07/07/2022

Pasos a prol dun parque empresarial

Visita institucional de David Regades.

Visita do Delegado Zona Franca de Vigo ao Concello de Barbadás

O Concello de Barbadás recibiu esta mañá ao Delegado do Estado no Consorcio da Zona Franca de Vigo, David Regades.

  • Nun primeiro encontro mantido con membros do grupo de goberno na Casa Consistorial acompañados pola técnica de urbanismo, Rosa Mª Suárez, o noso rexedor, Xosé Carlos Valcárcel, transmitiulle a David Regades, o proxecto que ten o Concello de Barbadás de dinamizar a actividade económica local coa posta en marcha dun parque empresarial. Falamos dunha zona industrial e comercial, demandada polos empresarios do municipio,  dende hai longo tempo,  que por motivos diversos non se chegou a efectivizar”.

Visita de David Reigades ao Concello de Barbadás

  • David Regades, “amosou a disposición de colaborar co Concello de Barbadás, poñendo a disposición a longa e exitosa experiencia do Consorcio da Zona Franca de Vigo, na xestión de solo industrial  e no apoio ao desenvolvemento de proxectos promovidos por  administracións locais,  empresarios e emprendedores”.
Rosa Mª Suárez, arquitecto técnico do concello explica a ubicación donde se instalaría o futuro parque empresarial.
Rosa Mª Suárez, arquitecto técnico do concello, amosa a ubicación donde se instalaría o futuro parque empresarial.
  • No Centro Empresarial de Barbadás (CET), tivo lugar un segundo encontro, esta vez participado tamén por directivos e representantes de firmas asentadas no noso territorio.
    Xosé Carlos Valcárcel, fixo unha primeira intervención presentando a David Regades e poñendo en antecedentes da situación de necesidade dunha zona industrial para o desenvolvemento do municipio.

 

  • Na súa intervención, Regades  detallou os servizos que presta a Zona Franca de Vigo, cuxa área de influencia é todo o noroeste peninsular, ao tecido empresarial (asesoramento xurídico, apoio financeiro, estratexias de internacionalización, de innovación, accións de  mentorización…).

 

  • Estar a só dúas horas en tren de Madrid, ter unhas boas comunicacións por estrada, a proximidade co país veciño,  ademais de ter un Plan de Urbanismo con solo industrial dispoñible,  son algunhas das vantaxes do noso concello que motivan ao desenvolvemento deste proxecto. Un proxecto que, segundo palabras da arquitecta técnica do concello,  “ten un inicio na localidade de  Bentraces e que se lle podería dar continuidade con un Plan Director acaído e apoiado polo asesoramento da Zona Franca”.

Visita do delegado do Consorcio da Zona Franca de Vigo

  • Empresarios presentes neste encontro, afirmaron o interese en dispoñer dun parque empresarial no noso concello e celebran que haxa disposición por conseguilo.

Encontro no CET de Barbadás, con membros do grupo de goberno, empresarios e o delegado da Zona Franca de Vigo

  • A directora do CET, Lucía Rodríguez, amosou o seu agradecemento por contar, para a posta en marcha desta iniciativa,  cun socio como é o Consorcio da Zona Franca de Vigo. Un proxecto ilusionante que aposta polo emprendemento, a estabilización de empresas, a creación de emprego e  o  desenvolvemento económico do concello.
De esq. a der. Victoria Monrenza, concelleira de Urbanismo e tenente de alcalde; Xosé Carlos Valcárcel, alcalde; David Regades, delegado do Estado no Consorcio da Zona Franca de Vigo
Empresarios do Concello de Barbadás, co alcalde, Xosé Carlos Valcárcel, David Reigadas, delegado da Zona Franca de Vigo, Ramón Selas, concelleiro de Promoción Económica e Lucía Rodríguez, Xerente do Centro Empresarial Transfronteirizo de Barbadás (CET).
Empresarios do Concello de Barbadás, co alcalde, Xosé Carlos Valcárcel, David Reigadas, delegado do Estado no Consorcio da Zona Franca de Vigo, Ramón Selas, concelleiro de Promoción Económica e Lucía Rodríguez, Xerente do Centro Empresarial Transfronteirizo de Barbadás (CET).

Novas, Promoción económica

CONTENT.1711665280

SINGLE.1711665280