04/03/2022

Programación 8M – Día internacional da muller

Barbadás, 365 días pola igualdade

Banner 8M - Concello de Barbadás
  • OBRADOIROS RISOTERAPIA
    Lugar: Locais sociais do concello de Barbadás
    Dende o 14/02/2022 ata o 09/03/2022
    Esta actividade ten a finalidade de promover a creación de redes de apoio entre as mulleres do concello mediante actividades lúdicas que favorezan o seu crecemento persoal, neste caso mediante a risa, como ferramenta para favorecer o seu empoderamento.
    Celébrase un obradoiro de risoterapia en cada unha das asociacións veciñais do concello (dez sesión en total) co obxectico de  crear grupos e redes de apoio entre mulleres, fomentando a organización de actividades que supoñan a creación de espazos para que  poidan compartir e desfrutar de sí mesmas e de coñecerse, así como a súa vez dinamizar ás zonas mais rurais do municipio

 

  • CICLO DE EDUCACIÓN AFECTIVO-SEXUAL
    Lugar: CEIP O Ruxidoiro, CEIP Filomena Dato e CPR Luis Vives
    Dende o 16/03/2022 ata o 31/03/2022
    Dende a Concellería de Igualdade cremos que o traballo nos centros educativos de referencia para os/as menores no noso concello é imprescindible e debe ser contínuo, xa que só a través da coeducación se acadarán os logros desexados no camiño da consecución dunha sociedade mais xusta e igualitaria
    Esta actividade está dirixida aos nenos e nenas de 6º de Primaria e adolescentes de 4º da ESO para achegarlles un marco conceptual axustado á realidade e adaptado a súa idade baseado na igualdade e non discriminación, no bo trato en contraposición á violencia de xénero, no coñecemento e respecto á diversidade de identidades e na identificación e erradicación dos micromachismos e do sexismo coa finalidade  de proporcionar  aos rapaces e ás rapazas de ferramentas para protexer a súa saúde física, sexual e emocional

 

  • 8 MARZO: Acto conmemorativo Día Internacional da Muller
    Lugar: Inmediacións da rotonda da familia – A Valenzá
    Participa o alumnado de 6º de Primaria dos centro educativos do concello e colabora a EMMB (Escola Municipal de Música de Barbadás)

 

  • TEATRO “NABIZA GIRL”
    Data: 18/03/2022
    Lugar: Auditorio Casa da Cultura Manuel María
    Hora: 20:30h
    Actuación teatral protagonizada por Isabel Risco para conmemorar esta data dun xeito ameno e lúdico, dende o humor e a retranca

 

  • OBRADOIRO DE DEFENSA PERSOAL
    Data: Pendente de confirmación de data para o mes de abril
    Lugar: Casa da Mocidade
    Obradoiro no que se ensinarán e practicarán diversas técnicas de autodefensa feminina  coa finalidade de crear un espazo seguro para a aprendizaxe e para a autoprotección

 

  • PROGRAMA ROSALÍA
    Programa de activación para o emprego dirixido a mulleres en situación de vulnerabilidade
    Mais info: CIM Barbadás – 988222251
    Coa finalidade de proporcionar ás mulleres que se atopan en situación de vulnerabilidade ferramentas para a súa orientación persoal e profesional e traballar de xeito personalizado na elaboración de itinerarios e acompañamentos no proceso de inserción laboral asi como tamén traballar aspectos persoais relacionados coa situación de vulnerabilidade concreta de cada unha das participantes
    Este programa organízase e densolvese dende o CIM e está previsto que arranque no mes de marzo. Estará dirixido fundamentalmente ás usuarias do CIM e de Servizos Sociais Municipais quedando a criterio do persoal técnico destes departamentos a derivación das mulleres  participantes no dito programa

Cartel Actos 8M - Día Inernacional da Muller

CIM-Centro de Información á Muller, Igualdade, Novas, Servizos sociais

CONTENT.1653519608

SINGLE.1653519608