05/08/2024
Espectáculo QUIXOTE de Pedras de Cartón
Xoves 8 de Agosto, ás 21h. no Parque dos Patos
Avanza a programación Cultural de Verán do Concello de Barbadás e este xoves 8 de Agosto, ás 21h. acompáñanos a Compañía Teatral PEDRAS DE CARTÓN que nos vai presentar o espectáculo “QUIXOTE”, será coma sempre no Parque dos Patos | A Valenzá.
Sinopse:
Quixote o espectáculo de Pedras de Cartón que nesta ocasión escolleu o texto de Cervantes, un dos máis coñecidos da literatura española, para contalo en clave de comedia.
Cunha estética inspirada no pallaso clásico (moi ao estilo Fellini) e en clave de clown, traballa as escenas máis icónicas da novela, da relación antagónica entre Quixote e o seu fiel escudeiro Sancho. Nunha proposta chea de humor e case sen palabras, Don Quixote viaxa polas terras de Castela no seu velocípedo acompañado do fiel Sancho e un triciclo cargado de maletas.
Evento: Teatro
Día: xoves 8 de Agosto
Hora: 21h.
Lugar: Parque dos Patos | A Valenzá
Público: + 4 anos
Duración: 50 min.
Organiza: Concellaría de Cultura de Barbadás
