O ALCALDE DE BARBADÁS PROMOVE A CREACIÓN DE UN POSTO DA GARDA CIVIL NO MUNICIPIO

Responsables da Benemérita manteñen dende hai semanas contactos co rexedor de Barbadás, o socialista Xosé Carlos Valcárcel, para estudar posibles ubicacións das futuras instalacións

• O alcalde de Barbadás, Xosé Carlos Valcárcel, e responsables da Garda Civil mantiveron esta mañá unha reunión para abordar a posible ubicación no concello de un posto principal da Garda Civil.

• O encontro para abordar este asunto contou coa presenza do xefe de persoal e apoio da Comandancia da Garda Civil de Ourense, José Benito Fernández Santamarina, e do xefe da Compañía en Ourense, Jesús Viaño Calviño, e da tenente alcalde, Victoria Morenza.

• O alcalde de Barbadás considera que a posibilidade de que a “Garda Civil ubique en Barbadás un posto no noso concello implica unha mellora notable na seguridade a todos os niveis, ademais de converter ao municipio nun punto neurálxico”.

• A presenza física dun posto principal da Garda Civil “significaría ademais un avance a nivel de cercanía á veciñanza do corpo da Garda Civil e facilitaría a accesibilidade non só da veciñanza do municipio senón da zona metropolitana, converténdose Barbadás nun punto xeoestratéxico”.

• Tanto a Garda Civil coma o goberno de Barbadás están estudando posibles ubicacións deste posto principal tanto a nivel técnico como estratéxico e que incida na accesibilidade.

PROTECCIÓN CIVIL DE BARBADÁS REALIZOU 68 SERVIZOS NO MES DE XUÑO

• Servizo Municipal de Protección Civil do Concello de Barbadás realizou ao longo do mes de xuño un total de 68 intervencións.

• Protección Civil de Barbadás participou en 17 operativos e 12 servizos de prevencións de riscos.

• Os/as voluntarios/as participaron tamén no rescate de unha persoa atrapada nun ascensor e en 7 intervencións relacionadas co control de vespas velutinas.

• Dende este servizo municipal tamén se interveu no operativo habilitado pola desaparición de unha persoa, que finalmente foi localizada.

• Participaron tamén en 2 incendios e en 1 accidente de estrada así como en 3 anegamentos.

• Recolleronse 10 animais e participouse nunha intervención de un árbore con risco para a seguridade das persoas. Tamén se interveu en 1 asistencia sanitaria e en 7 servizos de variada natureza.

• Dende o Concello de Barbadás, o alcalde, Xosé Carlos Valcárcel valora moi positivamente o grao de traballo e implicación do voluntariado no Servizo de Protección Civil, así como da coordinación do mesmo polo seu responsable, Daniel Rey.

A XUNTA LOCAL DE SEGURIDADE DE BARBADÁS EVIDENCIA QUE BARBADÁS REXISTRA UN DOS ÍNDICES DE DELINCUENCIA MÁIS BAIXO DA PROVINCIA

• A Xunta Local de Seguridade celebrouse hoxe 18 de marzo pola mañá no Concello de Barbadás coa asistencia do Subdelegado do Goberno en Ourense, Emilio González Afonso, representantes da Garda Civil, o xefe da Policía Local de Barbadás, Fernando Freire, e a xefa da Unidade de Violencia de Xénero, María Alida Iglesias.

• Tamén estivo o alcalde de Barbadás, Xosé Carlos Valcárcel, quen acolleu positivamente a conclusión respecto do índice de delincuencia.

• Valcárcel indica que este índice “segue a ser un dos máis baixos da provincia”. Tamén se puxo de manifestó que “hai una importante diminución dos actos vandálicos no concello de Barbadás”.

• Outra das conclusións destacadas na Xunta Local de Seguridade alude a que se rexistrou un gran incremento de casos esclarecidos.

PROTECCIÓN CIVIL DE BARBADÁS RECIBE UNHA CARPA PLEGABLE PARA A ATENCIÓN DE EMERXENCIAS

Esta mañá tivo lugar en Barbadás a entrega de equipamento a 13 agrupacións de voluntarios coa presenza de O delegado territorial da Xunta de Galicia en Ourense, Gabriel Alen Castro, acompañando ao Director Xeral de Emerxencias e Interior, Santiago Villanueva.

• No acto de entrega estiveron delegado territorial da Xunta de Galicia en Ourense, Gabriel Alen Castro, acompañando ao Director Xeral de Emerxencias e Interior, Santiago Villanueva, fixeron entrega aos Alcaldes que asistiron esta mañá en Barbadás a entrega de13 tendas de campaña para as emerxencias ás Agrupacións de Voluntarios de Protección Civil da provincia de Ourense que resultaron beneficiarias da orde de axudas da Xunta para equipamentos de emerxencias, dotada con 1.022.600 euros.

• Recibiron equipamentos as agrupación de voluntarios dos concellos de Bande, Barbadás, Boborás, Carballeda de Avia, Cartelle, Castro Caldelas, Cortegada, Lobios, Allariz, Riós, Vilar de Barrio, Xinzo de Limia e Xunqueira de Ambía.

• O alcalde de Barbadás, Xosé Carlos Valcárcel, fixo un recoñecemento específico da agrupación de voluntarios de Barbadás, por ser un referente a nivel provincial e autonómico e fíxoo extensivo a todas as da provincia e agradeceu a aportación da Xunta na aportación dos equipamentos.

• “Esta carpa utilizarase, ademáis de en operativos de emerxencias, en dispositivos preventivos e únese á carpa hinchable que xa tiña o Servizo de Emerxencias de Protección Civil de Barbadás”, comenta Daniel Rey.

• A entrega realizouse en Barbadás como lugar centralizado no que outras agrupacións tamén recibiron equipamentos.

• “A actividade de cada agrupación é a que puntúa na entrega deste material”, explica Daniel Rey, responsable de Protección Civil Barbadás.

• Enmarcada nesta dotación de material que se ven recibindo nos últimos anos implica que “sexa un Servizo de Protección Civil mellores dotados da provincia de Ourense”, indica Rey.

A AGRUPACIÓN DE VOLUNTARIOS DE PROTECCIÓN CIVIL DE BARBADÁS REALIZOU UN TOTAL DE 585 SERVIZOS NO PRIMEIRO SEMESTRE DE 2021

Interviñeron en 67 operativos programados con antelación, como poden ser eventos culturais, lúdicos, de ocio e relixiosos ou deportivos

O responsable de Protección Civil de Barbadás, Daniel Rey, destacou  que “a colaboración coas forzas e corpos de seguridade cada vez é máis estreita, a situación de pandemia propiciou a colaboración entre os diferentes corpos”.

• A Agrupación de voluntarios de Protección Civil de Barbadás realizou un total de 585 operativos no primeiro semestre de 2021.

• Os/as voluntarios/as interviñeron en 38 accidentes en estradas, dos cales 17 foron con persoas feridas e 21 sen feridos.

• Respecto de actuacións derivadas da COVID-19, Protección Civil interveu en 85 ocasións.

• Dende o Servizo Municipal de Protección Civil de Barbadás tamén se efectúan atencións sanitarias. No primeiro semestre de 2021 foron un total de 23 as intervencións de tipo sanitario.

• O responsable de Protección Civil de Barbadás, Daniel Rey, explica que “no 2021 recuperase o número de servizos urxentes e de emerxencia porque no 2020, debido ao confinamento, baixou bastante ao reducirse o número de desprazamentos por estrada e ao non producirse situacións con risco”.

• As intervencións relacionadas coa loxística en torno ao covid-19 teñen baixado en número, “pero segue a realizarse o apoio a persoas confinadas, desinfeccións e tarefas que teñen que ver coa situación de pandemia”, indica Rey.

• A recollida de animais abandonados, feridos ou perdidos é outra das actividades que efectúa Protección Civil de Barbadás, de xeito que dende principios de xaneiro a finais de xuño recolléronse un total de 101.

• Tamén interviñeron os/as voluntarios/as na busca de 6 persoas desaparecidas e atenderon a 10 usuarios/as do Servizo de Axuda no fogar.

• Respecto aos operativos programados con antelación, como poden ser eventos culturais, lúdicos, de ocio e relixiosos ou deportivos, A Agrupación de Voluntarios/as estivo en 67 destas actividades.

• Interviñeron en 14 incendios, e 8 controis de tráfico, en 7 aperturas de porta de carácter urxente, en 9 desprendementos e 11 incidentes con placas de xeo.

• Durante o primeiro semestre Protección Civil interveu en 19 anegamentos, 7 verquidos de estrada 46 operativos de prevención de riscos e en 55 actividades de poda, corta ou entresaca de árbores con risco. Tamén interviñeron en 51 servizos de diferente tipo en 13 avisos por velutina  e en 12 servicios por avisos de presenza de enxames de abellas.

• Daniel Rey resinou que “a principios de ano comezouse a realizar prevención de incendios coa limpeza das estradas que veñen a contribuír a manter no mellor estado posible as franxas secundarias para afrontar a tempada de lumes forestais”.

• Respecto de operativos programados, é dicir, aqueles servizos nos que se asiste para eventos deportivos, culturais, relixiosas, etcétera, ao recuperarse a actividade, soben en número, segundo sinala o responsable de Protección Civil.

• Rey destacou que “a colaboración coas forzas e corpos de seguridade cada vez é máis estreita, a situación de pandemia propiciou a colaboración entre os diferentes corpos”.

• Datos de interese sobre Protección Civil de Barbadás: Rúa Ruxidoiro, 4, As Lamas, Barbadás. Teléfonos: 988243 446/988 225273/629 208607.

• avpcbarbadas@hotmail.com; emerxenciasbarbadas@hotmail.com.

• Twitter: @MPCBarbadás/ Facebook: Protección Civil Barbadás.

OS DATOS ESTATÍSTICOS RELATIVOS Á SEGURIDADE NO MUNICIPIO DE BARBADÁS INDICAN QUE EXISTE UNHA LEVE MELLORÍA E PODEN CONSIDERARSE DE MENOR ENTIDADE EN COMPARACIÓN CON CONCELLOS CON UNHA POBOACIÓN SIMILAR.

Os actos vandálicos nas sepulturas do cemiterio xa están esclarecidos e o caso está en mans da Fiscalía

• A xunta local de seguridade de Barbadás abordou hai uns días os actos vandálicos nas sepulturas da Valenzá. Dende a Comandancia da Garda Civil indicouse que o tema está resolto, levouse a cabo unha investigación dos autores, que son menores de idade, e a Fiscalía ten coñecemento dos feitos.

• O Comandante da Garda Civil en Ourense, José Manuel Moral, explicou que cando ocurre un feito destas características prodúcese alarma social, pero que o esclarecemento dos feitos require un proceso e destacou o algo grado de colaboración para localizar aos autores.

• Os datos estatísticos relativos á seguridade no municipio de Barbadás indican que existe unha leve melloría e poden considerarse de menor entidade en comparación con concellos con unha poboación similar.

• A Comandancia da Garda Civil informou na xunta de seguridade que en cando a índices de delincuencia “é comparativamente moi favorable”.

• A Garda Civil indicou tamén nesta xuntanza periódica que a nivel de seguridade cidadá o Concello de Barbadás é un obxectivo prioritario polo tipo de poboación.

• Respecto dos delitos cibernéticos a tendencia é fluctuante porque se toma como referencia onde vive ou traballa a vítima.

• Pola súa banda, o subdelegado do Goberno, Emilio González Afonso, comentou que “este concello é realmente seguro, xa que se está a facer un traballo importante por parte da Garda Civil”. Explicou tamén que cando se produce un furto ou un roubo con violencia xerase un alarmismo, precisando que son froito de “delincuentes e bandas itinerantes que se dedican a controlar máquinas tragaperras e bares”, indicando que a Garda Civil leva a cabo un control rigoroso.

• Na xunta local de seguridade tamén estivo un axente da policía local, un corpo que colabora intensamente coa garda civil no control da seguridade cidadá.

• O alcalde de Barbadás, Xosé Carlos Valcárcel, indica que “os datos facilitados pola garda civil e a policía local certifican e acreditan de xeito fehaciente que “Barbadás é un concello seguro e que a delincuencia está en niveis infereiores ó de España, Galicioa e a provincia de Ourense”.

• Valcárcel destacou que “a efectividade na resolución de delitos é alta grazas ó esforzo, dedicación e colaboración entre a garda civil e a policía local”.

• O rexedor incidiu en que nos últimos anos en Barbadás “baixan os índices de delincuencia e que a veciñanza pode ter a certeza de que se traballa para seguir nesa senda”.
• Na última xunta local de seguridade estiveron tamén Manuel Prado, xefe territorial da Xunta en Ourense, Pedro Freire, axente da policía local, e Daniel Rey, responsable de Protección Civil en Barbadás. Tamén asistiron como ointes membros da oposición.