12/02/2024

Preto dun millar de persoas e unha vintena de comparsas e carrozas participarán mañá no Desfile de Entroido de Barbadás

A poucas horas do Gran Desfile de Entroido de Barbadás, o Concello ultima os preparativos dun percorrido que gaña en espectacularidade e no que participarán preto dun millar de persoas e unha vintena de comparsas e carrozas. A avenida de Celanova será o escenario desta cita, unha das máis agardadas da programación, a partir das 17.00 horas. Será preciso cortar o tráfico nesta vía e habilitarase na zona do Mercadona un espazo para as persoas con mobilidade reducida.

Para garantir a seguridade dos asistentes, participarán no desfile Policía Local e Protección Civil. Agárdase que a chuvia dea unha tregua e veciños, veciñas e visitantes poidan disfrutar do percorrido, no que haberá grandes doses de humor.

Estes serán os participantes:

A lavandeira Individual
A nobleza de Sequeiros Parella
Marqueses do Miño e Barbanza Parella
As leonas de A Valenzá Parella
Duo Rubiales Parella
1877 Primer hombre bala fue una mujer Zazel Parella
Titan cámara y chica reloj Parella
Titan tv y chica reloj Parella
Regreso al fy Parella
TUTAN-QUE-MONAS Parella
Voando vou Parella
La era del hielo Trío
Cogumelos Trío
Os contos do Filomena Comparsa
Festa no mundo máxico (Os rexoubeiros) Comparsa
O bosque encantado Comparsa
Oulimpiadas 24 Comparsa
O rancho de Auria Canta Comparsa
Os chapuzas de As Lamas Comparsa
Grease Estilo Libre Comparsa
Limpezas a roña Comparsa
As cores do oceano da Finca Fierro Comparsa
Os de sempre de A Valenzá no desxeo Comparsa
Super Móvete Comparsa
Los deliciosos Comparsa
Valparaíso Comparsa
A copa é nosa Comparsa
Sincro Xogos Olímpicos Barbadás 2024 Comparsa
A casiña das tentacións da tía Ambrosia Comparsa
Malas madres y padres Comparsa
Abba Silleiros Comparsa
A tribú.. Carroza
Os Lolailos por Egipto Carroza

 

As mellores carrozas, comparsas e disfraces terán premio en Barbadás. O Concello repartirá preto de 6.000 euros e con esta iniciativa preténdese fomentar, conservar, promocionar e ensalzar a tradición do Entroido. No concurso establécense as seguintes categorías: carrozas cun mínimo de 10 persoas; comparsas co mesmo número mínimo que pode ir acompañada de vehículo ou elemento artístico ou parellas, tríos e disfraces individuais.

Ademais, as asociacións que participen no desfile do Martes de Entroido e que estean compostas por máis de dez persoas e debidamente inscritas no Rexistro de Asociacións do Concello de Barbadás recibirán unha axuda de 300 euros.

A programación dos próximos días:

13 de febreiro: Gran desfile de Entroido. Avenida de Celanova. 17.00 horas.

14 de febreiro: Desfile fúnebre e queima dos Mecos. Avenida de Celanova. 20.00 horas.

Espectáculo de danza aérea con lume e fogos artificiais. Praza Vella da Valenzá. 21.00 horas.

 

 

Novas

CONTENT.1716262217

SINGLE.1716262217