Arquivo da etiqueta: Concello de Barbadás

05/06/2023

Barbadás fortalecerá os seus servizos municipais coa adquisición de nova maquinaria para a mellora das podas e o mantemento de parques e xardíns

Barbadás fortalecerá os seus servizos municipais coa adquisición de nova maquinaria para a mellora das podas e o mantemento de parques e xardíns

Consciente da importancia de preservar e coidar os espazos verdes do municipio, o concello de Barbadás adquirirá nova maquinaria especializada. Este investimento permitirá optimizar as tarefas de poda e mantemento, proporcionando un servizo de calidade á veciñanza e creando entornos agradables para o seu desfrute.

Dentro da nova maquinaria adquirida destacan un tractor rozadora e unha plataforma elevadora. O tractor rozadora será utilizado para a sega e roza da herba nos parques e xardíns municipais, permitindo obter mellores resultados en comparación coas máquinas tradicionais. Pola súa banda, a plataforma elevadora facilitará os traballos en altura, como a poda de árbores e setos, axilizando as tarefas dos operarios municipais e garantindo unha intervención segura e eficiente.

Coa adquisición desta maquinaria, financiada con cargo á liña 2 do fondo adicional do Fondo de Cooperación Local da Xunta de Galicia, o concello de Barbadás reafirma o seu compromiso coa mellora dos servizos públicos e o coidado dos espazos verdes do municipio. Esta acción permitirá un mantemento axeitado dos parques e xardíns, creando espazos acolledores e agradables para a veciñanza poder desfrutar.

O concello de Barbadás continúa a traballar na mellora constante dos servizos e infraestruturas municipais, co obxectivo de ofrecer unha mellor calidade de vida á súa comunidade. A adquisición desta nova maquinaria é un paso importante neste compromiso, permitindo contar con ferramentas especializadas para o coidado e mantemento dos espazos verdes do concello.

Novas, , , ,

CONTENT.1709371216

03/06/2023

O helicóptero de salvamento, protagonista dunha emocionante exhibición de Seguridade e Emerxencias en Barbadás

Este venres 2 de xuño, tres centros educativos de Barbadás, o CEIP O Ruxidoiro, CEIP Filomena Dato e o CPR Luis Vives, acolleron unha emocionante exhibición, organizada pola concelleira de Servicios Sociales, Elisabet González,  titulada “Medios de Seguridade e Emerxencias”. A xornada foi aberta ao público en xeral, pero especialmente emocionante para o alumnado.

Ademáis dos nenos, na exhibición tamén asistiron concelleiros de Barbadás, a tenente alcalde, Victoria Morenza, o alcalde, Xosé Carlos Valcárcel, e o subdelegado do Goberno, Emilio González.

Varios corpos de seguridade e emerxencias participaron nesta exhibición, incluíndo a Garda Civil, a Policía Nacional, as Ambulancias “As Burgas”, os bombeiros de San Cibrao e os de Ourense, Protección Civil de Barbadás e a Policía Local de Barbadás.

Estes expertos profesionais no ámbito da seguridade e emerxencias compartiron os seus coñecementos e experiencias, e mostraron as últimas equipacións utilizadas para garantir a seguridade cidadá.

Os asistentes tiveron a oportunidade de observar de preto as motos do Seprona, un dron da Garda Civil, os técnicos en Búsqueda e Localización de Artefactos Explosivos (TEBYL), os cans adestrados, así como as motos e o furgón de transporte de presos.

O elemento máis espectacular foi a presenza do helicóptero de salvamento. Esta xornada foi deseñada co obxectivo de mostrar á cidadanía dunha forma práctica e directa o traballo vital que estas organizacións realizan cada día.

Novas, , , , , ,

CONTENT.1709371216

18/05/2023

Barbadás ten á disposición dos seus veciños un amplo programa de formación e orientación laboral

Na Aula Tecnolóxica da Solaina - A Valenzá

O concello de Barbadás, en colaboración co Ministerio de Educación e Formación Profesional, ten en funcionamiento desde o 17 de marzo a AULA MENTOR, un programa de formación non reglada que ten como obxectivo mellorar as competencias persoais e profesionais das persoas maiores de 18 anos.

  • Este programa oferta máis de 200 cursos de distintas áreas formativas, como administración e xestión, idiomas, informática, comercio e marketing, deseño e artes gráficas, emprendemento, entre outros.

 

  • Ademais, a partir do 17 de marzo, a Unidade de Orientación Laboral, situada no Parque da Solaina, traballa coordinada co Servizo Público de Emprego Estatal (SEPE), os Servizos Sociais e os centros educativos da zona para facilitar a procura de emprego e a mellora da empregabilidade a través de obradoiros e titorías individuais.

 

  • Desta maneira, o Concello pon á disposición da veciñanza unha ampla oferta formativa e unha unidade de orientación laboral que permitirá ás persoas interesadas mellorar a súa formación e aumentar as súas oportunidades laborais.

 

  • A AULA MENTOR está situada na Aula Tecnolóxica do Parque da Solaina (A Valenzá).
    Teléfono de contacto: 680 344 873
    Horario: de 9:30 a 14: 00  e de 16:00 a 19:00 h.

Educación/Formación, Novas, , ,

CONTENT.1709371216

16/05/2023

Foliada, música e tradición para celebrar as Letras Galegas

Celébrase o 17 de maio de 2023 no Parque dos Carrís (A Valenzá-Barbadás)

A II Foliada Letras Galegas terá lugar o vindeiro 17 de maio en Barbadás, no Parque dos Carrís,  co gaio de celebrar o  Día das Letras Galegas.

Unha cita imprescindible para os amantes da música e a cultura galega.

  • A programación comezará ás 12.00 horas co desfile pola Avenida de Celanova das “Bandas de Música da Escola Municipal” e “Nova Fronteira”. A continuación, ás 13.00 horas dará comezo o concerto da “Banda de Música Cultural de Barbadás”, “Nova Fronteira” e “Coros”. Para os que desexen seguir gozando da música, haberá unha sesión vermú ás 14.00 h, tamén con ambientación musical, en concreto de “Cuncas do Son”.

 

  • A partir das cinco da tarde, o público poderá gozar dunha demostración de música tradicional con “Velaivai”, “Pandereteiras Vagalumes” e “As Lambisqueiras”. Ademais, ás 18.30 haberá unha clase maxistrar de baile tradicional.

 

  • A xornada rematará ás 19.30 coa actuación da Charanga BBB e unha gran queimada.

 

  • Ao longo de todo o día, haberá tamén xogos tradicionais e unha feira de artesanía non Parque dos Carrís. Unha oportunidade para un mellor coñecemento  das nosas tradicións e a nosa cultura.

 

Cartel II Foliada Día das Letras Galegas - Barbadás

Novas, , , ,

CONTENT.1709371216

07/05/2023

Barbadás proxecta a rehabilitación do Centro Social de Sobrado do Bispo

O Centro Social de Sobrado do Bispo, no que ensaia a coral,  é una construcción de 146 m2 que presenta varios problemas na súa estrutura e accesibilidade. Hai perda de encintado e rotura de vertaugas nas xanelas, humidades no teito e problemas no pavimento de madeira. Ademais, a instalación eléctrica non ten proteccións e non hai accesibilidade para persoas con discapacidade.

Para solucionar estes problemas, o concello, cun orzamento de casi 123.000 euros, proxecta unha serie de melloras que inclúen a renovación do acceso principal, a creación de novos aseos accesibles, a renovación da cuberta e a fachada, a renovación das instalacións eléctricas e de fontanería, e a instalación dun novo ceo raso con illamento térmico.
A fachada limparase e encherase con morteiro de cal graxo e area de río. O teito será continuo e estará formado por unha placa de xeso laminado de 12,5 mm de espesor aparafusada a unha estrutura metálica de aceiro galvanizado.

Estas melloras mellorarán significativamente a accesibilidade e a calidade do Centro Social de Sobrado do Bispo para os veciños e usuarios do edificio.

Novas, ,

CONTENT.1709371216

05/05/2023

O proxecto para transformar o Parque Lucinda nun espazo saudable contempla un miradoiro e tres bancadas para deporte, xogos e lecer

Na súa calidade de membro da Rede Española de Cidades Saudables, o Concello de Barbadás redactou e remitiu á Federación Española de Municipios e provincias (Femp)o proxecto para a remodelación do Parque Lucinda, co obxectivo de converter este espazo nun lugar saudable. A financiación correrá a cargo do Fondo de Recuperación e Resiliencia, grazas a un convenio-programa entre o Ministerio de Sanidade e a propia Femp.

Emprazado na rúa do Cobo, no Fonsillón, a actuación contempla a habilitación de novas zonas tanto para a práctica deportiva ao aire libre como para o lecer.

Así, o proxecto elaborado por un equipo redactor experto en deseño de espazos urbanos, arquitectónicos e mobilidade, inclúe a reparación da pista multideporte existente, xunto coa creación dunha área de descanso con mesas e bancos e a dotación para un pequeno parque infantil. Todo elo sobre unha superficie de case 1.000 metros cadrados (982 exactamente), con forma rectangular e escalonada que transformará o Parque Lucinda nun espazo interxeracional, no que persoas de todas as idades poderán convivir e gozar xuntas.

Debido precisamente á topografía da parcela, o parque resultante articúlase en tres bancadas: unha superior coa pista multideporte, outra intermedia na que se instalará o parque infantil pechado e por último a bancada inferior, que tamén será miradoiro e se comunicará con anterior a través dunhas escaleiras.

A actuación ten un orzamento de preto de 54.000 euros, establecéndose un prazo de execución de 3 meses desde a licitación do mesmo.

O deseño do mesmo responde a intención de satisfacer as necesidades da poboación da zona, tanto deportivas como de lecer.

Novas, ,

CONTENT.1709371216

03/05/2023

O Concello adxudica a conversión dunha parcela residual do Ruxidoiro nun gran espazo natural para o ensino ao aire libre, teatro ou o xogo

O Centro educativo O Ruxidoiro, en Barbadás, transformarase co axardinamento e acondicionamento dunha zona verde no interior do centro, hoxe residual e sen uso algún. Cun orzamento de execución de máis de 13.000 euros, o proxecto, que xa foi adxudicado,  afecta a unha superficie de 1.920 metros cadrados que actualmente está libre de edificacións, é  propiedade municipal e  atópase  infrautilizada.

O obxectivo é poñer en valor unha zona que pode complementar e potenciar a actividade docente, así como o aspecto lúdico e de esparexemento no centro. Este novo espazo tamén poderá ser utilizado para a realización de actividades municipais, froito da colaboración entre o goberno local e a dirección do centro.

Para acadar este dobre obxectivo, contémplanse a construción dunha bancada corrida de madeira asentada sobre a topografía natural, facendo alusión aos teatros gregos. Esta bancada mirará cara a un espazo ovalado de area, no que se poderán realizar actividades teatrais, charlas e ensino ao aire libre o simplemente utilizar como espazo de xogo.

A actuación complétase cunha estacada de travesas que configurará unha sorte de cabana para usos varios (desde camerino ata lugar para xogos o simplemente para gardar materiais varios ou ferramentas), bancos e plantacións vexetais que conxugarán árbores, arbustos, plantas e céspede.

Xosé Carlos Válcarcel encadra esta actuación como unha mostra máis da aposta do Concello pola creación das mellores condicións posibles tanto para a educación como para o ocio dos e das estudantes de Barbadás.

Para Victoria Morenza, tenente alcalde, é un exemplo de colaboración entre a dirección do centro e o Concello de Barbadás, que tamén utilizará este novo espazo para a realización de actividades municipais.

Novas, , , ,

CONTENT.1709371216

03/05/2023

Piñor, o lugar que inspirou a Martín Gaite, eríxese en epicentro do seu universo

O I Paseo Literario Carmen Martín Gaite en Piñor, celebrado este sábado, foi un rotundo éxito, coa participación de máis de cen persoas.  A inciativa colocou a Piñor no epicentro da obra da escritora e nun lugar relevante para a cultura española.

O obxectivo deste evento é erixir a Piñor como a capital do universo vital e literario de Carmen Martín Gaite, unha das plumas máis recoñecidas en lingua española e, ao mesmo tempo, máis descoñecida en Ourense, a pesar dos seus estreitos vínculos con Piñor.

O percorrido, no que se fixeron paradas para ler fragmentos da obra de Carmen Martín Gaite, foi conducido polo escritor e erudito na obra da escritora, David González Couso. Os participantes puideron coñecer os lugares que inspiraron Martín Gaite, mentres gozaban do aire libre e a natureza na fermosa zona de Piñor durante 4 horas.

O evento contou coa participación de nomes relevantes da cultura de Barbadás e de Ourense e a alta participación mostra o interese por este tipo de actividades culturais e o compromiso coa preservación do legado de Carmen Martín Gaite.

Está é a primeira parte dun ambicioso proxecto que inclue actuación nos ámbitos culturais, medioambientais e urbanísticos, todos eles xirando en torno ao universo literario de Carmen Martín Gaite.

Cultura, Novas, , , ,

CONTENT.1709371216

21/04/2023

As festas de A Valenzá cambian de lugar para mellorar a seguridade, a accesibilidade e preservar o dereito ao descanso da veciñanza

O Centro Comercial Carrefour contribúe á comodidade das persoas dos asistentes ás festas cedendo o seu aparcamento ao Concello de xeito gratuíto

As festas patronais da A Valenzá que serán este ano os días 3, 9, 10 e 11 de xuño, que se viñan celebrando no Paseo dos Amieiros e na Rúa da Paz, terán este ano unha nova localización debido á necesidade de garantir a seguridade dos asistentes, a accesibilidade,  para respectar o dereito ao descanso da veciñanza, e para evitar os actos bandálicos que afectaban aos veciñas e veciños e que en moitos casos causaban danos aos inmobles.

Despois de estudar todas as opcións compatibles co tráfico rodado, a mobilidade do público, o descanso dos veciños e a seguridade dos asistentes, e seguindo as recomendacións do informe de idoneidade de Protección Civil, decidiuse que as actuacións musicais das festas de A Valenzá trasladaranse á  Rúa 17 de Maio, no tramo comprendido entre a rotonda de Carrefour e o Polideportivo Municipal, á outra marxe do río. A alternativa para a circulación será pola  Avenida de Celanova.

Ademais, as atraccións de feira instalaranse na Rúa 17 de Maio e na Rúa Calzada Romana, segundo o seu tamaño.

O Centro Comercial Carrefour contribúe á comodidade do público asistente ás festas cedendo o seu aparcamento ao Concello de xeito gratuíto.

No entorno do Paseo dos Amieiros, onde se celebraron as festa ata o de agora, residen arredor de un milleiro de persoas, existindo ademais un centro parroquial, onde se celebran misas e outros oficios  relixiosos e actividades formativas.

Como todos os anos, o Concello de Barbadás agarda este ano unha afluencia masiva a unha celebración popular e moi concorrida, o que ampara esta cambio de ubicación: por un lado garantir a accesibilidade e por outro minorar as molestias.

O Concello quere agradecer á Comisión de Festas o seu traballo e dedicación para que estos festexos sexan un rotundo éxito.

 

Novas, , ,

CONTENT.1709371216

21/04/2023

Barbadás acelera a chegada da banda ancha aos barrios de Piñor que se atopaba nunha zona de sombra e sen cobertura

Tras meses de xestións coa dirección de Comunicacións e con Telefónica, solvéntanse as fallas de internet que dificultaban estudar, traballar ou a creación dunha empresa

O Concello de Barbadás tramita a licencia para a instalación de banda ancha nos barrios de Barxa e Pista de San Benito, ambos en Piñor, despois de meses de xestións iniciadas a raíz da demanda da propia veciñanza, que levaba tempo con problemas para acceder a internet e de cobertura móbil.

Para elo, o Concello mantivo conversas e negociacións tanto coa dirección xeral de Comunicacións como coa empresa de telefonía, ata que finalmente acadaron unha solución que se estivo demorando durante máis tempo do esperado, sen que tal demora poda ser atribuída ao Concello, pero pola que pide igualmente desculpas aos afectados.

Segundo lle trasladou persoalmente a tenente alcalde de Barbadás, Victoria Morenza, ao director xeral de Telefónica en Galicia, “a veciñanza do barrio da Barxa tiña transmitido en reiteradas ocasións incidencias con relación ao servizo, pois so dispoñen de liña móbil e se atopan nunha zona de sombra, sen cobertura”. Morenza advertiu, ademais, que “neste barrio residen estudantes e persoas que tele-traballan, ademais que que se vai crear un negocio telemático”. Como consecuencia destas e outras comunicacións, finalmente Telefónica elaborou o proxecto, que xa presentou no Concello e se executará en breve, para levar a banda ancha a ambos barrios e para o que será preciso a instalación de 13 postes de fibra de vidro e unha canalización soterrada de preto de 800 metros, entre ambos proxectos.

Esta actuación enmárcase dentro do Programa de Universalización de Infraestruturas Dixitais para a Cohesión (UNICO), que busca facilitar o acceso universal á banda larga ultra rápida e a extensión do 5G en todo o territorio nacional. O obxectivo do programa é lograr unha cobertura de banda larga de 100 Mbps para o 100% da poboación en 2025, como parte do Plan de Recuperación, Transformación e Resiliencia e da Axenda España Dixital. Con esta actuación nestes  barrios de Piñor, o concello de Barbadás está xa preto de esa cobertura do 100% do seu territorio.

Novas, ,

CONTENT.1709371217

15/04/2023

O proxecto para converter Piñor en epicentro do centenario de Martín Gaite arranca cun roteiro literario

Será o pistolezo de saída, o próximo día 29, para unha serie de actividades e iniciativas mesmo urbanísticas e medioambientais que culminarán no ano 2025

Barbadás prepárase para acoller o ambicioso proxecto que busca converter Piñor no epicentro do centenario do nacemento de Carmen Martín Gaite. Arrincará o próximo 29 de abril cunha andaina literaria que percorrerá lugares que claramente son identificados na obra de Martín Gaite, de cando pasaba os veráns da súa infancia na localidade. O concello espera que esta actividade sexa o punto de partida para un ano cheo de eventos en honra á autora e que culmirá o próximo 2025 coa celebración do seu centenario.

Para participar na andaina literaria, os interesados poden apuntarse na páxina web do Concello no icono “Piñor, lugar literario”, seguindo as instrucións.

O proxecto, ademais de ter unha destacada implicación cultural, tamén contén derivadas urbanísticas, medioambientais, didácticas e literarias ao redor da figura da escritora e a súa obra.

Dende o Concello de Barbadás esperan que este proxecto poida impulsar o desenvolvemento da localidade, facendo fincapé na necesidade de coidar o medio ambiente e o patrimonio natural e cultural de Piñor.

2023-Banner- I Paseo literario Piñor - Carmen Martín Gaite

Esta andaina é o pistoletazo de saída de toda a traxectoria que se  vai iniciar co roteiro literario e que ten como punto de chegada o centenario do nacemento desta escritora universal, o próximo 2025. De feito, o alcalde de Barbadás e a tenente alcalde, Xosé Carlos Valcárcel e Vitoria Morenza, que capitanea este proxecto, xa mantiveron contactos ao máximo nivel co Ministerio de Cultura, que amosou un grande interese por sumarse e participar na organización deste centenario.

O proxecto ten como obxectivo dar a coñecer a figura da escritora Carmen Martín Gaite e a súa relación con Piñor, así como os tesouros agochados da zona. A  andaina do día 29 percorrerá  por primeira vez este roteiro literario.

Preténdese que o roteiro literario de Carmen Martín Gaite sexa un referente no turismo cultural e literario e que se estude nos centros educativos do municipio con unidades pedagóxicas específicas. Tamén se planea traducir ao galego as novelas que dunha ou outra maneira teñen relación con Piñor.

Novas, , , , ,

CONTENT.1709371217

13/04/2023

O pleno de Barbadás aproba a través de dúas mocións a instalación dun posto fixo da Garda Civil na Valenzá

Valcárcel, que mantén contactos ao máis alto nivel con Interior e a Garda Civil, avanzou que terá trinta efectivos e que o Concello so pagará o aluguer do local

Pleno Barbadás

O Concello de Barbadás aprobou dúas veces nun mesmo pleno o establecemento dun posto permanente da Garda Civil na Valenzá. Unha das iniciativas foi presentada polo Partido Popular e outra polo Goberno local, ambas aprobadas, pero con diferente sentido de voto en canto ao resto de partidos. Así, a primeira moción foi aprobada por unanimidade, e a segunda saliu adiante aínda que cos votos en contra do BNG e Compromiso,  e a abstención de Democracia Ourensana. En calquera caso, a instalación do novo cuartel da Garda Civil na Valenzá saíu adiante por amplísima maioría cos votos a favor, en ambas votacións, do PSOE e o PP.

O alcalde de Barbadás, Xosé Carlos Valcárcel, destacou que a instalación dun posto da Garda Civil na Valenzá é unha necesidade prioritaria para o municipio. Valcárcel sinalou que Barbadás é un dos concellos máis seguros da provincia, segundo datos oficiais, en contra da afirmación do Partido Popular, que chegou a falar de alto nivel de delincuencia, sendo afeado por tal motivo polo resto de grupos.

Ademais, o alcalde destacou que a instalación do cuartel da Garda Civil na Valenzá terá múltiples beneficios para a comunidade local. En primeiro lugar, permitirá unha maior proximidade dos efectivos de seguridade á cidadanía, o que axilizará a atención ás necesidades e demandas dos veciños e veciñas e axudará a reforzar e aumentar a percepción de seguridade entre a poboación local.

Tamén se traducirá nun aforro de efectivos da policía local na Valenzá, que serán destinados a outras áreas do municipio.

O custo económico da reforma precisa do local finalmente elixido será asumida maioritariamente polo propietario do local, mentres que o Concello só terá que facer fronte ao alugueiro do mesmo, o que representa un investimento razoable que permitirá dotar ao municipio de novos servicios, ademais de mellorar a seguridade, detallou o alcalde.  A presenza da Garda Civil na Valenzá contribuirá tamén a aumentar a poboación e atraer investimentos e desenvolvemento á zona, o cal será beneficioso para o crecemento e progreso de Barbadás. Segundo os datos adiantamos polo alcalde, na Valenzá instalarase unha plantilla de 30 efectivos.

Actualmente, estase levando a cabo unha análise exhaustiva das posibles localizacións para o este posto permanente da Garda Civil, en coordinación coas autoridades competentes, do que se manterá puntualmente informado a todos os grupos políticos, tal e como demandou o PP na súa moción. Entre estas localizacións, figura o entorno do Centro de Saúde ou o Parque dos Patos, se ben Valcárcel non entrou en máis detalles para non alentar a especulación.

A día de hoxe, o alcalde mantén contacto directo con responsables ao máximo nivel tanto da Garda Civil como do propio Ministerio de Interior para seguir avanzando neste asunto e poder concretar a instalación deste demandado posto da Garda Civil na Valenzá o antes posible.

 

Novas, , ,

CONTENT.1709371217

10/04/2023

Barbadás súmase ao reto de incrementar nun 10% a reciclaxe de envases de plástico, latas e bricks

Para cumprir os obxectivos desta iniciativa, que se leva a cabo en colaboración coa Xunta e Ecoembes, ofreceranse actividades de concienciación nas rúas durante tres meses

O coidado do medio ambiente pode ter premio en Barbadás. O concello súmase á iniciativa Únete ao reto, en colaboración coa Xunta de Galicia e Ecoemebes e que ten como obxectivo fomentar a reciclaxe de envases de plástico, latas e bricks en contedores amarelos. A meta é incrementar, ao menos nun 10%, as cifras de recuperación deste tipo de residuos con respecto ao ano anterior. Once municipios das catro provincias galegas participan na campaña e aqueles que consigan o reto obterán como recompensa 1.500 euros, cantidade que deberán destinar á causa social que elixan.

A concienciación social será clave para conseguir a meta. Ao longo dos próximos meses, Barbadás contará con programación especial nas súas rúas para dar a coñecer a importancia e o beneficioso que para o medio ambiente pode ser a reciclaxe. Así, instalaranse contedores xigantes e realizaranse actividades promovidas por 16 monitores do proxecto, que estarán un mínimo de catro días en cada municipio.

A iniciativa comezou a desenvolverse esta mesma semana e estenderase ata o 30 de xuño. Ademais de Barbadás, na campaña participan Xinzo de Limia, Celanova, Arzúa, Melide, Ribadeo, Baiona, Mos, Nigrán, Salvaterra de Miño e Silleda. En total, suman preto de 140.000 habitantes.

Medio ambiente, Novas, , ,

CONTENT.1709371217

10/04/2023

Os comercios usarán o mesmo tipo de bolsa con lemas para incentivar as compras e o consumo en Barbadás

A promoción e apoio do comercio local é fundamental para o desenvolvemento económico e social dun municipio. É por iso que a Concellería de Comercio leva a cabo diversas iniciativas e campañas de forma recorrente para fomentar o consumo local e promocionar os establecementos da zona.

Unha das últimas iniciativas, levada a cabo esta mesma semana, consistiu na distribución de bolsas co obxectivo de impulsar o comercio local e que se suma a outras accións como as campañas promocionais en datas sinaladas, como a do Día dos Namorados ou Nadal, nas que se incentiva as compras no comercio local a través de descontos, promocións ou sorteos; os bonos comercio, que se destribuíron en tres ocasión entre a veciñanza, ou os roterios comercias, con percorridos e mesmo guías para dar a coñecer os distintos establecementos da zona.

Os comerciantes, pola súa banda, participan en obradoiros e cursos de formación e asesoramento organizados pola mesma concellería, nos que teñen a oportunidade de aprender novas técnicas de venda, márketing ou escaparatismo co fin de de mellorar a súa competitividade e atraer a máis clientes.

Novas, Promoción económica,

CONTENT.1709371217

01/04/2023

Barbadás comeza as obras de mellora da seguridade viaria na Rúa das Burgas e Travesía do Viso cun investimento de máis de 47.000 euros

Xosé Carlos Valcárcel destacou a importancia deste tipo de intervencións no programa de obras en viais que se están a executar en diferentes puntos do municipio

O Concello de Barbadás, no seu afán por mellorar a calidade de vida da súa veciñanza e a contorna na que viven, aprobou un proxecto para a mellora da capa de rodadura da Rúa das Burgas e Travesía do Viso (A Valenzá).

A concelleira de Infraestruturas e tenente alcalde, Vitoria Morenza, destacou a importancia desta actuación, “xa que estas dúas rúas son moi transitadas e necesitan unha intervención debido á deterioración do firme”.

O proxecto, redactado polo enxeñeiro de camiños, canles e portos, Daniel Duran Arriero, propón o uso do aglomerado en quente como método de pavimentación máis adecuado e duradeiro no tempo pola súa alta calidade. A adxudicación da obra realizouse á empresa “Extraco Construccións e Proxectos S.A.” por ser a oferta economicamente máis vantaxosa.

O alcalde de Barbadás, Xosé Carlos Valcárcel, destacou a importancia deste tipo de intervencións no programa de obras en viais que se están a executar en diferentes puntos do municipio, “co obxectivo de mellorar a capa de rodadura en practicamente todos os núcleos”.

A obra terá un custo total de 47.078,68€ e espérase que mellore significativamente a seguridade viaria e o acceso ás vivendas nestas dúas rúas.

Ademais, esta intervención no firme evitará que no futuro téñanse que levar a cabo actuacións máis custosas para reparar a deterioración. A rexeneración do firme con aglomerado en quente é unha técnica que se utiliza cada vez máis na construción de estradas e rúas, xa que é un método moi efectivo e duradeiro.

Este tipo de intervencións son esenciais para garantir a seguridade viaria e a comodidade dos condutores e peóns, e para mellorar a calidade de vida no concello.

Novas, , , ,

CONTENT.1709371217

02/04/2023

Un acto de gratitude e memoria: O Paseo da Solidariedade, un tributo aos voluntarios de Barbadás durante a pandemia

Xosé Carlos Valcárcel destacou a importancia de manter viva a memoria daqueles veciños que xa non están connosco, así como o espírito de solidariedade, amizade e compañeirismo que se desatou durante eses difíciles tempos

El Ayuntamiento de Barbadás rindió un sentido y emotivo homenaje a los voluntarios que ayudaron durante la pandemia. El acto fue presidido por el alcalde, Xosé Carlos Valcárcel, quien destacó la importancia de mantener viva la memoria de aquellos vecinos que ya no están con nosotros, así como el espíritu de solidaridad, amistad y compañerismo que se desató durante esos difíciles tiempos. “Hoy tenemos presente en nuestra memoria las emociones, buenos actos, buenos gestos y buenos comportamientos que nacieron de esta pandemia”, dijo.

  • El alcalde también hizo hincapié en el valor y la energía del personal sanitario, que asumió el reto de hacer frente a una enfermedad desconocida y “se convirtió en el primero y único dique de contención para afrontar la pandemia”. Además, destacó “la labor de la sanidad pública y los servicios públicos, así como la de los colectivos, empresas, asociaciones, cuerpos y fuerzas de seguridad y protección civil”.

Valcácel también quiso reconocer el trabajo de las mujeres que ayudaron a concienciar sobre la importancia del trabajo en común y sin descanso, confeccionando máscarillas a mano, con los pocos medios que tenían a su alcance. “Estas mujeres mostraron una entrega absoluta y una voluntad de hierro, trabajando día y noche para poder entregar un primer elemento de protección cuando no había absolutamente nada”, afirmó.

  • Además, Valcárcel quiso tener una mención especial para tres personas: Benito Barros, un trabajador de una empresa de mensajería en Vigo que fue esencial para que se pudieran disponer de 3.000 mascarillas homologadas en un momento de desabastecimiento absoluto; Silvia Alonso, secretaria del Ayuntamiento en ese momento, que siempre estuvo alerta y atenta para implementar medidas que permitieran que la administración local siguiera funcionando para que el vecindario estuviera arropado e informado; y José Antonio Somoza, una persona que ya no está con nosotros y que, estando afectado por la COVID, elaboró desde su casa con una impresora 3D pantallas y protectores de orejas que fueron entregadas a los trabajadores y trabajadoras del Hospital Santa María Madre.

Por su parte, Ana Gómez Gómez, que es subdirectora de enfermería da Área Sanitario del Sergas, y que fue la coordinadora de cribajes también en Barbadás, agradeció que se contara con el Sergas para este homenaje y afirmó que “las veces dar las gracias sabe a poco ya que las personas voluntarias hacen un regalo único sin esperar nada a cambio y nos hicieron sentir que no estábamos solos”.

  • Durante el evento, se inauguró un monolito con una placa que recodará para siempre jamás el trabajo solidario de todo un pueblo y se plantó un olivo y una “cápsula del tiempo” en la que, Protección Civil; Guardia Civil; Policía Local; Laura Díaz, la coordinadora da guardería infantil, Ana Gómez en representación del Sergas; Toñi Guerra, en representación das mujeres que hicieron las máscaras en sus casas, Brais González, jefe de Protección Civil de la Subdelegación del Gobierno; Xoan Manuel Xil, director da Escuela Municipal de Música y, Carlos Rego , secretario del CEIP “O Ruxidoiro”, en representaciòn de la comunidad educativa de Barbadás, depositaron diferentes objetos como recuerdo de aquellos tiempos, como mascarillas, un ejemplar da prensa del día que se anunció el confinamiento, gel hidroalcólico o la partitura de “resistiré”. Además, la calle, hasta ahora sin nombre, recibirá o nombre de Paseo de la Solidaridad.

Novas, , ,

CONTENT.1709371217

31/03/2023

Barbadás inviste no benestar animal con melloras no parque canino

A mellora das instalacións supuso unha inversión de 3.000 euros

O Concello de Barbadás continúa na liña de crear dotacións e mellorar a calidade de vida dos animais domésticos.

  • No parque canino situado ao carón do viaducto da Valenzá instalaronse elementos para que os cans disfruten e poidan realizar exercicios de adestramento e aprendizaxe.

 

  • Os cans necesitan exercicio e socialización para manter unha boa saúde física e mental. O parque para cans proporciónalles un espazo seguro onde poden correr, xogar e socializar con outros cans. Deste xeito, os cans terán un lugar seguro e apropiado para facer exercicio e xogar, o que mellorará a súa calidade de vida.

Novas,

CONTENT.1709371217

21/03/2023

Barbadás recibe da Academia Galega de Seguridade un desfibrilador semiautomático

Esta mañá, nas instalacións da Academia Galega de Seguridade Pública, fíxosenos entrega dun DESA (desfibrilador semiautomático), que ven a complementar os que xa temos nos diferentes servizos municipais. Á entrega asistiron o responsable de protección civil, Daniel Rey e Rafa Sierra, concelleiro de Medio Ambiente.

Novas, , ,

CONTENT.1709371217

21/03/2023

80 nenos e nenas celebran o día da árbore plantando bidueiros e castaños no parque dos Carrís

80 nenas e nenos de terceiro de primaria dos CEIP Filomena Dato e O Ruxidoiro plantaron árbores de diferentes especies, bidueiros e castaños, no parque dos Carrís, na Valenzá, esta mañá para conmemorar O Día da árbore. Ademáis , leron e recitaron poemas polo Día da Poesía.

Esta actividad didáctica, e ao mesmo tempo de concienciación, foi organizada conxuntamente polas concellerías de Medio Ambente e Educación, coa colaboración dos colexios, coa intención de converter o día de hoxe nunha aprendizaxe para os nenos e as nenas co fin de transmitir valores de respeto ao seu entorno e á natureza.

Deste xeito, os cativos aprenderon hoxe a prantar unha árbore e tamén,  ao pe de cada un puxeron unha táboa cunha frase de poemas de Rosalía de Castro ademais da súa pegada.

Ao acto asistiron, en representación do goberno local, a concelleira de Educación, Cultura e Comercio e diputada provincial, Marga Pérez; a tenente alcalde, Victoria Morenza; o concelleiro de Deportes, Abel Cortés e, a concelleira de Igualdade, Elisabet González, que amosaron coa súa participación, unha vez máis, o compromiso deste Concello co Medio Ambente, o cambio climático e a cultura.

Así, esta actividade, que tivo como protagonistas aos máis cativos, foi elexida polo Concello como acto central deste día e lanza unha mensaxe institucional de mentalización sobre a importancia da conservación dos bosques destacando que é fundamental a necesidade da súa protección.

Novas, , , , , , ,

CONTENT.1709371217

19/03/2023

O Concello adica casi 130.000 euros a implantar un proxecto pioneiro na xestión da materia orgánica con 700 familias e 70 negocios

- En paralelo, reparte composteiros no medio rural para cubrir a demanda do 100% da veciñanza que os solicitaron

O Municipio de Barbadás leva anos a ser pioneiro na compostaxe individual. Por iso o Goberno local decide dar  un paso máis e poñer en marcha un plan de xestión de materia orgánica que ten dúas solucións segundo o tipo de vivienda: compostaxe individual para vivendas con parcelas e recollida selectiva, e en contedores marróns para a área urbana coa finalidade de chegar a finais de 2023 cumprindo os obxectivos marcados pola Unión Europea no que os índices de reciclaxe de residuos, tendo en conta que unha das fraccións máis importantes en canto a este cumprimento é a materia orgánica.

A tenente alcalde e concelleira de Servizos Públicos, entre os que se atopa a recollida de lixo, Victoria Morenza, explica en canto á fracción orgánica que “en canto a veciñanza toma a decisión de separar esta fracción, tamén está concienciada para realizar a separación do resto de fraccións. Hai que ter en conta que a fracción orgánica é a que máis peso ten, xunto co vidro, no conxunto das diferentes fraccións”.

O Concello de Barbadás xa ten realizado accións de compostaxe individual, co cal xa está iniciado o proceso de implantación e xa se lle trasmitiu á veciñanza no seu momento que este é o modelo escollido para o rural e para certas áreas do casco urbano.

Programa de compostaxe doméstica na Valenzá

A implantación do programa de compostaxe doméstica na Valenzá inclúe a entrega de 700 caldeiros aireados de 10 litros de capacidade de cor marrón, resistente a altas e baixas temperaturas, ao deterioro dos raios ultravioletas e aos axentes químicos e biolóxicos.

Estes caldeiros están fabricados con polo menos un 70 por cento de material reciclado e contarán con peche de seguridade antivertido na tapa, ademáis de ser totalmente aireado e cunha garantía de dous anos.

Morenza sinala que “se entregarán tamén máis de 2.000 atados de bolsas compostables de uso doméstico de 10 litros de 42 x 45 centímetros, nos que cada rollo contén 30 bolsas, que estarán elaboradas con materiais naturais”.

O proxecto abrangue tamén aos grandes produtores, é dicir, empresas que producen materia orgánica: restaurantes, supermercados, panaderías, etc. Segundo as estimacións poden chegar a participar neste proxecto 70 grandes produtores, engade a tenente alcalde.

As 700 familias que participaran no periodo voluntario supoñen arredor do 25 % nos primeiros anos. “Cada unha de estas familias vai producir arredor de media tonelada de materia orgánica ao ano, un residuo que será recollido 3 días á semana” sinala Morenza.

Para poder levar a cabo a implantación do sistema de recollida do contedor marrón é necesario dispoñer de un sistema de transporte, polo que será necesario proceder á modificación do contrato da empresa adxudicataria. A Xunta de Galicia non conta por agora con unha planta de tratamento de este tipo de residuos, motivo polo que provisionalmente a materia orgánica de Barbadás será transportada á planta de Leiro.

A posta en marcha deste sistema implica un gasto anual de 130.000 euros, 70.000 en transporte, que serán asumidos polo Concello, en tanto que a implantación, contedores, material, campañas divulgativas, accións de seguemento, etc, son financiadas pola Xunta de Galicia.

Campaña de reparto de composteiros no medio rural

Paralelamente á posta en marcha da recollida de materia orgánica coa instalación de contedores marróns e a entrega de caldeiros domésticos, está a desenvolverse unha campaña de reparto de composteiros no medio rural para o tratamento e xeración no ámbito doméstico de materia orgánica.

As persoas que participan nesta iniciativa reciben un kit de compostaxe, que conta con un aireador, unha malla antirroedores para colocar na base do composteiro e un manual.

A participación inclúe unha primeira visita de montaxe e formación e, unha segunda visita varias semanas despois para axudar na mellora de pequeñas cuestións a melloar e aclarar dúbidas. Segundo as estatísticas unha vez posto en funcionamento o composteiro, o 92 % das instalación terán producción de compost uns 5 meses despois da súa instalación.

Segundo Victoria Morenza “a introducción da fracción orgánica, socialmente é un feito equiparable ao que no seu momento supuxo a introducción do contedor amarelo”.

Para realizar a recollida hai que ter en conta que a materia orgánica non se pode compactar e o camión só pode recoller materia orgánica.

A cada familia colaboradora entregarase un kit que constará de un caldeiro aireado de 10 litros, 3 paquetes de bolsas compostables, un folleto e a chave do contedor marrón que estará na rúa.

Os aforros anuais iniciais coa posta en marcha deste sistema rondan os 30.000 euros, pola reducción do gasto de tratamento de residuos coa posta en marcha desta modalidade.

O pasado ano 2022 xa se puxo en marcha este plan coa distribución de 100 composteiras co seu correspondente kit de compostaxe (rede antiroedores, aireador e manual de compostaxe), e tamén levaron a cabo as primeiras accións divulgativas sobre a posta en marcha do recinto pechado. A papeleira marrón no núcleo de Valenzá pecharase e distribuiremos a cada casa un balde aireado, bolsas compostables e unha chave para abrir o colector, o obxectivo de pechalo é reducir os inapropiados, xa que a materia que se recolla levarase a unha planta de compostaxe.

Victoria Morenza explica que “neste ano 2023 xa iniciamos a distribución de 80 compostadores novos, 50 deles grazas á axuda que recibimos da Xunta de Galicia e 30 máis facilitados por Sorgama, con esta nova distribución cubrimos as 180 solicitudes que temos a día de hoxe. Tamén este ano esperamos iniciar canto antes a recollida selectiva de materia orgánica no núcleo de A Valenzá, para o que iniciaremos a distribución de chaves canto antes.

“Con este proxecto, o noso Concello será pioneiro na recollida selectiva de materia orgánica na provincia de Ourense, o que esperamos fáganos cumprir a normativa europea, estatal e galega sobre residuos”, rematou a tenente alcalde.

Novas, , , ,

CONTENT.1709371217

16/03/2023

Barbadás ampliará o polideportivo cunha cuberta na planta superior para atender a demanda dunha poboación que non para de medrar

En contra da tendencia da curva demográfica da maioría dos municipios da provincia de Ourense, Barbadás medra e tamén medran as súas necesidades. O goberno local, encabezado polo alcalde, Xosé Carlos Valcárcel, consciente deste incremento poboacional tenta cubrir esas necesidades con novos servizos e infraestruturas ou ben ampliando as existentes.

Este último é o caso do proxecto presentado hoxe, xunto ao concelleiro de Deportes, Abel Cortés, e un dos arquitectos de maior prestixio do país,  Alfredo Freixedo Alemparte, que firma a ampliación sostible do Polideportivo municipal da localidade, que gañará preto de 700 metros cadrados, ofrecerá novas instalacións e servizos e mellorará a súa accesibiliade.

Valcárcel explicou que “o obxectivo é a ampliación dun Polideportivo que ten case 12 anos e que se fixo pensando en pequeno, sen contar co que está a ocurrir en Barbadás durante os últimos anos, que é o seu continuo crecemento poboacional”, o que xa ten situado a Barbadás por enriba de moitas vilas históricas da provincia.  Engadiu, ademáis, que “a veciñanza do noso concello é moi nova,  ten inquedanzas deportivas e demanda infraestruturas e servizos que desde o goberno local queremos atender”.

O proxecto de ampliación, tal e como relatou o alcalde, ten compromisos firmes de financiación, estando so pendiente da convocatoria do plan marco de infraestructuras deportivas da Xunta de Galicia. O primeiro compromiso foi do anterior presidente da Xunta, Alberto Núñez Feijoo, e o último, do presidente da Deputación, Manuel Baltar. Así, a Xunta aportará 40% do orzamento, a mesma porcentaxe que a Diputación, correspóndendolle ao Concello o 20% restante”.

Asegurada a financiación, o alcalde de Barbadás presentou hoxe este proxecto como “un compromiso cumprido e previamente adquirido coa cidadanía” e un exemplo dos beneficios da colaboración entre institucións. Precisamente, en este aspecto, o goberno local de Barbadás está ser un exemplo, pois onte mesmo presentou outro proxecto elaborado e impulsado conxuntamente cos concellos de San Cibrao e A Merca para actuar sobre os espazos fluviais dos tres municipios.

O concelleiro de Deportes, Abel Cortés, asegurou que esta ampliación “cubre unha gran demanda e unha gran necesidade da veciñanza de Barbadás” e engadiu que “as instalacións actuais  estanse a quedar pequenas para o noso Concello tendo en conta os polo menos 800 usuarios que utilizan as instalacións deportivas”.

O arquitecto que desenvolveu o proxecto, Alfredo Freixedo Alemparte, explicou polo miúdo as obras que se contemplan e dixo que “se trata de intervir na cuberta do mesmo para unha ampliación de volume do polideportivo cunha  estrutura lixeira. O uso adicarase a actividades deportivas, actualmente moi demandadas polos cidadáns de Barbadás e concretamente no núcleo máis poboado e próximo ao polideportivo, que é A Valenzá”.

No proxecto contémplase una ampla zona de vestiarios e duchas, un ximnasio, unha sala de usos múltiples para danza e práctica de ximnasia dirixida e unha zona cuberta aberta con acceso ao final do corredor de comunicación.

Inclúe tamén a instalación de climatizadores, bombas de calor con aerotermia ou paneis solares, nunha aposta pola sostibilidade da instalación.

Novas, , , , ,

CONTENT.1709371217

15/03/2023

Barbadás une forzas con San Cibrao e A Merca para sanear os seus ríos cunha inversión de 8 millóns de euros

- Os tres alcaldes presentaron o proxecto, que presentarán aos Fondos de Recuperación e Resiliencia da Unión Europea nun exemplo de colaboración entre a concellos veciños

Barbadás, que é o promotor do proxecto, San Cibrao e A Merca proxectan unha intervención conxunta sobre os seus espazos fluviais cunha inversión de preto de 8 millóns de euros, nun exemplo de colaboración entre concellos limítrofes que foi enxalzado polos tres rexidores.

O groso da inversión, máis da metade, levarase a cabo no Concello de Barbadás, tal e como explicaron esta mañá tanto o alcalde, Xosé Carlos Valcárcel, como a tenente alcalde, Victoria Morenza. Ambos compareceron xunto aos alcaldes de San Cibrao e  A Merca, nos que planifican unha inversión de preto de 3,7 millóns de euros. En total, 7,9 millóns de euros sen IVE.

Ao principio da rolda de prensa desta mañá, Victoria Morenza, explicou que o obxectivo final deste proxecto é “impulsar un novo modelo de desenvolvemento que se mellore a calidade de vida da veciñanza e a resiliencia frote o cambio climático”.

Xosé Carlos Valcárcel destacou que “dos case 8 millóns de euros do orzamento, máis da metade serán destinados ao concello de Barbadás” e sinalou a importancia do proxecto “porque afecta a un número importante de poboación, especialmente en Barbadás, pero tamén no resto dos concellos”.  En total, estamos a falar, de máis de 10.500 habitantes, dos que preto de 7.500 están localizados no termo municipal do que Valcárcel é alcalde.

Tamén explicou que esta estratexia “servirá como base para o desenvolvemento de intervencións futuras que contribuirán á mellora do ecosistema fluvial e a súa integración coas contornas urbanas dos tres concellos”.

Este proxecto é un exemplo de colaboración institucional entre administracións de distinto sino político, polo que aproveitou para por en valor algo que ao se xuízo demanda a veciñanza: “boa sintonía entre os tres concellos limítrofes amosando, tamén de forma conxunta,  o  seu interese por mellorar a vida dos veciños”.  Estamos a falar, engadiu, dun “proxecto é de interese xeral para os tres concellos, pero tamén para toda a provincia de Ourense”.

Segundo explicou Valcárcel, este proxecto está redactado desde principios de ano, agardando pola próxima convocatoria dos fondos de Recuperación en Resiliencia destinados a actuacións medioambientais.

Pola súa banda o alcalde de San Cibrao, Manuel Pedro Fernández, destacou a importancia do proxecto porque “permite mellorar as augas do río polo que transcorre” e tildou a estratexia en conxunto de “ambiciosa e boa para a veciñanza e a calidade das augas.”

O alcalde de A Merca, José Manuel Garrido , asegurou que se trata de “de coidar o que temos” e engadiu que “é unha actuación en favor da natureza e da veciñanza”. Ademáis, Garrido destacou que lle causa “unha grande ilusión este proxecto” nado da “colaboración cos outros dos concellos”

Con un orzamento de case 8 millóns de euros, esta estratexia require unha intervención integral e a recuperación da calidade das augas. Por iso, combínase con actuacións sobre os sistemas de saneamento e depuración que consisten na mellora das redes de colectores, así como das instalacións de depuración existentes que verán incrementada a súa capacidade e nivel de tratamento ao introducir en todas elas un tratamento secundario. Por tanto, con estas actuacións conseguirase unha mellora substancial na calidade da efluente vertedura aos leitos que cruzan os municipios de San Cibrao das Viñas, Barbadás e A Merca. Ademais coas melloras en colectores e bombeos previstas reduciranse os alivios sen tratamento. Desta maneira, preténdese conseguir unha mellora na calidade das augas do medio receptor e un aumento da capacidade de servizo de saneamento e depuración dos municipios.

Estas actuacións van en liña coa preservación do litoral e os recursos hídricos, enmarcados no compoñente 5 do Plan de Recuperación, Transformación e Resiliencia, buscando dirixir un esforzo  real, directo e coordenado a impulsar un novo modelo de desenvolvemento no que se mellore a calidade de vida dos cidadáns e a resiliencia fronte ao cambio climático.

Situación e emprazamento das actuacións

As obras que se contemplan sitúanse dentro dos Concellos de Barbadás, A Merca e San Cibrao das Viñas, concretamente ao longo dos ríos Barbadás, Dous Muíños (ambos os afluentes do río Barbaña), Traveso (no que se desenvolverán as actuacións en relación coa senda), os regachos Ruxidoiro e Porto e afluentes sen nome.

CONCELLO POR CONCELLO

BARBADÁS

Senda fluvial:

  • A creación dunha senda fluvial de 4.833 metros lineais ten por obxecto mellorar a accesibilidade e poñer en valor os espazos fluviais do municipio. O proxecto inclúe a roza e limpeza superficial das marxes do río para reducir o risco de desbordamento e inundación e a plantación de novos exemplares de arbolado de especies autóctonas. A senda será un itinerario de uso peonil e ciclista e contará cun ancho aproximado de 2,5 metros. O proxecto tamén prevé a colocación de paneis informativos, papeleiras, bancos, fontes e soportes para bicicletas, así como a construción de pasarelas naqueles puntos do percorrido onde sexa necesario atravesar o leito.

 

  • Os puntos nos que se creará a senda fluvial ou se dará continuación á senda xa existente son os que pasan por Rúa Calzada Romana (xunto ao Carrefour, existe unha senda que nun punto non hai comunicación), ou o pobo de Moureán, moi utilizado polos veciños para pasear, pero sen existencia de trazado. A senda finalizará no núcleo de Pontón, punto de conexión coa senda de San Cibrao das Viñas.

Saneamento

O proxecto inclúe a análise da rede de saneamento e depuración co obxectivo de mellorar o servizo e dar solución a diferentes problemáticas que presentan os puntos da rede. Propón actuacións en:

1) Bombeo Rúa dá Calzada/Pontón

Proponse a súa substitución por un novo que presenta unha obra civil máis accesible e estanca. Ademais, que conte cun equipamento máis eficiente e cun sistema de control e automatización que facilite os labores de explotación e seguimento.

2) Os Muíños

Proponse mellorar o proceso de tratamento existente cun tratamento secundario que permita mellorar a calidade das augas do efluente de vertedura e ao mesmo tempo que teña menor consumo enerxético e por tanto sexa máis sostible.

3) Regacho das Anguías

A actuación consistiría na realización dun novo colector de augas residuais pola marxe do regacho, así como a retirada do existente. Para facilitar a accesibilidade das persoas, así como os labores de mantemento, prevese a realización dunha senda de marxe cunha anchura media de 2,5 metros . Ademais, na zona de maior desnivel prevese unha pasarela de madeira de aproximadamente 50 metros de lonxitude. Como parte das actuacións prevese tamén unha revexetación e restauración paisaxística da contorna.

4) Tanque de tormenta

Resulta necesario a execución dun tanque de tormentas que lamine as augas durante os períodos de choiva enviando cara á EDAR de Reza o caudal máximo consignado e ao mesmo tempo minimizando os alivios ao medio en base aos obxectivos ambientais.

Ademais, prevese a substitución do colector interceptor actual por un de maior capacidade que garanta que todas as augas chegarán ao tanque.

5) Bombeo As Lamas

Proponse a súa substitución por un novo que presenta unha obra civil máis accesible e estanca. Ademais, que conte cun equipamento máis eficiente e cun sistema de control e automatización que facilite os labores de explotación e seguimento.

SAN CIBRAO

Senda fluvial

A creación dunha senda fluvial de 6.052 metros lineais ten por obxecto mellorar a accesibilidade e poñer en valor os espazos fluviais do municipio de San Cibrao das Viñas. O proxecto inclúe a roza e limpeza superficial das marxes do río para reducir o risco de desbordamento e inundación e a plantación de novos exemplares de especies autóctonas. A senda será un itinerario de uso peonil e ciclista e contará cun ancho aproximado de 2,5 metros. O proxecto tamén prevé a colocación de paneis informativos, papeleiras, bancos, fontes e soportes para bicicletas, así como a construción de pasarelas naqueles puntos do percorrido onde sexa necesario atravesar o leito.

O trazado da senda arrinca no límite co municipio da Merca, nas proximidades de Montelongo de Arriba e discorre ao longo do río Traveso ata as proximidades do Alto do Pontón, no límite con Barbadás tras atravesar o Espazo Natural de Interese Local (ENIL) de Boutureira.

Saneamento

O Concello de San Cibrao solicita unha primeira análise da rede de saneamento e depuración co obxectivo de mellorar o servizo e dar solución a diferentes problemáticas que presentan os puntos da rede, realízase unha visita de campo na que se analizan cada un destes puntos:

  1. Fosa de Montelongo
  2. Fosa do regacho do Ruxidoiro
  3. Fosa próxima a Pazos
  4. Bombeo Ponche de Pazos
  5. Loiro
  6. Rego dous Muiños

A MERCA

Senda fluvial

A creación dunha senda fluvial de 2.851 metros lineais ten por obxecto mellorar a accesibilidade e poñer en valor os espazos fluviais do municipio da Merca. O proxecto inclúe a roza e limpeza superficial das marxes do río para reducir o risco de desbordamento e inundación e a plantación de novos exemplares de especies autóctonas. A senda será un itinerario de uso peonil e ciclista e contará cun ancho aproximado de 2,5 metros. O proxecto tamén prevé a colocación de paneis informativos, papeleiras, bancos, fontes e soportes para bicicletas, así como a construción de pasarelas naqueles puntos do percorrido onde sexa necesario atravesar o leito.

O trazado da senda arrinca nas proximidades da aldea de Bouzas e discorre ao longo do río Traveso ata as proximidades de Nigueiroá, no límite con San Cibrao das Viñas.

Saneamento

O Concello de A Merca solicita unha primeira análise da rede de saneamento e depuración co obxectivo de mellorar o servizo e dar solución a diferentes problemáticas que presentan os puntos da rede, realízase unha visita de campo na que se analizan cada un destes puntos:

  1. Fosa de Bouzas
  2. Fosa de A Manchica
  3. Fosa de A Manchica – Pías – Val de Seixo
  4. Solveira
  5. Fosa de Nigueiroá
  6. Fosa de Matusiños
  7. Fosa do Vilar de Paio Muñiz
  8. Fosa de Vilachá
  9. Fosa do Val da Mezquita
  10. Fosa de A Mezquita
  11. Fosa de A Merca

 

 

 

Novas, ,

CONTENT.1709371217

13/03/2023

Melloras na accesibilidade no camiño que comunica A Valenzá Vella coa Rúa do Viso

Os traballos consisten na retirada de un muro en situación de derrube e inclúen a colocación de outro de peche frontal co camiño á Valenzá Vella e lateral, que linda coa parte axardinada

O Concello de Barbadás está a efectuar obras de mellora na accesibilidade peonil na zona do Mercadona.

Os traballos consisten na retirada de un muro en situación de derrube e inclúen a colocación de outro de peche frontal  co camiño á Valenzá Vella e lateral, que linda coa parte axardinada.

As obras de reforma contemplan ademais a colocación para paso peonil de lousas prefabricadas de formigón.

A concelleira de Infraestruturas, Victoria Morenza, destaca “a importancia deste tipo de intervencións que supoñen a mellora  da accesibilidade desta zona, moi transitada diariamente por numerosas persoas”.

Ademais Morenza tamén sinala que así “se pon fin a unha situación de perigosidade porque era un muro en perigo de derrube”.

Novas, , ,

CONTENT.1709371217

09/03/2023

A Escola Municipal de Música de Barbadás enche de solidariedade e música o Conservatorio de Ourense

Un ano máis, e xa van oito, a Escola Municipal de Música de Barbadás, coa colaboración do Concello,  amosa o seu lado máis amable coa celebración do Festival Solidario, este ano dedicado aos enfermos de lupus. A cita será este próximo sábado, 11 de marzo, ás 19:00 horas no Auditorio do Conservatorio de Ourense.

Esta mañá o alcalde, Xosé Carlos Valcárcel;  e a concelleira de Educación, Cultura e Comercio, Marga Pérez; acompañados da presidenta da Asociación Galega de Lupus (ASGAL), Nuria Carballeda; o director escola de música Xoan Manuel Xil, e o vicedirector do Conservatorio Musica de Ourense, José Manuel Valugo, presentaron no Concello o Festival deste ano.

Valcárcel destacou na presentación que “Barbadás ven facendo dende fai anos un Paseo pola Saúde no que conta con estes colectivos que teñen menos visibilidade, en canto a patoloxías, e sinalou que o Festival é unha aposta máis para colaborar con eles”. Tamén subliñou que esta actividade é un xeito de “inculcar os valores da solidariedade entre o alumnado”.

Ademais, o alcalde agradeceu ao alumnado e ao profesorado da escola de música que participan no festival e “a súa boa disposición sempre a participar nas actividades do Concello”.

Pola súa banda, a concelleira de Cultura, Marga Pérez, explicou que o festival “faise sempre cun fin solidario e altruísta, ofrecendo un concerto para reunir fondos para algunha asociación que consideremos que precisa apoio e colaboración, neste caso a Asociación Galega de Lupus”.  “É unha actividade enmarcada no calendario escolar da Escola de Música Municipal de Barbadás”, engadiu.

Ademais, Marga Pérez agradeceu ao Conservatorio de Ourense “as facilidades que sempre nos brindan para levar a cabo este Festival, e ao Centro Comercial Ponte Vella de Ourense pola súa complicidade ao prestarnos a súa infraestrutura para poñer as entradas a disposición do público” e recordou que para os que non poidan asistir, existe unha fila cero para poder aportar e axudar á Asociación ASGAL.

A presidenta de ASGAL Nuria Carballeda agradeceu á Escola de Música e ao Concello que puxeran o foco na súa asociación para celebrar este festival: “É importante para nós que se nos dea visibilidade, porque canto máis se coñeza desta enfermidade, mellor para nós, porque axudará a que haxa máis investigación e saian novos tratamentos”.

Novas, , , ,

CONTENT.1709371217

02/03/2023

Un proxecto de 400 mil euros descubrirá o “tesouro agochado” da Fervenza do Pisco e o Camiño dos Muíños

Xosé Carlos Valcárcel: “A intervención foi unha proposta da veciñanza que asumimos como un reto e agora plasmamos neste proxecto”

O alcalde de Barbadás, Xosé Carlos Valcárcel, e a tenente alcalde, Victoria Morenza, arroupados polo resto de membros do grupo de goberno presentaron esta mañá un proxecto chamado a converterse nun emblemas desta localidade: a humanización do Camiño dos Muíños e do contorno da Fervenza do Pisco, un lugar icónico de Barbadás. “Un tesouro agochado”, como dixo o propio alcalde, que lembrou que se trata dun lugar tradicionalmente moi utilizado pola veciñanza de toda a vida de Barbadás, tamén como zona de baño, e que pouco a pouco foi esmorecendo por falta de coidado e preocupación.

A actuación realizarse sobre unha área de case 5 millóns de metros cadrados e terá unha lonxitude de case quilómetro e medio, para o que se  prevé unha inversión de máis de 400.000 euros.

Antes da presentación, o alcalde de Barbadás e a tenente alcalde, Victoria Morenza, principais impulsores da intervención, mantiveron unha reunión co presidente da Confederación Hidrográfica (onte mesmo) para pechar un acordo de financiamento que garante a execución da obra e que será formalizado en breve.

A actuación planeada e presentada polo equipo redactor da mesma, humaniza o espazo público situado no camiño que conduce á aldea de Muíño  e o contorno da área do Pisco.  A proposta é  tan sutil que non resta nin un ápice de protagonismo ao espazo natural, dunha gran beleza, máis ben ao contrario, o resalta e pon en valor, segundo explicou o alcalde.

Tanto Xosé Carlos Valcárcel como Victoria Morenza destacaron que a recuperación desta zona foi unha proposta da propia veciñanza coñecedora do espazo, asumida como un reto durante estes anos por parte do goberno local e agora plasmada neste proxecto.

A intervención intégrase perfectamente na contorna, mediante unha serie de actuacións de pavimentación, soterramento de instalacións aéreas, ocultación de contedores de lixo, substitución de mobiliario e deseño dunha iluminación acorde coa contorna patrimonial.

A estratexia da intervención é a camuflaxe da mesma, para o que se empregan materiais que xa están integrados na zona, como sábrego, pedra, madeira de piñeiro galego termotratada, formigón desactivado, vexetación ou a auga. De feito, xógase coa auga como si fose un material máis recuperando mediante canles e cuncos de aceiro corten os rebosadoiros, reconducindo as augas sobrantes e as pluviais. Co son da auga caendo, tamén se introduce a dimensión do movemento, tal e como explicaron os técnicos que presentaron hoxe o proxecto xunto ao gobernó local.

As  accesibilidades e a eficiencia enerxética serán outras das premisas básicas.

No proxecto tamén se contemplan traballos de limpeza con cepillo de cerdas naturais, sen hidrolimpiadora, dos muros perimetrais do camiño que chega a Muíños.

Barbadás Quéreo Viveo, Novas, , , ,

CONTENT.1709371217

27/02/2023

Cen mulleres atoparon atención no CIM de Barbadás no último ano, 70 por violencia de xénero

Servizos en Barbadás

CIM de Barbadás: de esqu. a der. o asesor xurídico José Manuel Fernández Soto, a psicóloga Mónica González Freire, a directora do cim e técnica en Igualdade María González Armada e a concelleira de Igualdade Elisabet González Nistal

O Centro de Información á Muller de Barbadás atendeu dende abril de 2022 a marzo de 2023 un cento de mulleres ás que deu asesoramento xurídico, atención psicolóxica e acompañamento en cada situación concreta, que para 70 delas foi de violencia de xénero.

  • A concelleira de Igualdade, Elisabet González Nistal, tamén o é de Servizos Sociais, Sanidade e de Participación Veciñal, e lembra cando tomou posesión como responsable das áreas, con “moita ilusión” porque aínda que xa existían e quedou moito traballo iniciado, plantexouse “abordar novos programas, sobre todo despois da acollida marabillosa dos diferentes equipos de traballadores”.

 

  • No eido da Igualdade Elisabet ten como “máxima prioridade” seguir traballando por ela e na prevención da violencia de xénero. Nese eido, creouse en 2021 a mesa de coordinación interinstitucional fronte a violencia de xénero que se reúne 2 veces o ano (a seguinte será en abril) e deuse pulo a participación veciñal no mesmo eido.

 

  • Así, os locais veciñais acollen todo tipo de actividades e entre elas hai talleres de risoterapia, ximnasia, de memoria, de manexo de teléfonos móbiles “intelixentes” (os smartphones), elaboración de conservas e xabóns…

 

  • Agora, o equipo de Igualdade (que podedes ver na primeira foto) ultima o programa para dar visibilidade a loita contra a violencia de xénero, centrada no día 8 de marzo pero estendida, cada ano máis, ao resto do mes.Instalacións do CIM de Barbadás, Barbadás 18/02/23 foto Rosa Veiga

 

“Igual é máis, = é + ” será o lema

  • O programa de actividades polo 8M terá presentación oficial nuns días e incluirá teatro, obradoiros escolares, una conferencia da so nos din que será “moi moi interesante e sorprendente”, e unha actividade que porá en valor a mulleres relevantes nos seus eidos profesionais e laborais. Serán “a mostra de que cumplir os soños, para as novas xeracións, non está limitado nin para nenos nin para nenas”, detalla.

 

  • Haberá tamén un acto central o mesmo día 8 de marzo, na contorna da rotonda da Familia.

 

  • Esta e outras iniciativas parten do CIM, creado en 2019 despois da proposta do Servizo de Igualdade do momento, no que se contaba cunha Ordenanza municipal de Igualdade que contou cos grupos de mulleres, co entorno LGTBI e en colaboración cos centros educativos que hai no concello.

 

  • A apertura do CIM supuxo a contratación de persoal e alí están, dende 2019, a súa directora e Técnica municipal de Igualdade, María González Armada, a psicóloga Mónica González Freire e o asesor xurídico José Manuel Fernández Soto.

Centro de Información á Muller do Concello de Barbadás

Sensibilizar, programar e desenvolver

  • A técnica e directora María,  traballa no eido da Igualdade dende 2003, en diferentes institucións  e recalou en Barbadás en 2016, ao  crearse o Servizo de Igualdade.
    “O traballo foi intenso porque non había nada deste eido, así que comezamos a idea de sensibilizar socialmente e a programas e desenvolver actividades para visibilizar as situación de violencia de xénero e para previlas”, explica.

 

  • Froito dese traballo, dende o Servizo de Igualdade, fixéronse as xestións oportunas para o impulso e creación do Centro de Información á Muller, que iniciou a súa traxectoria no 2019.

 

  • No primeiro ano atendeuse a 30-40 mulleres “pero ano tras ano veñen moitas máis, non só de Barbadás senón que poden vir dende calquera lugar de Galicia”, engade.

 

  • Os eidos da atención que da o equipo do CIM inclúe asesoramento xurídico e laboral para persoas estranxeiras, para mulleres  que tramitan o seu divorcio, para acordar custodias, convenios reguladores, atención psicolóxica para calquera muller, tamén para a que está en mal momento anímico “e precisa acompañamento e adestramento sobre recursos emocionais para mellorar”.

 

  • No último ano foron 100 as que buscaron e atoparon atención no CIM de Barbadás, das que 70 o fixeron por estar en situación de violencia de xénero.

 

  • Pois  quedamos pendentes desa programación para este 8M.

 

  • Sabedes onde está o CIM de Barbadás? Na rúa dos Fornos nº 4, a carón da capela de San Mauro, no mesmo edificio que a asociación veciñal “A nosa aldea de Barbadás”, onde estaba o vello centro médico.
    Alí espérate un gran equipo se o precisas.
CIM Barbadás, na rúa dos Fornos. 24/02/23 foto Rosa Veiga
CIM Barbadás, na rúa dos Fornos. 24/02/23 foto Rosa Veiga

Barbadás Quéreo Viveo, CIM-Centro de Información á Muller, Novas, Servizos sociais, , ,

CONTENT.1709371217

24/02/2023

Xosé Carlos Valcárcel: “Debemos defender dende o Concello o sentimento de patria, ao igual que fixo Rosalía de Castro”

A colocación da bandeira galega na pista de skate da Valenzá, un lugar “vistoso e senlleiro do concello” deu cumprimento ao acordo plenario do mes de decembro

A bandeira de Galicia xa ondea na pista de skate da Valenzá, no concello de Barbadás, onde esta mañá foi izada para dar cumprimento ao acordo plenario do pasado 22 de decembro. Deste xeito, materialízase a decisión unánime da Corporación para dar visibilidade ao símbolo que representa a todos os galegos e galegas. A intención do executivo local é colocar máis bandeiras nas parroquias de Barbadás.

 

Non foi coincidencia que este acto do izado da bandeira de Galicia coincidise co día de Rosalía de Castro. Así o explicou o alcalde, Xosá Carlos Valcárcel: “Aproveitamos esta data de homenaxe a unha muller que rompeu barreiras coa súa obra literaria. Ela potenciou o rexurdimento da lingua galega e hoxe é un día moi sinalado para os galegos e galegas”.

 

O rexedor explicou que se elixiu a pista de skate da Valenzá por ser un lugar “vistoso e senlleiro” do Concello de Barbadás e destacou que “a bandeira pretende representar o sentimento de patria, país e nación que é Galicia e que debemos defender dende o Concello como institución, ao igual que fixo Rosalía de Castro”.

bandera de galicia . Concello de Barbadás - Pista de skate

Concerto na Casa da Cultura

No acto interpretouse o “Himno de Galicia”  e os actos en homenaxe a Rosalía de Castro que organiza o Concello de Barbadás proseguirán esta tarde con máis música. Na Casa de Cultura Manuel María ofrecerase un recital do alumnado de piano. Será a partir das 20.00 horas.

 

Cultura, Novas, , ,

CONTENT.1709371217