Arquivo da etiqueta: A Valenzá

19/04/2023

Mellora as túas habilidades dixitais co programa itinerante “Generación D” en Barbadás

O programa itinerante “Generación D” de Radio Televisión Española chegou  a Barbadás, nun esforzo por fomentar e mellorar as competencias dixitais básicas entre a poboación. Este é un programa importante que forma parte do Plan de Recuperación, Transformación e Resiliencia do Gobierno de España, que percorrerá diferentes comunidades autónomas con seis unidades móbiles expositivas durante 10 meses. En Barbadás, estará presente na Praza dá Valenzá durante os días 17, 18 e 19 de abril.

Este programa é unha oportunidade única para mellorar as habilidades dixitais e estar ao día coas últimas tendencias en tecnoloxía. É importante destacar que esta iniciativa é totalmente gratuíta e que todos os cidadáns están convidados a participar.

As unidades móbiles contan cun espazo expositivo e didáctico de 50 m2, que tamén é accesible para persoas con mobilidade reducida. Ademais, contan con recursos audiovisuais e multimedia para realizar actividades, talleres e sesións formativas impartidas por educadoras especializadas cunha duración aproximada de 60 minutos. Durante o horario de atención ao público, que é de 10.30 a 14.00 horas pola mañá e de 16.00 a 19.30 horas pola tarde, os asistentes poderán gozar das actividades e talleres que se levarán a cabo.

No autobús, que se atopa na Valenzá enfrente ao Mercadona,  os asistentes serán atendidos por Sandra e Luciana, dúas magníficas  expertas en novas tecnoloxías que farán que gocen do percorrido que ofrece o programa.

Entre as actividades que se levan a cabo nas instalacións atópanse un Smartphone xigante onde se aprenderá a facer fotos e poderás  recibilas, enviadas por tí,  no teu propio teléfono, ademáis de a aplicación Google Maps e outras funcións como a axenda teñefónica etc etc.

Tamén atoparedes unha asistente virtual chamada “Eva”, que contestará as preguntas sobre as novas tecnoloxías que se lle fagan, poderás  rexistrarte  a cursos gratuitos cos que poderás obter un título homologado, e unha escape room que propoñerá varias probas, coas súas correspondentes pistas, para poder superar o xogo.

 

Ao rematar o percorrido, algo moi doado, Sandra e Luciana regalanche un Pop Socket para o teu teléfono de Radio Televisión Española.

O programa “Generación D” é unha iniciativa moi interesante que promove a aprendizaxe e a mellora das competencias dixitais básicas na sociedade española. Ademais, é unha gran oportunidade para aqueles que queren estar ao día, no que respecta a tecnoloxía, e mellorar o seu coñecemento nesta área.

A mellora das competencias dixitais é crucial na actualidade, xa que estamos inmersos nunha era dixital na que a tecnoloxía  é fundamental na maioría dos aspectos da nosa vida. Desde o traballo ata o entretemento, pasando pola comunicación e a aprendizaxe, a tecnoloxía está presente en todo o que facemos. Por tanto, é fundamental que todos teñamos un coñecemento básico das ferramentas dixitais e saibamos como utilizalas de maneira efectiva.

O programa itinerante “Generación D” é unha iniciativa moi interesante que promove a aprendizaxe e a mellora das competencias dixitais básicas.

Eventos, Novas, , ,

CONTENT.1701492072

10/04/2023

Adeus aos obstáculos nas beirarrúas da Valenzá

O obxectivo deste proxecto é adecuar as beirarrúas para que sexa viable a circulación de carriños de bebés ou de compra, persoas con mobilidade reducida cun orzamento de case 160.000 euros

Barbadás proxecta a reforma das beirarrúas na Valenzá. As obras teñen como finalidade solucionar os problemas de pendente en moitas das rúas do municipio. O obxectivo deste proxecto é adecuar as beirarrúas para que sexa viable a circulación de carriños de bebés ou de compra, persoas con mobilidade reducida, eliminando na medida do posible todos aqueles elementos que interrompen a circulación.

Xosé Carlos Valcárcel, alcalde de Barbadás, asegura que “o Concello de Barbadás segue traballando na humanización e recuperación de gradados en mal estado, consecuencia da especulación urbanística de anteriores gobernos”.

Esta recuperación e humanización pasa inicialmente por sustituir o pavimento de varias das beirarrúas de varias das zonas da Valenzá e proseguía coa recuperación do firme da Rúa das Burgas no entorno do Centro de Saúde e da Travesía do Viso”, engadiu.

Pola súa banda, Victoria Morenza, tenente alcalde e concelleira de Infraestrututuras, considera “un avance importante na accesibilidade a reforma das beirarrúas incluidas neste proxecto. A maior parte destas beirarrúas están ubicadas en lugares tradicionais da Valenzá e cuxos edificios e aceras están construidos dende hai máis de 30 anos. Este tipo de actuacións pretenden mellorar a accesibilidade e mobilidade da veciñanza e facilitar o tránsito peonil en lugares onde ata agora era dificultoso pola antiguidade das mesmas. Hai que ter en conta que boa parte da poboación que vive nestas rúas ten problemas de mobilidade”.

As dificultades fóronse resolvendo de maneira individual por parte tanto do concello como dos propietarios de solares e locais de planta baixa, o que levou á aparición de elementos de formigón ou metálicos para adaptar a pendente e facilitar o acceso a garaxes e locais en planta baixa, aparecen chanzos na beirarrúa, o que fai inviable o paso a toda persoa con mobilidade reducida, carriños de bebés ou de compra, e tendo en moitos casos que baixarse á calzada para poder pasar.

As obras que se realizarán son a realización de novas beirarrúas para a humanización dos percorridos peonís, tratando de minimizar as pendentes e adaptalas ás entradas de portais, locais, garaxes, etc.

A superficie total de actuación nas beirarrúas é de 1.805,10 m2 e o orzamento de execución por contrata é de 159.795,56 euros. Antes do comezo das obras retirarase todo tipo de mobiliario urbano e levará a cabo a retirada das beirarrúas e a escavación necesaria para a posterior construción das novas beirarrúas.

Colocaranse novas baldosas e eliminaranse os elementos que dificulten a circulación. Unha vez finalizadas as obras, procederase á colocación dos elementos de mobiliario urbano recuperados e garantirase a accesibilidade das novas beirarrúas para todas as persoas.

Ata o momento, as rúas de Salgueirños e Carris xa foron terminadas, mentres que en Picouto e Ensino atópanse na etapa final de execución. As seguintes zonas que serán obxecto destas melloras serán Areal, Bahamonde, Severo Ochoa e Garrida.

Novas, , ,

CONTENT.1701492072