13/03/2020

Declaración institucional do rexedor de Barbadás ante o Coronavirus

DECLARACIÓN INSTITUCIONAL DO ALCALDE DE BARBADÁS, XOSÉ CARLOS VALCÁRCEL, ANTE A SITUACIÓN DE EMERXENCIA SANITARIA COMO CONSECUENCIA DO CORONAVIRUS COVID-19

Diante da situación de emerxencia sanitaria na que nos atopamos como consecuencia do Coronavirus Covid -19 como Alcalde de Barbadás e en nome propio e de toda a Corporación Municipal, solicito de toda a veciñanza a máxima colaboración para dar cumprimento de todas as instruccións que emanen do Goberno de España, da Xunta de Galicia e tamén desde o Concello de Barbadás.

Cumprir con todas elas resulta fundamental para poder atender axeitadamente a todas aquelas persoas que se vexan afectadas por este virus e, ó mesmo tempo, poder evitar a propagación do mesmo.

Desde o Concello estase traballando desde onte dia 12 na toma de decisións que non teñen outra finalidade máis que propiciar a atención de todos os veciños e veciñas de Barbadás, mantendo os servizos esenciais e protexer a nosa saúde.

Insto a toda a veciñanza a que  eviten sair dos seus domicilios e facer desprazamentos que non sexan estritamente necesarios. 

Tamén se solicita que se cumpran os Bandos publicados dende a Alcaldía.

Sinalar que dende esta tarde están pechados todos os parques infantís e zonas deportivas. Esta mañá se de procedeu ó peche de locais socias e diversos servizos municipais.

Solicito que os veciños e veciñas de Barbadás cumpran con todas as indicacións que se están facilitando no que atinxe a comportamentos e hábitos de hixiene que se trasladan desde as institucións sanitarias.

Quero trasladar o  gran agradecemento de toda a Corporación Municipal  a todos os traballadores e traballadoras municipais e especialmente a Protección Civil e á Policía Local polo traballo e esforzo realizado durante a xornada de hoxe.
Por suposto agradecer tamén a todo o persoal sanitario a súa dedicación e colaboración.

Finalmente pedir á cidadanía que manteña a calma dado que resulta  fundamental para que podíamos sair canto antes desta situación excepcional.

Moitas grazas.

Un cordial saúdo,

O Alcalde,

Xosé Carlos Valcárcel Doval

Novas

30/09/2022

Convocatoria subvencións Xempre Emprendemento

29/09/2022

Acordo a tres partes, hoxe ampliado, valeu para acoller 40 persoas, fuxidas de Ucraína, en Sobrado do Bispo

Coordenadora provincial da Cruz Vermella na provincia de Ourense, Marisa Visitación López Casero, e responsable de Comunicación Ángela Ramallo, diante do Pazo da Mitra en Sobrado do Bispo. 22/08/22, Foto Rosa Veiga

O noso concello fíxose cargo das reformas precisas na contorna e nas instalacións de acollida, o Pazo de Mitra en Sobrado do Bispo

29/09/2022

Entrega de premios da V edición do “Barbadás a bocados”

CONTENT.1664550379

SINGLE.1664550379