O Concello de Barbadás a través da Concellería de Comercio convoca o Concurso de Escaparates e Decoración de Nadal co obxectivo de fomentar a colaboración cidadá na ornamentación e embelecemento da vila durante a tempada de nadal 2022-2023, facendo partícipes da imaxe de Barbadás a comerciantes e a hostaleiros.

• Inscricións

Do 25 de novembro ata o 5 de decembro de 2022 (ambos incluidos)

Os impresos debidamente cumprimentados presentaranse por rexistro, no Concello de Barbadás, na Oficina Municipal de A Valenzá, ou a través da Sede Electrónica.

Unha vez presentada a folla de inscrición será preciso para formalizar a participación no concurso enviar unha foto do escaparate ou decoración interior, no seu caso, a dirección de correo electrónico cet@barbadas.es ata o día 5 de decembro de 2022

• Premios

Estableceranse os seguintes premios:

• Premios do xurado profesional:

1º premio escaparate de establecemento comercial de 300€.

2º premio escaparate de establecemento comercial de 200€.

1º premio escaparate de establecemento de hostalería de 300€.

2º premio escaparate de establecemento de hostalería de 200€.

• Premios da votación popular:

1º premio escaparate de establecemento comercial de 300€.

2º premio escaparate de establecemento comercial de 200€.

1º premio escaparate de establecemento de hostalería de 300€.

2º premio escaparate de establecemento de hostalería de 200€.

• Xurado  profesional:

A Asociación Centro Comercial Aberto da Valenzá nomeará tres representantes que visitarán os establecementos participantes e valorarán conforme aos criterios expostos nas bases do concurso.

• Votación popular:

Habilitarase un formulario onde as persoas interesadas poderán votar telemáticamente, entre os días 9 e 19 de decembro de 2022.

Información detallada nas Bases do Concurso.