emprego: 1.500.000 €.

– Persoas desempregadas que desenvolveran contratos formativos ao abeiro do programa de primeira experiencia profesional nos últimos 2 anos: 1.000.000 €.

– Para todos os colectivos anteriores, no caso de que a entidade beneficiaria sexa una entidade sen ánimo de lucro: 500.000 €.

Prazo de presentación de solicitudes

O prazo xeral para a presentación das solicitudes das axudas establecidas nesta orde comezará ás 9.00 horas do 17 de febreiro, e rematará ás 20.00 horas do 30 de setembro de 2026.

No Diario Oficial de Galicia publícanse no día de hoxe varias Ordes da Consellería de Emprego, Comercio e Emigración da Xunta de Galicia que conteñen as bases reguladoras de distintos programas de subvencións dirixidos a :

• Persoas traballadoras autónomas, entidades asociativas galegas de persoas traballadoras autónomas, e para emprendemento de persoas emigrantes galegas retornadas.

-ORDE do 17 de decembro de 2025 pola que se establecen as bases reguladoras para a promoción e consolidación do emprego autónomo a través do Programa de axudas a persoas traballadoras autónomas pola contratación indefinida e a formación de persoas asalariadas, e se convocan para o ano 2026 (código de procedemento TR349F)

-ORDE do 30 de decembro de 2025 pola que se establecen as bases reguladoras dos programas de subvencións para sufragar os gastos de funcionamento das entidades asociativas galegas de persoas traballadoras autónomas e a contratación de persoal de apoio, e se convocan para o ano 2026 (código de procedemento TR358A)

-ORDE do 30 de decembro de 2025 pola que se establecen as bases reguladoras dos programas de axudas ás persoas traballadoras autónomas, cofinanciadas parcialmente pola Unión Europea no marco do programa FSE+ Galicia 2021-2027, e se procede á súa convocatoria para o ano 2026 (códigos de procedemento TR341D, TR790A, TR341Q, TR353D e TR341R)

Dentro destas axudas están:

• I.Promoción do emprego autónomo
• II.Nova oportunidade
• III.Bono das persoas traballadoras autónomas
• IV.Bono remuda das persoas traballadoras autónomas
• V.Conciliación das persoas traballadoras autónomas

-RESOLUCIÓN do 15 de xaneiro de 2026, da Secretaría Xeral da Emigración, pola que se aproban as bases reguladoras para a concesión, en réxime de concorrencia non competitiva, de subvencións para promover o autoemprego e a actividade emprendedora na Comunidade Autónoma galega das persoas emigrantes galegas retornadas, e se procede á súa convocatoria para o ano 2026 (código de procedemento PR937A)

O Diario Oficial de Galicia publica a  Orde do 16 de xaneiro de 2026  da Consellería de Emprego, Comercio e Emigración pola que se establecen as bases reguladoras das subvencións para apoiar iniciativas de emprendemento e se procede á súa convocatoria para a anualidade de 2026.

Persoas, entidades beneficiarias e requisitos

1. Poderán ser beneficiarias destas axudas as persoas traballadoras autónomas, mutualistas e as pequenas e medianas empresas segundo a definición establecida pola Comisión Europea no anexo I do Regulamento (UE) nº 651/2014, e as sociedades cooperativas e laborais, que cumpran os dous requisitos seguintes: que se constitúan ou dean de alta, segundo a natureza xurídica da entidade de que se trate, e que iniciasen a súa actividade económica desde o 1 de xaneiro de 2024, de conformidade co establecido no artigo 1.

2. As persoas interesadas deberán cumprir os seguintes requisitos:

a) Ter o domicilio fiscal en Galicia.

b) Ter presentado, de ser o caso, as contas anuais do último ano no Rexistro Mercantil ou no Rexistro de Cooperativas, segundo corresponda á súa forma xurídica.

c) Terse constituído ou dado de alta, segundo a natureza xurídica da entidade de que se trate, e ter iniciado a súa actividade económica no período que transcorre entre o 1 de xaneiro de 2024 ata a data de presentación da solicitude.

d) Ter a capacidade administrativa, financeira e operativa para cumprir as condicións da axuda.

e) Estar ao día no pagamento das súas obrigas tributarias e da Seguridade Social para obter subvencións.

f) Non ter sido sancionadas mediante resolución firme coa perda da posibilidade de obter subvencións.

3. Non poderán ser beneficiarias desta subvención aquelas iniciativas de emprendemento que obtiveran resolución favorable ao abeiro da Orde do 28 de xuño de 2023 (DOG núm. 127, do 5 de xullo), da Orde do 16 de xaneiro de 2024 (DOG núm. 25, do 5 de febreiro) e da Orde do 28 de abril de 2025 (DOG núm. 90, do 13 de maio).

Obxecto

Esta orde ten por obxecto aprobar as bases reguladoras polas cales se rexerá a convocatoria pública de subvencións de apoio ao emprendemento para as persoas traballadoras autónomas e pequenas e medianas empresas, incluídas as cooperativas e sociedades laborais, que se atopen de alta e iniciasen a súa actividade económica desde o 1 de xaneiro de 2024 no ámbito da Comunidade Autónoma de Galicia.

A finalidade é facilitar as iniciativas de emprendemento, contribuíndo ao incremento da súa actividade económica e á súa competitividade e, en definitiva, mantendo empregos de calidade, a través do apoio ao financiamento do investimento realizado e pagado entre o 1 de xullo de 2025 e a data da presentación da solicitude.

Importe

Para a concesión destas axudas destínanse seis millóns setecentos mil euros (6.700.000 €).

 Prazo de presentación de solicitudes

As axudas previstas nesta convocatoria poderanse solicitar desde o día 31 de xaneiro  ata o 2 de marzo de 2026.

O Diario Oficial de Galicia publica a Resolución da Dirección Xeral de Formación e Cualificación para o Emprego de convocatoria das probas de avaliación en competencias clave.

Estas probas están dirixidas ás persoas que desexen acceder a certificados de profesionalidade de nivel 2 e 3 sen contar coa titulación académica requirida.

Estas avaliacións permitirán acreditar as competencias en comunicación en lingua galega e castelá, competencia matemática e comunicación en lingua estranxeira, segundo o nivel correspondente.

O prazo de presentación de solicitudes será de un mes contado desde o xoves 15 de xaneiro.

• O alcalde, Xosé Carlos Valcárcel, e o concelleiro de Promoción Económica, José Manuel Morgade, reuníronse con Beatriz Sestayo, xerente de Suelo Empresarial Atlántico (SEA)
• Os dous informes realizados sobre a viabilidade urbanística, técnica e económica da construción do parque son favorables

O Concello de Barbadás avanza un paso máis para facer realidade a construción dun polígono industrial no concello, un dos proxectos estratéxicos prioritarios para o goberno local. O alcalde, Xosé Carlos Valcárcel, e o concelleiro de Promoción Económica, José Manuel Morgade, reuníronse con Beatriz Sestayo, xerente de Suelo Empresarial Atlántico (SEA), para valorar os dous informes realizados sobre a viabilidade do polígono. “Ambos informes arroxan resultados esperanzadores, sobre todo porque permitirían dotar de chan industrial a unha zona moi próspera que o precisa”, recalcou Sestayo.

Os dous estudos analizan pormenorizadamente a viabilidade urbanística, técnica e económica do proxecto, e ambos son favorables, o que supón un importante paso na consecución deste obxectivo estratéxico. Cabe destacar a excelente ubicación de Barbadás, tan preto da cidade, así como as boas conexións coas vías de alta capacidade. 

Xosé Carlos Valcárcel destaca a relevancia do favorable resultado de ambos informes, e incide no interese do goberno local por facer realidade ese espazo: “Seguimos traballando para implantar no noso territorio un área industrial que dinamice aínda máis o cuarto concello da provincia”. Nesa liña, recorda os obxectivos do futuro polígono: “Crear emprego, a pesares de ser xa un dos municipios ourensáns con menos desemprego, e diversificar as actividades industriais e empresariais de Barbadás”. 

O próximo paso é a elaboración dun proxecto estruturante e outro de urbanización, dos que se encargará o Concello, para analizar custes e fixar o precio da inversión, da que sería SEA o inversor maioritario. Na reunión tamén se valorou a importancia de achegarse ao empresariado do municipio para coñecer as súas necesidades e inquedanzas.

A Consellería do Medio Rural publicou no Diario Oficial de Galicia do 30 de abril as achegas para a execución de operacións en apoio de terceiras persoas ao abeiro da intervención Leader, no marco do Plan Estratéxico da Política Agraria Común 2023-2027, así como as facilidades de acceso ao financiamento, dotadas cun orzamento de 12,6 millóns de euros.

Estes fondos xestionaranse a través dos 24 Grupos de Desenvolvemento Rural (GDR) seleccionados como entidades colaboradoras da Axencia Galega de Desenvolvemento Rural para a xestión da intervención Leader. No caso de Barbadás, o Grupo de Desenvolvemento Rural  ADERCOU, atópase ubicado nas dependencias do Centro Empresarial Transfronteirizo e o teléfono de contacto é  988 360 17.

Financiaranse iniciativas que supoñan a posta en marcha de proxectos produtivos xeradores de emprego e de proxectos non produtivos que beneficien ao conxunto da poboación en xeral.

Poderanse beneficiar destas axudas as entidades públicas de carácter local ou comarcal, as persoas físicas e xurídicas e as comunidades de montes en man común, así como as súas mancomunidades. As achegas concederanse en forma de subvención directa de capital non reembolsable e calcularase sobre os custos subvencionables tendo en conta a porcentaxe da axuda que resulte de aplicación do proxecto, en función dos criterios de selección establecidos por cada GDR.

Bono Activa Rural

A maiores, esta convocatoria inclúe como novidade o Bono Activa Rural. Isto consiste nunha subvención que se basea nun importe de axuda a tanto global destinada á creación e posta en marcha de actividades non agrarias nestas contornas, cunha aportación máxima de ata 18.000 euros.

Esta axuda non estará vinculada á xustificación de ningún gasto ou investimento, senón que se relacionará co mantemento da actividade e ao cumprimento do plan empresarial presentado pola persoa seleccionada durante, polo menos, cinco anos. Este plan empresarial deberá demostrar a viabilidade económica e técnica da empresa, apoiándose para iso nas condicións de mercado. Os proxectos que se beneficien desta modalidade de axuda concorrerán cos demais proxectos de natureza produtiva que se presenten.

Neste caso, poderán beneficiarse as persoas físicas que se dean de alta no réxime de traballadores autónomos e xeren unha actividades empresarial a título individual na que se cree, como mínimo, o seu posto de traballo.

O Diario Oficial de Galicia publica a Orde da Consellería de Emprego, Comercio e Emigración, do 27 de decembro de 2024, pola que se establecen as bases reguladoras dos programas de axuda ás persoas traballadoras autónomas, cofinanciadas parcialmente pola Unión Europea no marco do programa FSE+ Galicia 2021-2027, e se procede á súa convocatoria para o ano 2025 (códigos de procedemento TR341D, TR790A, TR341Q, TR353D e TR341R).

Persoas beneficiarias

Programa I. Promoción do Emprego Autónomo (TR341D).

Liña 1.

Persoas traballadoras autónomas demandantes de Emprego que causen alta no réxime especial de autónomos ou en calquera outro réxime especial por conta propia da Seguridade Social ou en mutualidade ou colexio profesional, entre o 30 de setembro de 2024 e o 30 de setembro de 2025, ambas inclusive, sempre que cumpran os requisitos exixidos na orde.

Liña 2.

Ser persoa autónoma beneficiaria da cota reducida regulada no apartado 1 do artigo 38 ter da Lei 20/2007, de 11 de xullo no momento de presentación da solicitude e cumprir o resto de requisitos esixidos na Orde.

Programa II. Bono Nova Oportunidade (TR790A).

Poderán ser beneficiarias as persoas autónomas que teñan sido autónomas con anterioridade, dentro dos últimos 5 anos desde a data da publicación da Orde de convocatoria e queren volver a emprender. Deberán ter cotizado anteriormente a esta nova alta, polo menos durante 3 meses ininterrompidos na súa vida laboral no Réxime Especial de Traballadores Autónomos (RETA ou en calquera outro réxime especial por conta propia da Seguridade Social ou en mutualidade de colexio profesional) e transcorrer un período mínimo de seis (6) meses entre a nova alta e a anterior baixa. Ademais estar inscrita como persoa demandante de emprego nos servizos públicos de emprego con carácter previo a nova alta, e carecer de ocupación efectiva ou contrato en vigor no momento inmediatamente anterior á de inicio da actividade laboral.

Programa III. Programa Bono Autónomo (TR341Q).

Poderán ser beneficiarias as persoas traballadoras autónomas de alta no RETA, ou en calquera outro réxime especial por conta propia da Seguridade Social ou en mutualidade de colexio profesional, que na data solicitude teñan unha antigüidade superior a 42 meses ininterrompidos computados desde a data da solicitude, na realización efectiva dunha actividade empresarial ou profesional, ademais de cumprir o resto de requisitos establecidos na Orde.

Programa IV. Bono Remuda (TR353D).

Poderán ser beneficiarios do Bono Remuda as persoas traballadoras autónomas, de alta no RETA ou en calquera outro réxime especial por conta propia da Seguridade Social, así como as mutualistas, e as sociedades de calquera clase, incluídas as unipersoais e comunidades de bens, con domicilio fiscal en Galicia na data da solicitude e que cumpra o resto dos requisitos establecidos na Orde.

O negocio obxecto de remuda debe ter o domicilio social e fiscal e o centro de traballo na Comunidade Autónoma de Galicia e un mínimo de antigüidade de 5 anos. Ademais non poden ter transcorrido mais de 12 meses entre a publicación desta orde e a baixa no RETA ou en calquera outro réxime especial por conta propia da Seguridade Social ou mutualidade, e no IAE, da persoa titular do negocio que se transmite. Este negocio que se transmite debe estar inscrito na Bolsa de Remuda da Rede de Polos de Emprendemento de Galicia.

Programa V. Bono concilia (TR341R).

Poderán ser beneficiarias destas subvencións as persoas traballadores que estean dadas de alta no RETA ou en calquera outro réxime especial por conta propia da Seguridade Social, así como as persoas mutualistas, no caso de persoas membros das sociedades mercantís, laborais e civís, e comunidades de bens, a título individual. A actividade empresarial ou profesional deberá desenvolverse en Galicia así como o domicilio fiscal.

Bono Autónomo Concilia I: a persoa solicitante ten ou tivo que estar de baixa por maternidade ou paternidade, ou situacións asimiladas. O contrato a realizar será de substitución, ou contrato indefinido, segundo o caso, formalizado por escrito en modelo oficial coas tarefas a realizar pola persoa substituta que deben ser as mesmas que a persoa traballadora autónoma substituída.

Bono Autónomo Concilia II: Ten que acreditar a súa relación de parentesco ata o segundo grao de consanguinidade ou afinidade coa persoa menor, maior e/ou persoa con discapacidade e dependencia. De non existir relación de parentesco debe acreditarse a convivencia no mesmo domicilio que a persoa maior e/ou persoa con discapacidade e dependencia, como mínimo nos tres últimos meses anteriores á presentación da solicitude.

Bono Autónomo Concilia III: ten que acreditarse a contratación dun centro ou servizo de coidado de menores, maiores e/ou persoa con discapacidade ou dependencia. No caso de non existir relación de parentesco debe acreditarse a convivencia previa de igual forma que no parágrafo anterior.

Obxecto

Esta orde ten por obxecto aprobar as bases reguladoras polas cales se rexerá a convocatoria pública das axudas ás persoas traballadoras autónomas que desenvolvan a súa actividade na Comunidade Autónoma de Galicia , para o ano 2025:

Programa I: Promoción do Emprego Autónomo das persoas traballadoras autónomas (TR341D), destinado a apoiar as persoas desempregadas que inicien a súa actividade empresarial como persoas traballadoras autónomas, cofinanciado pola Unión Europea no marco do Programa FSE+ Galicia 2021-2027.

Programa II: Nova Oportunidade das persoas traballadoras autónomas (TR790A), destinado a facilitar a volta á actividade económica das persoas traballadoras autónomas que non tiveron éxito no seu anterior intento.

Programa III: Bono das persoas traballadoras autónomas (TR341Q), destinado a apoiar a consolidación de proxectos que superaron os 42 meses de vida, co obxecto de mellorar a súa competitividade.

Programa IV: Bono Remuda das persoas traballadoras autónomas (TR353D), destinado a evitar o peche de negocios por falta de relevo xeracional.

Programa V: Axudas a conciliación das persoas traballadoras autónomas (TR341R), destinado a apoiar e promover a conciliación das persoas traballadoras autónomas.

Prazo de presentación de solicitudes

O prazo xeral para a presentación das solicitudes das axudas establecidas nesta orde comezará o 24 de xaneiro de 2025 e rematará o 30 de setembro de 2025.

O Diario Oficial de Galicia publica  a Orde da Consellería de Emprego, Comercio e Emigración, do 27 de decembro de 2024, pola que se establecen as bases reguladoras para a promoción e consolidación do emprego autónomo a través do Programa de axudas a persoas traballadoras autónomas pola contratación indefinida e a formación de persoas asalariadas, e se procede á súa convocatoria para o ano 2025 (código de procedemento TR349F)

Entidades beneficiarias

Poderán ser beneficiarias as persoas traballadoras autónomas ou as persoas profesionais con domicilio social e fiscal en Galicia, pola primeira, segunda e terceira contratación que realicen con carácter indefinido.

Obxecto

O obxecto desta orde é fixar as bases reguladoras e proceder á convocatoria para o ano 2025 dos incentivos á contratación indefinida inicial e a formación de persoas desempregadas realizada polas persoas traballadoras autónomas ou por persoas profesionais con domicilio social e fiscal na Comunidade Autónoma de Galicia co fin de promover a consolidación do emprego autónomo (código de procedemento TR349F).

Este programa inclúe dous tipos de axudas compatibles entre si:

1. Bono de contratación, por medio do cal se proporcionará unha subvención para a contratación indefinida inicial de persoas desempregadas.

2. Bono de formación (opcional), por medio do cal se proporcionará unha subvención para accións formativas dirixidas ás persoas traballadoras cuxos contratos se subvencionan por medio desta orde, co obxecto de mellorar os seus coñecementos e as habilidades relacionadas co posto de traballo.

 Importe

Para a concesión destas axudas destínase un millón trescentos cincenta mil euros (1.350.000 euros).

Prazo de presentación de solicitudes

O prazo xeral para a presentación das solicitudes das axudas establecidas nesta orde comezará o día 24 de xaneiro de 2025 e rematará o 30 de setembro de 2025.

O Diario Oficial de Galicia publica a Orde da Consellería de Política Social e Igualdade do 13 de agosto de 2024 pola que se establecen as bases reguladoras das axudas do programa Emega para o fomento do emprendemento feminino en Galicia, cofinanciadas pola Unión Europea no marco do Programa FSE+ Galicia 2021-2027, e se procede á súa convocatoria para o ano 2024 (código de procedemento SI429A)

Persoas beneficiarias

Poderán ser beneficiarias das axudas do programa Emega as empresas privadas formadas por mulleres que inicien a súa actividade económica ou formalicen os seus plans de reactivación e/ou mellora no período comprendido entre o 1 de agosto de 2023 e a data da fin do prazo de presentación de solicitudes, sempre que cumpran todas as condicións e requisitos comúns e os específicos da correspondente liña ou tipo de axuda previstos nas bases reguladoras.

Debe tratarse de empresas coa categoría de micro ou pequenas empresas, calquera que sexa a forma xurídica que adopten: empresarias individuais, sociedades civís, comunidades de bens, entidades sen personalidade xurídica ou sociedades mercantís, incluídas as sociedades laborais, as cooperativas de traballo asociado e as sociedades profesionais.

Obxecto

As axudas concédense en réxime de concorrencia competitiva e teñen por obxecto apoiar e fomentar o emprendemento feminino en Galicia e a creación de emprego, por conta propia e por conta allea, para mulleres.

O programa Emega comprende as seguintes liñas e axuda complementaria:

a) Liña Emprende: liña de axudas económicas mediante incentivos para promover a posta en marcha de novas iniciativas empresariais.

b) Liña Activa: liña de axudas económicas mediante incentivos para favorecer a reactivación, consolidación e mellora de empresas para paliar unha situación económica adversa e acadar o necesario equilibrio empresarial para asegurar a súa pervivencia e consolidación no actual contexto económico.

c) Liña ITEF: liña de axudas económicas mediante incentivos para impulsar a implantación de iniciativas empresariais de carácter innovador, con contido científico ou con base tecnolóxica.

d) Axuda complementaria Concilia: co obxecto de promover a conciliación da vida persoal, familiar e laboral, en dúas modalidades: Concilia-promotoras e Concilia-persoas traballadoras por conta allea.

Importe

A contía das axudas establécese en función da liña solicitada e do número de postos de traballo xerados ou mantidos para mulleres, por conta propia e por conta allea, de acordo co seguinte:

a) Liña Emprende: incentivos desde 10.000 € ata 22.000 €.

b) Liña Activa: incentivos desde 8.000 € ata 17.000 €.

c) Liña ITEF: incentivos desde 18.000 € ata 42.000 €.

d) Axuda complementaria concilia:

• Concilia-promotoras: incentivo de 3.000 €.

• Concilia-persoas traballadoras por conta allea: incentivos desde 1.000 € a 5.000 €.

Prazo de presentación de solicitudes

O prazo de presentación de solicitudes será dun mes contado a partir do día 28 de agosto de 2024.

O Diario Oficial de Galicia publica varias convocatorias de subvencións para emprendemento:

-RESOLUCIÓN do 29 de decembro de 2023, da Secretaría Xeral da Emigración, pola que se aproban as bases reguladoras para a concesión, en réxime de concorrencia non competitiva, de subvencións para promover o autoemprego e a actividade emprendedora na Comunidade Autónoma galega das persoas emigrantes galegas retornadas, e se procede á súa convocatoria para o ano 2024 (código de procedemento PR937A)

 Persoas beneficiarias

Poderán ser beneficiarias destas subvencións as seguintes persoas que, residindo fóra de España, se establezan na Comunidade Autónoma galega:

1. As persoas galegas e nacidas en Galicia.

2. Os/as cónxuxes ou persoas con unión análoga á conxugal e os/as descendentes por consanguinidade das persoas galegas e nacidas en Galicia.

Obxecto

Esta resolución ten por obxecto establecer as bases que regularán o procedemento de concesión, en réxime de concorrencia non competitiva, de subvencións para promover o autoemprego e a actividade emprendedora na Comunidade Autónoma galega das persoas emigrantes galegas retornadas que se establezan como persoas traballadoras autónomas ou por conta propia (código de procedemento PR937A).

Prazo de presentación de solicitudes

O prazo de presentación de solicitudes comezará o día 3 de febreiro de 2024 e rematará o 30 de setembro de 2024

-ORDE do 16 de xaneiro de 2024 pola que se establecen as bases reguladoras das subvencións para apoiar iniciativas de emprendemento e se procede á súa convocatoria para a anualidade 2024 (código de procedemento TR880A)

Persoas, entidades beneficiarias e requisitos

Poderán ser beneficiarias destas axudas as persoas traballadoras autónomas, mutualistas e as pequenas e medianas empresas, segundo a definición establecida pola Comisión Europea no anexo I do Regulamento (UE) núm. 651/2014, e as sociedades cooperativas e laborais, así como as empresas de inserción e os centros especiais de emprego, previstos no artigo 6 da Lei 6/2016, do 4 de maio, da economía social de Galicia, que cumpran os dous requisitos seguintes: que se constitúan ou dean de alta, segundo a natureza xurídica da entidade de que se trate, e que iniciasen a súa actividade económica dende o 1 de xaneiro de 2022, de conformidade co establecido no artigo 1.

As persoas interesadas deberán cumprir os seguintes requisitos:

a) Ter o domicilio fiscal en Galicia.

b) Figurar inscritas como tales nos correspondentes rexistros administrativos da Comunidade Autónoma de Galicia.

c) Ter presentado, de ser o caso, as contas anuais do último ano no Rexistro Mercantil ou no Rexistro de Cooperativas, segundo corresponda á súa forma xurídica.

d) Terse constituído ou dado de alta, segundo a natureza xurídica da entidade de que se trate, e ter iniciado a súa actividade económica no período que transcorre entre o 1 de xaneiro de 2022 e a data de presentación da solicitude.

e) Ter a capacidade administrativa, financeira e operativa para cumprir as condicións da axuda.

f) Estar ao día no pagamento das súas obrigas tributarias e da Seguridade Social para obter subvencións.

g) Non ter sido sancionadas mediante resolución firme coa perda da posibilidade de obter subvencións.

h) No caso das persoas mutualistas, especificamente deberán presentar, ademais da documentación a que se refire o artigo 11, certificado do colexio profesional de alta no dito colexio, con indicación de se presupón ou non exercicio de actividade, e certificado da mutualidade do colexio profesional con indicación dos períodos de alta na dita mutualidade, de ser o caso.

3. Non poderán ser beneficiarias desta subvención aquelas iniciativas de emprendemento que obtivesen resolución favorable ao abeiro da Orde do 29 de setembro de 2022 (DOG núm. 187, do 30.9.2022) e da Orde do 28 de xuño de 2023 (DOG núm. 127, do 5.7.2023).

Obxecto

1. Esta orde ten por obxecto aprobar as bases reguladoras polas cales se rexerá a convocatoria pública de subvencións de apoio ao emprendemento para as persoas traballadoras autónomas e as pequenas e medianas empresas, incluídas as cooperativas e sociedades laborais, que se constitúan ou dean de alta, segundo a natureza xurídica da entidade de que se trate, e que iniciasen a súa actividade económica desde o 1 de xaneiro de 2022 no ámbito da Comunidade Autónoma de Galicia, e proceder á súa convocatoria para a anualidade 2024 (código de procedemento TR880A).

A finalidade é facilitar as iniciativas de emprendemento, contribuíndo ao incremento da súa actividade económica e da súa competitividade e, en definitiva, manter empregos de calidade, a través do apoio ao financiamento do investimento realizado e pagado entre o 30 de setembro de 2023 e a data da presentación da solicitude.

Prazo de presentación de solicitudes

O prazo de presentación de solicitudes comezará a contar o 12 de febreiro de 2024 e estará aberto ata o 28 de xuño de 2024, agás que se produza o suposto de esgotamento do crédito.

O Diario Oficial de Galicia publica a Orde da Consellería de Promoción do Emprego e Igualdade do 29 de decembro de 2023 pola que se establecen as bases reguladoras para a concesión, en réxime de concorrencia non competitiva, das subvencións para o fomento do emprendemento en economía social (programa Aprol-Economía social) e se convocan para o ano 2024 (códigos de procedemento TR802G e TR802J).

Entidades beneficiarias

As cooperativas e sociedades laborais, para o programa I, e as persoas desempregadas, socias ou traballadoras de cooperativas ou sociedades laborais ou doutras empresas que se transformen nestas, para o programa II.

Obxecto e finalidade

Fomentar a incorporación de persoas desempregadas e persoas traballadoras temporais a cooperativas e sociedades laborais a través dos seguintes programas:

Programa I: dirixido a fomentar a incorporación, como persoas socias traballadoras ou de traballo de cooperativas ou sociedades laborais, de persoas desempregadas, persoas traballadoras con carácter temporal e de persoas socias a proba.

Programa II: dirixido a fomentar o acceso á condición de persoas socias traballadoras ou de traballo de cooperativas ou de sociedades laborais, así como o fomento do acceso de persoas emprendedoras por conta propia á condición de socias de cooperativas, a través do financiamento das achegas económicas ao capital social.

 Prazo de presentación de solicitudes

O prazo de presentación de solicitudes comezará o día 2 de febreiro de 2024 e finalizará o 16 de setembro de 2024, agás que se produza o suposto de esgotamento do crédito.

O Diario Oficial de Galicia publica a convocatoria de varias liñas de subvencións:

-Programa do bono das persoas autónomas e se procede á súa convocatoria para o ano 2024 (código de procedemento TR341Q).

-Programa Nova oportunidade das persoas traballadoras autónomas, e se procede á súa convocatoria para o ano 2024 (código de procedemento TR790A).

-Axudas para a mellora da capacidade de innovación das empresas en Galicia, a través do financiamento de Bonos de innovación para pequenas e medianas empresas cuxa actividade se enmarca nas prioridades estratéxicas da RIS3, e se convocan para o ano 2024 (código de procedemento IN848F)

-Apoio ao acceso ao crédito das pequenas e medianas empresas, instrumentadas mediante convenio coas sociedades de garantía recíproca e as entidades de crédito adheridas (financiamento Igape-pemes), e se procede á súa convocatoria para o ano 2024, en réxime de concorrencia non competitiva (código de procedemento IG535A).

O Diario Oficial de Galicia publica a convocatoria de dúas subvencións:

1- Plan Galicia emprega de incentivos á contratación e á formación na empresa ordinaria, e se procede á súa convocatoria para o ano 2024 (código de procedemento TR342C)

Entidades beneficiarias

Poderán ser entidades beneficiarias dos incentivos previstos nesta orde as persoas empregadoras e as empresas, calquera que sexa a forma xurídica que adopten, incluídas as persoas autónomas que contraten persoas traballadoras por conta allea para prestaren servizos en centros de traballo radicados na Comunidade Autónoma de Galicia, de acordo cos requisitos e condicións que se establecen nesta orde. Tamén poden ser beneficiarios dos incentivos os centros especiais de emprego, excepto para subscribir contratos con persoas con discapacidade, e as empresas de inserción laboral, excepto para subscribir contratos con persoas en situación o riesgo de exclusión social.

Obxecto

Esta orde ten por obxecto fixar as bases reguladoras e convocar para o ano 2024, no ámbito da Comunidade Autónoma de Galicia as axudas establecidas pola Consellería de Promoción do Emprego e Igualdade que favorezan a contratación de persoas desempregadas na empresa ordinaria (e entidades sen ánimo de lucro), especialmente daquelas que teñen maiores dificultades de inserción laboral, coa finalidade de seguir paliando os prexuízos económicos sobre o mercado de traballo, derivados dos efectos da pandemia provocada pola COVID-19 e agravados pola invasión de Ucraína por parte de Rusia.

A orde regula o Plan de Galicia emprega (código de procedemento TR342C) de incentivos á contratación por conta allea e á formación dos colectivos vulnerables recollidos no artigo 25.1.a), a través de dúas liñas de axudas:

1. A liña de incentivos á contratación por conta allea que inclúe catro modalidades de axudas:

a) Incentivos á contratación indefinida inicial de persoas desempregadas.

b) Incentivos ao incremento de xornada das contratacións indefinidas, de tempo parcial a tempo completo.

c) Incentivos ao incremento da duración anual dos contratos fixos-descontinuos a un mínimo de 9 meses.

d) Axudas para a adaptación de postos de traballo de persoas con discapacidade.

2. A liña de incentivos ás accións formativas no centro de traballo, de carácter opcional, dirixida ás persoas contratadas mediante contratación indefinida inicial por medio desta orde.

Importe

Para a concesión destas axudas destínanse dezasete millóns catrocentos cincuenta mil euros (17.500.000 €), distribuídos do seguinte xeito:

– Persoas mozas: 3.000.000 €.

– Persoas paradas de longa duración e/ou persoas de 55 ou máis anos: 2.000.000 €.

– Persoas emigrantes retornadas e estranxeiras: 2.000.000 €.

– Mulleres: 7.000.000 €.

– Persoas con discapacidade e/ou en risco ou situación de exclusión social: 3.000.000 €.

– Para todos os colectivos anteriores, no caso de que a entidade beneficiaria sexa una entidade sen ánimo de lucro: 500.000 €.

Prazo de presentación de solicitudes

O prazo xeral para a presentación das solicitudes das axudas establecidas nesta orde comezará o día 26 de xaneiro de 2024 e rematará o 29 de setembro de 2024

2-Subvencións a proxectos turísticos para o fomento do turismo enogastronómico, no marco do Plan de recuperación, transformación e resiliencia, financiado pola Unión Europea-NextGenerationEU, e se procede á súa convocatoria por anticipado de gasto para o ano 2024, con carácter plurianual (código de procedemento TU503I)

Persoas beneficiarias

1. Poderán ser persoas beneficiarias das subvencións as persoas físicas e xurídicas titulares de establecementos turísticos de aloxamento e de restauración, que reúnan os requisitos establecidos nestas bases e que teñan inscrito e autorizado ou clasificado, conforme estableza a normativa turística, no Rexistro de Empresas e Actividades Turísticas da Xunta de Galicia (en diante, REAT), o establecemento turístico para o cal se solicita a axuda, con base nos artigos 50 e 51 da Lei 7/2011, do 27 de outubro, do turismo de Galicia.

En concreto, son actuacións subvencionables as que se realicen en calquera dos seguintes tipos de establecementos turísticos:

a) Os establecementos hoteleiros, campamentos de turismo, establecementos de turismo rural, apartamentos turísticos, vivendas turísticas e albergues turísticos, de acordo co artigo 55.1 da Lei 7/2011, do 27 de outubro.

b) As empresas de restauración (restaurantes, cafetarías e bares) que se enmarquen dentro do artigo 77 da Lei 7/2011, do 27 de outubro.

2. Para o caso da liña 1.1, poderán ser beneficiarias das axudas as empresas titulares de adegas vinculadas a establecementos turísticos. As adegas beneficiarias da subvención deberán inscribirse como recursos turísticos no REAT antes do remate do período de xustificación.

Os datos que figuran no REAT relativos ao establecemento, á súa titularidade e á representación teñen que coincidir cos datos achegados pola persoa solicitante da subvención.

No caso de que o representante legal non sexa o mesmo que o que figura no REAT, deberá acreditarse esta condición coa presentación da solicitude.

3. Poderán ser beneficiarias destas axudas as pequenas e medianas empresas (en diante, pemes) e grandes empresas que proxecten levar a cabo un proxecto localizado na Comunidade Autónoma de Galicia, considerado subvencionable ao abeiro do regulado nestas bases. Para estes efectos, as persoas solicitantes deberán acreditar a categoría da empresa de que se trate, pequena, mediana ou grande, no momento da presentación da solicitude de axuda.

4. Para os efectos destas bases, consideraranse pemes as empresas que respondan á definición de peme establecida pola Comisión Europea no anexo I do Regulamento (UE) nº 651/2014.

5. Non poderán obter a condición de beneficiarias:

a) As persoas ou entidades nas cales concorra algunha das circunstancias previstas no artigo 10 da Lei 9/2007, do 13 de xuño, de subvencións de Galicia. A acreditación de non estaren incursas nas ditas prohibicións realizarase mediante declaración responsable da persoa ou entidade solicitante.

b) As empresas que se encontren en situación de crise, de acordo coa definición establecida no punto 18 do artigo 2 do Regulamento (UE) nº 651/2014, do 17 de xuño de 2014, e nas directrices comunitarias sobre axudas estatais de salvamento e reestruturación de empresas non financeiras en crise (Comunicación da Comisión 2014/C 249/1, do 31 de xullo de 2014). A acreditación deste requisito realizarase mediante declaración responsable da entidade solicitante, sen menoscabo das accións de comprobación que poida realizar para estes efectos a Axencia de Turismo de Galicia.

c) As empresas que se encontren suxeitas a unha orde de recuperación pendente sobre calquera axuda ou subvención que lles fose outorgada con anterioridade, ben por terse declarado axuda ilegal e incompatible co mercado interior, ben por calquera tipo de incumprimento das obrigas que lles viñesen atribuídas na concesión.

d) No caso de que a subvención supere os 30.000 euros e a entidade solicitante estea incluída no ámbito de aplicación subxectivo da Lei 3/2004, do 29 de decembro, pola que se establecen medidas de loita contra a morosidade en operacións comerciais, e cumpra os requisitos establecidos no artigo 258 do Real decreto lexislativo 1/2010, do 2 de xullo, polo que se aproba o texto refundido da Lei de sociedades de capital, para os efectos de presentación de conta de perdas e ganancias abreviada, as empresas que incumpran os prazos de pagamento previstos na mencionada lei.

e) Aquelas entidades que fosen sancionadas con carácter firme por infracción grave ou moi grave en materia de turismo pola Axencia de Turismo de Galicia nos últimos dous (2) anos.

6. Deberá acreditarse, por calquera título válido en dereito, a propiedade dos inmobles ou predios obxecto da actuación ou calquera outro dereito que autorice o beneficiario para a realización do investimento subvencionado e que permita, igualmente, a explotación do establecemento ao longo de todo o prazo de duración da obriga de manter a actividade prevista no artigo 23 destas bases.

7. Os requisitos para ser persoa beneficiaria deberán cumprirse na data de finalización do prazo de presentación de solicitudes.

8. Unha vez ditada a resolución de concesión, os cambios na persoa beneficiaria da subvención, por cambio na titularidade do establecemento, terán que ser previamente autorizados pola Administración concedente e darán lugar á modificación da resolución de concesión nos termos previstos no artigo 35 do Decreto 11/2009, do 8 de xaneiro, polo que se aproba o Regulamento da Lei 9/2007, do 13 de xuño, de subvencións de Galicia, e o/a novo/a titular subrogarase na posición xurídica de beneficiario/a da subvención e nas obrigas dimanantes desta.

Obxecto e réxime

1. Estas bases reguladoras teñen por obxecto establecer as condicións para a concesión de axudas a establecementos turísticos para actuacións de adecuación de establecementos enoturísticos que permitan a posta en valor de produtos vitivinícolas e gastronómicos de Galicia, a creación de experiencias enogastronómicas e a creación e ampliación da oferta de aloxamento vinculada ao sector turístico enogastronómico de Galicia (código de procedemento TU503I), así como proceder á súa convocatoria por anticipado de gasto para o ano 2024, con carácter plurianual.

2. O procedemento de concesión destas subvencións tramitarase en réxime de concorrencia non competitiva, de acordo co artigo 19.1 da Lei 9/2007, do 13 de xuño, de subvencións de Galicia, e quedará suxeito ao Regulamento (UE) nº 2023/2831 da Comisión, do 13 de decembro de 2023, relativo á aplicación dos artigos 107 e 108 do Tratado de funcionamento da Unión Europea ás axudas de minimis (DOUE do 15 de decembro).

Actuacións subvencionables e contías

Pódense diferenciar tres tipoloxías de proxectos subvencionables:

a) Liña 1: adecuación e embelecemento de establecementos enoturísticos.

Trátase de proxectos de reforma e rehabilitación de establecementos turísticos para a posta en valor de servizos de enoturismo, entendidos como aqueles servizos específicos de adega e desenvolvemento de actividades dirixidas ao coñecemento e á divulgación de todo o relacionado co viño e a viña, a súa elaboración, crianza, coidados, servizo, harmonías, cata e degustación.

Tamén se inclúen proxectos de adecuación de adegas, vinculadas a establecementos turísticos, que permitan ser visitadas polos/polas turistas. Inclúe a implantación dun proxecto novo ou ampliación dun proxecto existente, que poderá consistir na adecuación do centro para a recepción e atención de visitantes, adecuación do percorrido para visita, así como os espazos destinados a exposición ou museo.

O establecemento turístico obxecto da axuda deberá estar vinculado a unha adega e/ou a parte dos seus viñedos, de xeito que cumpra os seguintes requisitos no momento de presentación da solicitude de axuda:

– Deberá contar con adegas propias ou acordos con adegas onde se informe sobre o proceso de elaboración, crianza e conservación do viño. Deberá tratarse de viños con Denominación de Orixe Protexida ou que conten coa certificación Viños da Terra.

– Deberá ofrecer un servizo de visitas á adega e/ou viñedos, dirixidas por profesionais especializados/as.

A adega obxecto da axuda deberá estar vinculada a un establecemento turístico de aloxamento ou restauración, de xeito que cumpra os seguintes requisitos no momento de presentación da solicitude de axuda:

– Deberá xerar sinerxías no sector turístico, mediante o deseño de experiencias enoturísticas que involucren distintos axentes do sector do aloxamento e da restauración (hoteis, campamentos de turismo, establecementos de turismo rural, apartamentos turísticos, vivendas turísticas, albergues turísticos ou establecementos de restauración que se enmarquen dentro do artigo 77 da Lei 7/2011, do 27 de outubro, e inscritos no REAT). O establecemento turístico vinculado á adega poderá ser da mesma titularidade ou ben contar cun acordo para o desenvolvemento da experiencia.

– O proxecto deberá incluír a posta en valor de viños con Denominación de Orixe Protexida ou que conten coa certificación Viños da Terra.

Para a acreditación dos requisitos anteriores, deberá achegarse unha memoria explicativa do proxecto enoturístico, con indicación das actividades que se van desenvolver, as adegas involucradas nas actividades e o persoal profesional que realiza o servizo de visita, ben sexa persoal propio da entidade con experiencia acreditada, ben un/unha profesional que conte coa habilitación de guía turístico/a.

Así mesmo, deberá achegarse documentación que acredite que a entidade solicitante é titular da adega, ou ben, no caso de que a adega teña outra titularidade, o acordo asinado entre as partes cunha duración de, polo menos, tres (3) anos. Non será necesaria a achega do acordo asinado para o caso de establecementos turísticos e adegas que formen parte das Rutas do Viño de Galicia, caso en que será suficiente coa achega do certificado de adhesión.

b) Liña 2: proxectos dixitais vinculados a recursos turísticos enogastronómicos.

Proxectos dixitais promovidos por establecementos turísticos de aloxamento e restauración para a posta en valor de produtos vitivinícolas e gastronómicos de Galicia que contan cuns requirimentos de calidade demostrada, tanto polos factores naturais en que se desenvolven como pola elaboración humana, así como aqueles que garanten que superaron os controis e as normativas de calidade establecidas tanto na súa elaboración como na obtención das súas materias primas, creación e deseño. Inclúe os produtos que conten con Denominación de Orixe Protexida de Galicia, Indicación Xeográfica Protexida de Galicia, a certificación Viños da Terra ou que dispoñan do selo de destino Galicia Calidade.

Inclúe a creación de programas de desenvolvemento de contornos intelixentes que favorezan experiencias de turismo enogastronómico para os/as visitantes (conectividade, uso de aplicacións móbiles, realidade aumentada, creación de contornos de realidade virtual, xogos, visitas virtuais…).

Tamén inclúe o desenvolvemento tecnolóxico aplicado ao márketing turístico, a personalización, o desenvolvemento de contidos audiovisuais de calidade e o uso de ferramentas interactivas (photocall interactivo, cartelaría interactiva…).

O proxecto dixital que se desenvolva deberá acreditarse na memoria explicativa que se achegue coa solicitude.

c) Liña 3: ampliación e mellora da capacidade de aloxamento do contorno turístico para a posta en valor da enogastronomía de Galicia.

Proxectos de reforma e ampliación en establecementos turísticos de aloxamento que impliquen a dotación de novas prazas de aloxamento, respecto das inscritas no REAT, e que estean vinculados á posta en marcha de experiencias enogastronómicas, tales como visitas en orixe que poñan en valor o proceso de creación da materia prima, o seu coidado, recolección, procesamento, elaboración do produto final, así como experiencias interactivas de cociña ou showcooking, degustacións e catas. As experiencias deberán incluír entre os seus produtos principais, polo menos, un produto que conte con Denominación de Orixe Protexida de Galicia, Indicación Xeográfica Protexida de Galicia, a certificación Viños da Terra ou que dispoñan do selo de destino Galicia Calidade.

A experiencia enogastronómica que se desenvolva deberá quedar acreditada na memoria explicativa que se achegue coa solicitude.

A intensidade da axuda será ata un 80 % do custo total subvencionable do proxecto e o investimento neto admitido será, como máximo:

– No caso da liña 1 (liña 1.1 e liña 1.2): ata 250.000 €.

– No caso da liña 2: ata 50.000 €.

– No caso da liña 3: ata 250.000 €.

Cuarto. Bases reguladoras

Resolución do 21 de decembro de 2023 pola que se establecen as bases reguladoras para a concesión, en réxime de concorrencia non competitiva, das subvencións a proxectos turísticos para o fomento do turismo enogastronómico, no marco do Plan de recuperación, transformación e resiliencia, financiado pola Unión Europea-NextGenerationEU, e se procede á súa convocatoria por anticipado de gasto para o ano 2024, con carácter plurianual (código de procedemento TU503I).

 Importe

1. As axudas previstas nesta convocatoria financiaranse cun crédito total de 5.500.000 euros, imputables á aplicación orzamentaria 04.A2.761A.770.0, proxecto 2022 00001, dos orzamentos xerais da Comunidade Autónoma de Galicia para 2024 e 2025. O orzamento divídese en tres liñas de actuación subvencionables: a liña 1-Adecuación e embelecemento de establecementos enoturísticos, cun orzamento de 1.255.000€ para a liña 1.1 e 1.355.000 € para a liña 1.2; a liña 2-Proxectos dixitais vinculados a recursos turísticos enogastronómicos, cun orzamento de 590.000 €, e a liña 3-Creación e/ou ampliación e mellora da capacidade de aloxamento do contorno turístico para a posta en valor da enogastronomía de Galicia, cun orzamento de 2.300.000 €.

 Prazo de presentación de solicitudes

O prazo de presentación de solicitudes será de cinco meses, contados a partir do día 20 de xaneiro. Entenderase como último día do prazo o correspondente ao mesmo ordinal do día da publicación.

Se o último día de prazo é inhábil, entenderase prorrogado ao primeiro día hábil seguinte e, se no mes do vencemento non hai día equivalente ao inicial do cómputo, entenderase que o prazo expira o último do mes.

Período de execución dos investimentos subvencionables

Os gastos subvencionables deberán estar realizados e pagados entre o día seguinte ao da publicación desta convocatoria no DOG e o 30 de setembro de 2025.

As persoas beneficiarias das axudas quedan obrigadas a acreditar, como data límite o 30 de setembro de 2025, a realización dos proxectos subvencionados e a xustificar a totalidade do orzamento en virtude do establecido na resolución de concesión que lles foi notificada.

O Instituto Enerxético de Galicia abriu o prazo de solicitude da nova convocatoria do programa Bono Enerxía Peme. Unha iniciativa dirixida a pemes e autónomos para mellorar as instalacións enerxéticas.

Persoas e entidades beneficiarias

1. Poderán ser persoas beneficiarias das subvencións, sen prexuízo de reuniren os demais requisitos establecidos nestas bases, as empresas legalmente constituídas e os empresarios autónomos que teñan domicilio social ou centro de traballo en Galicia e cuxa actividade estea incluída entre as seguintes seccións da CNAE 2009:

2. Os requisitos para obter a condición de persoas beneficiarias deberanse cumprir, como máis tarde, na data límite de remate do prazo de presentación de solicitudes.

Obxecto

Regular a concesión de subvencións para a realización de proxectos de mellora enerxética, destinadas a pemes e autónomos do sector servizos dentro do territorio da Comunidade Autónoma de Galicia, que cumpran cos requisitos e condicións establecidos no articulado desta resolución (código de procedemento IN417Z).

Bases reguladoras e convocatoria

Resolución do 14 de novembro de 2023 pola que se establecen as bases reguladoras e se anuncia a convocatoria, mediante tramitación anticipada de gasto, do procedemento de concesión de subvencións para proxectos de mellora enerxética, dirixido a autónomos e pemes do sector servizos (programa Bono enerxía peme), anualidade 2024 (código de procedemento IN417Z).

Contía da axuda

1. A contía da subvención será do 80 % do custo elixible da actuación.

2. Con carácter xeral, establécese unha axuda máxima de 6.000 euros por solicitude. A axuda asociada ao bono de asesoramento enerxético non computará para os efectos deste límite, e virá limitada polos custos elixibles máximos establecidos no artigo 2.

3. O importe total das axudas de minimis concedidas a unha única empresa non excederá os 200.000 euros durante calquera período de tres exercicios fiscais, os 100.000 euros cando se trate de empresas de transportes de mercadoría por estrada por conta allea, os 40.000 euros para empresas do sector da pesca e da acuicultura e os 20.000 euros para empresas do sector agrícola.

4. En ningún caso o custo de adquisición dos gastos subvencionables poderá ser superior ao valor do mercado.

Forma e prazo de presentación de solicitudes

1. As solicitudes (anexo I) subscribiranas directamente os interesados ou persoa que acredite a súa representación por calquera medio válido en dereito.

2. O prazo de presentación das solicitudes comeza o 10 de xaneiro de 2024 ás 9.00 horas e rematará o 26 de xuño dese mesmo ano.

3. As solicitudes presentaranse obrigatoriamente por medios electrónicos a través do formulario normalizado accesible desde a sede electrónica da Xunta de Galicia, https://sede.xunta.gal, e na páxina web do Inega. Para o acceso á aplicación de presentación das solicitudes será necesario o número do NIF e o contrasinal determinado polas persoas interesadas.

Prazo para a execución da instalación

A data límite para executar o proxecto e presentar a documentación xustificativa dos investimentos será o 2 de outubro de 2024.

O Diario Oficial de Galicia publica a Orde da Consellería de Promoción do Emprego e da Igualdade do 28 de decembro de 2023 pola que se establecen as bases reguladoras das axudas para a promoción do emprego autónomo en Galicia, cofinanciadas pola Unión Europea no marco do Programa FSE+ Galicia 2021-2027 e se procede a súa convocatoria para o ano 2024 (código de procedemento TR341D)

Persoas beneficiarias

Serán beneficiarias aquelas persoas que causen alta no réxime especial de autónomos ou en calquera outro réxime especial por conta propia da Seguridade Social ou en mutualidade de colexio profesional entre o 30 de setembro de 2023 e o 30 de setembro de 2024, ambos inclusive, como titulares ou cotitulares do negocio ou explotación.

Obxecto

A finalidade deste programa é a concesión de 2 liñas de axuda económica a aquelas persoas desempregadas que pretendan desenvolver a súa actividade empresarial ou profesional en Galicia como traballadoras autónomas ou por conta propia, para facer fronte aos distintos gastos xerados no comezo e mantemento da súa actividade laboral.

Establécense 2 liñas de axudas:

a) Liña 1: unha axuda para o inicio da actividade económica e mantemento do emprego como persoa traballadora autónoma.

b) Liña 2: unha axuda para sufragar os gastos do mantemento da actividade por conta propia, equivalente a 12 meses da contía da cota reducida regulada no punto 1 do artigo 38.ter da Lei 20/2007, do 11 de xullo, do Estatuto do traballo autónomo.

Bases reguladoras

Orde do 28 de decembro de 2023 pola que se establecen as bases reguladoras das axudas para a promoción do emprego autónomo en Galicia, cofinanciadas pola Unión Europea no marco do Programa FSE+ Galicia 2021-2027 e se procede a súa convocatoria para o ano 2024 (código de procedemento TR341D).

Importe

Para a concesión destas axudas destínanse vinte e oito millons novecentos cincuenta e seis mil cincocentos euros (28.956.500 €).

Prazo de presentación de solicitudes

O prazo de presentación de solicitudes  iniciarase o día 16 de xaneiro de 2024 e finalizará o 29 de setembro de 2024.

O Diario Oficial de Galicia publica no día de hoxe a Orde da Vicepresidencia Primeira e Consellería de Presidencia Xustiza e Deportes, do 5 de decembro de 2023 pola que se establecen as bases reguladoras para a concesión de axudas, en réxime de concorrencia non competitiva, do Programa de promoción da actividade deportiva en idade escolar a través do Bono deporte, se convocan, mediante tramitación anticipada de gasto, para o ano 2024 e se abre o prazo para a adhesión dos establecementos comerciais, entidades deportivas e prestadores de servizos deportivos

-Persoas beneficiarias

1. Poderán ser beneficiarias das axudas do Bono deporte o pai ou nai, titor/a ou persoa que teña en acollemento familiar ou garda con fins adoptivos un menor con idade comprendida entre os 6 e os 16 anos no momento da solicitude, federado ou inscrito no programa Xogade, e que realicen as actuacións establecidas no artigo 5 das bases reguladoras.

O identificador Xogade ou o número de licenza deportiva federada do menor con idade comprendida entre os 6 e os 16 anos deberá estar emitida durante 2023, e o menor deberá continuar no programa Xogade ou ter licenza deportiva federada no momento da descarga do bono.

2. As axudas entenderanse preconcedidas coa descarga dos bonos polas persoas beneficiarias.

-Actividade subvencionable

Por medio desta orde subvenciónase a compra de material e equipamento deportivo para o menor, así como a contratación de servizos relacionados coa práctica da actividade deportiva, entendéndose expresamente incluída entre estes servizos a cota de clubs deportivos, a través do Bono deporte e nos establecementos comerciais, entidades deportivas e prestadores de servizos de Galicia adheridos ao programa, segundo o establecido no artigo 10 das bases reguladoras e nas condicións e datas fixadas nelas.

-Data de descarga dos bonos

Os bonos estarán dispoñibles na web www.bonodeporte.gal para a súa descarga polas persoas usuarias desde o 8 de xaneiro de 2024 ao 29 de febreiro dese ano. Non obstante, se antes do 29 de febreiro de 2024 se esgota o crédito máximo fixado nesta orde, nese momento finalizaría o prazo de descarga.

-Alta dos establecementos adheridos ao programa

Os establecementos comerciais, entidades deportivas e prestadores de servizos que desexen adherirse ao programa Bono deporte deberán rexistrarse na web www.bonodeporte.gal

O prazo para adherirse ao programa será desde o día 12 de decembro de 2023 ata o 30 de decembro de 2023.

-Importe

Para a concesión destas axudas destinaranse 16.120.000 € con cargo á aplicación orzamentaria 05.02.441A.480.2 dos orzamentos xerais da Comunidade Autónoma de Galicia para o ano 2024.

Cada bono terá un valor de 120 € e terá a consideración de bono desconto do 80 % da compra ou servizo adquirido. O importe do bono irase reducindo en función do valor da compra realizada, IVE incluído. Poderase usar cada bono ata o seu esgotamento e durante o prazo de validez establecido no artigo 16.3 das bases reguladoras (desde a súa descarga ata o 1 de xullo de 2024, salvo esgotamento previo do seu saldo).

Barbadás é un Concello comprometido coa creación de emprego.

Por iso ofrece dous niños empresariais ubicados no Centro Empresarial Transfronteirizo, as persoas  emprendedoras que queiran poñer en marcha o seu negocio. Trátase dunha ferramenta de apoio ao empresariado coa que se conta desde o  ano 2016.

Cederanse inicialmente por 12 meses con posibilidade de prórroga ata os 36 meses. As persoas beneficiarias terán que aboar un custo simbólico ao mes, no que se inclúe mobiliario, equipos informáticos, conexión a internet, luz, calefacción e servizo de limpeza. Tamén se contará  con asesoramento e apoio do persoal técnico do CET.

Máis información no teléfono 988 360 413 ou no enderezo electrónico cet@barbadas.es

ÚLTIMOS DÍAS PARA PRESENTACIÓN DE SOLICITUDES

Publicación da convocatoria do PROGRAMA DE AXUDAS MUNICIPAIS PARA A CREACIÓN DE EMPRESAS no ámbito do Concello de Barbadás, coa finalidade de colaborar dunha forma activa na creación de emprego no municipio apoiando a posta en marcha de novos proxectos empresariais.

Data de solicitudes: Desde o 31 de outubro ata o 15 de novembro de 2023 ou ata esgotarse o orzamento.

Barbadás é un Concello comprometido coa creación de emprego. Por iso ofrece un niño empresarial no Centro Empresarial Transfronteirizo aos emprendedores e emprendedoras que queiran poñer en marcha o seu negocio. Trátase dunha ferramenta de apoio aos empresarios coa que se conta dende o 2016 para apoiar aqueles proxectos empresariais viables.

Axudar aos novos empresarios e empresarias a minimizar as barreiras que xorden cando se inicia a andaina empresaria é o obxectivo da concellería de Promoción Económica que lidera José Manuel Morgade. Deste xeito, a través do niño empresarial ofrécense todos os medios técnicos e económicos cos que conta o Concello, como a liña municipal de subvencións a empresas de recente creación.

O alcalde, Xosé Carlos Valcárcel, subliñou que o executivo local fai unha aposta decidida para axudar aos novos empresarios e empresarias “ao mesmo tempo que se dinamiza a economía de Barbadás, cos avances para a creación dunha área empresarial no concello”.

Nesta mesma liña, o edil de Promoción Económica, José Manuel Morgade, insistiu nas facilidades que ofrece ás empresas o niño empresarial, reducindo os considerables gastos que deben afrontar nos seus inicios.

Incubadora dunha empresa referente no sector do tratamento de humidades

O niño empresarial que se oferta quedou dispoñible despois de ser a incubadora, durante os tres últimos anos, da empresa Sanysec, un referente no sector dos tratamentos de humidades e que traslada as súas oficinas. Cederase inicialmente por 12 meses con posibilidade de prórroga ata 36 meses. O beneficiario terá que abonar un custo simbólico ao mes, no que se inclúe mobiliario, equipos informáticos, conexión a Internet, luz, calefacción e servizo de limpeza. Tamén accederase a asesoramento e apoio do persoal técnico do CET.

Os interesados deben presentar a solicitude e a documentación correspondente no Rexistro Xeral do Concello de Barbadás. Será elixida a empresa que obteña maior puntuación segundo a normativa.

O Concello ofrece unha oportunidade idónea para os novos emprendedores que queiran instalarse nun municipio dinámico, cunha situación territorial privilexiada e un dos motores socioeconómicos da provincia.

O Diario Oficial de Galicia publica a Orde  da Consellería da Promoción do Emprego e Igualdade do 28 de xuño de 2023 pola que se establecen as bases reguladoras das subvencións para apoiar iniciativas de emprendemento e se procede á súa convocatoria para a anualidade 2023 (código de procedemento TR880A).

Persoas, entidades beneficiarias e requisitos

Poderán ser beneficiarias destas axudas as persoas traballadoras autónomas e as pequenas e medianas empresas,  e as sociedades cooperativas e laborais, así como as empresas de inserción e os centros especiais de emprego, previstos no artigo 6 da Lei 6/2016, do 4 de maio, da economía social de Galicia  que cumpran os dous requisitos seguintes: que se constitúan ou dean de alta, segundo a natureza xurídica da entidade de que se trate, e que iniciasen a súa actividade económica desde o 1 de xaneiro de 2021.

As persoas interesadas deberán cumprir os seguintes requisitos:

a) Ter o domicilio fiscal en Galicia.

b) Figurar inscritas como tales nos correspondentes rexistros administrativos da Comunidade Autónoma de Galicia.

c) Ter presentadas, de ser o caso, as contas anuais do último ano no Rexistro Mercantil ou no Rexistro de Cooperativas, segundo corresponda á súa forma xurídica.

d) Terse constituído ou dado de alta, segundo a natureza xurídica da entidade de que se trate, e ter iniciado a súa actividade económica no período que transcorre entre o 1 de xaneiro de 2021 ata a data de presentación da solicitude.

e) Ter a capacidade administrativa, financeira e operativa para cumprir as condicións da axuda.

f) Estar ao día no pagamento das súas obrigas tributarias e coa Seguridade Social para obter subvencións.

g) Non ter sido sancionadas mediante resolución firme coa perda da posibilidade de obter subvencións.

2. Non poderán ser beneficiarias desta subvención aquelas iniciativas de emprendemento que obtivesen resolución favorable ao abeiro da Orde do 29 de setembro de 2022 (DOG núm. 187, do 30 de setembro).

 Obxecto

1. Esta orde ten por obxecto aprobar as bases reguladoras polas cales se rexerá a convocatoria pública de subvencións para apoiar iniciativas de emprendemento ás persoas traballadoras autónomas e ás pequenas e medianas empresas, incluídas as cooperativas e sociedades laborais, que se constitúan ou dean de alta, segundo a natureza xurídica da entidade de que se trate, e que iniciasen a súa actividade económica desde o 1 de xaneiro de 2021 no ámbito da Comunidade Autónoma de Galicia, e proceder á súa convocatoria para a anualidade 2023.

A finalidade é facilitar as iniciativas de emprendemento, contribuíndo ao incremento da súa actividade económica, e a súa competitividade e, en definitiva, manter empregos de calidade, a través do apoio ao financiamento do investimento realizado e pagado entre o 5 de novembro de 2022 e a data da presentación da solicitude (código de procedemento TR880A).

 Prazo de presentación de solicitudes

O prazo de presentación de solicitudes comezará  o día 6 de xullo de 2023 e estará aberto ata o 29 de setembro de 2023, agás que se produza o suposto de esgotamento do crédito.

O Diario Oficial de Galicia publica a Orde da Consellería da Promoción do Emprego e da Igualdade do 10 de maio de 2023 pola que se establecen as bases reguladoras do programa Nova oportunidade das persoas traballadoras autónomas, e se procede á súa convocatoria para o ano 2023 (código de procedemento TR790A).

 Persoas beneficiarias e requisitos

Serán beneficiarias destas axudas tanto as persoas autónomas que queren volver emprender de novo como as persoas autónomas que queiran cambiar de sector de actividade:

1. Persoas que teñan sido autónomas con anterioridade e que queren volver emprender:

Serán beneficiarias das axudas as persoas que se dean de alta no réxime especial de traballadores autónomos (RETA) ou calquera outro réxime especial por conta propia da Seguridade Social ou en mutualidade de colexio profesional, no período do 31 de outubro de 2022 ao 30 de outubro de 2023, e que cumpran os seguintes requisitos:

a) Ter causado alta no réxime especial de traballadores autónomos (RETA) ou calquera outro réxime especial por conta propia da Seguridade Social ou en mutualidade de colexio profesional, no período do 31 de outubro de 2022 ao 30 de outubro de 2023.

b) Ter cotizado anteriormente a esta nova alta polo menos durante 3 meses ininterrompidos na súa vida laboral no réxime especial de traballadores autónomos (RETA) ou en calquera outro réxime especial por conta propia da Seguridade Social ou en mutualidade de colexio profesional.

c) Estar inscrita como persoa demandante de emprego nos servizos públicos de emprego con carácter previo á nova alta e carecer de ocupación efectiva, non ter contrato laboral en vigor e atoparse en tal situación na data inmediatamente anterior á de inicio da actividade laboral.

d) Transcorrer un período mínimo de tres meses entre a nova alta na Seguridade Social e a anterior baixa.

e) Ter o domicilio fiscal nalgún concello de Galicia e desenvolver a súa nova actividade económica ou profesional en Galicia.

f) Ter iniciada a actividade con anterioridade á presentación da solicitude de subvención.

2. As persoas traballadoras autónomas ou por conta propia poderán ser beneficiarias das axudas deste programa cando formen parte de comunidades de bens, sociedades civís ou outras entidades sen personalidade xurídica de nova creación, sempre que as soliciten a título persoal.

3. Quedan excluídas das axudas reguladas nesta orde as persoas traballadoras autónomas que xa foran beneficiarias con anterioridade desta axuda (TR790A), así como as persoas traballadoras autónomas membros de entidades de economía social e as persoas autónomas administradoras que non acrediten participación na empresa ou negocio. Tamén quedan excluídas as persoas autónomas colaboradoras e os membros das sociedades mercantís e sociedades laborais.

Obxecto

Establécese unha modalidade de axuda para as persoas traballadoras autónomas que cesaron na súa actividade e van volver emprender un negocio como persoas traballadoras autónomas e son demandantes de emprego no momento previo á nova alta como persoa traballadora autónoma.

A súa finalidade é facilitar a volta á actividade económica á persoa emprendedora a quen lle foi mal no seu anterior negocio pero ten a experiencia práctica e a iniciativa de volver emprender, no mesmo ou diferente sector.

O programa ten como apoio o Bono alta nova oportunidade para axudar a posta en marcha do novo negocio.

Prazo de presentación de solicitudes

O prazo de presentación de solicitudes iníciase o día 1 de xuño de 2023 e remata o 31 de outubro de 2023.

O Diario Oficial de Galicia publica  a Orde da Consellería de Promoción do Emprego e da Igualdade do 5 de maio de 2023 pola que se establecen as bases reguladoras que rexerán as axudas para a conciliación da persoa traballadora autónoma e se convocan para o ano 2023 (código de procedemento TR341R).

Persoas e entidades beneficiarias

Estas bases establecen os criterios e requisitos para a concesión de axudas a persoas traballadoras por conta propia ou autónomas que contraten unha persoa traballadora, ben sexa no caso de finalizado o seu período de descanso por nacemento, adopción ou acollemento, ou ben en calquera momento en que o precisen para apoiar o coidado de menores e/ou maiores e dependentes, e segundo o disposto nesta orde.

As axudas irán dirixidas á contratación dunha persoa traballadora para apoiar a persoa autónoma no seu negocio, nos casos de maternidade ou paternidade unha vez finalizado o seu período de descanso por nacemento, adopción ou acollemento (bono autónomo Concilia I).

Tamén se dirixen as axudas á contratación dunha persoa traballadora para apoiar a persoa autónoma no coidado de menores e/ou maiores e dependentes (graos I, II e III) ao seu cargo, independentemente de que existisen ou non situacións de maternidade ou paternidade ou asimiladas (bono autónomo Concilia II).

Igualmente, apoiaranse os gastos dos servizos de coidado de menores e/ou maiores e/ou persoas con discapacidade ou dependencia (graos I, II e III) a cargo da persoa autónoma, realizados no período subvencionable, que comprende do 1 de outubro de 2022 ao 29 de setembro de 2023 (bono autónomo Concilia III).

Obxecto

Esta orde ten por obxecto aprobar as bases reguladoras polas cales se rexerá a convocatoria pública das axudas á conciliación da vida familiar e laboral de persoas traballadoras por conta propia ou autónomas, que desenvolvan a súa actividade na Comunidade Autónoma de Galicia (código de procedemento TR341R).

Mediante as axudas reguladas nesta orde permitirase que a persoa traballadora por conta propia obteña unha compensación para a contratación dunha persoa durante un período máximo dun ano, para favorecer a conciliación da súa vida persoal e laboral e facilitar a continuidade e consolidación do seu proxecto empresarial.

Así mesmo, subvencionarase unha parte do custo dos centros e/ou servizos para o coidado de menores, maiores e/ou persoas con discapacidade ou dependencia.

Prazo de presentación de solicitudes

As solicitudes de axudas polas contratacións subvencionables presentaranse desde o día 23 de maio de 2023 e ata o 29 de setembro de 2023.

O alcalde de Barbadás, Xosé Carlos Valcárcel, coa tenente alcalde, Vitoria Morenza, e a concelleira de Educación, Cultura e Comercio e tamén deputada provincial, Marga Pérez, presentaron esta mañá o roteiro dos cruceiros.

Valcárcel explicou na presentación que o roteiro de Carmen Martín Gaite, presentado este mércores en Piñor; o proxecto da Fervenza do Pisco, co compromiso xa asumido para a súa execución por parte da Confederación Hidrográfica Miño-Sil; o roteiro dos Cruceiros e o Bolo do Tangaraño, xunto coa presenza de Barbadás en diferentes feiras como Xantar, demostra que o goberno local aposta por Barbadás “como destino turístico de relevancia na provincia”.

O alcalde destacou o traballo transversal que se está a facer desde diversas concellerías para “poñer en valor os elementos propios e singulares deste Concello”, como neste caso é o caso dos cruceiros.

A concelleira de Educación, Cultura e Comercio, Marga Pérez, explicou que “os cruceiros son monumentos de gran valor histórico e cultural que se atopan habitualmente en camiños e lugares de paso e que serviron de punto de referencia para os peregrinos e viaxeiros que percorrían os camiños de Galicia”.

Os cruceiros son un elemento fundamental do patrimonio cultural de Galicia, engadiu, e “tamén de Barbadás, pois contamos con 33 cruceiros ao longo de 30 quilómetros”.

Pérez tamén detallou os diferentes roteiros que se poden realizar para visitar estes cruceiros e sinalou que as intencións son: por unha banda, “fomentar as gañas de camiñar pola nosa contorna e así coñecer a natureza que temos en Barbadás” e, por outra, “dar a coñecer a historia e lendas que rodean a estes elementos”.

A concelleira avanzou que se distribuirán uns folletos nos que o eixo principal son os cruceiros de Barbadás, cada un acompañado dun código QR que permitirá descargar a historia de cada un deles, así como acceder ao máis relevante do lugar onde se atopan.

A tenente alcalde, Vitoria Morenza, explicou que este proxecto consta de dúas fases. Na primeira foi encargado un estudo dos diferentes cruceiros que se atopan en Barbadás, mentres que na segunda procedeuse ao deseño dos roteiros para poder dalos a coñecer.

Ademais, Morenza destacou que o cruceiro de Zama, xunto ao que se realizou a presentación deste roteiro, aparece en máis dunha obra da escritora Carmen Martín Gaite, insistindo a súa vez na intención do goberno local de descubrir e mostrar os “tesouros agochados do noso Concello”.

O Diario Oficial de Galicia publica a Orde da Vicepresidencia Primeira e Consellería de Economía, Industria e Innovación do 23 de febreiro de 2023 pola que se establecen as bases reguladoras para a concesión, en réxime de concorrencia competitiva, de subvencións para a transformación dixital e modernización do sector comercial e artesanal e se procede á súa convocatoria para o ano 2023 (código de procedemento CO300C)

 Persoas e entidades beneficiarias

As persoas físicas ou xurídicas, comunidades de bens ou calquera outro tipo de unidade económica ou patrimonio separado sen personalidade xurídica, legalmente constituídas, que en todo caso cumpran, ademais, os seguintes requisitos:

1. Comerciantes retallistas:

a) Que desenvolvan a súa actividade comercial en Galicia, que o domicilio social radique na Comunidade Autónoma, que non teñan a consideración de gran establecemento comercial segundo a normativa aplicable e que cumpran os requisitos establecidos legalmente para exercer a actividade. No caso de comerciantes que realicen a actividade comercial en liña, deberán ter o domicilio social na Comunidade Autónoma de Galicia.

b) Que, tendo a condición de peme conforme os requisitos establecidos pola Comisión Europea no Regulamento da Unión Europea 651/2014 (DOUE 187, do 26 de xuño de 2014), teñan un número de empregados/as igual ou inferior a vinte (20), incluídas as persoas en situación de autoemprego.

c) Que estean dados de alta nalgunhas das epígrafes do IAE que se relacionan no anexo II e III e que esta constitúa a actividade para a que vai dirixida a subvención.

No caso de que a actividade subvencionable se corresponda cunha actividade das epígrafes relacionadas no anexo III, deberá estar dado de alta nalgunha actividade comercial relacionada no anexo II.

No suposto de que nun mesmo establecemento comercial se realicen actividades comerciais subvencionables con outras actividades comerciais ou servizos non subvencionables, o solicitante deberá acreditar fidedignamente que a actividade principal está incluída nas epígrafes do IAE que se relacionan no anexo II e III. En todo caso, a actividade principal do establecemento deberá realizarse de forma notoria e inequívoca.

d) Que desenvolvan a actividade comercial nun establecemento comercial cunha superficie de exposición e venda igual ou inferior a 300 metros cadrados, agás que a actividade comercial se encadre na epígrafe 653.1 do IAE.

2. Obradoiros artesáns:

Que estean inscritos no Rexistro Xeral de Artesanía de Galicia. No caso de novos obradoiros, terán de prazo ata o último día do prazo de presentación de solicitudes para solicitar a inscrición no dito rexistro.

Obxecto

As subvencións reguladas por estas bases teñen por obxecto a concesión de subvencións para a transformación dixital e modernización do sector comercial e artesanal.

Prazo de presentación de solicitudes

Un mes, contado  partir do día 1 de marzo de 2023.

O Diario Oficial de Galicia publica a Resolución do Instituto Galego de Promoción Económica que aproba as bases reguladoras das axudas á implantación de solucións avanzadas para o desenvolvemento da economía circular para o ano 2023, susceptibles de seren cofinanciadas no marco do programa operativo Feder Galicia 2021-2027, e se procede á súa convocatoria en réxime de concorrencia competitiva (código de procedemento IG300F).

Beneficiarias

Poderán ser beneficiarias destas axudas as pequenas e medianas empresas (pemes), , calquera que sexa a súa forma xurídica, incluíndo os empresarios autónomos, e que teñan un centro de traballo en Galicia no cal se vaia realizar o proxecto.

 Obxecto

As axudas concédense en réxime de concorrencia competitiva e van destinadas á posta en marcha de proxectos para o desenvolvemento da economía circular cuxa finalidade sexa o desenvolvemento e a implantación de solucións avanzadas para a produción, transporte e distribución de materias primas, compoñentes, semielaborados e produtos finais, que acaden reducións e aforros na utilización de recursos naturais, auga e enerxía, e diminucións na xeración de refugallos, subprodutos ou desperdicios, coa tendencia de converter os refugallos en recursos de uso noutros procesos produtivos.

Os proxectos poderán ser de dúas modalidades:

a) Proxectos colectivos de simbiose industrial nos cales un grupo de empresas (cun mínimo de tres empresas independentes, opcionalmente coordinadas por un organismo intermedio colaborador) aborda un proxecto de economía circular para mellorar o uso dos recursos e reducir os impactos ambientais de maneira conxunta. A simbiose industrial facilita o intercambio de enerxía, materiais, auga e subprodutos para pechar os ciclos de materiais e enerxía, maximizar o uso de residuos e minimizar o uso de materia prima.

b) Proxectos individuais nos cales unha peme aborda a implantación dun sistema de economía circular, parcial ou integral, especificamente deseñado ou desenvolvido para o seu ámbito de actividade.

 Prazo de presentación de solicitudes

O prazo de presentación de solicitudes  desde as 8.00 horas do día 1 de febreiro  e rematará as 14.00 horas do día 28 de febreiro

O Diario Oficial de Galicia publica a Orde da Consellería de Promoción do Emprego e Igualdade do 10 de xaneiro de 2023, pola que se establecen as bases reguladoras
para a promoción e consolidación do emprego autónomo a través do Programa
de axudas a persoas traballadoras autónomas pola contratación indefinida e a
formación de persoas asalariadas, e se realiza a súa convocatoria para o ano
2023 (código de procedemento TR349F).

-Persoas beneficiarias

Poderán ser beneficiarias as persoas traballadoras autónomas ou as persoas profesionais con domicilio social e fiscal en Galicia, pola primeira, segunda e terceira contratación que realicen con carácter indefinido.

Obxecto

O obxecto desta orde é fixar as bases reguladoras e realizar a convocatoria para o ano 2023 dos incentivos á contratación indefinida inicial e a formación de persoas desempregadas realizada polas persoas traballadoras autónomas ou por persoas profesionais con domicilio social e fiscal na Comunidade Autónoma de Galicia, co fin de promover a consolidación do emprego autónomo (código de procedemento TR349F).

Este programa inclúe dous tipos de axudas compatibles entre si:

1. Bono de contratación, por medio do cal se proporcionará unha subvención para a contratación indefinida inicial de persoas desempregadas.

2. Bono de formación (opcional), por medio do cal se proporcionará unha subvención para accións formativas dirixidas ás persoas traballadoras cuxos contratos se subvencionan por medio desta orde, co obxecto de mellorar os seus coñecementos e as habilidades relacionadas co posto de traballo.

– Prazo de presentación de solicitudes

O prazo para presentar solicitudes comezará o día 4 de febreiro de 2023 e rematará o 29 de setembro de 2023.

O Diario oficial de Galicia convoca un conxunto de axudas :

• Bono enerxía peme

-Persoas e entidades beneficiarias

Poderán ser beneficiarios das subvencións, sen prexuízo de reuniren os demais requisitos establecidos nestas bases, as empresas legalmente constituídas e os empresarios autónomos que teñan domicilio social ou centro de traballo en Galicia e cuxa actividade estea incluída entre as seguintes seccións do CNAE 2009:

2. Os requisitos para obteren a condición de beneficiarios deberanse cumprir, como máis tarde, na data límite de remate do prazo de presentación de solicitudes.

-Obxecto

Regular a concesión de subvencións para a realización de proxectos de mellora enerxética, destinadas a pemes e autónomos con actividade económica no campo do comercio, hostalaría, artístico-recreativo e outros servizos, dentro do territorio da Comunidade Autónoma de Galicia, que cumpran os requisitos e condicións establecidos no articulado desta resolución (código de procedemento IN417Z).

-Contía da axuda

1. A contía da subvención será do 80 % do custo elixible da actuación.

2. Con carácter xeral, establécese unha axuda máxima de 6.000 euros por solicitude.

3. O importe total das axudas de minimis concedidas a unha única empresa non excederá os 200.000 euros durante calquera período de tres exercicios fiscais, de 100.000 euros cando se trate de empresas de transportes de mercadoría por estrada por conta allea, de 30.000 euros para empresas do sector da pesca e da acuicultura e de 20.000 euros para empresas do sector agrícola.

4. En ningún caso o custo de adquisición dos gastos subvencionables poderá ser superior ao valor do mercado

-Forma e prazo de presentación de solicitudes

1. As solicitudes subscribiranas directamente os interesados ou a persoa que acredite a súa representación por calquera medio válido en dereito.

2. O prazo de presentación das solicitudes comeza ao día 25 de xaneiro de 2023 e rematará o 29 de xuño de 2023.

3. As solicitudes presentaranse obrigatoriamente por medios electrónicos a través do formulario normalizado accesible desde a sede electrónica da Xunta de Galicia, https://sede.xunta.gal, e na páxina web do Inega. Para o acceso á aplicación de presentación das solicitudes será necesario o número do NIF e o contrasinal determinado polas persoas interesadas.

Prazo para a execución da instalación

A data límite para executar o proxecto e presentar a documentación xustificativa dos investimentos será o 2 de outubro de 2023.

• Plan Galicia Emprega

-Persoas ou entidades beneficiarias

Poderán ser persoas ou entidades beneficiarias dos incentivos previstos nesta orde as persoas empregadoras e as empresas, calquera que sexa a forma xurídica que adopten, incluídas as persoas autónomas que contraten persoas traballadoras por conta allea para prestaren servizos en centros de traballo radicados na Comunidade Autónoma de Galicia, de acordo cos requisitos e condicións que se establecen nesta orde. Tamén poden ser beneficiarios dos incentivos os centros especiais de emprego, excepto para subscribir contratos con persoas con discapacidade, e as empresas de inserción laboral, excepto para subscribir contratos con persoas en situación o risco de exclusión social.

-Obxecto

Esta orde ten por obxecto fixar as bases reguladoras e convocar para o ano 2023, no ámbito da Comunidade Autónoma de Galicia as axudas establecidas pola Consellería de Promoción do Emprego e Igualdade que favorezan a contratación de persoas desempregadas na empresa ordinaria (e entidades sen ánimo de lucro), especialmente daquelas que teñen maiores dificultades de inserción laboral, coa finalidade de seguir paliando os prexuízos económicos sobre o mercado de traballo, derivados dos efectos da pandemia provocada pola COVID-19 e agravados pola invasión de Ucraína por parte de Rusia.

A orde regula o Plan de Galicia emprega (código de procedemento TR342C) de incentivos á contratación por conta allea e á formación dos colectivos vulnerables recollidos no artigo 25.1.a), a través de dúas liñas de axudas:

1. A liña de incentivos á contratación por conta allea que inclúe catro modalidades de axudas:

a) Incentivos á contratación indefinida inicial de persoas desempregadas.

b) Incentivos ao incremento de xornada das contratacións indefinidas, de tempo parcial a tempo completo.

c) Incentivos ao incremento da duración anual dos contratos fixos-descontinuos a un mínimo de 9 meses.

d) Axudas para a adaptación de postos de traballo de persoas con discapacidade.

2. A liña de incentivos ás accións formativas no centro de traballo, de carácter opcional, dirixida ás persoas contratadas mediante contratación indefinida inicial por medio desta orde.

-Prazo de presentación de solicitudes

O prazo xeral para presentar as solicitudes destas axudas  comezará o día 1 de febreiro de 2023  e rematará o 29 de setembro de 2023.

• Préstamos directos para financiamento empresarial en Galicia

 –Beneficiarias

1. Poderán ser beneficiarias aquelas empresas que cumpran os seguintes requisitos:

a) Realicen unha iniciativa empresarial nun centro de traballo, obxecto da actuación que se vai financiar, situado na Comunidade Autónoma de Galicia.

b) Cumpran as condicións establecidas especificamente para a correspondente modalidade de préstamo, conforme os requisitos que se detallan no anexo I das bases reguladoras.

c) Acheguen para a actuación unha contribución financeira mínima do 25 % do custo total, exenta de calquera tipo de apoio público.

2. Para as modalidades de préstamo especificamente indicadas no anexo I das bases reguladoras, poderán ser tamén beneficiarias as persoas físicas, as agrupacións de persoas físicas ou xurídicas, agrupacións de interese económico, as sociedades civís e comunidades de bens que cumpran os requisitos do anterior número 1.

-Obxecto

As axudas concédense en réxime de concorrencia non competitiva e teñen por obxecto a posta en marcha das seguintes liñas de préstamos: préstamos para investimentos estratéxicos, préstamos para financiar investimentos en infraestruturas de uso compartido e desenvolvemento de proxectos en Galicia por parte de centros tecnolóxicos e asociacións empresariais, préstamos para financiar a operativa da industria auxiliar naval e préstamos para financiar a operativa das empresas no contexto actual de incremento xeneralizado do custo das materias primas e da enerxía.

– Prazo de presentación de solicitudes

O prazo de presentación de solicitudes comezará ás 8.00 horas do día 1 de febreiro  de 2023 e rematará o 29 de decembro de 2023, ás 14.00 horas, agás que se produza o suposto de esgotamento do crédito.