O Concello de Barbadás pon en marcha unha nova edición do Concurso de escaparates e decoración do Nadal, dirixido a comerciantes e hostaleiros do municipio.

Esta iniciativa ten como obxectivo dinamizar o comercio local, impulsar a creatividade e encher de ambiente festivo as rúas e establecementos de Barbadás durante o Nadal.

Obxectivo:
Fomentar o espírito do Nadal, poñendo en valor o esforzo e compromiso dos establecementos comerciais e hostaleiros coa decoración e o embelecemento do noso concello.

Quen pode participar:
Todos os establecementos comerciais e hostaleiros de Barbadás.
(O concurso celebrarase sempre que haxa un mínimo de 10 establecementos inscritos).

Como participar:

• Cubrir a solicitude dispoñible no Concello, na Oficina Municipal de A Valenzá ou na web www.barbadas.es.

• Presentar a inscrición por rexistro no Concello, na Oficina Municipal de A Valenzá ou a través da Sede Electrónica, entre o 14 de novembro e o 5 de decembro de 2025.

• Enviar unha fotografía da decoración ou escaparate ao correo electrónico cet@barbadas.es ata o 5 de decembro ás 14:00 h.

Criterios de valoración:

• Creatividade: innovación, deseño, emprego de materiais reutilizables ou ecolóxicos.

• Orixinalidade: elementos que fagan a decoración especial e única.

• Apreciación de elementos locais: inclusión de imaxes ou motivos representativos do Concello de Barbadás.

Votación popular:
A veciñanza poderá votar telematicamente na web municipal entre os días 10 e 17 de decembro de 2025 (ata as 14:00 h).

Premios:

• 1º e 2º premio para establecementos comerciais.

• 1º e 2º premio para establecementos de hostalería.
  Os galardóns consistirán nun diploma acreditativo.

Entrega de premios:
Os diplomas entregaranse o 22 de decembro de 2025.

 Lembra:
A participación implica a aceptación das bases do concurso.
O Concello poderá introducir as modificacións necesarias para o seu correcto desenvolvemento.