26/05/2025
Contadas no Parque con Charo Pita
Xoves, 29 de maio ás 18:30 h, na Biblioteca Municipal (Casa Cultura)
Chegamos ao final deste programa no que celebramos as Letras Galegas durante todo este mes de Maio, e para rematar contaremos coa Narradora CHARO PITA que nos trae a narración “A corpo contado”, será este xoves 29 de Maio, ás 18:30h. na Biblioteca Municipal.
As calidades máxicas do corpo están presentes en multitude de historias procedentes de todas as partes do mundo.
Neste espectáculo narraremos contos onde as personaxes protagonistas serán diferentes e marabillosas: haberá quen posúa a mirada aguda da aguia, pero tamén quen non poida ver, haberanas moi altas ou moi baixas…, pero, sexan como sexan, sempre acabarán atopando o seu lugar no mundo.
Para participar nesta narración é necesario que envies un correo electrónico a:
biblioteca@barbadas.es
deixándonos o nome e apelidos d@ nen@, idade e un número de teléfono (por se hai algunha incidencia).
Evento: Narración Oral
Día: Xoves 29 de Maio
Hora: ás 18:30h.
Lugar: Biblioteca Municipal.
Idade: de 5 a 9 anos
Prazas Limitadas
Organiza: Concellaría de Cultura | Barbadás