O Concello de Barbadás, co obxecto de fomentar, conservar, promocionar e ensalzar o tradicional Entroido, organiza e convoca o concurso do desfile de Entroido 2024, que se celebrará o  martes,  13 de febreiro.

Poderán participar calquera persoa ou grupo de persoas (asociacións veciñais, culturais, etc.) que presenten a súa solicitude no prazo e forma establecidos. Ler bases.

• Categorías
  Establécense as seguintes categorías:
   Carrozas: mínimo 10 persoas (a maioría dos integrantes teñen que ir subidos na carroza durante todo o percorrido).
   Comparsas: mínimo 10 persoas (que tamén pode ir acompañada de vehículo ou elemento artístico, que será valorado polo xurado).
   Parellas/Tríos
   Individuais

• Inscrición e prazo
    O prazo de presentación será dende o 19 de xaneiro (día seguinte á publicación das bases no Boletín Oficial da Provincia,  e ata o día 12 de febreiro de 2024 antes das 12:00 h. da mañá.
   A inscrición realizarase a través deste  formulario en liña.

• Premios
  Establécense os seguintes premios por categorías:
   Carrozas: 1º premio 1.000 €, 2º Premio 750 €, 3º Premio 550 €, 4º Premio 300 €.
   Comparsas: 1º premio 1.000 €, 2º Premio 750 €, 3º Premio 550 €, 4º Premio 300 €.
   Parellas/Tríos: 1º Premio 300 €, 2º Premio 150 €, 3º Premio 100 €.
   Individuais: 1º Premio 200 €.

•  Axudas a asociacións
  As asociacións que participen no Desfile do Martes de Entroido 2024 compostas por 10 ou máis integrantes e se atopen debidamente inscritas, a data 31/12/2023, no Rexistro de Asociacións do Concello de Barbadás, recibirán unha axuda de 300 €.

Vive o Entroido de Barbadás, participando no seu desfile!!