O CONCELLO DE BARBADÁS PROMOVE A CAMPAÑA “NADAL  SOLIDARIO: O TEU XESTO CONTA”

Actualmente está depositado un carro, no supermercado Froiz da Valenzá, para que as  persoas que queiran poidan seguir colaborando

• O Concello puxo en marcha unha campaña de  recollida de alimentos a través de doazóns particulares e de empresas, asociacións anónimas e calquera persoa que desexe realizar unha achega.

• Dende a  Concellería de Servizos Sociais do Concello de Barbadás, co lema “O TEU XESTO CONTA” quere agradecer  as doazóns de alimentos e de produtos de hixiene, comenta Elisabet González Nistal.

• González Nistal explica que “estes alimentos irán destinados ás familias  con menos recursos, para aliviar a situación vivida ao longo deste ano e para que estas datas teñan a posibilidade de celebrar o Nadal de un xeito acorde con estas datas de ledicia”.

• A concelleira de Servizos Sociais quere trasladar o agradecemento especial  ás asociacións de veciños do noso  concello que tiveron a iniciativa de recollida de alimentos, supermercados, COREN, doazóns anónimas e ao apicultor que doou mel”.

• Así mesmo “queremos facer extensivo o agradecemento a todo o voluntariado, que todo o ano colabora no Banco Solidario de Barbadás “ destacou Elisabet González.

• Actualmente está depositado un carro, no supermercado Froiz, para que as  persoas que queiran poidan seguir colaborando.

• A concelleira de Servizos Sociais  é consciente de que a crise económica e social derivada da pandemia está provocando unha situación de empobrecemento de moita xente, o que leva a que moitas persoas e familias  do noso concello se atopen con dificultades para conseguir alimentos.

• Con esta iniciativa preténdese minimizar esta situación de dificultade que están vivindo familias do concello de Barbadás.

• O destino dos  produtos que se recollan serán para  o Banco Solidario do  Concello de  Barbadas.

CAMPAÑA DE RECOLLIDA DE XOGUETES PARA O BANCO SOLIDARIO DE BARBADÁS

“Este Nadal ningún/ningunha neno/a sen agasallo” é o título desta campaña solidaria promovida pola Concellería de Servizos Sociais

• “O teu xesto conta!” é o espírito da campaña solidaria de recollida de xogos e xoguetes.

• “Este Nadal ningún/ningunha neno/a sen agasallo” é o título desta campaña solidaria promovida pola Concellería de Servizos Sociais.

• As doazóns recolleranse ata o 7 de decembro no Banco Solidario (Rúa do Ensino, 5, A Valenzá, os martes entre as 16,00 e as 18,00 horas) e no polideportivo da Valenzá (rúa Calzada Romana, de luns a venres de 8,00 a 14,00 horas e de 16,00 a 18,00 horas).

• A Concellería de Servizos Sociais do Concello de Barbadás inicia una  campaña de recollida de xoguetes con destino ao Banco Solidario para levar ilusión a nenos/as neste Nadal.

• As crianzas que recibirán estes xoguetes poderán disfrutar con xogos e elementos que desexen doar outras familias para que o espíritu navideño chegue a todos os fogares.

• A concelleira de Servizos Sociais, Elisabet González Nistal, asegura que esta campaña ten como obxectivo “asegurar o dereito a xogos e xoguetes de todos/as nenas e nenos”.

• A cadea solidaria da campaña de doazón de xoguetes ten como finalidade “doar un xoguete , sempre en bo estado, para contribuir a que os/as nenos e as nenas poidan disfrutar neste Nadal, de xoguetes e xogos”.

• Con esta iniciativa “fomentamos a solidariedade entre os/as mais pequenos/as, para que coñezan o valor de compartir e axudar a quen o máis o precise”, comenta González Nistal.

 TODAS E TODOS OS NENOS E NENAS TEÑEN O DEREITO DE TER UN XOGUETE NO NADAL

O PRAZO DE SOLICITUDE PARA BENEFICIARSE DAS AXUDAS A CELÍACOS/AS E INTOLERANTES Á LACTOSA ABRE ENTRE OS DÍAS 1 E 15 DE XUÑO

• A emerxencia sanitaria do Covid-19 provocou a paralización dos prazos administrativos para solicitar a axuda para celiaquía e intelancia á lactosa.

• Unha vez que se retoma a normalidade, estes prazos reabrense entre os días 1 e 15 de xuño.

• A presentación de solicitudes realizarase a través de Rexistro tanto na casa do Concello coma nas Oficinas Municipais da Valenzá.

• A entrega da solicitude cumplimentada require que o/a solicitante pida cita previa nos teléfonos 988 36 00 00 ou 988 39 31 68.

 solicitude axuda celíacos pdf

O CONCELLO DE BARBADÁS PRESENTA UNHA ENQUISA Á VECIÑANZA PARA OPTIMIZAR O BENESTAR E PLANIFICAR INTERVENCIÓNS EN SITUACIÓNS SIMILARES ÁS DO COVID-19

• O Servizo de Educación e Apoio Familiar da área de Servizos Sociais do Concello de Barbadás elaborou unha enquisa que servirá “para coñecer máis polo miúdo as nosas fortalezas e debilidades, o noso potencial e aquelo que sentimos como ameaza”.

• Esta enquisa voluntaria e anónima será un instrumento para “afrontar a realidade concreta coa que traballar de cara ao futuro”.

• A enquisa será tamén un instrumento para identificar cómo coidar e coidarnos cando a emerxencia sanitaria remate e se retome a vida normalizada “e tamén no caso de que por calquera outra cuestión tiveramos que voltar a unha situación de emerxencia”.

• A participación da cidadanía cumplimentando esta enquisa será útil porque os datos propiciarán a programación de proxectos municipais de intervención sociocomunitaria “feitos á medida das nosas necesidades e inquedanzas”, indica a responsable do Servizo de Educación e Apoio Familiar, Eva Dorado.

• A enquisa está enfocada para coñecer a opinión da cidadanía ante diferentes cuestións e extraer conclusións “para saber cómo abordar cuestións de saúde pública relacionadas coa súa vivencia no estado de alarma polo Covid-19”, indica Eva Dorado.

• Dende a Área de Educación e Apoio Familiar, encargada de prestar atención psicolóxica a quen o solicite durante a emerxencia sanitaria destácase “a exemplar resposta da nosa comunidade e da sociedade en xeral ante as medidas extraordinarias adoptadas durante o estado de alarma”.

• É destacale tamén, segundo este Servizo, “o cumprimento e a solidariedade vecinal e social amosada polas numerosas persoas que prestan soporte e apoio material, profesional e moral, con aquelas outras que o precisan”, sinala Dorado.

• O obxectivo de esta enquisa é preguntarse cómo nos estamos a sentir qué nos está a axudar agora pode servir para cando a pandemia remane ou se vexa minimizada.

• A enquisa de valoración do coidado persoal e familiar no estado de alarma polo COVID-19 require un tempo aproximado de 5 minutos e será moi útil para abordar cuestións de saúde pública.

• O cuestionario inclúe preguntas relacionadas coa situación laboral, co nivel de preocupación ante determinadas necesidades, co grao de información da persoa enquisada, coa credibilidade que se lle dá á información recibida, con aspectos relacionados co estado de ánimo ou co grado de confianza ante determinados ámbitos: sanidade, educación, etc.

• Tamén se pregunta na enquisa por cuestións relacionadas co estado de ánimo durante o confinamento, con cambios nas costumes ou con situacións coas que se sente identificado/a.

• Prema  neste enlace.

O CONCELLO DE BARBADÁS PON EN MARCHA UNHA INICIATIVA PARA QUE A POBOACIÓN POIDA COLABORAR NA ENTREGA SOLIDARIA DE ALIMENTOS PARA O BANCO SOLIDARIO

• O Concello de Barbadás promove unha iniciativa para a recollida de alimentos entre a cidadanía para o Banco Solidario de Barbadás.

• O obxectivo desta iniciativa é concienciar á poboación para que colaboren coas súas aportacións en alimentos para axudar ás familias que se atopan en situación de vulnerabilidade.

• “En momentos de emerxencia sanitaria, vostede pode ser unha man solidaria” é o título da campaña para axudar a aqueles/as que máis o precisan.

• Para participar nesta iniciativa pode vostede poñerse en contacto con Concello de Barbadás chamando ao número de teléfono 638 746 501.

O BANCO SOLIDARIO DE BARBADÁS RECOLLE AS APORTACIÓNS DE ALIMENTOS QUE A VECIÑANZA DESEXE APORTAR

PARA REALIZAR DOAZÓNS AO BANCO SOLIDARIO PODE VOSTEDE CHAMAR AO TELÉFONO 638746501

• O Banco Solidario de Barbadás está en disposición de recoller as aportacións de alimentos que a veciñanza desexe aportar.

• Durante os últimos días xa se recibiron diversas doazóns anónimas, un xesto altruista importante en un momento no que moitas familias están atravesando dificultades sociais e económicas.

• O Banco Solidario está sendo xestionado dende a área de Servizos Sociais, que se encarga de coordinar as citas para a recepción de alimentos.

• Un grupo de voluntarios/as incorporaronse como reforzo nos últimos días para atender ás persoas que acuden ao Banco Solidario, unha entrega que garante todas as medidas de seguridade e supervisado por responsables municipais.

• O día 8 de abril retomouse a actividade do Banco Solidario de forma presencial para intensificar a labor de axuda ás familias vulnerables ante a situación de pandemia provocada polo COVID-19. En ningún momento se deixou de repartir alimentos e de seguir xestionando as necesidades por diferentes canles de comunicación (telefónica, email) por parte da traballadora social, Protección Civil e concelleira responsable.

• Os días 5 e 6 de marzo dende o Concello de Barbadás realizouse un reparto de alimentos entre máis de 100 familias en situación de vulnerabilidade.

• Dende o inicio do estado de alarma a Agrupación de Voluntarios de Protección Civil efectuáronse repartos domiciliarios entre os resto de familias que quedaban pendentes do primeiro reparto, ata un total de 140 familias.

• Durante as semanas seguintes á declaración do estado de alarma levouse a cabo, polo tanto, reparto de alimentos non perecedeiros entre as familias definidas por Servizos Sociais como en situación de exclusión social.

• A reapertura do Banco Solidario de Barbadás o 8 de marzo significou a continuidade do reparto e apoio ás familias que máis o necesitan. A área de Servizos Sociais seguiu xestionando a incorporación de novas familias beneficiarias deste servizo de apoio aos/ás máis vulnerables.

• A pesar do peche temporal do Banco Solidario, beneficiarios/as que non estaban nese reparto recibiron alimentos previa comprobación da súa necesidade por parte da traballadora social da UTES 02 de A Valenzá (área de Servizos Sociais).

• Dende o Concello de Barbadás xa se formalizou a adquisición de novos lotes de alimentos para o reparto. A edil de Servizos Sociais, Elisabet González Nistal, comenta que o Banco de Alimentos de Ourense de Cruz Vermella surte a Barbadás de alimentos non perecedeiros varias veces ao ano.

• Con motivo da pandemia o Concello de Barbadás decidiu reforzar a atención ás familias sufragando con un bono de 25 euros a compra de alimentos frescos que se lle entregan ás persoas que acuden ao Banco Solidario.

• O Concello de Barbadás quere transmitir os agradecementos ás persoas que de forma anónima fan chegar ao Banco Solidario alimentos e produtos variados para entregalos ás familias vulnerables.

• Asi mesmo, dende o Concello trasládase o agradecemento ás empresas que donaron solidariamente alimentos, como é o caso de Coren (3.500 hamburguesas) ou Legufrut Agro (150 quilos de laranxas). Nos vindeiros días chegarán novas doazóns procedentes de outras empresas, un acto solidario do que será informada a veciñanza.

O BANCO DE ALIMENTOS REABRE PARA ENTREGAR PRODUTOS ÁS PERSOAS EN SITUACIÓN DE VULNERABILIDADE

O Concello de Barbadás entrega tamén ante as dificultades provocadas pola emerxencia sanitaria un bono para a compra de produtos frescos

• O Banco de Alimentos reabre para prestar servizo ás persoas en situación de vulnerabilidade.

• O horario de entrega de alimentos é de 11,00 a 13,00 horas, de luns a venres, para que as persoas que se atopan en condicións desfavorable acudan a recoller os lotes de produtos non perecedeiros.

• A estas persoas que acuden ao Banco de Alimentos asígnaselles dende o Departamento de Servizos Sociais unha cita previa.

• A agrupación de voluntarios/as de Protección Civil xa estaba repartindo alimentos ás persoas usuarias dende o comezo da crise sanitaria.

• Cada persoa usuaria é atendida durante 10 minutos, gardando en todo momento as normas de seguridade e con un operativo de Protección Civil no lugar para supervisar o acceso.

• Dende a Área de Servizos Sociais tamén se atenderá nos vindeiros días a aquelas persoas que, a pesar de non ser usuarios/as do Banco de Alimentos, poidan estar en situación de vulnerabilidade como consecuencia da crise sanitaria ante o COVID-19.

• Cada día atendese unha media de 13 persoas.

• A entrega de alimentos forman parte de un remanente que existía e a partir do luns 13 de abril entregaranse produtos sufragados directamente polo Concello de Barbadás.

• A reapertura do Banco de Alimentos pretende prestar un servizo de apoio ás familias que o precisan nestes complexos momentos, unhas tarefas realizadas en coordinación da concelleira Elisabet González e a traballadora social que coordina o apoio ás familias vulnerables.

• O Concello de Barbadás quere expresar o agradecemento polas doazóns que están realizando diferentes persoas ao Banco de Alimentos e lembra que existe a posibilidade de aportar doazóns para esta causa solidaria.

• Unha rede de voluntariado colabora nesta entrega de alimentos, baixo estritas medidas de seguridade.

Folla de inscrición excursión Manzaneda 2019