16/12/2021

Campaña con fin solidario e para impulsar o comercio local

Venda de rifas nos establecementos colaboradores

A INSTALACIÓN DE UN “CONTAINER” SOLIDARIO PROMOCIONA O COMERCIO LOCAL DE BARBADÁS E CONTRIBÚE Á CAUSA BENÉFICA PARA ÁNGEL PÉREZ
 

Tres cadaleitos repletos de agasallos e produtos, valorados en 2.000 e cada un deles,  serán sorteados entre as persoas que merquen nos establecementos comerciais e de hostalaría que participan. 

27 establecementos participan nesta iniciativa na que colabora o Concello de Barbadás 

  • Alejandra Rodríguez, portavoz de comerciantes e hostaleiros/as participantes nesta iniciativa explica que “ten un fin solidario porque vemos a necesidade de axudar a Ángel Pérez e para que a xente se decate de que o comercio local está esmorecendo”.

 

  • O alcalde de Barbadás, Xosé Carlos Valcárcel, convidou á veciñanza “a participar nunha iniciativa que, ademais de ter un fin solidario, aposta polo comercio local. O Concello de Barbadás quere participar activamente para apoiar a Ángel Pérez e ao comercio de proximidade”.

 

 

  • Os establecementos que participan na iniciativa venderán rifas por valor de 5 euros, sinala Valcárcel e “cada cadaleito será entregado ao/á posuidor/a do boleto con número gañador do primeiro, segundo ou terceiro premio do sorteo da lotaría de Reis”.

 

  • Os 3 cadaleitos que se sortean están compostos por unha ampla gama de produtos doados polas firmas comerciais e hostaleiras do concello de Barbadás e tamén por outras empresas que solidariamente se sumaron á causa benéfica.

 

 

  • Marga Pérez, concelleira de Comercio, destaca que “este container representa o esforzo dos/as comerciantes e hostaleiros/as de Barbadás que levan semanas traballando para acadar o maior número de agasallos e produtos posibles para facer un sorteo benéfico porque a recadación entregarase a Ángel Pérez, un veciño de Barbadás que desgraciadamente sufriu un accidente o verán pasado e necesita un tratamento médico e vaise custear coa recadación da venda das rifas”.
    “Este container representa ademais o espírito de Nadal, que é axudar en momentos difíciles polo que atravesan as persoas”.
    Animou a participar neste sorteo solidario e que visiten o noso comercio local, que é onde se venden as rifas para este evento.

 

 

  • Arturo Varela, comerciante impulsor de unha iniciativa similar levada a cabo o ano pasado, agradeceu “a participación nesta iniciativa de comerciantes e hostaleiros/as que participan aportando produtos para o container e queremos estender o agradecemento a empresas que tamén fixeron a súa aportación como poden ser Blanco Quintas, Mobles Gosende, Coren, Aceites Abril e moitas máis”.

 

 

  • Establecementos colaboradores do Concello de Barbadás:
    • Twins men,
    • Twins,
    • Elma,
    • Tofee Glass,
    • Micocadas,
    • Librería Espa,
    • Casa César,
    • Alumbre,
    • Carussa Baby,
    • Librería Valenzá,
    • Gaia contigo,
    • Restaurante O Muiñeiro,
    • Clínica dental Valenzá,
    • Idunna,
    • Perruquería e estética masculina VM,
    • Cafetería Vely,
    • Spar Express,
    • Bel,
    • La Cigüeña,
    • Utile muebles,
    • Oren Óptica,
    • Calzados Zocos,
    • A Cova do Savio,
    • Mimi flores,
    • Más que un sueño,
    • Lavaxá
    • e Funeraria Ourense.

 

  • No acto de presentación estiveron en representación dos comerciantes, Alejandra Rodríguez e Bea Mosquera, de Carussa Baby; Lourdes Díaz, de Librería A Valenzá; Paqui Bouza, de La Cigüeña; Elisa Ucha, de calzados Zocos; Arturo Varela, de Funeraria Ourense.

 

 

Comercio, Novas, Promoción económica

CONTENT.1664880357

SINGLE.1664880357