O Concello de Barbadás, co obxecto de fomentar, conservar, promocionar e ensalzar o tradicional Entroido, organiza e convoca o concurso do desfile de Entroido 2026, que se celebrará o  martes,  17 de febreiro.

Poderá participar calquera persoa ou grupo de persoas (asociacións veciñais, culturais, etc.) que presenten a súa solicitude no prazo e forma establecidos. Ler bases.

CATEGORÍAS

Establécense as seguintes categorías:

• Comparsas de 10 ou menos participantes.
• Comparsas de máis de 10 participantes.

INSCRICIÓN E PRAZO

O prazo de presentación estará habilitado  ata o día 16 de febreiro de 2026 ás 12:00 h. da mañá.

A inscrición realizarase a través deste  formulario en liña.

PREMIOS

Establécense os seguintes premios por categorías:

• Comparsas de 10 ou menos participantes:
  • 1º premio 550 €
  • 2º Premio 450 €

• Comparsas de máis de 10 participantes:
  • 1º premio 1.100 €
  • 2º Premio 800 €
  • 3º Premio 700 €
  • 4º Premio 500 €
  • 5º Premio 450 €
  • 6º Premio 350 €
  • 7º Premio 300 €
  • 8º Premio 250 €

• Premios Especiais para comparsas non premiadas.
  • Especial deseño: 250 €
  • Especial animación: 250 €

AXUDAS A ASOCIACIÓNS

As asociacións que participen no Desfile do Martes de Entroido 2026 compostas por 10 ou máis integrantes e se atopen debidamente inscritas, a data 31/12/2024, no Rexistro de Asociacións do Concello de Barbadás, recibirán unha axuda de 300 €, ata completar a dispoñibilidade da partida orzamentaria destinada para esta finalidade, a adxudicación da axuda será establecida por riguroso orde de solicitude de inscrición.

Participa no desfile de Barbadás. Vive o Entroido de Barbadás!!