Categoría: Sanidade

Obradoiros sobre prevención de accidentes domésticos

13/06/2022

Obradoiros sobre prevención de accidentes domésticos

Programa "Prevención é Saúde" da Concellería de Sanidade do Concello de Barbadás

  • A Concellería de Sanidade, como continuación ás actividades que se veñen desenvolvendo no Concello de Barbadás dentro do programa PREVENCIÓN É SAÚDE, organiza uns obradoiros sobre PREVENCIÓN DE ACCIDENTES DOMÉSTICOS, que se realizarán durante este mes de xuño, nos distintos locais sociais do concello.

 

  • As datas e lugares previstos son:
    • 16 de xuño, ás 18:30 h, no local social FONVAL (A Valenzá)
    • 17 de xuño, ás 18:30 h, no local social de BENTRACES
    • 20 de xuño, ás 18:30 h, no local social de LOIRO
    • 21 de xuño, ás 18:30 h, no local social FIDALGUIÑO de Sobrado do Bispo
    • 22 de xuño, ás 18:30 h, no local social da FINCA FIERRO
  • Imparte, persoal de Protección Civil do Concello de Barbadás.
  • Proximamente, informarase de datas e lugares onde se levarán a cabo máis obradoiros sobre esta temática.

 

Obradoiro Prevención accidentes domésticos _ Concello de Barbadás    

 

CONTENT-CAT.1656339301

Presentación do II Paseo da Saúde

24/05/2022

Presentación do II Paseo da Saúde

O 3 de xuño será o día central, con actividades complementarias en días anteriores e posteriores.

O PASEO DA SAÚDE DE BARBADÁS REÚNE A 15 COLECTIVOS RELACIONADOS CON PATOLOXÍAS E ENFERMIDADES DIVERSAS

Obradoiros, charlas didácticas, unha masterclass de ioga e merenda saudable para os/as máis cativos conforman un programa de actividades que se desenrolarán previamente e o propio 3 de xuño

Protección Civil de Barbadás estará tamén para inculcar a importancia da prevención

  • Este mediodía presentouse en Barbadás a segunda edición do Paseo da Saúde. No acto estiveron Victoria Morenza, tenente alcalde, Elisabet González, concelleira de Sanidade, Daniel Rey, responsable de Protección Civil de Barbadás.

 

  • Á presentación acudiron representantes de diferentes colectivos relacionados co ámbito da saúde: Natalia Estévez, da Asociación de Mulleres con endometriose; Silvia Suárez, de Por eles TEA, Asociación Autista de Ourense; Rebeca Fernández , de ASEIA, Asociación para a saúde emocional na Infancia e na adolescencia; Leticia Bianchi, de Morea; Carmen Dorado, de Alcer, Asociación de Loita contra a enfermidade renal; Paz Gómez-del Valle, da Asociación Diabética Aurea; Susana Fernández, Audemper; Lucía Maceiras e Rosa Vieytes, de Autismo Ourense e Óscar Doval de Afaor, Asociación de enfermos de Alzheimer. Tamén estivo  Chari Álvarez, de ACCU Ourense, da Asociación de Crhn e colite ulcerosa.

 

  • Tamén participan no Paseo da Saúde colectivos como a Asociación española contra o cancro; Aodem, Asociación e Esclerose múltiple, parkinson e enfermidades raras; Asociación de Fibromialxia e fatiga crónica; Asociación de Crohn e colite ulcerosa; Asociación de Celíacos de Galicia; Renacer, Asociación de Dano cerebral; Asociación de Familiares e enfermos mentais, AFEM, Asociación de Familiares e enfermos mentais e Fundación Neuroburgas.

 

  • Victoria Morenza, tenente alcalde de Barbadás, agradeceu a presenza das/os representantes dos colectivos vinculados á saúde para a presentación do II Paseo da Saúde, que terá lugar este venres día 3 de xuño en horario de mañá e tarde na Avda. de Celanova, preto da rotonda da familia,

 

  • Morenza indicou que “nesta edición contaremos coa presenza de moitas asociacións relacionadas co ámbito da saúde da nosa provincia e cada unha delas dará a coñecer o traballo que realizan en relación á prevención e tratamento de diversas patoloxías e enfermidades”.

 

  • O Paseo da Saúde ofrecerá información de interese para toda a cidadanía non só coa presenza dos diferentes colectivos que se ubicarán nas carpas que se instalarán na avenida de Celanova, na zona da rotonda da familia senón que tamén están previstas charlas formativas e obradoiros didácticos para coñecer o traballo destas asociacións, sinalou a tenente alcalde.

 

  • Dende o Concello de Barbadás “temos claro que para promocionar a saúde hai que priorizar a prevención, por iso o lema desta edición é “PREVENCION É SAÚDE”, apuntou Morenza.

 

  • O que se pretende con este Paseo da saúde é dar a coñecer o traballo tan fundamental, e tantas veces esquecido, destas asociacións, que traballan, non soamente para axudar aos enfermos e enfermas desas patoloxías, senón tamén “para orientar e apoiar ás súas familias, que en moitos casos este é un traballo fundamental: a nivel psicolóxico e profesional, a través de fisioterapia, do apoio de profesionais do traballo social, e así como a través da labor das persoas voluntarias que hai en cada unha das entidades e asociacións, que de xeito desinteresado fan un traballo silencioso pero moi necesario que serve de apoio para que as persoas que sofren esas patoloxías e enfermidades poidan manter unha vida, o máis normalizada posible”, destacou Morenza.
  • Elisabet González Nistal, concelleira de Sanidade, informou que “tamén contaremos coa presenza da matrona do Sergas do centro de saúde de Barbadás, “quen se amosou interesada en acudir para informar a todas aquelas persoas que se acheguen para resolver dúbidas, ou para pedir información acerca da súa labor”.

 

  • González Nistal comentou que “este ano como novidade están programadas diferentes actividades relacionadas ca saúde, como son: o día 3 ás, 19:00h, terá lugar no parque da Solaina unha masterclass de IOGA que estará aberta a todo ó publico e será impartida por unha monitora do Polideportivo do concello.

 

  • Tamén o mesmo día 3 de xuño, de 17:30 a 18:30h haberá un obradoiro de merenda saudable dirixido a todos os nenos e nenas que queiran participar e terá lugar onde se ubica o Paseo da Saúde.

 

  • Este ano, a segunda edición do Paseo pola saúde, abarca unha programación mais ampla que non se vai centrar nun so día, xa que a partires de mañá, levaranse a cabo unha serie de charlas informativas, impartidas por diferentes asociacións participantes:
    • Maña día 25 de maio, ás 11:00h na casa da Mocidade, Aseia Galicia impartirá un taller de Saúde emocional.
    • O día 26 de maio as 19:00h terá lugar na aula de actividades, sita na rúa do Ensino, un charla a cargo de Alcer
    • O día 30 de maio ás 19:00h, a asociación Auria diabética, dará unha charla informativa na aula de actividades, tamén na rúa do Ensino.
    • Afaor impartirá o día 31 de maio ás 17:30h, unha charla preventiva na aula de actividades, situada no rúa do ensino
    • A Asociación de celíacos de Galicia, estará presente o día 1 de xuño, as 19:00h, na casa da Mocidade.
    • E por último o día 2 de xuño ás 19:00h a asociación Querendo, de mulleres con endometriose, impartirá unha charla informativa relacionada con esta enfermidade, será aquí, neste mesmo lugar, na casa da mocidade
  • A edil de Sanidade destacou que “imos contar coa presenza de Protección Civil de Barbadas, a todos os voluntarios e voluntarias aos que queremos hoxe recoñecer e agradecer publicamente a súa labor tan desinteresada”.

 

  • O venres 3 de xuño a agrupación de voluntarios/as de Protección Civil estarán coa carpa que utilizan nos momentos de emerxencias e cos seus vehículos, para que os/as nenos e nenas dos colexios de Barbadas, poidan velos e participar nun obradoiro de primeiros auxilios e  RCP que impartirán os propios voluntarios de protección civil e que non só van dirixidos aos nenos e nenas, senón que tamén poderán participar todas aquelas persoas que se queiran achegar.

 

  • Este abano de demostración pretenden conformar “unha xornada de portas abertas, para dar a coñecer un pouco mais en profundidade a labor dos voluntarios e voluntarias de Protección Civil.

 

  • Así mesmo, vamos a contar coa presenza dunha UNIDADE MÓBIL DO CENTRO DE TRANSFUSIÓN DE GALICIA, para que todas as persoas que queiran ter o xesto altruísta de doar sangue, poidan acudir a esta unidade móbil, posto que é moi importante e necesario para salvar vidas ou tratar enfermidades.

 

  • Daniel Rey, responsable de Protección Civil, indicou que “queremos visibilizar por unha parte a importancia do voluntariado que todos nós representamos”.

 

  • Rey apuntou que “vimos dunha pandemia que nos ensinou moitísimas cousas que non coñeciamos e nese punto é cando se ve a importante de todas as actividades que se levaron a cabo no fomento de prevención e a saúde”.

 

  • Con respecto ás actividades “que imos a levar a cabo, neste caso a máis importante é a capacidade de divulgación que se vai impartir en todas as asociacións, en concreto nós cos centros educativos nos cales vamos facer unhas charlas sobre as nosas actividades de prevención, e insisto nisto porque Protección Civil neste caso baséase na prevención. Por este motivo queremos transmitirlle aos/ás cativos/as e a asociación As Burgas que tamén participarán como novidade este ano esa cultura de prevención que vamos levar por todo o concello.

 

  • “A prevención parte do ámbito doméstico, educativo ímola transmitir nunhas charlas cos rapaces do colexio en horario de mañá. O ano pasado consistiu nunha exhibición de vehículos e material que utilizamos, ademáis dunha charla de primeiros auxilios básicos e RCP para aprender os conceptos básicos que son imprescindibles, que deberían estar incluídas no currículo escolar como se fai noutros países” explicou Daniel Rey.

 

  • Aparte disto, destinado tanto aos colexios como ao resto de xente, pola tarde haberá unha xornada de portas abertas sobre estas actividades.

 

  • Finalmente o responsable de Protección Civil de Barbadás agradeceu ao Concello que se organicen este tipo de eventos que contribúen a dar visibilidade ás actividades do voluntariado e á que a sociedade lle dea importancia.

 

  • Paz Gómez-del Valle, da Asociación Diabética Auria, afirmou falar “en nombre de todas las asociaciones, para mí es una gran satisfacción como portavoz de todas las asociaciones contar con un Concello como el de Barbadás que nos tiene en cuenta y sobre todo cuida mucho la prevención de enfermedades”.
    “Desde el año pasado a este, se ha completado la jornada con los talleres, con personas participativas, 18 asociaciones, todos unidos en la calle dando visibilidad a todas nuestras patologías. Es de agradecer y estar encantados, nos ofrecemos a todo lo que necesiten y podamos hacer como asociaciones”, sinalou Gómez-del Valle.

 

  • A representante de Auria Diabéticos comentou que agarda que “cunda el ejemplo  en toda la contorna porque en Ourense teníamos unas jornadas fantásticas, y han desaparecido. No solo es bueno para nosotros, para conocernos, para saber que estamos ahí, hacer proyectos en conjunto, sino también la prevención, información y formación de nuestras patologías, y la única manera que tenemos de allegarnos a eso es estando en la calle, porque si no nos quedamos muy reducidos en nuestro núcleo, en nuestros asociados y dándonos oportunidades como ellos nos dan de salir a la calle y darnos a conocer como asociaciones y nuestras patologías”.

 

  • E por último, e non por iso menos importante, González Nistal agradeceu a colaboración neste II Paseo da Saúde e o patrocinio das seguintes empresas locais: Helbagraf, Coarvi, Auromar, Jofisa, a Cova do Savio e  Jofesa.

 

 

 

CONTENT-CAT.1656339301

Coidados porta a porta en Barbadás: estimulación de memoria, podoloxía e audioloxía

07/04/2022

Coidados porta a porta en Barbadás: estimulación de memoria, podoloxía e audioloxía

Os 28, 29 de abril, 2 e 3 de maio de 9:00 h – 20:00 h

“COIDADOS PORTA A PORTA”, PROXECTO CO QUE LEVAMOS SERVIZOS ASISTENCIAIS ÁS PERSOAS MAIORES NO  RURAL PARA A PREVENCIÓN DA DEPENDENCIA: ESTIMULACIÓN DE MEMORIA, PODOLOXÍA, AUDIOLOXÍA
Vai dirixido con cita previa a persoas maiores de 55 anos con cita previa.
Os servizos que se presntan son:

  • – ESTIMULACIÓN DA MEMORIA –
    A alta en incidencias de deterioro cognitivo en persoas maiores fai aconsellable a valoración cognitiva e a intervención terapéutica como forma de previr e aminorar o proceso.
    – Estimulación COGNITIVA
    – Estimulación FUNCIONAL
    – Prevención da DEPENDENCIA mediante hábitos de vida saudables
    – Promoción do ENVELLECEMENTO ACTIVO

 

  • – PODOLOXÍA –
    O coidado do pé adquire importancia co paso dos anos. Permite garantizar autonomía e previr patoloxías que poidan resultar en complicacións médico-cirúrxicas.
    – CONSULTA BÁSICA de podoloxía
    – Corte de e limpieza de UNLLAS
    – Eliminación de DUREZAS, CALLOSIDADES E HELOMAS
    – Valoración do ESTADO XERAL DO PÉ

 

  • – AUDIOLOXÍA –
    O deterioro auditivo pode afectar á integración sensorial e resultar nunha menor socialización. A revisión é importante para a prevención.
    – CONSULTAS BÁSICAS de audioloxía
    – EXPLOTACIÓN funcional da audición
    – PREVENCIÓN da perda auditiva

 

O Servizo de Coidados Porta a Porta estará en Barbadás, na explanada do Mercadona,  os días 28, 29 de abril e  2, 3 de maio de 2022 en horario de 9:00 h – 20:00 h

É preciso solicitar cita previa no teléfono 622 748 283 ou no correo electrónico coidadosportaaporta.politicasocial@xunta.gal.

CONTENT-CAT.1656339301

Mensaxe do Alcalde de Barbadás á cidadanía con motivo do incremento de casos activos de covid

28/11/2021

Mensaxe do Alcalde de Barbadás á cidadanía con motivo do incremento de casos activos de covid

MENSAXE DO ALCALDE Á CIDADANÍA DE BARBADÁS

 

Estimado/a conveciño/a

 

Novamente vivimos no noso concello, nas nosas familias e entre as nosas amizades, unha situación sumamente preocupante, unha situación crítica en relación á pandemia Covid19. 

 

Nos últimos días ten habido unha auténtica explosión de casos que está afectando sobre todo ó colectivo de nenos e nenas en idade escolar e a adultos/as non vacinados/as. 

 

Semella que a pandemia cabalga a lombos dun cabalo desbocado.  

 

Hai meses as persoas máis agredidas foron as de máis avanzada idade, os nosos avós e avoas. Hoxe a situación mudou radicalmente e a pandemia vive unha nova fase que temos que vencer e superar canto antes.

 

Para acadar esta victoria máis pronto que tarde é imprescindible unha actitude solidaria e cívica. Unha actitude que pasa por pensar nas demais persoas, nas que queremos, nos/as nosos/as conveciños e conveciñas, no conxunto da veciñanza. 

 

Hoxe domingo 28 de novembro de 2021 hai no concello de Barbadás 75 casos activos, afortunadamente a gran maoiría son leves ou asintomáticos pero por iso non menos importantes.

 

Quero facer un chamamento á responsabilidade individual, ó sentido común, á sensibilidade que habita no corazón de cada un e unha de nós.

 

Tamén é un chamamento a que sexamos sensibles á preocupación que teñen as familias dos afectados e afectadas.

 

Só hai un xeito para vencer definitivamente. Non hai máis que unha opción, esa opción chámase vacina

 

Aínda hai colectivos que rexeitan vacinarse, a pesares de que os datos son sumamente elocuentes e falan por si mesmos. 

 

Solicito que as persoas que aínda están sin vacinar acudan ós centros de vacinación habilitados polo SERGAS xa que estamos a falar da saúde de todos e de todas. 

 

Tamén é fundamental que cando se inicie o proceso de vacinación dos nenos e nenas menores de 12 anos haxa unha participación masiva que será esencial para que esta situación non se repita novamente. 

 

O éxito só se acada cunha vacinación masiva.

 

E non é menos importante cumprir coas normas e recomendacións hixiénico sanitarias e seguir utilizando a máscara e o xel hidroalcoholico

 

Chegou a hora de decir que temos que erradicar o medo á vacina xa que hai tempo quedou demostrado que os efectos secundarios son mínimos.

 

En momentos tan complicados resulta esencial o traballo do persoal sanitario do Centro de Saúde de Barbadás e por esa razón, como Alcalde de Barbadás, quero trasladarlles  o agradecemento polo seu gran esforzo, disposición e colaboración para poder solventar esta situación.

 

A comunidade educativa vive  desde hai meses situacións complexas e que son moi complicadas de xestionar. Temos que valorar a súa gran implicación e facerlles chegar todo o noso apoio, gratitude e solidariedade.

 

Grazas a todos e a todas.

 

Un cordial saúdo.

Xosé Carlos Valcárcel

CONTENT-CAT.1656339301