O Concello de Barbadás convida á veciñanza a participar nunha nova edición do Concurso de decoración de balcóns, xanelas e portais, unha iniciativa pensada para encher de luz, cor e creatividade as rúas durante o Nadal.

Obxectivo:
Dar visibilidade ao talento e á ilusión coa que os veciños e veciñas decoran as súas vivendas nestas datas tan especiais, sen finalidade comercial, fomentando o espírito comunitario e a participación cidadá.

Quen pode participar:
Todas as persoas residentes no Concello de Barbadás que dispoñan de balcóns, xanelas ou portais decorables.

Como participar:

• Cubrir a solicitude dispoñible na  Casa do Concello, na Oficina Municipal de A Valenzá ou na adxunta a esta publicación

• Presentar a inscrición por rexistro e enviar unha fotografía da decoración ao correo: cet@barbadas.es, indicando no asunto “Participación Concurso de Balcóns, Xanelas e Portais” e o nome da persoa participante.

• O prazo de presentación de inscricións estará aberto do 14 de novembro ao 5 de decembro de 2025 ás 14:00 h.

Criterios de valoración:

• Creatividade e orixinalidade.

• Combinación de elementos, cores e iluminación.

• Motivos empregados e composición xeral.

Votación:
A veciñanza poderá votar telematicamente a través dun formulario na web municipal entre os días 10 e 17 de decembro de 2025 (ata as 14:00 h).

Premios:

• Mellor balcón

• Mellor xanela

• Mellor portal

Entrega de premios:
Os diplomas ás persoas gañadoras entregaranse o 22 de decembro de 2025.

Lembra:
A participación implica a aceptación das bases do concurso.
O Concello poderá introducir as modificacións necesarias para o seu correcto desenvolvemento.