A Concellería de Educación do Concello de Barbadás, abre o prazo para que as familias soliciten as axudas para a adquisición de libros e material escolar, destinadas ao alumnado matriculado na etapa de EDUCACIÓN INFANTIL,  para o vindeiro curso 2023/2024.

• O prazo de presentación de solicitudes, estará aberto dende o día 8 de setembro ao 8 de outubro de 2023, tal e como se establece nas bases, publicadas no BOP,  que se poden consultar no documento adxunto.

• Nos últimos anos e coa vontade de colaborar coas familias nos numerosos gastos que ocasiona un novo curso, o Concello de Barbadás aumentou a contía destas axudas, sendo neste momento de ata 100 € por neno ou nena.
  Por outra banda, tamén se incrementou o límite de renda, chegando ata os 5.700 € anuais por membro de unidade familiar, para acoller deste xeito, a un maior número de posibles beneficiarios.

• O número de axudas concedidas no anterior curso escolar, foi de 50, quedando suficiente partida orzamentaria destinada para esta finalidade.

• As solicitudes poderán presentarse
  • de xeito presencial no Rexistro das  Oficinas Municipais ,
  • a través da  sede electrónica do Concello de Barbadás
  • ou por calquera medio dos establecidos no artigo 16.4 da Lei 39/2015, do 1 de outubro, de Procedemento Administrativo Común das Administracións Públicas.

• Para calquera cuestión ou dúbida ao respecto, contactar cos servizos administrativos da Concellería de Educación, sitos na Casa de Cultura Manuel María (Rúa San Bernabé, 37 -A Valenzá. Tfno. 988 24 68 85) .