Categoría: Barbadás Quéreo Viveo

I Carreira pola igualdade en Barbadás

04/03/2024

I Carreira pola igualdade en Barbadás

9 de marzo de 2024

Ata mañá martes 5 de marzo ás 23:59 h  estará aberto o prazo de inscrición para participar na I Carreira pola igualdade do Concello de Barbadás.

 

Este novo prazo, inclúe  o seguro da carreira pero sen a camiseta oficial por esgotamento de existencias.

 

Aqueles/as que vos inscribades entre hoxe e mañá, o día da carreira, deberedes traer posta unha camiseta de cor rosa .

  • Data: SÁBADO 9 DE MARZO DO 2024
  • Lugar:  A SAÍDA E A CHEGADA DA CARREIRA SERÁN DENDE O POLIDEPORTIVO MUNICIPAL DE BARBADÁS (A VALENZÁ)
  • Inscricións en  https://sportmaniacs.com/es/services/inscription/carreira-alternativa-barbadas-2024
  • IMPORTE DAS INSCRICIÓNS
    •  𝗠𝗔𝗜𝗢𝗥𝗘𝗦 𝗗𝗘 𝗜𝗗𝗔𝗗𝗘: 3,00€ (Importe benéfico que se destinará na súa integridade ao Banco de Alimentos de Barbadás.
    •  𝗠𝗘𝗡𝗢𝗥𝗘𝗦 𝗗𝗘 𝗜𝗗𝗔𝗗𝗘: GRATUÍTA
    •  𝗗𝗢𝗥𝗦𝗔𝗟 𝗖𝗘𝗥𝗢: IMPORTE SOLIDARIO

 

CONTENT-CAT.1710835007

Festa de Disfraces e Concurso Infantil

02/02/2024

Festa de Disfraces e Concurso Infantil

O martes, 12 de febreiro, a partir das 16:00 h, na Solaina

O martes, 12 de febreiro, a partir das 16:00 h, dentro da programación do Entroido de Barbadás, celebraremos a festa infantil e concurso de disfraces infantil no parque da Solaina.

Haberá animación musical e  desfile   dos/das nenos/as que participen no concurso  e posterior entrega de premios.

As inscricións para participar no Concurso de Disfraces,  poderanse facer do 5 ao 9 de febreiro, no Espazo Infantil (en horario de 16:00-20:00 h).

 

 

 

CONTENT-CAT.1710835007

Arrinca o Entroido en Barbadás cunha explosión de alegría!

19/01/2024

Arrinca o Entroido en Barbadás cunha explosión de alegría!

Venres, 9 de febreiro, inicio do Entroido en Barbadás! 

Prepárate para mergullarte na diversión e a festa porque o venres, 9 de febreiro, é o inicio oficial do Entroido en Barbadás!

Programa do Venres:

  • Ás 12:00 h: Desfile infantil dos centros escolares CEIP Filomena Dato, CEIP O Ruxidoiro e Colexio Luis Vives, acompañados  de integrantes do Centro Ocupacional As Burgas

 

  • Ás 20:00, comeza o Pregón do Entroido. Un emocionante discurso que marca o inicio da celebración!

 

  • Despois do Pregón: Goza dunha deliciosa Cea de Comadres nos acolledores establecementos hostaleiros da zona. A mellor maneira de recargar enerxía para a noite!

Cea de Comadres en Barbadás 2024

  • 23:00 h en diante: A festa continúa coa Gran Festa de Comadres en compañía da Gramola Disco. Bailes, boa música  e bo ambiente para gozar ata ben entrada a noite.

2024-Banner-Barbadás-Festa de Comadres 09/02/2024

Lembra!! , o venres, 9 de febreiro,  Barbadás transfórmase no epicentro da diversión carnavalesca. Así que, reúnete con amigos, vístete cos teus mellores disfraces e prepárate para unha noite chea de cor, diversión e alegría.

Únete  á celebración do Entroido en Barbadás!!

CONTENT-CAT.1710835007

Visita das Súas Maxestades Os Reis Magos a Barbadás

01/01/2024

Visita das Súas Maxestades Os Reis Magos a Barbadás

Visitarán o concello os días 3 e 4 de xaneiro de 2024

  • As Súas Maxestades, os Reis Magos de Oriente, visitarán Barbadás, o mércores, día 3 de xaneiro,  levando ilusión a cada un dos pobos do concello.

 

  • O xoves, día 4, tamén estarán en “Diverlandia 6.0”, acompañando nesta xornada de diversión que se celebrará no Polideportivo Municipal.

2024-Percorrido dos Reis Magos - Concello de Barbadás

 

CONTENT-CAT.1710835007

O 22 de decembro, Papá Noel achégase a Barbadás

13/12/2023

O 22 de decembro, Papá Noel achégase a Barbadás

Comezará o seu percorrido ás 18:00 h

  • A maxia do Nadal aproxímase e con ela, unha visita especial que nos emocionará.

 

  • Papá Noel achegarase a Barbadás,  o día 22 de decembro, nun percorrido cheo de alegría e sorrisos, levando consigo a maxia do Nadal e repartindo ilusión ao seu paso.

 

  • Ten  a túa carta lista para entregar a Papá Noel e comparte os teus desexos do Nadal con el!

Cartel percorrido Papa Noel

CONTENT-CAT.1710835007

Concurso de decoración de balcóns, xanelas e portais do Nadal 2023

03/12/2023

Concurso de decoración de balcóns, xanelas e portais do Nadal 2023

Inscricións ata o 12 de decembro de 2023 antes das 14:00 h

O Concello de Barbadás convoca o Concurso de decoración de balcóns, xanelas e portais  co obxectivo de fomentar a colaboración dos veciños,  na ornamentación e embelecemento da vila durante a tempada de Nadal 2023-2024.

  • Inscrición

Poderán participar neste concurso tanto as persoas físicas como as xurídicas do Concello de Barbadás que teñan vivendas con balcóns, xanelas ou portais que poidan ser decorados.

Valorarase
-A creatividade.
-A orixinalidade.
-A combinación de elementos e cores,
-A iluminación e composición.
-Motivos empregados para decorar.

 

Os impresos para inscribirse poderán obterse , no Concello de Barbadas, na Oficina Municipal de A Valenzá ou a través da páxina web do Concello (www.barbadas.es).

Os impresos debidamente cumprimentados presentaranse por rexistro, no Concello de Barbadás, na Oficina Municipal de A Valenzá, ou a través da Sede Electrónica desde o día seguinte á publicación destas bases no Boletín Oficial da Provincia de Ourense (03.12.2023) ata o 12 de decembro de 2023, antes das 14:00 h.

 

Os interesados deberán, na solicitude de inscrición, facer unha declaración responsable de que se atopan ao corrente de obrigas coa Axencia Estatal da Seguridade Social, Instituto Nacional da Seguridade Social, Axencia Tributaria Galega e o Concello de Barbadás.

Coa ficha de inscrición será preciso para formalizar a participación no concurso enviar unha foto do balcón, xanela ou portal ó enderezo de correo electrónico cet@barbadas.es ata o día 12 de decembro de 2023  antes das 14:00 h, facendo constar no asunto do correo electrónico PARTICIPACIÓN CONCURSO DE BALCÓNS, XANELAS E PORTAIS así como o nome da persoa participante.

  • Votación telemática

Poderase votar, emitindo un voto por cada categoría (un voto por balcóns, un voto por xanelas e un voto por portais), dende 12 de decembro a partir das 16:00 h, ao 18 de decembro de 2023 (ata as 14:00 h) dende esta ligazón.  

  • Premios

Establécense os seguintes premios:
1º premio ao mellor balcón de 200 €
1º premio a mellor xanela de 200 €
1º premio ao mellor portal de 200 €

  • Entrega de premios

O día 21 de decembro, publicarase o listado das persoas gañadoras.
O día 22 de decembro, entregaranse os diplomas as persoas gañadoras.

2023-redes-Barbadás-Concurso de balcóns

CONTENT-CAT.1710835007

Concurso de escaparates de Nadal 2023

03/12/2023

Concurso de escaparates de Nadal 2023

Inscricións ata o 12 de decembro de 2023 ás 14:00 h

O Concello de Barbadás convoca o Concurso de Escaparates e Decoración de Nadal co obxectivo de fomentar a colaboración cidadá na ornamentación e embelecemento da vila durante a tempada de Nadal 2023-2024, facendo partícipes ao tecido comercial e hostaleiro de Barbadás.

  • Participación

Poderán participar todos os establecementos comerciais e hostaleiros do Concello de Barbadás, tanto sexan persoas físicas como xurídicas.

 

  • Valoración 

O tema a desenvolver xirará en torno ao ambiente do Nadal. Haberá total liberdade en canto á técnica e estilo.
No caso dos establecementos hostaleiros que non dispoñen de escaparate, terase en conta para que poidan participar a decoración interior, exterior e das terrazas.

Valorarase a creatividade, orixinalidade e apreciación de elementos locais.

  • Procedemento

Os impresos poderán obterse, no Concello de Barbadas, na Oficina Municipal de A Valenzá ou a través da páxina web do Concello (www.barbadas.es)
Os impresos debidamente cumprimentados presentaranse por rexistro, no Concello de Barbadás, na Oficina Municipal de A Valenzá, ou a través da Sede Electrónica desde o día seguinte á publicación destas bases no Boletín Oficial da Provincia de Ourense (03.12.2023)  ata o 12 de decembro de 2023 ata as 14:00 h.
Os/as interesados/as deberán, na solicitude de inscrición, facer unha declaración
responsable de que se atopan ao corrente de obrigas coa Axencia Estatal da Administración Tributaria, Tesorería Xeral Seguridade Social, Axencia Tributaria Galega e o Concello de Barbadás.

Unha vez presentada a folla de inscripción será preciso para formalizar a participación no concurso enviar unha foto do escaparate ou decoración interior, no seu caso, a dirección de correo electrónico cet@barbadas.es ata o día 12 de decembro de 2023 antes das 14:00 h

  • Votación

Establécense dúas vías de valoración dos establecementos participantes: xurado e popular, cos seguintes premios:

Premios do xurado profesional:
1º premio escaparate de establecemento comercial de 300€.
2º premio escaparate de establecemento comercial de 200€.
1º premio escaparate de establecemento de hostalería de 300€.
2º premio escaparate de establecemento de hostalería de 200€.
Premios da votación popular:
1º premio escaparate de establecemento comercial de 300€.
2º premio escaparate de establecemento comercial de 200€.
1º premio escaparate de establecemento de hostalería de 300€.
2º premio escaparate de establecemento de hostalería de 200€.

  • Votación popular

As persoas que desexen votar poderán facelo, dende o  12  (dende as 16:00 h) ata o  18 de decembro de 2023 ás 14:00 h, neste formulario.

  • Entrega de premios

O día 21 de decembro publicarase o listado dos establecementos gañadores e o 22 entregaranse os diplomas.

 

Concurso Escaparates - Nadal 2023 - concello de Barbadás

 

 

 

CONTENT-CAT.1710835007

Listado definitivo axudas Educación Infantil curso 2023/2024

20/11/2023

Listado definitivo axudas Educación Infantil curso 2023/2024

 

  • Para calquera cuestión ou dúbida ao respecto, contactar cos servizos administrativos da Concellería de Educación, sitos na Casa de Cultura Manuel María (Rúa San Bernabé, 37 -A Valenzá. Tfno. 988 24 68 85) .

 

 

 

CONTENT-CAT.1710835007

Aviso Aula de Teatro: inicio e actualización de listados

10/10/2023

Aviso Aula de Teatro: inicio e actualización de listados

Inicio das clases 11 de outubro

O inicio das clases de teatro será este mércores, día 11 de outubro, no horario que corresponda.

Grupo infantil: 17:00 – 18:00 horas.

Grupo xuvenil: 18:00 – 19:00 horas.

Grupo adulto: 19:00 – 20:00 horas.

Para calquera cuestión ou dúbida ao respecto, contactar cos servizos administrativos da Concellería de Cultura, sitos na Casa de Cultura Manuel María (Rúa San Bernabé, 37 -A Valenzá. Tfno. 988 24 68 85) .

Cartel Aula de Teatro Concello de Barbadás

 

CONTENT-CAT.1710835007

Obradoiros de PROCURA DE EMPREGO

09/10/2023

Obradoiros de PROCURA DE EMPREGO

Inscricións no 680344873 ou en aulamentor@barbadas.es

A AULA MENTOR do Concello de Barbadás, organiza para outubro e novembro deste ano 2023,  obradoiros para axudarte no teu proceso de procura de emprego, para confeccionar ou actualizar o teu curriculum e para prepararte para as túas entrevistas de traballo.

 

As datas en que se levarán a cabo os obradoiros programados, serán:

  • Obradoiro PROCURA DE EMPREGO: Xoves, 19 de outubro, ás 16:30h.

 

  • Obradoiro CURRICULUM VITAE: Xoves, 26 de outubro, ás 16:30 h

 

  • Obradoiro ENTREVISTA DE TRABALLO: Xoves, 9 de novembro, ás 16:30 h

 

As sesións desenvolveranse en

A TÚA AULA MENTOR
AULA TECNOLÓXICA PARQUE DA SOLAINA
A VALENZÁ – BARBADÁS

HORARIO de atención ao público de AULA MENTOR:
De luns a venres 9:30 – 14:00 h e 16:00 – 19:00 h

  • Se estás  a buscar emprego ou queres optar a outras ofertas dispoñibles no mercado laboral, non dubides en inscribirte no 680344873 ou enviando un correo a aulamentor@barbadas.es

 

 

CONTENT-CAT.1710835007

Descubre os sabores do Concello de Barbadás no VI Concurso de Pinchos “Barbadás a Bocados”!

13/09/2023

Descubre os sabores do Concello de Barbadás no VI Concurso de Pinchos “Barbadás a Bocados”!

Os días 15 e 16 de setembro nos 18 establecementos hostaleiros participantes

Os días 15 e 16 de setembro de 2023, teremos en Barbadás, o Concurso de Pinchos “Barbadás a Bocados”. Una cita  que  organiza a Concellería de Comercio e que este ano cumpre a súa 6ª edición.

Quen nos acompañe nestes días, terá a oportunidade de probar sorprendentes e saborosas propostas presentadas polos 18 establecementos hostaleiros participantes.

  • Ti decides o mellor petisco de Barbadás.

    Proba e Vota: Visita polo menos catro dos establecementos participantes e goza dos seus petiscos. Logo, vota polos teus favoritos. A túa opinión conta!

    Participa e Gaña: Se probas polo menos catro petiscos, entrarás automaticamente no sorteo de emocionantes premios. Cantas máis delicias probes, máis oportunidades terás de gañar!

    Votación Profesional: Un xurado de expertos culinarios avaliará tamén cada petisco en busca de sabor, presentación e creatividade. Os chefs teñen a oportunidade de impresionar aos profesionais coas súas creacións únicas.

OBRADOIROS

A diversión culinaria non se detén no concurso de petiscos pois teremos máis actividades para todas as idades!

  • Catas de Aceite: Algunha vez preguntácheste como se avalía un aceite de oliva de calidade? Acompáñanos ao  noso obradoiro de catas de aceite, onde descubrirás os matices e aromas dos mellores aceites da rexión. Unha viaxe de sabores que che deixará impresionado!

2023-Redes-Barbadás-Cata de aceites

  • Obradoiror de Cociña Interxeracional: A cociña é un lugar de encontro, e neste taller, todos son benvidos. Pais e fillos, avós e netos, compartindo momentos lúdicos mentres aprenden xuntos técnicas culinarias! A cociña é o lugar perfecto para conectar a través da comida e as historias.

2023-Redes-Barbadás-Taller cociña

Estes obradoiros son completamente gratuítos e abertos ao público de todas as idades.
Non importa se es un entusiasta da cociña ou un principiante, hai algo para todos!

O noso obxectivo é crear momentos especiais que todos poidan gozar e lembrar.

Esperamos verte alí!

SOCIALIZAR, COMPARTIR, GOZAR

  • O VI Barbadás a bocados  é unha oportunidade única para saborear a diversidade de sabores que ofrece Barbadás e apoiar ao comercio local.
  • Reúne aos teus amigos e familiares e ven a compartir con eles momentos de encontro e lecer, no VI Concurso “Barbadás a bocados”!!

Establecementos participantes no VI Concurso de Pinchos "Barbadás a bocados"

Empresas colaboradoras concurso de pinchos Barbadás a bocados

 

 

CONTENT-CAT.1710835007

Xosé Carlos Valcárcel quixo humanizar Barbadás tras xurar que a súa cara “nunca estaría nun cartel”

02/04/2023

Xosé Carlos Valcárcel quixo humanizar Barbadás tras xurar que a súa cara “nunca estaría nun cartel”

Servizos públicos en Barbadás

Xosé Carlos Valcarce Doval é economista e chegou a Barbadás na procura de piso. Atopouno, quedou e descubriu que o lugar que escollera para vivir “carecía de solidariedade e de valores de progreso, medraba de xeito pouco humanizado e era un concello pouco democrático”.

  • Xuraba daquela que a súa cara “nunca estaría nun cartel” pero finalmente aceptou comezar a súa carreira política e tentar dar pulo a iniciativas que paliasen as numerosas eivas, como “a pouca transparencia, a falta de solidariedade, a actividade pouco respectuosa co medio ambiente, nada feminista e sometido a un crecemento puramente especulativo e deshumanizado, sen ter presentes as necesidades das veciñas e veciños”, relata.

 

  • No momento en que foi elixido alcalde hai 8 anos, segundo lembra, a primeira iniciativa que quixo poñer en marcha foi a de arranxar o xardín dianteiro do supermercado Mercadona. “A propiedade estaba moi dividida e costounos 4 anos localizar a tódalas persoas implicadas”, lembra.

 

  • E xa “con orgullo” refírese a outras intervencións nas que destaca a activación total do CIM (que foi iniciativa do partido co que co-gobernou na anterior lexislatura) e o funcionamento actual do Banco Solidario que estaba “en precario e hoxe atende e da sustento vital a preto de 400 persoas”, e foi tan importante tamén durante a pandemia.

Os proxectos que son e serán

  • A ampliación do polideportivo  , pendente dun convenio marco entre Xunta de Galicia e Deputación de Ourense; a mellora de rúas con prioridade, neste momento, na rúa das Burgas cara o centro de saúde; o posto da Garda Civilque xa está encauzado para instalarse na Valenzá”; a cubrición de parques que xa conta con varios proxectos e está pendente de financiación…
    Hai parques que non poden cubrirse pola proximidade a vivendas”, lembra, e tamén a previsión de crear unha zona acuática con xogos de auga na contorna  da piscina municipal… e o transporte metropolitano,  que xa non depende do concello.
    “Somos o único que ten aprobados requisitos e protocolos e o funcionamento como transporte metropolitano da comarca de Ourense depende agora da Xunta de Galicia e dalgún dos concellos afectados, pero co aprobado por nós podemos ofrecer xa billetes a custo reducido para todo tipo de colectivos como estudantes, persoas maiores….”

 

  • Ser alcalde conleva estar pendente de todas as áreas, así que tamén refírese á de Cultura por ser “intensísima e de balde”, durante todo o ano, e ao aire libre durante o verán . “Comezamos a traballar tamén coa posibilidade de ter un auditorio no concello”, remarca.

 

  • No eido patrimonial e mesmo turístico destaca a complexidade de actuar nos cascos antigos de Loiro, Bentraces, Sobrado do Bispo e mesmo no de Barbadás porque están afectados pola Lei de Patrimonio e esto obriga a que as actuacións “sexan lentas” pero xa están  en marcha varias. No mesmo eido destaca O Tangaraño (ou penedo Vigón) e o proceso para declaralo Ben de Interese Natural (monumento natural).
O Tangaraño - Barbadás
O Tangraño – Barbadás

“Unha vez máis, a multipropiedade ralentiza e hai tempo que iniciamos a localización de propietarios”, engade. Tamén en marcha a Ruta dos Cruceiros para dar a coñecer e poñer en valor os máis de 30 espallados polo concello.

Igrexa románica de San Martiño, en Loiro, e cruceiro e igresa de San Xoán, en Barbadás. foto Rosa Veiga
Igrexa románica de San Martiño, en Loiro, e cruceiro e igresa de San Xoán, en Barbadás. foto Rosa Veiga
  • Barbadás terá un polígono comercial cun proxecto técnico desenvolvido en colaboración coa Autoridade Portuaria da Zona Franca de Vigo, a través do delegado estatal David Regada. Cando esté definido, en terreos entre Barbadás en Bentraces, o seu crecemento dependerá das iniciativas privadas.

 

  • En deportes, Barbadás comezou a ser lugar para unha das probas do Rallye de Ourense,  haberá un minicircuito nivel C2 de ciclocross e unha proba internacional puntuable para o campionato do mundo e seguirán eventos novidosos como o “Cavernícolas Race”.

Beleza natural de Louredo

  • Outro dos espazos naturais que hai que destacar, segundo Xosé Carlos, é a fraga de Louredoun espazo natural do concello, preto de zona urbana pero case sen afectación dende hai moitos anos, onde están as primeiras evidencias documentadas dos viños de Galicia, e hai que poñelo en valor” , engade.
Excursión guiada pola fraga de Louredo (Santa Ouxea) de Surbia Natura en novembro de 2022.
Excursión guiada pola fraga de Louredo (Santa Ouxea) de Surbia Natura en novembro de 2022. foto Rosa Veiga

 

Convivencia e solidariedade

  • Para Xosé Carlos o traballo municipal ten sentido se “expresa e busca mellorar a convivencia, a socialización e a solidariedade” pois Barbadás é un concello “moi marcado” no urbanístico “e hai que humanizalo e melloralo con tódalas iniciativas posibles”.

 

  • Lembra que para elo, as vías de comunicación entre veciñas, veciños e concello son moitas. “Levo con orgullo ser alcalde do lugar no que vivo e que as persoas me falen para explicar as súas ideas, e poder encauzalas despois”, remata.

 

  • (As últimas entrevistas foron adicadas ás diferentes áreas  municipales para aportar información de como funcionan os servicios públicos de Barbadás, os novos espazos creados como a Casa da Mocidade, os que veñen de antes como a Escola Municipal ou o Centro de Información á Muller e en xeral, a actividade xerada arredor das propostas e necesidades veciñais… recomendámoche leer para saber).

 

 

 

 

 

 

Excursión guiada pola fraga de Louredo (Santa Ouxea) de Surbia Natura en novembro de 2022 526.08 KB
Excursión guiada pola fraga de Louredo (Santa Ouxea) de Surbia Natura en novembro de 2022. foto Rosa Veiga

O Tangaraño - Barbadás 664.81 KB
O Tangraño - Barbadás

Igrexa románica de San Martiño, en Loiro, e cruceiro e igresa de San Xoán, en Barbadás. 632.10 KB
Igrexa románica de San Martiño, en Loiro, e cruceiro e igresa de San Xoán, en Barbadás. foto Rosa Veiga

O alcalde de Barbadás, Xosé Carlos Valcarcel Doval coas traballadoras municipais Lucía Freire e Betty Gómez 228.23 KB
O alcalde de Barbadás, Xosé Carlos Valcarcel Doval coas traballadoras municipais Lucía Freire e Betty Gómez. foto Marga Pérez Fernández

CONTENT-CAT.1710835007

Os grandes e pequenos proxectos de Barbadás saen do contacto continuo da veciñanza coa edil Victoria Morenza

31/03/2023

Os grandes e pequenos proxectos de Barbadás saen do contacto continuo da veciñanza coa edil Victoria Morenza

Servizos públicos en Barbadás

Victoria Morenza Doforno naceu en Alemaña e cando tiña 3 meses a súa nai veuse para Piñor con ela, onde xa estaban os seus dous irmáns. O seu pai é de Mugares (Toén) e o avó  viviu na casa do Bohío, nas aforas de Piñor, no lugar onde se muda de concello.

  • É tenente de alcalde en Barbadás dende hai 4 anos  e asegura estar “encantada” porque nos catro anos anteriores levaba a área de Urbanismo onde se facían moitas obras co remanente de tesourería,  “e quería ter un contacto máis amplo, unha  visión de conxunto das áreas,  e cando chegou esa opción hai 4 anos, veu con moita máis carga de traballo e de responsabilidades, porque nas 7 concellerías que temos faise o traballo de 9”, asegura.

 

  • Se houbera que concretar as súas competencias, habería que dicir que Victoria Morenza é a edil de Mobilidade, Persoal, Obras, Infraestruturas, Relacións Institucionais e Vivenda e Urbanismo, aparte das tarefas de coordinación como tenente de alcalde.
    E se hai que concretar máis, ela escolle, entre todas as responsabilidades, as que teñen que ver “con proxectos e fixación de obxectivos por zonas para orixinar un desenvolvemento equitativo nas diferentes poboacións e aldeas do concello”, detalla.

 

  • No eido da procura continua do equilibrio entre poboacións destaca o proxecto do Pisco,no que hai moitas persoas implicadas porque a actuación desenvolverase a carón das veciñas e veciños”. “Eu non son unha adiviña para saber o que queren os nosos veciños así que son eles os que nolo din e nós facémonos eco”, afirma.

 

  • Afirma que o seu grupo de Goberno “herdou diferentes situacións nos diferentes espazos, e temos que telo en conta. De feito somos conscientes de que en Barbadás conviven perfectamente un mundo rural na maior parte das poboacións, o semi-urbano de San Lourenzo de Piñor e Parada,  e o mundo urbano da Valenzá e Finca Fierro, e todo no mesmo concello”
Área de obras - victoria Morenza - Concello de Barbadás
Os operarios José Benito Araújo, Modesto Alvarez, a aparelladora municipal, Rosa Suárez e a concelleira de Obras e tenente de alcalde,  Victoria Morenza, diante dun arranxo nun vial do Fonsillón. 23/03/23, foto Rosa Veiga

Nove canles diferentes para recibir avisos da poboación

  • Victoria alude á comunicación continua coa sociedade de  Barbadás, da que reciben avisos, incidencias, necesidades e ideas, cada día, polas mensaxes nas redes sociais (Facebook,  instagram  e twitter).
    Tamén pola web do concello  , por “whatsapp” no teléfono móbil institucional “de toda a vida” que agora ten Victoria co número 646 987 108,  polo rexistro do concello, na sede electrónica , por chamada telefónica ó 988 36 00 00 e mesmo pola App para móbil Concello de Barbadás.

 

  • Todos os avisos e incidencias quedan recollidos nun informe anual. “Tratamos de responder a cada aviso e son moitos”. Como exemplo, explica que no concello hai unhas 3.500 farolas públicas, e cada día recibe unha media de 10-15 avisos só para cambiar lámpadas estragadas ou para reparar algunha incidencia respecto ao sistema de alumeado.

 

  • Esta comunicación “supón un cambio total cara a apertura á sociedade e comezou co aproveitamento da páxina web, que atopamos recén montada cando comezamos a gobernar, e non había nada máis nese eido”, concreta.

 

  • Esas nove canles de comunicación e o contacto cos traballadores municipais fai posible que Victoria estea “ao tanto  das necesidades de cada área “ porque lle gusta facelo, pero recoñece que ás veces algunha pásaselle.
    “Compaxinar o día a día cos proxectos máis grandes é complexo, e aí chegan licencias de obra, arranxo e limpeza de camiños, eventos, o antes e despois de calquera obra… son o día a día que van comendo o tempo”, destaca.

O proxecto do Pisco e Campo Redondo, arredor da auga

  • As outras tarefas de Victoria, as dos proxectos a medio/longo prazo, son as que teñen “menos visibilidade inmediata pero imos presentando aos poucos”, engade.
    Entre eles, o xa anunciado da senda polas beiras do río Barbadás que pasa polo Pisco e un pouco máis abaixo, polo Campo Redondo.
    “É un lugar emblemático e idílico, co que calquera persoa soña porque é zona de río con moita arboreda,  e precisaba moitas melloras, así que agora terá nova varanda, un banco con unha visión espectacular da zona e varios arranxos”.

 

  • Para Victoria, é unha satisfacción falar deste proxecto porque estar no Pisco e contorna “é como estar no Edén e, por riba, dende el haberá acceso a esa aldea pantasma  para algúns que é Moureán” (aldea abandonada na que quedan as ruínas de propietarios que se trasladaron e agora viven noutras poboacións de Barbadás).
    “A senda que chegará ó Pisco sae da Valenzá, e moitas persoas a descubriron durante os confinamentos da pandemia, e gustou moito porque ten moita sombra para os días de calor”, engade. O proxecto foi encargado ao arquitecto Juanjo Otero  e entre outras cousas, porá en valor a auga, o seu son e a súa presenza en todo ese percorrido.

O Pisco - Aldea abandonada

  • Neste momento, ese proxecto está en trámite, en fase de protocolo coa Confederación Hidrográfica Miño-Sil (institución que custodia e regula actuacións en ríos da cunca hidrográfica do Miño) para obter un financiamento conxunto.

O Pisco - Concello de Barbadás

O proxecto Carmen Martín Gaite terá andaina en abril

  • Outro dos proxectos con tramitación en marcha é o centrado na escritora Carmen Martín Gaite. Comezou pola idea de dar pulo a un roteiro literario polos lugares de Piñor nos que viviu, xogou e aprendeu a escritora e foi evolucionando ata facerse “moi ambicioso”. Xa conta cun Plan Director elaborado por Luis Congil que inclúe o roteiro, un espazo no centro social para amosar imaxes e ser espazo de recepción de visitantes, e unha intervención na contorna do Pazo de Lemos.

 

  • A estrada e o camiño que rodean a leira do pazo serán unha plataforma única para coches e peóns que conectará o pazo de Lemos, a casa na que viviu a escritora (que era dos caseiro do pazo) e parte dos seus espazos vitais como o Campo de Roma e a fonte do Regueiro (adicada a un tío-avó seu).

 

  • En abril está previsto facer unha andaina guiada polo profesor e investigador da escritora, David González Couso e ata 2025  desenvolverase o proxecto “co apoio do Ministerio de Cultura, de cara ao centenario de Martín Gaite que se celebrará no 2025”, engade.
proxecto Carmen Matín Gaite
Vial de Piñor no que se prevén cambios co proxeccto “Carmen Martín Gaite”
24/03/2023. foto Rosa Veiga

Tamén o tanque do Regueiro, en Barbadás

  • Por outra banda, o arquitecto Adolfo Rodríguez de la Rúa  e o Concello comezaron a traballar na humanización no lavadoiro que está no barrio do Regueiro, de Barbadás.
    “O  proxecto deste arquitecto, moi premiado polo seu traballo en Allariz, quere conservar o tradicional dese espazo no que aínda se lava roupa, alfombras e rianxo, con modernización para que deixe que estar encaixonado e se abra cara as vistas espectaculares que ten“, detalla Victoria.

 

  • Ese lavadoiro abastécese de auga que corre dende un regato que se soterra baixo o barrio e xurde no pilón que está aínda en uso. “Para min, a mellora que temos prevista nese espazo é un orgullo porque a miña nai era rianxeira e lembro os traballos que pasaba para preparalos mañuzos, lavalos e atalos, e levalos á praza de Ourense”, engade.
lavadoiro Regueiro - concello de Barbadás
Tanque para lavar no barrio do Regueiro, en Barbadás. Obxeto de proxecto de humanización co arquitecto Adolfo de la Rúa. foto Rosa Veiga
  • Se precisas máis detalles sobre algún dos servizos mencionados ou outros que presta o concello,  non dubides en poñerte en contacto  a través das mencionadas canles oficiais. Visita estas mesmas canles para seguir a actualidade dos proxectos actuais que se están levando a cabo e de futuros que están en previsión e iranse informando.

Área de obras - victoria Morenza - Concello de Barbadás 491.76 KB
Os operarios José Benito Araújo, Modesto Alvarez, a aparelladora municipal Rosa Suárez e a concelleira de Obras e tenente de alcalde María Victoria Morenza, diante dun arranxo nun vial do Fonsillón. 23/03/23, foto Rosa Veiga

proxecto Carmen Matín Gaite 410.14 KB
Vial de Piñor no que se prevén cambios co proxeccto "Carmen Martín Gaite" 24/03/2023. foto Rosa Veiga

O Pisco - Aldea abandonada 642.10 KB

O Pisco - Concello de Barbadás 562.07 KB

lavadoiro Regueiro - concello de Barbadás 451.54 KB
Tanque para lavar no barrio do Regueiro, en Barbadás. Obxeto de proxecto de humanización co arquitecto Adolfo de la Rúa. foto Rosa Veiga

Área de obras - Edil Victoria Morenza - concello de Barbadás 311.32 KB
Os operarios José Benito Araújo, Modesto Alvarez, a aparelladora municipal Rosa Suárez e a concelleira de Obras e tenente de alcalde María Victoria Morenza, diante dun arranxo nun vial do Fonsillón. 23/03/23, foto Rosa Veiga

CONTENT-CAT.1710835007

Museo da gaita de fole e rutas de diferentes temáticas atraen ao turismo cultural que se achega a Barbadás

22/03/2023

Museo da gaita de fole e rutas de diferentes temáticas atraen ao turismo cultural que se achega a Barbadás

Servizos en Barbadás

Ramón Selas Iglesias é o concelleiro de Turismo xestiona  Museo da Gaita de Fole como atractivo moi exclusivo para as persoas que visitan Barbadás.

  • Trátase “dun museo referente na península”. Foi construído en 2005 con deseño concibido polo musicólogo Paulo Gonçalves , e non se inauguro até o 2017. Tras un novo parón, foi abrindo a visitas guiadas e teatralizadas durante o verán, polo gran interese dos paneis e material sonoro dispoñibles, e polo dinamismo que supón ter un taller para a elaboración de instrumentos.
Peza histórica custodiada no Museo da Gaita de Fole de Barbadás. foto Rosa Veiga
Peza histórica custodiada no Museo da Gaita de Fole de Barbadás. foto Rosa Veiga
  • Dende hai uns meses, o museo acolle obradoiros de música e baile para persoas de 8 a 80 anos. Alí podes aprender percusión, timbal, pandeireta, canto, baile tradicional, gaita,  con Bea, Pablo, Sara, María, Maite… tralo comezo de actividades formativas organizadas polos músicos  e investigadores, Pablo Martínez Míguez (tamén luthier de gaitas) e Beatriz Fernández García, que son parte dun conxunto de músicos que recuperan e promocionan a cultura musical de todo Barbadás.
    O noso contacto coa música tradicional vennos de familia.  Dende pequenos estudamos e evolucionamos, xunto con outros que hoxe tamén son profesores como Requeixo, Páxaro, Santi Mera, Miguel García e o de baile Manuel, das Lamas” detalla Beatriz. Os pais dos actuais músicos fundaron hai 30 anos a asociación cultura e deportiva “Nova Fronteira”, e dende entón a súa presencia musical, sobre todo, é continua nas poboacións de Barbadás.
Museo da gaita nun día de visita teatralizada en 2022. foto Rosa Veiga
Museo da gaita nun día de visita teatralizada en 2022. foto Rosa Veiga
  • Dende o museo se da pulo, dende hai meses, a actividades novas como a recuperación dos Cantos de Reis, un folión que se estreou no Entroido no marco da proposta “Mascaradas ancestrais” e outras que fan da tradición musical e cultural un atractivo para visitantes.

 

  • O concelleiro está satisfeito da posta en marcha das actividades “que xa teñen eco en colexios da contorna e comezan a atraer ao turismo cultural que nos diferencia de outros destinos próximos como o da cidade de Ourense”, detalla.
    “Tratábase de dar pulo a ese espazo cun proxecto viable, activo e vivo. Cando o presentou Pablo, xusto antes da pandemia, houbo que paralo até agora, unha vez pasados todos os atrancos pola situación sanitaria pero agora xa están alí dúas persoas para manter o seu dinamismo e actividade”, lembra.
Museo da gaita de fole. Barbadás
Museo da gaita de fole. Barbadás. foto Rosa Veiga

Oferta para turismo cultural moi completa

  • O propio Ramón, con residencia en Bentraces, atópase a cotío con xente de fóra do concello interesada nos cascos antigos, que están unidos por rutas como a que parte do propio Museo da Gaita de Fole, para baixar até a capela de San Mauro (no casco de Barbadás).

 

  • Esa ruta pasa por Bentraces e Sobrado do Bispo, até Loiro. Moitos visitantes prefiren facela en bicicleta e percorren así recursos patrimoniais e históricos como a igrexa románica de Santa María de Sobrado; o convento das monxas, antigo Pazo da Mitra  (residencia de verán dos Bispos de Ourense dos séculos XVI ao XVIII); o casco vello de Bentraces, coa fonte do Santiño e o pazo. “Temos o pazo de Bentraces que é privado e é unha xoia patrimonial e escenario de películas, como a última La manzana de oro, na que o concello axudou coas infraestruturas”, engade, en relación á rodaxe do pasado verán, o de 2022.

 

  • E xa en Loiro relata o interese que despertan as prazas e balconada, a igrexa de San Martiño (que compartiu un dos seus canteiros coa propia catedral de Ourense), e a rúa emblemática adicada ás bodegas, das que unha trocou en museo etnográfico local.

Outras rutas e novos proxectos

  • Ramón lembra que Barbadás tamén ten sinalizada a ruta do Tangaraño con saída dende Parada ou dende A Valenzá, para chegar até o San Bieito de Cova de Lobo por sendas “perfectamente transitables e limpas”, que percorren lugares de gran interese natural e histórico en relación coas ofrendas para a cura de nenos e nenas doentes de “tangaraño” e coa súa pegada en literatura e cantigas.

 

  • Outra sinalizada e moi percorrida a pè e da cabalo, é a ruta dos Castros que cruza tamén todo o concello. “Calquera delas tivo moitos camiñantes durante o confinamento municipal que compartimos co concello de Ourense, e que animou a residentes no concello veciño a camiñar pola beira do río Barbadás e descubrir estes novos lugares para percorrer”.

 

  • En marcha, están ademais a primeira ruta literaria no concello, centrada na vida e obra da escritora Carmen Martín Gaite (veciña de San Lourenzo de Piñor nos veráns da súa infancia e xuventude); a dos cruceiros que permitirá percorrer en dous itinerarios circulares os 36 inventariados… e o proxecto en marcha da recuperación do camiño tradicional entre A Valenzá, os Piscos e A Boutureira (compartida co concello lindeiro de San Cibrao das Viñas).

Casa que foi propiedade e vivenda da familia de Carmen Martín Gaite, até o ano 1965. Foto Rosa Veiga

  • Entre os seus proxectos como concelleiro, aínda que non repetirá nesas responsabilidades, Ramón asegura que queda pendente a recuperación dos cascos vellos “porque é unha mágoa o deterioro que teñen nalgunhas zonas. Hai que afrontar moitas complicacións para darlle a volta, como a localización dos propietarios. Ese tema e outros fan que este sexa un proxecto que precisa moita dotación económica, para que beneficie tanto ás persoas que viven neles como ao turismo interesado na súa singularidade”.

Medra o aloxamento rural, cero hoteis

  • Ramón tamén é edil de Promoción Económica, e nese eido di non poder detallar todas as iniciativas desenvolvidas no concello, pero si lembra que se agrupan en formación, apoio ao emprendemento, apoio ao pequeno comercio e hostalería, sobre todo na pandemia, formación para persoas desempregadas, apoio aos traballadores municipais coa consolidación de postos de traballo…

 

  • Tamén se deu pulo a unha oficina virtual para empregados e autónomos, ao niño de empresas no CET para apoiar a creación e establecemento de novas empresas,  a unha liña de axudas a creación de empresas (33 novos emprendementos dende 2019)…

 

  • No eido do emprendemento, o concelleiro di botar en falta “iniciativas empresariais para abrir algún hotel”, fronte ao desenvolvemento continuo do aloxamento no rural. “Temos rexistrados establecementos de turismo rural en todas as poboacións. A área municipal de Turismo está nos seus primeiros anos e xa temos eventos e atractivos turístico como para poder contar con prazas hoteleiras, pero non temos ningunha”, engade.

 

  • E como compendio das súas dúas áreas, Ramón desvela que rianxo e viño, a maiores de ter sido piares da economía local e actividades en declive na actualidade, poden ser os motivos para proxectos de revitalización económica e turística, porque deron e dan singularidade á paisaxe de todo o rural de Barbadás, dende Loiro até Santa Ouxea (santa Uxía).

 

  • Na foto de cabeceira, o concelleiro de Turismo e Promoción Económica, Ramón Selas Iglesias (centro) con Beatriz Fernández García e Pablo Martínez Míguez,

 

 

 

 

Museo da gaita nun día de visita teatralizada en 2022. foto Rosa Veiga 416.90 KB
Museo da gaita nun día de visita teatralizada en 2022. foto Rosa Veiga

Museo da Gaita de Fole 183.90 KB
O concelleiro de Turismo, Ramón Selas Iglesias (centro) con Beatriz Fernández García e Pablo Martínez Míguez, encargados de manter aberto semanalmente o museo e as clases de música e baile. Barbadás marzo 2023. foto Rosa Veiga

Ramonturismomuseo1 332.03 KB
Peza histórica custodiada no Museo da Gaita de Fole de Barbadás. foto Rosa Veiga

Musseo da gaita de fole. Barbadás. foto Rosa Veiga 317.16 KB
Museo da gaita de fole. Barbadás. foto Rosa Veiga

CONTENT-CAT.1710835007

Chamada contra vertedoiros ilegais e agradecementos pola participación na compostaxe

13/03/2023

Chamada contra vertedoiros ilegais e agradecementos pola participación na compostaxe

Servizos en Barbadás

A área de Medio Ambiente está neste momento na cabeza e mans do concelleiro, José Rafael Sierra Carril, quen nos falou das iniciativas emprendidas nos últimos anos e tamén da “preocupación” nos últimos meses pola proliferación de vertedoiros ilegais “nos que se están a deixar entullos de reformas e obras, e moitas rodas”, concretou.

  • A outra cara desta área está nas actividades de limpeza e mantemento de espazos verdes, a no compostaxe que vai pola cuarta campaña sucesiva. “Fíxose unha co ministerio de Medio Ambiente, dúas con Sogama e agora cunha empresa externa porque hai moita aceptación; os participantes teñen a colaboración total dos operarios e maquinaria do concello”, engade.

 

  • De feito, está a disposición das persoas que piden composteiros, a “biotrituradora” que se custodia na nave de maquinaria (detrás do Centro de Información da Muller), baixo a cancha de baloncesto coas mellores vistas de todo o concello.
    “Temos entregados uns 350 composteiros,  que son revisados durante un ano polo servizo de Medio Ambiente, e logo pasa a ser propiedade da veciña/veciño que o solicitou e o utiliza. A biotrituradora pode solicitarse partir residuos vexetais e recóllense despois as serraduras para o compostaxe”, detallou.
Leira de acopio do concello para os restos das podas. - Concello de Barbadás
Leira de acopio do concello para os restos das podas. 10/03/23. Foto Rosa Veiga

Alimentación de gatos e limpeza de leiras

  • Na área de Medio Ambiente comezaron tamén, campañas novidosas de alimentación e esterilización dos gatos que viven nas rúas do concello, cunha partida que supera os 20.000 € anuais. E outra de identificación de propietarios de leiras aos que se lles notifica que deben mantelas limpas de matogueira e restrollos, como prevención fronte os danos que pode causar un incendio forestal e as molestias e sucidade que orixinan eses restos vexetais.
    Enviáronse unhas 2.400 cartas nunha primeira quenda, e outros 1.400 propietarios foron notificados e informados nunha segunda, de leiras que se sitúan sobre todo en Santa Ouxea (Santa Uxía), Bentraces e Sobrado do Bispo,  detalla Rafael.

 

  • En relación aos vertedoiros ilegais, José Rafael detalla que os operarios municipais atopáronse cun gran “verquido” de bidóns de pintura amoreados na finca que utiliza o servizo municipal para xuntar os restos das podas das árbores, preto do tanatorio de Barbadás.
    “Nas beiras dos ríos atopamos plásticos, rodas, xoguetes… No centro de Sobrado,  alguén decidiu depositar rodas, tamén deixan pezas de coches, chapas, cascallos, portas”, e dixo querer facer un chamamento para ter “maior civismo e consideración” e que cadaquén xestione os entullos e cascallos dun xeito máis razoable. “As empresas que os xeran, as de obras por exemplo, cobran por facerse cargo deles e xestionalos, e os particulares pídolles tamén un pouco de atención”, recomenda.
Escombreira de bidóns de pintura que alguén verteu na leira de acopio do concello. Non é o lugar para estos residuos. 10/03/23. Foto Rosa Veiga
Escombreira de bidóns de pintura que alguén verteu na leira de acopio do concello. Non é o lugar para estos residuos. 10/03/23. Foto Rosa Veiga

Coidado e mantemento de 40  espazos verdes

  • O traballo habitual da brigada de medio ambiente é, ademais, o de coidar, limpar e manter en boas condicións unha corentena de parques, xardíns, zonas verdes das 6 parroquias do concello.
    • Moitas delas nas beiras dos río Barbadás e dos regatos Porto Barreiro, Barreiro e Santa Olaia.
    • Na Valenzá o parque da Liberdade (saíndo cara Barbadás, a esquerda antes do viaduto da A-52), o de Vilaescusa, o parque do Tren, A Solaina, A Leiteira, o da rúa do Viso, , Salgueiriños, Searas, parque dos Amieiros e piscinas municipais, parque dos Diestros, no espazo no que está a Casa da Mocidade , o parque das Lamas, os dous da Finca Fierro e o do Lameiro
    • En San Lourenzo de Piñor o parque de Parada, o Campo de Roma, o parque do Tanatorio, a Aira Valenzás (en Requeixo), O Común, o parque da fonte de Santa Ouxea (Santa Uxía), o espazo arredor da capela de San Benito de Cova de Lobo.
    • En Barbadás, o parque de Lameiro do Morto, o parque de San Mauro, o espazo no que está o Centro de Información á Muller (CIM), o pequeno parque das Antoniñas, o de Pontón e o do Souto Vello (a curva na que se homenaxea ás rianxeiras cun gran graffiti).
    • En Sobrado do Bispo, o parque do Fidalguiño, o Outeiriño, o campo do Carril (no barrio de Alén), a praza Acha do Souto, o da rúa Cadaval e o da Beringuela (preto do depósito de auga).
    • En Bentraces, o parque entre o bar e a rúa Besadas (por debaixo da estrada cara Celanova), o parque do Barreiro (no camiño cara o campo de fútbol), o parque da rúa Hermida e o do Pouleiro. Nesta localidade, a brigada tamén se ocupa da contorna de igrexa parroquial.
    • En Loiro, os veciños gozan do parque do Tanatorio e Museo Etnográfico (ao pé do río), a alameda situada na entrada (estrada de Celanova) e a Aira dos Canastros.

 

  • Botade conta. De todo iso ocúpase a brigada municipal que hai un ano que ten como responsable a Rodrigo Piñeiro Domínguez, profesional do eido dende 2009. El mesmo explícanos que de todos eles, o “máis complicado” no momento de traballar é o situado ao carón das oficinas municipais da Valenzá, onde tamén está a Casa da Mocidade. “Ten moita pendente e pode ser perigoso, se non tés habilidade coa maquinaria”, concreta.
O nova cortacéspede multiplica a rapidez e seguridade nas zonas verdes en ladeira como a do parque dos Amieiros (montaxe fotográfica para visualizar esa mellora). 08/03/23. foto Rosa Veiga
O nova corta-céspede multiplica a rapidez e seguridade nas zonas verdes en ladeira como a do parque dos Amieiros (montaxe fotográfica para visualizar esa mellora). 08/03/23. foto Rosa Veiga
  • Neses parques e espazos que atende a  brigada, os traballos son constantes “e non damos feito”, indica o responsable.
    Unha vez o ano hai que podar as árbores;  as plantas e flores de estación repóñense dúas veces cada ano. “Hai que sumar os imprevistos como as beirarrúas que están vellas e teñen vexetación entre as lastras, a limpeza de camiños despois dunhas semanas de choiva e calor…” engade.

 

  • Parte do equipo que se ocupa deste mantemento continuo está na foto de cabeceira diante da nave de material e persoal en Barbadás: o concelleiro de Medio Ambiente, Parques e Xardíns,  José Rafael Sierra Carril (esq.) co encargado do mantemento de parques e xardíns Rodrigo Piñeiro Domínguez (der.) e co operario do tractor José Ramón (centro) , que traballa para Medio Ambiente e para Obras e Infraestruturas

 

MedioAmbienteRafael1 206.35 KB
O concelleiro de Medio Ambiente, Parques e Xardíns, José Rafael Sierra Tarrío (esq.) co encargado do mantemento de parques e xardíns Rodrigo Piñeiro Domínguez e co operario do tractor José Ramón, que traballa para Medio Ambiente e para Obras e Infraestructuras, diante da nave de material en Barbadás. 05/03/23. Foto Rosa Veiga

Leira de acopio do concello para os restos das podas. 10/03/23. Foto Rosa Veiga 467.48 KB
Leira de acopio do concello para os restos das podas. 10/03/23. Foto Rosa Veiga

medioambienteRafael2 474.54 KB
O nova cortacéspede multiplica a rapidez e seguridade nas zonas verdes en ladeira como a do parque dos Amieiros (montaxe fotográfica para visualizar esa mellora). 08/03/23. foto Rosa Veiga

medioambienteRafael 3 642.94 KB
Escombreira de bidóns de pintura que alguén verteu na leira de acopio do concello. Non é o lugar para estos residuos. 10/03/23. Foto Rosa Veiga

CONTENT-CAT.1710835007

Catorce traballadoras e a tartaruga Catalina educan e atenden a un cento de nenos na escola infantil municipal

08/03/2023

Catorce traballadoras e a tartaruga Catalina educan e atenden a un cento de nenos na escola infantil municipal

Estes meses de marzo e abril son os establecidos para a matrícula de nenas e nenos de 3 meses a 3 anos na escola infantil municipal, que conta con pouco máis de cen prazas para pre-escolares que serán coidados, atendidos e educados por un equipo de 14 traballadoras e a tartaruga Catalina, mascota do centro.

ESCOLA INFANTIL MUNCIPAL DE BARBADÁS. O SAPOCONCHO "CATALINA"
ESCOLA INFANTIL MUNCIPAL DE BARBADÁS. O SAPOCONCHO “CATALINA” 28/02/23. Foto Rosa Veiga
  • A escola municipal abriu no  2003 de forma privada. O concello ofrécea como servizo público dende 2012 na rúa do Ensino, a mesma na que están a Policía Local e un dos colexios abertos no concello.

 

  • As familias que xa teñen ás nenas e nenos na escola infantil, teñen este mes de marzo para renovar a praza, mentres que o mes de abril será para as primeiras matrículas.

EScola infantil Concello de Barbadás

  • A concelleira de Educación Margarita Pérez Férnández (que tamén é responsable das áreas de Cultura e Comercio) e a directora do centro, Laura Díaz Atanes, explicáronnos as características e horario deste servizo municipal que, dende o actual curso 2022-2023, é de balde para tódalas familias.
    “En todas as escolas infantís, tanto públicas como privadas o servizo é de balde, salvo o comedor, que para cada familia é un custo, sempre baixo, que paga por un baremo que ten que ver ca renda familiar”, detalla Marga.

 

  • A atención esténdese dende as 7,30 até as 20,30, aínda que cada pequeno/a pode estar un máximo de 8 horas. “Mesmo hai nenos que comen na escola, son recollidos polos seus pais para esa sesta de despois do xantar, e tráenos de novo para rematar a tarde, porque é un xeito de tentar conciliar os horarios laborais dos adultos coa atención aos fillos na casa”, explica Laura.

 

  • No cotiá, nas aulas da escola traballan 7 educadoras, con outras 3 de apoio e 2 máis que o fan pola tarde (cando hai menos nenos nas instalación). Un total de 14 persoas traballan para educar, atender, alimentar e manter a limpeza do centro, e todas collen vacacións no mes de agosto, único no que pecha as súas portas.

 

  • Dende 2012, o sapoconcho Catalina é un habitante máis das aulas. Varias xeracións de nenas e nenos xogaron con ela, e déronlle petiscos de comida para vela moverse e nadar na súa pequena piscina.

Cen pequen@s cada ano

  • Cada ano cóbrense todas as prazas que oferta, que este ano foron un cento. As actividades que desenvolven van dende as de benvida, xogos, bailes, traballos con fichas, e moitas ao ar libre, no patio.

 

  • Antes do verán rematarase o proxecto de sombrear o patio con tecidos en forma de vela de barco. “Neste momento hai toldos para resgardar do sol pero se o verán é moi quente, unhas teas que fagan máis sombra serán ideais para pasar mellor ese tempo no exterior, xunto coa ampliación da zona verde que permitirá que as nenas e nenos gozar máis”, relata Marga.
ESCOLA INFANTIL MUNCIPAL DE BARBADÁS. PATIO 28/02/23. Foto Rosa Veiga
ESCOLA INFANTIL MUNCIPAL DE BARBADÁS. PATIO 28/02/23. Foto Rosa Veiga
  • O patio conta cun gran espazo limitado por vexetación en parede vertical, ocupado por algúns xogos de parque infantil e unha laranxeira, moi acaído para actividades coas familias.
    “Esperamos recuperar esas dinámicas pois a implicación dos pais é fundamental e así o facíamos antes da pandemia, cando as familias preparaban xuntas os disfraces para o Entroido, igual que nos encontros doutras datas especiais como Nadal e magosto, nas que había visitas, como a de Mickey Mouse, e encontros con nenas e os nenos”, lembra Marga.

 

  • Agora, segundo Laura, a intención é ir recuperando esas actividades familiares, e sacarlle máis partido ás instalacións, moi amplas e vistosas.
    Volveron tamén as saídas e visitas fóra da escola, como as que levan aos nenos de 3 anos até os colexios de Barbadás, nos que se escolarizarán no vindeiro curso, ou cara a biblioteca, ou ao parque dos Patos”, explica.

Atención moi personalizada

  • O equipo inclúe o traballo dunha nutricionista, que traballa estreitamente coa cociñeira Elena, para elaborar e preparar menús completos, sans e equilibrados. Entre os pratos do día, soe haber alimentos con formas moldeadas por Elena para que o alimento sexa máis atractivo para os pequenos.
    E se algunha nai escolle a opción de que os biberóns do seu pequeno sexan o máis semellantes posible á aleitalo, “pode sacarse o seu leite e traelo para que llo poñamos nos biberóns de cada día”, resalta Laura.

 

  • Tamén se ocupan de que os bebés fagan unha transición progresiva e cómodo dende a comida semilíquida ou papas, cara a comida sólida, ademáis de adestralos no abandono progresivo dos cueiros, na tarefa de vestirse sós ou na de comer de xeito autónomo.

 

  • Antes do actual curso, cando as escolas infantís supuñan un custo para as familias, o concello subvencionaba a  estancia nunha privada, para as nenas e nenos que quedaban en lista de espera na escola municipal.
ESCOLA INFANTIL MUNCIPAL DE BARBADÁS.  AULA DE OLALLA 28/02/23. Foto Rosa Veiga

Novas nas futuras actividades

  • Marga, conta as ideas que barallan para o futuro ou os proxectos extra-escolares que foron adiados para poder cumprimentar as medidas sanitarias pola pandemia. Fala con entusiasmo de obradoiros de masaxes relaxantes para os bebés, contando coas nais e pais, a compra de novo material, e o arranxo do patio, entre outros.

 

  • Tódalas melloras son posibles, segundo Marga, porque o equipo deste servizo público traballa dando un trato a nenas e nenos “excepcional e vocacional”.

 

  • Da época de restricións sanitarias queda o uso dos patucos de plástico para as visitas e a limpeza continua das mans.
ESCOLA INFANTIL MUNCIPAL DE BARBADÁS. PATIO 28/02/23. Foto Rosa Veiga
ESCOLA INFANTIL MUNCIPAL DE BARBADÁS. 28/02/23. Foto Rosa Veiga
  • Nas imaxes, varias aulas da escola infantil municipal, tamén de Catalina, o comedor, o patio e a cociña con Laura.

 

  • Na imaxe de cabeceira está unha escolma  das traballadoras. De esquerda a dereita Pilar, Sonia, a concelleira Marga, a directora Laura e a cociñeira Elena.

 

escola infantil Marga 1 223.06 KB
ESCOLA INFANTIL MUNCIPAL DE BARBADÁS. De esquerda a dereita Pilar, Sonia, a concelleira de Educación e Cultura Marga Pérez Fernández, a directora Laura Díaz Atanes e a cociñeira Elena 28/02/23. Foto Rosa Veiga

ESCOLA INFANTIL MUNCIPAL DE BARBADÁS. PATIO 28/02/23. Foto Rosa Veiga 575.02 KB
ESCOLA INFANTIL MUNCIPAL DE BARBADÁS. PATIO 28/02/23. Foto Rosa Veiga

escola infantil Marga3 304.40 KB
ESCOLA INFANTIL MUNCIPAL DE BARBADÁS. O SAPOCONCHO "CATALINA" 28/02/23. Foto Rosa Veiga

escola infantil Concello de Barbadás 504.64 KB

ESCOLA INFANTIL MUNCIPAL DE BARBADÁS. 28/02/23. Foto Rosa Veiga 347.89 KB
ESCOLA INFANTIL MUNCIPAL DE BARBADÁS. 28/02/23. Foto Rosa Veiga

escola infantil Marga 7 341.14 KB
ESCOLA INFANTIL MUNCIPAL DE BARBADÁS. O AULA DE OLALLA 28/02/23. Foto Rosa Veiga

CONTENT-CAT.1710835007

Yolanda Díaz protagoniza o 8-M en Barbadás cunha conferencia sobre traballo e igualdade

03/03/2023

Yolanda Díaz protagoniza o 8-M en Barbadás cunha conferencia sobre traballo e igualdade

Xosé Carlos Valcárcel: “defender os dereitos das mulleres e fortalecer as súas capacidades, é a mellor maneira de loitar contra todo o que repudiamos: a violencia, a desigualdade, a pobreza”

Esta mañá o alcalde de Barbadás, Xosé Carlos Valcárcel e a  concelleira de Igualdade, Elisabet González Nistal, presentaron os actos e actividades que este mes de marzo ten programados o Concello con motivo do día Internacional da muller- 8M, que terá como acto central una conferencia da Vicepresidenta segunda do Goberno, Yolanda Díaz. Terá lugar o  próximo luns, día 6 de marzo, na Casa da Cultura Manuel María, na Valenzá,  e terá por título “Un tempo para traballar e un tempo para vivir: a última fronteira para a igualdade real”.

Ademais, Valcárcel detallou na rolda de prensa as diferentes actividades que se celebraran ao longo do mes de marzo e que comezan hoxe mesmo, ás 20:00 horas na Casa da Cultura, onde poderase ver  a comedia teatral “O Furancho” .

O acto conmemorativo do 8M terá lugar o mesmo día 8 ás 12:00h nas inmediacións da rotonda da familia na Valenzá. Participarán a Escola de Música Municipal de Barbadás (EMMB)  e o alumnado de 6º de Primaria dos colexios Filomena Dato e O Ruxidoiro.

Ademáís celebraranse obradoiros nos centros educativos . Para alumnado de 6º Primaria: “Deconstrución dos mitos do amor romántico” no CEIP Filomena Dato o día 10, e no CEIP O Ruxidoiro o día 31.

E para o alumnado de 4º da ESO: “Ferramentas para detectar as violencias machistas” no IES Ferro Couselo o día 16 e no Luis Vives o día 15.

Referentes

Barbadás amosa unha vez máis o seu compromiso no mes da muller, e así tamén presentou hoxe a actividade “REFERENTES”,  organizada en colaboración cos catro centros educativos e que consistirá nunha serie de charlas para alumnado a cargo de mulleres relevantes en ámbitos de traballo masculinizados, co fin de dar visibilidade á presencia das mulleres en todos os sectores como factor de motivación para as novas xeracións. Un dos obxectivos é fomentar que os seus soños e ambicións non se vexan limitados polo feito de seren homes ou mulleres.

No CEIP Filomena Dato e CEIP O Ruxidoiro, o día 16 – con Vanesa Domínguez Sousa (Coordinadora do Plan Director da Garda Civil)

E no IES Ferro Couselo e Colexio Luis Vives, o día 9  – con Zulema González González,  árbitra internacional e de 1ª división;  Alba Rodríguez Vázquez, entrenadora do C.D. Arenteiro e seleccionadora ourensá sub 14 feminino; e Beariz Seijas Couce., entrenadora fútbol sala do Ourense Envialia B e ex- xogadora internacional de 1ª división de fútbol sala.

Lema do 8M en Barbadás: “= é + “

Na rolda de prensa de hoxe, a concelleira de Igualdade avanzou o lema de Barbadás deste ano para conmemorar o 8M, “=é +” – igual é maís . “Consideramos que a igualdade é máis respecto, máis diversidade, máis xustiza, máis visibilidade e máis bo trato, corresponsabilidade, benestar…”, asegurou a concelleira.

Elisabet González Nistal explicou que a campaña consistirá na distribución de material divulgativo e na difusión dunha peza audiovisual nas redes sociais onde se amosan diferentes mulleres no concello no seu día a día.

CIM 317.48 KB

Valcárcel 273.73 KB

CONTENT-CAT.1710835008

Un proxecto de 400 mil euros descubrirá o “tesouro agochado” da Fervenza do Pisco e o Camiño dos Muíños

02/03/2023

Un proxecto de 400 mil euros descubrirá o “tesouro agochado” da Fervenza do Pisco e o Camiño dos Muíños

Xosé Carlos Valcárcel: “A intervención foi unha proposta da veciñanza que asumimos como un reto e agora plasmamos neste proxecto”

O alcalde de Barbadás, Xosé Carlos Valcárcel, e a tenente alcalde, Victoria Morenza, arroupados polo resto de membros do grupo de goberno presentaron esta mañá un proxecto chamado a converterse nun emblemas desta localidade: a humanización do Camiño dos Muíños e do contorno da Fervenza do Pisco, un lugar icónico de Barbadás. “Un tesouro agochado”, como dixo o propio alcalde, que lembrou que se trata dun lugar tradicionalmente moi utilizado pola veciñanza de toda a vida de Barbadás, tamén como zona de baño, e que pouco a pouco foi esmorecendo por falta de coidado e preocupación.

A actuación realizarse sobre unha área de case 5 millóns de metros cadrados e terá unha lonxitude de case quilómetro e medio, para o que se  prevé unha inversión de máis de 400.000 euros.

Antes da presentación, o alcalde de Barbadás e a tenente alcalde, Victoria Morenza, principais impulsores da intervención, mantiveron unha reunión co presidente da Confederación Hidrográfica (onte mesmo) para pechar un acordo de financiamento que garante a execución da obra e que será formalizado en breve.

A actuación planeada e presentada polo equipo redactor da mesma, humaniza o espazo público situado no camiño que conduce á aldea de Muíño  e o contorno da área do Pisco.  A proposta é  tan sutil que non resta nin un ápice de protagonismo ao espazo natural, dunha gran beleza, máis ben ao contrario, o resalta e pon en valor, segundo explicou o alcalde.

Tanto Xosé Carlos Valcárcel como Victoria Morenza destacaron que a recuperación desta zona foi unha proposta da propia veciñanza coñecedora do espazo, asumida como un reto durante estes anos por parte do goberno local e agora plasmada neste proxecto.

A intervención intégrase perfectamente na contorna, mediante unha serie de actuacións de pavimentación, soterramento de instalacións aéreas, ocultación de contedores de lixo, substitución de mobiliario e deseño dunha iluminación acorde coa contorna patrimonial.

A estratexia da intervención é a camuflaxe da mesma, para o que se empregan materiais que xa están integrados na zona, como sábrego, pedra, madeira de piñeiro galego termotratada, formigón desactivado, vexetación ou a auga. De feito, xógase coa auga como si fose un material máis recuperando mediante canles e cuncos de aceiro corten os rebosadoiros, reconducindo as augas sobrantes e as pluviais. Co son da auga caendo, tamén se introduce a dimensión do movemento, tal e como explicaron os técnicos que presentaron hoxe o proxecto xunto ao gobernó local.

As  accesibilidades e a eficiencia enerxética serán outras das premisas básicas.

No proxecto tamén se contemplan traballos de limpeza con cepillo de cerdas naturais, sen hidrolimpiadora, dos muros perimetrais do camiño que chega a Muíños.

CONTENT-CAT.1710835008

Cen mulleres atoparon atención no CIM de Barbadás no último ano, 70 por violencia de xénero

26/02/2023

Cen mulleres atoparon atención no CIM de Barbadás no último ano, 70 por violencia de xénero

Servizos en Barbadás

O Centro de Información á Muller de Barbadás atendeu dende abril de 2022 a marzo de 2023 un cento de mulleres ás que deu asesoramento xurídico, atención psicolóxica e acompañamento en cada situación concreta, que para 70 delas foi de violencia de xénero.

  • A concelleira de Igualdade, Elisabet González Nistal, tamén o é de Servizos Sociais, Sanidade e de Participación Veciñal, e lembra cando tomou posesión como responsable das áreas, con “moita ilusión” porque aínda que xa existían e quedou moito traballo iniciado, plantexouse “abordar novos programas, sobre todo despois da acollida marabillosa dos diferentes equipos de traballadores”.

 

  • No eido da Igualdade Elisabet ten como “máxima prioridade” seguir traballando por ela e na prevención da violencia de xénero. Nese eido, creouse en 2021 a mesa de coordinación interinstitucional fronte a violencia de xénero que se reúne 2 veces o ano (a seguinte será en abril) e deuse pulo a participación veciñal no mesmo eido.

 

  • Así, os locais veciñais acollen todo tipo de actividades e entre elas hai talleres de risoterapia, ximnasia, de memoria, de manexo de teléfonos móbiles “intelixentes” (os smartphones), elaboración de conservas e xabóns…

 

  • Agora, o equipo de Igualdade (que podedes ver na primeira foto) ultima o programa para dar visibilidade a loita contra a violencia de xénero, centrada no día 8 de marzo pero estendida, cada ano máis, ao resto do mes.Instalacións do CIM de Barbadás, Barbadás 18/02/23 foto Rosa Veiga

 

“Igual é máis, = é + ” será o lema

  • O programa de actividades polo 8M terá presentación oficial nuns días e incluirá teatro, obradoiros escolares, una conferencia da so nos din que será “moi moi interesante e sorprendente”, e unha actividade que porá en valor a mulleres relevantes nos seus eidos profesionais e laborais. Serán “a mostra de que cumplir os soños, para as novas xeracións, non está limitado nin para nenos nin para nenas”, detalla.

 

  • Haberá tamén un acto central o mesmo día 8 de marzo, na contorna da rotonda da Familia.

 

  • Esta e outras iniciativas parten do CIM, creado en 2019 despois da proposta do Servizo de Igualdade do momento, no que se contaba cunha Ordenanza municipal de Igualdade que contou cos grupos de mulleres, co entorno LGTBI e en colaboración cos centros educativos que hai no concello.

 

  • A apertura do CIM supuxo a contratación de persoal e alí están, dende 2019, a súa directora e Técnica municipal de Igualdade, María González Armada, a psicóloga Mónica González Freire e o asesor xurídico José Manuel Fernández Soto.

Centro de Información á Muller do Concello de Barbadás

Sensibilizar, programar e desenvolver

  • A técnica e directora María,  traballa no eido da Igualdade dende 2003, en diferentes institucións  e recalou en Barbadás en 2016, ao  crearse o Servizo de Igualdade.
    “O traballo foi intenso porque non había nada deste eido, así que comezamos a idea de sensibilizar socialmente e a programas e desenvolver actividades para visibilizar as situación de violencia de xénero e para previlas”, explica.

 

  • Froito dese traballo, dende o Servizo de Igualdade, fixéronse as xestións oportunas para o impulso e creación do Centro de Información á Muller, que iniciou a súa traxectoria no 2019.

 

  • No primeiro ano atendeuse a 30-40 mulleres “pero ano tras ano veñen moitas máis, non só de Barbadás senón que poden vir dende calquera lugar de Galicia”, engade.

 

  • Os eidos da atención que da o equipo do CIM inclúe asesoramento xurídico e laboral para persoas estranxeiras, para mulleres  que tramitan o seu divorcio, para acordar custodias, convenios reguladores, atención psicolóxica para calquera muller, tamén para a que está en mal momento anímico “e precisa acompañamento e adestramento sobre recursos emocionais para mellorar”.

 

  • No último ano foron 100 as que buscaron e atoparon atención no CIM de Barbadás, das que 70 o fixeron por estar en situación de violencia de xénero.

 

  • Pois  quedamos pendentes desa programación para este 8M.

 

  • Sabedes onde está o CIM de Barbadás? Na rúa dos Fornos nº 4, a carón da capela de San Mauro, no mesmo edificio que a asociación veciñal “A nosa aldea de Barbadás”, onde estaba o vello centro médico.
    Alí espérate un gran equipo se o precisas.
CIM Barbadás, na rúa dos Fornos. 24/02/23 foto Rosa Veiga
CIM Barbadás, na rúa dos Fornos. 24/02/23 foto Rosa Veiga

cimBarbadas0 332.51 KB
CIM de Barbadás: de esqu. a der. o asesor xurídico José Manuel Fernández Soto, a psicóloga Mónica González Freire, a directora do cim e técnica en Igualdade María González Armada e a concelleira de Igualdade Elisabet González Nistal

CIM Barbadás, na rúa dos Fornos. 24/02/23 foto Rosa Veiga 441.74 KB
CIM Barbadás, na rúa dos Fornos. 24/02/23 foto Rosa Veiga

Instalacións do CIM de Barbadás, Barbadás 18/02/23 foto Rosa Veiga 416.11 KB
Instalacións do CIM de Barbadás, Barbadás 18/02/23 foto Rosa Veiga

cim Barbadas 441.51 KB

CONTENT-CAT.1710835008

Martes de Entroido en Barbadás

21/02/2023

Martes de Entroido en Barbadás

O folión iniciará o seu percorrido ás 17:00 h.

MÁIS DE UN MILLEIRO DE PERSOAS PARTICIPARÁN HOXE EN BARBADÁS NO FOLIÓN DE ENTROIDO

O aparcamento do centro comercial Carrefour permanecerá aberto ao público para facilitar a accesibilidade

A balconada da rúa do Viso, a carón do Mercadona,  permanecerá habilitada para o estacionamento de vehículos para persoas con mobilidade reducida

O tráfico de entrada e saída á Valenzá permanecerá pechado a partir das 16,30 horas.
O folión iniciará o seu percorrido ás 17:00 h.  pola Avenida de Celanova (A Valenzá), saíndo dende as inmediacións da piscina municipal.

 

  • O Folión de Entroido de Barbadás contará coa participación de máis de un milleiro de persoas.

 

  • Na categoría de individual, parellas e tríos particparán as seguintes postas en escena: Jodini e o sombreiro máxico, Eclipse, Maruxa Monroe, Pavoneándose, Cisne de barrio, Monstruos S.A., Estraña parella, Rei Emérito, Universo Veneciano, Petrificadas, Barco de Chanquete.

 

  • No apartatado de comparsas participan: Moulin Rouge estilo libre, Blues and Pink, as profesión do colexio Filomena Dato, Desfile de alta costura a baixo prezo, Déixame tranquila xa!!!, MTV climático, As de Sempre polo aire, As Lamas en festas, A Paiasada, O Reino do Dragón, No Fondo do mar, Soles venecianos, O Polo Norte en Vilarnaz e Marina de Lolailos.

 

  • O Folión de Barbadás contará tamén coas carrozas Dragón de Disney, Enerxía Renovable Concello de Barbadás, Cantares Galegos, o Barco de Chanquete e Festa Nórdica.

 

  • O número de participantes no apartado de competición ascende a 752 persoas, en tanto que o resto forman parte dos grupos charangueiros e membros da organización.

 

  • O Concello de Barbadás lembra á cidadanía que acuda a visionar o Folión de Entroido que o centro comercial Carrefour pon a disposición das persoas que acudan o aparcamento, co fin de facilitar a accesibilidade e a comodidade para acceder ao desfile.

 

  • As persoas con mobilidade reducida contarán con un espazo para estacionar os vehículos nos que viaxan e disporán tamén de unha zona de visionado, todo na zona do Mercadona,-rúa do Viso-,  e a balconada do camiño de acceso á Valenzá vella.

 

  • Ademais dos participantes no Folión, estarán presentes a plantilla completa da policía local de Barbadás e voluntarios/as do Concello (15 persoas). Protección Civil contará coa presenza de 12 membros da agrupación de voluntarios de Barbadás, 5 efectivos de Cortegada, 2 voluntarios de Toén e 2  de Xunqueira de Ambía.

 

  • A entrega de premios efectuarase no escenario situado na rotonda da familia. Tamén se entregarán, ademáis dos premios do Folión os correspondentes ás mellores creatividades do Concurso de Mecos.

Premios

  • Premios do Folión de Entroido: Individual: un único premio de 100 euros. Parellas e tríos: 3 premios de 300, 150 e 100€ respectivamente.

 

  • En comparsas hai 4 premios de 1.000, 750, 550 e 300 respectivamente.

 

  • En carrozas hai 4 premios de 1.000, 750, 550 e 300 euros.

 

  • Os membros do xurado serán representantes de asociacións de veciños e culturais. Serán 5 persoas as encargadas de puntuar: Jesús Garrido, do grupo Velaí Vai de Bentraces; Mercedes grande, da asociación San Mauro de Barbadás; Pablo Martínez, de Nova Fronteira; Sofía Añel, do grupo teatral D-Sastre e Puri Montes, de Teatro Experimental.

 

2023-barbadás - Programa Entroido

 

CONTENT-CAT.1710835008

Aberta a votación en liña para elixir o MECO máis creativo

15/02/2023

Aberta a votación en liña para elixir o MECO máis creativo

Do 15 ao 19 de febreiro de 2023

Dende hoxe, 15 de febreiro, e ata o domingo, 19 de febreiro, estará habilitada a plataforma de votación en liña para elixir o MECO máis creativo do Entroido de Barbadás.

  • Unha vez pechado o prazo de inscricións para participar no Concurso do Mecos, hoxe aperturouse o formulario de votación, para que o público elixa cal será a creatividade  que acade o primeiro posto, con 300 € de premio. Os que ocupen o  segundo e terceiro lugar,  faranse con 200 € e 100 €, respectivamente.

 

 

  • O Concurso de Mecos é unha actividade máis do amplo programa, que o Concello de Barbadás, pon en marcha para celebrar o Entroido, a través da súa Concellería de Cultura. Ver programa.

 

 

 

CONTENT-CAT.1710835008

101 oportunidades de coñecernos mellor

06/02/2023

101 oportunidades de coñecernos mellor

Historias que dan valor a quen dá valor.

Os seres humanos precisamos estar conectados, pertencer á comunidade, amosar,  coñecer, dar e recibir. Relacionarnos, compartir vivencias da xente do noso pasado, presente e futuro, facéndoas perdurables no tempo.

  • Saber ….

de onde vimos, cales son os nosos antecedentes culturais, quen son os nosos veciños,  quen rexe o tecido comercial da nosa área, recoñecer  logros deportivos, culturais,  fitos profesionais, actos solidarios …

 

  • Estes foron os principais propósitos,  das historias que semanalmente compartimos nos distintos medios,   pretendendo  dar valor a quen dá valor.

 

  • Xa van publicados 101 TEXTOS cos que, dende o concello,  quixemos render a nosa especial homenaxe a deportistas, músicos, emprendedores, veciños, asociacións, ancestros… a nosa especial homenaxe ás xentes que tecen fíos de unión na nosa comunidade.
Persoas  que fixeron, persoas que fan, que Barbadás sexa  un lugar para querer, un lugar para vivir.

mapa Barbadás quéreo víveo

CONTENT-CAT.1710835008

Tempo de ENTROIDO en Barbadás

01/02/2023

Tempo de ENTROIDO en Barbadás

Presentación do programa de Entroido do Concello de Barbadás

 En Barbadás, este ano facemos unha aposta forte para ter un Entroido máis atractivo, se  cabe. Queremos que sexa unha oportunidade que  abranga non só á hostalería, senón a toda a actividade comercial e de servizos,  dos que este municipio dispón.
Achegaremos a festa entroideira aos centros de ensino, aos locais sociais, aos pobos, e en xeral a toda poboación .

  • Esta mañá, presentamos oficialmente ante os medios, o noso Entroido, que en palabras da Concelleira de Cultura, Marga Pérez, “É un Entroido para todos, un Entroido moi interesante que seguirá sendo (agardamos) unha cita obrigada da zona metropolitana de Ourense.”
Presentación oficial do programa de Entroido 2023
Marga Pérez, concelleira de cultura, Abel Cortés, concelleiro de mocidade e Victoria Morenza, tenente alcalde, na presentación do programa do Entroido do Concello de Barbadás. Casa da Cultura Manuel María. 01.02.2023

  

  • Hoxe, 1 de febreiro ábrese o prazo de inscrición para o gran desfile do martes de Entroido, no que haberá máis de 6.000€ en premios para todas aquelas carrozas, comparsas, parellas/tríos ou individuais que queiran participar. Toda a información está na nosa páxina web e nas redes sociais do concello.

 

  • “Tamén hoxe, ábrese  o prazo para o concurso de Mecos, un concurso que empezou na época da pandemia e que resultou un éxito; no que a veciñanza, principalmente do rural,  implícase  cada vez máis, poboando de mecos,  as rúas. Dende o concello,  queremos seguir coa tradición para recuperar esta figura tan importante dentro do Entroido”, sinalou Marga.

  • Respecto dos centros educativos, continúa Marga:
    • “Comezarase con obradoiros nos colexios para os nenos para que saiban elaborar esas comadres e eses compadres;  logo  as regueifas tanto o xoves de compadres como o de comadres na zona vella.
    • O venres de Entroido teremos un dos grandes desfiles, agardado por todos e para nós,  un desfile que nos gusta moito. É o de todo o alumnado de Barbadás. Preto de mil nenos e nenas van a saír dos seus colexios desfilando ata unha zona central que é Rotonda da Familia.
      Alí teremos animación con música e faremos a colga dos Mecos. Mecos elaborados por ámbolos dous colexios.”

 

  • Ese mesmo día, venres, 17 de febreiro, darase por inaugurado oficialmente o  Entroido, co pregón de Pepo Suevos,  actor e monologuista.
    Pola noite, celebrarase  a tradicional Cea/baile de Comadres, amenizada por un DJ.

 Barbadás-Entroido cea comadres

  • O sábado, a troula e a festa, serán protagonistas, con varias charangas que porán música  por toda a Avda. De Celanova durante a tarde/noite.
    O domingo de Entroido, as charangas actuarán polas parroquias do concello. 

 

  • O luns, dedicarémolo principalmente aos  nosos nenos e nenas, cunha  festa e de concurso infantil de disfraces.
    Ao  solpor, as actividades irán máis enfocadas á  mocidade.

 

  •  “O martes,  gran desfile de Entroido, ao que queremos dende aquí,  convidar a todas esas persoas que teñen ganas de entroidar, que sabemos que son moitas, xa que nos están continuamente chamando para saber cando abrimos a inscrición, pois dende hoxe está aberta para que poidan participar no desfile  do martes, que partirá  ás 17:00 horas.”

 

  • Continúa Marga Pérez, “Quero agradecer tamén o Centro Comercial Carrefour que nos cede gratuitamente o seu aparcamento para que todas as persoas que acudan, ao noso gran desfile de Entroido,  de fóra do Concello, teñan un espazo  para aparcar moi preto de nós.”

 

  • Como peche do programa, o mércores desfilará a comitiva  fúnebre coas viúvas,  cos bispos,  cos cregos, e todos os que queiran acompañar. Despois, haberá un espectáculo de lume para despedir todos estes días de diversión.

 

  • Este ano a hostalería tamén quere participar e colaborar activamente, coa  primeira ruta de pinchos de Bocados de Cocido. Nos establecementos participantes, con cada consumición, ofrecerán aos clientes, tapas co cocido como protagonista,  por  só 1€  a maiores.

Barbadás ESTABLEC pincho entroido

  • Abel Cortés, Concelleiro de Deportes, quixo tamén, poñer de manifesto nesta mañá, que “este entroido tamén facemos unha aposta de ocio para a mocidade, actividades todas elas gratuítas:
    • O sábado día 18 teremos un Scaperoom,  todo o día, con actividades singulares que realizaremos no Espazo Xoven da Casa da Mocidade de Barbadás.Escape room Entroido Barbadás
    • O luns día 20 un obradoiro de maquillaxe artístico,  para que os mozos e mozas poidan aproveitar a actividade para o entroido, na Casa da Mocidade pola tarde.Obradoiro de maquillaxe - Entroido Barbadás
    • E outra actividade novidosa será a festa para a mocidade coa actuación de Gramola Disco e DJ De Melo,  que levará asociada  unha consumición gratuíta sen alcol. Celebrarase na Rotonda da Familia, lugar onde estará situado o palco para as actuacións. “

Festa xuvenil Entroido Concello de Barbadás - Gramola e DJ De Melo

  • E remata  Abel Cortés dicindo que “estará premiado ir disfrazado neste entroido.

 

  •  Por último, Marga Pérez fai unha invitación a achegarse e gozar do Entroido do  Concello de Barbadás, “Animamos dende aquí a toda a xente que queira vir a acompañarnos neste entroido que é diferente a outros entroidos; que ten a súa importancia;  que ten o seu nome… animamos a todos a acudir a  Barbadás”.

2023-Programa Entroido Barbadas (anv)

 

Ver programa en PDF

  – Formulario de inscrición para participar no Desfile de Entroido de Barbadás, do martes 21 de febreiro. (Habilitado ata o 20 de febreiro ás 12:00)

Formulario para participar no Concurso de Mecos (Habilitado ata no 14 de febreiro)

Formulario de votación en liña do Concurso de Mecos  (Habilitado do 15 ao 19 de febreiro)

CONTENT-CAT.1710835008

A familia de Marina mantén aberta a tenda de Loiro hai máis de cen anos

30/01/2023

A familia de Marina mantén aberta a tenda de Loiro hai máis de cen anos

Emprendemento en Barbadás

 Loiro ten unha tenda que leva no toldo da entrada o nome da propietaria: “tenda da Marina”. Ela está alí mesmo pero, dende hai uns anos son os seus fillos , un xenro e algún neto, os que se fan cargo da única tenda e bar que hai neste momento na localidade.

  • Miguel e Pablo durante a semana, e Evaristo e Teófilo nas fins de semana, ocúpanse da tenda que abriu a súa bisavoa (avoa de Marina) Florentina Macías, no ano 1910.
Teófilo e Evaristo Borrajo Iglesias, fillos de Marina ocúpanse da tenda por quendas co seu irmán Miguel e o seu cuñado Pablo, que están durante a semana. 28/01/2023. Foto Rosa Veiga
Teófilo e Evaristo Borrajo Iglesias, fillos de Marina ocúpanse da tenda por quendas co seu irmán Miguel e o seu cuñado Pablo, que están durante a semana. 28/01/2023. Foto Rosa Veiga

 

  • Marina Iglesias Caeiro naceu alí mesmo, na liña de casas na que sempre estivo a tenda con diferentes propietarias da familia, en dous locais diferentes.

 

  • Contounos que a súa avoa Florentina Macías, cando tiña 15 anos, veu casar a Loiro co seu mozo (irmán do cura da Gudiña) en 1905 “con moitos problemas por ser el de familia de curas, así que a familia dela desherdouna”.

 

  • A avoa Florentina está moi presente para Marina porque criouse con ela e cos seus catro tíos (os outros fillos da avoa). Os seus avós abriron a primeira tenda de Loiro na casa que hoxe fai esquina ca rúa Alvaredo, a que leva cara Loiro de Abaixo.
    Uns anos despois abriu unha segunda tenda en Loiro pero a que se mantén hoxe aberta, é a da familia de Marina. Daquela, Marina e a avoa foron vivir a Ourense para que a moza estudara “para mestra” pero non rematou os estudos e con 15 anos volveu a Loiro, á casa dos seus pais, Teófilo Iglesias e Concepción Caeiro.
Marina Iglesias Caeiro, ca foto da súa avoa Florentina Macía, 1º propietaria da tenda de Loiro. 28/01/2023. foto Rosa Veiga
Marina Iglesias Caeiro, coa foto da súa avoa Florentina Macía, 1º propietaria da tenda de Loiro. 28/01/2023. foto Rosa Veiga

A segunda tenda abriu cos pais

  • Os pais de Marina ampliaran a primeira casa, con outra para vivenda, e unha máis para tenda. Primeiro a tenda foi propiedade de Teófilo, o seu pai, e despois de finar el, seguiu Concepción, a nai de Marina.
    Cando volvín, metinme enseguida no negocio familiar cos meus pais e irmáns, cando era un ultramarinos e algo de bar”. Lembra que facían as comidas para os obreiros da estrada: “moitas patacas con bacallau fixen para eles”, detalla.

 

  • Daquela as comidas ían acompañadas co “viño da casa” que facían o seu pai e o seu avó coas uvas que tiñan en Bentraces: “ ían co carro de vacas para levar os pilóns nos que recollían as uvas e logo ía miña nai a levarlles a comida, a eles e os traballadores que tiñan nas viñas”.

 

  • Hai 13 anos,  e con poucos meses, finaron  a nai de Marina e o seu marido Emilio Borrajo, así que, ela pasou a facerse cargo da tenda que estaba xa na casa que fixeran para vivir (na planta de arriba) e como tenda e bar na planta baixa dende comezos dos 80 do século pasado.

 

  • Marina traballou dende os 15 anos na tenda familiar. “Farteime de traballar e correr, madrugando cada día ás 6 da mañá durante anos para abrir, preparar aos fillos para ir ao cole a Sobrado do Bispo”. O seu marido traballaba e ela contaba coa axuda da súa nai.

 

  • “Hai uns anos dei paso ao meu fillo Miguel e ao meu xenro Pablo. Eu fago actividades diferentes como os obradoiros de memoria ou os que máis me apetecen dos que se organizan por aquí”, relata. Que sexa así por moitos anos e con esa enerxía!

O “pai dos pobres” en Loiro

  • Nesta historia da tenda de Loiro, na memoria de Marina e entre os seus veciños está o nome do pai, Teófilo Iglesias Macías. “Aínda agora volven incluso algúns veciños e veciñas que emigraran hai anos e cóntanme como os axudaba meu pai”.
    Coñecido como o “pai dos pobres” porque dáballe “todo a quen non tiña nada, e cando viñan a tenda para mercar, el dicíalle que xa lle pagaría cando puidese”.

 

  • Nas fotografías que acompañan este artigo está parte da familia de Marina: a avoa Florentina, a súa nai Concepción, os fillos Evaristo e Teófilo que se fan cargo da tenda cada fin de semana. Faltan Miguel e Pablo e alí están, na tenda, de luns a venres.
  • Na foto dos anos 90 vese o interior do actual establecemento, antes de ser reformado. Por iso ten elementos que hoxe xa non están, nin nesa tenda nin en ningunha: o paso do tempo deixou sen uso á cabina (parte vese na esquerda) nin os mostrarios de “casettes” de música.
Tenda de Marina nos primeiros anos 90, antes da reforma. Reprodución de arquivo familiar cedida por @loironamemoria
Tenda de Marina nos primeiros anos 90, antes da reforma. Reprodución de arquivo familiar cedida por @loironamemoria
  • Unha gozada dispoñer destas imaxes dunha realidade diferente… non  hai tanto tempo.

tenda Marina Loiro1 277.60 KB
Marina Iglesias Caeiro, e a esqu. foto familiar ca súa nai Cocepción Caeiro e ela mesma entre o grupo de nenas.. 28/01/2023. fotoRosa Veiga e reproduccion do arquivo familiar cedida por @loironamemoria

tenda Marina Loiro3 461.16 KB
Teófilo e Evaristo Borrajo Iglesias, fillos de Marina ocúpanse da tenda por quendas co seu irmán Miguel e o seu cuñado Pablo, que están durante a semana. 28/01/2023. Foto Rosa Veiga

tenda MArina Loiro2 288.37 KB
Marina Iglesias Caeiro, ca foto da súa avoa Florentina Macía, 1º propietaria da tenda de Loiro. 28/01/2023. foto Rosa Veiga

tenda Marina Loiro4 anos 90 367.51 KB
Tenda de Marina nos primeiros anos 90, antes da reforma. Reprodución de arquivo familiar cedida por @loironamemoria

CONTENT-CAT.1710835008

Había unha vez un lugar chamado Soutullo… e Manuel Rial vivía alí

23/01/2023

Había unha vez un lugar chamado Soutullo… e Manuel Rial vivía alí

Historia de Barbadás

Nunha consulta no catastro está rexistrada como Soutullo unha enorme franxa de terreo que comeza por baixo de San Lourenzo de Piñor e remata no río Miño, todo el de Barbadás.

Concello de Barbadás - Manuel Rial Díaz, único veciño que tivo Soutullo cando ese lugar era do concello de Barbadás, conserva a placa da súa casa, agora na que ten en Soutopenedo. 15/01/23. Foto Rosa Veiga
Manuel Rial Díaz, único veciño que tivo Soutullo cando ese lugar era do concello de Barbadás, conserva a placa da súa casa, agora na que ten en Soutopenedo. 15/01/23. Foto Rosa Veiga
  • No ano 2015 rematouse a construción da nova depuradora na parte máis baixa dese monte, catalogada como “Soutullo labradío”, e o terreo ocupado xa era do concello de Ourense (xa recollido así na cartografía no Instituto Xeográfico Nacional tras formalizarse o intercambio de terreos entre os dous concellos raianos).

 

  • Os propietarios das terras de Soutullo partillábanse no século XX entre familias de Reza (Ourense), Santa Uxía e Piñor (Barbadás) e de algún outro lugar, pero ningunha delas viviu nunca alí.

 

  • Ningunha… agás  a de Manuel Rial Díaz, que construíu casa e despois tamén restaurante de éxito nunha parte do terreo que hoxe ocupa a depuradora, a poucos metros da fonte “da picha de neveira”, segundo nos contou.
 Casa de Manuel Rial en Soutullo en anos 2000, daquela Barbadás. Hoxe substituida por nova depuradora do concello de Ourense. 16/01/23 Foto Rosa Veiga
Manuel Rial Díaz, único veciño que tivo Soutullo cando ese lugar era do concello de Barbadás, na fonte da “picha da naveira”, perto da súa casa, que arranxou cando vivía alí. 15/01/23. Foto Rosa Veiga

Sen vivendas pero con moita vida

  • “Até que se cambiou o marco entre os concellos pola depuradora, o regato que chega até o Miño polo fondo de Soutullo era o que separaba Ourense de Barbadás, e na miña familia, os propietarios de leiras no labradío eran a miña tía Paca e os tíos Ernesto, Jacinto, Paulino e meu pai Antonio”, relata Manuel.

 

  • As familias que tiñan propiedades alí, aproveitaban todo o que daba o monte. Manuel lembra o que lle contaron deses traballos, cando era aínda un neno de colo.
    Meu pai era carreteiro con bois así que pasaba moitos días alí; nun dos días o carro envorcou pola pendente, cando baixaban cara o regato, e o meu pai berroulle a Secundino, que ía con el, para que lle botara a forquita e evitara que dera a volta, pero Secundino levábame a min en brazos e o carro chegou ao fondo despois de ciscar toda a carga”, detalla.

 

  • Tamén lembra os inicios da “machacadora de croios” (onde hoxe está unha empresa de formigón,, noutra leira de Soutullo: “a metade de Ourense construíuse co material que saíu da machacadora”, lembra.

 

  • No “Soutullo monte” (ladeira encostada dende Piñor até o labradío) tiñan leiras a tía Paca e Pegerto. Na zona de labradío, Manuel mercou dúas para “ir facendo”.
    “Eu estaba fóra de España e no 1970 merquei e fun facendo traballos como levantar o nivel da finca, para que non quedase asolagada cada vez que subía o río Miño e terminei por facer unha casiña de fin de semana, cando xa tiña vivenda no barrio de Vistafermosa de Ourense”, lembra.

Manuel Rial Díaz, único veciño que tivo Soutullo cando ese lugar era do concello de Barbadás, nos anos 2000. 15/01/23. Foto Rosa Veiga

Casa de Manuel Rial en Soutullo en anos 2000, daquela Barbadás. Hoxe sustituida por nova depuradora do concello de Ourense. 16/01/23 Foto Rosa Veiga
Casa de Manuel Rial en Soutullo en anos 2000, daquela Barbadás. Hoxe substituida por nova depuradora do concello de Ourense. 16/01/23 Foto Rosa Veiga

Primeiro casa-xardín, despois restaurante

  • Aquela “casiña” de fin de semana ardeu e dous anos despois Manuel, por circunstancias familiares, decidiu construir unha casa  e marchou a vivir nela a finais da década dos 80.

 

  • El, traballara na empresa de cosmética e salón de peiteado,  Henry-Colomer,  e no ano 2005 probou a instalarse no sector pola súa conta. “Tiña eventos, cursos e presentacións de novos productos en hoteis da cidade de Ourense así que pensei que sería boa idea facer a carón da casa, un local tipo bar-merendeiro para xuntar alí a tódalas persoas que facían os cursos”, engade Manuel.

 

  • Aquel pequeno bar tiña a peculiaridade de que estaba rodeado dun xardín con parras e plantas variadas, pequenos camiños e detalles “que gustaban moito” e tivo tanto tirón que dende que abriu “e durante 7 anos enchíase de xente para comer, merendar, pasar un rato, e ao terceiro ano xa desbotamos a idea de organizar alí nada relacionado co salón de peiteado porque non era posible”.

 

  • Chegou a ter 9 persoas traballando no restaurante que tiña comensais continuamente porque o acceso era fácil, había aparcamento, e comezaban a utilizarse os camiños que percorren as días beiras do río Miño “para as que nos tamén cedemos parte da leira, porque era moi interesante que puidese chegar clientela por alí”, detalla Manel.

 

  • O restaurante Rial pechaba cada mes de xaneiro por descanso, e á volta comezaba o traballo de posta a punto para abrir de novo cada Semana Santa.
Restaurante Rial, Manuel Rial en Soutullo (Barbadás) en anos 2000 Hoxe sustituida por nova depuradora do concello de Ourense. 16/01/23 Fotos arquivo da familia

Soutullo quedou sen vivenda nin veciño

  • Manuel relata a “gran desilusión” que supuso para a familia a chegada no 2013 “dos homes de garabata” que avisaron da expropiación para a depuradora nova. El non quería vender porque xa pensara naquel  local como o futuro para os seus fillos así que foi ao xulgado. Cobrou pero quedou “sen nada alí”.

 

  • Nin el nin a súa familia teñen xa propiedades pero Soutullo segue alí.

 

  • Agora Manuel vive en Soutopenedo (concello de San Cibrao das Viñas) e conserva a placa co enderezo do seu restaurante e o nome do lugar, Soutullo.

 

  • Nas fotografías pódense ver espazos do restaurante e da casa que construiu “con tódolos permisos do concello de Barbadás, a pesares de que se dixo que estaba pendente de derribo, e non era certo”, matiza. Nela utilizou trabes feitas coa madeira dos castiñeiros de Soutullo, os do “monte do martelo”, ben preto da que foi a súa leira.
    Tamén se ve o lugar onde estaban a casa e o restaurante, onde hoxe está a parte central da instalación depuradora.
 Manuel Rial en Soutullo en anos 2000, daquela Barbadás. Hoxe substituida por nova depuradora do concello de Ourense. 16/01/23 Foto Rosa Veiga
Manuel Rial Díaz, único veciño que tivo Soutullo cando ese lugar era do concello de Barbadás, nos anos 2000. 15/01/23. Foto Rosa Veiga

SoutulloManuel1 359.61 KB
Manuel Rial Díaz, único veciño que tivo Soutullo cando ese lugar era do concello de Barbadás, nos anos 2000. 15/01/23. Foto Rosa Veiga

Manuel Rial Díaz, único veciño que tivo Soutullo cando ese lugar era do concello de Barbadás, nos anos 2000. 15/01/23. Foto Rosa Veiga 1.16 MB

SoutulloManuel5 474.11 KB
Manuel Rial Díaz, único veciño que tivo Soutullo cando ese lugar era do concello de Barbadás, conserva a placa da súa casa, agora na que ten en Soutopenedo. 15/01/23. Foto Rosa Veiga

SoutulloManuel2 701.09 KB
Manuel Rial Díaz, único veciño que tivo Soutullo cando ese lugar era do concello de Barbadás, na fonte da "picha da naveira", perto da súa casa, que arranxou cando vivía alí. 15/01/23. Foto Rosa Veiga

SoutulloManuel4 590.96 KB
Restaurante Rial, Manuel Rial en Soutullo (Barbadás) en anos 2000 Hoxe sustituida por nova depuradora do concello de Ourense. 16/01/23 Fotos arquivo da familia

SoutulloManuel3 549.76 KB
Casa de Manuel Rial en Soutullo en anos 2000, daquela Barbadás. Hoxe sustituida por nova depuradora do concello de Ourense. 16/01/23 Foto Rosa Veiga

SoutulloManuel6 444.44 KB
Manuel Rial Díaz, único veciño que tivo Soutullo cando ese lugar era do concello de Barbadás, nos anos 2000. 15/01/23. Foto Rosa Veiga

CONTENT-CAT.1710835008

Alejandro e Daniela innovan na Valenzá: deseñan, imprimen e colocan vinilos para tunealo… todo

16/01/2023

Alejandro e Daniela innovan na Valenzá: deseñan, imprimen e colocan vinilos para tunealo… todo

Emprendemento en Barbadás

Alejandro pasou anos en traballos verticais e Daniela nun supermercado até que en xaneiro de 2021 un dos dous plantexouse un “cambio total”.

A súa afección común é a dos coches, e comezaron a idear xeitos de melloralos con vinilos persoalizados, a base de rotulacións deseñadas ó gusto de automobilistas.

  • Os dous medraron en familias con moita afección polos coches. Alejandro criouse en Pazos (San Cibrán das Viña) e con parte da familia de Soutullo (Barbadás) e Daniela é da Valenzá.
    Teníamos en mente el tuneado con diseños personalizados y era nuesto  hobby común; yo trabajé en Valencia y allí está extentido: en Galicia vimos que ya había empresas de vinilos rotulados que tunean furgones pero nadie se paraba a personalizar para automovilistas particulares”, explica Alejandro.

 

  • E decidíronse… hai dúas semanas abriron local cara o público en dous baixos na rúa principal da Valenzá. Un deles como espazo de atención aos clientes e taller de deseño, corte e impresión. O outro para a colocación de vinilos nos coches.

 

  • O deseño gráfico é o punto forte de Daniela, que vivíu en Suiza até os 14 anos e alí estudou deseño como materia escolar, no que seguiu formándose despois. “Cuando decidimos intentar hacer lo que más nos gusta nos encontramos con el apoyo de nuestras familias y amigos”.
Alejandro Rial e Daniela Limia, emprendedores con "Betsycrew", a punto de rematar parte dun traballo no seu baixo de taller foto Rosa Veiga
Alejandro Rial e Daniela Limia, emprendedores con “Betsycrew”, na Valenzá, co seu “kit” de eventos. foto Rosa Veiga

Decoración para coches

  • Na elección do nome tamén participaron os dous: Alejandro puso “crew” inspirado polo videoxogo do mundo do motor que xa leva varias versións , e Daniela “Betsy” . O seu establecemento chámase Betsycrew  e nel calquera persoa pode levar ou crear un deseño para personalizar gorras, prendas de roupa, tazas, tarxetas de empresa, cheques-regalo, escaparates, tapas de llantas …

 

  • Traballan con materiais de diversas cores e texturas e sobre eles rotulan debuxos creados ou fotografías. Entre os proveedores está Hexis  que tamén lles deu formación específica neste eido.

 

  • Tamén propoñen a aplicación de vinilos para decorar fachadas e a máis completa e novidosa : tunear un coche totalmente con todo tipo de materiais, cores e textura, segundo detalla Alejandro, como os que fan, efecto espello (cromo) que pode ter un custo de 3.000 € con colocación incluída.
    “Estos vinilos tienen algunos colores imposibles de conseguir en chapista, como el color camaleón que cambia con la luz solar, y se puede cubrir el coche con él sin más, o con un diseño impreso encima”, engade .
Alejandro Rial e Daniela Limia, emprendedores con "Betsycrew" 14 xaneiro 2023. A Valenzá foto Rosa Veiga
Alejandro Rial e Daniela Limia, emprendedores con “Betsycrew” 14 xaneiro 2023. A Valenzá foto Rosa Veiga

Tamén “protección invisible”

  • Nun turismo, o traballo de Alejandro e Daniela permite tamén tunear con deseños ou fotos as tapas das llantas por 5 € cada unha, como xa fixeron para unha barbería da Valenzá e con custos diferentes até o tuneado completo.

 

  • Poden colocar vinilos transparentes de especial resistencia que son “protección invisible” contra raiaduras e rabuñazos cubrindo as defensas e o capó. Outros materiais permiten tintar os cristais e os faros ou cambiar totalmente a cor do coche cun material adhesivo que pode retirarse cando se queira.

 

  • Entre as petición de posibles deseños, detectan demanda de logos, números e “pegatinas” de modelos históricos de coches e motos, como a Montesa, para os que contan co material preciso.

 

  • A súa afección polo mundo do motor fíxolles pensar que podería ser interesante contar cun “kit de eventos” que consta de ordenador portátil e impresora especializada que poden sacar do taller e instalar en calquera convocatoria automobilística para deseñar, imprimir e colocar os vinilos no momento.

 

  • Entre os encargos que xa fixeron está o gran vinilo que cubre unha das paredes da sala infantil do Hospital Provincial, impresa con unha escea de dinosaurios e natureza en cores variadas.

 

  • E agora Daniela comeza xa a idear traballos en luces de neón… xa teñen proxectos.

 

  • Podes atopalos en Facebook e Instagram.
  • Alejandro Rial e Daniela Limia, emprendedores con "Betsycrew", a punto de rematar parte dun traballo no seu baixo de taller foto Rosa VeigaAlejandro Rial e Daniela Limia, emprendedores con “Betsycrew”, a punto de rematar parte dun traballo no seu baixo de taller foto Rosa Veiga

AlejnadroBetsycrew1 154.22 KB
Alejandro Rial e Daniela Limia, emprendedores con "Betsycrew" 14 xaneiro 2023. A Valenzá foto Rosa Veiga

AlejandroBetsycrew4 252.38 KB
Alejandro Rial e Daniela Limia, emprendedores con "Betsycrew", a punto de rematar parte dun traballo no seu baixo de taller foto Rosa Veiga

AlejandroBetsycrew2 287.48 KB
Alejandro Rial e Daniela Limia, emprendedores con "Betsycrew", na Valenzá, co seu "kit" de eventos foto Rosa Veiga

AlejandroBetsycrew3 272.25 KB
Alejandro Rial e Daniela Limia, emprendedores con "Betsycrew" 14 xaneiro 2023. A Valenzá foto Rosa Veiga

CONTENT-CAT.1710835008

Campaña de empadroamento de Barbadás

13/01/2023

Campaña de empadroamento de Barbadás

"Súmate a nós"

BARBADÁS ANIMA Á VECIÑANZA A EMPADROARSE E  BENEFICIARSE DAS VANTAXES QUE OFRECE O MUNICIPIO

  • O Concello de Barbadás segue a realizar accións adicadas a fomentar o empadroamento no municipio dentro da campaña “Súmate a nós”, que se iniciou o pasado verán.

 

  • O alcalde de Barbadás, Xosé Carlos Valcárcel, indicou que “ao longo de este mes de xaneiro vaise levar a cabo a difusión de 6 vídeos curtos nas redes sociais e na páxina web, para que as persoas que residen no municipio pero non están empadroadas poidan coñecer os recursos e as vantaxes que ofrece empadroarse en Barbadás”.

 

  • Segundo Valcárcel “estas vantaxes están relatadas nos vídeos en primeira persoa por residentes que contan a súa experiencia no uso dos servizos e participación nas actividades que se ofrecen desde o Concello”.

 

  • A tenente alcalde de Barbadás, Victoria Morenza, destacou que “as vantaxes de estar empadroados en Barbadás son, entre outras, axudas, descontos, prioridade en actividades, bonificacións no transporte, redución de impostos, tanto nos servizos do Polideportivo coma na Escola de música, Escola infantil, CET, Casa da Cultura, CIM, Casa da Mocidade e tamén noutros servizos xerais”.

 

  • Dende o Concello de Barbadás lémbrase que “empadroarse é un trámite sinxelo que se pode realizar na sede electrónica ou presencialmente nas oficinas de Rexistro e que supón tanto un beneficio individual coma económico para o municipio”.

 

  • Con esta iniciativa “ o Concello busca aumentar os ingresos e recursos do Estado e da Comunidade Autónoma para melloralas infraestruturas e servizos e atender así con máis eficacia as demandas e necesidades da poboación”, explicou o alcalde de Barbadás.


CONTENT-CAT.1710835008

A patronista Paloma, da Valenzá, está no equipo da nova marca española de moda Dame Aprés Paris

09/01/2023

A patronista Paloma, da Valenzá, está no equipo da nova marca española de moda Dame Aprés Paris

Emprendemento en Barbadás

Paloma Ugarte García non é deseñadora, senón patronista, e non hai moitas persoas que saiban diferenciar ámbolos dous traballos pois o resultado é a mestura de técnica e creatividade no deseño, e da técnica e creatividade nos patróns.

  • “Mi trabajo sirve para poner los pies en el suelo a la persona que diseña, las patronistas hacemos real lo que ellas imaginan”, concreta Paloma para explicalo seu traballo, que polo momento é totalmente manual, aínda que coñece os programas que permiten facelo no eido dixital, máis eficaz e rápido.

 

  • No seu oficio, na variante manual,  precisa tamén imaxinación e moitas ferramentas: regras de tódolos tipos, bolis, lapis, gomas, papel “craft” se o presuposto é pequeno “pero el ideal es el papel que se usa en los plóter  porque además de resistente tiene un grado de transparencia muy útil en mi trabajo”, detalla.

 

  • Mesa grande ou chan e sisómetro  son outras necesidades para desenvolver ben un patrón que resulta de trocar un debuxo imaxinado en pezas perfectamente trazadas para encaixar e facer realidade o debuxo inicial.
    Además escalo las prendas, es decir, después de hacer el patrón y un prototipo de prenda para detectar posibles fallos y rectificar, el proceso termina  con la comprobación final y el dibujo de cada pieza para diferentes tallas”, engade.

 

  • Até o momento desenvolveu proxectos persoais vencellados aos seus estudos: o proxecto de fin de grao de Ilustración da Escola de Arte e Superior de Deseño (EASD) Antón Faílde (en Ourense), o proxecto final do ciclo superior en Vigo e a proposta para o concurso  Depoemprende coa que conqueriu o segundo premio Demoday .

 

  • A súa preparación permítelle xa estar na lista de contactos que a EASD Mestre Mateo de Santiago de Compostela ofrece para estudantes que precisen contratar o seu Proxecto de Fin de Grao: “mis prácticas las hice en 2021 con la diseñadora Marisa García de Ourense, con la que aprendí muchísimo tanto en el diseño y patronaje de ropa para invitados a bodas, como en la preparación de esos proyectos finales”.
Paloma Ugarte - Patronista - Concello de Barbadás
Paloma UGarte García, patronista da Valenzá. 08/01/23. foto Rosa Veiga

A casualidade e os contactos

  • Paloma pensa que o mundo do patronaxe feminino está moi desenvolto e coñécense e trabállanse moito as variables posibles na roupa de muller. “En el ciclo de Vigo eché mucho de menos el patronaje para ropa de hombre, y allí no hay tiempo para trabajarlo bien”, lembra.
    Por casualidades de la vida, este aspecto puedo desarrollarlo ahora porque en el cumpleaños de una amiga, conocí a una persona con la que hablé de estas cosas y resulta que conocía a un diseñador al que habló de mí”, relata Paloma, como inicio da nova etapa que está a vivir e que centra as súas enerxías e paixón.

 

  • O deseñador Alexandre F. Dacal foi para Paloma a oportunidade “para hacer patronaje masculino a partir de los conocimientos que tengo de estudiar por mi cuenta”. A maiores, descubriu axiña que a patronista ten unha capacidade de visión espacial que lle permite, decontado, “imaginar como convertir un dibujo en una prenda con todas sus piezas, gracias también a mi formación en confección”.
Paloma Ugarte - Patronista - Concello de Barbadás
Dibuxo co patrón da gabardina de Paloma Ugarte, elaborado por ela sobre o deseño da marca Dame Aprés París”, na colección Simulacrum. 08/01/2023, foto Rosa Veiga

Nova marca Dame Après Paris

  • Hace unos meses estaba en un momento en el que vi que en Portugal hay ofertas de trabajo e hice alguna prueba en Galicia, pero me metí a esta aventura de la marca Dame Après París porque después de 2 desfiles y locales de trabajo, acaba de establecerse cerca, en Ourense, después de descartar local na Valenzá que no se adaptaba a lo que necesitaba, y yo estuve en el equipo del desfile de 2022 ”.

 

  • O último desfile da nova marca española de moda, foi en Madrid o pasado 8 de decembro , con modelos cubertos con monos verdes da cabeza até os pés; vestidos con 11 modelos de pantalóns;  sudadeira, camiseta e gabardina, da nova colección Simulacrum parte dela patroneada por Paloma.
    El primer desfile fue en diciembre de 2021. Los asistentes tuvieron que vendarse los ojos, lo que supuso una muy buena acogida, por su originalidad. Después del segundo todo fue a más, porque se hace un trabajo en taller y después de difusión en redes que yo creo que es muy bueno”, engade.

 

  • Pois moita moita sorte nesa proposta, que boa falta fan ideas novas Paloma!!
    E  moito ánimo para a túa marca propia, cando decidas centrarte nela!!
Paloma UGarte García, patronista da Valenzá. 08/01/23. foto Rosa Veiga

 

Paloma Ugarte - Patronista - Concello de Barbadás 765.34 KB

Paloma UGarte García, patronista da Valenzá. 08/01/23. foto Rosa Veiga 291.18 KB
Paloma UGarte García, patronista da Valenzá. 08/01/23. foto Rosa Veiga

Paloma Ugarte - Patronista - Concello de Barbadás 348.83 KB
Dibuxo co patrón da gabardina de Paloma Ugarte, elaborado por ela sobre o deseño da marca Dame Aprés París", na colección Simulacrum. 08/01/2023, foto Rosa Veiga

Paloma UGarte García, patronista da Valenzá. 08/01/23. foto Rosa Veiga 442.39 KB
Paloma UGarte García, patronista da Valenzá. 08/01/23. foto Rosa Veiga

CONTENT-CAT.1710835008

Miguel atesoura a memoria da súa familia e oficios de Santa Ouxea

02/01/2023

Miguel atesoura a memoria da súa familia e oficios de Santa Ouxea

Sociedade en Barbadás

O concello de Barbadás ten dúas aldeas habitadas na actualidade das que Santa Uxía (Santa Ouxea na Idade Media) é a máis pequena, con 14 habitantes (fronte as 74 persoas censadas no Pontón, a segunda aldea con veciños).

  • Miguel Fernández Alonso é fillo e neto de rianxeiras de Santa Ouxea, na beira esquerda do río Miño. El naceu “na mutua da rúa Progreso. De luns a venres vivía na rúa Ervedelo; os sábados e tódalas vacacións estaba en santa Ouxea e Piñor  e os domingos tocáballe cine na parroquia de Fátima e fútbol no estadio do Couto”, pois gustáballe o C.D. Ourense.
Miguel Fernández Alonso, na casa dos seus avós, a carón do forno da casa (Santa Ouxea, Piñor). Concello de Barbadás
Miguel Fernández Alonso, na casa dos seus avós, ao carón do forno da casa (Santa Ouxea, Piñor). foto Rosa Veiga
  • Entre a vida de barrio durante a semana e a da aldea de cada fin de semana e vacacións, Miguel parece preferir a que viviu a apenas 5 ou 6 quilómetros do Couto, sempre preto do río.
    “Na miña infancia había dous barqueiros, un entre o campo de Santiago e a praia que chamábamos Areal e outro que cruzaba dende Eirasvedras até a zona de Barbadás que se chama a Ribeira, onde había viñedos e hoxe está o aparcamento da zona termal de Outariz”.

O mundo arredor do río

  • O barqueiro de augas abaixo era o Benitiño e segundo lembra. Vivía “practicamente no río”, pois ademáis de levar persoas e mercancías na súa barca de madeira, era “naseiro” e “non había máis que chamalo para que che recollera porque sempre andaba preto”, narra.

 

  • A actividade dos barqueiros fixo posibles moitas parellas das beiras do río, como a dos seus propios pais Miguel e Aurora: el era de Eirasvedras e ela de Santa Ouxea. Tamén foron varias as parellas formadas por veciños de Reza e de Canedo (hoxe barrio ourensán da Ponte) pola actividade da outra barca, que facía moitas viaxes sobre todo nas feiras dos 7 e os 17.

 

  • Neses días, os principais ocupantes da barca máis preto da cidade de Ourense, eran os “rellos” ou “pecoriños” (porcos de cría) transportados dende a beira esquerda até o campo de Santiago (O Tinteiro) na dereita, preto do campo da feira.

As rianxeiras da familia e leiteiras de Santa Ouxea

  • Da súa memoria xorden as lembranzas da vida na casa dos avós. O avó Julio traballou durante os anos da posguerra na fundición Malingre do Couto. “Cando lle deron traballo no forno decidiu deixalo porque non lle gustaba e comezou a traballar na aldea como carreteiro con bois, labrego e viticultor”, lembra Miguel.
    Algúns veciños que marcharan a Vigo, abriron bar e mercábanlle a Julio o excedente de viño.
Miguel Fernández Alonso ca foto dos seus avós Rosa e Julio de Santa Ouxea, Piñor. Foto Rosa Veiga
Miguel Fernández Alonso coa foto dos seus avós Rosa e Julio de Santa Ouxea, Piñor. Foto Rosa Veiga
  • Pola súa banda, a avoa Rosa e as fillas (entre elas Aurora, a nai de Miguel) eran rianxeiras, e recollían verduras e hortalizas na horta familiar e lavábanas e amañaban as molladas do rianxo na fonte da aldea, antes de levalas até a praza de abastos de Ourense.
    “Baixaban a pé, coas cestas na cabeza, até a cidade, pola estrada que daquela era unha pista de terra que os veciños mantiñan en bo estado para facilítalo seu uso. O paso dalgún coche ou camión era esporádico”, relata Miguel. Anos máis tarde, parte do camiño facíase no “carrito” (nome que se lle daba ao bus urbano no barrio do Couto).

 

  • O mesmo percorrido podían facer as leiteiras, que repartían o leite de vaca casa por casa  tamén no Couto e parte da cidade de Ourense.

 

  • Pola mesma pista pista de acceso chegaba ás veces algún camión para levarlle leña recollida polos veciños, que a baixaban do monte en toradas axudados de bois e vacas que turraban da madeira atada con cadeas

Canteiros, cesteiros e augardenteiros

  • Moitos dos homes traballaban tamén nas canteiras. “O meu avó e os da súa xeración ían ás de Mugares. Tamén o seu fillo, o meu tío Julio (como o avó) traballou de canteiro até que marchou a Alemaña, e estivo na construción da parroquia de Fátima co escultor Faílde e o seu aprendiz Manuel o Riós”, detalla Miguel.

Miguel Fernández Alonso ca foto dos seus avós Rosa e Julio de Santa Ouxea, Piñor. Foto Rosa Veiga

  • Tódalas familias de Santa Ouxea tiñan viñas e soutos en Louredo, hoxe substituídos pola fraga. “Alí pasaban a mañá e ás veces máis tempo, porque en moitas leiras hai acubillos naturais para quedar”. Lembra os nomes dos lugares poboados por soutos como “A chega das casas” (onde quedan vestixios e pedras dun mosteiro), “A Pereira”, “Maimón”, “O Durán”, “A Portela”…

 

  • Nos soutos, os castiñeiros estaban sen enxertar así que á aldea chegaban cesteiros que aproveitaban “os vergueiros dos castiñeiros para os cestos”. Miguel lembra que na casa do seu avó,  un cesteiro chegaba cada ano e pasábase alí, no baixo, uns meses recollendo os vergueiros e facendo cestas antes de regresar a súa casa.

 

  • Estes artesáns chegaban dende Pontevedra, O Rosal, Tomiño ou Ponteareas. Tamén de fóra da aldea viña, cada novembro, o augardenteiro. “Instalábase co seu pote nun pendello onde hoxe está o local social, e alí destilaba a mantío, é dicir, dábanlle a comida e parte do augardente a cambio do seu traballo”, narra Miguel.

Os muíños do Regueiro, a malla e as tornas para regar

  • Na vida cotiá da aldea eran importantes os catro muíños do Regueiro. Miguel lembra que no situado máis arriba (á esquerda do Camiño de Louredo por riba), as mulleres ían coas tinas cheas tanto para lavala roupa como as tripas en tempo de matanza do porco.
    Matábase sempre o día 8 de decembro, o día da Purísima, e os mozos da xeración anterior á miña facían grupos de 3 ou 4 para ir polas casas axudando a agarralo porco, a cambio dunha copiña”, engade.

 

  • Nesa transición da vida rural de antaño, con traballos en comunidade, até a máis urbana e individual de hoxe, Miguel destaca tamén a malla como “angueira colectiva” na Ermida. Así chamaban a aira que estaba onde agora está a praza da aldea, hoxe aparcamento para os coches dos veciños.

 

  • O uso intenso da terra para cultivos precisaba organizar o regadío en tornas. “Podía tocar regar pola noite e nese caso, regabas o millo, por exemplo, con focos para ver por onde enviala auga”, detalla.

Non todo era traballar

  • Na infancia de Miguel tamén está o fútbol. A maiores, el tiña afección por falar e escoitar ós maiores e ía con eles cando levaban o gando. Tamén pasaba tempo de xogo cos zancos, cos carros de bolas feitos polos amigos…
    Na tenda da Sofía xogábamos ao futbolín, e até viamos alí a televisión na que coñecemos a Pelé, naquela final do Mundial en 1970, en México, co partido Brasil-Italia”… Tamén soubo das sesións de baile que organizaba a mesma Sofía da tenda, para a xente moza, cun tocadiscos nun baixo moi preto da tenda.

 

  • Falar de música e baile en Santa Ouxea, é falar do gaiteiro Luis Padrón, natural da aldea, que formou parte do grupo Brisas do Miño e toco unas festas do San Xoán, nalgún ano… pero esa será outra historia…

Fotos da memoria

  • Acompañan a este artigo fotografías actuais nas que Miguel está na casa dos seus avós, na que se conserva o forno no que a familia deixaba cocer pan a calquera veciño a cambio dalgunha peza, e na bodega, na que se conservan incluso os restos da última matanza, como a capa de sal para a carne nunha das arcas de madeira.
Bodega familiar dos avós de Miguel Fernández Alonso, tal como quedou da última matanza Foto Rosa Veiga
  • A fonte de Santa Ouxea, permanece na entrada da aldea como mostra do traballo dos canteiros e como lembranza da vella pía na que bebía o gando;  do espazo no que as mulleres arranxaban as  molladas do rianxo e onde os homes preparaban o sulfato en olas de barro.

 

  • Na imaxe de obxectos variados das vivendas rurais, un balde de zinc co que se recollía auga na fonte (a exposición preparouse con obxectos de varias aldeas, no IES Blanco Amor de Ourense) e un cadriño no que está un dos libros que Miguel tiña de pequeno para aprender a ler. “As primeiras palabras que lembro do galego son caxato e croio, aprendidas na aldea, porque no Couto non falaban galego”, lembra.

 

  • Tamén a foto dos seus avós, a de amigos e familia no campo de Roma, durante as festas de Piñor nos anos 60 e a de cando era neno, nesa mesma época, no “biscúter” dun amigo do seu pai de Eirasvedras. Todo un álbum que anima a facer memoria e que permite non esquecer traballos, oficios… e momentos vividos nun mundo máis rural, máis comunitario e máis duro para vivir.
Miguel Fernández Alonso 3º pola esquerda, de neno nas festas de Piñor no campo de Roma. foto familiar
Miguel Fernández Alonso no biscúter dun amigo do seu pai. foto familiar
  • Hoxe Miguel traballa no IES Blanco Amor de Ourense, e acompaña a grupos de ex-alumnos e alumnas, profesores e curiosos interesados en coñecer e percorrer a fraga do vello couto de Louredo, dende a súa aldea de infancia.

 

 

 

 

 

miguel santaouxea1 310.64 KB
Miguel Fernández Alonso, na casa dos seus avós, a carón do forno da casa (Santa Ouxea, Piñor). foto Rosa Veiga

miguel santaouxea4 608.98 KB
Bodega familiar dos avós de Miguel Fernández Alonso, tal como quedou da última matanza Foto Rosa Veiga

miguel santaouxea5 227.63 KB

miguel santaouxea2 597.44 KB
Miguel Fernández Alonso, na casa dos seus avós, a carón do forno da casa (Santa Ouxea, Piñor). foto Rosa Veiga

miguel santaouxea3 279.57 KB
Miguel Fernández Alonso ca foto dos seus avós Rosa e Julio de Santa Ouxea, Piñor. Foto Rosa Veiga

Miguel festasPiñor 453.48 KB
Miguel Fernández Alonso 3º pola esquerda, de neno nas festas de Piñor no campo de Roma. foto familiar

Miguel Fernández Alonso no biscúter dun amigo do seu pai. foto familiar 318.38 KB
Miguel Fernández Alonso no biscúter dun amigo do seu pai. foto familiar

CONTENT-CAT.1710835008

A pista de xeo sintética e seca chegou a Barbadás dende unha empresa da provincia, que a leva a media España

28/12/2022

A pista de xeo sintética e seca chegou a Barbadás dende unha empresa da provincia, que a leva a media España

Diversión en familia. Nadal en Barbadás.

O Nadal de Barbadás de 2022, que chegou no marco dun inverno estrañamente cálido,  trouxo xeo e patinaxe ás festas… pero non o xeo “natural” cos seus fríos, molladuras e mudas de roupa apuradas para entrar en calor, senón outro menos “romántico” pero moito máis cómodo.

Pista de xeo sintético na pista deportiva da Solaina, na Valenzá. 27/12/22 foto Rosa Veiga
Pista de xeo sintético na pista deportiva da Solaina, na Valenzá. 27/12/22 foto Rosa Veiga
  • Unha das pistas deportivas da rúa Cotelma (sobre o parque da Solaina) estará ocupada até o día 8 de xaneiro, pola carpa que cubre unha pista de xeo sintética, para a que non compren guantes, nin gorro, nin muda de roupa seca, nin tan sequera reforzo vitamínico en prevención de arrefriados.
  • A pista que estrea Barbadás neste Nadal foi instalada pola empresa Mantesil-Ocio, única da provincia de Ourense que a ten entre os seus produtos, e que xa a instalou en Galicia e media España durante os últimos 6 anos.
Pista de xeo sintético na pista deportiva da Solaina, na Valenzá. 27/12/22 foto Rosa Veiga
Pista de xeo sintético na pista deportiva da Solaina, na Valenzá. 27/12/22 foto Rosa Veiga
  • O seu xerente, Berto Fernández, explicounos que a idea xurdiu en Sevilla, dunha empresa “punteira no mundo do xeo sintético” e pareceulles unha oportunidade paralela a outros produtos e servizos de ocio que ofrecen.
    Fronte a pista de xeo tradicional, certamente moito máis romántica, esta sintética non ten gastos de enerxía e auga para manterse sólida e fría, e a esa vantaxe engádese que os nenos e nenas non se mollan cando patinan, e a familia non ten que apurar a cambiarlles toda a roupa cando rematan para entrar rapidamente en calor”, engade Fernández.

Máis de cen pares de patíns dispoñibles

  • E esa é a vantaxe que lle atopan as familias que xa probaron a pista da rúa Cotelma, a da inexistencia de molladuras e a posibilidade de desfrutala toda a mañá ou toda a tarde por só 3 euros. A pista ten capacidade para que patinen comodamente a un tempo, 30 ou 40 persoas, e a dispoñibilidade de patíns é de máis dun cento de pares. Tamén hai un apoio para pequenos en forma de oso patinador, e cadeiras para poñer e quitar os patíns.
Pista de xeo sintético na pista deportiva da Solaina, na Valenzá. 27/12/22 foto Rosa Veiga
Pista de xeo sintético na pista deportiva da Solaina, na Valenzá. 27/12/22 foto Rosa Veiga
  • Rebeca animou a súa filla a probala nova pista porque hai pouco tempo que a moza comezou clases de patinaxe así que decidiu que podían as dúas aproveitar “para que ela practique e colla confianza, a cambio de que eu o faga con ela tamén”.
    E velaí foron as dúas, agarradas á baranda da pista durante un par de voltas e despois xa competindo por cruzala polo medio, xa as dúas con soltura evidente.

 

  • Iria, os seus dous fillos e outro pequeno duns amigos, pasou a tarde cos tres cativos e contounos que cando todos merendaran, a pé de pista, e cansaran dos patíns, pensaban quedar na cafetería Solaina, fronte a pista, para rematalo día coa entrega do pequeno nun encontro tranquilo de amigos.
    Pista de xeo sintético na pista deportiva da Solaina, na Valenzá. 27/12/22 foto Rosa Veiga
    Pista de xeo sintético na pista deportiva da Solaina, na Valenzá. 27/12/22 foto Rosa Veiga
  • Ese parece selo plan favorito arredor da pista de xeo pois Rebeca, e algún/ha outr@ practicante de patinaxe, consagrado ou de estrea, explicou que nos vindeiros días repetirá sesión con patíns coa filla e amigas súas do colexio, e rematará con cita na cafetería cos pais e nais amigos despois de meses sen atopar tempo para verse.

 

  • Cándido e Josefa tamén decidiron probar a pasar a tarde na pista coas súas fillas Suevia e Alba. Son veciños de A Valenzá dende hai anos e a opción da patinaxe pareceulles a mellor para as nenas que tras os primeiros 15 minutos e algunha caída, móvense con soltura sobre a superficie sintética.
Pista de xeo sintético na pista deportiva da Solaina, na Valenzá.
Pista de xeo sintético na pista deportiva da Solaina, na Valenzá. 27/12/22 foto Rosa Veiga
  • Se es afeccionad@ a patinar, se non sabes aínda se che gusta, se xogas a hockei en liña, se fas patinaxe artístico… mesmo se nunca tiveches cerca un patín, mira que oportunidade para probalo!
  • A outra máis preto está en Zamora, onde a mesma empresa ten instalada neste momento outra pista de xeo sintética.
Pista de xeo sintético na pista deportiva da Solaina, na Valenzá.
Pista de xeo sintético na pista deportiva da Solaina, na Valenzá. 27/12/22 foto Rosa Veiga

CONTENT-CAT.1710835008

Ana Doval deseña e constrúe bolsos combinables na Valenzá con materiais reciclados chegados de toda España

24/12/2022

Ana Doval deseña e constrúe bolsos combinables na Valenzá con materiais reciclados chegados de toda España

Emprendemento en Barbadás

Da mestura de nai de Celanova, pai de Pereiro de Aguiar e ámbolos dous emigrados a Venezuela, veu dar unha familia retornada da que forma parte Ana Doval, asentada na Valenzá, despois de varias voltas polo mundo e de paso por Barcelona.

  • Defínese como emprendedora e abriu unha franquicia de roupa, logo un bar en Ourense… e chegou o momento de decidirse por “sacarlle partido” a súa habilidade cas mans. “En Venezuela preparaba os meus bolsos a xogo cos zapatos, e forrándoos con teas diferentes e de aí pasei a facer un curso en Madrid de deseño de bolsos”.

 

  • Problemas de saúde e un “coworking” en Celanova  déronlle pulo e o 15 de outubro do ano da pandemia lanzou a súa marca “Ana Doval” de bolsos ecolóxicos.
    “Neles meses tiña todo o tempo do mundo así que presenteime e saín en medios de comunicación locais e autonómicos como deseñadora e artesá de bolsos de materiais reciclados e/ou ecolóxicos, sobre todo sostibles, de boa calidade e de orixe vexetal, nada de orixe animal”, detalla.

 

  • Os seus bolsos non son de pel, aínda que poidan parecelo. Son de cortiza procedente de Portugal, ou de teas fabricadas en Valencia e complementos de Alicante. Por riba, Ana confecciónaos en varias pezas separables de xeito que un bolso pode trocar con só desabotoar a solapa e abotoarlle unha doutra cor e textura, por exemplo.
Ana bolsos reciclaxe - A Valenzá - Concello de Barbadás
Ana Doval Castro, deseñadora e artesá de bolsos con materiais reciclados. novembro 2022. foto Rosa Veiga

Materiais reciclados de orixe vexetal

  • “Foi moi difícil chegar a disponer dos materiais que quería, no comezo case non atendían o envío nin de tarifas, e en Galicia foi imposible polas medidas coas que se comercializa este tipo de materiais”, engade.
    Agora o difícil para ela é escoller entre tantos materiais diferentes que lle amosan e está a darlle voltas a algúns novidosos.

 

  • Lembra que a súa primeira colección foi “Nature” con 5 deseños diferentes e que as ventas comezaron en Estados Unidos e seguiron por Italia, Venezuela, Madrid, Murcia e en Ourense “para toda a familia”.

 

  • As súas circunstancias persoais pasaron en 2020 por un ”momento de desastre”, marchou a Venezuela e o contactou cunha deseñadora  que lle deu pulo para retomar o traballo. “Voltei para a Valenzá en xullo, montei o taller e comecei de novo a deseñar, cortar, coser…  “, relata.

 

  • Para atopar os seus bolsos hai que entrar en contacto con ela en Facebook , Instagram  e Twitter . Tamén estarán a venda na tenda de Ourense Damajuana (Galerías Santo Domingo).
Ana bolsos reciclaxe - A Valenzá - Concello de Barbadás
Ana Doval Castro, deseñadora e artesá de bolsos con materiais reciclados. novembro 2022. foto Rosa Veiga

Nova colección sobre Galicia

  • O taller de Ana, na Valenzá, é un espazo de creatividade no que traballa xa con ideas para novas coleccións.
    Despois de “Nature” e “Ocean”, no verán do 2021 naceu “Geometría” con 6 modelos diferentes de bolsos fabricados con teas brancas que eran restos dunha fábrica de pantalóns de Ourense.

 

  • Entre as ideas para o futuro que xa comezan a funcionar está a de personalizar bolsos para regalos de empresa, e anda  a voltas “coa forma da concha dunha vieira para deseñar unha colección de primavera adicada a Galicia e ao Camiño de Santiago”, avanza.

 

  • Os seus bolsos son fabricados un a un por ela mesma e seguirán a ser, na súa maioría, impermeables, resistentes e reutilizables cambiando algunhas pezas.
    Ela encárgase de todos os detalles como as pequenas obras de arte de quita e pon que son os broches de peche das solapas, ou asas de diferentes tamaños que poden intercambiarse para levar un mesmo bolso collido coa man, no brazo, ou cruzado en bandolera.

 

  • Gústalle subliñar que os seus bolsos, diante de todo, son de gran calidade tanto nos materiais como na confección.

 

  • Moita sorte na nova colección!! Agardamos saber pronto o nome.

Ana bolsos reciclaxe - A Valenzá - Concello de Barbadás 309.36 KB
Ana Doval Castro, deseñadora e artesá de bolsos con materiais reciclados. novembro 2022. foto Rosa Veiga

Ana bolsos reciclaxe - A Valenzá - Concello de Barbadás 388.91 KB
Ana Doval Castro, deseñadora e artesá de bolsos con materiais reciclados. novembro 2022. foto Rosa Veiga

Ana bolsos reciclaxe - A Valenzá - Concello de Barbadás 128.08 KB

CONTENT-CAT.1710835008

O “pastor de abellas” Daniel envasa mel en Piñor para “compartir a alegría que dá unha cullerada de mel no padal”

14/12/2022

O “pastor de abellas” Daniel envasa mel en Piñor para “compartir a alegría que dá unha cullerada de mel no padal”

En San Lourenzo de Piñor, no lugar de Ousande, desenvolvese a vida do “pastor de abellas” Daniel Aguiar Morales, a poucos metros da vivenda dos seus pais e con parte dos seus colmeares instalados nun terreo que foi dos seus avós.

  • Defínese como “pastor de abellas” porque di estar ao servizo delas, e con elas leva experimentado dende que lembra: “o meu avó e un primo seu xa tiñan mel, e eu axudaba así que non tiña medo nin reparo en estar coas abellas, e comecei a facer traballo de apicultura aos poucos, primeiro con 5 colmeas a carón da casa”, relata.
Daniel Aguiar Morales, apicultor "pastor de abellas"en Ousande, Piñor. 06/12/2022. Foto Rosa Veiga
Daniel Aguiar Morales, apicultor “pastor de abellas”en Ousande, Piñor. 06/12/2022. Foto Rosa Veiga
  • Por formación e experiencia laboral, Daniel fai traballos de electricista, soldador, mecánico… “Despois de traballar uns anos en empresas dese sector, quixen tentar algo propio para non estar tan supeditado aos xefes que poidan tocar”, aclara.

 

  • O deporte e a música tamén teñen formado parte da súa traxectoria: competiu como xogador de waterpolo entre outras disciplinas deportivas, e é gaiteiro.

 

  • As cinco primeiras colmeas foron o seu laboratorio e foi coñecendo a fondo o mundo as abellas “grazas sobre todo a Paco, de Rairiz de Veiga, que era director lo Instituto de Ensino Secundario e produce mel coa marca Polemel “.
    O contacto con Paco, segundo Daniel, valeulle para aprender todo o que sabe e saber resolver cada momento na vida dunha colmea. “Se pensas nisto coma negocio soamente non serás capaz de obter todo o que as abellas nos dan.  Hai que saber facer raíñas cando toca, vixiar e saber cal está forte para axudar a aumentar a actividade, coidalas do seu parasito, a várroa, e substituir os animais enfermos dela…”

 

  • O apicultor de Piñor limpa durante o inverno e primavera o chan no que están as súas colmeas. Deixa que o seu “gando” colleite pole até finais de xuño, cando comezan a florecer carballo e Silveira, e nese momento comeza a trasladalas até a montaña de Manzaneda e Pontevedra “onde colleitan eucalipto e outras flores até novembro”.

 

  • Tenta así paliar o ataque da volutiña que se intensifica durante o verán pero xa non hai cara finais de ano, cando volve coas colmeas a poucos metros da súa casa en Piñor… e retoma os traballos continuos de mantemento, vixianza e mellora de cada colmea.
Panal de mel na envasadora de Daniel Aguiar Morales. 06/12/22. foto Rosa Veiga

A marca é “Coto de Ousande”

  • O mel de Daniel non está en ningunha páxina web, nin blogue nin rede social propia. Dende que se deu de alta como produtor hai case 20 anos comercializa a súa marca “Coto de Ousande” de pole e mel e considera que os produtos do seu rabaño de abellas “é o mellor do mundo”, e de feito, vende todo o que produce grazas o “boca-orella” e o contacto directo cos seus clientes.

 

  • A etiqueta foi deseñada por Rosa, da librería Cisne  e leva o nome do lugar no que vive, por iso, porque é onde vive, onde se criou e onde o seu avó tiña cepas. Agora na mesma finca están as colmeas do neto. “O nome está posto para gardar a memoria do meu avó e da miña infancia”, asegura.

 

  • Para todo o que precisa, abastécese en González Carballal , a empresa na que traballa e que é distribuidora única de material de apicultura en Galicia.

 

  • Daniel adica todo o tempo libre que lle queda de traballo e familia para coidar das colmeas. Incluso inventa melloras como “placas eléctricas para arpas” que churruscan ás vespas volutiñas, e soña con que os seus fillos, xemelgos, queiran seguir co que fai el.

 

  • “A miña gratificación cotiá é poder compartir con outras persoas a sensación insuperable, a alegría que dá unha cullerada deste mel ou pole no padal”, gábase.

 

  • Con ese mimo coida tamén ós seus clientes habituais: a panadería de Piñor , no mesón Parada (o do Pimpón)  e nalgunhas tendas na cidade de Ourense. Tamén vende a particulares e ultimamente enviou pedidos a Inglaterra e Abu Dabi.
otes de mel e polen colleitado, coidado e envasado por Daniel Aguiar Morales, en Piñor. 06/12/22
Botes de mel e polen colleitado, coidado e envasado por Daniel Aguiar Morales, en Piñor. 06/12/22

Como mercarlle? Pois… simplemente contactando con el no teléfono que está na etiqueta do seu pole e mel. Tedes que mirar as fotos e tomar nota. Non hai outro xeito, se non o coñecedes.

 

 

 

DanielmelPiñor1 159.69 KB
Daniel Aguiar Morales, apicultor "pastor de abellas"en Ousande, Piñor. 06/12/2022. Foto Rosa Veiga

DanielmelPñor4 291.89 KB
Botes de mel e polen colleitado, coidado e envasado por Daniel Aguiar Morales, en Piñor. 06/12/22

DanielmelPñor2 345.29 KB
Daniel Aguiar Morales, apicultor "pastor de abellas"en Ousande, Piñor. 06/12/2022. Foto Rosa Veiga

Panal de mel na envasadora de Daniel Aguiar Morales. 06/12/22. foto Rosa Veiga 365.95 KB
Panal de mel na envasadora de Daniel Aguiar Morales. 06/12/22. foto Rosa Veiga

CONTENT-CAT.1710835008

A “fábrica de santos” de Barbadás deu traballo a ducias de familias durante 30 anos para facer cerámica e porcelana

03/12/2022

A “fábrica de santos” de Barbadás deu traballo a ducias de familias durante 30 anos para facer cerámica e porcelana

Emprendemento en Barbadás

Barbadás tivo unha fábrica de cerámica instalada a finais dos 60 na zona do Rosario (na estrada principal, por baixo de Soutovello) chamada “Ceramicart”. No 1970 trasladouse a unha nave no Pontón, e alí trocou en fábrica de porcelana co nome de “Galos”.

  • Nas dúas (do mesmo empresario) traballaron ducias de familias chegadas de Portugal e do propio Barbadás. Os veciñ@s alleos aos traballos da empresa, falaban dela como unha “fábrica de santos”, segundo nos contou Sinda Benavides, unha das traballadoras e veciña da Carreira, en Barbadás.

 

  • Sinda e María Eugenia Forneiros Cruz son amigas dende que comezaron a traballar en Ceramicart, cando tiñan arredor de 14 anos. A  primeira asalariada das dúas foi María Eugenia que sitúa a súa entrada no mundo laboral no ano 1970 nesa empresa. Poucos meses despois faríao Sinda.
    Na casa do Rosario, onde estivo a empresa,  vive agora unha familia pero daquela vivía na parte de arriba algún dos propietarios e na planta baixa estaba o forno para as pezas de barro”. Do outro lado da estrada, segue hoxe a casa na que ensaiaba daquela o grupo musical Los Suaves, “que metían bastante ruído”, lembra María Eugenia.
    Sinda conta  ademais que no camiño cara o traballo pasaban preto do forno de pan, e “a  zona de paso tiña sempre arrecendo a aqueles bolos”.

 

  • Na memoria das dúas quedou aquela etapa como un momento “feliz” pois traballaban con xente moi nova, coma elas, e fóra do intenso horario laboral compinchábanse para organizar xuntanzas e diversión.

 

  • Os propietarios, que elas lembran eran Francisco Pérez Pérez (fillo de Gabriel Pérez Caldelas, propietario do bazar Gapecal de Ourense) e o seu cuñado Ventura Pascual que finou uns anos despois.
    Os deseñadores eran Francisco Pinto e o seu pai, chegados de Portugal, e algúns anos máis tarde, dende 1983, tamén facía ese traballo o artista ourensán Chema Dapena .
Sinda Benavies Cacheiro e María Eugenia Forneiro Cruz diante da casa que nos anos 70, tiña no baixo o forno da empresa de cerámica "Ceramicart", antecedente de "Galos" . Barbadás 30/11/22 - Concello de Barbadás
Sinda Benavies Cacheiro e María Eugenia Forneiro Cruz diante da casa que nos anos 70, tiña no baixo o forno da empresa de cerámica “Ceramicart”, antecedente de “Galos” . Barbadás 30/11/22 Foto Rosa Veiga

Traballadores e técnicos de Barcelos

  • Segundo María Eugenia, os primeiros traballadores eran case todos de Portugal. A maioría deles asentaron e formaron familia en Barbadás. “Cando eu celebraba os aniversarios da miña filla chegaban a asistir unha trintena de nenos e nenas”, lembra, porque a vida fóra da fábrica era coa mesma xente que dentro.

 

  • Calculan que a empresa cambiou de instalacións a mediados dos anos 70 do pasado século, aínda se adicou á cerámica durante uns anos, antes de trocar en fábrica de porcelana e mesmo o nome, que pasou a ser “Galos”.
    “Na nave de Galos, onde agora se ve unha planta toda de fiestras, estaban as vivendas da maioría das familias  que viñan de Portugal, porque en Abeiro, na empresa Vista Alegre, tiñan máis experiencia en traballar cerámica e porcelana, e até había gardería para os pequenos, o que daquela era toda unha vantaxe para nais e pais traballadores”, engade María Eugenia.

 

  • Na porcelana, como antes na cerámica, o traballo de María Eugenia era “ensamblar as pezas de cada figura, que se facían en moldes separados” mentres que o de Sinda era pintar. Lembran  o proceso máis complexo da porcelana “pois requiría pasar dúas veces polo forno”, di Sinda.

 

  • Lembran deseños con gran éxito como as “damas”, unha carroza festiva de case un metro de grande “e que daba moito traballo”, unha escena de merenda con dous “velliños ao carón dunha árbore e  baixo un paraugas”, afiadores etc.
    “Traballábase moito pero tamén nos xuntábamos para facer festas porque un compañeiro tiña un tocadiscos”, detalla Sinda.
    O horario que lembran ía de 8,00 a 13,00 e de 15,00 a 20,00,  e son capaces de poñer nome as persoas que traballaron alí.
    Chegaron a ser máis de 60, conta María Eugenia, e con axuda de Sinda lembra a Marga, os dous Julios, Ester, Carlos, Pepe “o barquilleiro” de Pontón e moitos máis.
Maria Eugenia Forneiro Cruz e Sinda Benavies Cacheiro diante das instalacións da empresa de porcelana "Galos" no Pontón . Barbadás 30/11/22 Foto Rosa Veiga
Maria Eugenia Forneiro Cruz e Sinda Benavies Cacheiro diante das instalacións da empresa de porcelana “Galos” no Pontón . Barbadás 30/11/22 Foto Rosa Veiga

A crise chegou á Galos

  • Sinda marchou da empresa en 1986, con 29 anos, despois de ter tres fillas e María Eugenia seguiu até o Expediente de Regulación de Emprego que en 2004 deixou fóra da empresa a un bo grupo de traballadores.
    “Cando comezaron a traer vasos e botellas de cristal, fabricados en China, para que os pintáramos, algo ía xa mal e engadiuse a crise económica, así que moitos quedamos fóra e a empresa mudou cara o polígono de San Cibrao das Viñas”, relata María Eugenia.

 

  • Pola súa banda, o deseñador Francisco Pinto abriu fábrica propia en Manhente (Braga, Portugal) e segue a traballar nela.

 

  • A nave do Pontón, aínda ten o nome de Galos na fachada, un gran mural de azulexos esmaltados e un can que é atendido por outra ex-traballadora da empresa que vive preto dela.
Sinda Benavies Cacheiro e Maria Eugenia Forneiro Cruz diante das instalacións pechadas de "Galos" . Barbadás 30/11/22 Foto Rosa Veiga
Sinda Benavies Cacheiro e Maria Eugenia Forneiro Cruz diante das instalacións pechadas de “Galos” . Barbadás 30/11/22 Foto Rosa Veiga

 

Galos-MEugeniaeSinda1 198.70 KB
Sinda Benavies Cacheiro e María Eugenia Forneiro Cruz diante da casa que nos anos 70, tiña no baixo o forno da empresa de cerámica "Ceramicart", antecedente de "Galos" . Barbadás 30/11/22 Foto Rosa Veiga

Galos-MEugeniaeSinda2 489.47 KB
Sinda Benavies Cacheiro e María Eugenia Forneiro Cruz diante da casa que nos anos 70, tiña no baixo o forno da empresa de cerámica "Ceramicart", antecedente de "Galos" . Barbadás 30/11/22 Foto Rosa Veiga

Galos-MEugeniaeSinda4 574.89 KB
Sinda Benavies Cacheiro e Maria Eugenia Forneiro Cruz diante das instalacións pechadas de "Galos" . Barbadás 30/11/22 Foto Rosa Veiga

GAlos-MEugeniaeSinda3 416.21 KB
Maria Eugenia Forneiro Cruz e Sinda Benavies Cacheiro diante das instalacións da empresa de porcelana "Galos" no Pontón . Barbadás 30/11/22 Foto Rosa Veiga

CONTENT-CAT.1710835008

Programación de Nadal 2022-23 en Barbadás

30/11/2022

Programación de Nadal 2022-23 en Barbadás

TEATRO, DEPORTE, MÚSICA, OCIO E VISITAS DE PAPÁ NOEL, APALPADOR E REIS MAGOS ...

TEATRO, DEPORTE, MÚSICA, OCIO E VISITAS DE PAPÁ NOEL, APALPADOR E REIS MAGOS COMPOÑEN A PROGRAMACIÓN DE NADAL DO CONCELLO DE BARBADÁS

 

As principais novidades será a instalación nunha pista de xeo e unha aldea de Nadal na zona da Solaina

 

O Apalpador percorrerá as rúas acompañado de música tradicional

 

Diverlandia acollerá 600 nenos e nenas que poderán coñecer de preto aos Reis Magos

 

  • A presentación do programa do Nadal do Concello de Barbadás foi presentado esta mañá coa presenza do alcalde, Xosé Carlos Valcárcel, a concelleira de Cultura e Comercio, Marga Pérez e a tenente alcalde, Victoria Morenza. A presentación realizouse na biblioteca infantil da casa de cultura Manuel María.

 

  • Marga Pérez, concelleira de Cultura e Comercio, destacou que “a inauguración da iluminación do noso Nadal aquí en Barbadás, tanto nos pobos como aquí nas rúas da Valenzá e da gran árbore que todos os anos iluminamos será este venres día 2 as 18:30 da tarde”.

 

  • O Nadal en Barbadás dará comezo con unha actividade de animación infantil e musical “á que está convidada toda a veciñanza, faremos a conta atrás para a iluminación desta gran árbore natural e despois haberá unha chocolatada gratuíta para todas as persoas asistentes”, sinalou Marga Pérez.

 

  • A edil de Cultura indicou que “a esta actividade e deste xeito podemos dar comezo oficial a estes días máxicos con unha programación deseñada dende este goberno con todo o cariño e con toda a ilusión para achegarnos ao maior número de veciños e veciñas deste concello e de todos aqueles invitados que de seguro acudirán en estes días o noso concello”.

 

  • A programación de Nacal inclúe teatro variado, con títeres con maxia ,con humor, con actividades deportivas, con actividades musicais a cargo do alumnado da escola municipal de música.

 

  • Está previsto tamén ofrecer diversión e actividades didácticas na ludoteca de Nadal para facilitar a conciliación nestes días de vacacións dos/as máis cativos/as.

 

  • Concello de Barbadás ofertará 50 prazas para nenos e nenas entre 3 e 12 anos, “para que todas as mañás as familias poidan acudir os seus traballos e estes nenos/as poidan ter momentos de diversión cos diferentes obradoiros que están programados”, comentou Marga Pérez.

 

  • A concelleira de Cultura resaltou que “este ano a nosa imaxe tan bonita que acompaña a toda a cartelería é obra de un cativo de 9 anos chamado Martín Carcacía González, un alumno de un dos colexios da Valenzá e que un dos catro gañadores do concurso que poñemos en marcha todos os anos dende a concellería.

 

  • A actividade de ocio comeza a vindeira semana xa con unha programación moi específica para todo o alumnado dos colexios, por eso será unha programación as 12:00 do mediodía, acudirán aquí o alumnado de infantil e primaria dos colexios para desfrutar de dúas grandes actuacións dirixidas especialmente para eles/elas “e na semana vindeira xa comezamos practicamente case todos os días con actuacións dirixidas a todo ese público familiar para que todos os nenos e as familias acudan”.

 

  • É unha programación deseñada para toda a familia con especial atención a os máis pequenos, “por eso xa contactamos con Papá Noel que nos confirma que acudirá dous días o noso concello o 22 e o 23 para facer primeiro unha recollida de cartas nos colexios e tamén para facer unha recepción na Aldea do Nadal que este ano é tamén unha novidade que presentamos a todos os nenos e nenas do noso concello para que a desfruten, na que eles aportaron tamén unha decoración especial realizada durante todas esas semanas no espazo infantil, ubicado na zona da Solaina”, apuntou Pérez.

 

  • As SSMM os Reis Magos tamén acudirán á invitación do Concello de Barbadás e permanecerán dúas días no concello que serán os días 3 e 4 de xaneiro, o 4 de xaneiro estarán en Diverlandia, unha actividade moi esperada por todos os nenos e nenas, temos 600 invitacións gratuítas para todos os que queiran acudir onde haberá un montón de inchables para todas as idades, onde estarán as SSMM os Reis Magos para repartir uns pequenos agasallos e onde ademais dos inchables pois terán distintas actividades como pintacaras e outros talleres.

 

  • “Por suposto dende O Caurel acudirá o Apalpador que este ano, é tamén como novidade e para facelo diferente, non existirá unha actuación como tal senón que percorrerá a rúa principal do noso concello saudando a cada un dos nenos e nenas e as familias e agasallando con este precioso libro que daremos de forma gratuíta a cada un dos nenos, que é unha historia do Apalpador moi entrañable para que eles e elas coñezan esta figura”, comentou Marga Pérez..

 

  • Por outra banda, para incentivar a decoración de Nadal a Concellaría de Comercio como outros anos puxo en marcha e está agora mesmo en prazo de inscrición, o Concurso de balcóns, portais e xanelas para toda a veciñanza para que colaboren con esa decoración e poidan obter un dos tres premios que ofrece este concurso.

 

  • Tamén temos o concurso de escaparates como outros anos, onde hai dúas categorías; a de hostalería e a de comercio e en total entre estes dous concursos vanse a repartir un total de 1750€.

 

  • Pérez anticipou unha novidade para este Nadal “e que nos fai especial ilusión, e pensamos que a todos os nenos e nenas do noso concello tamén lle vai facer especial ilusión, é a instalación dunha pista de xeo sintético de 180m2 que estará instalada da zona da Solaina, estará cuberta cunha carpa para poder desfrutar dela todos os días e a un prezo que consideramos un prezo popular para que así podan acudir todas as persoas, serán 3€ e incluirá o aluguer dos patíns para poder realizar a actividade e divertirse nesta pista de xeo sintético”.

 

  • Estará instalada a partir do día 23 de decembro ata o 8 de xaneiro en horario de mañá dende as 11:00 ata as 14:00 e de tarde de 16:30h a 20:30 excepto eses días especiais que o horario non será tan amplo, días 24, 25, 31 e 1.

 

  • Contamos con esa Aldea do Nadal, que é unha decoración extra que este ano colocamos a carón do espazo infantil onde tamén estará a casiña de Papá Noel para que todos os nenos máis pequeniños poidan acudir alí para ver a Papá Noel, darlle a súa carta e pedirlle os seus agasallos .

 

  • Pérez finalizou desexando que “con toda esta programación o que desexamos é facer unhas propostas de Nadal que sexan do agrado do maior número de veciños e veciñas e que desfruten nestes días con alegría e moita saúde”.

 

  • O rexedor de Barbadás, Xosé Carlos Valcárcel, sinalou que “hai unha simbiose entre o que é cultura e comercio, trátase precisamente de incarnidar o Nadal nesas actividades de ocio e cultura que deben aportar unha educación tamén os nenos e as nenas para avanzar na súa cultura precisamente, para potenciar e dinamizar as actividades culturais do noso concello”.

 

  • Destcaou o rexedor como novidades “a pista de xeo que é algo absolutamente novidoso no noso concello, tamén novidade é a casa de Papá Noel e a Aldea de Nadal”.

 

  • Valcárcel indicou que “queremos interactuar tamén cos comerciantes, co tecido empresarial e hostaleiro do noso concello precisamente con estas actividades de premiar as decoracións navideñas e polo tanto esa é a dinámica do noso concello, mesturar a cultura, educación, deporte e a actividade comercial e empresarial”.

 

  • O alcalde comentou que “como vedes é un programa que está cheo de actividades pero que engloban tanto a música como o teatro como o deporte. A Escola de Música de Barbadás terá diversas actuacións no noso concello, hai teatro, hai títeres, masterclass e Papá Noel e por suposto Reis Magos”.

 

  • É unha actividade navideña absolutamente chea de ocio, de desfrute e convidamos a todos os veciños e veciñas, os nenos e nenas do noso concello e por suposto a todas aquelas persoas que sexan de fora de Barbadás a que acudan aquí porque o van a pasar ben e van a desfrutar destas navidades.

 

  • Victoria Morenza, tenente alcalde e concelleira de Servizos públicos, sinalou que “hoxe presentamos e arrincamos co programa de Nadal 2022 – 2023, mantense a dinámica e a programación de outros anos e este ano como Concelleira de Servizos Públicos, dicirvos que a iluminación de Nadal vai ter en conta que é necesario o aforro enerxético, sobre todo nestes momentos de crise económica e nestes momentos nos que a enerxía ten un curso moi elevado, polo cal a iluminación na Valenzá apagarase moito antes, en lugar de apagarse as 7:00 da mañá como se apagaba antes, ás 00:00 ou 01:00 da mañá. Durante a noite permanecerá apagado, pero é unha medida de restricións enerxética”.

 

  • Hai que ter en conta tamén que todo a alumeado, tanto as microbombillas de led como as cintas de led son todas de baixo consumo, “polo tanto tampouco é un gasto excesivo o que se realiza. Como ben sabedes incrementouse nos últimos anos o alumeado de Nadal tanto nos pobos como na Valenzá, xa sabedes que para nos é importante, un símbolo a árbore natural que está no centro da Valenzá perfectamente iluminada, que é de grandes dimensións, crece ano a ano e iluminámola dende o concello para que sexa un símbolo, un referente onde a xente poda acudir”.

 

Programa de Nadal-2022_2-Concello de Barbadás

CONTENT-CAT.1710835008

Programa de divulgación do uso de composteiros no rural do concello de Barbadás

26/11/2022

Programa de divulgación do uso de composteiros no rural do concello de Barbadás

CHARLA INFORMATIVA DIRIXIDA ÁS PERSOAS QUE PARTICIPAN NO PROGRAMA DE RECEPCIÓN DE COMPOSTEIROS NO MEDIO RURAL EN BARBADÁS
  • Acto divulgativo de uso de composteiros ás persoas que solicitaron este elemento que forma parte do proxecto pioneiro na provincia de Ourense.

 

  • Asistiron á charla informativa medio centenar de persoas que forman parte do programa de compostaxe no medio rural. Ademáis de composteiros entregouse unha rexilla que servirá de base ao composteiro e un aireador.

 

  • A implantación do proxecto inclúe visitas técnicas para asesorar e realizar o seguemento do programa.

 

  • No acto estiveron o alcalde, Xosé Carlos Valcárcel, a tenente alcalde, Victoria Morenza e o concelleiro de Medio Ambiente, Rafael Sierra.

CONTENT-CAT.1710835008

Zona Franca apoia a Barbadás na localización de chan empresarial

25/11/2022

Zona Franca apoia a Barbadás na localización de chan empresarial

ZONA FRANCA DÁ APOIO TÉCNICO AO CONCELLO DE BARBADÁS NA LOCALIZACIÓN DE CHAN EMPRESARIAL 

O delegado do Estado, David Regades, reuniuse co alcalde, Xosé Carlos Valcárcel, e técnicos do Concello e do Consorcio.

 

A Zona Franca de Vigo dará apoio técnico ao Concello de Barbadás na localización de chan empresarial tras a petición do seu alcalde, Xosé Carlos Valcárcel, que mantivo unha reunión de traballo co delegado do Estado, David Regades, á que tamén asistiu a primeira tenente de alcalde, Victoria Morenza, así como técnicos municipais e do Consorcio da Zona Franca.

 

O delegado do Estado, David Regades, asegurou que “Zona Franca pode axudar ao Concello de Barbadás a enfocar as súas necesidades de chan porque temos unha experiencia de 75 anos desenvolvendo parques empresariais, que deron como resultado 8 millóns de metros cadrados para as empresas”. Neste sentido lembrou que “grazas a eses investimentos tan ben planificadas podemos dicir que a produtividade media por empregado das empresas instaladas en parques que desenvolve a Zona Franca é superior á media da contorna”.

 

Pola súa banda, o alcalde Xosé Carlos Valcárcel, sinalou que “para o goberno de Barbadás obter chan empresarial é unha das nosas prioridades”. Engadiu que “esta prioridade vén dada por factores que temos que poñer en valor, como son a nosa proximidade á capital, a existencia dunha boa rede de comunicacións e o noso dinamismo poboacional, caracterizado pola súa mocidade e nivel de formación. Sen esquecer o potencial do noso tecido comercial e empresarial”.

 

Zona Franca realizará un estudo inicial sobre as posibilidades de chan empresarial no municipio, de forma que sirva de base ao Concello para a elaboración dun estudo de demanda, primeiro paso para poñer en marcha a catalogación de chan empresarial.

 

Barbadás é un dos escasos concellos da provincia de Ourense que gañou poboación na última década e carece dun parque empresarial no que se poidan establecer empresas, que xa se interesaron polo municipio nos últimos tempos. A súa proximidade á capital ourensá permitiulle crecer e asentar poboación, o que lle converteu nun municipio atractivo para a actividade económica.

 

O delegado do Estado visitou Barbadás o pasado mes de xullo para reunirse con empresarios e emprendedores, que se interesaron por coñecer as ferramentas de Zona Franca Vigo para apoiar proxectos, o financiamento a través de Vigo Activo ou programas de aceleración e internacionalización. Froito daquela primeira toma de contacto xorde agora esta colaboración co Concello de Barbadás

1669378108255 99.32 KB

1669378107961 83.23 KB

1669378108130 79.17 KB

1669378108255 99.32 KB

CONTENT-CAT.1710835008

A asociación Porta da Cadea publica 25 anos de historia musical de Sobrado do Bispo e aldeas da contorna

18/11/2022

A asociación Porta da Cadea publica 25 anos de historia musical de Sobrado do Bispo e aldeas da contorna

Emprendemento en Barbadás

A presencia e historia da música, dos músicos e das músicas de Barbadás, non é unha lenda urbana: a actividade actual de bandas, gaiteiros e gaiteiras, grupos de pandeireiteiras , de canto, músicos e músicas que sacan o mellor de cada instrumento, e xa tamén charangas, son proba delo.

  • Nestes días temos “outra vaca no millo” e sae a luz o libro De bandas e xingros. 25 anos de historia da banda de música de Sobrado do Bispo. 1911-1936, editado pola asociación cultural de Sobrado do Bispo Porta da Cadea .

 

  • Juan Carlos Arias, vicepresidente deste colectivo cultural, explicounos que a publicación xurdiu pola información reunida entre veciños, fillos de músicos históricos, testemuñas orais directas e outras aportadas por veciños e veciñas ou atopadas en internet e nos arquivos do xornal local La Región.

 

  • A historia musical de Sobrado do Bispo chegou a contar don 2 ou 3 bandas de música activas a a un tempo, segundo puido sabelo autor, Juan Carlos. A primeira parte do libro está adicado precisamente a esas bandas. “Varios autores de investigacións arredor desta actividade musical situaron as primeiras bandas cara o 1915, pero parece que xa tocaban antes, dende 1911, baixo a dirección dun tal Pegerto ou Perfecto, e hai constancia dunha actuación no san Xoán dese ano”.

 

  • Tamén deu coa orixe da banda, que segundo “varias testemuñas orais, puido saír  da creba da que había en Moreiras (Toén), na que había músicos de Sobrado que parece que se fartaron de ir até alá a pé e decidiron formar banda propia”. A partires de 1914 aparecen tamén referencias a “voces de Sobrado dirixidas por Manuel Rego, e que son devanceiros do actual grupo Voces e Cordas , que hoxe dirixe Epifanio Nóvoa Valencia .

 

  • En Sobrado, e no resto das aldeas, a banda ensaiaba onde podía, normalmente na casa do que era director en cada momento. En Bentraces, os ensaios eran naquela época, no forno do Carril e na Rexidora, no caso de Sobrado, na casa do Ruque, na praza de San Xoán onde estaban o bar de Camilo e a tenda da Celsa, “aínda que o punto de referencia alí é a asociación de veciños” detalla.
Santa Ouxea /Santa Uxía (SanLourenzo de Piñor, Barbadás). Rúa do gaiteiro Luis Padrón, na que está a súa casa natal. Busto do gaiteiro no campo de Reza, na beira do río Miño. Rererenciado no libro "De bandas e xingros" de Sobrado do Bipos 1922-1936. 12/11/2022
Santa Ouxea /Santa Uxía (San Lourenzo de Piñor, Barbadás). Rúa do gaiteiro Luis Padrón, na que está a súa casa natal. Busto do gaiteiro no campo de Reza, na beira do río Miño. Referenciado no libro “De bandas e xingros” de Sobrado do Bispo 1922-1936. 12/11/2022. Foto Rosa Veiga

Alomenos dúas bandas en Sobrado

  • Na aldea de Sobrado houbo máis de 50 músicos, e partillábanse en dúas bandas, unha delas dirixida polo “Ruque” ( Adolfo Valdés) e outra polo “Cancio”. No período estudado por Juan Carlos, entre 1911 e 1936, a última actuación da que hai novas foi o 11 de xuño do ano en que comezou a Guerra Civil.

 

  • Os músicos das bandas traballaban onde podían, a metade deles nalgún dos circos activos como o valenciano Hervás,  o ourensán Feijóo  e o circo Monumental. “Así algúns deles quedaban contratados nas cidades polas que pasaba o circo, como un dos fillo do Ruque, que quedou en Avilés. Outros marcharon “a facela mili” e xa quedaban na banda militar “como ocorreu con outro fillo do Ruque, que era subtenente militar”, detalla Juan Carlos.

 

  • Os anos 20 e 30 foron de esplendor para a banda, e gañou certames tanto en Ourense como en Santiago de Compostela o que lle deu “certa fama”. Tódolos seus integrantes “eran labregos e eran etiquetados como os malvestidos, pois para as actuacións simplemente procuraban actuar con roupa semellante , e ás veces compartían traxe entre os músicos das dúas bandas”, engade.

 

  • Unha parte deles marchaban o venres para pórlle música a bailes de noite e sesión vermú toda a fin de semana, e outros quedaban en Sobrado para os bailes na praza do San Xoán e nalgúns bares da aldea. “O palco só se ocupaba cos músicos nos bailes dos domingos”, relata Juan Carlos. Precisamente ese palco está na portada do libro, pintado por Conchi Carbajo .
    Manuel Valdés Cid, músico fillo do "Ruque" que foi músico tamén e director da banda de Sobrado do Bispo., na rúa que leva o nome do seu pai e diante da casa familiar. foto Rosa Veiga (arquivo decembro 2020
    Manuel Valdés Cid, músico fillo do “Ruque” que foi músico tamén e director da banda de Sobrado do Bispo., na rúa que leva o nome do seu pai e diante da casa familiar. foto Rosa Veiga (arquivo decembro 2020)

Gaiteira Aurea e gaiteiro Luis Padrón

  • Na segunda parte do libro podemos coñecer até 115 músicos por orde alfabética e con referencias ós de outras zonas da provincia, que cadraron nalgún momento cos de Barbadás, entre eles os máis coñecidos da época como “Os trinta de Trives”ou “Os 40 de Castro Caldelas” ou a que podería ser a primeira muller gaiteira de Galicia, que formaba parte do grupo “As Marabillas”.

 

  • Neste apartado o período histórico amplíase e até hai músicos contemporáneos, como Mónica Atrio González,  Tania Blanco Arias, Cristina Blanco Cid, Erea Carbajales, Rosa María “Marita” Carballo García, Rafael Yebra Rivera ou o propio Ruque e os seus fillos…

 

  • Tamén coñeceremos músicos de Moreiras e o único gaiteiro presente neste libro: Luis Padrón Sotelo, nacido en Santa Uxía (a santa Ouxea medieval) en Piñor, fundador e músico que deu pulo a varios grupos e algunha escola. Lembrado hoxe cun busto no campo de Reza (paseo das ninfa), cunha rúa na súa aldea natal e co seu nome nun aula do IES Blanco Amor.

 

  • A asociación Porta da Cadea comeza así a que queren sexa unha serie arredor da historia musical de Sobrado, que terá continuidade.
Praza do San Xoán de Sobrado do Bispo, co palco de música e a esquerda o que foi o bar do Camilo que foi tamén tenda da Celsa, local de ensaio da banda, según o libro "De bandas e xingros".Foto Rosa Veiga
Praza do San Xoán de Sobrado do Bispo, co palco de música e a esquerda o que foi o bar do Camilo que foi tamén tenda da Celsa, local de ensaio da banda, segundo o libro “De bandas e xingros”.Foto Rosa Veiga

Presentación no “Fildaguiño”

  • O libro De bandas e xingros. 25 anos de historia da banda de música de Sobrado do Bispo 1911-1936 lembra tamén no seu título, á lingua dos músicos (o barallete) coa tradución da palabra “músicos” a esa lingua dos artistas e artesáns ambulantes.

 

  • Vai ser presentado o vindeiro domingo 20 de novembro no parque do Fidalguiño, en Sobrado do Bispo, con actuacións musicais de “Voces e Cordas”, “Vagalumes”, unha banda recomposta e efémera dos veciños e veciñas e co histórico José Caeiro Sueiro, que ten 81 anos e foi parte da Banda Municipal de Ourense e que asegura que neste día terá a súa derradeira actuación en vivo.

 

librobandasexingros1 353.92 KB
Asociacíon Veciñal de Sobrado do Bispo, berce das históricas bandas de música. Libro que recolle a historia musical de Sobrado e parte da súa contorna entre os anos 1911 e 1936. Foto Rosa Veiga

librobandasexingros2 755.57 KB
Santa Ouxea /Santa Uxía (SanLourenzo de Piñor, Barbadás). Rúa do gaiteiro Luis Padrón, na que está a súa casa natal. Busto do gaiteiro no campo de Reza, na beira do río Miño. Rererenciado no libro "De bandas e xingros" de Sobrado do Bipos 1922-1936. 12/11/2022. Foto Rosa Veiga

librobandasexingros3 729.98 KB
Manuel Valdés Cid, músico fillo do "Ruque" que foi músico tamén e director da banda de Sobrado do Bispo., na rúa que leva o nome do seu pai e diante da casa familiar. foto Rosa Veiga (arquivo decembro 2020)

librobandasexingros4 647.28 KB
Praza do San Xoán de Sobrado do Bispo, co palco de música e a esquerda o que foi o bar do Camilo que foi tamén tenda da Celsa, local de ensaio da banda, según o libro "De bandas e xingros".Foto Rosa Veiga

CONTENT-CAT.1710835008

Zeltia Outeiriño grava en Bentraces parte da historia da artesanía en Galicia tecida polos seus tíos Antonio e Concha

13/11/2022

Zeltia Outeiriño grava en Bentraces parte da historia da artesanía en Galicia tecida polos seus tíos Antonio e Concha

Emprendemento en Barbadás

Zeltia Outeiriño chámase así porque o seu tío e padriño Antonio convenceu aos seus pais para que lle puxesen ese nome “pola terra celta que é Galicia”, e porque Antonio era “un artista irreverente e galeguista” que finou cando a súa afillada tiña 14 anos e moitas gañas de saber máis del.

  • Así comeza a súa lembranza da historia familiar que a trouxo de volta a Galicia, dende Barcelona, para gravar en Bentraces un documental, co-producido pola barcelonesa Rigo Media  e a cooperativa Setemedia de Santiago de Compostela .

 

  • O documental, en formato longo, chamarase “Patarinos” e a poucos meses do seu remate, as produtoras teñen acordos co Agadic, ICAA e un acordo de pre-compra da Televisón Galega. Agora precisa completala financiación para rematar, cando xa ten gravado o 90% do material audiovisual.
Zeltia Outeiriño, artista audiovisual, no Camiño do Santiño, en Bentraces. 07/11/22
Zeltia Outeiriño, artista audiovisual, no Camiño do Santiño, en Bentraces. 07/11/22
Foto Rosa Veiga

Sempre Antonio como fío

  • A presencia de Antonio na familia deu pulo a moita curiosidade e actividade arredor da artesanía. Zeltia lembra que viaxaba moito coa súa irmá Concha (tía de Zeltia, artesá tecedora e mestra de tear) para “visitar as tecedoras de máis idade e aprender xeitos de traballo que se perderían cando faltasen elas porque ninguén se interesaba”, lembra.

 

  • Zeltia quedou con gañas de saber máis do seu padriño e do que fixeran os artistas-artesáns da súa familia, e falou e indagou en arquivos audiovisuais, ao tempo que vivía en Barcelona, onde foi pasar unha tempada e terminou  por vivir 20 anos “sempre coa idea de volver a Galicia”, subliña.

 

  • Dende hai anos  ela mesma é artista audiovisual, participa en proxectos sociais en Barcelona e nalgúns lugares de Iberoamérica, e leva uns anos “explorando o desarraigo, a procura de liberdade e a relación coas herdanzas”… e así volveu ao seu pasado e lembranzas familiares.

 

  • Ao chegar o seu 40 aniversario, unha crise “vital, afectiva e de desarraigo” trouxo a Zeltia a Barbadás onde gravou conversas coa súa nai. “Graveina moitísimo antes de que morrera, no tempo da pandemia”, sinala.

 

  • Entre idas e voltas a Barcelona, e coa pandemia como acelerante, pensou en como relacionar todo o que revivía, o gravado, o que lembraba e o que ía descubrindo.
Zeltia Outeiriño, artista audiovisual, no Camiño do Santiño, en Bentraces. 07/11/22
Zeltia Outeiriño, artista audiovisual, no Camiño do Santiño, en Bentraces. 07/11/22
Foto Rosa Veiga

Programas e desfiles na televisión pública

  • “Nos anos 80, coa súa actividade investigadora polas aldeas, meus tíos Antonio e Concha deron pulo a un oficio que parecía estar camiño da extinción, recolleron xeitos antigos de traballar e fixeron cousas novas con todo o que aprenderon. En toda a efervesciencia política e cultural daqueles anos en Galicia, eles enfocáronse na artesanía, na moda sen procesos industriais, e na consolidación da Asociación Galega de Artesáns”, relata con entusiasmo.

 

  • No ano 1986 segundo soubo Zeltia, houbo un desfile de moda dos Outeiriño no pazo de Bentraces, co que se fixo un programa televisivo co título Gris de Nube. Outros desfiles coas pezas de Antonio e Concha fixéronse na Coruña e o programa Metrópolis da 2 de TVE adicoulle  o programa “A. Outeiriño, diseño de moda” en 1986. Ese espazo de La2 segue a ser un referente no eido da arte contemporánea.

 

  • “A familia xiraba arredor das ideas e iniciativas de Antonio e sempre enchía a casa de festa”, segundo as lembranzas de Zeltia, que perdeu ao seu padriño canto tiña 14 anos. Ela mesma desfilou na Coruña vestida con roupa de “primeira comuñón”.

 

  • “Agora quero recuperar a súa memoria e teño máis do 90 por cento do material que preciso para facer unha longametraxe equilibrada, na que tecer todo arredor do triángulo da miña nai, o meu tío Antonio e eu mesma”, confesa a autora audiovisual.

 

  • A longa xa ten título, será “Patarinos”, o alcume do seu avó Pepe dende que, con tres anos, descubriu un niño nunha árbore e sinaloullo o seu pai para amosarlle un “patarino”, pois non sabía dicir paxariño. “Agora toda a familia somos os Patarinos de Bentraces”, engade con sorriso.
    “Encántame a metáfora obvia do Patarino que herdamos todos do avó Pepe, e tecela con Antonio e Conchi que aprenderon nunha aldea de Viana do Bolo a técnica portuguesa de tecer con plumas, e co meu xeito de vivir a miña familia, coas gaiolas, coa liberdade”, relata Zeltia.
Zeltia Outeiriño, artista audiovisual, no Camiño do Santiño, en Bentraces. 07/11/22
Zeltia Outeiriño, artista audiovisual, no Camiño do Santiño, en Bentraces. 07/11/22
Foto Rosa Veiga

Final en Bentraces en 2023

  • Asegura que en 2023 rematará a película, xa publicitada pola produtora barcelonesa, e será con “unha sesión de rodaxe na aldea de Bentraces”.

 

  • Para chegar a ese punto, Zeltia indagou no mundo da moda galega, antes descoñecido para ela, leuse teses doutorais da facultade de Belas Artes de Pontevedra e entrevistouse con Cristina Varela, profesora e autora dunha delas.
    “Ela non sabía do meu tío pero axudoume a coñecer máis, porque  levoume a pensar que a moda galega ía por un camiño de prêt-à-porter mentres o meu tío e Conchi estaban centrados na artesanía coa marca A. Outeiriño. De feito el dicía que  non facía moda senón teas, e tódalas súas andanzas no deseño de moda eran no marco da Asociación Galega de Artesanía, que comezaba a camiñar”.

 

  • Tamén se entrevistou con Xavier Moreda, o fundador da revista “Tintimán” en Vigo  que coñeceu a Antonio e foi o perruqueiro no seu desfile da Coruña.

 

  • Verémonos en Bentraces pois, en breve!!!

 

 

 

ZeltiaPatarinoBentraces1 231.47 KB
Zeltia Outeiriño, artista audiovisual, no Camiño do Santiño, en Bentraces. 07/11/22 Foto Rosa Veiga

ZeltiaPatarinoBentraces2 650.23 KB
Zeltia Outeiriño, artista audiovisual, no Camiño do Santiño, en Bentraces. 07/11/22 Foto Rosa Veiga

ZeltiaPatarinoBentraces3 307.56 KB
Zeltia Outeiriño, artista audiovisual, no Camiño do Santiño, en Bentraces. 07/11/22 Foto Rosa Veiga

ZeltiaPatarinoBentraces4 626.15 KB
Zeltia Outeiriño, artista audiovisual, no Camiño do Santiño, en Bentraces. 07/11/22 Foto Rosa Veiga

CONTENT-CAT.1710835008

A U.D. Barbadás loitou arreo mais non acadou o triunfo

12/11/2022

A U.D. Barbadás loitou arreo mais non acadou o triunfo

O encontro celebrouse hoxe, no estadio de O Couto de Ourense

O Real Valladolid Club de Fútbol fíxose coa vitoria no encontro de primeira volta, que mantivo esta tarde coa U.D. Barbadás

  • Os 90 minutos disputados entre a U.D. Barbadás e o Real Valladolid Club de Fútbol, na primeira volta destes dous equipos na competición da Copa do Rei 2022, déronlle o triunfo ao visitante.

 

  • Dous foron os goles asumidos polos branquiazuis, na primeira parte do encontro, pero non esgotaron as gañas e o corazón amosado polos nosos durante todo o partido.

 

  • Destacada  actuación do  porteiro do Barbadás, Borja Atanes, que non só plantou un cara a cara a Kike Pérez nunha perigosa xogada, senón que foi quen de pararlle un penalti na segunda metade.

 

  • Os seareiros branquiazuis encheron as gradas acompañando, todo o tempo,  aos nosos futbolistas, con cantos e mantras que resoaban en todo o estadio.

 

  • Aínda que os puntos foron para o equipo valisoletano, competidor en LaLiga,  a U.D. Barbadás, amosou unha vez máis,  a paixón, garra e coraxe, que poñen en cada partido.  #orgullobranquiazul

 

  • Desta non puido ser pero…. aínda queda a volta!

 

(Preme na imaxe para acceder á galería de fotos e vídeos do partido)

 

 

UDBarbadas 932.92 KB
Preme para acceder á galería de imaxes

UDBarbadas 932.92 KB

_2022-Banner-UD Barbadás 135.59 KB

IMG_5485 683.53 KB

CONTENT-CAT.1710835008

Xogadores da Unión Deportiva Barbadás estarán hoxe no stand do Concello en Xantar

10/11/2022

Xogadores da Unión Deportiva Barbadás estarán hoxe no stand do Concello en Xantar

UNHA REPRESENTACIÓN DO EQUIPO UNIÓN DEPORTIVA BARBADÁS ESTARÁ  ESTA TARDE NO STAND  DO CONCELLO EN XANTAR

A presenza de xogadores e presidente do clube pretende difundir o gran traballo do equipo de cara ao partido da Copa do Rei do sábado fronte ao Real Valladolid no estadio do Couto

Na recepción do equipo estará  unha representación do Concello de Barbadás e realizarase unha visita a diferentes stands de “Xantar”

 

  • Unha representación do equipo Unión Deportiva Barbadás estará esta tarde a partir das 20,00 horas no stand que o Concello de Barbadás ten no Salón Internacional de Turismo Gastronómico “Xantar”.

 

  • A presenza de un grupo de xogadores e do presidente do clube, Pablo Campelo, pretende recoñecer públicamente o gran traballo realizado polo clube durante anos.

 

  • A visita do clube Unión Deportiva Barbadás “ten como finalidade tamén transmitir ánimos e folgos a todo o equipo de cara a un partido da categoría do que se vai celebrar o sábado 12 de novembro no estadio do Couto ás 16,00 horas”, destacou Victoria Morenza, tenenete alcalde de Barbadás.

 

  • Na recepción do equipo estará unha representación do Concello de Barbadás e realizarase unha visita a diferentes stands de “Xantar”.

 

  • Pablo Campelo, presidente da Unión Deportiva Barbadás, salientou que “a alimentación é un dos tres piares do rendemento. Para acadar cotas de éxito e dar o mellor de sí, é imprescindible comer alimentos saudables que aporten os compoñentes necesarios para un rendemento óptimo.”

 

  • Campelo comenta que “os xogadores da UD Barbadás non somos profesionais, pero tratamos de coidarnos coma as estrelas da élite que teñen a sorte de facer desta fermosa afección á sua profesión. Nos temos que enfrontarnos a longas xornadas de traballo ou de estudio para chegar ó campo Municipal de Os Carrís e por a mellor cara nas nosas sesión de adestramento, cada día ás 21:00 horas. As xeadas o intenso frio ou a humidade instalada no Fortín Azul no son impedimento para que saquemos a mellor parte de cada un”.

 

  • Para o presidente do clube “representar ó Concello de Barbadás nun evento tan importante como O Xantar é un motivo de orgullo porque a alimentación de calidade e a diversidade culinaria representan unha riqueza que neste contrastado salón, se pon de manifestó”.

 

  • Ademáis, “acudimos, ás portas dun momento histórico para o noso Clube, ca disputa do encontro da Copa do Rei contra o Real Valladolid, un partido, no que o resultado é o de menos porque Barbadás xa gañou. Non obstante, deixaremos o listón alto e a comida do Xantar daranos impulso cando decrezan as forzas no bulleirento céspede do Couto”, sinalou Campelo

UD.Barbadás-Lugones SD. Copa do Rei 20/10/22
UD.Barbadás-Lugones SD. Copa do Rei 20/10/22
UD.Barbadás-Lugones SD. Copa do Rei 20/10/22
UD.Barbadás 2-Lugones SD 1. Copa do Rei 20/10/22
UD.Barbadás-Lugones SD. Copa do Rei 20/10/22
UD.Barbadás-Lugones SD. Copa do Rei 20/10/22
UD.Barbadás-Lugones SD. Copa do Rei 20/10/22
UD.Barbadás 2-Lugones SD 1. Copa do Rei 20/10/22
UD.Barbadás-Lugones SD. Copa do Rei 20/10/22
UD.Barbadás-Lugones SD. Copa do Rei 20/10/22
UD.Barbadás-Lugones SD. Copa do Rei 20/10/22
UD.Barbadás-Lugones SD. Copa do Rei 20/10/22
UD.Barbadás-Lugones SD. Copa do Rei 20/10/22
UD.Barbadás-Lugones SD. Copa do Rei 20/10/22
UD.Barbadás 2-Lugones SD 1. Copa do Rei 20/10/22
UD.Barbadás-Lugones SD. Copa do Rei 20/10/22
UD.Barbadás-Lugones SD. Copa do Rei 20/10/22
UD.Barbadás-Lugones SD. Copa do Rei 20/10/22
UD.Barbadás-Lugones SD. Copa do Rei 20/10/22
UD.Barbadás-Lugones SD. Copa do Rei 20/10/22

UD.Barbadás-Lugones SD. Copa do Rei 20/10/22 649.30 KB
UD.Barbadás-Lugones SD. Copa do Rei 20/10/22

UD.Barbadás-Lugones SD. Copa do Rei 20/10/22 728.40 KB
UD.Barbadás-Lugones SD. Copa do Rei 20/10/22

1668069193853 470.98 KB

UD.Barbadás-Lugones SD. Copa do Rei 20/10/22 676.68 KB
UD.Barbadás-Lugones SD. Copa do Rei 20/10/22

UD.Barbadás-Lugones SD. Copa do Rei 20/10/22 922.38 KB
UD.Barbadás-Lugones SD. Copa do Rei 20/10/22

UD.Barbadás-Lugones SD. Copa do Rei 20/10/22 888.62 KB
UD.Barbadás-Lugones SD. Copa do Rei 20/10/22

UD.Barbadás 2-Lugones SD 1. Copa do Rei 20/10/22 861.30 KB
UD.Barbadás 2-Lugones SD 1. Copa do Rei 20/10/22

UD.Barbadás-Lugones SD. Copa do Rei 20/10/22 843.14 KB
UD.Barbadás-Lugones SD. Copa do Rei 20/10/22

UD.Barbadás-Lugones SD. Copa do Rei 20/10/22 907.77 KB
UD.Barbadás-Lugones SD. Copa do Rei 20/10/22

UD.Barbadás-Lugones SD. Copa do Rei 20/10/22 706.62 KB
UD.Barbadás-Lugones SD. Copa do Rei 20/10/22

UD.Barbadás 2-Lugones SD 1. Copa do Rei 20/10/22 701.52 KB
UD.Barbadás 2-Lugones SD 1. Copa do Rei 20/10/22

UD.Barbadás-Lugones SD. Copa do Rei 20/10/22 727.08 KB
UD.Barbadás-Lugones SD. Copa do Rei 20/10/22

UD.Barbadás-Lugones SD. Copa do Rei 20/10/22 799.08 KB
UD.Barbadás-Lugones SD. Copa do Rei 20/10/22

UD.Barbadás-Lugones SD. Copa do Rei 20/10/22 627.94 KB
UD.Barbadás-Lugones SD. Copa do Rei 20/10/22

UD.Barbadás-Lugones SD. Copa do Rei 20/10/22 687.97 KB
UD.Barbadás-Lugones SD. Copa do Rei 20/10/22

UD.Barbadás-Lugones SD. Copa do Rei 20/10/22 584.70 KB
UD.Barbadás-Lugones SD. Copa do Rei 20/10/22

UD.Barbadás-Lugones SD. Copa do Rei 20/10/22 928.06 KB
UD.Barbadás-Lugones SD. Copa do Rei 20/10/22

UD.Barbadás 2-Lugones SD 1. Copa do Rei 20/10/22 716.46 KB
UD.Barbadás 2-Lugones SD 1. Copa do Rei 20/10/22

UD.Barbadás-Lugones SD. Copa do Rei 20/10/22 728.40 KB
UD.Barbadás-Lugones SD. Copa do Rei 20/10/22

UD.Barbadás-Lugones SD. Copa do Rei 20/10/22 792.07 KB
UD.Barbadás-Lugones SD. Copa do Rei 20/10/22

UD.Barbadás-Lugones SD. Copa do Rei 20/10/22 649.30 KB
UD.Barbadás-Lugones SD. Copa do Rei 20/10/22

UD.Barbadás-Lugones SD. Copa do Rei 20/10/22 579.66 KB
UD.Barbadás-Lugones SD. Copa do Rei 20/10/22

UD.Barbadás-Lugones SD. Copa do Rei 20/10/22 806.13 KB
UD.Barbadás-Lugones SD. Copa do Rei 20/10/22

CONTENT-CAT.1710835008

Barbadás segue a apostar polo deporte coa celebración do I Ciclocross Apersa Audi

09/11/2022

Barbadás segue a apostar polo deporte coa celebración do I Ciclocross Apersa Audi

Inscricións en www.ourensetermalcc.com e en www.fgalegaciclismo.es

BARBADÁS ACOLLERÁ O  I CICLOCRÓS APERSA AUDI O DÍA 19 DE NOVEMBRO A PARTIR DAS 13:30H.

 

A previsión é que as inscricións cheguen aos 300 ciclistas

 

As inscricións realízanse en www.ourensetermalcc.com e en www.fgalegaciclismo.es

 

  • Este mediodía tivo lugar a presentación do evento deportivo “I Ciclocross Apersa Audi Concello de Barbadás. No acto estiveron a tenente alcalde, Victoria Morenza, o delegado territorial de Deportes da Xunta, Manuel Pérez, e o concelleiro de Deportes, Abel Pérez. Tamén estiveron Alberto del Río, técnico da Federación Galega de Ciclismo, o presidente do Clube Ciclista Ourense Termal, Daniel Rodríguez, José Carlos Sanmiguel, corredor do clube e o principal patrocinador, Martín Manso, de Apersa Audi en Ourense.

 

  • Victoria Morenza, tenente alcalde de Barbadás, destacou que “unha vez máis Barbadás aglutina o interese polo mundo do deporte. Temos moitos eventos en torno ao mundo do motor, da montaña, do atletismo ou do fútbol. Mesmo este sábado temos un partido importante da Copa do Rei no estadio de O Couto.”
    Esta implicación “demostra que Barbadás aposta polo deporte e polo feito de que todos estes eventos que se celebran ao longo de todo o ano revirten na economía local e tamén na oferta de ocio e tempo libre para a veciñanza non só do concello de Barbadás senón tamén da cidade de Ourense e da súa contorna, que en numerosas ocasións se achegan aquí a Barbadás para desfrutar de toda esta oferta, neste caso deportiva, aínda que tamén temos oferta de tipo cultural e de lecer tamén moi ampla”.

 

  • Morenza agradeceu “ao Clube Ciclista Ourense Termal que elixira Barbadás para celebrar este primer evento en torno ao mundo do ciclismo e tamén ao voluntariado, á Policía Local, a Protección Civil de Barbadás que farán posible este ciclocrós na contorna do polideportivo de Barbadás”.

 

  • Manuel Pérez, delegado territorial de deportes da Xunta de Galicia en Ourense, asegurou que “como bien decía la teniente alcalde, Barbadás está de moda, el deporte está de moda. Hace poco estuvimos aquí presentando actividades de motor, esta semana es especial porque Barbadás con el equipo de fútbol que viene al estadio de El Couto, un partido en el que se van a a llenar las gradas, va a ser un auténtico espectáculo, va a sonar el nombre de Barbadás a nivel nacional con una competición de gran prestigio como es la Copa del Rey, después de la Liga”.

 

  • Pérez sinalou que “hay que agradecer este tipo de eventos que sólo son posibles porque las instituciones los apoyamos, el Concello en este caso, Xunta de Galicia pero también la aportación privada ya que sin el apoyo privado sería muy difícil porque las instituciones estamos un poco cumpliendo con nuestra obligación y responsabilidad apoyando este tipo de iniciativas pero que no serían posibles sin el patrocinio privado, que es totalmente desinteresado, una labor que intentaremos que se premie más cambiando ciertas normas de patrocinio para que con este tipo de iniciativas se puedar realizar eventos de gran nivel”.

 

  • Segundo o delegado territorial el Club Ciclista Ourense Termal está creciendo como club, esta prueba es nueva, es de mucha categoría que va más allá, es un evento deportivo de gran nivel de un deporte de moda como es el ciclocrós y va a ser un espectáculo hacerlo en el casco urbano de Barbadás”.
    Agradeceu á federación, “que ejecuta y apoya este tipo de iniciativas, gracias por concederle a Ourense esta oportunidad, que salga todo bien y estamos convencidos de que será todo un espectáculo”.

 

  • Abel Cortés, concelleiro de Deportes de Barbadás, reiterou “os agradecementos, sobre todo, a representación que temos aquí do principal patrocinador, e outros patrocinadores que temos dentro do concello porque sen eles tampouco sería posible un evento destas características, ao igual que os corpos de seguridade, protección civil, voluntariado…”.

 

  • Cortés apelou a que participantes e público “respecten as normas de seguridade e polo respeto este fin de semana”. Agradeceu tamén ao Club Ciclista Ourense Termal por elixir o concello de Barbadás para a realización desta proba “que é novidosa este ano e é unha continuación da aposta deportiva de Barbadás, e será o último gran evento deportivo do ano no concello”.

 

  • O concelleiro de deportes explicou que esta proba “é unha proba máis para levar o nome do Concello de Barbadás por Galicia, é unha proba do circuíto galego de ciclismo, e por España como as anteriores probas deportivas que se fixeron no concello”.
    Engadiu que “agardamos un gran retorno, unha gran afluencia de público pola expectación que xera a proba”.

 

  • Daniel Rodríguez, presidente do Clube Ourense Termal, reiterou os agradecementos ao delegado da Xunta, Manuel Pérez, ao Concello de Barbadás, a Apersa e á Federación.
    Rodríguez aseguron que “para nós é unha oportuniade como clube sempre e trataremos de facelo o mellor posible, non só competindo, senón organizando probas e o único que desexamos é que todo saia perfecto e que o Concello quede satisfeito e segan a  apostar polo deporte”.

 

  • Alberto del Río, técnico da Federación Galega de Ciclismo, reiterou os agradecementos a institucións públicas, a empresas privadas, que son importantísimas e ao clube, sobre todo.

 

  • Del Río resaltou que “o ciclocrós é realmente unha disciplina ciclista invernal que está tendo moito auxe a nivel nacional, estamos subindo e Galicia, que está sendo unha das potencias actualmente nacionais neste ámbito, tanto en organización de eventos como en deportistas. Todo elo grazas, sobre todo, aos clubes organizadores, aos equipos que teñen corredores como é Ourense Termal”.

 

  • A proba do I Ciclocrós Apersa Audi “é unha proba de carácter nacional. É unha proba punto 5 (3 3 punto 5), é a sexta proba da Copa de Galicia de ciclocrós que este ano está composta por 15 probas”.

 

  • Destacou que “terá unha repercusión bastante boa, sobre todo nesta época invernal que está moi parada nos concellos, atrae bastante público e creo que é favorable para os concellos o ciclocrós e máis se o levan ao centro da cidade que é un punto clave”.

 

1667991007254 400.03 KB

20221109_113558 246.16 KB

20221109_113512 356.00 KB

1667991062107 403.75 KB

CONTENT-CAT.1710835008

Barbadás estará por primeira vez en “Xantar” ofrecendo productos artesanais e potencialidades de natureza, música e deporte

08/11/2022

Barbadás estará por primeira vez en “Xantar” ofrecendo productos artesanais e potencialidades de natureza, música e deporte

Do 9 ao 13 de novembro de 2022, en Expourense

BARBADÁS ESTARÁ REPRESENTADA POR PRIMEIRA VEZ NUN STAND TURÍSTICO EN “XANTAR”

O público poderá degustar produtos típicos de Barbadás: mel, marmeladas, cervexa artesanal, repostería, produtos de beleza

O deporte tamén estará representado pola visita ao stand de xogadores da Unión Deportiva Barbadás, equipo que o día 12 xogrará un partido da Copa do Rei contra o Valladolid no estadio do Couto

O stand de Barbadás terá tamén animación musical coa presenza de músicos tradicionais de Nova Fronteira o venres e o sábado

  • O Concello de Barbadás terá presenza por primeira vez no Salón Internacional de Turismo Gastronómico que se celebrará entre os días 9 ao 13 de novembro.

 

  • O stand turístico ofrecerá unha variedade de produtos artesanais: mel, marmeladas, cervexa, repostería, produtos de beleza, purés e cremas de verduras e hortalizas.

 

  • O espazo de Barbadás ofrecerá aos/ás visitantes información turística sobre o municipio a través da difusión de un díptico onde se poden coñecer as potencialidades: a zona natural de O Pisco(Barbadás), a Fraga de Louredo (Santa Uxía), o Museo da Gaita de Fole e o Museo Etnográfico de Loiro.

 

  • No folleto turístico tamén se desgrana as potencialidades patrimoniais de Barbadás: igrexas, capelas e os 3 pazos, o de Bentraces, o de Lemos (San Lourenzo de Piñor) e o da Mitra (Sobrado do Bispo).

 

  • O novo folleto turístico especifica as posibilidades que existen no ámbito das rutas naturais. Un total de 9 rutas cos correspondendes códigos QR para realizalas: San Bieito de Cova do Lobo; Barbadás-Os Castros-Aponte; A Valenzá-O Tangaraño; A Valenzá-San Bieito; A Valenzá-Miradoiro do Miño-Piñor; Ruta por Barbadás; A Valenzá-A Botoureira; A Valenzá-Celanova e por último a da Fervenza de Barbadás.

 

  • No stand de Barbadás poderán coñecerse os produtos artesanais da empresa agroalimentaria Jofesa baixo a marca “Fit Fruit”: cremas de cabaza, de verduras, de cenoria, de allo porro e de calabacín. Tamén marmeladas cento por cento naturais: de cirola vermella, de fresa, gourmet tomate, extra de kiwi, de melocotón, albaricoque, cereixa, ou piña e mango. Tamén elaboran unha ampla variedade de purés de froitas para os/as máis cativos/as.

 

  • A cervexa A Esmorga e o Mel de Ousande e polen do mesmo productor tamén estarán presentes no stand promocional de Barbadás.

 

  • Ademais estará a Asociación Apícola de Galicia, con sede no Centro Empresarial Transfronteirizo, expoñendo a súa gama de produtos de beleza elaborados a base de mel. “Bela colmea”.

 

  • Estarán todos os días en horario de 12 do mediodía a 20,00 horas.

 

  • No apartado gastronómico terán presenza o finalista do concurso de pinchos “Barbadás a bocados”, Daytona. Tamén estarán representados os establecementos Toffee Glass, tenda e Pastelería Alento. Estará o domingo 13 de novembro entre as 13,00 e as 14,00 horas.

 

  • A tenda de repostería creativa Toffe Glass ofrecerá uns doces artesanais denominados “alfajorcitos” clásicos e con baño de chocolate. Estará o venres ás 20,00 horas.

 

  • A panadería e pastelería Alento ofrecerá unha representación de doces artesanais. Estarán o venres ás 19,30.

 

  • O deporte tamén estará representado pola visita ao stand de xogadores da Unión Deportiva Barbadás, equipo que o día 12 xogrará un partido da Copa do Rei contra o Valladolid no estadio do Couto. Estarán o xoves ás 20,00 horas.

 

  • O stand de Barbadás terá tamén animación musical coa presenza de músicos tradicionais de Nova Fronteira o venres e o sábado. Estarán o venres e sábado a partir das 19,30.

O Concello de Barbadás en Xantar 2022  

 

CONTENT-CAT.1710835008

Melloras en viais en Barbadás: reforma do pavimento na rúa Zama, en Piñor

07/11/2022

Melloras en viais en Barbadás: reforma do pavimento na rúa Zama, en Piñor

Mellorará a seguridade viaria e peonil na zona.

A MELLORA DA PAVIMENTACIÓN NA RÚA ZAMA, EN SAN LOURENZO DE PIÑOR, MELLORARÁ A SEGURIDADE VIARIA E A MOBILIDADE NESTA ZONA

 

  • O Concello de Barbadás, no seu afán de mellorar a seguridade viaria dos diferentes viarios onde se proxectan realizar as actuacións que vertebran ámbitos das diferentes parroquias do Concello, ve necesario a reposición de firmes dalgúns camiños ou viais existentes. Recentemente procedeuse ao asfaltado da rúa Zama, en San Lourenzo de Piñor.

 

  • A finalidade da intervención é conservar ou mellorar as súas características funcionais de seguridade, comodidade e mobilidade, así como a protección do conxunto do firme: aumento da durabilidade, impermeabilidade, uniformidade, especto, ectc.

 

  • A rúa Zama tiña tramos con defectos na súa plataforma que requeriron a súa demolición ou escarificación e posterior compactación e creación de un novo firme. Nos tramos onde non se atopaba danado o firme, proxectouse a solución de realizar limpeza enérxica superficial, eliminando os baches.

 

  • Ao longo da rúa Zama efectuouse a aplicación de unha execución do firme mediante o sistema de triple rego asfáltico.

 

  • O alcalde de Barbadás, Xosé Carlos Valcárcel, destacou “a importancia de executar pavimentacións no medio rural, fundamentalmente naqueles viais que presentaban un aspecto máis deteriorado. Tamén se pretende mellorar a mobilidade e a seguridade nesta rúa”.

 

  • A concelleira de Infraestruturas, Vías e Obras, Victoria Morenza, explicou que “esta actuación enmárcase nunha serie de proxectos de mellora de viais , reforma de parques e novas dotacións que empezaron a executarse hai unhas semanas e que redundarán na mellora de infraestruturas e da seguridade de peóns e automobilistas”.

 

  • O orzamento da reforma do pavimento na rúa Zama coa dotación de triple rego asfáltico ten un orzamento de 45.638 euros e foi executado pola empresa Viso e Hijos.

CONTENT-CAT.1710835008

O fútbol de Barbadás vive a 1ª Copa do Rei da historia e o capitán Toño Nespereira completa a súa en tódalas categorías

06/11/2022

O fútbol de Barbadás vive a 1ª Copa do Rei da historia e o capitán Toño Nespereira completa a súa en tódalas categorías

Deporte en Barbadás

O fútbol de Barbadás vive, neste outono, un capítulo inédito na súa historia: tras clasificarse para competir pola Copa do Rei (foi terceiro na Preferente Norte a pasada tempada. Agora é un dos 125 equipos da eliminatoria, e xogará nos vindeiros días o seu primeiro partido contra un equipo da Primeira División, o Real Valladolid.

  • Toño Nespereira Lage é o capitán do U.D. Barbadás dende hai 2 tempadas. Para el,  ese partido será tamén un fito na súa traxectoria deportiva pois completará a participación como xogador en todas as categorías futboleiras posibles da Liga española.

 

  • Lembra ter xogado moitos partidos na liga Rexional Preferente, tamén na que era a Terceira División, contra o Vilalonga, mesmo na que foi Segunda División B contra o Racing de Ferrol, ou na antiga Segunda División A contra o Celta de Vigo (nunha pretempada co C.D. Ourense) e o Depor da Coruña (nunha pretempada co Vilalba).
U.D. Barbadás no campo dos Carrís 03/11/22
U.D. Barbadás no campo dos Carrís 03/11/22
  • “Se xogo contra o Real Valladolid, será meu primeiro partido no que era a Primeira División, e desfrutareino con todo o equipo e a afección, que xa leva días mercando as entradas no campo dos Carrís”, detalla Toño.

 

  • O “capi” leva 5 tempadas xogando no U.D. Barbadás, na Preferente Galega Sur, e antes estivo no equipo de Bande no que tamén foi capitán. “Penso que teño ese papel porque con 32 anos estou entre os veteráns do equipo. Dáseme ben ser a conexión entre adestradores e xogadores. Penso que ás veces sáeme o de ser psicólogo cos compañeiros e sei falarlles tendo en conta as diferentes circunstancias de cada un deles”, engade.

“O bo ambiente é o 50% dun equipo”

  • Segundo o capitán, para que os xogadores sexan un equipo teñen que contar con que “o bo ambiente é o 50% e os adestramentos o outro 50%” así que síntese satisfeito de ser o capitán e contribuír nas dúas metades.

 

Adestramento U.D. Barbadás, nos Carrís. 03/11/22
Adestramento U.D. Barbadás, nos Carrís. 03/11/22
  • No que se refire á eliminatoria, Toño considera que gañarlle ao Lugonesxa foi un soño” . “Agora bromeamos con que despois do partido contra o Real Valladolid xa podemos retirarnos felices”, engade.
O capitán TOÑO NESPEREIRA e xogadores celebran un dos goles marcados no partido contra o Atlético Lugones, hai uns días, na Copa do Rei 2022
  • O equipo do Barbadás está formado por estudantes e traballadores, e “ninguén vive do fútbol, nin sequera o entrenador Agustín Ruiz”. Así que considera que,  “é un luxo” ter a posibilidade que desfrutarán o vindeiro 12 de novembro, ás 16,00 horas.

 

  • O campo dos Carrís non cumplimenta tódolos requisitos da eliminatoria (nin por características do céspede nin pola capacidade de acollida de afeccionados, segundo Toño) así que xogarase no veciño campo do barrio ourensán de O Couto.

 

  • Até ese momento, os integrantes do equipo seguirán cos adestramentos tres días á semana  durante hora e media cada un. E disputarán os partidos dominicais correspondentes (o vindeiro será contra o Castrelos de Vigo).

 

  • “Todos desfrutamos moito como xogadores, e no meu caso, vir entrenar a última hora da tarde despois dunha xornada laboral que comeza ás 6,00 horas, permíteme facer deporte, que é o que máis me gusta. E, nas horas que poidan quedarme libres do traballo, aínda  xogo o pádel, o ping pong ou fago algún outro deporte que requira físico”, subliña Toño.
    Toño Nespereira Lage, capitán do equipo de fútbol U.D. Barbadás. Campo dos Carrís 03/11/22
    Toño Nespereira Lage, capitán do equipo de fútbol U.D. Barbadás. Campo dos Carrís 03/11/22
  • No equipo que xogará contra o Real Valladolid podería estar algún xogador do Barbadás B, a maiores de calqueira do primeiro equipo, e, contará co adestrador Agustín Ruíz, o segundo adestrador “Figo” (Juan Carlos Figueiredo), o preparador físico, Roberto Abad…

 

  • Toño non quere esquecer a ninguén dos que estarán diante do Real Valladolid porque cre que, polo momento “só se pensa en desfrutalo como os demáis partidos” e que será despois cando se decaten do que supuxo ese momento para o equipo.
    “Nin eu nin os demáis sabemos o que será vivir esa experiencia, porque ningún de nós a pasou antes”, resume Toño.

 

  • E quen queira acompañalos nesa vivencia, que apure a mercar as entradas , por se acaso!!

 

 

Toñocapitan1 183.03 KB
Toño Nespereira Lage, capitán do equipo de fútbol U.D. Barbadás. Campo dos Carrís 03/11/22

U.D. Barbadás no campo dos Carrís 03/11/22 538.70 KB
U.D. Barbadás no campo dos Carrís 03/11/22

Toñocapitan3 321.34 KB
Toño Nespereira Lage, capitán do equipo de fútbol U.D. Barbadás. Campo dos Carrís 03/11/22

Entrenamento U.D. Barbadás, nos Carrís. 03/11/22 435.88 KB
Entrenamento U.D. Barbadás, nos Carrís. 03/11/22

Toñocapitan5 453.11 KB
CAPITÁN TOÑO NESPEREIRA Y JUGADORES CELEBRAN UNO DE LOS GOLES MARCADOS EN EL PARTIDO CONTRA ATLÉTICO LUGONES, HACE UNOS DÍAS, COPA DEL REI 2022

CONTENT-CAT.1710835008

Campaña de recollida de xoguetes para o Banco Solidario de Barbadás

05/11/2022

Campaña de recollida de xoguetes para o Banco Solidario de Barbadás

CAMPAÑA DE RECOLLIDA DE XOGUETES PARA O BANCO SOLIDARIO DE BARBADÁS

“Este Nadal xoguetes para todos e todas” é o título desta campaña solidaria promovida pola Concellería de Servizos Sociais

“O teu xesto é un sorriso!” é o espírito desta campaña solidaria de recollida de xogos e xoguetes

As doazóns, poderanse entregar,  desde o 14 de novembro ata o 28  de novembro  no polideportivo da Valenzá, na rúa Calzada Romana, de luns a venres de 10:00  a 13,00 horas e de 16,00 a 20,00 horas.

  • Este Nadal xoguetes para todas e todos” é a finalidade desta campaña solidaria promovida pola Concellería de  Servizos Sociais.

 

  • O teu xesto é un sorriso!” é o espírito desta campaña solidaria de recollida de xogos e xoguetes.

 

  • Como cada ano nestas datas tan entrañables, desde o Concello de Barbadas “cremos na importancia de manter a ilusión e os sorrisos dos mais pequenos. Con esta premisa naceu hai dous anos a campaña de “O teu xesto conta” da que tantos das/os nosas/os pequenas/os do concello se beneficiaron”, salientou o rexedor de Barbadás, Xosé Carlos Valcárcel.

 

  • Un ano mais, a Concellería de Servizos Sociais do Concello de Barbadas inicia unha campaña de recollida de xoguetes con destino ao Banco Solidario para levar a ilusión e sorriso a nenos e nenas neste Nadal.

 

  • A concelleira de Servizos sociais, Elisabet González Nistal, explicou “as/os pequenas/os poderán gozar de xoguetes, xogos, libros, etc que desexen doar outras familias para que o espírito do Nadal chegue a todos os fogares”.

 

  • Valcárcel indicou que “con esta iniciativa “buscamos que o xoguete sexa un elemento trasmisor de valores como a xenerosidade, a gratitude, a empatía e  facer conscientes a nenas e nenos da importancia que teñen e que estes valores formen parte do seu desenvolvemento como persoas”.

 

  • A concelleira de Servizos Sociais, Elisabet González Nistal, asegura que o obxectivo desta campaña é que, os pequenos das  familias máis vulnerables  do  concello de Barbadas, non queden sen o seu xoguete nunha noite tan enche de maxia, fantasía e ilusión para eles.

 

  • A cadea solidaria da campaña de doazón de xoguetes ten como finalidade “doar un xoguete”, sempre en bo estado, (quedan excluídos todo tipo de xoguetes bélicos) para contribuír a que os/as nenos e nenas poidan gozalos neste Nadal.

 

  • As doazóns, poderanse entregar, desde o 14 de novembro ata o 28  de novembro  no polideportivo da Valenzá, na rúa Calzada Romana, de luns a venres de 10:00  a 13,00 horas e de 16,00 a 20,00 horas.

 

  • Todos os xoguetes doados serán clasificados por idades e envolveranse, polos voluntari@s do Banco Solidario do Concello de Barbadas.

 

POLO DEREITO DE QUE TODOS O NENOS E NENAS TEÑAN  UN XOGUETE ESTE NADAL

 

 

CONTENT-CAT.1710835008

Programación en Barbadás para conmemorar o 25N

03/11/2022

Programación en Barbadás para conmemorar o 25N

Día Internacional da eliminación da violencia contra a muller

BARBADÁS PRESENTA UNHA AMPLA PROGRAMACIÓN PARA CONMEMORAR O DÍA INTERNACIONAL DA ELIMINACIÓN DA VIOLENCIA CONTRA A MULLER

Obradoiros, actividades divulgativas, teatro, reunións inter-institucionais e exposicións de pintura conforman o programa de Barbadás en torno ao 25N

A instalación do stand “Agresión off” abrirá a programación organizada pola Concellería de Igualdade e o Centro de Información á Muller de Barbadás

 

  • Hoxe ao mediodía tivo lugar a presentación da programación do 25N, Día internacional da eliminación da violencia de xénero, un abano de actividades que se desenrolarán en Barbadás ao longo dos meses de novembro e decembro.
  • O acto de presentación estivo presidido polo alcalde de Barbadás, o socialista Xosé Carlos Valcárcel. Estiveron Victoria Morenza, tenente alcalde, a concelleira de Igualdade, Elisabet González Nistal, a técnica de Igualdade do Centro de Información á Muller de Barbadás, María Armada, e a psicóloga do CIM, Mónica González.
  • O rexedor de Barbadás, Xosé Carlos Valcárcel, destacou que “para o noso goberno é unha prioridade absoluta ter presente este día, precisamente porque en relación á violencia de xénero está habendo un certo retroceso na concienciación e na importancia que ten esta situación”.
  • Valcárcel lamentou que sexa “unha lacra absoluta o que está ocorrendo coas mulleres en relación as agresións e á violencia e consideramos que é fundamental este día para precisamente traballar na prevención porque hai un ámbito, un campo ou un eido que hai que ter moi presente: a mocidade”.
  • Nas últimas enquisas “hai datos que indican que preto dunha cuarta parte da xuventude considera que a violencia de xénero non é un problema grave, non están concienciados e concienciadas desta situación, e temos que traballar na eliminación dos micro-machismos”, indicou Valcárcel.
  • O Concello de Barbadás está facendo un gran traballo neste ámbito, en este eido e precisamente porque hai non moito tempo hai un convenio subscrito coa Subdelegación do Goberno en relación coa violencia de xénero, detallou o alcalde. Destacou tamén o traballo que se está realizando dende o Centro de Información da Muller, un recurso propio do concello de Barbadás e que atende a moitas persoas incluso fóra do noso concello”.
  • Valcárcel resaltou que “cremos que a ideoloxía si que é importante neste ámbito, porque hai partidos políticos que están precisamente en contra de traballar no ámbito da violencia de xénero, polo tanto a concienciación, a prevención e de novo a sensibilización son fundamentais”.
  • A concelleira de Igualdade, Elisabet González Nistal, asegurou que “como todos os anos, unha vez mais, o Concello de Barbadás, súmase á conmemoración do día 25 de Novembro, Día internacional para a eliminación da violencia contra as mulleres, e con este motivo temos programadas unha serie de actividades ao longo dos meses de novembro e decembro”.

 

  • A primeira delas terá lugar mañá venres e consistirá na colocación dun stand informativo que ten como título “Agresión Off: eu digo non á violencia de xénero” que pretende formar e informar á poboación de Barbadás contra a violencia sexual. Estará situado nas inmediacións da rotonda da familia dende as 16:00h ata ás 22:00h.

 

  • O venres día 4 de novembro en xornada de tarde, concretamente ás 20:00h, terá lugar a inauguración da exposición de pintura “Disconformes…” de Ana Ferreiro na Sala de exposicións da Casa da cultura Manuel María e que se poderá visitar ata o día 9 de decembro.

 

  • Tamén o venres, día 18, na Casa da Cultura Manuel María teremos a oportunidade de desfrutar da obra de teatro “Golpes”. As invitacións poderanse retirar na Casa de Cultura nos días previos.

 

  • O sábado 26 de novembro, debido á gran demanda que tiveron estes obradoiros en edicións anteriores, volvemos a repetir a actividade de autodefensa para mulleres, que terá lugar na Casa da Mocidade ás 11:00h.

 

  • En decembro terá lugar a reunión ordinaria da Mesa de Coordinación Inter-institucional fronte á violencia de xénero do Concello de Barbadás, que coma sempre contará coa asistencia da Unidade contra a violencia de xénero da Subdelegación do Goberno, da Secretaria Xeral de Igualdade, con representantes das forzas e corpos de seguridade, dos centros educativos e sanitarios do concello, así como con representación dos servizos sociais de Barbadás e Taboadela e do Centro de Información á Muller. Será o venres día 2 de decembro ás 10:00h no Salón de Plenos do Concello. O obxectivo destas reunións é a coordinación entre todos os profesionais e as profesionais implicados/as na atención ás vítimas da violencia de xénero.

 

  • Ese mesmo día ás 20:00h na Casa da Cultura poderemos desfrutar novamente dunha representación teatral co título “Por unha peseta” da compañía Apatacón. Retirada de invitacións nos día previos na Casa da Cultura.

 

  • Concello de Barbadás continuará la liña de colaboración cos centros educativos da contorna, xa que dende o Concello de Barbadás “consideramos que o traballo coa infancia e a mocidade é fundamental de cara a acadar unha sociedade mais xusta e igualitaria e este traballo débese facer de forma continua”.

 

  • Nesta ocasión levaremos aos centros educativos uns obradoiros titulados “Quérote, Quérome”, que son unha proposta para a prevención da violencia machista entre a mocidade. Levaranse a cabo dende o 14 de novembro ata o 16 de decembro e están dirixidos ao alumando de 4º e 5º de Primaria do Filomena Dato e O Ruxidoiro e a 1º da ESO do Luis Vives e do Ferro Couselo.

 

  • E por último, o día 16 de decembro, ás 20:00h, teremos a inauguración de outra exposición de pintura que leva por nome “Acrílico sobre 50 sombras de Grey e Lorazepán”, arte contra a violencia de xénero da artista Ana Peaguda. A exposición poderase visitar ata o día 3 de xaneiro de 2023.

1667481380820 103.07 KB

2022-A3-25N 415.90 KB

1667481380502 175.33 KB

1667481380670 107.42 KB

1667481380820 103.07 KB

1667481380912 116.12 KB

2022-Banner- Presentación 25N 76.38 KB

CONTENT-CAT.1710835008

Presentación do Obradoiro dual de emprego Taboadela, Toén, San Cibrao e Barbadás

02/11/2022

Presentación do Obradoiro dual de emprego Taboadela, Toén, San Cibrao e Barbadás

O acto tivo lugar no Centro Empresarial Transfronteirizo de Barbadás

BARBADÁS, TOÉN TABOALELA E SAN CIBRAO PRESENTARON O OBRADOIRO DUAL DE EMPREGO

Os rexedores destacaron a colaboración institucional entre os concellos e a importancia deste tipo de iniciativas para fomentar o emprego e a inserción laboral

O Centro Empresarial Transfronteirizo de Barbadás foi o escenario no que se presentou esta mañá o Obradoiro dual de Emprego dos Concellos de Barbadás, Taboadela, Toén e San Cibrao.

  • O inicio do obradoiro contou coa presenza dos alcaldes de Barbadás, Xosé Carlos Valcárcel, Toén, Ricardo González e Taboadela, Alvaro Vila. O rexedor de San Cibrao, Pedro Fernández, non puido acudir por cuestións de axenda.
  • O rexedor de Barbadás, Xosé Carlos Valcárcel, explicou que “é unha oportunidade para a inserción no mundo laboral de todo o alumnado que participa nos obradoiros, dado que son dúas especialidades que teñen unha elevada demanda”.
  • Valcárcel fixo un “especial agradecemento os concellos de San Cibrao das Viña, Taboadela e Toén pola colaboración de poder levar a cabo un obradoiro entre catro administracións locais de distinto sino político, o cal demostra que os concellos traballan máis ala das ideoloxías”.
  • O Obradoiro dual de emprego contará con 1 director/a, 2 docentes e 1 administrativo e un profesor de educación básica.
  • Respecto ao alumnado, serán 20 os participantes contando cada obradoiro con 10 alumnos e repartidos entre os catro concello da seguinte maneira. Barbadás aporta 12 alumnos, Taboadela 4 e Toén e San Cibrao das Viñas 2 alumno por concello.
  • O obradoiro abrangue dous ámbitos didácticos:    
  • Actividades auxiliares en conservación e mellora de montes cunha duración total de 270 horas.
  • Operacións auxiliares de acabados ríxidos e urbanización cunha duración total de 340 horas.
  • Valcárcel detallou que mediante as obras preténdese acondicionar unha serie de camiños de gran valor natural e paisaxístico, así como os elementos patrimoniais asociados a estas vías rurais, co obxectivo de recuperar estes espazos para uso e goce dos veciños e de potenciar o paisaxe dándolle un complemento de beleza a lugares representativos”.
  • Ademais, estas actuacións incorporaríanse aos diferentes plans e estratexias municipais para facer fronte ao risco de incendios forestais. A limpeza e supresión da biomasa nos camiños diminuiría o risco de propagación e facilitaría os labores de extinción.

 

  • O alcalde de Toén, Ricardo González, deu a benvida ao alumnado a este segundo obradoiro de emprego. É é un pracer e unha honra, tamén unha responsabilidade poder colaborar con estas oportunidades de formación, de especialización e aportar oportunidades laborais a persoas coma vos que tendes interese en mellorar o voso currículo profesional e coller unha profesión tan demandada como dicía o alcalde hai uns minutos, como son os traballos de albanelería e finalización de cubertas ou traballos forestais”.
  • González agradeceu ao Concello de Barbadás “por levar todo o peso administrativo da xestión e coordinación deste obradoiro, e particularmente ademais do alcalde, á tenente alcalde, Victoria Morenza”. Agradeceu tamén á Xunta de Galicia “os recursos que pon enriba da mesa para que este obradoiro funcione con vinte alumnos durante un ano e que podades saír cunha formación suficiente e necesaria e sen presa para abordar as necesidades dos dous obradoiros individualmente”.
  • Por último, o rexedor de Toén destacou  “a colaboración entre concellos, é imprescindible polo custo que teñen estar formacións poder colaborar entre concellos e o final o que nos une é a poboación, son os veciños e son as oportunidades laborais que temos que potenciar e temos que traballar neste sentido sen mirar individualidades nin mostrar diferencias, senón todo o que nos une que o final é o servizo á cidadanía”.

.

  • En canto a Toén, “imos traballar no remate e na mellora dunha cuberta dunha instalación pública que agora mesmo ten algunhas deficiencias e tamén vamos a traballar no aspecto de mellora e desbroce de camiños que como sabedes somos un concello rural e temos varias rutas de sendeirismo e moitos camiños públicos, xa que temos 54 km2 de territorio e aí vamos a traballar tamén arreo para que entendades e poidades poñer en valor a formación tamén no ámbito da mellora forestal”, indicou Ricardo González.
  • Finalmente desexou ao alumnado e equipo coordinador “un ano de formación e de traballo práctico-teórico moi produtivo, que saiades moi fortes, que non haxa baixas durante o curso porque creo que esta formación e a titulación que ides a ter, creo que merece moito a pena para a saída laboral, así que moitos éxitos a todos e benvidos a este obradoiro”.
  • O alcalde de Taboadela, Álvaro Vila, destacou que “este obradoiro é unha colaboración entre catro concellos con plena sintonía para levar a cabo un investimento moi importante, neste caso da Xunta de Galicia, e quixera resaltar dúas cousas, con respecto o obradoiro que tivemos fai dous anos, este ano ten unha duración superior, antes eran nove meses, agora é un ano e tamén dicir que o collades con forza e con aproveitamento”.
  • No caso do concello de Taboadela, “a xente que participou no programa de hai dous anos, houbo unha importante inserción laboral da xente que participou, incluso un deles agora está traballando no concello. Non desaproveitedes a finalidade que ten que é en definitiva a inserción laboral”.
  • “No concello de Taboadela seguimos apostando dende o primeiro día que empezamos que foi para a recuperación do patrimonio hidrográfico e aí vamos a enfocar as actuacións, concretamente en dúas fontes e lavadoiros que temos o longo do concello que son o de Santa Leocaia, o de Palacio e o de Barrio e mellorar as rutas de sendeirismo e camiños rurais, recuperamos unha moi importante de camiños e seguimos apostando pola recuperación e a posta en valor dos camiños rurais
  • Finalmente deu os parabéns a todos/as seleccionados/as e invitounos e iniciar a nova senda formativa con ganas e pensade que a valoración dos monitores vai a ser importante para a hora de inserción laboral tanto en empresas como nos concellos correspondentes
  • Actuacións no Concello de Barbadás

Módulo albanelería:

Traballos de acondicionamento, conservación, mantemento e rehabilitación do lavadoiro público situado no lugar de As Quintas (rúa Roble). As obras teñen un marcado carácter de obra menor, e non perseguen un cambio de uso nin unha alteración estrutural da construción, senón máis ben preténdese a súa rehabilitación que, en ningún caso, será de carácter integral. Dentro do contexto da actuación, e en canto o conxunto que se desexa restaurar, podemos sinalar o lavadoiro e a súa canle de entrado como os elementos reseñables a preservar, propoñendo como obxectivo principal realizar un desmonte e retirada da cuberta de fibrocemento existente, incluíndo os piares metálicos, recuperando así a imaxe vernácula do lavadoiro de pedra e instalando unha nova cuberta de tella.

Módulo forestal:

Labores forestais de acondicionamento e mantemento de camiños que forman parte de roteiros de sendeirismo (e outras) sen modificar o estado natural do terreo.

  • Actuacións no Concello de San Cibrao das Viñas: 

Módulo forestal:

Labores forestais de limpeza e mantemento da accesibilidade de varios camiños de titularidade municipal na parroquia de Soutopenedo.

Os traballos resúmense en:

– Roza da vexetación adventicia.

– Retirada dos residuos xerados ao lugar indicado polo Concello de San Cibrao das Viñas.

  • Actuacións no Concello de Taboadela:

Módulo albanelería:

Labores de acondicionamento de varios elementos do mobiliario urbano que forman parte do Patrimonio municipal. En concreto, a actuación proposta pretende favorecer a conservación e mantemento de tres fontes e lavadoiros públicos, en sintonía co obxectivo de poñer en valor os bens públicos catalogados de propiedade municipal e tendo en conta que se sitúan na contorna urbana de núcleos rurais de poboación.

– Lavadoiro de Santa Locaia en el núcleo rural de Santa Locaia

– Fonte do Pazo de Saturnino Soutomaior en el núcleo rural de Palacio

– Fonte e lavadoiro de Barrio en el núcleo rural de O Barrio

Módulo forestal:

Labores forestais de limpeza e desbroce de tres camiños de titularidade municipal.

  • Actuacións no Concello de Toén

Módulo albanelería:

Labores de reparación e mantemento da cuberta do edificio da piscina municipal.

A cuberta do edificio presenta problemas no tellado de tella cerámica, consistente no desprazamento das tellas cerámicas curvas sobre as placas basee nalgunhas zonas, especialmente nos beirados, rotura dalgunhas pezas e deterioracións puntuais do morteiro en limas e cumbrera. Os traballos de  albanelería consistirán na retirada e posterior recolocación das tellas desprazadas, fixación con morteiro e masillas e substitución das tellas rotas e adheridas en limas e cumbrera.

Módulo forestal:

Labores forestais de limpeza e conservación  varios camiños municipais.

  • Cada concello realizará as aportacións correspondentes aos materiais e subministros para realizar as obras.
  • Investimento da Xunta:

503.987 euros.

2022 con 176.395,45 €

2023 con 327.591,55 €

1667398507952 340.60 KB

1667398508095 344.61 KB

1667398508190 336.47 KB

1667398508255 347.43 KB

1667398508316 260.02 KB

1667398508380 312.22 KB

CONTENT-CAT.1710835008

A asociación Agallas dá visibilidade e “papeis” a cans abandonados para buscarlles familias adoptivas

31/10/2022

A asociación Agallas dá visibilidade e “papeis” a cans abandonados para buscarlles familias adoptivas

Solidariedade en Barbadás

Laura Iglesias Álvarez, de Loiro, e Karina Diéguez Aparicio, da Valenzá, son parte da directiva da Asociación Agallas, que recolle cans e cadelas na canceira de Xinzo de Limia para darlles “papeis”, visibilidade e nunha familia humana adoptiva.

  • A asociación naceu en 2019 con varios cans pendentes de acollida, entre eles un chamado Agallas, que pasou a selo nome do colectivo e do seu refuxio canino nunha finca do Cumial, en San Cibrao das Viñas.
    “Viamos que os cans máis maiores podían pasar anos na canceira sen que ninguén os adopte  así que atendiámolos aparte, en principio, na residencia canina Aira Vella de Allariz, unha das fundadoras de Agallas”, lembra Laura.
    “Ocupámonos dos cans que son invisibles para a xente , como ocorre ás veces coas persoas de máis idade, porque necesitan coidados diferentes, ou porque están enfermos,ou porque teñen xa idade de avós”, concreta Karina.

 

  • Membros da asociación (normalmente Alberto),  visitan cada semana a canceira de Xinzo de Limia, coa que teñen convenio, fotografían os animais que entraron durante a semana e, ao cabo de 10 días, publican nas súas redes sociais os que teñen máis necesidade e posibilidades de ter unha familia adoptiva humana.

 

  • Agallas encárgase de facerlle ficha veterinaria e seguimento a todos en Quironvet  e Abros . Até un máximo de 10 están no seu refuxio do Cumial, os que xa precisan residencia indefinida están en Allariz (na residencia canina de Aira Vella), e para os que teñen petición de adopción fáiselles o trámite completo.
    “Os profesionais e colectivos locais cos que traballamos nos puxeron en contacto con outros que teñen as mesmas inquedanzas fóra de España e no ano 2021 as adopcións en Inglaterra, Alemaña, Francia, Suiza e Bélxica foron  75 en total ” detalla Karina. A esas engádense outras 49 adopcións  en Galicia e 25 máis no resto de España.

Asociación Agallas - Laura e Karina - Concello de Barbadás

Grazas a colaboracións e doazóns

  •   “En Europa, seica hai a idea de que en España abandónanse moitos cans e cadelas, e hai moita sensibilidade de axudar a que non queden sen familias, de feito, á canceira de Xinzo, e supoñemos que nas outras será igual, chegan aínda cans perdidos sen chip identificativo; outros abandonados recollidos polos axentes do Seprona, e sobre todo, algúns maltratados”, engade Laura.

 

  • O traballo en Agallas “require atención constante” según concordan Laura e Karina, que ademáis de desenvolver os seus traballos, atender á familia e coidar dos seus propios “peludos adoptados“, procuran colaboracións, poñen en marcha uns mercadiños “con pezas de artesanía que fan varias persoas colaboradoras tanto en tea, calceta ou impresora 3D”, sinala Laura.
    “Todo esto sería imposible se moitas persoas non colaboraran”, reflexiona Karina.  Hai familias implicadas, doazóns anónimas, aportacións de cómics, videoxogos, pezas de artesanía para a súa venda, e todo para poder sufragar os gastos da atención médica que precisan varios deles, o transporte internacional, o mantemento do refuxio do Cumial, o trámite de autorizacións para as viaxes de adopción fóra de España (disto encárganse  en Garatuxa, de Lugo, etc.

 

  • Por exemplo, algúns animais disparan o gasto veterinario pois requiren tratamentos especiais ou cirurxía complexa para a que contan con Imavet, de Santiago de Compostela.

 

  • Laura adoptou, entre outros cans e cadelas, a Ona,  despois de que pasara 5 anos na canceira.
    Naceu na canceira cos seus irmáns e nunca saíra dela, non sabía o que era nada fóra daquela instalación así que foi unha adopción complexa. Non se deixaba tocar nin agarimar pero defendía aos seus irmáns e, despois de pasar polo noso refuxio, e dándolle tempo, fixo banda arredor súa. Os seus irmáns tamén foron adoptados en Asturias e Ourense e hoxe,  chamámoslle Santa Ona, porque acepta a calquera animal ao seu carón”, relata Laura.

 

  • Pola súa banda, Karina adoptou hai 7 anos a Hospi, a través de Proanimais de Verín. “Tiña leishmaniasis con afectación en toda a súa pel. Estivera de hospital en hospital e moito tempo nunha clínica de acollida. Adaptouse enseguida á mina familia e hoxe ten 12 anos”.

 

  • Na lista de “avós”, sempre dispostos a ser adoptados, lembran a Clío. “Tivemos que recollelo varias veces porque fuxe do refuxio para volver cara Maceda”.

Laura e Karina - Asociación Agallas - Concello de Barbadás

Socios e socias, doantes puntuais e voluntarias

  • Karina destaca da labor da asociación que vai partillada entre as persoas do equipo “que é pequeno pero moi traballador”. Así, a maiores das dúas mozas de Barbadás, na xunta directiva están Alberto Rodríguez Plasencia, Alejandro Meno Fernández, Elena Gómez Pérez, Sheila González González, Montserrat Malvar Rodríguez  e María del Carmen Godoy Rodríguez.

 

  • Un grupo de 34 socios e socias participan con unha cota anual de 20€ que poden pagar dunha vez ou semestralmente. Hai doazóns puntuais “cando xurde a necesidade dunha intervención cirúrxica urxente e vital, que xa ten ocorrido”, subliña Karina.

 

  • E a maiores  conta cun grupiño de persoas voluntarias que axudan coas quendas no refuxio e, dende varios lugares de España, aportan “cachivaches” e complementos para vender nos mercadiños. Agora prevén instalalo no Nadal. Buscan un lugar acaído para facelo.

 

  • Se queres botar unha man dalgún xeito, mesmo dando casa a un destes cans e cadelas, ponte en contacto coa asociación. Teñen redes sociais (facebook, Instagram) e a plataforma “teaming”  para recadar fondos.

 

Laura e Karina - Asociación Agallas - Concello de Barbadás

 

CONTENT-CAT.1710835008

Estratexia de promoción da Saúde en Barbadás: presentación e mesa de traballo

28/10/2022

Estratexia de promoción da Saúde en Barbadás: presentación e mesa de traballo

BARBADÁS INICIA A SENDA PARA ELABORAR UN MAPA DE RECURSOS QUE TEÑAN UN IMPACTO POSITIVO NA SAÚDE E NO BENESTAR DA VECIÑANZA

Esta mañá tivo lugar a presentación da adhesión do Concello á Estratexia de Promoción da Saúde

Representantes veciñais, de servizos Sociais, Centro da Muller, Policía Local, Protección Civil, Urbanismo, colexios, farmacias participaron na mesa da traballo que significa o punto de partida para a iniciativa

  • Esta mañá tivo lugar a presentación da adhesión do Concello de Barbadás á Estratexia de Promoción da Saúde e Prevención no Sistema Nacional de Saúde.
  • A presentación foi o paso previo a unha mesa de traballo na que estiveron representados o alcalde, Xosé Carlos Valcárcel, a concelleira de Igualdade, Elisabet González Nistal, e a tenente alcalde, Victoria Morenza.
  • Á mesa de traballo asistiron representantes dos colexios (directora do colexio O Ruxidoiro, Elena Gayo), dos Servizos Sociais, , farmacias responsable da farmacia de Barbadás, Portal Martínez), policía, protección civil, policía local, asociacións de veciños de Loiro (Julia Garrido) e Fonsillón Carlos García) e da asociación Fonval Teresa Santos), así como do departamento de Urbanismo.
  • O Concello de Barbadas acordou no Pleno ordinario do pasado mes de xuño a incorporación á Estratexia de Promoción da Saude e Prevención no Sistema Nacional de Saúde, “o que facilitará a posta en marcha de actuacións específicas para mellorar a saúde e prevencion de enfermidades entre a poboación”, sinalou o alcalde de Babadás, Xosé Carlos Valcárcel.
  • Esta adhesión e a liña de traballo iniciada sitúa a Barbadás nunha rede nacional con gran experiencia e co respaldo da Rede Española de Cidades Saudables (RECS).
  • O rexedor explicou que “esta estratexia propón o desenvolvemento progresivo de intervencións dirixidas a promocionar a saúde, previr as enfermidades, as lesións e a discapacidade, e actuar de maneira integral durante todo o curso da vida”.
  • O obxectivo é incidir sobre factores como a actividade física, a alimentación, o tabaco, o alcohol e o benestar emocional, tendo en conta o territorio no que vive a poboación.
  • “A finalidade é que a poboación de máis idade manteña o maior nivel de autonomía durante o máximo tempo posible”, destacou Valcárcel.
  • As actuacións da primeira fase desta estratexia consisten en facilitar información, recomendacións e apoiar a cidadaníasobre cómo facer que os seus estilos de vida sexan máis saudables, incluindo a realización de actividades de promoción da saúde polas parroquias e a elaboración dunha guía cos recursos dispoñibles no territorio para promover estes hábitos.
  • Posteriormente “as accións chegarán tamén á poboación infantil, embarazadas, persoas maiores continuaremos desenvolvendo actividades específicas que melloren a saúde e a prevención da fraxilidade e caídas, por entender esta situación como un dos maiores riscos para adiscapacidade e dependencia nesas idades”, apuntou o rexedor.
  • Valcárcel apuntou que “estamos precisamente neste momento, da constitución e da presentación desta estratexia de ámbito nacional. Estamos nun momento en que o benestar emocional é algo que preocupa porque está xerando, incluso no noso concello, unha presenza de autolesións, intentos de suicidio que é alarmante e no ámbito estatal é importante”.
  • “O que pretende precisamente é actuar sobre todos estes hábitos que acabamos de mencionar, tamén para mellorar hábitos do día a día dos nosos veciños e das nosas veciñas para que melloren precisamente a súa calidade de vida”, remarcou o rexedor.
  • O coordinador do proxecto, Rubén Varela, comentou que “do que se trata é da adhesión do concello a unha estratexia nacional, a unha proposta que hai dende o Ministerio de Sanidade, que ademais vai encamiñada á consecución dos obxectivos do movemento sostible, concretamente o obxectivo tres de saúde e benestar”.
  • Marca un pouco as políticas e o traballo de moitos dos nosos ámbitos: saúde, protección civil, servizos sociais….. neste caso concreto ponse o foco sobre o tema de saúde e benestar”, apuntou Varela.
  • Para Varela “é certo que os concellos son a administración máis cercana e a que ten que dar certas respostas. Certas respostas limitadas porque evidentemente as atribucións en materia de saúde son as que son para un concello e a veces coa saúde centrámonos no centro de saúde, na parte médica pero hai outras cousas que si nos afectan tamén”.
  • O coordinador da iniciativa indicou que “ten razón de ser que estea aquí a policía local, protección civil que este organismo por exemplo ven porque cando falando de que o entorno sexa seguro tamén temos que pensar pois que o camiño dos nosos fillos ata o colexio ten que estar ben planeado e ben estruturado e que sexa seguro para previr accidentes e é unha forma da cuidar da saúde da nosa cidadanía, non é solo que non teña caídas na casa, que tamén, ou que tome medicamentos”.
  • A estratexia realmente xa non en Barbadás, senón a nivel nacional, nace da necesidade de que a poboación está envellecendo pero os seus últimos anos non ten a calidade de vida que desexaríamos, entón temos que traballar sobre esa cuestión, non vale que cheguemos os noventa anos de media si a partires dos setenta e cinco estamos con mala calidade de vida, o que queremos é que cheguemos os noventa, os cen ou os que sexan pero que cantos máis anos podamos estar con maior calidade de vida.
  • Este foi o punto de partida polo cal se propuxo esta estratexia a nivel nacional e polo cal vai aterrizando tamén nos concellos.
  • O concello de Barbadás, como plantexaba o alcalde, non é que esa cuestión de envellecemento sexa agora a súa prioridade pero si que a tendencia está cambiando.
  • Na mesa de traballo evidenciouse que en Barbadás a pirámide poboacional está mudando porque a nova evolución indica que hai un 18 por cento da poboación maior de 65 anos, unha franxa na que se concentra unha maior vulnerabilidade.
  • A mesa de traballo desenrolada esta mañá evidenciou que é necesario coordinar esforzos en materia de saúde, así como recuperar espazos públicos para a cidadanía.
  • Dende o ámbito do Urbanismo abordouse a necesidade de seguir traballando nunha ruta escolar segura, poñer en marcha o “aubobús peonil”, é dicir, un sistema mediante o que alumnado, pais, nais e voluntariado acudan dariamente aos centros escolares de xeito conxunto, favorecendo as relacións sociais.
  • Abordouse tamén a necesidade de organizar actividades encamiñadas a explicar o uso e as vantaxes dos elementos biosaudables que hai nas parroquias.
  • Esta mesa foi o punto de partida para elaborar un mapa de recursos que teñan un impacto positivo na saude e o benestar da veciñanza.
  • A reunión intersectorial de hoxe puxo puxo tamén sobre a mesa o amplo abano de recursos e actividades que xa existen a prol da saúde hoxendía en Barbadás: talleres de alimentación saudable, de risoterapia, espazos para a práctica deportiva, Paseo da Saúde, polideportivo, ximnasios, escolas deportivas, andainas, actividades para mellorar a saúde no ámbito rural, etc.

1666971345193 358.78 KB

1666971345326 318.89 KB

1666971345394 353.78 KB

1666971345449 311.34 KB

CONTENT-CAT.1710835008

Presentación do RallyMix Barbadás 2022

26/10/2022

Presentación do RallyMix Barbadás 2022

O evento terá lugar os días 29 e 30 de outubro a través de un percorrido que abrangue o pobo de Barbadás e A Valenzá.

A OITAVA EDICIÓN DO RALLYMIX DE BARBADÁS CELEBRARASE DURANTE ESTA FIN DE SEMANA E COMO NOVIDADE A META E O PARQUE PECHADO ESTARÁ NA VALENZÁ

A unhas horas de pecharse as inscricións hai 64 pilotos/as inscritos/as

 O evento terá lugar os días 29 e 30 de outubro a través de un percorrido que abrangue o pobo de Barbadás e A Valenzá.

  • A oitava edición do RallyMyx de Barbadás foi presentado hoxe ao mediodía nas instalación do polideportivo municipal. O acto de presentación contou coa presenza do alcalde de Barbadás, Xosé Carlos Valcarcel, Rosendo Luis Fernández vicepresidente da Deputación de Ourense,  Victoria Morenza tenente alcalde e Abel Cortés, concelleiro de Deportes.
  • Asistiron tamén á presentación do evento deportivo,  Manuel Pérez, xefe territorial de Deportes da Xunta, Javier Barja, tenente xefe de Tráfico, Iván Corrral, presidente da Federación Galega de Automobilismo, Elsa Barreiros, de Barreiros Consultores, Jano Fraga, presidente da Escudería Ourense e Juan Carlos Villanueva “Marabú”, promotor da iniciativa.
  • Pepe Samapayo, organizador do evento, destacou que “un ano máis, e xa van oito, estamos celebrando o RallyMix de Barbadás, a proba máis antiga de todas as de esta categoría que se celebran en Galicia”.
  • O evento terá lugar os días 29 e 30 de outubro a través de un percorrido que abrangue o pobo de Barbadás e A Valenzá.
  • As inscricións aínda están abertas, aínda que xa hai 64 pilotos/as inscritos/as. Os horarios e as características e itinerarios da proba serán publicados en canto estean pechadas as incrición no Facebook da “Escudería Barbadás”.
  • Xosé Carlos Valcárcel, alcalde de Barbadás, destacou que “este ano hai unha importante novidade neste evento porque o parque pechado estará ubicado na Valenzá, así como a meta, unha petición feita pola Escudería Barbadás, concretamente para a zona dos Amieiros, no entorno das piscinas municipais”.
  • O obxectivo deste cambio “é atraer máis público, de xeito que teña un retorno máis imporante que noutras edicións. Polo tanto o obxectivo é que haxa unha maior repercursión sobre o comercio de proximidade e a hostalería de Barbadás, debido á gran afluencia de espectadores/as que xenera este evento”.
  • Un dos motivos “polos que o goberno municipal de Barbadás colabora neste tipo de eventos deportivos pasa, por unha banda por potenciar o deporte, pero non menos importante é o aspecto económico que ten toda actividade que teña unha importante participación”, sinalou o rexedor.
  • Estes eventos “representan un enorme revulsivo para o tecido empresarial de calquera concello. Quero agradecer sobremaneira o traballo que realizan Policía Local e os voluntarios de Protección Civil de Barbadás así como da Garda Civil, e, por suposto a todo o equipo da Escudería Barbadás e ao voluntariado que colabora na organización e desenrolo do evento”, explicou Valcárcel.
  • O Concello, ademais da aportación económica, colabora cos efectivos antes citados e tamén no desbroce e recuperación de pistas e camiños tanto para os participantes como para o público en xeral, detallou o primeiro edil de Barbadás.
  • A Escudería Barbadás fai un gran esforzo para poder traer un evento de primeira categoría a Barbadás e o Concello quere trasladar que pretendemos seguir colaborando como ata de agora, apuntou Valcárcel, engadindo que “falamos dun evento que ten unha gran repercusión no mundo do motor a nivel de toda Galicia”.
  • Este goberno de Barbadás está apostando forte polo mundo do motor, sexa a catro ou a dúas rodas, como o temos demostrado traendo tramos do Rally de Ourense ou a recente proba de motocros e nos vindeiros día presentarase unha proba de ciclocross”, comentou Valcárcel.
  • O obxectivo do Concello de Barbadás é colaborar para ofrecer a veciños e veciñas un amplo abano de eventos deportivos de gran nivel diversificando tamén o tipo de deporte.
  • O vicepresidente da Deputación, Rosendo Luis Fernández, indicou que sen as institucións como Deputación ou Inorde este tipo de probas serían inviables.
  • Fernández destacou que “chegamos a octava edición do RallyMix de Barbadás e vemos que é para o campeonato de Galicia e esto ten un mérito importante porque estamos dende Ourense, dende Barbadás concretamente facendo probas automobilísticas que teñen repercusión galega”.
  • Rosendo Luis Fernández, asegurou que “como ben dicía o alcalde Valcárcel, hai un retorno, pero nós o facemos dunha forma máis ambiciosa, estamos creando un ecosistema deportivo automobilístico en Ourense, fixaivos ben, se celebrou noutros puntos da provincia, por suposto o Rally de Ourense, estamos en Barbadás, esto crea un ecosistema deportivo dunha cidade e dunha provincia de por sí xa con grande afición e moito aficionados ao automobilismo, polo tanto creo que estamos creando e dinamizando e participando e promocionando o territorio a través de probas deportivas, en este caso automobislísticas.”
  • Iván Corral, presidente da Federación Galega de Automobilismo, asegurou que non faría xustiza, teño que facela neste acto, de toda a xente que está aquí, tecido organizativo, os corpos e forzas de seguridade do Estado, Tráfico que sempre nos arroupa, Protección Civil, Policía Local. Escudería Ourense, escudería Barbadás, a Diputación, como non , eses sponsors sen os que non poderíamos completar os presupostos”.
  • O impulsor e “alma mater” do RallyMix de Barbadás, Juan Carlos Villanueva “Marabú”, destacou “o esforzo de moitas persoas para organizar este evento deportivo que xa ten unha sona a nivel galego e máis alá da comunidade galega”.

 

1666797478707 254.52 KB

1666797478707 254.52 KB

Rally mix Barbadás 403.14 KB

CONTENT-CAT.1710835008

A charanga BBB, única de Barbadás, foi a primeira en organizar en Galicia un festival de charangas

22/10/2022

A charanga BBB, única de Barbadás, foi a primeira en organizar en Galicia un festival de charangas

Emprendemento en Barbadás

Miguel Gómez Barja, Aldara Atanes Román e Alejandro López Fernández son amigos e residentes na Valenzá, aparte de compañeiros na Escola Municipal de Música de Barbadás dende a infancia… vamos que levan anos tocando xuntos, cada un seu instrumento: Miguel é o do saxofón, Aldara  toca o trompa e Alejandro ten a trompeta na man.

  • A historia musical dos tres comezou por separado en diferentes momentos das súas vidas e acabaron por cadrar na escola musical cando tiñan entre 7 e 11 anos. Alí formouse unha “Banda cultural de Barbadás” e o profesor e clarinetista Celso Nieto animounos a preparar unhas partituras para o Entroido cos instrumentos propios das charangas: bombo, clarinete, saxofón, trompeta, trombón e percusión.
    “Éramos 13 e tocamos no desfile dese ano e xa para o seguinte verán Xavi Teixeira animounos a dar o seguinte paso e comezar a facer bolos”, explica Miguel.

 

  • Alejandro lembra que aquel foi o momento de buscarlle un nome á banda musical. “Pensamos en Solfamidas, pero estaba collido e rematamos co nome Charanga BBB, as B non eran nada concreto para nós aínda que cadaquén lle busca o seu sentido, e puxémosllo porque en Galicia lévanse os nomes con tres letras”, engade.
Festival de Charangas - A Valenzá - Barbadás. Charanga BBB
Miguel Gómez Borja, Aldara Atanes Román e Alejandro López Fernández, músicos e organizadores do Festival de Charangas da Valenzá, que leva dúas edicións. foto Rosa Veiga

Músic@s de Barbadás, e máis

  • Dende aquel comezo, segue Aldara, cambiaron o repertorio “típico de charanga” por temas máis variados con arranxos de Alejandro, e con ensaios organizados por Miguel e Juan Domínguez (este último xa non está no grupo).

 

  • No ano 2019 tiveron moita “actividade” con 15 ou 20 “bolos” durante o verán, “sobre todo pola provincia de Ourense”, lembra Alejandro, e incluso en Lubián (Zamora) onde tocaron o himno galego nunha misa, entre outros “temas”.

 

  • Durante o confinamento  ensaiaron e pensaron en avanzar máis. “Comezamos a facer temas propios, encargar versións e mercamos algún tema a arranxistas profesionais de Valencia”, relata Miguel.
    “Fomos paso a paso e hoxe, a charanga xa é coñecida polo nome pero moitos veciños non saben que somos da Valenzá, e somos a única de todo Barbadás”, engade Aldara.

 

  • Entre os 12-14 integrantes, hainos tamén de Rante (S. Cibrao das Viñas), Ribadavia, Tibiás (Ourense), O Carballiño… E entre as curiosidades, a trompa de Aldara, un instrumento pouco habitual nas charangas.

 

  • O repertorio conta xa con máis de 50 temas cos que tentan adaptarse a calquera tipo de público, dende o que busca temas máis bailables (pasodobres), aos que prefiren música anos 80 (Alaska, la Pegatina, Fito y los Fitipaldis, Maniac…).

 

  • Cada un deles ten os seus favoritos, así Miguel lembra “Mari Carmen” porque é moi animada ou “La mujer del pelotero” de Merenglass, mentres que Aldara sinala “Technomanía” porque ten “uns arranxos moi completos”, e Alejandro destaca “Mentirosa” de Ráfaga, tema arranxado por Miguel e no que Alejandro “sempre triunfa” porque é o solista da trompeta.
Festival de Charangas - A Valenzá - Barbadás. Charanga BBB
Miguel Gómez Borja, Aldara Atanes Román e Alejandro López Fernández, músicos e organizadores do Festival de Charangas da Valenzá, que leva dúas edicións. foto Rosa Veiga

Festival para ampliar horizontes

  • Miguel rememora o momento en que acordaron dar pulo e organizar o primeiro festival de charangas da Valenzá en 2021, e de Galiza naquel momento.
    “Queríamos tocar máis e traer máis música e tras atopar a fórmula administrativa a través da Asociación Ritmos Musicais de Barbadás, fixemos un primeiro programa con 4 charangas no primeiro ano (2021), e de 6,   de toda a provincia de Ourense, para este segundo que foi  en dous días de setembro de 2022”.

 

  • O da Valenzá, foi o primeiro festival de charangas convocado en Galicia, onde comeza a haber concursos e outro tipo de encontros, como a primeira edición de 2022 do concurso de Salceda de Caselas, onde estivo a BBB , ou o festival de Cora (A Estrada) tamén estreado neste 2022.

 

  • Durante o resto do ano, eles tres e varios músicos máis da charanga BBB, son estudantes e forman parte de outras charangas con actividade semiprofesional (entre elas con “Fuego”).

 

  • A charanga BBB tivo actuacións durante o verán e algúns “bolos” de outono,  como o de fai uns días na ruta das bodegas de Punxeiros. Tamén comezan a verse preparados para ir ó festival-concurso nacional de charangas que leva 8 edicións en Burgos.  “Temos gañas de participar” sinala Miguel.

 

  • A III edición do Festival de Charangas da Valenzá será para 2023 e xa está plantexada dende o concello, segundo os músicos organizadores. Queda menos dun ano.

 

Festival de Charangas - A Valenzá - Barbadás. Charanga BBB
Miguel Gómez Borja e Alejandro López Fernández, músicos e organizadores do Festival de Charangas da Valenzá, na rotonda da Familia (A Valenzá).
Festival de Charangas - A Valenzá - Barbadás. Charanga BBB
Miguel Gómez Borja, Aldara Atanes Román e Alejandro López Fernández, músicos e organizadores do Festival de Charangas da Valenzá, nas rúas de A Valenzá.

 

 

 

Festival de Charangas - A Valenzá - Barbadás. Charanga BBB 250.60 KB
Miguel Gómez Borja, Aldara Atanes Román e Alejandro López Fernández, músicos e organizadores do Festival de Charangas da Valenzá, que leva 2 edicións. foto Rosa Veiga

Festival de Charangas - A Valenzá - Barbadás. Charanga BBB 494.73 KB
Miguel Gómez Borja, Aldara Atanes Román e Alejandro López Fernández, músicos e organizadores do Festival de Charangas da Valenzá, que leva 2 edicións. foto Rosa Veiga

festivalcharangas5 581.96 KB
Miguel Gómez Borja, Aldara Atanes Román e Alejandro López Fernández, músicos e organizadores do Festival de Charangas da Valenzá, que leva 2 edicións. foto Rosa Veiga

Festival de Charangas - A Valenzá - Barbadás. Charanga BBB 675.72 KB
Miguel Gómez Borja, Aldara Atanes Román e Alejandro López Fernández, músicos e organizadores do Festival de Charangas da Valenzá, que leva 2 edicións. foto Rosa Veiga

Festival de Charangas - A Valenzá - Barbadás. Charanga BBB 442.16 KB
Miguel Gómez Borja, Aldara Atanes Román e Alejandro López Fernández, músicos e organizadores do Festival de Charangas da Valenzá, que leva 2 edicións. foto Rosa Veiga

Festival de Charangas - A Valenzá - Barbadás. Charanga BBB 581.96 KB
Miguel Gómez Borja, Aldara Atanes Román e Alejandro López Fernández, músicos e organizadores do Festival de Charangas da Valenzá, que leva 2 edicións. foto Rosa Veiga

CONTENT-CAT.1710835008

Plan pioneiro en Barbadás para a materia orgánica

21/10/2022

Plan pioneiro en Barbadás para a materia orgánica

Presentouse nunha carpa de información e divulgación do Plan de Xestión para a Materia Orgánica

BARBADÁS PON EN MARCHA UN PROXECTO PIONEIRO NA PROVINCIA DE OURENSE PARA A RECOLLIDA DO LIXO ORGÁNICO

Hoxe ao mediodía presentouse nunha carpa de información e divulgación o Plan de Xestión para a Materia Orgánica do Concello de Barbadás

  • Unha carpa situada na glorieta da familia foi o punto de partida de un proxecto pioneiro na provincia de Ourense, a recollida e transporte de bioresiduos. A presentación da iniciativa tivo lugar este mediodía e interviron, o alcalde de Barbadás, Xosé Carlos Valcárcel, a tenente alcalde de concelleira de Servizos Públicos, Victoria Morenza e o técnico de Medio Ambiente do proxecto, Manuel Pan.

 

  • O rexedor de Barbadás, o socialista Xosé Carlos Valcárcel, indicou que “o obxectivo desta convocatoria é presentarvos a campaña “Ti tes a chave”,unha campaña que promove a posta en marcha dun plan de xestión para a recollida da materia orgánica para a compostaxe no noso concello, así como a implantación do colector marrón que xa vistes antes e que será de aplicación en breve e que estará na rúa”.
  • Este proxecto “está destinado agora mesmo a 700 familias que poderán participar na recollida separada de materia orgánica e para eso o concello adquiriu cubos aireados de 10 litros de capacidade e 100 atados de bolsas compostables, irá acompañado dun folleto explicativo e unha chave que será entregada a cada unha das persoas que queiran participar neste proxecto e unha campaña explicativa que se fará o longo do que queda deste ano e do ano que vén”, explicou Valcárcel.
  • Para abrir o colector marrón “necesitaremos unha chave que permitirá abrilos e así conseguir un reducido número de impropios que nos permitirá despois trasladar esta materia orgánica dos colecctores e levala a unha planta de compostaxe”, detallou o rexedor.
  • Esta acción “vai dirixida tamén ao rural e a aquelas familias que teñan unha parcela de superficie igual ou superior a 50 metros cadrados poderán solicitar un dos 150 composteiros individuais que están a disposición da cidadanía e recibirán as visitas dos mestres composteiros que llo montarán e  explicarán como poñelo en funcionamento para así conseguir un compost de calidade que poderán aplicar o cabo dunha poucas semanas os seus propios cultivos e utilizalo como abono”, sinalou Xosé Carlos Valcárcel.
  • As persoas que queiran darse de alta neste proxecto poderán facelo a través da páxina web do concello barbadas.es , nas oficinas municipais da Valenzá no 988 39 31 68 ou no Concello no 988 36 00 00.
  • A tenente alcalde e concelleira de Servizos Públicos, entre os que se atopa a recollida de lixo, Victoria Morenza, apuntou que “para nós este proxecto é moi importante porque é pioneiro na provincia de Ourense. Con esta iniciativa preténdese sensibilizar á cidadanía das vantaxes de utilizar a fracción de materia orgánica e así o diminuír o contido total do lixo que xeramos melloramos a eficiencia económica do concello e o mesmo tempo diminuímos a cantidade de lixo que vai a Sogama”.
  • Morenza explicou que “as persoas que desexen participar neste proxecto teñen que facelo constar deste xeito para adherirse, entregaránselle uns cubos, un lote de bolsas e a chave. Colocaranse 50 contedores marróns na Valenzá e elíxese este tipo de sistema porque son edificios nos que vive moita xente que pode participar e tamén reducir e, sobre todo, porque este sistema está pensado para zonas urbanas”.
  • A entrega de composteiros no medio rural é unha iniciativa que xa iniciou o Concello de Barbadás hai 3 anos aproximadamente. Ata o momento xa se entregaron sobre 100 composteiros, unha entrega enmarcada nunha subvención do Ministerio de Medio Ambiente. Coa posta en marcha desta iniciativa de bioresiduos vanse entregar outros 150 composteiros. “Do que se trata é de incentivar no medio rural o tratamento da materia orgánica, evitando que vaia o contedor verde e deste xeito diminuír a cantidade de lixo, así como posibilitar o uso dos composteiros para a elaboración de abono”.
  • O Plan de Xestión da Materia Orgánica de Barbadás abrangue tamén unha campaña de dinamización e de sensibilización que se realizará nos vindeiros meses en tanto que o sistema poñrase en marcha a principios do vindeiro ano. Nos orzamentos recollerase unha contía que corresponde á recollida e transporte da materia orgánica que se recolla aquí en Barbadás vaise levan a unha planta”.
  • Na actualidade a Xunta non ten esta planta de tratamento e a planta máis próxima a Barbadás de estas característica é unha planta que está situada en Leiro.
  • Morenza indicou que “está claro que nos o proxecto ímolo por en marcha o vindeiro ano e imos incluír unha cantidade nos orzamentos porque a posta en marcha deste proxecto require unha aportación municipal importante, sobre todo para a recollida e o transporte”..
  • Valcárcel engadiu que “na páxina do concello hai un enlace no que se indica como se debe proceder ao tratamento de residuos por parte dos veciños e das veciñas a efectos de que teñamos unha calidade en canto a recollida de lixo mellor e que se apliquen as recomendacións que se fan do uso do cartón, do uso do contedor amarelo, do azul e do verde de forma correcta”.
  • En Barbadás as porcentaxes de separación de residuos (un total de 523.515,38 quilos), a recollida selectiva do contedor amárelo supuxo un 32,44 %, o vidro un 31,24 %, os residuos voluminosos un 10,24 %, a roupa usada un 4,82 por cento, o aceite vexetal un 1,19 % e os tapóns solidarios un 0,15 %.
  • A posta en funcionamento deste tipo de iniciativas “é unha cuestión máis ben ambiental e de concienciación da veciñanza. Son os obxectivos que se no esixe xa a Unión Europea dende hai anos”, indicou Manuel Pan.
  • Pan engadiu que “hai unha normativa que vai entrar en vigor en breve por parte do Goberno Central que é de obrigado cumprimento e que a queremos por en marcha canto antes, eso axudaría precisamente a que haxa unha calidade de vida de máis calidade e que tamén teña finalidade medioambiental. Acaba de entrar en vigor en Abril a nova lei de residuos de España que obriga a que os concellos neste ano e no que vén podan implantar a recollida separada de residuos”.

1666364421012 (1) 637.96 KB

1666364421012 (1) 637.96 KB

1666364902322 643.18 KB

1666364902436 637.44 KB

1666364902563 185.55 KB

1666364902675 506.89 KB

1666364902760 159.41 KB

1666364902841 572.12 KB

1666364902921 529.54 KB

1666364903042 494.87 KB

1666364903158 638.58 KB

CONTENT-CAT.1710835008

Alba Calpurnia Gil Blanco ilustra e fai arte dende A Valenzá, a cabalo entre Ourense, Barbadás e Toén

16/10/2022

Alba Calpurnia Gil Blanco ilustra e fai arte dende A Valenzá, a cabalo entre Ourense, Barbadás e Toén

Emprendemento en Barbadás

Alba Calpurnia Gil Blanco vive na Valenzá, e arredor seu abrollan historias, lendas contadas e documentadas en Barbadás, en Ourense, en Toén…

  • Comezamos por debullalas: seu pai escolleu Calpurnia para que fora seu segundo nome pola primeira cidadá que se coñece de orixe galaico con nome romano. O nome de “Calpurnia Abana Aevoso” quedou como mostra da ofrenda que esa muller fixo ás ninfas das augas termais de Ourense, suponse que en troques de sanación. Esa ofrenda é un “ara” atopada co nome da muller preto das Burgas.

 

  • Seu pai, Antón Gil Seijo, vive agora no concello de Toén, onde segue a súa afección a temas históricos e onde atopou os petroglifos da Portela de Lameiras. Ademais é co-fundador da Asociación Amigos do Patrimonio de Toén que con veciños e colectivos culturais de Barbadás da pulo á publicación “Terras de Louredo” que sairá á luz en breve, esperemos. Alba ten o encargo de ilustrar as lendas dese territorio histórico para a publicación.

 

  • O seu segundo nome, Calpurnia, é o que utiliza como identidade “artística” dende que estudou Belas Artes en Pontevedra. Rematou estudos universitarios cun proxecto de fotografías de literatos, no Pazo da Cultura de Pontevedra, e dende alí marchou a Australia.
    Fun para facelo posgrao de Deseño de Marketing e mellorar o inglés. Volvín á Valenzá pensando xa en marchar de novo, pero pilloume a pandemia e reorganicei prioridades”, explica.
Alba Calpurnia Gil . (A Valenzá, Barbadás) outubro 2022. Foto Rosa Veiga
Alba Calpurnia Gil . (A Valenzá, Barbadás) outubro 2022. Foto Rosa Veiga

Quere traballar en Kalandraka

  • Agora estuda na Escola de Arte e Deseño “Antón Faílde” (esa que leva o  nome do escultor de Godexás, “barrio” de San Lourenzo de Piñor), pois pareceulle que ese era o mellor xeito de xuntar todo o que máis lle gusta: o mundo editorial con plástica e arte.

 

  • Xa ilustrou algún texto, editou carteis  entre outros encargos, e di ter poucas “esperanzas laborais” no eido editorial , así que pensa en ter traballo de empresas que precisen cartelería ou todo aquilo que lle permita mesturar ilustración e deseño.
    Encantaríame traballar na editorial pontevedresa Kalandraka  polo menos para facer as prácticas, porque o que fan non son libros de lectura, senón libros cun estilo propio, moi seu”, detalla.

 

  • E mentres ese momento vai chegando, ilustra tendo como fondo películas como “Little miss Sunshine”  que xa viu 20 veces e lle facilita inspiración, ao que tamén axuda a tendencia repousada herdada da súa nai, segundo conta Alba.

 

  • Algunha das súas obras pode verse nas redes sociais: “Hai un ano comecei a crear arredor das deformacións do corpo, e fíxenme fotos a min mesma estirándome a pel para editalas despois” , relata cunha desas láminas azuis na man.
    “Agora estou cun xogo de cartas baseado no “xogo da escoba” con baralla propia na que non haxa que descartar cartas como ocorre na baralla clásica de Fournier.
Alba Calpurnia Gil . (A Valenzá, Barbadás) outubro 2022. Foto Rosa Veiga

Inspiración para Calpurnia

Alba Calpurnia Gil. (A Valenzá, Barbadás) outubro 2022. Foto Rosa Veiga

 

Da acuarela ao dixital

  • Alba asegura que nunca deixou de debuxar, tras comezar a facelo no colexio, “a pesares de que as clases dábanseme mal e aínda que agora melloro, non teño unha evolución sempre a mellor, estáncome ás veces”, confesa.
    “Antes traballaba moitísimo con acuarela”, suliña, pero agora prefire facer bosquexos nun caderno e logo dixitalízaos para rematar o traballo.

 

  • Neste eido, tamén ten como referentes a compañeir@s ilustradores como a ourensá  Ángela Álvarez Paula  e outros galegos.

 

  • Entre os seus “soños laborais” tamén está a editorial “Astrágalo Studio e, a súa utopía persoal,  é “vivir cos meus dous gatos e co meu mozo nun bosque nun mundo sen guerra nuclear nin cambio climático”.

 

  • Que os teus soños se cumpran, Alba Calpurnia.
Alba Calpurnia Gil no parque dos Carrís (A Valenzá, Barbadás) outubro 2022. Foto Rosa Veiga

 

 

 

Alba Calpurnia Gil 122.16 KB
Alba Calpurnia Gil e unha das súas láminas da serie azul. (A Valenzá, Barbadás) outubro 2022. Foto Rosa Veiga

alba3 290.48 KB
Alba Calpurnia Gil e unha das súas láminas da serie azul. (A Valenzá, Barbadás) outubro 2022. Foto Rosa Veiga

Alba Calpurnia Gil . (A Valenzá, Barbadás) outubro 2022. Foto Rosa Veiga 556.26 KB
Alba Calpurnia Gil . (A Valenzá, Barbadás) outubro 2022. Foto Rosa Veiga

Alba Calpurnia Gil . (A Valenzá, Barbadás) outubro 2022. Foto Rosa Veiga 274.56 KB
Alba Calpurnia Gil . (A Valenzá, Barbadás) outubro 2022. Foto Rosa Veiga

alba4 518.21 KB
Alba Calpurnia Gil no parque dos Carrís (A Valenzá, Barbadás) outubro 2022. Foto Rosa Veiga

CONTENT-CAT.1710835008

Obradoiro dual de emprego dos Concellos de Barbadás, San Cibrao, Taboadela e Toén

10/10/2022

Obradoiro dual de emprego dos Concellos de Barbadás, San Cibrao, Taboadela e Toén

Selección persoal técnico e alumnado

O CONCELLO DE BARBADÁS ABRE AO PRAZO PARA OPTAR A PRAZAS DE PERSOAL TEMPORAL PARA O OBRADOIRO DUAL DE EMPREGO

O obradoiro abrangue os concellos de Taboadela, San Cibrao, Toén e Barbadás

Apertúrase un proceso selectivo que  abrangue as prazas de director/a, 2 docentes e 1 administrativo/a

Respecto do alumnado, este  será preseleccionado polo Servizo Público Estatal de Emprego entre os/as demandantes de obradoiros inscritos na oficina da Ponte

 

  • O día 2 de novembro poñerase en marcha no Centro Empresarial Transfronteirizo de Barbadás o obradoiro dual de emprego denominado “Concellos rurais da comerca de Ourense II: Barbadás, San Cibrao, Taboadela e Toén.

 

  • O obradoiro abrangue dous ámbitos didácticos:
    • Actividades auxiliares en conservación e mellora de montes e,
    • Operacións auxiliares de acabados ríxidos e urbanización.

 

Proceso selectivo Director/as, Administrativo/a, Docentes

  • A selección abrangue a contratación de director/a, un/unha administrativo/a, un/unha docente de Actividades auxiliares en conservación e mellora de montes e un/unha docente de Operacións auxiliares de acabados ríxidos e urbanización.

 

  • O sistema de selección de persoal será o concurso de méritos.

 

  • Para optar ao posto de  docente en “Operacións auxliares de acabados ríxidos e urbanización será necesario o CELGA 4 ou equivalente.
    As titulacións poderá ser unha das seguintes: licenciado, enxeñeiro, arquitecto ou título de grao correspondente ou outros títulos equivalentes. Diplomado, enxeñeiro técnico, arquitecto técnico ou título de grao correspondente ou outros títulos equivalentes. Técnico e Técnico Superior da familia profesional de Edificación e obra civil. Certificado de profesionalidade de nivel 2 e 3 da área profesional de albanelería e acabados da familia profesional e Edificación e Obra Civil.

 

  • Para a selección de docente en “Actividades auxiliares en conservación e mellora de montes” requírese ademais do Celga 4, a licenciatura  enxeñería, arquitectura ou título de grago correspondente ou outros títulos equivalentes; Diplomatura  enxeñería técnica, arquitectura técnica ou título de grao correspondente ou outros títulos equivalentes. Técnico/a de técnico/a superior da familia profesional de Agraria. Certificados de profesionalidade de nivel 2 e 3 da área profesional de Forestal da familia profesional de Agraria.

 

  • A selección de director/a do obradoiro dual de emprego require título universitario de grao ou equivalente.

 

  • E para a selección de Administrativo/a requírese título de bachiller ou técnico/a.

As bases específicas reguladoras dos procesos de selección poderán consultarse na sede electrónica (www.barbadas.sedeelectronica.gal), no taboleiro de anuncios da Casa do Concello e na páxina web, www.barbadas.es, no apartado de Emprego público.

Enlaces de consulta:

Selección do Alumnado

  • O alumnado do obradoiro de emprego será seleccionado entre as persoas que estean anotadas como demandantes de obradoiros de emprego e en situación de desemprego.

 

  • O obradoiro vai dirixido a persoas que con carácter xeral carecen dunha cualificación profesional, a persoas beneficiarias do tramo de inserción da renda de inclusión social e persoas con discapacidade, sempre que poidan realizar os traballos.

 

  • O prazo para inscrición remata o día 11 de outubro e as persoas que opten deben estar anotadas antes das 14,30h de mañá martes.

 

  • A selección efectuarase o día 18 de outubro a partir das 8,30 horas na Casa do Concello de Barbadás.

 

  • A selección farase mediante a aplicación do seguinte baremo:
  1. MULLERES.

As beneficiarias do programa de fomento da inserción laboral das mulleres vítimas de violencia de xénero terán prioridade absoluta.

  • En xeral: 1 Punto.
  1. IDADE.
  • 18-29 anos: 4 Puntos
  • 30-44 anos: 1 Punto
  • 45 ou máis anos: 3 Puntos
  1. DISCAPACIDADE.
  • Minusvalía > 33 % : 1 Punto
  1. PROTECCIÓN POR DESEMPREGO
  • Perceptores de desemprego: 1 Punto
  • Perceptores de subsidios (RAI, PREPARA, ACTIVA, subsidio extraordinario, RISGA): 2 Puntos
  • Non perceptores: 4 Puntos
  1. TEMPO DE DESEMPREGO DENDE O ULTIMO TRABALLO ( SEGUNDO VIDA LABORAL)
  • Ata 12 meses: 1 Punto
  • Máis de 12 meses: 2 Puntos
  • Máis de 18 meses: 4 Puntos
  1. CATEGORÍA PROFESIONAL (NO TRABALLO INMEDIATAMENTE ANTERIOR, SEGUNDO VIDA LABORAL)
  • Autónomos: 0 Puntos
  • Grupos de cotización 1 a 7: 0 Puntos
  • Grupo de cotización 8: 1 Punto
  • Grupo de cotización 9: 2 Puntos
  • Grupo de cotización 10: 3 Puntos
  • Sen emprego anterior: 4 Puntos
  1. PERTENZA A COLECTIVOS DESFAVORECIDOS OU EN RISCO DE EXCLUSION SOCIAL (Acreditado mediante certificación dos servizos sociais do concello respectivo ou do Servizo de Prestacions, Inclusión e Inmigración da Conselleria de Politica Social. A puntuacion dos dous apartados non é acumulable).
  • Perceptores da RISGA e aqueles aos que Iles fose denegada unha solicitude, ben por falta do periodo esixido de residencia ou empadroamento, ou ben por esgotar o periodo máximo de percepción legalmente establecido: 2 puntos.
  • Drogodependentes rehabilitados acreditados, ex-reclusos, persoas que abandonaron o exercicio da prostitución, traballadores inmigrantes residentes na comunidade, emigrantes retornados con graves necesidades familiares ou persoais, mulleres procedentes de casas de acollida con problemas de inserción laboral, persoas que estivesen ata a súa maioría de idade baixo a tutela ou garda da Administración Autonómica, e persoas que formen parte de minorías cuxas características poidan condicionar as súas posibilidades de integración social: 1 punto.
  1. FORMACIÓN ACADÉMICA:
  • Ata graduado escolar ou ESO: 3 Puntos
  • Bachalerato/BUP/FP ciclo medio: 2 Puntos
  • Títulos universitarios e de FP de ciclo superior: 1 Punto
  1. RESPONSABILIDADES FAMILIARES / UNMADE FAMILIAR DE CONVIVENCIA (Acreditado mediante certificado de convivencia):
  • Unidade familiar de 4 ou máis membros: 1 Punto
  • Familia monoparental con fillo/s: 1 Punto
  1. OUTROS

Por ter prevista a realización deste tipo de medidas no seu Itinerario de Inserción Profesional (IPI): 2 puntos.

 

IMG-20221007-WA0087 285.10 KB

monte 80.70 KB

CONTENT-CAT.1710835008

Actividades de promoción da saúde no concello de Barbadás

08/10/2022

Actividades de promoción da saúde no concello de Barbadás

O CONCELLO DE BARBADÁS PROGRAMA ACTIVIDADES DE PROMOCIÓN DA SAÚDE

A partir do día 17 de outubro darán comenzo as clases para o mantemento da saúde no medio rural

  • O Concello de Barbadás programa actividades de promoción da saúde no medio rural.

  • As clases de mantemento pretenden redundar na mellora da saúde das persoas adultas nas diferentes parroquias do concello de Barbadás. Tamén se programa actividade para as persoas da Valenzá e desenrolarase no polideportivo municipal.

  • As actividades serán impartidas en todos os locais do concello, serán dúas clases semanais de 45 minutos de duración cada unha.

  • O obxectivo desta actividade é impulsar o mantemento da saúde das persoas adultas no medio rural.

  • Para realizar a actividade precisase un mínimo de 5 persoas e máximo de 15.

  • Listaxe de lugares, horarios e periodicidade das clases:

PARADA:                  luns e mércores 10:00 – 10:45

SOBRADO:               luns e mércores 16:00 – 16:45

BENTRACES:           luns e mércores 17:00 – 17:45

LOIRO:                      luns e mércores 18:00 – 18:45

FONSILLÓN:            luns e mércores 19:15 – 20:00

A VALENZÁ (polideportivo) :   martes e xoves 10:15 – 11:00

BARBADÁS:            martes e xoves 17:15 – 18:00

LAMAS:                    martes e xoves 18:15 – 19:00

FINCA FIERRO:       martes e xoves 19:15 – 20:00

PIÑOR:                      martes 16:15 – 17:00

                                     venres 17:30 – 18:15

  • O alcalde de Barbadás, Xosé Carlos Valcárcel, destacou a importancia deste tipo de actividades para a promoción da saúde e para dinamizar o medio rural promocionando hábitos”.

1665134384430 368.97 KB

IMG-20221007-WA0024 139.13 KB

CONTENT-CAT.1710835009

O artista das Lamas, Santiago Bonay, segue indagando nas tradicións co libro “O Barallete” arredor dos afiadores

06/10/2022

O artista das Lamas, Santiago Bonay, segue indagando nas tradicións co libro “O Barallete” arredor dos afiadores

Emprendemento en Barbadás

Santiago Bonay é das Lamas  e dende alí emprendeu hai anos varias “aventuras” artísticas arredor de elementos tradicionais, como o evento de “arte efémero”: instalaba polas mañás obras nas rúas da Valenzá e  recollíaas pola noite.
“Aqueles traballos eran obras sobre pezas de fiestras vellas, trabes de casas e outros elementos de uso habitual para os nosos avós e devanceiros, e eu re-utilizábaos de xeito artístico e, co resultado, fixen esa `performance´ diaria, hai case dez anos”, relata.

  • Nunha conversa con el, sae información abundante e variada da cultura, patrimonio e historia das aldeas de Barbadás, e datos do seu propio traballo que agora é o de técnico de Turismo do concello de Nogueira de Ramuín.

 

  • O seu interese e curiosidade polo espazo no que vivimos centra toda a conversa, o mesmo interese que o levou a protagonizar un vídeo  que se fixo “viral” cando levabamos dous meses de confinamento pola pandemia.
Santiago Bonay, nas Lamas, ca súa publicación "Percorrendo Barbadás" en boceto manual, e ca camiseta que el mesmo desenou co nome da aldea. 05/09/22 Foto Rosa Veiga
Santiago Bonay, nas Lamas, coa súa publicación “Percorrendo Barbadás” en boceto manual, e coa camiseta que el mesmo deseñou co nome da aldea. 05/09/22 Foto Rosa Veiga

Todo ”O Barallete” dos afiadores coñecido

  • Pouco despois dese cantar persoal a Galicia, Santiago  repetiu como divulgador desenfadado e agora poético nun vídeo centrado na Ribeira Sacra, publicado pola asociación “Trinta Portelos” no mes de xuño, e no mesmo verán aínda creou un vídeo máis, o adicado aos atractivos de Nogueira de Ramuín.

 

  • Esa mesma comarca, a Ribeira Sacra, foi escenario,  do libro “O Barallete”  editado polo concello no que traballa en 2018, coas palabras desa lingua dos oficios ambulantes publicadas antes por outros autores ás que engadiu un lote delas recuperado por el mesmo. Tamén inclúe unha portada e ilustracións interiores do debuxante David Rodrígues Lorenzo .

 

  • O uso do barallete  está documentado entre os viveleiros (compradores de ouro e prata), barquilleiros, afiadores, paraugueiros…

 

  • O artista das Lamas coñecía o “barallete dos xingros” (o barallete dos músicos), por algúns familiares seus que son músicos “ e que seguen a traballar, polo que manteñen algo desa fala”. O caso dos afiadores é diferente, e Santiago recolleu algo máis de 1600 palabras simples, compostas, narracións e poemas usados  polos ambulantes entre os séculos XIX e XX,  hoxe en desuso. “Pódese utilizar como unha guía” e coas traducións ao castelán, ao éuscaro e catalán, linguas das que se collían algúns sufixos ou partes, como no caso de “louren de gaurra” que se traduce do barallete ao galego como “sol da noite” e inclúe a palabra “gau” que é noite en éuscaro, segundo detalla Santiago.
Santiago Bonay, nas Lamas, ca súa publicación "Percorrendo Barbadás" en boceto manual, e ca camiseta que el mesmo desenou co nome da aldea. 05/09/22 Foto Rosa Veiga
Santiago Bonay, nas Lamas, coa camiseta que el mesmo deseñou co nome da aldea, sentado diante da Casa dos Leis. 05/09/22 Foto Rosa Veiga
  • Pareceume que se precisaba un libro para o gran público, que recollese tódolos vocábulos que estaban espallados en varias publicación e falando con Dositeo Pato, viveleiro e retratista en Loña do Monte, e con xente maior, fun descubrindo as primeiras, e atopei até 30 máis que non estaban noutros libros”, engade.

 

  • Na obra de Santiago están palabras e expresión recollidas polo filólogo Jorge Rodríguez Gómez na súa tese doutoral “Falas Secretas”; por Alfonso Rodríguez Castelao en Estados Unidos e Bos Aires nun libro que nunca se publicou; polo antropólogo Xosé Ramón Fernández Ouxea “Ben-Cho-Sey” en Santa Marta de Moreiras e, polo estudoso Antón Fidalgo Santamariña sobre os afiadores de toda Europa.

 

  • Tamén están as palabras que o escritor de Nogueira de Ramuín, Xosé Fernández Ferreiro, recolleu na súa novela “A saga dun afiador”.

 

  • A publicación do libro contou tamén co apoio das `performances´ do propio Santiago, que escenificou, en varios colexios, a vida e a lingua asociados a estes oficios, hoxe perdidos ou case.
Santiago Bonay, nas Lamas 05/09/22 Foto Rosa Veiga

“Percorrendo Barbadás” en bosquexo

  • No seu percorrido vital sempre ligado á memoria, patrimonio e historia, Santiago foi quen de facer no 1996, cando vivía nas Lamas, o bosquexo montado sobre cartón, do que quería ser publicación chamada “Percorrendo Barbadás” . El fixo as fotos, os textos e a “maquetación” a man, dunha publicación periódica.

 

  • O exemplar que chegou case a completar nese bosquexo “caseiro” contén datos básicos de cada unha das aldeas e, a maiores, información de interese arredor das casas brasonadas como a dos Leis, nas Lamas. Tamén adicou artigos aos camiños e sendas, as festas e tradicións como o magosto, os maios e o entroido.

 

  • A súa historia favorita, entre as que indagou, é a do “capitán Punxín”, arredor do persoeiro “Tomé Rodríguez Punxin”,  histórico e vencellado coa Valenzá vella e coa parroquia de San Bernabé onde hai unha capela construída polo seu mandato e doazón económica.
    “O escudo familiar de este persoeiro é hoxe o escudo do concello de Barbadás e quixen saber todo o que podía del, así que acabei por contactar coa estudante de Historia en Ourense, María del Carmen Encinas Diéguez, autora dun traballo de licenciatura que non chegou a rematar nin publicar”, segundo lembra Santiago e confirmou o profesor Ladislao Castro, que titorizou a Carmen naquel momento.

 

  • Santiago conserva o traballo que lle cedeu Carmen para que o utilizase na súa revista (que non pasou de proxecto), e recolleu algún dos datos no seu boceto.

 

  • E co permiso seu e a autorización do profesor que a titorizou, adicaremos algunha publicación a ese traballo e ó capital Punxín e os bocetos que Santiago fixo baixo o título “Percorrendo Barbadás”.Santiago Bonay, nas Lamas, ca súa publicación "Percorrendo Barbadás" en boceto manual, e ca camiseta que el mesmo desenou co nome da aldea. 05/09/22 Foto Rosa Veiga

 

Santiago Bonay, nas Lamas 05/09/22 Foto Rosa Veiga 408.88 KB
Santiago Bonay, nas Lamas 05/09/22 Foto Rosa Veiga

Santiago Bonay2 412.16 KB
Santiago Bonay, nas Lamas, ca súa publicación "Percorrendo Barbadás" en boceto manual, e ca camiseta que el mesmo desenou co nome da aldea. 05/09/22 Foto Rosa Veiga

Santiago Bonay3 490.79 KB
Santiago Bonay, nas Lamas, ca camiseta que el mesmo desenou co nome da aldea, sentado diante da Casa dos Leis. 05/09/22 Foto Rosa Veiga

Santiago Bonay5 566.84 KB

Santiago Bonay1 392.59 KB
Santiago Bonay, de As Lamas, o seu libro "O Barallete" editado polo concello de Nogueira de Ramuín, e oa súa publicación "Percorrendo Barbadás" en boceto manual. Está sentado nas escaleiras da Casa dos Leis

CONTENT-CAT.1710835009

Acordo a tres partes, hoxe ampliado, valeu para acoller 40 persoas, fuxidas de Ucraína, en Sobrado do Bispo

29/09/2022

Acordo a tres partes, hoxe ampliado, valeu para acoller 40 persoas, fuxidas de Ucraína, en Sobrado do Bispo

O noso concello fíxose cargo das reformas precisas na contorna e nas instalacións de acollida, o Pazo de Mitra en Sobrado do Bispo

Un acordo entre Cruz Vermella, concello de Barbadás e a congregación relixiosa “Esclavas de la Santa Eucaristía” , fixo posible a instalación no antigo Pazo da Mitra (Sobrado do Bispo) dun grupo de arredor de 40 persoas procedentes de Ucraína dende o mes de xullo, o que supuxo a primeira “acollida de emerxencia” para a ONG en Ourense.

Coordinadora provincial da Cruz Vermella na provincia de Ourense, Marisa Visitación López Casero (der.), e a responsable de Comunicación Ángela Ramallo (esq.) no exterior do vello Pazo da Mitra en Sobrado do Bispo. 22/08/22, Foto Rosa Veiga
  • A coordinadora provincial de Cruz Vermella en Ourense, María Visitación López Casero (“Marisa”) e a responsable de Comunicación, Ángeles Ramallo, explicáronnos o reto que supuso esta actuación, resultado dun traballo “moi organizado  tendo en conta que estamos na periferia e, polo tanto, non  fomos os primeiros en actuar na crise de refuxiados xurdida polo conflito ruso”, sinala Marisa.

 

  • En toda Galicia, Cruz Vermella interveu na acollida de máis de 750 persoas “con apoio a todas as entidades que o pediron en Maceda, Baños de Molgas, nas instalacións do Seminario de Ourense, con Adif…”, lembra Marisa.

 

  • Segundo datos de agosto, máis de 7 millóns de ucraínos fuxiron do seu país dende o inicio da guerra ruso-ucraína,  e deles, segundo Marisa, preto de mil foron chegando a Galicia dende abril. No caso de Ourense, os primeiros foron instalados en hoteis como o do Cumial, de onde foron trasladados a outros lugares como Baños de Molgas.
Coordinadora provincial da Cruz Vermella na provincia de Ourense, Marisa Visitación López Casero, e responsable de Comunicación Ángela Ramallo, no comedor actual dentro do vello Pazo da Mitra en Sobrado do Bispo. 22/08/22, Foto Rosa Veiga

Cooperación para acollida de emerxencia

  • Ángeles lembra que o Concello de Barbadás ofreceu a súa colaboración despois de falar coa congregación relixiosa, para dispoñer do seu edificio en Sobrado do Bispo, que antes fora colexio e internado, no histórico Pazo da Mitra.
    “Entrevistámonos coas partes implicadas e vimos unha oportunidade que se fixo realidade tralas pertinentes consultas cos responsables da Cruz Vermella e do Ministerio de Inclusión, Seguridade Social e Migracións”, relata Marisa.
    “Nós asumimos a xestión, a congregación puxo as instalacións e o concello fíxose cargo das reformas precisas na contorna e nas instalación. Cando houbo unha redistribución dos refuxiados acollidos no albergue de Barcelona, puidemos asumir por primeira vez esta actuación de acollida de emerxencia” detalla a coordinadora.

 

  • Así, o 12 de xullo chegaron a Sobrado do Bispo unhas 40 persoas entre mulleres adultas, mozos e mozas e uns 16 nenos e nenas, aparte de algún home adulto.

 

  • No proceso que seguiu, na fase de instalación dos recén chegados e coñecemento da súa contorna, Cruz Vermella foi entrevistando a cada familia para coñecer as súas expectativas e para explicarlles os seus dereitos e opcións.
    “A metade deles tiñan familia ou coñecidos xa por Galicia así que, o seu destino final podería estar noutro lugar”, engade Marisa.

 

  • Para os que deciden quedar,  hai apoio para escolarizar a nenos e nenas,  o posible asentamento a través do empadroamento, asistencia sanitaria (algunhas familias traen documentación sanitaria, outras non).

 

  • Nesta fase de acollida de emerxencia, os refuxiados contan cun equipo profesional integrado por unha persoa educadora social, unha traballadora social, gobernanta, integradora social e 4 subalternas.

 

  • Se hai familias que deciden deixar prazas libres, estas son para outras persoas acollidas, como xa sucedeu a finais  de agosto, procedentes tamén de Barcelona.
Zona infantil no vello Pazo da Mitra en Sobrado do Bispo, hoxe propiedade da Congregación relixiosa Esclavas da Santa Eucaristía. 22/08/22, Foto Rosa Veiga

Despois acollida temporal

  • Na seguinte fase, as persoas refuxiadas con opcións laborais contarán con apoio para comezar a traballar “coa idea de que poidan sentirse útiles e integrarse. Nótase que teñen gañas polo interese en aprender castelán nas clases coas que contan dende o principio”, engade Marisa.

 

  • Os máis rápidos foron os nenos e nenas, que durante este verán cheo de ondas de calor, descubriron as piscinas nas súas exploracións e foron a elas con frecuencia.

 

  • Ángeles tenta resumir o estado persoal dos que forman parte deste grupo de refuxiados lembrando o que contan as mulleres que están nel: “elas veñen para protexer aos seus fillos, senón quedarían alá, con irmáns, pais e maridos para defender o seu, así que viven en continua tensión pendentes do que teñen aquí, e do que pasa alá”.
De esq. a der. Irene Ferreira, Olga Fernández, Marisa Casero, Saúl Cid y Elena Pérez, Traballadores de Cruz Vermella no antigo Pazo da Mitra de Sobrado do Bispo, hoxe propiedade da Congregación Relixiosa Esclavas de la Santa Eucaristía. Supervisan e atenden o colectivo ucraíno no proceso de acollida de emerxencia. 22/08/22. Foto Rosa Veiga

Colexios e veciños apoian, agora compren empresarios

  • Nunca antes se fixera estoutra “acollida de emerxencia” pero os organismos que habitualmente se encargaban , víronse rebordados nesta ocasión.

 

  • Tanto na fase inicial de acollida de emerxencia como na seguinte de acollida temporal (na que Cruz Vermella de Ourense traballa dende 2016), o proceso precisa de todo tipo de apoio e colaboración. “Cando chegan, algunhas persoas non traen nada ou case que nada, e sempre compre o máis básico como roupa, zapatos, aínda que eles non reclaman nada. Pola contra, o seu talante é de agradecemento”, índica Marisa.

 

  • Este tipo de procesos, destaca, son “unha oportunidade para aprender por todas as partes implicadas, porque a diversidade é riqueza, e o ideal é que poidan integrarse neste entorno privilexiado aínda que conseguir traballo por aquí preto, no rural ou non, poida parecer complicado Algo que  coa colaboración de empresarios, veciños… podería lograrse”.

 

  • Nese sentido, a coordinadora provincial da ONG lembra que xa hai voluntarios, e os colexios de Barbadás traballaron e aportaron todo o preciso para que 11 nenos e nenas en idade escolar puideran recuperar os seus estudos hai un mes.

 

  • “Agora compre o apoio das empresarias e empresarios locais, porque o mellor sería que as persoas adultas atopen traballo nesta mesma contorna, e teñen moito interese e preparación para formar parte do tecido laboral, sen problema”, engade Marisa.

CruzVermella Sobrado1 308.48 KB
Coordenadora provincial da Cruz Vermella na provincia de Ourense, Marisa Visitación López Casero, e responsable de Comunicación Ángela Ramallo, diante do Pazo da Mitra en Sobrado do Bispo. 22/08/22, Foto Rosa Veiga

CruzVermella Sobrado5 493.94 KB
Coordenadora provincial da Cruz Vermella na provincia de Ourense, Marisa Visitación López Casero (der.), e a responsable de Comunicación Ángela Ramallo (esq.) no exterior do vello Pazo da Mitra en Sobrado do Bispo. 22/08/22, Foto Rosa Veiga

CruzVermella Sobrado4 571.81 KB
Zona infantil no vello Pazo da Mitra en Sobrado do Bispo, hoxe propiedade da Congregación relixiosa Esclavas da Santa Eucaristía. 22/08/22, Foto Rosa Veiga

CruzVermella Sobrado3 343.99 KB
Coordenadora provincial da Cruz Vermella na provincia de Ourense, Marisa Visitación López Casero, e responsable de Comunicación Ángela Ramallo, no comedor actual dentro do vello Pazo da Mitra en Sobrado do Bispo. 22/08/22, Foto Rosa Veiga

CruzVermella Sobrado2 381.38 KB
De esq. a der. Irene Ferreira, Olga Fernán, tez, Marisa Casero, Saúl Cid y Elena PérezTraballadores de Cruz Vermella no antigo Pazo da Mitra de Sobrado do Bispo, hoxe propiedade da Congregación Relixiosa Esclavas de la Santa Eucaristía. Supervisan e atenden o colectivo ucraíno no proceso de acollida de emerxencia. 22/08/22. Foto Rosa Veiga

CONTENT-CAT.1710835009

Entrega de premios da V edición do “Barbadás a bocados”

28/09/2022

Entrega de premios da V edición do “Barbadás a bocados”

COVA DO SAVIO E O RECUNCHO, HOSTELEIROS GAÑADORES NOS APARTADOS DE XURADO POPULAR E PROFESIONAL RESPECTIVAMENTE

Hoxe ao mediodía entregáronse os premios aos hostaleiros/as participantes no “Barbadás a bocados”

  •  Este mediodía efectuouse a entrega dos premios aos mellores pinchos coa presenza do alcalde de Barbadás, Xosé Carlos Valcárcel, a concelleira de Comercio, Marga Pérez, e as persoas responsables dos establecementos hostaleiros que coñeceron “in situ” os resultados dos concurso.

 

  • Marga Pérez agradeceu “aos participantes e ao público que degusta  os pinchos  propostos de cada ano porque sen eles non tería razón de ser este evento. Grazas tamén a eses votos da poboación,  que depositan nas furnas e de onde saen os  pinchos/establecementos premiados pola votación popular”.

 

  • Pérez indicou que “todos vós,  tanto público, como colaboradores, xurado, como hostaleiros/as sodes esenciais para que este evento vaia adiante. Un evento cuxo obxectivo principal e primordial é apoiar a hostalaría do noso concello e dinamizar tamén a vida do noso municipio de Barbadás.”
    “Segundo as valoracións, e remitímonos ás valoracións que nos fan chegar os propios responsables dos establecementos hostaleiros, tanto o venres como o sábado,  houbo moita xente, moita participación. Este resultado para nós é a maior recompensa. Un traballo que se fai sempre dende o cariño e con moita ilusión”, sinalou a edil de Comercio..

 

  • En canto ao número de pinchos “estivemos moi moi preto de acadar os 5.000 pinchos vendidos. Unha cifra que consideramos importante e que danos  unha idea da afluencia que tivemos aquí, no noso concello de Barbadás,  esta fin de semana”.

 

  • Pérez anticipou que “seguiremos traballando para acadar en vindeiras edicións mellores resultados. Quero aproveitar tamén a ocasión de hoxe para animar a eses hostaleiros e hostaleiras que non participaron nesta edición para que se animen e participen o ano que vén porque,  cantos máis mellor.  Entre todos e todas podemos facer que este concurso de `Barbadás a Bocados´ sexa un concurso moito mais grande”.

 

  • O alcalde de Barbadás, Xosé Carlos Valcárcel, reiterou o agradecemento a participantes no concurso e ao público que acudiu, así como ao xurado “porque o que se pretende con esta actividade, con este evento é potenciar e dinamizar a actividade económica en Barbadás, neste caso concreto na Valenzá. É a primeira vez que hai participación por parte de hostaleiros e hostaleiras de fóra de A Valenzá. Queremos dinamizar con elo todo o concello no aspecto hostaleiro que xa ten unha gran calidade.  Esa calidade hai que pola enriba da mesa. Nunca mellor dito, púxose enriba da mesa e quedou contrastada e pretende que aquí a Barbadás acudan veciños e veciñas pero tamén persoas que non viven no noso concello”.

 

  • Valcárcel indicou que  “prestixiar ao noso concello pasa neste caso por prestixiar á hostalería porque é a ferramenta de traballo, o sector económico que máis visibilidade ten en Barbadás.
    Hai unha gran cantidade de establecementos de hostalería. Non participaron todos, pero como tamén dixo Marga é importante que participen, animar, vós mesmos que participastes, pondo en evidencia cales foron os resultados deste concurso. Creo que é unha forma de dar a coñecer o establecemento, de prestixiar a ese establecemento e de coñecer as súas viandas, os pratos que ofrecen. En moitas ocasións hai locais que en Barbadás si que son coñecidos, na Valenzá,  pero non o son fóra do noso entorno. 5.000 pinchos vendidos,  quere dicir que non só acudiron veciños e veciñas de Barbadás, senón que tamén acudiron de Ourense, Toén seguramente e en xeral, de toda a contorna.
    “Este tipo de eventos implican “unha publicidade gratuíta e pon en ubicación o que é ese establecemento e a participación é esencial, e que se máis establecementos participaran,  evidentemente non serían 5.000 senón que ao mellor poderían ser 10.000 pinchos.  De aí é esencial o voso traballo que creo que se vai ver recompensado por ese público e co prestixio que pode dar un premio. A participación é esencial, ademais aporta unha rendibilidade económica que o final é do que se trata tamén”.

 

  • En alusión ao sector da hostalaría asegurou o rexedor que “para vós trátase de obter rendibilidade económica e é unha aposta do Concello esencial para que a hostalaría volva a dinamizarse despois do gran parón que experimentou ao longo destes anos”.

 

  • “A visibilización e fundamental, o apoio é fundamental. Aquí Marga, a concelleira de Comercio,  está facendo un gran traballo tamén,  e vós colaborando con ela porque é a forma de avanzar. Dar as grazas e os parabéns aos gañadores e por suposto tamén,  aos participantes porque non todo o mundo pode gañar pero a participación é esencial”, comentou Valcárcel.

 

  • Dende o xurado deron os parabéns a todos os/as participantes polo seu entusiasmo e pola súa participación e parabéns o Concello porque iniciativas coma esta son moi interesantes e sempre dinamizan a economía dos pobos.

 

  • Manuel Bustabad Rapa, en nome do xurado, comentou que “sempre é difícil ser xurado, e mais en esta ocasión porque a calidade dos produtos presentados non se pon en discusión en ningún dos casos.  Foron 10 establecementos participantes e a calidade en todos eles está contrastada, uns produtos magníficos ao igual que o entusiasmo de todos. Cando chegas ás votacións hai un gran equilibrio, gran igualdade de puntuacións entón é cando entran os matices que son os que rompen o final esa decisión. Os matices son simplemente, os detalles, un compoñente que desequilibra, unha cuestión de tamaño, cuestións menores e entramos xa no detalle. Esa é a única razón o final que nos leva a unha votación.
    Os que non están nestes dous primeiros lugares teñen unha calidade enorme. sorprendímonos pola calidade, polos sabores e polo bo produto. O mesmo que pola gran animación de xente degustando os pinchos. Os nosos criterios foron difíciles e o final limitados ao detalle.”

 

  • Ao final do acto,  déronse a coñecer os premios, tanto da votación popular como do xurado profesional.
    O primeiro premio do público foi para A Cova do Savio e no acto estivo Santiago Castro recollendo o diploma de recoñecemento.
    O segundo pincho máis votado polo criterio popular foi o de o bar O Recuncho, cuxo premio foi recollido por Jesús García.

 

  • O xurado profesional elixiu coma mellores pinchos o do Bar O Recuncho e en segunda posición o de Sport Bar Daytona, cuxa responsable é Raquel Otero.

 

  • No acto de entrega de premios tamén se fixo mención de firmas comerciais que  apoiaron  este evento: Cervexa artesá  A ESMORGA,  O COLMEAR DO DANIEL (Mel e Polen – Coto de Ousande) e FROIZ Supermercados de Confianza.
  • A este  acto de hoxe, asistiron tamén algunhas das persoas que resultaron premiadas, por depositar o seu voto nas furnas,  no sorteo de  agasallos que aportaron os establementos participantes e as empresas colaboradoras.

IMG-20220928-WA0067 406.44 KB

1664367619567 76.65 KB

1664367619701 50.12 KB

1664367619832 85.81 KB

1664367619917 450.10 KB

1664367619977 348.29 KB

1664367620033 346.25 KB

1664367620092 365.87 KB

IMG_20220928_115057 430.91 KB

IMG_20220928_115513 408.95 KB

IMG_20220928_115619 345.10 KB

IMG_20220928_115624 379.62 KB

IMG_20220928_115629 374.53 KB

CONTENT-CAT.1710835009

O antigo “Couto de Louredo” terá unha revista para divulgar investigacións feitas no seu territorio actual de Barbadás e Toén

23/09/2022

O antigo “Couto de Louredo” terá unha revista para divulgar investigacións feitas no seu territorio actual de Barbadás e Toén

Emprendemento en Barbadás

David Sabucedo Cardero, Carlos Arias Conde e Marcos Rodríguez Alonso fálannos do proxecto “Terras de Louredo” que inclúe unha revista case rematada e que sairá á rúa nunhas semanas, coa participación de veciñas e veciños dos concellos de Barbadás e Toén, e algúns de máis aló, de Ferreira de Pantón, ou de máis acó, como de Ourense.

  • Ademais de textos de David  (veciño de Moreiras, Toén),  Carlos (veciño de Sobrado do Bispo) e Marcos (veciño de Santa Uxía en Barbadás), está prevista a publicación dos que elabore Xavier Álvarez Iglesias (profesor de música e director do coro universitario), a ilustradora Alba Gil… e calquera outra persoa interesada en facelo, pois o grupo de traballo está “aberto á participación de persoas curiosas e amantes do noso patrimonio, en concreto deste territorio, pero vivan onde vivan”, indica Carlos.

 

  • El mesmo está na directiva da asociación de Sobrado do Bispo “Porta da Cadea” que xa no seu nome dá a coñecer ese edificio histórico da aldea, aínda en pé hoxe pero de uso privado, que foi  cárcere.

 

  • Carlos é de Cartelle, ten familia en Bentraces e Sobrado do Bispo e adica tempo a investigar e buscar historias da súa contorna porque cando chegou a Sobrado “ninguén parecía estar preocupado nin ocupado en saber de onde ven a aldea, o seu pasado” , así que deu pulo, xunto con Paula Rodríguez Araújo, á creación da asociación cultural.

 

  • A asociación fai continuamente colleita de fotografías entre veciñas e veciños de Sobrado, para escanealas, reproducilas e amosalas en exposicións periódicas nas que @s protagonistas axudan a poñer nome, data e lugar as imaxes. Tamén conta cun libro arredor dos alcumes da aldea reunidos por Carlos entre a veciñanza… e seguen con proxectos.

 

  • Na nova revista “Terras de Louredo”, Carlos terá un artigo arredor da parroquia de Santa María, baseado no estudo que fixo dela o etnógrafo Ben-Cho-Sey.
PARTE DO EQUIPO DA FUTURA PUBLICACIÓN "TERRAS DE LOUREDO". David Sabucedo, Marcos Rodríguez e Carlos Arias, parte do equipo, polo bosque de Louredo, preto de Santa Uxía
PARTE DO EQUIPO DA FUTURA PUBLICACIÓN “TERRAS DE LOUREDO”. David Sabucedo, Marcos Rodríguez e Carlos Arias,  polo bosque de Louredo, preto de Santa Uxía. 02/09/22 Foto Rosa Veiga

Tamén participación individual

  • Pola súa banda, Marcos ten familia en Santa Uxía, e alí pasa os veráns, na casa dos avós. Segundo di, sempre tivo interese polo Patrimonio e Historia da súa contorna. “Na pandemia os veciños faláronme de Louredo e unha veciña faloume das bodegas de San Vicenzo que atopou un día que saíu polo monte, e alá fun eu tamén”.
    Marcos comezou a saír polos camiños de Louredo dende Santa Uxía e a indagar. “Cando descubrín que alí houbera un castelo e que hai un castro, púxenme tolo”, detalla. Comezou a “mergullar na internet” e xa non parou. Visitou e consultou documentación no Arquivo Histórico Provincial, no Museo Arqueolóxico e nas bibliotecas.

 

  • No arrinque da revista “Terras de Louredo”, Marcos será o autor do deseño e maquetación e dun video promocional que se deu a coñecer xa nas redes sociais, como adianto do proxecto. Non descarta que nalgún número da revista poida publicar algún artigo.
PARTE DO EQUIPO DA FUTURA PUBLICACIÓN "TERRAS DE LOUREDO". David Sabucedo, Marcos Rodríguez e Carlos Arias, parte do equipo, polo bosque de Louredo - Concello de Barbadás
PARTE DO EQUIPO DA FUTURA PUBLICACIÓN “TERRAS DE LOUREDO”. David Sabucedo, Marcos Rodríguez e Carlos Arias, polo bosque de Louredo, preto de Santa Uxía. 02/09/22 Foto Rosa Veiga

E a asociación “Amigos do Patrimonio de Toén”

  • Pola súa banda, David  é historiador e preside a asociación cultural “Amigos do Patrimonio de Toén” da que xurdiu a idea da publicación conxunta “Terras de Louredo”.
    O colectivo de Toén creouse, segundo explicou, tras un lume que afectou a montes de Moreiras (Toén) e Sobrado do Bispo (Barbadás) en agosto de 2020.
    “Quedou á vista unha mámoa da que xa sabíamos pola toponimia pero non estaba visible, e despois do lume   mobilizámonos para protexela, urxir a súa catalogación e comezar a difusión dese Patrimonio, así que esa emerxencia nos deunos pulo para asociarnos” , detalla.

 

  • Antón Gil, David e unha ducia de persoas acordaron constituírse como asociación. Dende hai un ano, ten web e facebook e os socios comezaron a idear un “boletín ou publicación periódica con artigos de colaboradores”. Hoxe ten arredor de 45 socios e David xa conta tamén ca cooperación do xenealoxista de Puga (Toén), Juan Cruz.

 

  • Primeiro pensamos en difundir e divulgar na internet historia local, arqueoloxía, antropoloxía, entrevistas, lendas… de Toén e Barbadás, pero cremos que o papel segue a marcar diferencia, permanece no tempo e parécenos moi acaído para lectores de tódalas idades, así que pensamos en pasquíns para partillar con buzoneo e algún outro formato; finalmente esperamos poder financiar o formato de revista deseñado por Marcos”, engade David.

 

De que vai o número 1 da revista?

  • A primeira revista que se publique contará cun editorial de David, o artigo de Carlos Arias arredor da parroquia de Sobrado do Bispo e, en polo menos, unha entrevista a Castor Seara, veciño de Trelle de 94 anos que traballou na pista de acceso á Croa de Trelle (a parte máis alta do castro).
    Castor é a persoa que atopou o machado de bronce e a placa metálica hoxe desaparecida, que foron indicios da existencia do castro. Varias fontes (autores e documentos anteriores que falaron de ese tema) falaban desas pezas “pero grazas a Castor puidemos confirmar a súa existencia”, agrega David.
PARTE DO EQUIPO DA FUTURA PUBLICACIÓN "TERRAS DE LOUREDO". David Sabucedo, Marcos Rodríguez e Carlos Arias, parte do equipo, polo bosque de Louredo - Concello de Barbadás
PARTE DO EQUIPO DA FUTURA PUBLICACIÓN “TERRAS DE LOUREDO”. David Sabucedo, Marcos Rodríguez e Carlos Arias,  polo bosque de Louredo, preto de Santa Uxía. 02/09/22 Foto Rosa Veiga

Alguén interesado no Patrimonio por aquí?

  • O nome da revista é “Terras de Louredo”, entre outros nomes propostos, porque se desenvolverá nun territorio que une, é o común entre Toén e Barbadás.

 

  • “Esperamos ampliar as colaboracións con persoas ou colectivos de Cartelle e con todas aquelas e aqueles que queiran engadirse porque temos un pasado común”, engade David, en nome de todos os que agora están turrando do proxecto.
    Cantas máis persoas sexamos mellor, e haberá sitio na revista para tódalas colaboracións”, engade Marcos.

 

  • Nas ligazóns que están neste texto están varias que permiten contactar con estes activistas culturais que teñen como obxectivo documentar e dalo  a coñecer Patrimonio común “porque só amamos aquelo que coñecemos”, frase atribuída ao oceanógrafo e investigador Jacques Cousteau  e aplicado por investigadores e divulgadores culturais a calquera eido da curiosidade e do Patrimonio.

 

PARTE DO EQUIPO DA FUTURA PUBLICACIÓN "TERRAS DE LOUREDO". David Sabucedo, Marcos Rodríguez e Carlos Arias, parte do equipo, polo bosque de Louredo, preto de Santa Uxía. 02/09/22 Foto Rosa Veig
PARTE DO EQUIPO DA FUTURA PUBLICACIÓN “TERRAS DE LOUREDO”, David Sabucedo, Marcos Rodríguez e Carlos Arias, polo bosque de Louredo, preto de Santa Uxía. 02/09/22 Foto Rosa Veiga

 

TerrasLouredo1 365.69 KB
PARTE DO EQUIPO DA FUTURA PUBLICACIÓN "TERRAS DE LOUREDO". David Sabucedo, Marcos Rodríguez e Carlos Arias, parte do equipo, enmarcan tras eles dous elementos patrimoniais do vello Couto Louredo: o castro e a pena Goia, con indicios do antigo castelo. 02/09/22 Foto Rosa Veiga

TerrasLouredo5 467.59 KB
PARTE DO EQUIPO DA FUTURA PUBLICACIÓN "TERRAS DE LOUREDO". David Sabucedo, Marcos Rodríguez e Carlos Arias, parte do equipo, polo bosque de Louredo, preto de Santa Uxía. 02/09/22 Foto Rosa Veiga

TerrasLouredo4 461.43 KB
PARTE DO EQUIPO DA FUTURA PUBLICACIÓN "TERRAS DE LOUREDO". David Sabucedo, Marcos Rodríguez e Carlos Arias, parte do equipo, polo bosque de Louredo, preto de Santa Uxía. 02/09/22 Foto Rosa Veiga

TerrasLouredo3 510.17 KB
PARTE DO EQUIPO DA FUTURA PUBLICACIÓN "TERRAS DE LOUREDO". David Sabucedo, Marcos Rodríguez e Carlos Arias, parte do equipo, polo bosque de Louredo, preto de Santa Uxía. 02/09/22 Foto Rosa Veiga

terrasLouredo2 576.87 KB
PARTE DO EQUIPO DA FUTURA PUBLICACIÓN "TERRAS DE LOUREDO". David Sabucedo, Marcos Rodríguez e Carlos Arias, parte do equipo, polo bosque de Louredo, preto de Santa Uxía. 02/09/22 Foto Rosa Veiga

CONTENT-CAT.1710835009

Barbadás acolle o circuíto de resistencia de motocross o 25 de setembro

21/09/2022

Barbadás acolle o circuíto de resistencia de motocross o 25 de setembro

Validará para a Copa Deputación de Ourense

BARBADÁS ACOLLE O CIRCUÍTO DE RESISTENCIA DE MOTOCROSS O DOMINGO 25 DE SETEMBRO NA ZONA DE SAN BIEITO DE COVA DE LOBO

A proba reunirá preto de 100 pilotos de diferentes puntos da península e validará para a Copa Deputación de Ourense

 

  • Ao acto de presentación do circuíto, celebrado hoxe na Casa Consistorial do Concello de Barbadás,  asistiron o Xefe Territorial de Deportes da Xunta de Galicia en Ourense, Manuel Pérez, o alcalde de Barbadás, Xosé Carlos Valcárcel, o concelleiro de Deportes, Abel Cortés e e o responsable da organización,  que é o Club de Motoristas da Peroxa, Javier Quintas..

 

  • O alcalde de Barbadás, Xosé Carlos Valcárcel, sinalou que “estamos diante da primeira edición da proba de resistencia de Barbadás que en este caso é válida para a Copa Deputación. Esta é a primeira proba que se realiza neste período e que despois vai seguida da que se celebrará en Lugo e en Rois que son válidas para o campionato del circuíto de resistencia”.

 

  • Valcárcel destacou que “é a primeira vez que se celebra en  Barbadás, o que supón unha satisfacción poder contar con esta proba aquí. Trátase de unha aposta máis que fai o concello pola actividade deportiva e pola súa diversificación. Pero imos mais alá porque o que se pretende con estas  actividades deportivas e con esta diversificación é que a Barbadás acuda xente que habitualmente non vén  ao noso concello, para facer un traballo transversal no que afecta a nosa economía, principalmente á hostalaría”.

 

  • O rexedor lembrou que “nos deportes de motor non é a primeira proba que realizamos, xa que temos outra cita deportiva co mundo do motor, o Rally Mix e tamén temos celebrado probas do Rally de Ourense”.

 

  • O circuíto de resistencia de motocross “aspira a chegar a practicamente 100 participantes. Ata onte martes, había 60 participantes;   antonte había 30, polo tanto a inscrición medra de forma continuada día tras día. Quero destacar unha cuestión francamente importante, que hai 6 mulleres. É a primeira vez que nun torneo ou nun circuíto de esta índole participan tantas mulleres”, explicou Valcárcel.

 

  • A esta proba de resistencia acudirán pilotos destacados coma Jorge Paradelo, terceiro clasificado do mundial Open 4T no 21-22. Tamén estará Pedro González que é o campión de España Junior e tamén Pablo Varela que é o actual líder do campionato de España.

 

  • A maior parte dos participantes son galegos e tamén acudirán pilotos de Valladolid, de Castela e León, de Asturias e de Portugal.

 

  • Contar con 100 participantes é un número importante dadas as características da participación noutros eventos similares, polo tanto é un orgullo poder contar con este circuíto aquí,  poder contar con todos vós e que, este evento, se celebre en Barbadás por primeira vez ”, remarcou Valcárcel.

 

  • Manuel Pérez, Xefe Territorial de Deportes da Xunta de Galicia en Ourense, institución patrocinadora do evento, salientou que, “a Javier Quintas, uno de los  organizadores del evento,  lo conozco desde hace ya bastante tiempo. Sé el gran trabajo que está realizando estos años y sé que cuando va él aparejado a la prueba está garantizado el éxito y Barbadás no va a ser una excepción.

 

  • Pérez remarcou que Barbadás siempre se ha volcado con en mundo del motor, es uno de los concellos de la provincia que más se vuelca en este tipo de iniciativas.  Es un poco un punto de referencia para el automovilismo, con el Rally Mix, en el Rally de montaña del campeonato gallego y con pruebas como esta de resistencia que presenta aquí el Motoclub A Peroxa. Son pruebas que mueven a mucha gente y que van a traer a un numeroso público al concello, gente que mueve mucho la economía del lugar y son pruebas realmente espectaculares”

 

  • O Xefe territorial de Deportes destacou que “he tenido la suerte de acudir a alguna en el concello de Piñor  de Cea y era un auténtico espectáculo. Va a ser un espectáculo este domingo aquí en el concello de Barbadás y podemos estar todos contentos de que este tipo de pruebas estén por aquí tan cerca. Va ser un éxito, va ser un espectáculo, nombres como citó el alcalde Jorge Paradelo que son auténticos números uno, tops en el ranking nacional, son de lo mejorcito que hay en motocross en este tipo de pruebas y va a ser un éxito seguro”.

 

  • Abel Cortés, concelleiro de Deportes, comentou que cando Javier Quintas quixo contar co Concello de Barbadás, ” xa tratamos de levar este evento a cabo. Unha postura de colaboración que forma parte da ampliación do cartel de eventos do concello porque xa temos varios eventos de automobilismo e este ano é un ano de novidades, como foi o tramo do Rally de Ourense, agora esta proba de motociclismo e anticipamos xa que se celebrará a finais de ano unha proba de Sicocross.”

 

  • Cortés destacou que “esta é a primeira proba despois do verán e agardamos que sexa un éxito, contando coa organización, cos participantes e cos corpos de seguridade. Ata o de agora está sendo de gran acollida o nivel de inscricións de participantes e  temos a confianza de que será un éxito, o mesmo o día da proba”.

 

  • Javier Quintas, responsable deportivo do Motobclube Peroxa, sinalou que “e a miña encomenda  estar á altura do concello de Barbadás, da Deputación e da Xunta de Galicia. Por que estar a altura? Porque eles estanse volcando con nós e nós temos que tentar como mínimo esforzarnos o suficiente para recompensarlle todo o seu esforzo”.
    A proba dende o punto de vista deportivo “penso que vai ser unha proba moi boa, é unha proba moi técnica e o percorrido que temos en Barbadás é un cento por cento natural, polo tanto á xente que lle gusta o enduro vaino desfrutar. Estamos un pouco condicionados co tema do po, a ver si chove e poden mellorar un pouco as circunstancias do terreo para que  sexa un pouco mais gozoso para os/as pilotos/as participantes. Pero, aínda que non chovera temos a suficiente capacidade como para resolver ese pequeno contratempo dividindo a saída en varios grupos”.

 

  • “A proba ubícase na capela de San Bieito, ao longo de un percorrido de 5 quilómetros. Percocorrido que aparte, temos a sorte de que tocamos parte do bosque natural galego, e que estando cerca de Ourense,  é un espazo impresionante. Convido a todo o mundo para que cando acabe a proba,  vaian a pasear por eses montes, porque merece a pena percorrelos”, invitou Javier Quintas

 

1663776462896 560.52 KB

1663776462753 356.82 KB

CONTENT-CAT.1710835009

Eventos en Barbadás os días 16 e 17 de setembro: “Barbadás a bocados” e “Festival de Charangas”

13/09/2022

Eventos en Barbadás os días 16 e 17 de setembro: “Barbadás a bocados” e “Festival de Charangas”

Membros do concello e participantes nos eventos, presentaron esta mañá o programa.

EVENTOS NO CONCELLO DE BARBADÁS OS DÍAS 16 E 17 DE SETEMBRO: CONCURSO DE PINCHOS E FESTIVAL DE CHARANGAS

“Barbadás a bocados” estenderá a oferta gastronómica aos pobos da contorna.

Seis charangas amenizarán as rúas: Fuego, Europa, Charanga BBB, Bicoila, Sorcha e Os Caliqueimer.

 

  • A presentación dos eventos que terán lugar os días 16 e 17 de setembro en Barbadás tivo lugar nun lugar senlleiro de Barbadás, a árbore que está preto da glorieta da familia.

 

  • As persoas asistentes ao acto de presentación dos eventos, ademais do alcalde de Barbadás, Xosé Carlos Valcárcel, e a concelleira de Comercio, Marga Pérez, foron Sindo Villamarín, do Bar Regueiro (Piñor), Isabel Almeida e Gerardo Barje, representante do Festival de Charangas.

 

  • Marga Pérez, concelleira de Comercio, destacou que “estamos na avenida Celanova, un espazo onde se van a desenvolver principalmente todas as actividades que temos organizadas para este fin de semana, venres 16 e sábado 17.”

 

  • Por unha banda “temos o concurso de pinchos “Barbadás a Bocados”, este ano na súa quinta edición con formatos semellantes a anos anteriores, onde imos poder degustar as propostas gastronómicas que nos ofrecen os nosos hostaleiros e hostaleiras”, indicou a edil de Comercio.

 

  • Pérez destacou que por primeira vez neste concurso van a participar un hostaleiro do pobo de Piñor e unha hostaleira do pobo de Barbadás o que nos da gran satisfacción de que se vaian unindo a este concurso para que non estea centrado unicamente aquí na Valenzá”.

 

  • Anticipou que “teremos un xurado profesional e un xurado popular que serán os que escollan o primeiro e o segundo premio. Todas as persoas que participen na votación do xurado popular van a entrar a formar parte dun sorteo con distintos obsequios que van a doar este ano, tamén como algo novidoso, todos os hostaleiros e hostaleiras. Tamén aquí quero facer mención especial o Colmear de Daniel e a Cervexas Esmorga que participan e colaboran obsequiando as persoas que participan na votación”.

 

  • A degustación dos pinchos será dende as 19:00 da tarde tanto o venres como o sábado ata as 00:00 da noite.

 

  • Xunto con este evento terá lugar tamén o II Festival de Charangas, “que xurdiu o ano pasado por iniciativa duns mozos e mozas da Asociación Cultural Ritmos Musicais, que querían pór en valor este estilo de música. Foi todo un éxito co cal temos que darlle continuidade a este festival e este ano pasamos de catro agrupacións a seis”, informou Marga Pérez.

 

  • O venres estará dedicado as charangas acústicas e o sábado as charangas tradicionais. Son dous días de música pola rúa e xunto co evento gastronómico estas dúas actividades “pretenden dinamizar a zona do concello de Barbadás, que a xente veña o noso concello, que a xente do noso concello o pase ben e poidan desfrutar e os hostaleiros poidan ter un éxito importante”, comentou a edil de Comercio.

 

  • Xosé Carlos Valcárcel, alcalde de Barbadás, sinalou que “sos dous eventos que van unidos e que ten unha finalidade precisamente, que se acoplen un ao outro, de xeito que haxa unha maior mobilidade, unha maior dinamización, unha maior ledicia para que precisamente os veciños e veciñas e as persoas que veñan a nosa contorna desfruten mais da realidade de Barbadás, da realidade da Valenzá tamén”.

 

  • Esta quinta edición do “Barbadás a bocados” ten a súa singularidade porque “están participando tamén restaurantes e cafeterías do rural o cal é unha alegría moi grande porque precisamente queremos que se incorporen e se coñeza toda esa realidade gastronómica do noso concello, a Barbadás, a Valenzá, a Piñor, a Sobrado, a Loiro xa veñen clientes que non pertencen o noso concello, iso fala moi ben precisamente da nosa restauración da nosa gastronomía e do noso nivel e actividade de ocio” destacou Valcárcel.

 

  • Os 2 eventos pretenden “dinamizar a actividade lúdica e incluso cultural porque a gastronomía e cultura. Unha aposta polo comercio local polo comercio de proximidade, pola restauración neste caso, que se suma a moitas mais actividades que se ten levado a cabo dende a Concellería de Comercio como pode ser a Noite Moucha, os Outlets e quero poñelas en valor porque precisamente é un momento complicado para este tipo de establecementos, para este tipo de negocios, para este tipo de economía o fin e o cabo, que aporta moitísimo o noso concello, moitísimo traballo e moitísimos ingresos, entón esa aposta ten que ser continuada como de feito se está facendo”, comentou o rexedor.

 

V Concurso de pinchos Barbadás  a Bocados

Concurso de pinchos Barbadás a bocados - Concello de Barbadás

  • Os días 16 e 17 de setembro de 2022, teremos en Barbadás, a V edición do Concurso de pinchos “Barbadás  a Bocados”.

 

  • O público poderá degustar e votar para outorgar o premio ao mellor pincho popular, participando así, en sorteos de agasallos aportados polos establecementos participantes e empresas colaboradoras.

 

  • Haberá tamén un xurado profesional que elixirá o mellor pincho seguindo o seu criterio.

 

  • Quen nos acompañe nestes días, terán a oportunidade de probar sorprendentes e saborosas propostas presentadas por estes 10 establecementos hostaleiros participantes:

 

  • BAR O REGUEIRO

Travesía de Piñor, nº 69 Piñor

Pincho TENTACIÓN:  Segredo de porco, champiñóns, tomate, chourizo, pemento, pan, salsa de verán, salsa barbacoa.

 

  • BAR PEPITO

Cima de Vila, nº 4 Barbadás

Pincho ANTES E DESPOIS “CALLOS”:  Patas de tenreira, garavanzos, cenoria, allo, pementón doce, xamón. Máis tarta caseira de 3 chocolates.

*apto para celíacos e intolerantes a lactosa.

 

  • A COVA DO SAVIO

Av. de Celanova, nº 20 A Valenzá

Pincho PAIXÓN:  Solombo de porco, salsa de queixo e améndoa, pataca, rúcula e almíbar de melocotón.

 

  • CACHO PIZZA

Av. de Celanova, nº 41 A Valenzá

Pincho PIZBURGUER FUSIÓN:  Para a pizza: auga, sal, fariña, levadura, tomate e mozzarella. Para a burguer: hamburguesa, xamón serrano renxente, crema de queixo manchego, tomate e cebola.

 

  • SPORT BAR DAYTONA

Av. de Celanova, nº 78 A Valenzá

Pincho PIRULETAS SALGADAS: follado, carne picada mixta, xamón serrano, queixo, bacon, champiñóns e ovos.

 

  • OREN EXPRESS CAFETERÍA

Av. de Celanova, nº 68 A Valenzá

Pincho BAOZI: Pan, langostinos, salsa, cebola e cilantro.

 

  • TAPERÍA ALECRÍN

Av. de Celanova, nº 52 A Valenzá

Pincho CAUSA DE ATÚN: Atún, aceite, lima, cebola, tomate, chícharos, perexil, ovo cocido, sal, pementa, patacas, olivas e aguacate.

 

  • CAFETERÍA OS PATOS

Parque dos Patos – A Valenzá

Pincho SON DE COCIDO DE PORCO SELECTA: Renxente de arroz con panceta con ssan jongg e vexetais de tempada.

 

  • BAR O RECUNCHO

Av. de Celanova, nº 68  – A Valenzá

Pincho O RECUNCHO: Orella, patacas e pan.

 

  • ALENTO DOCES E XEADOS

Av. de Celanova, nº 76 – A Valenzá

Pincho DELICIA DE FRAMBOESA: Follado, crema de framboesa, nata, profiterol recheo, framboesas frescas e marmelada.

Folleto Concurso pinchos Concello de Barbadás

Folleto V Concurso de Pinchos Concello de Barbadás

II Festival de Charangas

Festival de charangas en Barbadás

  • Festival de Charangas os días 16 e 17 de setembro a partir das 20:00.

 

  • O festival consiste en dous días, o primeiro día serían dúas charangas amplificadas tipo street band que serían  Fuego e Europa que darán un pase o lado da rotonda e o segundo día será mais pasarúas con catro charangas de tipo acústico entre as que se encontran: A Charanga BBB, Bicoila, Sorcha e Os Caliqueimer.

 

  • Xunto con este evento temos o II Festival de Charangas, un evento que xurde o ano pasado por iniciativa duns mozos e mozas da Asociación Cultural Ritmos Musicais que querían pór en valor este estilo de música. Foi todo un éxito,  co cal temos que darlle continuidade a este festival e este ano pasamos de catro agrupacións a seis.

 

  • Son dous días de música pola rúa e, xunto co evento gastronómico, estas dúas actividades pretenden dinamizar a zona do concello de Barbadás, que a xente veña ao noso concello, que a xente do noso concello o pase ben e poidan desfrutar,  e os/as hostaleiros/as, poidan ter un éxito importante.

CONTENT-CAT.1710835009

A veciña de Barbadás que foi vicepresidenta do Parlamento de Galicia é Tareixa Paz e vive nas Lamas

09/09/2022

A veciña de Barbadás que foi vicepresidenta do Parlamento de Galicia é Tareixa Paz e vive nas Lamas

Emprendemento en Barbadás

Esta historia comezou no activismo do século XX e despois trocou a traxectoria na política institucional até 2016…que parece que foi onte…

  • Tareixa Paz foi a primeira muller de Barbadás concelleira, con 28 anos, no 1995, e non houbo outra edil até 2003. Tamén ocupou o cargo de Vicepresidenta do Parlamento de Galicia, na lexislatura que comezou no 2005, na que a presidenta era Dolores Villariño, ámbalas dúas mulleres da provincia de Ourense.
    Xusto antes ca ela, foino a tamén ourensá Inmaculada Rodríguez Cuervo e despois houbo algunha outra muller na presidencia e vicepresidencias parlamentarias, até chegar á paridade actual.

 

  • Por ser concelleira en Barbadás chegou “a ter a proxección e visibilidade na comarca de Ourense que facilitou que entrara en 1999 na Deputación, onde xa había outras dúas mulleres deputadas provinciais (Marina Cuquejo e Elisa Nogueira) e alí, como nas outras institucións, sempre me sentín a gusto e ben tratada, así que a miña promoción política non foi mérito meu, senón moito da contorna social que se vivía daquela e da colaboración de moitas compañeiras e compañeiros”, lembra.

 

  • Relata que nos anos 90, había “moi poucas mulleres con protagonismo en política, máis aló das que estaban en corporacións municipais que non adoitaban ter presenza e protagonismo ningún”, engade Tareixa que tamén resalta a “sorpresa” que foi para ela, ir de vicepresidenta do Parlamento, cando se estreaba tamén como parlamentaria autonómica.

 

  • Tiven vertixe naquel momento, pero os retos non me asustan e tampouco me bota cara atrás aprender e traballar,  así que aceptei a proposta tamén pola satisfacción que supuña facer Historia, no persoal e no colectivo”.

 

  • No mesmo ano deixou o seu cargo de concelleira en Barbadás e chorou cando o fixo: “aquela etapa de 10 anos no concello de Barbadás non a cambiaría por nada”, lembra.
Tareixa Paz - Concello de Barbadás
Tareixa Paz, no Amieiral (parque dos Carrís), onde aprendeu a nadar no río Barbadás 26/08/22. Foto Rosa Veiga

Activismo nas Lamas

  • Para contar como chegou a ser vicepresidenta do Parlamento, Tareixa alude ó movemento social xurdido nas Lamas en 1993, no momento en que se soubo que o trazado da autovías das Rías Baixas (A-52) fora afastado do previsto inicialmente, para “favorecer os intereses da familia de Luís Taboada, propietaria de 40.000 m2 dende a actual urbanización da Solaina (na Valenzá) até As Lamas”, detalla Tareixa.

 

  • Con ese desvío, o trazado aprobado no Ministerio “non tocaba as terras de Taboada (familia dun exgobernador provincial) e metíase polo medio e medio da aldea das Lamas, e facía desaparecer a metade dela”, engade.
    “Un pequeno grupo de veciños puxémonos en pé de guerra. O tema fixo que se implicasen veciños e veciñas emigrados en Vigo e outras cidades. Mobilizámonos, fixemos visible esa inxustiza e unha comisión de 4 persoas fomos á sede do ministerio en Madrid, sen aviso previo, á espera de que alguén nos recibira”, relata.

 

  • Lembra daquela “aventura” que a reclamación veciñal diante no ministerio “foi tan razoable” que lograron, non recuperar o trazado inicial, pero si “salvar a aldea e parte das propiedades da familia Taboada”.

 

  • E así resume  Tareixa o que foi a “chispa” que prendeu nela e en “Eli” para dalo paso cara a política pública. Para Tareixa  “foi un choque descubrir que as estruturas caciquís do franquismo estaban en 1993 tan vivas, e a lección foi que, por moi pequeno que sexas se te organizas pódense lograr obxectivos colectivos e defender o que de xeito individual sería moi difícil”.

 

  • Nesa explicación do seu paso cara a política, apunta como importante gozar de certa liberdade: “Aprendín daquela que para ser activista social nunha provincia tan controlada como a de Ourense, tes que ser rico ou funcionario, para así estar libre de extorsión co teu sustento económico, e eu xa era funcionaria daquela”, engade.
Tareixa Paz - Concello de Barbadás
Tareixa Paz, primeira muller vicepresidenta do Parlamento Galego, diante do cruceiro das Lamas 26/08/22. Foto Rosa Veiga

Aplicouse “auto rexeneración democrática”

  • No seu cargo de deputada autonómica “rasa” estivo até 2016 e o seu traballo centrábase en incendios. “Paseino moi ben tanto no Goberno como na oposición porque gusto do ‘zafarrancho’ de combate político, e daquela vivíamos nel”.
    En comparación con aqueles anos, Tareixa opina que hoxe “valórase moi pouco o traballo na oposición, hai pouca cultura de consenso e de escoitar, a pesares de que en Europa é o contrario, e mesmo en Suíza é obrigado acordar Goberno multicor”, sinala lembrando que parte da súa infancia pasouna no país helvético.

 

  • En 2016 decidiu aplicarse “auto rexeneración democrática” e dar “paso a outros” porque cando se leva “máis de 10 anos facendo o mesmo, ou es moi creativa, ou tes moita moita ilusión ou comezas a repetirte e iso non aporta nada”, reflexiona.

 

  • En agosto de 2016 cesou un venres como deputada autonómica e ao luns seguinte retomou o seu traballo no Servizo de Notificacións do Xulgado de Ourense e, segundo di, en principio non pensa en volver a política pública e activa.

 

  • Tamén colaborou, colabora e asesora en proxectos  no eido da igualdade, no que opina que “as mulleres non avanzamos tanto como parece e queda moito por facer”.

 

-Para as fotografías escolleu lugares vencellados coa súa aldea ou coa súa nenez en Barbadás.-

 

-Documento actualizado-

Tareixapaz1 439.19 KB
Tareixa Paz, primeira muller vicepresidenta do Parlamento Galego, no lugar onde estaba a escola unitaria na que estudou, nas Lamas 26/08/22. Foto Rosa Veiga

Tareixapaz2 438.11 KB
Tareixa Paz, no Amieiral (parque dos Carrís), onde aprendeu a nadar no río Barbadás 26/08/22. Foto Rosa Veiga

TareixaPaz3 325.32 KB
Tareixa Paz, primeira muller vicepresidenta do Parlamento Galego, diante do cruceiro das Lamas 26/08/22. Foto Rosa Veiga

CONTENT-CAT.1710835009

O veciño da Valenzá Víctor Rodríguez foi pioneiro en Galicia como xogador e agora empresario do “pitch and putt”

04/09/2022

O veciño da Valenzá Víctor Rodríguez foi pioneiro en Galicia como xogador e agora empresario do “pitch and putt”

Emprendemento en Barbadás

A medio camiño entre A Valenzá e a cidade de Ourense, Víctor atopou 20.000 m2  no Fonsillón e alí abriu en xaneiro de 2019 “Pitch&Putt Ourense”, despois de acondicionar 18 buratos nos que poder xogar en circuíto durante máis de unha hora, con bola e paus pequenos de golf.

  • Víctor Rodríguez Casar e a súa familia viviran  antes en Sobrado do Bispo, e decidiron trasladarse a unha nova residencia na Valenzá “polos nenos”, e alí madurou a idea de emprender nun deporte que el descubrira e xogara dende os anos 90.
    Un mozo de Vilamarín foi o primeiro que preparou en Galicia un campo para este xogo irlandés, na súa volta despois de vivir en Cataluña, onde este deporte é o quinto en número de licencias”, detalla cando se lle pregunta por un deporte aínda descoñecido pero xa moi practicado en Galicia.
    Nese campo Víctor xogou e gañou premios, e decidiuse a probar sorte como emprendedor. Abriu o seu primeiro campo no concello de San Amaro, en 2005, e despois tentou en Vigo, Santiago de Compostela, Boiro…
Víctor Rodríguez, na instalación de Pitch&Put Ourense, no Fonsillón. Foto Rosa Veiga

Deporte asequible e interxeracional

  • É un deporte para xogadores de perfil máis ben urbano, inspirado no golf; xurdiu en Irlanda nos anos 50 para facer fronte a crise do petróleo, xogando en campos máis pequenos e próximos ás cidades, para aforrar desprazamentos”, narra Víctor.

 

  • Para o desenvolvemento e promoción deste novo deporte, o golf é un atranco “porque ten certa mala prensa”, engade. Así que comeza a defensa do “pitch and putt” e resalta que é para todas as idades e capacidades físicas.
    “É totalmente apto para xogadores dende os 7 anos até máis de 80, que poden pasar aquí unhas horas cun xogo non moi esixente no aspecto físico, pero si con traballo mental, e xa cando rematan, poden tomar algo e conversar, e dá gusto escoitar o intercambio de ideas e estratexias que se fai entre as diferentes idades”, engade.

 

  • Por riba, non resulta tan custoso “como se pensa normalmente” pois o equipo básico tense por 50 €. Consiste en tres paus, os que se usan no golf para as distancias máis curtas, e unha bolsa. “Cada día hai persoas que veñen xogar e se están nas primeiras veces, prestámosllo nós”.

 

  • Tamén é un deporte no que se encontran cómodas persoas que practicaron outros deportes máis físicos, como o propio Víctor que foi xogador de rugby en Lugo, Lalín e Ourense. “Este require menos esforzo físico e mantente na competición”, sinala.

 

  • No día deste encontro con Víctor para falar do intraducible “pitch and putt” no Fonsillón, quedamos a última hora do serán e máis de 20 persoas, en grupos de 3, 4 ou 5, xogaban en diferentes buratos, uns baixo o sol e outros na sombra de castiñeiros e piñeiros que viven hai anos nese campo.
Víctor Rodríguez, na instalación de Pitch&Put Ourense
Víctor Rodríguez, na instalación de Pitch&Put Ourense, no Fonsillón. Foto Rosa Veiga

Sen federación estatal pero sí europea

 

  • Algúns clubs e asociación están na Federación Nacional de Golf pero as galegas, catalás, vascas e  andorranas,  pertencen á Federación Internacional e á Europea de Asociaciones de Pitch and Putt xunto coa francesa, holandesa, irlandesa, etc. Así que os equipos poden competir en calquera deses países.

 

  • Concretamente, na primeira fin de semana de xullo, o campo do Fonsillón acolleu un torneo de seleccións e a galega saíu gañadora. Galicia con 500 licencias para practicantes deste deporte e a metade son de persoas que xogan en Ourense, no Fonsillón ou nos campos de Puzo do Lago (Maside) ou no Pazo de Touza (San Amaro).
    “A afición es Ourense é moito maior que no resto de Galicia porque os primeiros campos estiveron nesta provincia” aclara Víctor.

 

  • Lamenta o pouco apoio institucional para as instalacións e para o propio deporte, que podería contar cunha escola propia na que poderían practicarse tamén outros dous deportes asociados en auxe que son o “footgolf” e o “disc golf”  que xa se poden practicar no Fonsillón.

 

  • Este é un dos proxectos de Víctor, pero “precisa apoio”, engade, e considera que  non tería que ser tan complicado, e máis coas instalacións na raia entre dous concellos veciños.

 

Víctor Rodríguez, na instalación de Pitch&Put Ourense 327.82 KB
Víctor Rodríguez, na instalación de Pitch&Put Ourense, no Fonsillón. Foto Rosa Veiga

Víctor Rodríguez, na instalación de Pitch&Put Ourense 574.32 KB
Víctor Rodríguez, na instalación de Pitch&Put Ourense, no Fonsillón. Foto Rosa Veiga

Víctor Rodríguez, na instalación de Pitch&Put Ourense 299.38 KB
Víctor Rodríguez, na instalación de Pitch&Put Ourense, no Fonsillón. Foto Rosa Veiga

CONTENT-CAT.1710835009

Terceira Edición da Romaría Feminista de Barbadás: 3 de setembro no Parque dos Carrís

31/08/2022

Terceira Edición da Romaría Feminista de Barbadás: 3 de setembro no Parque dos Carrís

MESAS DE DEBATE, MÚSICA, POSTOS DE RÚA, ESPAZO GASTRONÓMICO, ZONA INFANTIL...

MESAS DE DEBATE, MÚSICA, POSTOS DE RÚA, ESPAZO GASTRONÓMICO E ZONA INFANTIL CONFORMAN A PROGRAMACIÓN DA III EDICIÓN DA ROMARÍA FEMINISTA DE BARBADÁS QUE TERÁ LUGAR O 3 DE SETEMBRO

A Banda da Loba, De Vacas, e The Tetas Van protagonizarán o apartado musical na tarde-noite no Parque dos Carrís da Valenzá (ao carón do polideportivo)

Carmen Calvo, ex-vicepresidenta do Goberno e Presidenta da Mesa de Igualdade do Congreso dos Deputados abordará nunha conferencia a “axenda das mulleres”

  • A Concellería de Igualdade do Concello de Barbadás organiza a III Romaría feminista que terá lugar o vindeiro día 3 de setembro de 2022.

 

  • A xornada consistirá nunha serie de mesas de debate durante o día, nas que se abordarán cuestións relacionadas coa igualdade e o feminismo, dando paso pola tarde-noite a unha serie de concertos a cargo de grupos musicais femininos: A Banda da Loba, De Vacas e The Tetas Van.

 

  • Durante toda a xornada poderán visitarse postos na rúa a través dos que se lle dará visibilidade ao traballo de mulleres emprendedoras, artesáns, asociacións e plataformas de mulleres que queiran expoñer os seus traballos e/ou dar a coñecer a súa actividade.

 

  • Tamén haberá unha zona gastronómica así como un espazo infantil para facilitar a conciliación.

 

  • Esta pretende ser unha xornada de reivindicación e tamén de celebración que se desenvolverá na área recreativa fronte ao campo municipal “Os Carrís”.

 

  • A concelleira de Igualdade, Elisabet González Nistal, explicou hoxe ao mediodía na presentación do evento no propio parque dos Carrís que “despois de dous anos de espera, por fin podemos presentar hoxe a III Romaría Feminista do concello de Barbadás, dándolle así continuidade á que comezou no ano 2018”.

 

  • “A Romaría Feminista pretende ser unha xornada de celebración do feminismo e da igualdade nunha xornada na que participarán diversas grupos de pandereteiras do noso concello, Vagalumes de Sobrado do Bispo e as Lambisqueiras de Barbadás, colectivos de mulleres aos que queremos agradecer dende o Concello de Barbadás a súa participación neste importante encontro” sinalou González Nistal.

 

  • A xornada dará comezo coa intervención de Dona Carmen Calvo que é Presidenta da Mesa de Igualdade do Congreso e ex-vicepresidenta do Goberno de España, que ofrecerá unha conferencia na que abordará a axenda das mulleres.

Carmen Calvo asistirá á III Romaría Feminista de Barbadás

  • Logo ese mesmo día xa pola tarde, despois do xantar, están programadas 2 mesas de debate. A primeira comezará as 16:30 da tarde na que se falará sobre a muller e emprendemento coa participación de mulleres emprendedoras de distintos ámbitos como Elena Ferro unha gran coñecida zoqueira, Eva Castro, en representación da Asociación Executivas de Galicia, e Ana Pumar que é auditora de contas. Esta mesa estará moderada por Ana Valado que é experta en comunicación.

 

  • “Acto seguido e non menos importante as 18:30 da tarde contaremos con outra mesa que falará sobre a muller e a cultura coa intervención da escritora Ledicia Costas, con Mª Xosé Porteiro escritora e xornalista e en representación do audiovisual galego teremos dúas grandes actrices que son Berta Ojea e Laura Míguez. Esta mesa estará moderada pola locutora Montse Estévez, indicou a edil de Igualdade.

 

  • González Nistal destacou na presentación da III Romaría Feminista de Barbadás que “dende aquí quero comunicar a todas as persoas que queiran acudir a esta romaría que saiban que contaremos cun espazo para xantar e cear onde non pode faltar o polbo, tan tradicional nas nosas romarías galegas”.
    “Dende aquí animamos a todas as persoas a que se acheguen ao noso concello e vivan un día de feminismo e de igualdade, achegando a home e mulleres a este día por igual”.

 

  • Nistal rematou a súa intervención destacando que “non nos podemos esquecer dos mais pequeniños/as polo que imos ter un espazo infantil para poder conciliar. Tampouco podemos esquecer o día de festa, entón pola noite a romaría vaise converter nun gran escenario con grandes actuacións onde vamos a ter uns grandes concertos sendo o primeiro o da A Banda da Loba, seguido de  De Vacas e The Tetas Van”.

 

  • O alcalde de Barbadás, Xosé Carlos Valcárcel, comentou que “estamos diante a III Romaría Feminista aquí en Barbadás que pretende ser, e creo que conseguimos, ser pioneiros en Galicia. Non se trata só de reivindicar, que si, que é algo fundamental, senón de celebrar o que é o feminismo. O feminismo ao final o que pretende é acadar dereitos e igualdade para todas e todos, esta romaría non quere excluír a ningún colectivo, pretende ser globalizador e englobador”.

 

  • Valcárcel destacou que “vivimos momentos que consideramos que tamén son difíciles a pesares de que hai grupos e colectivos que están nunha defensa continua do feminismo e da igualdade e tamén hai outros grupos da sociedade e incluso políticos que ven o feminismo doutro xeito, ven o feminismo como agresión. Sen embargo, o feminismo é integración porque se non avanzamos no feminismo tanto homes como mulleres xuntas e xuntos, non avanza a sociedade. O feminismo é esencial para o avance da sociedade”.

 

  • Valcárcel considera que “Se miramos no noso entorno, incluso na Unión Europea, estamos observando que hai lugares, países nos que os dereitos, non son só das mulleres, que os dereitos de colectivos diferentes están en risco, non vou a poñer nomes pero todos sabemos a que países nos referimos. Tamén hai países nos que dereitos que estaban consolidados dende hai 50 ou 60 anos pois volven a estar en risco, coártanse argumentando a liberdade dos demais, pois a liberdade ten que ser usada en maiúsculas e para defender e para ser unha persoa plena hai que respectar os dereitos e as liberdades desa persoa para ser posible a súa realización persoal na súa integridade.”

 

  • Dentro da programación da Romaría, en xornada de mañá, comezaremos ás 12:00h coas actuacións das Pandereteiras de Sobrado do Bispo e das Lambisqueiras de Barbadás que darán paso ás 13:00h á conferencia de apertura da III Romaría Feminista, co título “A axenda das Mulleres” a cargo de Carmen Calvo Poyato (Presidenta da Mesa de Igualdade do Congreso e ex-vicepresidenta do Goberno de España).

 

  • Xa pola tarde, haberá dúas mesas de debate. A primeira delas, ás 16:30h na que se abordará o tema “muller e emprendemento” coa intención de visibilizar e poñer en valor o papel das mulleres como creadoras e emprendedoras e na que contaremos coa intervención de varias mulleres referentes do emprendemento feminino en sectores moi distintos como Elena Ferro (zoqueira) ou Ana Pumar Atrio (auditora de contas), así como coa presencia de Eva Castro Outeiriño en representación da Asociación Executivas de Galicia. Esta mesa de debate estará moderada por Ana Valado (economista, experta en comunicación, marketing e proxectos de marca).

 

  • Mais tarde, ás 18:30h, tocaranos debater sobre “Muller e cultura”, nesta mesa abordaremos o papel das mulleres na cultura coa intención de visibilizar o traballo e a presenza das mulleres en diferentes disciplinas relacionadas co ámbito cultural para o que contaremos coas intervencións de dúas actrices, Berta Ojea (que ademais foi fundadora do Sindicato estatal Unión de Actores y Actrices e ocupou o cargo de secretaria de igualdade en dito sindicato, ademais de ser creadora dos premios Mujeres en Unión por la Igualdad entre outras) e Laura Míguez Escudero (ourensana e involucrada en proxectos relacionados coa igualdade tamén). Na mesa ademais estarán Ledicia Costas Álvarez (escritora) e Mª Xosé Porteiro García (escritora e xornalista). A moderadora será Montse Estévez Varela (comunicadora).

 

  • Como tamén queremos celebrar esta xornada III Romaría Feminista dende un ambiente lúdico e festivo celebrando o feminismo e reivindicando a igualdade, unha vez rematadas as mesas de debate daremos paso as actuacións musicais de grupos femininos referentes da música galega: ás 20:00h A Banda da Loba ás 22:00h De Vacas e ás 00:00h The Tetas Van.

 

– PROGRAMA –

III Romaría Feminista

Sábado, 3 de setembro

Fronte ao Campo Municipal “Os Carrís”

Conferencias e mesas de debate
  • 12:00 – Inauguración da Romaría

Actuación de Pandereteiras de Sobrado Do Bispo e As Lambisqueiras de Barbadás.

  • 13:00 – Apertura: A axenda das mulleres:

Carmen Calvo Poyato: Presidenta da Mesa de Igualdade do Congreso e Ex-vicepresidenta do   Goberno de España

  • 16:30 – Mesa de debate: “Muller e emprendemento”
    Elena Ferro, Zoqueira
    Eva D. Castro Outeiriño, Asociación Executivas de Galicia
    Ana Pumar Atrio, auditora de contas
    Modera: Ana Valado, economista, experta en comunicación, marketing e proxectos e marca
  • 18:30 – Mesa de debate: “Muller e cultura”

Ledicia Costas Álvarez, escritora
Berta Ojea, actriz
María Xosé Porteiro García, escritora
Laura Míguez Escudero, actriz
Modera: Montse Estévez Varela, comunicadora

III Romaría Feminista Concello de Barbadás

 

Concertos
  • 20:00 A Banda Da Loba
  • 22:00 De Vacas
  • 00:00 The Tetas Van

Concertos III Romaría Feminista Concello de Barbadás

CONTENT-CAT.1710835009

A exposición “Primeira Chis-pa” amosa os traballos artísticos dos doentes de Piñor no taller “Arte Espida” da psicóloga Marta García

27/08/2022

A exposición “Primeira Chis-pa” amosa os traballos artísticos dos doentes de Piñor no taller “Arte Espida” da psicóloga Marta García

Emprendemento en Barbadás

Sete doentes do Hospital psiquiátrico de Piñor, en Barbadás, amosan o seu xeito de estar no mundo en diferentes soportes expostos no café Ollo Ledo de Ourense, tras experimentar formas de expresión artística dende o mes de maio, no taller “Arte Espida”, parte dun proxecto global arredor da arte na contorna clínica.

Pacientes de Piñor no taller "Arte Espida" no hospital psiquiátrico, rematando detalles para a exposición "Primeira Chis-pa" inaugurada despois no café Ollo Ledo. xullo 2022. Foto Rosa Veiga
Doentes de Piñor no taller “Arte Espida” no hospital psiquiátrico, rematando detalles para a exposición “Primeira Chis-pa” inaugurada despois no café Ollo Ledo. xullo 2022. Foto Rosa Veiga
  • O taller está supervisado pola psicóloga e historiadora de arte, Marta García, co pulo do equipo psiquiátrico deste servizo sanitario público e sete dos seus participantes aceptaron a proposta de amosar os seus “traballos singulares, de gran forza plástica e diversos, como o grupo de persoas que os fixo”, detalla Marta.

 

  • Ana E. Parro, “Deivid”, Rita Sory, Ana, Antía, Vero, Rosalinda e a propia Marta prepararon a exposición e penduraron a súa obra hai uns días.  Parte deles inaugurárona “por todo o alto”, con lectura de textos e poemas arredor da súa situación persoal e da do colectivo de doentes mentais.

 

  • A apertura contou coa asistencia de gran número de persoas a pesares da onda de calor dos primeiros días de agosto. Estará no Ollo Ledo até o 31 de agosto, en principio, pero poderían ampliarse os días para visitala.

 

  • O taller artístico no que naceu a exposición está na primeira planta do hospital psiquiátrico, no espazo que antes era a recepción, e alí cada martes e xoves “calquera persoa que pasase por algún servizo público de Saúde Mental pode asistir e participar, como fan neste momento varias persoas que estiveron na área de agudos do hospital de Ourense e algunhas residentes do psiquiátrico de Barbadás”, explica Marta.

 

  • Entrada e saída do taller son libres e, de media, participan nel 6 ou 7 persoas, de forma continua ou non, que atopan no espazo artístico variedade de materiais para a expresión artística como plásticos, obxectos para reutilizar (madeira, tea, prendas de roupa, azulexos, chaves…) e as ferramentas necesarias, desde pinceis, até carbonciño, candeas…
Doentes de Piñor no taller "Arte Espida" no hospital psiquiátrico, rematando detalles para a exposición "Primeira Chis-pa" inaugurada despois no café Ollo Ledo. xullo 2022. Foto Rosa Veiga
Doentes de Piñor no taller “Arte Espida” no hospital psiquiátrico, rematando detalles para a exposición “Primeira Chis-pa” inaugurada despois no café Ollo Ledo. xullo 2022. Foto Rosa Veiga

Moito interese e emoción

  • A mostra exposta inclúe obras seleccionadas por cada autor, e tendo en conta o espazo que tiñan para amosalas, puideron escoller 3 ou 4 por cada artista.

 

  • Resultou un conxunto “moi diverso”, con obras sobre bandexas de bar, azulexos salvados dunha reforma, una camisa reutilizada para darlle unha segunda vida, formas de zapateiro para unhas sandalias… e as técnicas que poderán verse son con pinturas acrílicas, cerámica, elementos rotulados, carbonciño, corda…

 

  • A primeira sesión do taller trala inauguración foi “moi emotivo” pois os artistas estaban aínda “emocionados pola acollida”, pola afluencia de xente interesada e porque varios artistas locais que asistiron a apertura, falaron con eles e transmitíronlles parabéns, segundo relata a psicóloga.

 

  • No mesmo mes de agosto, “Arte Espida” comezou a contar con outros artistas (que amosan o seu xeito de traballar con pinceis, velas, carbonciño… e facilitan así un intercambio e contacto real de experiencias e proxectos artísticos.

 

  • Tanto a exposición como o encontro con outros artistas, segundo Marta, supón para todas as persoas participantes “a entrada no eido social e o recoñecemento, e así faise fronte á estigmatización habitual que sofre este colectivo de persoas con algunha doenza mental”.

 

  • O primeiro que acudiu á invitación do taller foi Chinosky que aportou a súa experiencia nos retratos, tema que non se tratara antes no espazo de “Arte Espida” e levou ás persoas participantes a probas, nunha primeira sesión, e a pintar seu autorretrato, na seguinte.

 

  • A segunda invitada está a ser Marita Carmona que propuxo o uso de candeas para afumar os papeis de debuxo e utilizar así o fume como ferramenta para dar cor e textura pouco habituais.
Participantes no taller "Arte Espida" no Hospital Psiquiátrico de Piñor, organizado por Marta García (en pé, centro) durante unha das sesións con Chino Chinosky (en pé, esqu.) e Marita Carmona (en pé, der.) 23/08/22. Foto Rosa Veiga
Participantes no taller “Arte Espida” no Hospital Psiquiátrico de Piñor, organizado por Marta García (en pé, centro) durante unha das sesións con Chino Chinosky (en pé, esqu.) e Marita Carmona (en pé, der.) 23/08/22. Foto Rosa Veiga

O proxecto global arredor do Art Brut

  • A exposición  é a primeira do proxecto de talleres e outras actividades denominado “Arte Espida. Proxecto Global” que ten como obxectivo axudar á normalización da vida dos doentes, a desestigmatizar  a súa doenza e a desenvolver, de xeito libre e non dirixido, xeitos de expresión que non buscan axustarse a estereotipos de beleza, nin a ideais ou realidades concretas.

 

  • O proxecto prevé tamén a posible creación dun museo para as obras históricas do psiquiátrico da súa etapa inicial en Toén y as dos primeiros anos en Piñor. Marta relata que se tamén quérese contar cunha sala temporal para expoñer os resultados do actual taller.
    No mesmo proxecto hai unha parte clínica que supón un estudo da psicoanálise no arte a través de seminarios, e outra parte de catalogación de toda a obra recollida dos vellos talleres de Toén antes do traslado a Piñor hai dez anos”, relata Marta.

 

  • O espazo que antes era recepción hospitalaria énchese agora de paletas, botes, lenzos, agullas e fíos, pezas metálicas, teas, lapis, rotuladores, acuarelas, pinceis, gomas de borrar… que pasarán polas mans dos artistas de Piñor.
Chus Gómez, directora do equipo psiquiátrico do Hospital de Piñor, e Marta Gacía, psicóloga responsable dos talleres "Arte Espida" na primeira planta do hospitla. 23/08/22. Foto Rosa Veiga
Chus Gómez, directora do equipo psiquiátrico do Hospital de Piñor, e Marta García, psicóloga responsable dos talleres “Arte Espida” na primeira planta do hospital. 23/08/22. Foto Rosa Veiga

MartaG Arte Espida1 201.48 KB
Deivid, Vero, Ana e Ana na inauguración da exposiciíon "Primeira Chis-pa" no ollo ledo neste mes de agosto. Foto Rosa Veiga

MartaG Arte Espida2 (1) 433.08 KB
Pacientes de Piñor no taller "Arte Espida" no hospital psiquiátrico, rematando detalles para a exposición "Primeira Chis-pa" inaugurada despois no café Ollo Ledo. xullo 2022. Foto Rosa Veiga

MartaG Arte Espida3 333.48 KB
Doentes de Piñor no taller "Arte Espida" no hospital psiquiátrico, rematando detalles para a exposición "Primeira Chis-pa" inaugurada despois no café Ollo Ledo. xullo 2022. Foto Rosa Veiga

MartaG ArteEspida4 321.13 KB
Participantes no taller "Arte Espida" no Hospital Psiquiátrico de Piñor, organizado por Marta García (en pé, centro) durante unha das sesións con Chino Chinosky (en pé, esqu.) e Marita Carmona (en pé, der.) 23/08/22. Foto Rosa Veiga

MArtaG ArteEspida5 568.54 KB
Chus Gómez, directora do equipo psiquiátrico do Hospital de Piñor, e Marta Gacía, psicóloga responsable dos talleres "Arte Espida" na primeira planta do hospitla. 23/08/22. Foto Rosa Veiga

CONTENT-CAT.1710835009

A casa vacacional “Patarino” de Bentraces reúne historias da aldea e da artesanía familiar

19/08/2022

A casa vacacional “Patarino” de Bentraces reúne historias da aldea e da artesanía familiar

Emprendemento en Barbadás

Manuel Outeiriño decidiuse a reformar e abrir a casa familiar como casa rural vacacional xusto antes do confinamento obrigado pola pandemia da COVID. A casa conserva elementos da súa historia pasada, artesanía dos seus irmáns Concha e Antonio e pinturas do propio Manuel.

  • Na casa naceu o noso pai e dous irmáns e foi restaurada polo meu irmán Antonio, finado hai uns anos”, relata. Manuel pasaba na casa de Bentraces os veráns con seus pais e cos seus propios fillos e acabou por herdala da súa nai.

 

  • Non tiña interese ningún nin pensara en abrila para outras persoas “pero o resto da familia tiña claro que podería funcionar como casa romántica porque conservamos nela antigüidades, e tamén obras de arte e artesanía dos irmáns”, detalla.

 

  • Tras pasar un ano de limpeza e reforma, xuntou alí á familia e contáronlle como funcionaba unha plataforma virtual  de alugueres vacacionais. “Nesa fin de semana comecei a promocionala e xa tiven inquilinos”, explica Manuel.
Casa Patarino - turismo rural en Bentraces
Irmáns Concha e Manuel Outeiriño, na casa vacacional “Patarino” de Bentraces. As cortinas son do tear de Concha.12/08/22. Foto Rosa Veiga

 

Historia do nome “Patarino” e da casa

  • Manuel foi o derradeiro propietario do Café Bohemio, no casco vello de Ourense, e agora traballa como técnico de bolsos nunha empresa de confección. A súa irmá Concha é tecedora profesional e profesora na escola do centro de Cultura Popular Xaquín Lourenzo, polo que na súa familia viviron entre obras de arte propias e alleas, traballos de artesanía…

 

  • O seu novo proxecto é a casa “Patarino” que leva ese nome porque é o alcume familiar, posto polos veciños a Narciso,o pai de Manuel e Concha “cando viron que de pequeno dicía patarino no lugar de paxariño, e curiosamente o alcume pasou de noso pai ao  noso avó e xa quedou para a familia”, relata.

 

  • Concha relata que a súa nai era Elisa “Fachuqueira” e ela herdou ese alcume, pero finalmente o “Patarino” acabou impoñéndose para homes e mulleres da familia.

 

  • Manuel lembra parte da historia da casa vacacional (resultante de xuntar dúas) na que a planta superior acolleu o primeiro taller de tear da familia, co nome de Antonio Outeiriño (A. Outeiriño, nome que mantén a súa irmá Concha).
    “Alí Antonio facía tapices, colchas, mantelerías, alfombras e tamén facía algo de cerámica e restauración de mobles, no mesmo espazo”, contan Manuel.

 

  • Concha amosa pezas daquel taller partilladas na decoración da casa, e tamén das feitas por ela mesma. Tamén explica que na reforma, aproveitouse unha pequena fiestra que comunicaba as dúas casas para trocala en despensa.
    “Esta fiestra está aínda en moitas casas de Bentraces, por ela os veciños e veciñas estraperlistas pasábanse o café, azucre, chocolate, fariña… e o que conqueriran en Portugal, para que as autoridades non os atoparan nas redadas que facían nos anos 30 e 40 do século pasado”, destaca Concha.
Casa Patarino, turismo rural en Bentraces
Irmáns Concha e Manuel Outeiriño, na casa vacacional “Patarino” de Bentraces. a carón dun tapiz do seu irmán Antonio 12/08/22. Foto Rosa Veiga

Contorna atractiva dende Bentraces

  • No tempo que a casa Patarino leva con actividade, Manuel destaca que os visitantes proceden de países europeos, algúns son persoas invitadas aos eventos que se celebran no Pazo de Bentraces, a poucos metros, e a maioría “chega buscando a zona termal e Ribeira Sacra , e  quédanse máis tempo.”

 

  • Tamén chegan á casa “mochileiros” con gañas de descanso, e persoas deportistas ás que recomenda roteiros que el mesmo fai ca súa bici, como o de San Roque, ou de sendeirismo como o da Boutureira con saída dende Bentraces, ou o percorrido a traveso de carballeiras dende a aldea até Loiro.

MOuteiriñoPatarino Bentraces1 276.19 KB
Irmáns Concha e Manuel Outeiriño, na casa vacacional "Patarino" de Bentraces., a carón de pinturas do propio Manuel.12/08/22. Foto Rosa Veiga

MouteiriñoPatarino Bentraces2 474.96 KB
Irmáns Concha e Manuel Outeiriño, na casa vacacional "Patarino" de Bentraces. As cortinas son do tear de Concha.12/08/22. Foto Rosa Veiga

MOuteiriñoPatarino Bentraces3 362.16 KB
Irmáns Concha e Manuel Outeiriño, na casa vacacional "Patarino" de Bentraces. a carón dun tapiz do seu irmán Antonio 12/08/22. Foto Rosa Veiga

CONTENT-CAT.1710835009

Mary Cruz Bangueses atopou no Pazo de Piñor escritos en galego do século XVI e entronques familiares en toda Galicia

15/08/2022

Mary Cruz Bangueses atopou no Pazo de Piñor escritos en galego do século XVI e entronques familiares en toda Galicia

Sociedade en Barbadás

Mary Cruz Bangueses estudou polo miúdo a documentación que atopou no Pazo de Piñor, moi  organizada e gardada “pues era la forma de demostrar y justificar propiedades durante su historia de más de 500 años, con entronques familiares en toda Galicia”. Relata que aínda hoxe fálase do “pazo de Lemos” porque esa familia foi propietaria y deixou pegada (propiedades) visible tamén na veciña cidade de Ourense.

  • Alí, hai escudos dos Lemos (característico polos 13 roeles  en varias fachadas e inmobles situados en solares que foron propiedade dos Lemos como o sustentado por estruturas metálicas na rúa Hernán Cortés (na fotografía detrás de Mary Cruz), na praza de San Marcial (tamén detrás da autora, no marco circular da imaxe de cabeceira) e na rúa Santo Domingo.

 

 

  • E por comezar polo principio, segundo a súa investigación “es un error atribuír la fundación del Pazo de Piñor a don García Díaz de Cadórniga y a su esposa” pois os escritos do pazo apuntan a moito antes, ao ano 1502 (século XVI) como momento no que Pedro García de Pazos era alí un “señor medianeiro” ou fidalgo sen título e intermediario entre os labregos que cultivaban as terras e os propietarios directos que cobraban as rendas.

 

  • A antiga casa de labranza de Pedro García tivo sucesivas intervencións “que la convirtieron en una Casa Grande debido a la favorable situación de sus sucesivos propietarios, hasta darle un aspecto señorial y que combinaba su funcionalidad agrícola con la de descanso estival”, engade.
    En el actual Requeixo, había una serie de casas de campesinos que trabajaban las tierras para pagar rentas a los propietarios a través del medianero”, detalla Mary Cruz. Ese xerme do pazo eran as “casas de las Quintas” (aínda un dos topónimos actuais daquela zona) que, ao longo do tempo, dende comezos do século XVI, foron trocando en pazo, continuamente reformado.

Cruz Bangueses - PazoPiñor

Chegada dos Lemos e primeiros escudos no XVI

 

  • Unha neta de Pedro García de Pazos fixo unha doazón a un primo seu que tiña o título eclesiástico de “arcediago de Limia” (un vicario actual) na catedral de Ourense, con residencia na rúa San Pedro da cidade. Os seus descendentes fundaron o “morgado” do Pazo de Piñor (sistema patrimonial que privilexia a herdanza en favor do fillo primoxénito ou vinculeiro e deu orixe as liñaxes nobres de Galiza daquela época).

 

  • O escudo dos López de Lemos aparece nas súas propiedades de Ourense e Piñor e nas de tódolos lugares nos que foron entroncando con outras familias de Ribadavia, O Saviñao… mediante vodas entre eles. Así aumentaron as súas propiedades, e aparecían os seus 13 roeles cos símbolos doutras familias como Villamarín, Sarmiento, Cadórniga, Puga, Feijóo, Rivadeneira, Troncoso, Valladares, Mos…

 

  • Do século XVI aínda queda, segundo Mary Cruz, un arco renacentista conopial  na fiestra da balconada, e o escudo dos López de Lemos máis tosco, visible na fachada máis antiga do pazo. Do século XVII son outros escudos e as enormes chemineas de altura xustificada para que cumprisen a súa función.

 

  • Dende as viñas, oliveiras, patacas e millo que centraban a actividade labrega nos primeiros séculos, para o pago de rendas, as terras foron adicándose ao viño e rianxo para autoconsumo, pagos de rendas e rianxo na praza de abastos de Ourense dende que foi construída a comezos do XX.
Pazo de Piñor, da casa Lemos. San Lourenzo de Piñor 12/08/22. foto Rosa Veiga
Pazo de Piñor, da casa Lemos. San Lourenzo de Piñor 12/08/22. foto Rosa Veiga

Lingua galega do século XVI

  • O conxunto documental que estudou é variado e conta con textos de foros, de compra-vendas, testamentos, cartas persoais, anotación e mesmo copias de sentenzas ditadas por propietarios do pazo que foron xuíces en varias localidades.
    Hasta el primer tercio del siglo XVI hay documentación escrita en lengua gallega” segundo apunta a investigadora como elemento que lle pareceu importante en todo o que atopou.

 

  • Durante parte do século XIX e XX, a propiedade do pazo transmitiuse por liña feminina, de tíos a sobriñas, como ocorreu con Antonia Méndez García, de Moimenta (Lugo) casada con José María Arias Lemos  (propietario do pazo) e herdeira universal cando el finou. Antonia testou en favor de varios sobriños e o pazo de Piñor deixoullo a súa sobriña-neta Eulogia Sánchez Vázquez.

 

  • Eulogia casou co xuíz de Barbadás Vicente Lobit,   no cambio de século do XIX ao XX . El foi quen encargou ao escultor Antón Faílde , o primeiro mausoleo da casa de Lemos.
    Alí segue, no adro da parroquia de San Lourenzo de Piñor, xunto con dous sartegos semellantes a hórreos cos restos dos Lemos, familias e propietarios do pazo até hoxe.

 

  • A seguinte herdeira do pazo foi a sobriña de Lobit, Eulogia Milagrosa Pulido Vázquez nacida en 1921 e falecida en xaneiro de 2021. Tralo seu pasamento, o pazo pasou a ser de tres sobriños seus.

Piñor engaiolou a Mary Cruz

  • A autora do libro centrado no Pazo de Piñor e a documentación custodiada nel, naceu en Venezuela e volveu cos seus pais a Castrelo de Miño, onde ten residencia, como en Vigo.
  • Estudou Xeografía e Historia e especializouse en Arte, así que cando comezou a investigar no Pazo de Piñor con sorpresa continua. “Me embelesó a pesar de que no tenía nada que ver con lo que yo había elegido en la universidad”.

 

  • Para publicar o libro tamén accedeu á documentación de numerosos arquivos como o Catedralicio ou o Provincial de Ourense, entre outros.
    En todos descubriu tanto datos de xenealoxías entroncadas de diferentes familias que o que atopou foi materia para outras publicacións como unha arredor da xenealoxía da casa Villamarín, outra sobre os médicos Guadalupe, ou a que fixo arredor do sartego de Díaz Cadórniga no cemiterio histórico de San Francisco (Ourense).

 

  • Asegura que non ten agora tempo pero tamén ten pendentes estudos arredor da familia Feijóo e outra en San Cibrao das Viñas.
Pazo de Piñor, da casa Lemos. San Lourenzo de Piñor
Mausoleo dos propietarios do pazo, construído polo escultor Antón Faílde.  San Lourenzo de Piñor, 12/08/22. foto Rosa Veiga

Máis referencias do Pazo de Piñor

 

  • A presenza da escritora Carmen Martín Gaite na contorna, e a súa relación cos lugares de Piñor e coa familia do Pazo tamén deixou documentación fotográfica que se pode ver na Universidade de Castilla y León ou mesmo no arquivo dixital “europeana” .
  • E para as persoas forofas das xenealoxías, Mary Cruz mantén viva esa afección nalgún foro.

Cruz Bangueses no Pazo Piñor 237.54 KB

Cruz Bangueses PazoPiñor2 308.32 KB

Pazo de Piñor, da casa Lemos. San Lourenzo de Piñor 12/08/22. foto Rosa Veiga 603.85 KB
Pazo de Piñor, da casa Lemos. San Lourenzo de Piñor 12/08/22. foto Rosa Veiga

Pazo de Piñor, da casa Lemos. San Lourenzo de Piñor 12/08/22. foto Rosa Veiga 619.64 KB
Pazo de Piñor, da casa Lemos. San Lourenzo de Piñor 12/08/22. foto Rosa Veiga

CONTENT-CAT.1710835009

Luis Congil presenta “A marabillosa historia do viño en Galicia” co que propón que Barbadás sexa parte da D.O. Ribeiro

01/08/2022

Luis Congil presenta “A marabillosa historia do viño en Galicia” co que propón que Barbadás sexa parte da D.O. Ribeiro

Emprendemento en Barbadás

“Por dereito e por Historia, a ladeira de Barbadás cara a burata na que está a cidade de Ourense, debería ser parte do territorio vitivinícola da denominación de orixe Ribeiro, é unha afirmación de Luis Congil, autor do libro “A marabillosa historia do viño de Galicia

  • No libro que vén de presentar no restaurante A Tafona e no Museo do Viño de Galicia Luis xuntou investigacións propias e alleas, referentes históricos e novos achados arredor do viño e das uvas galegas, a maiores de argumentos que xustifican, dende o seu punto de vista, a súa proposta para que Barbadás sexa parte da denominación de orixe vitivinícola do Ribeiro.

 

  • Luis Congil é veciño de San Lourenzo de Piñor, a aldea da súa nai, na que pasou todo o tempo libre que os estudos lle deixaron cando vivía en Ourense, e na pasa o seu tempo de lecer semanal na actualidade.

 

  • Alí axudou nos traballos da horta para o rianxo nas leiras “do Cano” (entre Requeixo e a igrexa parroquial) e lembra que polas noites “cortábanse as leitugas e deixábanse en auga para que pola mañá, ó levalas á praza de abastos de Ourense, estiveran frescas e estralaran na man”.

 

  • No limiar no seu libro tamén agradece ao seu pai que lle ensinara a “facer viño coas súas propias mans (e pés)” así que o mundo do viño nunca lle foi alleo, e dende que fora vicedirector do diario “Atlántico” de Pontevedra, no 2000, uvas e viñas protagonizan os seus artigos e libros. Tamén foi profesor no mestrado de Enoloxía da Universidade de Vigo.
  • No libro  acompaña os seus textos con numerosas imaxes ao longo de 118 páxinas.
LUIS CONGIL, AUTOR DO LIBRO "LA MARAVILLOSA HISTORIA DEL VINO EN GALICIA", no que Barbadás ten un espazo histórico. Foto da presentación do libro no Museo do Viño de Galicia en Camporredondo, Ribadavia.foto Rosa Veiga
LUIS CONGIL, AUTOR DO LIBRO “LA MARAVILLOSA HISTORIA DEL VINO EN GALICIA”, no que Barbadás ten un espazo histórico. Foto da presentación do libro no Museo do Viño de Galicia en Camporredondo, Ribadavia. foto Rosa Veiga

Monxas de Santa Uxía e barrio do Hospital, en Piñor, no mundo do viño medieval

  • Na súa lectura descubriremos que a primeira mención documentada dun viño de Galicia é do ano 886 nun documento que da fe en Santa Uxía de Reza (a actual Santa Uxía, na ladeira de Piñor cara o río Miño) de que o mosteiro feminino situado nesa zona era propietaria de viñedos.
    Así aparece na enciclopedia “Viñedos y vinos del Noroeste de España” (1967), tese doutoral da universidade de Burdeos do investigador francés Alain Huetz de Lemps recuperada por Luis para o seu estudo.

 

  • Anos despois dese documento de Santa Uxía, os Reis Católicos Isabel e Fernando deron pulo á construción do Hospital Real de Santiago entre 1501 e 1511 (hoxe Hostal dos Reis Católicos) e crearon un padroado para abastecer e manter ese lugar asistencial para os peregrinos xacobeos.

 

  • Entre as doazóns episcopais a ese padroado, estivo a do Couto de San Lourenzo de Piñor, daquela do Bispado de Ourense, hoxe en Barbadás, gran produtor de viño pertencente ao Ribeiro do Miño. O Padroado do Hospital Real de Santiago mantivo unha “factoría” que enviou viño ao hospital de peregrinos durante séculos e deu nome ao barrio do “Hospital” en Piñor até hoxe.

 

  • Ese mesmo barrio foi o lugar de xogos e crianza da escritora de lingua castelá traducida a máis linguas que foi Carmen Martín Gaite, finada agora hai 22 anos, e con un álbum familiar que recolle numerosas imaxes do barrio nos anos 30 do século XX.

 

  • Luis comezou a escribir o seu libro non só para dar a coñecer as referencias históricas de viños galegos de todas as denominacións de orixe actuais, senón tamén para achegar de xeito ameno os achados máis actuais.
    “A aplicación de novos métodos de análise permite axustar cada vez máis a orixe e evolución das variedades de uvas que temos en Galicia, e por exemplo, neste momento, a semente de viña orixinal máis antiga foi atopada en Reza Vella, na marxe dereita do río Miño (Barbadás ten parte na beira esquerda) ao carón de restos dunha antiga calzada”, detalla.
LUIS CONGIL, CO SEU LIBRO "LA MARAVILLOSA HISTORIA DEL VINO EN GALICIA", diante dunha das adegas antigas do barrio do Hospital en San Lourenzo de Piñor. foto Rosa Veiga
LUIS CONGIL, CO SEU LIBRO “LA MARAVILLOSA HISTORIA DEL VINO EN GALICIA”, diante dunha das adegas antigas do barrio do Hospital en San Lourenzo de Piñor. foto Rosa Veiga

Galicia ten o 50% da biodiversidade do viño de España

  • Das 155 variedades de uvas rexistradas en España (primeiro país no mundo en superficie destinada a viñedo), o 50 % están en Galicia aínda que a superficie de viñedo galego só é o 1 % da total de España. “Somos a salvagarda da viñodiversidade do planeta Terra”, afirma Luis.

 

 

  • Saberemos que o pintor Pablo Picasso é autor dun cadro dos viños do Ribeiro, aprenderemos algo máis do asociacionismo agrario arredor dos viñedos, a  importancia dos achados nas salinas romanas descubertas no Areal, en pleno centro de Vigo, as cantigas en galego do rei Alfonso X que encomian os viños de “Ourense”, o episodio vitorioso do viño Ribeiro ca Armada Invencible… e referencias e historias das cinco DO galegas.

 

  • Das súas investigacións e vivencias, Luis conclúe que os viñedos desaparecidos en todo o municipio de Barbadás, a costa das vivendas, estaban entre os “grandes provedores de viño da cidade de Ourense e representantes dunha cultura agrícola local escalonada na que as mulleres encargábanse do rianxo a partires das hortas, e os homes do viño”, engadindo tamén os viñedos de Mugares e Toén.

 

  • Este sería un argumento a engadir no seu relato do “espazo continuo de viñedo e cultura vitícola que pervive en parte dende a actual comarca vitícola do Ribeiro até Barbadás” e que xustificaría tamén a súa inclusión na do Ribeiro.

LUIS CONGIL, CO SEU LIBRO "LA MARAVILLOSA HISTORIA DEL VINO EN GALICIA", diante dunha das adegas antigas do barrio do Hospital en San Lourenzo de Piñor. foto Rosa Veiga

Documental arredor do libro

  • O libro está dispoñible en todas as  librerías galegas, ademais de contar con distribución na páxina todostuslibros.com en versións galega e castelá.

 

LUISCONGILlibroviño1 248.57 KB
LUIS CONGIL, CO SEU LIBRO "LA MARAVILLOSA HISTORIA DEL VINO EN GALICIA", nun viñedo da Lama en San Lourenzo de Piñor. foto Rosa Veiga

LUISCONGILlibroviño2 391.45 KB
LUIS CONGIL, AUTOR DO LIBRO "LA MARAVILLOSA HISTORIA DEL VINO EN GALICIA", no que Barbadás ten un espazo histórico. Foto da presentación do libro no Museo do Viño de Galicia en Camporredondo, Ribadavia.foto Rosa Veiga

LUISCONGILlibroviño3 471.79 KB
LUIS CONGIL, CO SEU LIBRO "LA MARAVILLOSA HISTORIA DEL VINO EN GALICIA", diante dunha das adegas antigas do barrio do Hospital en San Lourenzo de Piñor. foto Rosa Veiga

LUIsCONGILlibroviño4 497.36 KB

CONTENT-CAT.1710835009

Campaña de empadroamento do Concello de Barbadás: “súmate a nós”

29/07/2022

Campaña de empadroamento do Concello de Barbadás: “súmate a nós”

O CONCELLO DE BARBADÁS DESEÑA UNHA CAMPAÑA PARA QUE A VECIÑANZA DESCUBRA AS VANTAXES DE ESTAR EMPADROADA

“Súmate a nós” é o título de unha iniciativa que incide nas bonificacións que supón para as persoas empradroadas vivir en Barbadás

A tarxeta de transporte, ludotecas, campamentos, escola infantil municipal, Centro de Información á Muller, Escola de Música, Casa da Mocidade son algúns dos servizos nos que os/as empadroados/as poden obter vantaxes

·       Este mediodía presentouse en rolda de prensa a campaña de empadroamento deseñada polo Concello de Barbadás.

·       A presentación tivo lugar no Centro Empresarial Transfronteirizo por parte do alcalde de Barbadás, Xosé Carlos Valcárcel, e Victoria Morenza, tenente alcalde.

·       Valcárcel repasou a evolución poboacional dende 2010 ata a actualidade. En 2010 Barbadás tiña 9.725 habitantes, en 2015 o padrón de habitantes sumaba 10.644 persoas, no ano 2016 a cifra acadou 10.788 residentes e en 2017chegou a 10.964 habitantes. No ano 2018 había 11.072 persoas empadroadas, no 2019 esta cifra incrementouse ata os 11.177 habitantes e no 2020 decrecemos baixamos en 103 veciños e veciñas pero de novo no 2021 medrou a poboación ata as 11.112 veciños e veciñas e este ano a día de onte aumentamos 157 veciños e veciñas en relación o 2021.

·       O rexedor indicou que “evidentemente despois haberá que facer filtros para ver si toda esta xente non está empadroada ou ubicada aquí en outros lugares, pero a poboación segue medrando e dende o Concello e queremos seguir mantendo esta tendencia, pero non é menos certo que hai veciños e veciñas que non están empadroados aquí e que convidamos a que se empadroen en Barbadás”.

·       Valcárcel sinalou que “tendo presente precisamente esa realidade e que hai un traballo de campo feito por Protección Civil en canto a consumo de auga e de enerxía eléctrica e tamén polo que nos indica a empresa de recollida de lixo, probablemente haxa entre1500 e 2000 persoas que non están empadroadas en Barbadás”.

·       Ante esta situación “o Concello de Barbadás decidimos realizar unha campaña de empadroamento para que as persoas que residen no municipio e que non figuran no padrón se animen a empadroarse”, comentou Xosé Carlos Valcárcel.

·       O aumento de veciños e veciñas precisamente suporá para o Concello un aumento de ingresos e de recursos do Estado que porían ademais en valor as infraestruturas e os servizos que se prestan porque poderían ser mellorados, poderías mellorarse ostensiblemente.

·       Son moi importantes estos servizos e  infraestruturas para que o Concello poda ofertar mais servizos, estes ingresos permitirán ofertar mais servizos, promover a dinamización social e atender as necesitades da poboación.

·       É moi importante formar parte formal do Concello onde un reside xa que é un xeito de ser responsables en axudar a mellorar a calidade de vida do propio municipio, tanto de xeito individual como de xeito colectivo e sería un plus para a comunidade, de feito o slogan que utilizamos no folleto é “súmate a nos”.

·       Valcarcel destacou que “un xemplo das vantaxes que supón estar empadroados/as en Barbadás a efectos do uso da piscina implica que hai un bono para toda a tempada que custa 6€ e penso que non hai servizo de piscina ou piscina municipal na nosa contorna que teña un prezo tan reducido. Estamos falando de 2 meses e medio practicamente con un custo de 6€”.

·       A tenente alcalde, Victoria Morenza, explicou que “esta campaña consistirá na difusión entre os residentes de 5000 folletos que serán repartidos nos buzóns de correos de cada vivenda, ademais estanse a realizar unha serie de vídeos e promocións dos recursos do Concello para atraer a dita poboación a empadroarse”.

·       Nestes vídeos participarán persoas empadroadas en Barbadás que teñen unha relevancia social ben no ámbito deportivo, cultural e social e que van a explicar precisamente neses vídeos cales son as vantaxes de estar empadroados/as en Barbadás

·       Estes folletos empezaranse a distribuír  a partir da semana que ven e “o obxectivo é precisamente animar a todas as persoas que efectivamente teñen segunda residencia e que pasan practicamente case todo o ano nos diferentes pobos a que se empadroen”.

·       Morenza resaltou que “hai que ter en conta que o non empadroamento das persoas que residen habitualmente en Barbadás tamén ocorre no rural e non só na Valenzá, onde moita xente está empadroada nos pobos de orixe; ou dentro da propia familia algún membro da familia que está empadroado no concello de orixe que acostuma a ser fundamentalmente da Baixa Limia e outro membro da familia está empadroado en Barbadás. Tendo en conta esta situación o ideal é captar a todas esas persoas para que efectivamente se empadroen no lugar onde residen”.

·       O folleto informativo “especifica todas as bonificacións ou vantaxes que ten estar empadroado en Barbadás, como poden ser as bonificacións na tarxeta de transporte, porque Barbadás como ben sabedes ten unha tarxeta de bonificación conveniada coa Xunta de Galicia, onde as persoas que están empadroadas en Barbadás poden beneficiarse de bonificacións de ata a gratuidade nos casos de persoas que se atopan en situación de emerxencia social, as persoas xubiladas tamén teñen unha bonificación, as familias tamén teñen bonificación, e os estudantes.

·       As persoas empadroadas teñen prioridade en obradoiros e cursos, acceso prioritario ao Banco Solidario, poden obter descontos nas escolas deportivas e optar a acudir ao polideportivo a un custo máis baixo.

·       A Escola Infantil Municipal só pode ser utilizada por persoas empadradas, mentras que algunas das actividades programadas polo Centro de Información á Muller van dirixidas só para empadroadas.

·       No que se refire á cultura as axudas para libros son dirixidas a empadroados e en campamentos, ludotecas, etc a preferencia é para as persoas que están empadroadas.

·       Teñen prioridade os/as empadroados/as na matrícula da Escola de Música, en actividades de formación, uso das instalación e acceso libre á Aula de Informática do Centro Empresarial Transfronteirizo.

·       Respecto dos servizos presetados pola Casa da Mocidade, as persoas empadroadas teñen prioridade nas ludotecas de Nadal e Semana Santa (50 prazas, servizo gratuito) e nos campamentos de verán (máis de 120 prazas), prioridade en cursos e obradoiros, no acceso a internet e decontos en todas as excursión, obradoiros, etc.

1659105861858 142.38 KB

CONTENT-CAT.1710835009

David percorre o mundo dende a Valenzá en moto, e na rede social Instagram

24/07/2022

David percorre o mundo dende a Valenzá en moto, e na rede social Instagram

Sociedade en Barbadás

  • David Díaz Carneiro ten case 11.500 seguidores no seu Instagram chamado “David en moto”  onde atopamos un ser humano pegado a unha moto, ou a dúas, que están na lista dos seus amores, encabezada pola súa muller Cristina Oliveira e dúas fillas de 14 e 19 anos.

 

  • “Tiven moto de novo pero algún amigo morreu en accidente con unha e comecei a terlle tanto respeto que deixei de usala, non a collía nin para ir ao traballo”, comeza o seu relato.

 

  • Leva 28 anos vivindo na Valenzá, traballou en Carrefour e aos 35 anos os seus riles deixaron de funcionar, así que viuse obrigado a acudir periodicamente a sesións de diálise ás que comezou a ir nunha “scooter” marca Derby Sabana.

 

  • Despois de 4 anos de espera, e unha petición da súa filla para que os “Reis Magos” lle trouxeran un ril a David, a familia celebra cada ano que volveu nacer o 4 de xaneiro de 2016, cando foi transplantado. “Volvín nacer e varios amigos que o entenderon así tamén, fixéronse carné de doante nese momento”, asegura.
David Díaz Carneiro da Valenzá. "David en moto " en redes sociais. xullo 2022.foto Rosa Veiga
David Díaz Carneiro da Valenzá. “David en moto ” en redes sociais. xullo 2022.foto Rosa Veiga
  • Entre os cambios que chegaron á vida familiar coa súa doenza está o feito de que é el quen se ocupa da casa, compra, xantar e das urxencias domésticas; e tamén a chegada de novas motos a casa. “Cando demos unha volta os dous na Derby, Cristina animoume a mercar unha máis grande”, e agora ten un “parque móbil” motorizado con unha BMW F800S e unha Triumph Tiger 800

 

  • Agora que viaxa case sen parar nas súas motos, cambiou tamén a súa apreciación dalgúns destinos. “De pequeno odiaba Portugal porque tiña que ir obrigado para mercar toallas coa familia, e agora é o meu lugar favorito, onde os condutores teñen respecto polas motos e fan sitio se as ven polo retrovisor”.

 

  • Dicir que viaxar en moto é o mundo de David non semella esaxerado cando narra os encontros con outros moteiros de toda España: para unha viaxe de Chaves ata Faro xuntáronse afeccionados de Vitoria, Guipúzcoa, Asturias e Madrid, que pasaron xuntos varios días de cámping, e fano unha ou dúas veces cada ano.

Dende a Valenzá… ao mundo

  • Na pandemia, as restricións de mobilidade animárono a visitar lugares preto de casa. “Por primeira vez fun pola capela do San Bieito de Cova de Lobo, por exemplo, e descubrín os hórreos de Loiro e a zona da Boutureira, na raia con San Cibrao das Viñas”.

 

  • A maiores das tarefas domésticas e familiares, David implícase en “retos” como o da “mochila solidaria”  para dar apoio á asociación de Lugo “Somos Unidos por el Cáncer” .
    Entre os moteiros fixémola circular, e cada un que a recibe deixa dentro algo simbólico de cada cidade. A min tocoume ir recollela a León e levala ata Vigo no inverno, no meu caso deixei dentro uns adhesivos, licor café e chourizos, e cando rematou en decembro do 2021 fixeron sorteo de dúas mochilas, porque se xuntara moitísimo material”, relata.
David Díaz Carneiro da Valenzá. "David en moto " en redes sociais. xullo 2022. Diante da capela de San Mamerto e trala sombra do cruceiro de As Lamas. foto Rosa Veiga
David Díaz Carneiro da Valenzá. “David en moto ” en redes sociais. xullo 2022. Diante da capela de San Mamerto e trala sombra do cruceiro de As Lamas. foto Rosa Veiga
  • Comezaron a chegarlle colaboracións dende Mallorca e cambia produtos de limpeza por visibilidade. “En Instagram coñecín a moteiros de toda España e cada vez que fago unha viaxe intercambiamos tamén adhesivos que nos identifican e nos manteñen en contacto para calquera idea que xurda”, detalla.

 

  • Máis aló da raia peninsular, David quere ir con Cristina ata Roma en moto. “Cando casamos o seu pai estaba enfermo e non puidemos facela viaxe de vodas e quedou pendente e tamén me gustaría coñecer en moto os fiordos de Noruega”.

 

  • En calquera momento da conversa, David conta detalles da súa doenza, a evolución e o seu agradecemento “á todo o equipo de nefroloxía do CHUOU, médic@s, enfermeir@s, persoal de limpeza, auxiliares, a toda persoa que traballa alí”, polo que considera a súa segunda vida.

 

  • Acordamos con el comezar a utilizar novos “hagstags” nas redes como #dendeBarbadásenmoto… a ver se o facemos visible tamén.

 

  • Boa viaxe David e compaña!!!
  • David Díaz Carneiro da Valenzá. "David en moto " en redes sociais. xullo 2022.foto Rosa Veiga
    David Díaz Carneiro da Valenzá. “David en moto ” en redes sociais. xullo 2022. foto Rosa Veiga

 

 

Davidenmoto1 154.42 KB

Davidenmoto2 402.87 KB
David Díaz Carneiro da Valenzá. "David en moto " en redes sociais. xullo 2022.foto Rosa Veiga

Davidenmoto3 480.06 KB
David Díaz Carneiro da Valenzá. "David en moto " en redes sociais. xullo 2022. Diante da capela de San Mamerto e trala sombra do cruceiro de As Lamas. foto Rosa Veiga

Davidenmoto4 263.41 KB
David Díaz Carneiro da Valenzá. "David en moto " en redes sociais. xullo 2022.foto Rosa Veiga

Davidenmoto2 402.87 KB
David Díaz Carneiro da Valenzá. "David en moto " en redes sociais. xullo 2022.foto Rosa Veiga

CONTENT-CAT.1710835009

Montse Merino e a súa Casa Baubo implantan a musicoterapia no Hospital psiquiátrico de Piñor

17/07/2022

Montse Merino e a súa Casa Baubo implantan a musicoterapia no Hospital psiquiátrico de Piñor

Emprendemento en Barbadás

Un convenio asinado polo Sergas fixo posible que Montse Merino comezase en 2020 a poñer en práctica dous proxectos musicoterapia a través das redes sociais e con soporte de familiares.

  • A xefa do servizo de Atención ao Paciente e Humanización Belén Piñeiro púxose en contacto comigo e a partires de aí, a directora do equipo de psiquiatría de Piñor, Chus Gómez, hai un ano que conta co meu traballo con persoas ingresadas no hospital psiquiátrico de Piñor”, explica Montse. O proxecto era comezar antes, pero a pandemia impediuno.

 

  • Segundo a musicoterapeuta ourensá “somos sistema nervioso” e “a música, sons e improvisación favorecen a conexión e comunicación de todo o que somos, pois facer música e cantar activan vías internas, fisiolóxicas, e actúan tamén sobre a nosa comunicación e socialización”.

 

  • Considera que a aparición das redes sociais permiten “contar moito” pero o maior efecto delas na comunicación “é o deterioro da escoita”. “Ponse no primeiro plano falar e expresarnos, pero non se traballa a escoita”, engade.

 

  • Nese eido, o da escoita, o espazo de musicoterapia “favorece a opción de escoitar” e non se precisan requisitos para estar nel, “pode vir quen queira baixo supervisión do equipo médico, e cadaquén que veña como queira porque o que facemos é utilizar a voz e os instrumentos de xeito e os pacientes teñen espazo e abano de ferramentas para escoller como expresarse”
    Montserrat Meriño, musicóloga no hospital de Piñor. Casa Bauba.
    Montserrat Merino, musicoterapeuta no hospital de Piñor. Casa Baubo. Barbadás, xuño 2022 Foto Rosa Veiga

Unha peza artística en cada sesión

  • No espazo de musicoterapia que ofrece o hospital de Piñor, Montse establece a improvisación como xeito de traballo e en cada sesión; os participantes fan unha peza artística “que vai asentando neles, e os elementos que aportan van quedando para ser utilizados na seguinte sesión”, detalla.

 

  • Traballar a improvisación teatral, musical ou artística en xeral,  fai que se active o traballo persoal para solucionar problemas vitais. Ese traballo “é fundamental para as persoas que só teñen un plan para a vida, e pásano fatal cando ese plan cae, algo que é habitual”.

 

  • O espazo de musicoterapia, para a musicoterapeuta, é un “pacto con seres máis sensibles e sen recursos para xestionar a súa xenialidade, fronte á situación de outros artistas que tiveron a sorte de atopar un camiño para expresarse no que reciben aplausos”, remata.

 

  • As sesións hospitalarias de musicoterapia en Piñor son cada xoves, despois da merenda. “Facemos outra aparte, no lugar fora do hospital onde se fuma”, e nese espazo Montse quere recuperar as ideas de “seráns, foliadas e regueifas para facer música”, relata. Nesas sesións extra, tipo “jam sesión” participan, nalgunha ocasión, estudantes de musicoterapia de Portugal, Valencia, Cataluña ou Madrid.
    Montserrat Meriño, musicóloga no hospital de Piñor. Casa Bauba. Barbadás xuño 2022 Foto Rosa Veiga
    Montserrat Merino, musicoterapeuta no hospital de Piñor. Casa Baubo. Barbadás xuño 2022 Foto Rosa Veiga

A musicoterapia en Galicia

 

  • En 2017 celebrouse en Galicia o Congreso anual de Musicoterapia de España co pulo do colectivo galego presidido por Montse.
    Queremos facer realidade o proxecto de organizalo primeiro congreso galego de musicoterapia, que xa estaba previsto en 2005 para celebralo en Ourense coa asistencia do músico, médico e musicoterapeuta italiano Gianluigi di Franco, que faleceu antes.
    “Era meu referente, xunto con Tony Wigram e non chegamos a telo congreso”, lembra Montse.

 

  • Os proxectos de musicoterapia trouxeron a Montse de novo a Ourense, onde comezara en 1993 como fundadora da Escola Municipal de Música do concello lindante co de Barbadás. Tralo seu paso como directora da Escola de Música de Santiago de Compostela nos primeiros anos 2000, organizou en Ourense, en 2013, o Primeiro Seminario Internacional de Improvisación de Jazz e Musicoterapia , ao que seguiron outras edicións.

 

  • Tamén en Galicia, e nos últimos anos en Valencia, deu pulo dende Casa Baubo á formación de musicoterapeutas con un Curso Universitario de Introdución ao modelo Musicoterapia Científica Aplicada, que leva varias edicións. Neste momento busca sede na provincia de Ourense para un mestrado de Pedagoxía Musical durante fins de semana  dirixido a profesores, estudantes e persoas con curiosidade neste eido.

Montsemusicologa Hospiñor1 143.59 KB
Montserrat Meriño, musicóloga no hospital de Piñor. Casa Bauba. Barbadás xuño 2022 Foto Rosa Veiga

Montsemusicologa Hospiñor2 735.96 KB
Montserrat Meriño, musicóloga no hospital de Piñor. Casa Bauba. Barbadás xuño 2022 Foto Rosa Veiga

Montsemusicologa Hospiñor3 320.79 KB
Montserrat Meriño, musicóloga no hospital de Piñor. Casa Bauba. Barbadás xuño 2022 Foto Rosa Veiga

CONTENT-CAT.1710835009

A “apicosmética” con Mel de Galicia naceu hai un ano na sede da apicultura galega en Barbadás

06/07/2022

A “apicosmética” con Mel de Galicia naceu hai un ano na sede da apicultura galega en Barbadás

Emprendemento en Barbadás

 

  • A apicultura é un tipo de gandería con moito futuro e posibilidades que conta con cada vez máis practicantes entre a xente moza, pois “decátanse de que coas abellas apréndese un montón, e cando xa teñen algunha infraestrutura montada, compénsalles solicitar as axudas previstas para o sector”, asegura Ester.

 

  • Entre os mil socios e socias da agrupación, 8 son do Concello de Barbadás. Na sede da agrupación galega, Ester explica que a apicultura complementa a renda agraria que se obtén do coidado de castiñeiros, da colleita de cogomelos…

 

  • “Ultimamente houbo socios que se desanimaron porque foron anos malos, con velutina, e parecía que todo ían ser gastos, así que puxémonos a pensar como diversificar a produción”, relata Ester.

Proxecto moi colaborativo

  • En 2019 xurdiu a idea dunha liña de cosméticos elaborados con mel coa certificación de orixe e calidade que corresponde a Indicación Xeográfica Protexida (IXP) “Mel de Galiza”. E fóronse engadindo apoios.

 

  • O proxecto elaborouse a partir da investigación desenvolvida no campus de Ourense da Universidade de Vigo, en concreto na facultade de Física Aplicada, que fixo o estudo con 60 voluntarios de toda Galicia, entre eles algún de Barbadás, nos que se estudaron os primeiros resultados, segundo detallou a veterinaria de abellas.
    Comezamos o traballo con mulleres apicultoras, pois aos homes non lles encaixaba esta idea da cosmética”, lembra, e contaron coa colaboración Juan Carlos Liste, do Instituto de Aromaterapia de Galicia, coa dun laboratorio de Santa Uxía de Riveira e ca Asociación Desenvolvemento Rural Comarca de Ourense (Adercou , tamén con sede en Barbadás), entre outros.

 

  • En maio de 2021 naceu a liña de apicosmética “Bela Colmea” cunha gama de produtos destinados ao coidado corporal, nutrición e reparación da pel, en zonas concretas:  bálsamo para pés, dous bálsamos corporais con diferente uso chamados “apirreparador” e “apidor”, xabón natural de mel e própole, crema reparadora de mans e unllas, crema facial anti-idade e crema corporal enriquecida.
Ester Ordóñez Dios e Mónica López Pérez, do Centro Empresarial Transfronteirizo situado en Pontón, Barbadás, cos productos cosméticos "Bela Colmea" foto Rosa Veiga . maio 2022
Ester Ordóñez Dios e Mónica López Pérez, do Centro Empresarial Transfronteirizo situado en Pontón, Barbadás, cos produtos cosméticos “Bela Colmea” foto Rosa Veiga . maio 2022

Venta directa de apicultores e “en liña” na agrupación

  • Despois do primeiro ano, 30 apicultores y 50 colmeas de toda Galicia aportan a súa  produción para elaborar os cosméticos que son vendidos directamente polos produtores, e tamén na páxina web da agrupación, que conta con apartado de tenda.
    “Estamos entrando tamén en tendas especializadas en apicultura e noutras que estean interesadas, como as centradas en produtos naturais”, detalla pola súa banda Mónica López, traballadora da agrupación e buscadora continua, dentro da súa dispoñibilidade de tempo, de novos locais de venda.

 

  • Nos pedidos a través da web da agrupación, Mónica ocúpase de facer paquetes moi persoais, que inclúen información en tarxetón e folleto. “A agrupación non é unha empresa que compita ca venda que fagan @s apicultores, senón que complementa as posibilidades dos produtores e tenta ir máis aló, destinando os beneficios a novos produtos”, engade.

 

  • Así, a comezos de xuño deste mesmo ano 2022, saíu á venda o primeiro xampú sólido, despois de proporcionar algún dos produtos en colectivos  como o dos peregrinos, para os que poden ser moi beneficiosos o bálsamo para pés, o “apirreparador” e o “apidor”.
    Estes produtos forman parte dun apiturismo, que xunta a tradición das alvarizas (e os seus diferentes nomes galegos como lacenas, trobos ou cortizas) co Camiño de Santiago pois aparecen con frecuencia diante dos ollos das persoas que peregrinan cara Santiago de Compostela”, relata Ester.

 

  • Dende que comezaron as vendas, segundo lembra Mónica, as persoas que usan estes novos produtos comentan nas redes os seus resultados. “Así descubrimos que a crema corporal deu moi bos para a psoriase, e que aceleran a recuperación tras picaduras de abellas e outros insectos
Ester Ordóñez Dios e Mónica López Pérez, do Centro Empresarial Transfronteirizo situado en Pontón, Barbadás, cos productos cosméticos "Bela Colmea" foto Rosa Veiga . maio 2022
Ester Ordóñez Dios e Mónica López Pérez, do Centro Empresarial Transfronteirizo situado en Pontón, Barbadás, cos produtos cosméticos “Bela Colmea” foto Rosa Veiga . maio 2022

O traballo habitual continúa

  • A venda e promoción das cremas e bálsamos “Bela Colmea” engádense aos traballos habituais da agrupación de Barbadás, na que Ester e Mónica ocúpanse cada día de atender e asesorar a apicultores con problemas nas súas colmeas ou que precisan tramitar axudas, seguros etc.

 

  • O envío de fotos e vídeos por plataformas telefónicas de mensaxería, pode ser suficiente para facer diagnóstico diante dunha mortalidade de abellas, antes de decidir que é necesario ir en persoa, e na pandemia tivemos que impartir cursos formativos en liña, o que permitiu a asistencia de máis persoas que antes, ao remate do seu traballo diario, xa en casa, incluso dende Latinoamérica” detallou Ester.

 

  • Cos cursos, o colectivo de apicultores mantense informado de temas sanitarios, axudas, novas lexislativas… e tamén poden irse actualizando nos vídeos e tutoriais da canle de Youtube .
    Tamén podes seguilos en Facebook e Instagram

BelaColmea EsterMonica1 206.46 KB
Ester Ordóñez Dios e Mónica López Pérez, do Centro Empresarial Transfronteirizo situado en Pontón, Barbadás, cos productos cosméticos "Bela Colmea" foto Rosa Veiga . maio 2022

belaColmea EsterMonica3 288.83 KB
Ester Ordóñez Dios e Mónica López Pérez, do Centro Empresarial Transfronteirizo situado en Pontón, Barbadás, cos productos cosméticos "Bela Colmea" foto Rosa Veiga . maio 2022

belaColmea EsterMonica2 293.51 KB
Ester Ordóñez Dios e Mónica López Pérez, do Centro Empresarial Transfronteirizo situado en Pontón, Barbadás, cos productos cosméticos "Bela Colmea" foto Rosa Veiga . maio 2022

CONTENT-CAT.1710835009

Reunión do subdelegado do Goberno en Ourense e o alcalde de Barbadás

05/07/2022

Reunión do subdelegado do Goberno en Ourense e o alcalde de Barbadás

O encontro versou sobre proxectos de interese para Barbadás

O ALCALDE DE BARBADÁS, XOSÉ CARLOS VALCÁRCEL, PLANTEXA AO SUBDELEGADO DO GOBERNO, EMILIO GONZÁLEZ AFONSO, A CREACIÓN DE UN POSTO DA GARDA CIVIL NO MUNICIPIO

O encontro entre o subdelegado e o rexedor evidenciou a necesidade de financiación para outros proxectos de interese para Barbadás

  • Esta mañá tivo lugar en Ourense unha reunión coa presenza do subdelegado do Goberno, Emilio González Afonso, o alcalde de Barbadás, Xosé Carlos Valcárcel, e a tenente alcalde, Victoria Morenza, para abordar asuntos de interese para o concello.

 

  • O rexedor de Barbadás plantexou ao Subdelegado do Goberno a creación de un posto da garda civil no municipio, unha dotación que melloraría a seguridade na zona.

 

  • Outro dos proxectos sobre os que existe interese por parte do goberno municipal de Barbadás pasa por acometer unha intervención integral de humanización da avenida de Celanova, toda vez que recentemente se procedeu á rexeneración do firme da arteria principal da Valenzá.

 

  • Tamén se puxo en evidencia nesta reunión de traballo a ampliación da plantilla da policía local debido ao incremento poboacional dos últimos anos.

 

  • Xosé Carlos Valcárcel plantexoulle a Emilio González Afonso a evolución de Barbadás nos últimos anos, nos que se produciu non só un incremento demográfico senón tamén unha dispersión do ámbito de actuación dos efectivos da policía.

 

  • Valcárcel incidiu tamén na importancia de implementar a difusión do potencial do concello de Barbadás nos ámbitos do turismo e da riqueza natural. Un exemplo da potencialidade turística e natural de Barbadás é a zona natural do Pisco e o roteiro que o engloba, dende a Valenzá ata a coñecida fervenza.

 

  • O rexedor recalcou a importancia de que o Estado se implique no financiamento de un proxecto presentado hai uns días, que consiste na habilitación de un roteiro neste camiño e a creación, perfectamente mimetizados co entorno, de elementos que potencien a fervenza do Pisco e o camiño que conduce a este senlleiro lugar do municipio.

 

  • Xosé Carlos Valcárcel abordou tamén a necesidade de reformar a antiga escola de Sobrado, como eixe vertebrador do pobo, e tamén de establecer como prioritaria a instalación de fibra óptica nos núcleos de Barxa e Pista de San Bieito, en San Lourenzo de Piñor.

 

  • Finalmente, a tenente alcalde, Victoria Morenza, abordou a importancia da figura de Carmen Martín Gaite e a súa vinculación con Barbadás, especialmente con San Lourenzo de Piñor, pobo que aparece reflectido en 3 das súas obras literarias.

 

  • Morenza plantexou a posibilidade de que o Estado, a través do Ministerio de Cultura, colabore coa posta en marcha do Plan Director para lanzar a potenciación e vinculación de Martín Gaite con Barbadás e con Galicia, a través da creación de roteiros literarios e mellora e humanización do entorno no que viviu numerosos veráns a ilustre escritora.

 

  • Falouse da proximidade do centenario do nacemento da escritora para establecer de un xeito intenso esta colaboración entre o Estado e o Concello de Barbadás.

CONTENT-CAT.1710835009

Programación de verán en Barbadás

23/06/2022

Programación de verán en Barbadás

Música, maxia, teatro, circo, cine, grafitti, skate....

MÚSICA, MAXIA, TEATRO, CIRCO, CINE, GRAFFITI, SKATE,ACTIVIDADES LÚDICAS, DEPORTIVAS E DIDÁCTICAS COMPOÑEN O PROGRAMA DE VERÁN EN BARBADÁS

O concerto de Guezos, hoxe ás 21,30h, no Parque Dos Patos dá comezo ao programa do verán cultural, lúdico e de ocio do Verán Cultural Barbadás 2022

Hoxe, tivo lugar a presentación do programa Verán Cultural Barbadás 2022, cun amplo abano de actividades culturais, lúdicas, artísticas, deportivas, que se desenvolverán na época estival no noso concello.

  • Marga Pérez, concelleira de Cultura, destacou que “temos unha cita importante coa programación cultural ao longo de todo o verán, un punto de encontro entre amigos/as e familias. Este ano aumentouse a oferta cultural e lúdica, así como o orzamento destinado a este tipo de actividades caracterizadas pola variedade na oferta”.

 

  • Abel Pérez, concelleiro de Deportes e Mocidade, sinalou a importancia de ofrecer un amplo abano de actividades dirixidas aos/ás máis xóvenes: grafitti, DJ, hip hop, skate, charlas, etcétera compoñen a oferta para a mocidade.

 

  • Elisabet González, concelleira de Igualdade, destacou a presenza hoxe de Guezos no Parque dos Patos, nun concerto enmarcado Pacto de Estado contra a violencia de xénero e pola Casa da Mocidade.

 

  • Xosé Carlos Valcárcel, alcalde de Barbadás, destaca que “a programación do verán cultural de Barbadás convertiuse durante a pandemia nunha referencia para toda a contorna”.

 

P R O G R A M A     C U L T U R A L

Actuacións no  Parque dos Patos (A Valenzá)

  • Xoves 23 de xuño ás 21:30 h. Guezos en concerto.
  • Mércoles 29 de xuño ás 21 h. Concerto da Banda de Música Infantil da Escola de Música de Barbadás.
  • Xoves 30 de xuño ás 21 h. Concerto da Banda de Música Xuvenil da Escola de Música de Barbadás.
  • Xoves 7 de xullo ás 21 h. Actuación de Tanito e Máxico Brais co espectáculo «Circo Menudo….Menudo Circo» (Maxia).
  • Xoves 14 de xullo ás 21 h. Actuación de Culturactiva Produccións co espectáculo «Desconcerto» (Teatro)
  • Xoves 21 de xullo ás 21 h. Actuación do mago Dani García co espectáculo «Tin» (Maxia)
  • Xoves 28 de xullo ás 21 h. Actuación de Teatro ó Cubo con el espectáculo «Ghop» (Teatro/Circo)
  • Xoves 4 de agosto ás 21 h. Concerto do grupo En Mala Hora.
  • Xoves 11 de agosto ás 21 h. Actuación de Cia Vaya co espectáculo «Vertical Boom» (Circo)
  • Xoves 18 de agosto ás 21 h. Actuación de Xarope Tulú co espectáculo «Rilla Rilla» (Teatro)
  • Xoves 25 de agosto ás 22 h. Noite de cinema coa proxección de la película «Valentina»

 ___

P R O G R A M A      M O C I D A D E

A Casa da Mocidade ofrecerá tamén unha ampla programación de actividades:

  • A segunda edición de BARBADÁS TEN RIMA! terá lugar o venres 1 de xullo na Praza Vermella, diante da Casa da Mocidade.
    Este festival de Cultura urbana abrangue varias actividades:

    • 17:00 h. “ I Batalla de Galos” Edición Barbadás ten rima!
    • 20:30 h. Arte Graffitti: IDOIA DE LUXÁN / DAFER PLANET
    • 20:30 h. En Concerto: RUSSO / HOMBRE-P / ALFRE096 + KID MOUNT + WILSON

 

  • Ao longo do mes de xullo terá lugar unha actividade que mestura deporte e ocio relacionada co “SKATE STREET” (Modalidades de Skate, Scooter e Patíns:
    • Primeira quenda: días 1, 6 e 8 de xullo
    • Segunda quenda: días 20, 22, 27 e 29 de xullo
      Con 20 participantes por quenda en horario de 11h. A 13h.

 

  • A programación da Casa da Mocidade inclúe tamén un OBRADOIRO GRAFFITI o xoves 7 de xullo, con clases de Graffiti para 20 participantes.

 

  • Os días 14 e 21 de xullo (dúas quendas en horario de 12:00 a 14:00 h) está previsto un obradoiro de DJ, con un máximo de 15 participantes por día.

 

  • CHARLAS :
    • Mércores 13 de xullo: “Queréndome e coidándome”: Prevención dos trastornos de alimentación.
    • Mércores 20 de Xullo: “Tips para detectar relacións tóxicas”: Prevención da violencia de xénero e outras problemáticas nas relacións sociais. Estas charlas están dirixidas a todos os públicos. 988 000 234. xuventude@barbadas.es

 

  • Outra actividade deportiva e de ocio será o Campus de Verán ‘Os Patos’, do Programa Respiro familiar 2022.
    A Concellería de Mocidade e Deportes de Barbadás convoca o Campus de Verán “Os Patos”, unha actividade lúdica é o tempo formativa e que terá lugar durante as vacacións de verán dirixida aos nenos e nenas do Concello de Barbadás.
    Estará dividido en 10 quendas dunha semana de duración, do 27 de xuño ao 2 de setembro,  nas piscinas municipais .
    Un total de 200 prazas para nenos/as de 6 a 12 anos.
    O campus “Os Patos” inclúe xogos acuáticos, actividades recreativas, manualidades, deporte e natureza.
    Os/as solicitantes deberán ter en conta que existen dous tipos de programación, azul e verde, e que se repite nas diferentes quendas.

    • Programa Azul: manualidades. Natureza, xogos de mesa, cociña e festa.
    • Programa Verde: arte, primeiros auxilios e salvamento, xogos populares, cociña e festa. Dificultade media-alta; obrigatorio saber nadar e/ou ter capacidade de flotación.
      PREZO: 20€

Máis información e inscricións nas Actividades de Mocidade

Casa da Mocidade
Rúa Os Diestros, 2 A Valenzá (Barbadás)
Tel. 988 000 234. xuventude@barbadas.es 
Instagram: mocidade_barbadas

_____

P R O G R A M A    E D U C A C I Ó N

  • Outra oferta lúdica son os Campamentos “Barbadás Concilia Verán 2022”, organizados pola Concellería de Educación para nenos e nenas nados/as entre os anos 2010 – 2018. Estes campamentos celebraranse entre 4 de xullo e o 30 de agosto, organizados por quincenas.
    • 1º quincena de xullo (4 – 15 de xullo), 107 nenos/as aprox.
      • Espazo infantil A Solaina – A Valenzá (dous grupos)
      • As Lamas
      • Barbadás
      • Sobrado do Bispo
      • Piñor
      • Bentraces
    • 2º quincena de xullo (18 – 29 de xullo), 100 nenos/as aprox.
      • Espazo infantil A Solaina – A Valenzá (dous grupos)
      • As Lamas
      • Barbadás
      • Sobrado do Bispo
      • Piñor
    • 1º quincena de agosto (1 – 12 de agosto),  50 nenos/as aprox.
      • Espazo infantil A Solaina –  A Valenzá (dous grupos)
      • As Lamas
      • Barbadás
      • Sobrado do Bispo
      • Piñor
    • 2º quincena de agosto (16 – 30 de agosto), 36 nenos/as aprox.:
      • Espazo infantil  A Solaina – A Valenzá (dous grupos)
      • Barbadás

 

Máis información e inscricións Actividades de Educación e Cultura

Casa da Cultura Manuel María
Rúa San Bernabé, 37, A Valenzá (Barbadás)
Tel.  988 246 885. educacion@barbadas.es

1655988245505 714.83 KB

CONTENT-CAT.1710835009

A taberna galega de Luis Miguel na Valenzá troca en croquetería e vermutería con actividades musicais

21/06/2022

A taberna galega de Luis Miguel na Valenzá troca en croquetería e vermutería con actividades musicais

Emprendemento en Barbadás

Luis Miguel Redondo Rego cambiou o nome “Morro fino” da súa taberna galega polo de “D´Croketas”  no local da rúa Cotelma no que traballa dende agosto de 2019.

  • O troco de nome debeuse a unha oferta diferente e única, neste momento, na Valenzá, centrada agora nunha  decena de variedades diferentes de croquetas, case tódolos vermús galegos, entre outros, e táboas de queixos e embutidos de calidade certificada.

 

  • A familia de Luis Miguel espállase por Trelle (Toén), Valladolid e parte da costa galega, e nos seus anos máis mozos viviu na Carballeira e coñeceu A Valenzá e O Couto. “O lugar habitual para saír cos amigos era A Valenzá e dende os 17 anos traballei na hostalería local”, lembra.
Luis MIguel Redondo Rego, da croquetería/vermutería D´Croketas, na rúa Cotelm
Luis MIguel Redondo Rego, da croquetería/vermutería D´Croketas, na rúa Cotelma. foto Rosa Veiga
  • Estivo en varios dos restaurantes mexicanos da contorna (no “Tajín mexicano”, no “Mexicano Auténtico”…) e cando decidiu traballar pola súa conta atopouse “con locais inasequibles” na cidade de Ourense. Na Valenzá atopou en 2019 un único local de restauración que non traballaba cara o público por estar pechado dende dous anos antes.
    “Neses primeiros meses non me foi mal, pero chegou a pandemia, e tiven a gran sorte de que o propietario do local acordou comigo suspéndelo cobro do aluguer até que puidera traballar e grazas a iso podo estar aberto agora”, detalla.

 

  • Dende que comezaron a reducirse as restricións pola Covid e para recuperala actividade, Luis Miguel organizou unha festa asturiana, unha degustación de croquetas no Día da Patria Galega, 25 de xullo, en 2020 e diferentes iniciativas para activar o local e a zona na que está.

Dende abril, croquetería

  • En abril deste 2022, Luis Miguel elaborou unha oferta diferente cunha decena (polo momento) de croquetas diferentes de fabricación galega e a combinación de diferentes vermús, entre eles Povarello, Petroni  de Padrón,  Sardino  de Pontevedra, Fogar de Santiso elaborado en Allariz, Rivera  de Estrella Galicia, elaborado en Chantada e o Entroido  do Rosal.

 

  • Dende ese momento, o nome pasou a indicar esa especialidade en croquetas, aínda que mantén as tostas, embutidos e queixos, tamén en continua evolución, dende táboas de queixos galegos a outras centradas en queixos do resto de España, neste momento.
Luis MIguel Redondo Rego, da croquetería/vermutería D´Croketas, na rúa Cotelm
Luis MIguel Redondo Rego, da croquetería/vermutería D´Croketas, na rúa Cotelma. foto Rosa Veiga
  • Xa anuncia una “festa hawaiana” para o 23 de xullo, que será a primeira dende que abriu como croquetería, e prepara a segunda que contará con degustación de viños da D.O. Rías Baixas e mexillóns.
    Estou a preparar unha festa con gaiteir@s e agora que a situación vai mellorando ós poucos, boto de menos a convocatoria de Barbadás a Bocados que considero que é moi boa para dar pulo a hostalaría da Valenzá”, engade.

 

  • Tamén proxecta convocar a veciñ@s e visitantes con sesións de contacontos, e algunha outra idea que xa lle ronda pola cabeza.

 

  • Para estar a última nas súas novas, tédelo en Instagram .
Luis MIguel Redondo Rego, da croquetería/vermutería D´Croketas, na rúa Cotelma
Luis MIguel Redondo Rego, da croquetería/vermutería D´Croketas, na rúa Cotelma. foto Rosa Veiga

LuisMiguelCroketas1 147.41 KB
Luis MIguel Redondo Rego, da croquetería/vermutería D´Croketas, na rúa Cotelma. foto Rosa Veiga

LuisMiguelCroketas3 318.45 KB
Luis MIguel Redondo Rego, da croquetería/vermutería D´Croketas, na rúa Cotelma. foto Rosa Veiga

LuisMiguelCroketas4 362.45 KB
Luis MIguel Redondo Rego, da croquetería/vermutería D´Croketas, na rúa Cotelma. foto Rosa Veiga

LuisMiguelCroketas2 272.86 KB
Luis MIguel Redondo Rego, da croquetería/vermuería D´Croketas, na rúa Cotelma. foto Rosa Veiga

CONTENT-CAT.1710835009

Marina é a única muller en Protección Civil de Barbadás e anima a outras “para ter unha agrupación como hai 20 anos”

08/06/2022

Marina é a única muller en Protección Civil de Barbadás e anima a outras “para ter unha agrupación como hai 20 anos”

Sociedade en Barbadás

Veciña da Valenzá, natural do concello de Amoeiro, Hai 46 anos deixou O Carballiño e dende 2004 vive en Barbadás.

  • Lembra que en 2009 enfermou gravemente o seu sobriño Julio César, que formaba parte do grupo de Protección Civil do Carballiño. “Sempre falaba de ese traballo e de canto lle gustaba e até me animaba a min para que me engadise á súa agrupación”.
    Daquela Marina non o fixo, pero cando chegou á Valenzá para comezar unha nova etapa na súa vida, preguntou os requisitos e deu o paso.

 

  • “Dende que son voluntaria, sempre me sentín moi a gusto e lembro que hai anos había tantas mulleres coma homes, ou máis, pero elas o foron deixando cando se casaron, cousa que non entendo pero animo a outras para que veñan, para formarse e para botar unha man”, detalla.

 

  • Segundo a súa experiencia de aprendizaxe, Marina explica que pasou de candidata a voluntaria tras facer un curso básico, homologado por la Xunta de Galicia a través da Academia Galega de Seguridade Pública.
    Con ese curso básico, Marina, e calquera outra persoa candidata, pasa a formar parte da Agrupación de Voluntari@s de Protección Civil de Barbadás.
    “Despois funme especializando con outros cursos como,  por exemplo, o de excarcelacións para tráfico que fixen en Ribadavia”, engade.
Marina Corral de Protección Civil Barbadás
Marina Corral Rodríguez. Única muller neste momento en Protección Civil de Barbadás. Xuño 2022

De oficio polbeira

  • O dito popular, “cociñeiro antes que frade”, vai coma unha luva para Marina pois entre os seus traballos, está o de carga e descarga de camións nunha empresa familiar de transportes, mentres criaba unha filla e un fillo.

 

  • Mentres viviu, anos atrás, no Carballiño, unha familia de Arcos, próxima a ela, aprendeulle a “picalo polbo” o que a levou até Asturias como polbeira dentro dun restaurante e a estar dispoñible agora para ese traballo sempre que a requiren porque coñece ben o oficio.
    “Teño un pequeno equipamento de tesoiras e mandilón persoal e con frecuencia chámanme para a zona de Pontevedra”, relata. Con ese traballo e o de voluntaria de Protección Civil asegura deitarse “moi tranquila e satisfeita do traballo ben feito”.

 

  • Antes traballou tamén nun salón de peiteado, pastelería etc. Pero o que máis lembra son os seus comezos en Barbadás, na agrupación de voluntarios. “Miña primeira intervención foi nuns carnavais, cando tiñamos a base preto do colexio Filomena Dato, e daquela comezamos 3 ou 4 compañeiros a un tempo”.

 

O sal sempre groso

  • Non se pode deixar ir a unha polbeira sen preguntarlle segredos do seu oficio. E ás veces conta algún. No caso de Marina, asegura que a cantidade de auga para a cocción, un “polbo de boa calidade” e o uso de sal groso, son os elementos máis importantes.

 

  • Para ela mesma fai receitas como a de pasalo pola brasa ou guisalo con cebola e allo, acompañado de cachelos.

 

  • E xa cando se lle pregunta por algo que lle gustaría facer, se tivera oportunidade, a resposta vai cara o mesmo: abrir unha tapería de polbo e embutidos de boa calidade e, se pode ser, traballar ao ar libre.

 

  • Se alguén recolle a luva que avise!! Calquera persoa interesada xa sabe onde localizala

 

Marina Corral de Protección Civil Barbadás
Marina Corral Rodríguez. Única muller neste momento en Protección Civil de Barbadás. Xuño 2022

 

 

Marina Corral de Protección Civil Barbadás 259.69 KB
Marina Corral Rodríguez. Única muller neste momento en Protección Civil e Barbadás. Xuño 2022

Marina Corral de Protección Civil Barbadás 421.26 KB
Marina Corral Rodríguez. Única muller neste momento en Protección Civil e Barbadás. Xuño 2022

Marina Corral de Protección Civil Barbadás 181.18 KB

CONTENT-CAT.1710835009

Evento comercial en Barbadás: Noite Moucha, 10 de xuño

07/06/2022

Evento comercial en Barbadás: Noite Moucha, 10 de xuño

Evento ambientado no afastado oeste

BARBADÁS ACOLLE O VENRES 10 DE XUÑO A “NOITE MOUCHA”, AMBIENTADA NO AFASTADO OESTE

Está previsto sortear un premio de 500 euros, que se fará público coincidindo co descanso da orquestra París de Noia, posto que o evento coincide coas festas da Valenzá

Haberá inchables gratuítos por compras nos establecementos organizadores

  • Hoxe ao mediodía presentouse na Valenzá o evento comercial “A Noite Moucha”, ambientada no afastado Oeste. Na presentación estiveron Marga Pérez, concelleira de Comercio, Alejandra Rodríguez, presidenta do Centro Comercial Aberto, Beatriz Mosquera, de Carussa Baby, Ángeles Romero, de Utile Mobles e Gloria Martín, de Gaia contigo.

 

  • Marga Pérez, concelleira de Comercio, afirmou que “hoxe presentamos unha nova actividade de dinamización do comercio local de Barbadás, unha máis das que se están a desenvolver durante todo o ano. Nesta ocasión trátase da celebración da Noite Moucha, que xa tiña cabida en anteriores edicións anteriores á pandemia e agora volve a retomarse con máis forza porque é unha proposta moi atractiva que ten moito éxito entre o público.

 

  • Os comercios permanecerán abertos ata as 12 da noite e permitirá que a clientela se poida beneficiar de prezos especiais e optar a premios.

 

  • Dende a área de Comercio estamos colaborando sempre coas propostas que se nos presentan e estamos aquí para apoialos sempre en todas as actividades que queiran desenvolver porque dixemos en máis de unha ocasión os/as comerciantes son o motor do noso concello, unha parte viva, son postos de traballo. Apostamos para que se incrementen o número de comercios, de postos de traballo e para que actividade comercial sexa positiva para o comercio local.

 

  • Alejandra Rodríguez, presidenta da asociación de comerciantes da Valenzá, indicou que este evento está dirixido aos máis pequenos/as e á xente do barrio. Nesta ocasión está ambientado no afastado oeste, polo que as tendas e os/as comerciantes estarán caracterizadas con esta temática. Vai haber unha serie de premios en base ás compras realizadas. O premio ten un custo de 500 euros e vaise facer público á 1,30 da madrugada no descanso da orquestra París de Noia. Está formado por vales de 18 euros que se poderán trocar nos establecementos do comercio local.

 

  • Entre as actividades dirixidas a menos e nenas figuran unha xincana, a busca do tesouro, diploma ao/á mellor vaqueiro/a. Tamén está prevista unha actividade de globoflexia e pintacaras.

 

  • No evento participan 14 comercios de todos os ámbitos: mobles, téxtil, produtos naturais, etcétera: Elma, Mimi flores, Librería A Valenzá, Bell moda, Calzados Zocos, Moda Calviño, Utile Mobles, Twins Men, Twins, Gaia contigo, La Cigüeña e Más que un sueño.

 

  • Os/as máis cativos poderán desfrutar de inchables en 3 puntos diferentes da Valenzá, aos que poderán acceder gratuitamente mercando nos negocios colaboradores.

Noite moucha 22 529.03 KB

noite moucha 2 681.83 KB

CONTENT-CAT.1710835009

Barbadás: presente no itinerario do Rallye de Ourense

01/06/2022

Barbadás: presente no itinerario do Rallye de Ourense

O 18 de xuño

BARBADÁS ACOLLERÁ OS TESTS OFICIAIS DO RALLYE DE OURENSE O 18 DE XUÑO A PROBA TERÁ O PERCORRIDO POR DIFERENTES PUNTOS DO MUNICIPIO

O percorrido iniciarase na Valenzá, na contorna do campo de fútbol “ Os Carrís”, pasando por Barbadás, San Benito da Cova do Lobo e rematando en Piñor.

Ao acto de presentación do Rallye de Ourense acudiron representantes do Concello de Barbadás: Victoria Morenza, tenente alcalde e Abel Cortés, concelleiro de Deportes

 

  • Este mediodía presentouse en Ourense a 55 edición do rallye de Ourense, que este ano transcorre por Barbadás.
  • En representación do Concello de Barbadás estiveron a tenente alcalde, Victoria Morenza, e Abel Cortés concelleiro de Deportes. Na imaxe aparecen xunto coa representación institucional de Barbadás, o presidente de Escudería Ourense, Jano Fraga, e o xefe de seguridade do rallye, Pepe Sampayo.
  • Cando se cumpre a 55 edición do Rallye de Ourense Barbadás será escenario da realización dos test oficiais e dunha nova proba automobilística do Super Campionato de España de Rallyes.
  • Despois do éxito do pasado ano realizando os test oficiais na Valenzá, agora toca mostrar máis apoio a esta proba de carácter nacional que sitúa ao Concello de Barbadás no mapa deportivo de máis alto nivel.
  • Os test oficiais celebraranse o 14 de xuño na Valenzá e o 18 de xuño realizarase a proba, que terá dúas pasadas polo territorio de Barbadás, iniciándose o percorrido na Valenzá, na contorna do campo de fútbol “ Os Carrís”, pasando por Barbadás e San Benito da Cova do Lobo e rematando en Piñor.
  • Victoria Morenza, tenente alcalde, indica que “a participación do Concello de Barbadás é unha aposta segura por un evento deportivo que atraerá ao noso municipio aos mellores pilotos e á mellor aficción”.
  • A integración de Barbadás no Rallye de Ourense é tamén unha oportunidade para proxectar unha imaxe da nosa contorna que gozarán os/as espectadores/as, xa que o trazado das probas percorre lugares “naturalmente” espectaculares, e que ademais, supoñerá un impulso dinamizador e económico para a zona.
  • Abel Cortés, concelleiro de Deportes, agradece á Organización o feito de que “contaran con Barbadás, os nosos recursos estarán á súa disposición para que as probas sexan un éxito e todos podamos gozar dun gran acontecemento deportivo como é o Rallye de Ourense”.

CONTENT-CAT.1710835009

Presentación do II Paseo da Saúde

24/05/2022

Presentación do II Paseo da Saúde

O 3 de xuño será o día central, con actividades complementarias en días anteriores e posteriores.

O PASEO DA SAÚDE DE BARBADÁS REÚNE A 15 COLECTIVOS RELACIONADOS CON PATOLOXÍAS E ENFERMIDADES DIVERSAS

Obradoiros, charlas didácticas, unha masterclass de ioga e merenda saudable para os/as máis cativos conforman un programa de actividades que se desenrolarán previamente e o propio 3 de xuño

Protección Civil de Barbadás estará tamén para inculcar a importancia da prevención

  • Este mediodía presentouse en Barbadás a segunda edición do Paseo da Saúde. No acto estiveron Victoria Morenza, tenente alcalde, Elisabet González, concelleira de Sanidade, Daniel Rey, responsable de Protección Civil de Barbadás.

 

  • Á presentación acudiron representantes de diferentes colectivos relacionados co ámbito da saúde: Natalia Estévez, da Asociación de Mulleres con endometriose; Silvia Suárez, de Por eles TEA, Asociación Autista de Ourense; Rebeca Fernández , de ASEIA, Asociación para a saúde emocional na Infancia e na adolescencia; Leticia Bianchi, de Morea; Carmen Dorado, de Alcer, Asociación de Loita contra a enfermidade renal; Paz Gómez-del Valle, da Asociación Diabética Aurea; Susana Fernández, Audemper; Lucía Maceiras e Rosa Vieytes, de Autismo Ourense e Óscar Doval de Afaor, Asociación de enfermos de Alzheimer. Tamén estivo  Chari Álvarez, de ACCU Ourense, da Asociación de Crhn e colite ulcerosa.

 

  • Tamén participan no Paseo da Saúde colectivos como a Asociación española contra o cancro; Aodem, Asociación e Esclerose múltiple, parkinson e enfermidades raras; Asociación de Fibromialxia e fatiga crónica; Asociación de Crohn e colite ulcerosa; Asociación de Celíacos de Galicia; Renacer, Asociación de Dano cerebral; Asociación de Familiares e enfermos mentais, AFEM, Asociación de Familiares e enfermos mentais e Fundación Neuroburgas.

 

  • Victoria Morenza, tenente alcalde de Barbadás, agradeceu a presenza das/os representantes dos colectivos vinculados á saúde para a presentación do II Paseo da Saúde, que terá lugar este venres día 3 de xuño en horario de mañá e tarde na Avda. de Celanova, preto da rotonda da familia,

 

  • Morenza indicou que “nesta edición contaremos coa presenza de moitas asociacións relacionadas co ámbito da saúde da nosa provincia e cada unha delas dará a coñecer o traballo que realizan en relación á prevención e tratamento de diversas patoloxías e enfermidades”.

 

  • O Paseo da Saúde ofrecerá información de interese para toda a cidadanía non só coa presenza dos diferentes colectivos que se ubicarán nas carpas que se instalarán na avenida de Celanova, na zona da rotonda da familia senón que tamén están previstas charlas formativas e obradoiros didácticos para coñecer o traballo destas asociacións, sinalou a tenente alcalde.

 

  • Dende o Concello de Barbadás “temos claro que para promocionar a saúde hai que priorizar a prevención, por iso o lema desta edición é “PREVENCION É SAÚDE”, apuntou Morenza.

 

  • O que se pretende con este Paseo da saúde é dar a coñecer o traballo tan fundamental, e tantas veces esquecido, destas asociacións, que traballan, non soamente para axudar aos enfermos e enfermas desas patoloxías, senón tamén “para orientar e apoiar ás súas familias, que en moitos casos este é un traballo fundamental: a nivel psicolóxico e profesional, a través de fisioterapia, do apoio de profesionais do traballo social, e así como a través da labor das persoas voluntarias que hai en cada unha das entidades e asociacións, que de xeito desinteresado fan un traballo silencioso pero moi necesario que serve de apoio para que as persoas que sofren esas patoloxías e enfermidades poidan manter unha vida, o máis normalizada posible”, destacou Morenza.
  • Elisabet González Nistal, concelleira de Sanidade, informou que “tamén contaremos coa presenza da matrona do Sergas do centro de saúde de Barbadás, “quen se amosou interesada en acudir para informar a todas aquelas persoas que se acheguen para resolver dúbidas, ou para pedir información acerca da súa labor”.

 

  • González Nistal comentou que “este ano como novidade están programadas diferentes actividades relacionadas ca saúde, como son: o día 3 ás, 19:00h, terá lugar no parque da Solaina unha masterclass de IOGA que estará aberta a todo ó publico e será impartida por unha monitora do Polideportivo do concello.

 

  • Tamén o mesmo día 3 de xuño, de 17:30 a 18:30h haberá un obradoiro de merenda saudable dirixido a todos os nenos e nenas que queiran participar e terá lugar onde se ubica o Paseo da Saúde.

 

  • Este ano, a segunda edición do Paseo pola saúde, abarca unha programación mais ampla que non se vai centrar nun so día, xa que a partires de mañá, levaranse a cabo unha serie de charlas informativas, impartidas por diferentes asociacións participantes:
    • Maña día 25 de maio, ás 11:00h na casa da Mocidade, Aseia Galicia impartirá un taller de Saúde emocional.
    • O día 26 de maio as 19:00h terá lugar na aula de actividades, sita na rúa do Ensino, un charla a cargo de Alcer
    • O día 30 de maio ás 19:00h, a asociación Auria diabética, dará unha charla informativa na aula de actividades, tamén na rúa do Ensino.
    • Afaor impartirá o día 31 de maio ás 17:30h, unha charla preventiva na aula de actividades, situada no rúa do ensino
    • A Asociación de celíacos de Galicia, estará presente o día 1 de xuño, as 19:00h, na casa da Mocidade.
    • E por último o día 2 de xuño ás 19:00h a asociación Querendo, de mulleres con endometriose, impartirá unha charla informativa relacionada con esta enfermidade, será aquí, neste mesmo lugar, na casa da mocidade
  • A edil de Sanidade destacou que “imos contar coa presenza de Protección Civil de Barbadas, a todos os voluntarios e voluntarias aos que queremos hoxe recoñecer e agradecer publicamente a súa labor tan desinteresada”.

 

  • O venres 3 de xuño a agrupación de voluntarios/as de Protección Civil estarán coa carpa que utilizan nos momentos de emerxencias e cos seus vehículos, para que os/as nenos e nenas dos colexios de Barbadas, poidan velos e participar nun obradoiro de primeiros auxilios e  RCP que impartirán os propios voluntarios de protección civil e que non só van dirixidos aos nenos e nenas, senón que tamén poderán participar todas aquelas persoas que se queiran achegar.

 

  • Este abano de demostración pretenden conformar “unha xornada de portas abertas, para dar a coñecer un pouco mais en profundidade a labor dos voluntarios e voluntarias de Protección Civil.

 

  • Así mesmo, vamos a contar coa presenza dunha UNIDADE MÓBIL DO CENTRO DE TRANSFUSIÓN DE GALICIA, para que todas as persoas que queiran ter o xesto altruísta de doar sangue, poidan acudir a esta unidade móbil, posto que é moi importante e necesario para salvar vidas ou tratar enfermidades.

 

  • Daniel Rey, responsable de Protección Civil, indicou que “queremos visibilizar por unha parte a importancia do voluntariado que todos nós representamos”.

 

  • Rey apuntou que “vimos dunha pandemia que nos ensinou moitísimas cousas que non coñeciamos e nese punto é cando se ve a importante de todas as actividades que se levaron a cabo no fomento de prevención e a saúde”.

 

  • Con respecto ás actividades “que imos a levar a cabo, neste caso a máis importante é a capacidade de divulgación que se vai impartir en todas as asociacións, en concreto nós cos centros educativos nos cales vamos facer unhas charlas sobre as nosas actividades de prevención, e insisto nisto porque Protección Civil neste caso baséase na prevención. Por este motivo queremos transmitirlle aos/ás cativos/as e a asociación As Burgas que tamén participarán como novidade este ano esa cultura de prevención que vamos levar por todo o concello.

 

  • “A prevención parte do ámbito doméstico, educativo ímola transmitir nunhas charlas cos rapaces do colexio en horario de mañá. O ano pasado consistiu nunha exhibición de vehículos e material que utilizamos, ademáis dunha charla de primeiros auxilios básicos e RCP para aprender os conceptos básicos que son imprescindibles, que deberían estar incluídas no currículo escolar como se fai noutros países” explicou Daniel Rey.

 

  • Aparte disto, destinado tanto aos colexios como ao resto de xente, pola tarde haberá unha xornada de portas abertas sobre estas actividades.

 

  • Finalmente o responsable de Protección Civil de Barbadás agradeceu ao Concello que se organicen este tipo de eventos que contribúen a dar visibilidade ás actividades do voluntariado e á que a sociedade lle dea importancia.

 

  • Paz Gómez-del Valle, da Asociación Diabética Auria, afirmou falar “en nombre de todas las asociaciones, para mí es una gran satisfacción como portavoz de todas las asociaciones contar con un Concello como el de Barbadás que nos tiene en cuenta y sobre todo cuida mucho la prevención de enfermedades”.
    “Desde el año pasado a este, se ha completado la jornada con los talleres, con personas participativas, 18 asociaciones, todos unidos en la calle dando visibilidad a todas nuestras patologías. Es de agradecer y estar encantados, nos ofrecemos a todo lo que necesiten y podamos hacer como asociaciones”, sinalou Gómez-del Valle.

 

  • A representante de Auria Diabéticos comentou que agarda que “cunda el ejemplo  en toda la contorna porque en Ourense teníamos unas jornadas fantásticas, y han desaparecido. No solo es bueno para nosotros, para conocernos, para saber que estamos ahí, hacer proyectos en conjunto, sino también la prevención, información y formación de nuestras patologías, y la única manera que tenemos de allegarnos a eso es estando en la calle, porque si no nos quedamos muy reducidos en nuestro núcleo, en nuestros asociados y dándonos oportunidades como ellos nos dan de salir a la calle y darnos a conocer como asociaciones y nuestras patologías”.

 

  • E por último, e non por iso menos importante, González Nistal agradeceu a colaboración neste II Paseo da Saúde e o patrocinio das seguintes empresas locais: Helbagraf, Coarvi, Auromar, Jofisa, a Cova do Savio e  Jofesa.

 

 

 

CONTENT-CAT.1710835009

Lola “Logaro” da Valenzá une a paixón por calcetar pezas como “Louredo” e proyectos internacionais

24/05/2022

Lola “Logaro” da Valenzá une a paixón por calcetar pezas como “Louredo” e proyectos internacionais

Emprendemento en Barbadás

  • Lola García Romaneli vive na Valenzá hai 20 anos e alí comezou a compaxinar técnica, creatividade e vida familiar. En Barbadás creou pezas tecidas con agullas e fíos e impartiu talleres de calceta, ganchillo e “patchword”, durante 12 anos.

 

  • Dende 1998 ten a Carta de “Artesá de Retacería” (tradución do Ministerio de Industria para «patchword») e foi a primeira artesá de Galicia con Carta de “Centoneira (tradución da Xunta de Galicia para “patchword”). Dende 2004 ten a Carta de Artesá de Calceta e Gancho .

 

  • Hai sete anos que a súa actividade pasou a ser empresa con local propio para talleres e tenda na cidade de Ourense  e desenvolve, como actividade paralela, un “activismo” defensor da economía local, dos produtos tradicionais e naturais e da riqueza patrimonial.
    “De pequeña comencé a firmar mis dibujos escolares con el nombre de Logaro, y hacía broches con cables de colores que unía con un alicate para venderlos a 5 pesetas y seguí ese camino”, lembra.

 

  • No taller cántabro da súa nai coñeceu os materiais téxtiles; na universidade de Palencia titulouse como Enxeñeira Agrónoma, e de volta ao eido téxtil pasou 20 anos de feira en feira por Europa e América para vender traballos calceteiros de cores variadas, que sempre tiveron boa acollida.

 

En marcha peza de calceta “Louredo” de Barbadás

  • Da súa paixón calceteira saen continuamente pezas artísticas, prendas e patróns con nomes como Teselas, Toscana, Auria.

 

 

  • Lola contou coa tamén artesá Bea Carbón  e co interese do concello coruñés, para dar pulo a esta celebración do tecido artesanal , arredor da transformación artesanal da la, e con materias primas con valor engadido, como a la de ovella galega, en perigo de extinción.
    “Bea y yo localizamos y visitamos  algunas de las explotaciones gallegas registradas en Asovega, recogimos lana de ovejas autóctonas y la hilamos para estudiar sus posibilidades”, relata.

 

  • Neste primeiro traballo de colleita e fiado, Lola descubriu que a calidade da la é moito mellor da esperada e ve viable un proxecto maior que espera chegar a ter unha Denominación de Orixe para a la de ovella galega e os procesos de fiado e elaboración de todo tipo de prendas e pezas con esa base.

 

  • A la das granxas  “A Ciruxana” de Viana do Bolo ( provincia de Ourense ) de Feal de Cabanas (provincia da Coruña) será a materia prima para unha peza chamada “Cabanas” que estará no evento dos días 10, 11 e 12 de xuño, e para outra que levará o nome do bosque de “Louredo” de Barbadás.

 

  • Lola coñeceu o bosque e atopou nel un ambiente cheo de luz, sons de primavera e tranquilidade no que espera tecer unha das súas pezas.
Lola García Romanelli, comezou na Valenzá os seus talleres de calceta. Hoxe empresaria en "Hilokune" en Ourense.
Lola García Romanelli, comezou na Valenzá os seus talleres de calceta. Hoxe,  empresaria en “Hilokune” en Ourense.

Sempre creando

  • A cabeza de Lola non para e con todos os “fíos” enreda contactos e participa en actividades que promocionen a calceta e calquera outro xeito de tecer, con agullas, con forquiñas, con ganchiños… Ela fía no seu espazo “Hilokune”, debuxa patróns, idea pezas como bufandas, chales, xerseis, fitas para o pelo.E inventa puntos de encontro que triunfan entre calceteiros e calceteiras de Galicia como “Ven y Punto” ou novas creacións co nome de “logarezas”, visitas a espazos de produción e elaboración de la, talleres de calceta, de fiado, de tecer calcetíns, de bordado con lá…

 

  • Iremos contando, que isto non acaba.
    E estaremos pendentes desa peza “Louredo” arredor dese espazo noso que para Lola é inspirador.

LolaHilokune1 329.34 KB
Lola García Romanelli, comezou na Valenzá os seus talleres de calceta. Hoxe empresaria en "Hilokune" en Ourense.

LolaHilokune2 481.01 KB
Lola García Romanelli, comezou na Valenzá os seus talleres de calceta. Hoxe emprensaria en "Hilokune" en Ourense.

CONTENT-CAT.1710835009

Presentación da 3ª edición da Cavernícola Race de Barbadás

19/05/2022

Presentación da 3ª edición da Cavernícola Race de Barbadás

O evento terá lugar o día 21 de maio.

BARBADÁS SERÁ ESCENARIO DA 3ª EDICIÓN DA CAVERNÍCOLA RACE O 21 DE MAIO

Deportistas de diferentes lugares do país acudirán  para participar na carreira de obstáculos nun percorrido de 8 quilómetros

Promociónase o deporte en equipo e de colaboración

  • Este mediodía tivo lugar a presentación da 3ª edición da Cavernícola Race de Barbadás, un evento deportivo no que a resistencia e os obstáculos serán os protagonistas.
    No acto de presentación estiveron o alcalde, Xosé Carlos Valcácel, a tenente alcalde, Victoria Morenza, o concelleiro de Deportes e Mocidade, Abel Cortés, e Diego López, impulsor e coordinador do evento, que terá lugar o día 21 de maio.
  • A primeira edición tivo lugar en 2018 e a celebración deste orixinal evento deportivo viuse suspendido durante 2 anos por mor da pandemia, explicou Victoria Morenza, tenente alcalde.
  • Morenza destacou que trátase dunha “carreira senlleira e con moito éxito entre os/ as deportistas, precisamente polas dificultades que conleva o percorrido”. É un  “itinerario moi interesante e entretido que transcorre por sitios complicados, á vez que fermosos, da contorna da Valenzá”,  sinalou a tenente alcalde.
  • Morenza trasladou os agradecementos a todos os/as  colaboradores/as, ao persoal do campo de fútbol e do polideportivo, ás forzas de seguridade, a protección civil, a policía local e ao servizo de obras e xardíns.
  • Diego López, que é o creador, impulsor e organizador do evento, comentou que “esta 3ª edición conta con máis de 30 obstáculos (de forza, de carga, zonas de río e terra, con inchables) e vai ser moi divertida e entretida.
  • López indicou que trátase dun  percorrido de 8 quilómetros, “onde os participantes van a traballar a forza, a pasalo moi ben e gozar do entorno e das probas que están preparadas”.
  • O alcalde, Xosé Carlos Valcárcel, recoñeceu “o traballo das persoas implicadas na organización deste evento”.
  • A carreira pasa por lugares moi sinalados do concello, moi bonitos, sobre todo o lugar de O Pisco que merece ser visto”, sinalou o rexedor.
  • Trátase de unha proba tipo OCR e os resultados poderanse seguir en vivo mediante a App Saudeter, informou o alcalde, quen anunciou que “ao final do evento haberá sorteos, agasallos e premios. Transmitiu os agradecementos aos clubs colaboradores, colectivos e ao colexio CIFP A Farixa”.

  • Abel Cortés, concelleiro de Deportes e Mocidade, reiterou os agradecementos aos traballadores/as do concello, voluntarios/as, colaboradores/as, patrocinadores e demais persoas implicadas.
  • Cortés lembrou que na primeira edición participaron 50 participantes, na segunda 140 e nesta rozamos os 300.
  • Os/as participantes veñen tanto de toda Galicia como de fóra. “A idea é seguir medrando, mellorando e aprendendo cada ano para que esta proba sexa cada vez máis escoitada e teña unha maior repercusión no ámbito deportivo”.
  • Na Cavernícola Race de Barbadáspromocionase o deporte en equipo e de colaboración, onde pode participar toda persoa interesada”.
  • Cortés incidiu no feito de que “se unha persoa non é capaz de superar un obstáculo por si mesma, pode ter axuda dos/as seus/súas compañeiros/as que saen na súa quenda, ou realizar unha proba alternativa como poden ser burpees, mover sacos, facer flexións e iso sería un equivalente a superar os obstáculos”.
  • Os/as noso/as cavernícolas precisarán todo o apoio posible, da xente que veña a animar, para superar esta divertida pero exixente proba de obstáculos.
    O  vindeiro sábado 21 de maio, a partir das 16:00 h será o pistoletazo de saída que dará comezo a esta 3ª edición da CAVERNÍCOLA RACE DE BARBADÁS.

 

Fotografías de edicións anteriores.

CONTENT-CAT.1710835009

Josu Santos reclama dende Barbadás oportunidades laborais para deseñadores novos coma el

15/05/2022

Josu Santos reclama dende Barbadás oportunidades laborais para deseñadores novos coma el

Emprendemento en Barbadás

  • Josu preséntase, sempre que xurde a ocasión, como o neto “do Pepe do Truco e da Basilisa” de Sobrado do Bispo (Barbadás), alí pasou parte da súa infancia e alí volveu tras rematar os estudos. Ás veces sente a necesidade de emigrar fóra de Galicia por tema laboral, como xa fixeran os seus avós cara Alemaña, pero non deixa de procurarse traballo, activamente.
    “En España e en Galicia fálase moito de potenciar as novas promesas no deseño pero no eido laboral, en realidade, só dan traballo a deseñadores e patronistas sénior”, lamenta despois de anos de formación e só uns cantos meses de contratos.
    “As empresas de moda de Galicia buscan sempre persoas con 5 anos de experiencia, pero eu non podo tela se nunca me collen para deseñar, e iso que non parei e vou tendo traballos en tendas”.

 

  • Lembra a súa etapa en Nicandra (Verín) como axudante de patronista ou os meses de traballo nunha tenda do sector, en Ourense, ata hai unhas semanas.
Josu Santos Blanco. Sobrado do Bispo(Barbadás) . Deseñador.
Josu Santos Blanco. Sobrado do Bispo(Barbadás) 12/05/2022
Foto Rosa Veiga
  • Fixo os seus estudos de Técnico Superior na Escola de Patronaxe de San Sebastián  que escolleu entre as galegas e as do resto de España porque era unha escola innovadora, en proceso de “implantar aprendizaxe por proxectos dirixido ao traballo posterior en empresas externas”, detalla. Rematou estes estudos en 2017.

 

  • Tamén foi axudante de vestiario no musical “Sueño de una noche de verano” durante unhas semanas de 2019 e antes tivera prácticas durante 4 meses na empresa “CausalyReal”, hoxe desaparecida. Despois das prácticas optou por volver a Barbadás “porque esperaba ter traballo no potente sector de confección e moda galegos”.

Encaixe en Camariñas, quizais desfile en Sobrado…

  • Fronte á temporalidade laboral, no que si atopa continuidade é en desfiles e concursos como o que organiza cada ano o concello de Camariñas arredor do encaixe, ou na súa aldea, en Sobrado do Bispo, cando son as festas.

 

  • O primeiro no que participou foi no organizado para a gala do comercio de Barbadás, na Valenzá no ano 2019. Alí tivo coñecemento doutro en Mondariz e comezou a xuntar e desenvolver ideas novas.

 

  • En Camariñas  participou nos últimos tres anos (2019, 2021 e 2022) nos que sempre foi finalista . Agora está a espera de novas convocatorias autonómicas e estatais, e da celebración das festas de Sobrado do Bispo no primeiro domingo de xullo, no que espera que este ano volva o evento do desfile.
    A convocatoria de Camariñas é moi especial para min, co traballo de preparar varias pezas fun evolucionando e profesionalizándome e descubrín o encaixe,  que está a ser unha peza moi inspiradora para as miñas coleccións nas que o integro perfectamente”, asegura.

 

  • A súa participación neste ano 2022 (foi en abril) tamén foi “especial” para Josu pois “só foi posible grazas a dúas persoas” que son os deseñadores Jaione Ventura e Álvaro Blanco, relata agradecido.
    Josu Santos Blanco. Sobrado do Bispo(Barbadás) . Deseñador.
    Josu Santos Blanco. Sobrado do Bispo(Barbadás) 12/05/2022
    Foto Rosa Veiga

Encargos e pandemia

  • Estuda a súa participación en novos concursos sen parar na súa actividade creativa. “Coso algo case todos os  días, nalgún momento para o vestiario dunha cantante de discoteca móbil, e na pandemia para varias persoas que me descubriron en youtube”.

 

  • Na pandemia, a finais de 2019, Josu creou o evento “¿Qué pasa en casa?” e animou ás persoas que tiñan roupa deseñada e cosida por el, a gravarse con ela posta. Editou un vídeo que recolle tódalas colaboracións, publicouno na súa canle de youtube e supuxo un pequeno salto para o deseñador que xa traballaba para eventos e seguiu a facelo.

 

  • Escolleu esta profesional desde que estudou Educación Secundaria: cando estaba no segundo curso descubriu a serie televisiva “One tree Hill” na que unha das actrices interpreta a unha deseñadora. “En seguida me fixei nela e no seu traballo, pero eu non sabía nin unha árbore así que xa me puxen como meta estudar Bacharelato artístico e fíxeno na Universidade Laboral, en Ourense”. E aí comezou todo.

 

  • Agora os seus deseños non parten dun debuxo plano. “Sempre parto da idea arredor dalgunha prenda que me motive e emocione se a imaxino feita e colocada sobre algunha persoa”, confesa.

 

  • Mentres segue a súa procura activa dun traballo “no seu”, segue a  deseñar e confeccionar para mulleres pola satisfacción que sinte “cando algo plano como é un cacho de tea trócase en segunda pel, con costuras e cortes que transmiten algo, hoxe pode ser unha imaxe atrevida, mañá delicada, noutro momento pasota…”

 

  • Sorte na procura do traballo soñado!!

(Josu é “Yosuconjota” nas redes sociais)

Josu Santos Blanco. Sobrado do Bispo(Barbadás) . Deseñador.
Josu Santos Blanco. Sobrado do Bispo(Barbadás) 12/05/2022
Foto Rosa Veiga

Josu Santos Blanco. Sobrado do Bispo(Barbadás) 12/05/2022Foto Rosa Veiga 97.31 KB
Josu Santos Blanco. Sobrado do Bispo(Barbadás) 12/05/2022 Foto Rosa Veiga

Josu Santos Blanco. Sobrado do Bispo(Barbadás) 12/05/2022Foto Rosa Veiga 279.67 KB
Josu Santos Blanco. Sobrado do Bispo(Barbadás) 12/05/2022 Foto Rosa Veiga

Josu Santos Blanco. Sobrado do Bispo(Barbadás) 12/05/2022Foto Rosa Veiga 343.77 KB
Josu Santos Blanco. Sobrado do Bispo(Barbadás) 12/05/2022 Foto Rosa Veiga

Josu Santos Blanco. Sobrado do Bispo(Barbadás) 12/05/2022Foto Rosa Veiga 387.01 KB
Josu Santos Blanco. Sobrado do Bispo(Barbadás) 12/05/2022 Foto Rosa Veiga

CONTENT-CAT.1710835009

Estrella Rajo e a súa librería “Espa” viron medrar á Valenzá ao redor e seguen alí

07/05/2022

Estrella Rajo e a súa librería “Espa” viron medrar á Valenzá ao redor e seguen alí

Emprendemento en Barbadás

  • Estrella Rajo Castro dá a metade do nome a librería Espa,  situada no número 81  de A Valenzá. Abriu hai algo máis de 40 anos e ata a súa xubilación, foi ela quen  a atendeu mentres o seu marido Francisco “Paco” traballaba como docente.

 

  • Filla dun pai que traballaba para Renfe, pasou parte da súa infancia en Monforte de Lemos. Alí, con 14 anos comezou a traballar nunha zapatería. O seu pai comezou a ir e vir entre Monforte en Ourense e un amigo faloulle de que calzados Diéguez (tamén zapatería Batey) buscaba dependenta para a súa tenda na rúa Progreso.

 

  • Éramos dez dependentas e con ese traballo víñenme a vivir para Ourense, coa miña tía, uns anos antes de que os meus pais se viñesen tamén, cando comezaron a circular as máquinas de tren eléctricas”, lembra Estrella.

 

  • Casou con Francisco, un mestre fillo das Lamas (Barbadás) e marchou con el a Casardeita, no concello de Ramirás, onde daba clase. Tamén vivíu na rúa Marcelo Macías en Ourense e decidiu traballar de novo. “Sempre quixen traballar nalgo e probei a voltar por calzados Diéguez pero non puido ser, así que falamos de abrir unha librería”, segue.
Estrella Rajo, propietaria da librería Espa dende hai 41 anos, a primeira que se abriu na Valenzá. 06/05/2022
Estrella Rajo, propietaria da librería Espa dende hai 41 anos, a primeira que se abriu na Valenzá. 06/05/2022
  • Mudáronse á Valenzá, e na casa había un baixo libre que prepararon e abriron como librería . O nome acordárono xuntando parte dos seus nomes, como era habitual naqueles anos 70 e 80: foi e segue a ser a librería “Espa” (de Estrella e Paco).

 

  • “Alí vendíamos libros, e moitísimos cacharriños e cousas para regalos que no principio íamos buscar nós a Portugal cada sábado; víñamos mercar moita xente que nos coñecía de Ramirás, de Bentraces, de Ourense…”, detalla.

 

  • O seu marido, “Paco” facía a provisión de libros  para a librería no almacén de Stylo, na rúa Nova de Ourense. Estrella atendía o local durante todo o día e tiña instalada mesmo unha pequena cociña donde se xuntaban amigos para comer “ou tomar unha tónica”, lembra.  Naquela época, Estrella vivía no baixo da librería, alí planchaba, ganchillaba, bordaba… “todo o que se poidera facer para saír adiante”, comenta.

 

  • “Ao redor non había edificios, só algunhas vivendas familiares e unhas tres tendas: a da Julia (na casa que hoxe está na rotonda da Familia), a da Preciosa e o Campelo  (cerca do comezo na Valenzá) e a da Teresita,  na rúa do casco vello que vai cara a igrexa de San Bernabé e que tiña tamén carnicería.”

 

  • Estrella tivo a súa vida na librería durante 25 anos, ata que o seu marido se xubilou. “Os nosos fillos animáronme nese momento a que me xubilara tamén para que comezáramos a facer cousas xuntos que antes non podíamos, porque había que traballar para saír adiante”, a partires dese momento, Estrella non o pensou moito e co desenvolvemento urbanístico da zona puideron vender algunha propiedade e facer xuntos unha vida máis tranquila.

 

  • “Hoxe meus fillos viven nas Lamas, e traballan (enfermeira  e catedrático universitario da Universidade de Vigo en Ourense)” e ela segue a vivir no edificio na librería.

 

  • Hai 16 anos fíxose cargo do local un traballador da librería Stylo, agora xubilado, pero aínda segue a atender ao público a súa esposa.
    Estrella Rajo, propietaria da librería Espa dende hai 41 anos, a primeira que se abriu na Valenzá. 06/05/2022
    Estrella Rajo, propietaria da librería Espa dende hai 41 anos, a primeira que se abriu na Valenzá. 06/05/2022

libreriaEspaEstrella1 220.90 KB
Estrella Rajo, propietaria da librería Espa dende hai 41 anos, a primeira que se abriu na Valenzá. 06/05/2022

libreriaEspaEstrela3 376.44 KB
Estrella Rajo, propietaria da librería Espa dende hai 41 anos, a primeira que se abriu na Valenzá. 06/05/2022

libreriaEspaEstrella2 338.83 KB
Estrella Rajo, propietaria da librería Espa dende hai 41 anos, a primeira que se abriu na Valenzá. 06/05/2022

CONTENT-CAT.1710835009

“A COMICTECA”, obradoiro adicado ao cómic

04/05/2022

“A COMICTECA”, obradoiro adicado ao cómic

O venres 6 de Maio, celebramos un novo Obradoiro de Animación á Lectura, neste caso adicado ao Cómic, leva por título “A COMICTECA”, será ás 18h.
Polo día do cómic gratis realizaremos un obradoiro con xogos e manualidades sobre coñecidas personaxes da banda deseñada.
Para nenas e nenos de 8 a 12
Inscrición: biblioteca@barbadas.es
Indicando nome, idade e teléfono de contacto.
Prazas Limitadas.
Organiza: Concellaría de Cultura

CONTENT-CAT.1710835009

O proxecto do arquitecto Alejandro de la Sota para Finca Fierro,  innovador e non executado

25/04/2022

O proxecto do arquitecto Alejandro de la Sota para Finca Fierro,  innovador e non executado

Historia de Barbadás

  • A historia da Finca Fierro xirou nos últimos séculos arredor dunha soa propiedade que tiña unha casa señorial, unha capela e un pombal (que permanece). Esa leira foi partillada entre varios promotores urbanísticos e ocupada por variedade de construcións e familias nas últimas décadas do século XX e as primeiras do XXI.

 

  • O arquitecto Alberte Pérez Rodríguez investigou ese espazo do concello de Barbadás. Alí existíu nos anos 60 un proxecto que Alberte engadiu na exposición “Ourense Imaxinado” de 2015 no centro cultural Marcos Valcárcel, na que se amosaron outros 9 proxectos non executados no veciño municipio.

Finca Fierro - Planta uso H - Concello de Barbadás

  • Na Finca Fierro, segundo lembra Alberte, quedou sen executar un proxecto de modernización baseado na “arquitectura industrializada”, tendencia dende os anos 20 na escola alemá Bauhaus, entre outras.

 

  • A Caixa de Aforros Provincial de Ourense proxectou nos anos 60, construír nos 56.000 m2 da Finca Fierro un complexo con aulas, teatro, cine  para mozos e mozas “de altas capacidades”, anos despois de que os herdeiros da finca hipotecaran a súa propiedade para marchar a América.

 

  • Segundo foi sabendo Alberte na súa investigación, o daquela presidente do consello de administración da entidade bancaria era Antonio Alés Reliein , que tamén era arquitecto e pediu opinión para este novo proxecto ao arquitecto ourensán recentemente chegado de Madrid, Javier Suances.

 

  • Suances fixo de intermediario propoñendo a idea a algún arquitecto xa destacado naqueles anos, que o rexeitou, e despois ao pontevedrés Alejandro  de la Sota. Este aceptou a proposta en 1964 ou 1965 , aínda que tardou un par de anos en comezar a traballar nel.

 

Proxecto orixinal Finca Fierro - Concello de Barbadás

  • Alberte lembra que o arquitecto tiña moita relación con Galicia, tanto familiar (a nai era de Ribeira, os veráns pasábaos en Sanxenxo, o seu pai fundara o Museo de Pontevedra) como por amigos que sempre conservou, como o fillo de Castelao.

 

  • Para o proxecto, a Caixa de Aforros encargou o plan topográfico do terreo (na imaxe “levantamento topográfico”) ó aparellador Gregorio Bueno.Finca Fierro - Concello de Barbadás

Máis arquitectos implicados

  • O proxecto de De la Sota é “espectacular” para Alberte, pois soubo “resolver coa mesma sección todos os volumes, adaptándose perfectamente as diferentes curvas de nivel dese terreo, que ten diferentes alturas”, e para chegar a ese resultado,De la Sota encargou ao tamén arquitecto  Manuel Gallego Jorreto unhas fotos para avanzar no traballo.“M. Gallego envioulle fotografías da aldea de Balcaide, no concello de Teo, como mostra da arquitectura tradicional galega adaptada ao terreo e De la Sota tívoas como referencia para asentar en diferentes niveis os edificios do complexo que tiña entrada por abaixo e colocábanse en zig-zag cara arriba”, detalla.
  • Nese complexo non construído había unha recepción na parte superior,  aulas, biblioteca, cociña, comedor, teatro, edificio para xogos, campo de fútbol (ver imaxe da “planta usos”), deixando libre un espazo na parte superior que anos despois ocupou a residencia “Nosa Señora dos Milagros”, que segue alí, na estrada cara Piñor.

 

  • Unha parte do espazo, no plan de De la Sota, quedou para hortas que abastecerían de productos á cociña do complexo.

Innovación arquitectónica da época

  • A arquitectura de De la Sota “estaba a facer vangarda na España franquista” segundo os textos de “Ourense Imaxinado”. Na exposición sinaláronse as innovacións deste proxecto que respondeu ó interese do arquitecto nas posibilidades que ofrecía a produción en serie, tal como se facía no eido internacional dende a Escola Bauhaus, por exemplo.

 

  • “Na residencia de estudantes pon en práctica a construción con elementos prefabricados, seriados, que xa ensaiara na casa Valera en 1961. Andaba a fixar a atención na busca de solucións estandarizables nas que centra a súa investigación técnica. Cos paneis Horpresa de formigón pretensado atopa rixidez e versatilidade de transporte e colocación. Mais tamén achega enxeños propios que non existen no mercado, como é o caso das portas de paneis de madeira forrados en aceiro co que consegue illalas do frío exterior e manter a calor cara ao interior”, segue o texto.

 

  • Tamén foi novo o que expuxo para resolver a orografía, como o aproveitamento do camiño sinuoso que alí había para separar diferentes zonas do complexo segundo o seu uso, o uso de cubertas inclinadas prefabricadas.
  • “Dende a cimentación, todo é industrializado co uso de formigón armado e tamén con fiestras  que se farían con deseño curvado para aproveitar o proceso de fabricación da industria dos autobuses, entre outros exemplos”, detalla Alberte.

 

 

  • Co proxecto avanzado, segundo Alberte, houbo “controversia arredor da súa finalidade, porque a execución dependía da Obra Social da Caixa de Aforros, e alguén pensou que este complexo supoñía en realidade, un privilexio, e non unha atención a persoas desfavorecidas así que foi quedando adiado, e produciuse o cambio de presidencia na entidade cando Alés foi substituído por David Ferrer en 1976”.

 

  • Ferrer contratou aos arquitectos Manuel Conde e fillo, “que reformularon o proxecto pero non se fixo tampouco así que a Caixa de Aforros puxo a finca en mans de dous promotores de Toén e empezou a venderse en parcelas”, remata Alberte.

 

  • E aí comezou outra parte da historia, a máis actual…Arquitecto Alberte en Finca Fierro

CONTENT-CAT.1710835009

A Praza do Pumar (Bentraces), en Barbadás acolle unha feira para potenciar o consumo sostible

22/04/2022

A Praza do Pumar (Bentraces), en Barbadás acolle unha feira para potenciar o consumo sostible

A PRAZA DO PUMAR, EN BENTRACES, A COLLE UNHA FEIRA PARA POTENCIAR O CONSUMO SOSTIBLE

Os días 23 e 24 de abril celebrarase esta feira recuperada á que se lle dá un novo impulso promovendo a reciclaxe, a reutilización e a reducción

 

  • O sábado 23 e o domingo 24 de abril celebrarase A Feria de Bentraces, no concello de Barbadás.

 

  • A Praza do Pumar será o escenario no que se desenvolva esta iniciativa que pretende potenciar o consumo sostible

 

  • Esta feira ten como obxectivo fomentar hábitos de consumo sostibles Reciclando, Reutilizando e Reducindo.

 

  • Os/as participantes na feira poñerán á venda, troco ou en balde, aqueles obxectos que non se utilicen: mobles, roupa, calzado, etc.

 

  • Ademáis haberá unha degustación de callos a galega, patacas bravas e música.

 

  • A Asociación cultural e gastronómica “O Fonfón” é a organizadora do evento, no que colabora o Concello de Barbadás.

 

 

 

CONTENT-CAT.1710835009

Presentación do Certame literario de Piñor e da Semana do Libro en Barbadás

19/04/2022

Presentación do Certame literario de Piñor e da Semana do Libro en Barbadás

O CERTAME LITERARIO DE PIÑOR CONTA ESTE ANO COA COORGANIZACIÓN DO CONCELLO DE BARBADÁS, QUE PROPUXO A CREACIÓN DE UNHA TERCEIRA CATEGORÍA ABERTA AO ALUMNADO DE PRIMARIA

 

CONCELLO E ASOCIACIÓN DE MÚSICA E CULTURA DE GALICIA PRETENDEN AFIANZAR A LINGUA E A CULTURA GALEGA PROMOCIONANDO A LITERATURA A TRAVÉS DESTES PREMIOS PARA NARRACIÓNS CURTAS

 

Ademais da presentación do certamen, abordouse a ampla programación do Concello de Barbadás para a Semana do Libro

 

Obradoiros, contacontos, promoción da lectura coa entrega de unha planta ao mercar un libro conforman as actividadades propostas

 

  • Barbadás aglutina ao longo da semana actividades relacionadas co Día do Libro, co obxectivo de fomentar a lectura entre a poboación e tamén entre o público infantil.

 

  • Esta mañá presentouse o Certame Literario de Piñor e a Semana do Libro de Barbadás coa presencia de Marga Pérez, concelleira de Cultura de Barbadás, Xusto Calviño, presidente da Asociación Música e Cultura de Galicia, e Victoria Morenza, tenente alcalde.

 

  • Marga Pérez destacou que “coa volta á normalidade, estanse realizando actividades como préstamos de libros, obradoiros para os/as máis cativos/as con dous obxectivos: un que sexa un lugar de ocio onde se divirtan cos/coas seus/súas amigos/as ou familiares e outro no que se convirtan en grandes lectores/as”.

 

  • Con motivo do Día do Libro, que está fixado no 23 de abril, “toda a semana as librarías do concello terán descontos e agasallarán cunha pranta das floristerias, unha actividade enmarcada na dinamización do comercio local”, sinalou Marga Pérez.

 

  • Este ano tamén temos unha actividade baixo o lema “léoche un conto” que consiste en que nas librarias a diferentes horas habrá un contacontos para menos e nenas. Os puntos de lectura serán o mércores ás 18,30h na Libraría Carlin e ás 19,00 na Libraría Espa. O venres a cita coa lectura infantil será ás 18,30 na Libraría A Valenzá e ás 19,00 na Libraría Moraima.

 

  • No centro de saude tamén se entregou esta mañá un lote de libros para a sala de espera de pediatría, que por mor da pandemia non se puido realizar antes.

 

  • Outra das actividades englobadas na Semana do Libro está relacionada cos nenos e nenas da Escola Infantil Municipal, que acudirán á biblioteca para coñecer as instalación e participar nun Obradoiro lúdico e didáctico.

 

 

  • O xoves, día 21 de abril, a Biblioteca Infantil e Xuvenil de Barbadás será escenario de outro Obradoiro, neste caso dirixido a nenas e nenos de entre 8 e 12 anos baixo o título “O xogo literario”.

 

 

Certame literario

  • Xusto Calviño, presidente da Asociación Música e Cultura de Galicia, presentou o Certame Literario de Piñor, que este ano celebra a XXV edición e está dirixido a todas as idades.

 

 

  • O Concello de Barbadás e a asociación presidida por Calviño organizan conxuntamente este evento literario.

 

  • Calviño lembrou que este certame foi idea de varios mozos e mozas do pobo de Piñor nos anos 90, uns anos difíciles no ambiente sociocultural. Con esta iniciativa propiciouse a potenciación da cultura, o deporte e as tradicións, pero, sobre todo,a literatura a esta parroquia do Concello de Barbadás.

 

  • “Esta promoción desenrolouse en dous ámbitos: a lectura, pola cal se creou unha sala de lectura no pobo de San Lourenzo de Piñor, e por outra banda, difundir e promocionar a nosa lingua mediante un certame literario”, explicou Xusto Calviño.

 

  • O prazo para presentar os relatos curtos remata o 27 de maio ás 14,00 horas. A entrega de premios culminará con una gala na que ademáis da recollida dos galardóns, haberá música.

 

 

  • Calviño comentou que “durante estas 25 edicións o certame foi collendo presenza, prestixio e consolidandose polo que o nivel das últimas edicións foi moi alto”.

 

  • Durante estas 25 edicións o certame foi gañando credibilidade, prestixio e presenza e eso nos leva a que sobre todo nas últimas edición haxa un elenco de gañadores verdadeiramente importante. Basta con que ollemos a listaxe de escritores e comprobemos que teñen unha talla literaria destacable e incluso algúns deles teñen sigo galardoados con outros premios literarios, incluso internacionais”

 

  • Calviño agradeceu “moito a implicación e colaboración do Concello de Barbadás no certame non só económicamente, senón tamén coorganizando e ambas entidades ímonos beneficiar desta colaboración, pero o que vai gañar vai ser o certame en si e vai pisar máis forte no eido da nosa cultura e da nosa lingua para dignificala”.

 

  • Persoas premiadas en anteriores edicións: Manuel Antonio Piñeiro, Pedro Nabeira Alberto Piñeiro, etc.

 

  • Establécense 3 categorías: para maiores de idade, para persoas entre 13 e 17 anos e a que foi proposta pola Concellería de Cultura para alumnado de Primaria.

 

 

CONTENT-CAT.1710835009

O bar de Bentraces renaceu con Ilda Peralta catro meses antes da pandemia, e colabora ca feira dos días 23 e 24 de abril

15/04/2022

O bar de Bentraces renaceu con Ilda Peralta catro meses antes da pandemia, e colabora ca feira dos días 23 e 24 de abril

Emprendemento en Barbadás

  • A historia dun bar de aldea pode parecer intranscendente, pero no caso de Bentraces trátase dunha das dúas ou tres actividades económicas da contorna inmediata. Na aldea máis redonda de Barbadás, hai un pazo  adicado a eventos sociais e empresariais, un artesán en proceso de cambio de local e o bar que está na estrada de Celanova (Nacional 540 esquina rúa do Canastro).

 

  • Ilda Peralta Duarte reabriu o bar Bentraces  en novembro de 2019.
    Ilda é de Paraguay, estableceuse en Ourense hai case dúas décadas e traballou sempre no sector hostaleiro, a maior parte do tempo nos dous restaurantes  da familia do “Coto do Rano” ata que decidiu ser a súa propia xefa.

 

  • “Me puse a buscar local por todo Ourense hasta que un amigo que vive en Bentraces me habló de este que estaba vacío. El sitio me gustó y aquí nos establecimos ese año”, explica.

 

  • Ilda abriu e poucos meses despois tivo que pechar, a causa da pandemia. “Empezó a ir muy bien con personas que pasan por aquí, los trabajadores del pazo de Bentraces cuando tienen eventos, y l@s vecin@ que toman café a diario”, detalla.

 

  • Dende que chegou, sabe que pode contar “con todos los vecinos y vecinas, igual que en el pueblo saben que pueden contar conmigo”. Agora, tras o parón da pandemia, comezará a retomar plans en canto poida, como o de ter un posto de pulpeira diante do bar… e outros que aínda non conta.
Ilda Peralta Duarte, propietaria do café Bentraes dende novembro de 2019. Foto Rosa Veiga
Ilda Peralta Duarte, propietaria do café Bentraces dende novembro de 2019. Foto Rosa Veiga
  • La gente se va animando poco a poco, va cogiendo confianza para salir y si todo va bien, iremos mejorando la atención”, concreta. Neste momento, a súa oferta é de petiscos caseiros con cada consumición de bebida. Prepara cada día pratos diferentes, como chouriciños ao viño, callos, tortilla de pataca, revoltos, queixo e embutidos variados.

 

  • Ten selado de lotería e moito traballo diario que espera siga en aumento, para o que xa conta cunha traballadora polas tardes.

 

  • A familia de Ilda medrou dende que chegou a Bentraces, igual que os seus plans de futuro na aldea que escolleu para vivir. O máis inmediato é a colaboración na feira prevista para os días 23 e 24 anunciada polos organizadores nas portas da aldea.

 

  • A asociación “O Fonfón” de Bentraces anima a participar na feira para fomentar o consumo sustentable e coa venda e troco dos obxectos non aproveitados na casa. Ilda atenderá eses días o bar, por vacacións da traballadora, pero colaborará no aprovisionamento de bebidas e petiscos.

 

  • Moita sorte Ilda!!
Ilda Peralta Duarte, propietaria do café Bentraes dende novembro de 2019. Foto Rosa Veiga
Ilda Peralta Duarte, propietaria do café Bentraces dende novembro de 2019. Foto Rosa Veiga

ilda1 200.86 KB
Ilda Peralta Duarte, propietaria do café Bentraes dende novembro de 2019. Foto Rosa Veiga

ilda3 315.11 KB
Ilda Peralta Duarte, propietaria do café Bentraes dende novembro de 2019. Foto Rosa Veiga

ilda2 406.19 KB
Ilda Peralta Duarte, propietaria do café Bentraes dende novembro de 2019. Foto Rosa Veiga

ilda3 315.11 KB
Ilda Peralta Duarte, propietaria do café Bentraes dende novembro de 2019. Foto Rosa Veiga

CONTENT-CAT.1710835009

Certame literario de narracións breves de Piñor, convocado polo Concello de Barbadás e a Asociación Música e Cultura de Galicia

13/04/2022

Certame literario de narracións breves de Piñor, convocado polo Concello de Barbadás e a Asociación Música e Cultura de Galicia

O certame literario establece 3 categorías e 2 premios en cada unha delas.

O CONCELLO DE BARBADÁS E A ASOCIACIÓN MÚSICA E CULTURA DE GALICIA CONVOCAN O XXV CERTAME LITERARIO DE PIÑOR NA ESPECIALIDADE DE NARRACIÓNS BREVES

  • O certame literario establece 3 categorías e 2 premios en cada unha delas:

Categoría A, para participantes maiores de idade e os premios serán de  500 e 300 euros, respectivamente.

Categoría B, para participantes de 13 a 17 anos e os premios serán de 200 e 100 euros, respectivamente.

Categoría C, para participantes que formen parte do alumnado de Educación Primaria premiados con 100 e 75 euros, respectivamente, que se outorgarán mediante bonos para a compra de material escolar.

  • Para recibiren os seus galardóns as persoas premiadas deberán comparecer obrigatoriamente no acto de entrega de premios, perdendo ese dereito no caso contrario.
  • Ninguén poderá obter dous premios, recibirá o máis importante.
  • Os relatos serám de temática libre, orixinais, inéditos, en galego e non poderán estar xa premiados noutros certames.
  • A súa extensión non excederá de 10 folios, por unha soa cara e con entreliñas de duplo espazo. Ademais deberán presentarse mecanografados e encabezados por un lema ou pseudónimo.
  • O prazo de presentación pecharase o venres 27 de maio de 2022 ás 14 h.
  • O xurado estará formado por 6 compoñentes e o seu ditame será inapelable
  • A entrega dos premios terá lugar o domingo 5 de xuño de 2022, pola tarde, no Liceo da cidade de Ourense.
  • As narracións premiadas editaranse na revista Fervenza da Cultura, así como nas páxinas web e redes sociais do Concello de Barbadás e a Asociación Música e Cultura de Galicia, reservándose as entidades organizadoras o dereito de publicalos en libros e outros medios de difusión.

 

CONSULTE AS BASES NO SEGUINTE ENLACE: Bases Certame Literario

 

CONTENT-CAT.1710835009

Presentación do libro “El rastro del verano” de David González Couso

09/04/2022

Presentación do libro “El rastro del verano” de David González Couso

Presentación celebrada o venres, 8 de abril, no Ateneo de Ourense

Carmen Martín Gaite volta a Piñor da man do investigador David González Couso e da súa amiga en vida Enma Martinell

Por parte do Concello de Barbadás, asistiron ao evento, a Concelleira de Igualdade, Elisabet González e a Tenenta de Alcalde, Victoria Morenza.

  • O centro cultural Marcos Valcárcel acolleu o acto de presentación do libro “El rastro del último verano” arredor dos lugares, obxectos e nomes da literatura de Carmen Martín Gaite, organizado polo Ateneo de Ourense e introducido polo catedrático de Historia da Arte Carlos Fernández Pérez. O libro foi presentado polo seu autor, profesor e investigador David González Couso e pola autora do seu prólogo, a profesora de Universidade de Barcelona, Enma Martinell Gifre.

  • A través de videoconferencia, Martinell explicou que trala morte da súa amiga Carmen Martín Gaite, ela apartouse do núcleo de persoas que analizaban e estudaban a súa polifacética obra pero prologou “con gusto” o libro do profesor e investigador González Couso, en 2020, porque a escritora finada no ano 2000 “es narradora incombustible y David es la magia en la que curiosos y amigos hallamos una permanente actualización bibliográfica”.

 

  • Nese sentido, salientou a importancia dese traballo investigador, plasmado en varios libros, porque supón “dedicar esfuerzo y un excelente nivel investigador” para definir o que Galiza deixou na obra de Martín Gaite. Así o fixo González Couso nunha biografía literaria publicada na revista “Espéculo”, no libro “Los perfiles gallegos de CMG” e a adicada aos antepasados galegos da escritora. Martinell concluíu que non é tarefa fácil o traballo feito polo profesor ourensán.

 

  • “Supone un contacto con los lugares, un conocimiento topográfico solo posible para alguien que vive cerca y tiene curiosidad, esfuerzo y disposición para llegar a ese conocimiento, porque las evocaciones en los textos de Carmen son localizables, pero no de una forma sencilla, y David lo consigue”, engadiu.

 

  • Para ese acercamento de González Couso á obra de Carmen Martín Gaite, segundo  Martinell, foi necesario “vaciar” obras non tan destacadas da autora, que tamén escribíu poesía, artigos xornalísticos, artigos de crítica literaria, as conferencias en “Pido la palabra” en 2001, “Cuadernos de todo” en 2003 e recopilacións póstumas dos seus textos.

Turismo cultural en Barbadás, Ourense e Madrid

  • “David es el único que lo hace y de modo brillante”, continou e aludiu a todo o seu traballo como fonte para os itinerarios literarios que o autor propón no libro “El rastro del verano”, con percorridos concretos por lugares y espazos de Barbadás (en San Lourenzo de Piñor), Ourense e Madrid, entre outros lugares.

 

  • “Hay un turismo cultural y literario para hacer en grupo o de forma individual, elaborado por expertos y que permite a las personas curiosas caminar viendo y conociendo espacios de hechos reales evocados en la literatura”, como os espazos literarios da autora danesa Karen Blixen que son agora “lugares de peregrinación, incluyendo su casa”. Martinell dixo que a obra de González Couso “ofrece una perspectiva de aplicación genial para este ámbito turístico”.

  • Tras escoitar os parabéns de Martinell, o autor do libro de investigación agradeceu as colaboracións que tivo para gráficos, mapas e imaxes do libro como a do ourensán Xosé Poldras, a ilustradora Andrea Reyes e as fotografías e explicacións de Amado Perille. Tamén agradeceu a “ilusión e implicación emocional, institucional e económica” do concello de Barbadás e expresou o seu desexo de ver “materializada en breve a ruta na que se poderá ver in situ todo o que se conta neste libro”, cando faltan tres anos para o centenario do nacemento da escritora.

 

  • González Couso descubriu a presenza de Piñor en toda a obra de Martín Gaite a partir da lectura de “Las ataduras” de 1959, “Las retahílas” de 1974 e “El pastel del diablo” de 1985, que corresponden a diferentes etapas vitais da escritora, galardonada con numerosos premios como o Príncipe de Asturias e o Nacional de Literatura, entre outros  moitos.

  • As referencias de San Lourenzo de Piñor (onde a escritora pasou todos os veráns de infancia e xuventude) nas obras de Martín Gaite “non son só curiosidades” senón que son protagonistas dos textos, segundo o investigador.

 

  • Piñor trocou en lugar literario coa obra da escritora, como ocorreu con Oviedo, a Vetusta de “La regenta” Leopoldo Alas Clarín ou coa cidade de Ourense que é a “Auria” de Eduardo Blanco Amor, según explicou o investigador.

 

  • Presentou o seu libro como un “conxunto de retallos” que son anacos de referencias literarias arredor de parentescos e ataduras, casas e lugares e finalmente o mundo femenino nos escritos da autora salmantina.

Familia e lugares de Martín Gaite

  • A familia ourensá da escritora, repartida entre Allariz, Ourense e San Lourenzo de Piñor (Barbadás) deixou rastro na súa vida e obra pois, segundo detallou o investigador, a primeira persoa Gaite ourensá que descubriu foi o bisavó coruñés Joaquín Gaite Núñez, casado coa ourensá Sofía Lloves García a comezos do século XIX. El foi fundador do Instituto de Ourense (antecedente nos xardíns do Padre Feijóo, do actual IES Otero Pedrayo) e fundador do xornal “El orensano” de información xeral.

 

  • O avó da escritora foi Francisco Javier Gaite Lloves, homenaxeado en Piñor cunha placa de 1932 na fonte da aldea polo seu activismo contra o excesivo cobro de taxas aos labregos.

  • Carmen Martín Gaite non coñeceu ao seu avó pero falou del: “en las fotos tiene buena pinta, con ojos inteligentes y de él me vendrá el aire bohemio moderado”, segundo lembrou González Couso.

 

  • O tío avó da escritora, irmán de Francisco Javier, foi Antonio Gaite, fundador do xornal “La tertulia” e do primeiro Ateneo de Ourense en 1914 “e por alí andiveron despois Vicente Risco e Ramón Otero Pedrayo”, engadiu. O seu espírito científico levouno a experimentar un sistema de alumeado público para a cidade que resultou fallido.

 

  • A escritora referiuse ao seu pai, tras falecer en 1978, como “hombre abnegado y tenaz” e a nai María Gaite como “esa madre que parecía que no me estaba enseñando nada” e da que falou nas súas obras porque, segundo dicía a escritora, “ponerse a contar es como ponerse a coser, con paciencia siempre, sea para vainicas o para recuerdos”.

 

  • En difererentes obras, prólogos e conferencias, a escritora lembrou a súa vida na casa de San Lourenzo de Piñor, na que a súa nai cosía diante dunha fiestra orientada cara o solpor, momento no que a vía evadirse e “de tanto mirarla y envidiarla, aprendí,  no sé cómo, a fugarme yo también”, en palabras da escritora.

 

  • Das casas e lugares estudados por González Couso nas obras da escritora, salientou o pazo de Lemos (en San Lourenzo de Piñor), as penas de Ousande e “innumerables en todas as súas obras” o que levou á propia Martín Gaite a sinalar en conferencias e artigos: “tengo la  impresión de que Galicia está dispersa en toda mi obra”.

Ruta en Barbadás

  • O libro presentado polo seu autor inclúe detalladamente, os retallos explicados detalladamente na presentación, e roteiros detallados que, segundo dixo, llevarían un día para o seu percorrido completo co tempo de xantar incluído.

 

  • Comezou a elaboralo tras as súas conversas con Perille, como un triángulo entre Ousende, o monte Ervedelo e o monte da Ladaína, que conforman os espazos polos que San Lourenzo de Piñor é o “balcón de Ourense”, tal como o definiu a propia Martín Gaite.

 

  • Referíuse tamén o terceiro retallo, como o “mundo femenino” da escritora que se referiu á “independencia de las aldeanas gallegas” en contraste co que ela considerou “sumisión a la norma” en sus otros lugares de residencia en Salamanca y Madrid.

  • As protagonistas das súas obras, e en todas as novelas, segundo analizou González Couso, son sempre mulleres. Tamén por iso, o seu libro inclúe unidades didácticas que poden utilizarse de guías en centros escolares para traballos literarios con elementos transversais, e para os clubes de lectura, que proliferan en diferentes eidos escolares.

 

  • No remate do acto, o investigador respondeu a preguntas do público e reivindicou, a partires dunha delas, unha maior presencia de Martín Gaite nos temarios actuais de institutos e probas de selección académica. Avogou por retomar o coñecemento arredor da “Generación del Medio Siglo”, esa dos anos 50 da que eran parte Martín Gaite, o seu esposo Sánchez Ferlosio, Aldecoa, Josefina Rodríguez, Ana María Matute, Fernández Santos e outros.

Datos de interese:

  • David González Couso,  profesor e investigador, publicou numerosos libros sobre Martín Gaite. O último, El rastro del verano (2020), propón itinerarios turísticos e didácticos desde a súa obra literaria.

 

  • Escribiu antes artigos en revistas especializadas e participou no documental para TVE sobre a autora La Reina de las Nieves (2021). Tamén traballou noutros ámbitos como a edición e a tradución. É colaborador do proxecto BIESES e ten impartido seminarios sobre autoras clásicas.

 

 

 

 

davidpresentalibro7 332.43 KB
Presentación lo libro "El rastro del verao" de David González Couso, nun acto ogranizado polo Ateneo de Ourense no Centro Cultural Marcos Valcárcel. Ourense 08/04/2022

davidpresentalibro1 300.10 KB
Presentación lo libro "El rastro del verao" de David González Couso, nun acto ogranizado polo Ateneo de Ourense no Centro Cultural Marcos Valcárcel. Ourense 08/04/2022

davidpresentalibro2 333.37 KB
Presentación lo libro "El rastro del verao" de David González Couso, nun acto ogranizado polo Ateneo de Ourense no Centro Cultural Marcos Valcárcel. Ourense 08/04/2022

davidpresentalibro3 360.22 KB
Presentación lo libro "El rastro del verao" de David González Couso, nun acto ogranizado polo Ateneo de Ourense no Centro Cultural Marcos Valcárcel. Ourense 08/04/2022

davidpresentalibro4 371.23 KB
Presentación lo libro "El rastro del verao" de David González Couso, nun acto ogranizado polo Ateneo de Ourense no Centro Cultural Marcos Valcárcel. Ourense 08/04/2022

davidpresentalibro5 402.22 KB
Presentación lo libro "El rastro del verao" de David González Couso, nun acto ogranizado polo Ateneo de Ourense no Centro Cultural Marcos Valcárcel. Ourense 08/04/2022

davidpresentalibro6 317.88 KB
Presentación lo libro "El rastro del verao" de David González Couso, nun acto ogranizado polo Ateneo de Ourense no Centro Cultural Marcos Valcárcel. Ourense 08/04/2022

davidpresentalibro7 332.43 KB
Presentación lo libro "El rastro del verao" de David González Couso, nun acto ogranizado polo Ateneo de Ourense no Centro Cultural Marcos Valcárcel. Ourense 08/04/2022

davidpresentalibro8 295.62 KB
Presentación lo libro "El rastro del verao" de David González Couso, nun acto ogranizado polo Ateneo de Ourense no Centro Cultural Marcos Valcárcel. Ourense 08/04/2022

davidpresentalibro9 414.61 KB
Presentación lo libro "El rastro del verao" de David González Couso, nun acto ogranizado polo Ateneo de Ourense no Centro Cultural Marcos Valcárcel. Ourense 08/04/2022

davidpresentalibro10 293.74 KB
Presentación lo libro "El rastro del verao" de David González Couso, nun acto ogranizado polo Ateneo de Ourense no Centro Cultural Marcos Valcárcel. Ourense 08/04/2022

davidpresentalibro11 402.02 KB
Presentación lo libro "El rastro del verao" de David González Couso, nun acto ogranizado polo Ateneo de Ourense no Centro Cultural Marcos Valcárcel. Ourense 08/04/2022

davidpresentalibro12 371.75 KB
Presentación lo libro "El rastro del verao" de David González Couso, nun acto ogranizado polo Ateneo de Ourense no Centro Cultural Marcos Valcárcel. Ourense 08/04/2022

davidpresentalibro13 333.27 KB
Presentación lo libro "El rastro del verao" de David González Couso, nun acto ogranizado polo Ateneo de Ourense no Centro Cultural Marcos Valcárcel. Ourense 08/04/2022

davidpresentalibro14 390.50 KB
Presentación lo libro "El rastro del verao" de David González Couso, nun acto ogranizado polo Ateneo de Ourense no Centro Cultural Marcos Valcárcel. Ourense 08/04/2022

davidpresentalibro15 333.29 KB
Presentación lo libro "El rastro del verao" de David González Couso, nun acto ogranizado polo Ateneo de Ourense no Centro Cultural Marcos Valcárcel. Ourense 08/04/2022

davidpresentalibro16 459.59 KB
Presentación lo libro "El rastro del verao" de David González Couso, nun acto ogranizado polo Ateneo de Ourense no Centro Cultural Marcos Valcárcel. Ourense 08/04/2022

davidpresentalibro17 223.63 KB
Presentación lo libro "El rastro del verao" de David González Couso, nun acto ogranizado polo Ateneo de Ourense no Centro Cultural Marcos Valcárcel. Ourense 08/04/2022

davidpresentalibro18 307.67 KB
Presentación lo libro "El rastro del verao" de David González Couso, nun acto ogranizado polo Ateneo de Ourense no Centro Cultural Marcos Valcárcel. Ourense 08/04/2022

CONTENT-CAT.1710835009

Coidados porta a porta en Barbadás: estimulación de memoria, podoloxía e audioloxía

07/04/2022

Coidados porta a porta en Barbadás: estimulación de memoria, podoloxía e audioloxía

Os 28, 29 de abril, 2 e 3 de maio de 9:00 h – 20:00 h

“COIDADOS PORTA A PORTA”, PROXECTO CO QUE LEVAMOS SERVIZOS ASISTENCIAIS ÁS PERSOAS MAIORES NO  RURAL PARA A PREVENCIÓN DA DEPENDENCIA: ESTIMULACIÓN DE MEMORIA, PODOLOXÍA, AUDIOLOXÍA
Vai dirixido con cita previa a persoas maiores de 55 anos con cita previa.
Os servizos que se presntan son:

  • – ESTIMULACIÓN DA MEMORIA –
    A alta en incidencias de deterioro cognitivo en persoas maiores fai aconsellable a valoración cognitiva e a intervención terapéutica como forma de previr e aminorar o proceso.
    – Estimulación COGNITIVA
    – Estimulación FUNCIONAL
    – Prevención da DEPENDENCIA mediante hábitos de vida saudables
    – Promoción do ENVELLECEMENTO ACTIVO

 

  • – PODOLOXÍA –
    O coidado do pé adquire importancia co paso dos anos. Permite garantizar autonomía e previr patoloxías que poidan resultar en complicacións médico-cirúrxicas.
    – CONSULTA BÁSICA de podoloxía
    – Corte de e limpieza de UNLLAS
    – Eliminación de DUREZAS, CALLOSIDADES E HELOMAS
    – Valoración do ESTADO XERAL DO PÉ

 

  • – AUDIOLOXÍA –
    O deterioro auditivo pode afectar á integración sensorial e resultar nunha menor socialización. A revisión é importante para a prevención.
    – CONSULTAS BÁSICAS de audioloxía
    – EXPLOTACIÓN funcional da audición
    – PREVENCIÓN da perda auditiva

 

O Servizo de Coidados Porta a Porta estará en Barbadás, na explanada do Mercadona,  os días 28, 29 de abril e  2, 3 de maio de 2022 en horario de 9:00 h – 20:00 h

É preciso solicitar cita previa no teléfono 622 748 283 ou no correo electrónico coidadosportaaporta.politicasocial@xunta.gal.

CONTENT-CAT.1710835009

Barbadás acolle a 34ª edición da Feira Apícola de Galicia

05/04/2022

Barbadás acolle a 34ª edición da Feira Apícola de Galicia

BARBADÁS ACOLLE A 34ª EDICIÓN DA FEIRA APÍCOLA DE GALICIA CON PONENCIAS DE ÁMBITO INTERNACIONAL, CATAS DE MEL E UNHA ACTIVIDADE DIDACTICA NO COLEXIO RUXIDOIRO

Esta mañá presentouse o evento no Centro Empresarial Transfronteirizo, sede da Agrupación Apícola de Galicia

O evento desenrolarase vía streaming e contará coa presenza virtual de expertos de Arxentina, Francia e Italia

  • A presentación da 34 edición da Feira Apícola das Rías Baixas tivo lugar este mediodía no Centro Empresarial Transfroiterizo de Barbadás, onde ten a súa sede precisamente a Agrupación Apícola que reúne a varias asociacións de toda Galicia.

 

  • Victoria Morenza, tenente alcalde do Concello de Barbadás, destacou que “esta feira ten un longo percorrido, é un evento de carácter internacional no que participan países como Francia, Arxentina e Italia”.

 

  • A feira celebrarase o 9 de abril e nesta ocasión trala pandemia “tívose que desenrolar vía streaming e tivo bastante éxito a nivel internacional, motivo polo que se mantén o formato por ter máis acollida e implantación”, indicou Morenza.

 

  • Previamente á feira apícola e vinculada con este encontro, desenrolaranse unha xornada didáctica no colexio de Barbadás de O Ruxidoiro. Nesta actividade didáctica os/as menos/as do centro educativo poderán coñecer de preto o proceso de obtención do mel e os seus efectos beneficiosos.

 

  • Morenza sinalou que Ourense é unha das provincias de toda Galicia máis profesionalizada no sector apícola e onde hai máis colmeas de toda Galicia e de aí que teña esta implantación e que sexa na provincia de Ourense, concretamente en Barbadás, dende onde se lance esta Feira Apícola.

 

  • A feira vai incidir na innovación no proceso productivo, tamén vai abordar cuestións como enfermidades da Apis mellifera, mentras que unha das partes máis atractivas do evento son as catas comentadas, nas cales hai prazas limitadas dun máximo de 40 participantes.

 

  • A agrupación para o desenvolvemento e formación do sector apícola Agrupación Apícola de Galicia creouse en 1999 cos obxectivos de fomentar a práctica da apícultura da nosa comunidade e proporcionar asesoramento técnico e servizo cualificado a todos e todas os apicultores e apicultoras galegos que é algo fundamental a formación, o asesoramento, a innovación, destacou a tenente alcalde de Barbadás.

 

  • Dar a coñecer o universo da apicultura ao público é un dos seus obxectivos e un fin que se materializaba a través da súa tradicional Feira Apícola das Rías Baixas que se foi transformando nesta feira vía streaming.

 

  • Foi imprescindible dar a coñecer a importancia de ter un mel con contraetiquetas reguladas baixo a Indicación Xeográfica Protexida de Galicia “para seguir precisamente avanzando en todos os aspectos da innovación e do progreso deste sector. Outro dos obxectivos é visibilizar o mundo da apicultura e o mel de Galicia e levar a cabo unha labor directa e inestimable para a vida como pode ser a polinización”, comentou Morenza
  • José María Seijo, presidente da Agrupación Apícola de Galicia, explicou que a Feira das Rías Baixas foi unha feira fundada nas Rías Baixas, concretamente en Vigo, despois pasou á zona do Porriño, e tiñamos salí un recinto que o concello do Porriño nos cedeu pero que unha vez que veu a pandemia, no era factible seguila celebrando nesta ubicación”.

 

  • A solución foi facela on line e xa é esta a terceira edición que se celebra en Barbadás, indicou Seijo, quen destacou “o  agradecemento ao Concello de Barbadás, co que temos unhas comunicación excelentes e dende o inicio da pandemia a nosa decisión foi facela dende aquí, xa levamos dous anos, este xa vai ser o terceiro as cales saíron expléndidas cunha comunicación amplia, chegou a moitísimas partes, felicitaronnos polas condicións que se están facendo” .

 

  • A feira apícola comezará ás 10:25 e as 10:30, cinco minutos máis tarde xa empezaríamos. “A primeira sería dar información do producto, dos resultados, estamos cun sistema de I+D+i, creamos o máximo cun sistema de control de colmenas sobre peso, temperaturas, sobre ruído, vibración”.

 

  • Aos/ás apicultores ofrécelles toda a información perfecta de cómo están as colmeas. “Non fai falta ir ás colmeas, a través do móvil podemos estar lendo o que está pasando no noso colmear, non en todas as colmeas pero con que teñamos dúas ou tres referencias é suficiente. Este é un sistema que se está facendo co apoio da universidade e varios compoñentes máis pero pode ser o futuro de levar un colmear sen ter que ir ás colmeas, explica Seijo.

 

  • Ás 11 abordarase un dos aspectos fundamentais: para que as colmeas estén ben hai que controlar a raíña. “É o motor principal das colmeas entón neste caso Gilles Fert que é especialista en cría de raíñas, vai ofrecer unha visión completa da cría de raíñas, cómo seleccionar as nosas colmeas para ter unha boa abella e que funcionen ben”, detallou o presidente da Agrupación Apícola de Galicia.

 

  • Ás 13,00 horas ao italiano Antonio nanetti que nos abordará as enfermidades , “un dos temas que se están controlando o problema máis grande que temos os apicultores neste momento. Tátase de un parásito que xa chegou aquí no 85 e dende entón se podería dicir que nos está matando todas as abellas. Se desarrolla a unha velocidade terrible, hai 50.000 productos pero de cada vez hai máis hai que innovar e a forma de utilizar o producto é saber se os tratamentos son máis efectivos ou menos efectivos. Entón este experto vai dicir como é a investigación que se está facendo e como está utilizando o ácido sálico frente a estes problemas”, comentou Seijo.

 

  • Ás 17,00 horas haberá unha cata comentada neste caso despois comentará Ester polo miúdo xa que é a presidenta do consello regulador e as 18 horas temos a un especialista en manexo invernal. Como por al colmeas para que pasen ben o inverno chamado Martín Colombani, médico especialista en producción apícolas de Argentina. As nosas abellas non se comportan igual que as de Arxentina , hai diferentes climatoloxías, hai diferentes razas de avellas. Pero nos vai dicir unha información de cómo van as cousas funcionando.

 

  • Ester Ordóñez, presidenta do Consello Regulador da Indicación Xeográfica Mel de Galicia e veterinaria a Agrupación Apícola de Galicia iniciou a súa intervención afirmando que “a min tócame a parte máis doce. Neste caso falaremos da cata comentada en formato on line virtual e este e o kit que recibirán os participantes na súa casa donde van mostras de mel de Galicia e mostras da Alcarria”.

 

  • Ordóñez anticipou que “é a primeira vez que se fai unha cata on line comentada de degustación con dúas denominacións de calidade englobadas, neste caso Alcarria e mel de Galicia, porque moitas veces se fala de mel pero para que a xente saiba que realmente se pode falar de meles, hai distintos meles”.

 

  • Dentro de Galicia temos unha variedade moi clara entre os meles de costa e os meles de interior. E despois tamén a diferencia é ver que tamén o mel é un produto intimamente ligado ao territorio e que non ten nada que ver un mel de Galicia co mel de Alcarría, que vai a ser outras características totalmente distintas, máis aromáticas, detallou Ester Ordóñez.

 

  • A veterinaria indicou que “hai que probar distintos tipos de meles igual que hai que probar distintos tipos de queixos, distintos tipos de viños e bueno, buscar o mel que nos gusta”.

 

  • Nos colexios xa se leva facendo dende fai moito de tempo a actividade do achegamento á apicultura de Galicia. “Aos nenos e nenas encántalles realmente o mel xa que é unha golosina natural. Pero unha golosina natural que lles aporta moitisimas cousas, lles aporta: vitaminas, minerais, antioxidantes… E a eles realmente encantalles que deben de engadilo, tanto eles coma nós, a unha dieta saudable. Por que nos somos o que comemos, somos o que consumimos. E isto, realmente, o mel de galicia é un produto a engadir nunha dieta saudable, detalla Ordóñez.

 

  • Ordóñez destacou a colaboración coa Universidade de Vigo no Campus de Ourense, “onde fixemos un estudo de investigación durante tres anos e as conclusións de comparativa do mel de Galicia en comparación con respecto aos meles a nivel mundial, sairon que o mel de Galicia ten máis vitaminas, máis minerais e un poder antioxidante que se pode comparar con froitas e verduras co cal o deixa moitisimo mellor que o resto dos meles a nivel mundial”.

 

  • Temos que pensar máis nesto, que os consumidores apoien e merquen esta contraetiqueta que garante o orixe do mel de Galicia de calidade diferenciada e a maiores que están apoiando a estos apicultores e apicultoras Galegas que manteñen o rural vivo e que nos benefician a todos coa polinización que fan e a biodiversidade de Galicia.

 

  • Na cata ademais vaise facer un sorteo dos produtos de Belacolmea que é unha linea de cosmética natural que sacou a agrupación apicola de Galicia. É un produto de inovación que é unha marca colectiva para que as explotacións apicolas poidan aumentar a renda das súas explotacións diversificando a súa renda por que a metereoloxia inflúe moito neste sector e entonces, claro hai moitos apicultores que estaban últimamente un pouco desanimados porque a climatoloxia non os estaba axudando o cal claro, diversificar un pouco, non só o mel senón tamén o pole, propole, a cera ou a innovación a través de pasar estes produtos a unha linea de cosmética natural que ademais leva o selo de Galicia por que todos os produtos levan mel de Galicia, que poidan aumentar súas rendas e poder vivir no rural e do rural.

 

  • A actividade didáctica no colexio O Ruxidoiro desenrolarase o venres 8 de abril. “É unha actividade que lles encanta e se lle achega a través de historias e demais a apicultura en si e degustas o mel que é distinto o mel da costa que o de aqui de interior xa que é unha golosina natural que lles encanta”, sinalou Ester Ordóñez.

image3 103.55 KB

image7 87.82 KB

image0 96.98 KB

image1 89.11 KB

image2 89.76 KB

image3 103.55 KB

image4 103.35 KB

image5 88.32 KB

image6 97.01 KB

image7 87.82 KB

image8 75.96 KB

image9 95.66 KB

image10 78.79 KB

image11 81.47 KB

image12 72.64 KB

image13 88.07 KB

image14 136.13 KB

image15 136.15 KB

CONTENT-CAT.1710835009

Oceanía

04/04/2022

Oceanía

O xoves 7 de abril contaremos coa presencia do escritor José García Juncal que nos vai presentar a súa segunda novela que leva por título “Oceanía”, será ás 20h, na Biblioteca Municipal.

En Oceanía a protagonista é a figura feminina na súa narración. Oceanías son as mulleres que loitan e érguense contra as desgracias e dificultades. Nunca se dobran, conseguindo consolidar a Muller xeración tras xeración.

O acto estará presentado por María Cristina Rodríguez Cendón, Xefa do Servizo de Xestión de Estudos de Grao da Universidade de Vigo.

¡Estades tod@s convidados á presentación do libro!

Organiza: Concellaría de cultura

CONTENT-CAT.1710835009

Obradoiro “En abril libros mil”

04/04/2022

Obradoiro “En abril libros mil”

O vindeiro xoves 7 de abril ás 18h na Biblioteca Municipal de Barbadás, levaremos a cabo o Obradoiro “En abril libros mil” para celebrar o Día Internacional do libro infantil e xuvenil.

A través do xogo leremos un conto e xogaremos ao bingo literario. Despois os cativos terán a misión de intentar recuperar as vogais que nos quitou a Bruxa Quitavocales nalgúns libros da Biblioteca.

E, para rematar, faremos o noso propio conto en pai pai que é un abanico xaponés.

Dirixido a nen@s de 5 a 7 anos.

Inscricións: biblioteca@barbadas.es

Poñer nome, idade e número de teléfono.

PRAZAS LIMITADAS

Organiza: Concellería de Cultura

 

CONTENT-CAT.1710835009

David González Couso presenta “O rastro do verán”, obra que aborda a vinculación de Carmen Martín Gaite con Piñor, Barbadás

02/04/2022

David González Couso presenta “O rastro do verán”, obra que aborda a vinculación de Carmen Martín Gaite con Piñor, Barbadás

DAVID GONZÁLEZ COUSO PRESENTA O LIBRO “O RASTRO DO VERÁN” VINCULADO Á PRESENZA NA OBRA LITERARIA DE CARMEN MARTÍN GAITE DO POBO DE SAN LOURENZO DE PIÑOR

O autor prestará especial atención a Piñor como peza esencial da súa poética literaria e como lugar onde transcorreron os veráns da súa infancia

  • ‘Coser e contar. Miradas sobre Carmen Martín Gaite’ é o título baixo o que David González Couso presenta no Ateneo de Ourense o seu libro “O rastro do verán”.

 

  • David González Couso estará acompañado por Carlos Fernández, profesor de Historia da arte, e Emma Martinell, profesora honorífica da Universidade de Barcelona.

 

  • O escritor explicará os distintos roteiros literarios propostas a partir da xeografía narrativa da escritora salmantina, con especial atención a San Lorenzo de Piñor como peza esencial da súa poética literaria e como lugar onde transcorreron os veráns da súa infancia.

 

  • Ademais abordará a importancia da familia Gaite Lloves na cidade de Ourense e da conformación dunha xeración literaria no Madrid dos anos 50 como itinerarios fundamentais.

 

  • O autor de “O rastro do verán” analizará tamén o sentido didáctico que propón o libro nun achegamento á lectura das denominadas ‘novelas de Piñor’.

 

  • Tamén se destacará a implicación do Concello de Barbadás no proxecto turístico-cultural emprendido por mor da publicación do libro, que materializará os itinerarios destas novelas e incentivará a súa divulgación en centros educativos.

 

  • A cita será o venres 8 de abril de 2022 ás 19,30 h na sede do Ateneo de Ourense (Centro Cultural Marcos Valcárcel, Rúa do Progreso, 30).

CONTENT-CAT.1710835009

O escultor José Manuel Pateiro crea un “Ícaro” e pinta cada día en Parada de Piñor

01/04/2022

O escultor José Manuel Pateiro crea un “Ícaro” e pinta cada día en Parada de Piñor

Sociedade en Barbadás

  • O pintor e escultor de Parada de Piñor José Manuel Pateiro Guede retomou o seu traballo nunha pedra monumental da que está a saír Ícaro e o seu pai Dédalo, dous personaxes mitolóxicos gregos que fuxiron dunha torre na que estaban presos despois de construír ás con plumas de paxaro pegadas con cera dunha candea.

 

  • Esta “peza”, segundo nos contou Pateiro, está comezada dende hai 15 anos e retomouna hai uns meses e non parará ata rematala. Cando o faga, espera que o destino da imaxe non quede lonxe “para non perdela de vista” como ocorreu ata agora coas que fixo antes.
Escultor e pintor José Manuel Pateiro Guede, en Parada de Piñor.
Escultor e pintor José Manuel Pateiro Guede, en Parada de Piñor. 30/03/22. Foto Rosa Veiga
  • Entre elas a escultura da “Familia” da rotonda central da Valenzá, cuberta por pancartas, cores, luces e o “atrezzo” necesario para moitas celebracións do calendario anual, e tamén a de “Píramo e Tisbe”, os amantes de pedra que poder verse no barrio da Ponte, no xardín que está onde remata a Ponte do Milenio.

 

  • “Non traballo nunca por encargo, e cando remato as obras alguén se vai interesando e as leva”, detalla Pateiro nun descanso do seu “traballo”. “Dende pequeno gústame debuxar e por ese motivo estudei Formación Profesional para ser Delineante, na Farixa, aínda que nunca traballei como tal, pero nunca deixei de debuxar”, relata.

 

  • Do debuxo pasou á pintura e desta ata a pedra. “Meu pai era canteiro así que coñecía as ferramentas e o material e comecei a traballalo. Agora pinto con óleo e esculpo, sempre despacio, pero todas as  tardes”, confesa.
Escultor e pintor José Manuel Pateiro Guede, en Parada de Piñor.
Escultor e pintor José Manuel Pateiro Guede, en Parada de Piñor. 30/03/22. Foto Rosa Veiga
  • A primeira escultura que fixo era un home atado a unha columna “de tamaño natural”, e está ben  preto da súa casa en Parada de Piñor.
    A seguinte é a de “Píramo e Tisbe”, da que fixo un bosquexo en papel e despois en terracota. “Amoseina no concello de Ourense e pedíronma así que fíxenas finalmente en dous bloques de pedra”.

 

  • A terceira ía ser a figura dun home sentado “como unha especie de estudo anatómico” e cando estaba comezado, o falecido Recaredo Paz  viuna e quixo que a adaptara para o xardín diante do edificio da asociación Aixiña. , e alí está.

 

Sete meses con cada pedra

  • A idea inicial de Pateiro é traballar co cincel para el mesmo, e faino con calma, así que cada un dos seus traballos leváronlle entre 7 e 8 meses. A poucos metros do “Ícaro” sen rematar, está “Job” xa finalizado.

 

  • A escultura do novo Ícaro acompañado do seu pai o escultor Dédalo, ten lecturas diferentes e hai que percorrela en círculo para descubrir os diferentes elementos, incluído un relevo do Minotauro da illa de Creta. “Están pai e fillo no momento de preparar as ás, un momento importante que lles vai cambiar a vida, coas súas consecuencias, e saben que o teñen que facer para librarse do Minotauro, aínda que sexa unha decisión que lles reborde”.

 

  • Pateiro comeza cada tarde (despois do seu traballo das mañás) co martelo e cincel nas mans, diante do bloque de pedra, e remata o día diante do lenzo, ultimamente diante da pintura dunha muller asomada a unha xanela e os xogos de reflexos e sombras arredor dun neno.

 

  • “Hai anos fixera unha exposición no desaparecido café Isaac e despois comecei con estudos anatómicos tamén baseados en retratos de amigos e coñecidos a partires de fotos súas”, explica o pintor-escultor.
Escultor e pintor José Manuel Pateiro Guede, en Parada de Piñor.
Cadro a partir dunha fotografía. na casa do escultor e pintor José Manuel Pateiro Guede, en Parada de Piñor. 30/03/22. Foto Rosa Veiga
  • Na súa casa, lenzos, pinturas, disolventes, pinceis, pedras xigantes e ferramentas de canteiro- escultor ocupan espazos interiores e exteriores, onde tamén poden verse obras acabadas como a do santo “Job” e cadros en escaleiras e  muros con nenos xogando.

 

  • Un dos seus fillos xa experimenta tamén nas dúas disciplinas.

 

Escultor e pintor José Manuel Pateiro Guede, en Parada de Piñor.
Escultor e pintor José Manuel Pateiro Guede, en Parada de Piñor., no traballo de Ícaro e Dédalo 30/03/22. Foto Rosa Veiga

 

 

 

 

 

 

 

pateiroescultor1 179.36 KB
Escultor e pintor José Manuel Pateiro Guede, en Parada de Piñor. 30/03/22. Foto Rosa Veiga

pateiroescultor2 510.05 KB
Escultor e pintor José Manuel Pateiro Guede, en Parada de Piñor. 30/03/22. Foto Rosa Veiga

pateiroescultor3 302.10 KB
Escultor e pintor José Manuel Pateiro Guede, en Parada de Piñor. 30/03/22. Foto Rosa Veiga

pateiroescultor4 278.82 KB
Cadro a partir dunha fotografía. na casa do escultor e pintor José Manuel Pateiro Guede, en Parada de Piñor. 30/03/22. Foto Rosa Veiga

pateiroescultor5 322.04 KB
Escultor e pintor José Manuel Pateiro Guede, en Parada de Piñor., no traballo de Ícaro e Dédalo 30/03/22. Foto Rosa Veiga

CONTENT-CAT.1710835009

Unha ducia de mozas de Barbadás xoga no club de Fútbol Feminino Rosalía, único na provincia de Ourense

26/03/2022

Unha ducia de mozas de Barbadás xoga no club de Fútbol Feminino Rosalía, único na provincia de Ourense

Sociedade en Barbadás

  • Pequenas veciñas de A Valenzá e As Lamas xogan nalgún dos cinco equipos de fútbol feminino do club “Rosalía”, fundado en 2018 e que neste 2022 creou o equipo “biberón” de nenas de 3 a 5 anos, no que xa hai 7 xogadoras.

 

  • Parte das doce futbolistas de Barbadás están na imaxe acompañadas polo vicepresidente da escola e club deportivo. Son : Patricia, Aldara, Matilde, Noa, Sabela e Zaira, faltan María e Paqui das “sénior”, Candela, Claudia e Sara do equipo infantil, e Laura do equipo “cadete”.

 

  • O vicepresidente José Antonio Vázquez Félix “Yuse” amósase campante cando lembra que a ducia de mozas de Barbadás que hoxe están no club son as “sucesoras” daquel equipo feminino de Barbadás, pioneiro, que xogou os últimos partidos en 2015, despois de 5 anos de competición.

 

  • Tamén houbo equipo feminino de fútbol na Rúa, que xogou un par de Ligas ata o 2018 e o da Unión Deportiva Ourense que tivo equipo “sénior” de mulleres ata que desapareceu no 2018.

 

  • O directivo do “Rosalía” explica que esta Escola de Fútbol Feminino naceu coa idea de “facer equipos base, como promesas, infantís e cadetes, para nutrir o equipo de sénior da UDO” e ao desaparecer este, o “Rosalía” fixo equipo propio tamén coas “maiores”.

 

  • A escola renaceu en 2018 despois da súa apertura un ano antes co pulo de Mario Gómez (hoxe presidente do “Rosalía”), Alba Rodríguez e Iván Gutiérrez, e no marco do equipo “Bosco” do colexio Salesianos de Ourense.

 

  • “A convocatoria para que as mozas xogaran o fútbol en 2017 foi un éxito total, pero re-fundouse a escola un ano despois para cambiar o seu funcionamento, de xeito que todo o orzamento anual recaía nas xogadoras”, detalla Yuse.

 

  • Cada xogadora paga unha cota de 21 euros mensuais “e teñen cubertos todos os gastos de equipamento, desprazamentos e calquera outro que se xere na competición da Liga Autonómica na que participan” . Co orzamento anual fanse colaboracións solidarias como as emprendidas cas ONGs “GaliciAME” , “Pequenos Superheroes”  e “Comongoal” .

 

  • O actual vicepresidente chegou ao club “de casualidade” pois o presidente coñecíao e comezou a pedirlle, de xeito informal, que fixera fotografías dos partidos. “O club tiña páxina web e as fotografías dábanlle moito atractivo así que, para que as fixera sempre, o presidente levoume na directiva e aceptei o reto”, lembra.
Xogadoras do clube Escola Fútbol Femenino Rosalía que viven en Barbadás, xunto co vicepresidente do clube José Antonio Vázquez Féliz, co parque dos Patos. Barbadás 25/03/22. Foto Rosa Veiga
Xogadoras do club Escola Fútbol Feminino Rosalía que viven en Barbadás, xunto co vicepresidente do club José Antonio Vázquez Félix, no parque dos Patos. Barbadás 25/03/22. Foto Rosa Veiga

Primeira escola integral feminina na provincia

  • Xa tiveron premios como o da asociación de Mulleres Deportistas de Galicia  que, en 2019 recoñeceu a escola como “a mellor iniciativa a prol do deporte feminino” pois trátase da primeira escola integral deportiva feminina na historia de Ourense.

 

 

  • Así, para conmemorar en febreiro o Día da escritora Rosalía (que da nome á escola, ao club e aos equipos), as xogadoras entregan ao equipo contrario ese día, unha flor e un poema rosaliano escrito nunha postal.

 

  • Este mesmo ano, as xogadoras máis novas recibiron como agasallo o libro “FORMIG4S Misión Rosalía”, escrito precisamente polo actual adestrador das “maiores”, Pere Tobaruela  .

 

Xogadoras de toda a provincia

  • A escola está aberta a toda nena e moza que queira xogar ao fútbol con outras mozas, e vivir así a experiencia deportiva completa, en equipo.

 

  • Entre os equipos “promesas” (2), cadetes, infantís, “sénior” e dende este ano o de “biberóns”, o club ten 107 xogadoras e un equipo técnico de 7 persoas. O último técnico en chegar foi Pere Tobaruela, que adestra dende hai unhas semanas ao equipo “sénior” tras a marcha do anterior adestrador.

 

  • As xogadoras adestran tres días cada semana, nos campos de Oira e de Santa Cruz de Arrabaldo, e proceden de toda a provincia.

 

  • Coa creación da liga autonómica “cadete” na actual tempada 2021-2022, o club “Rosalía” conta con 5 equipos en competición. “A progresión nestes poucos anos foi moi boa así que esperamos que as nenas e mozas vexan nesta escola unha ocasión para divertirse e mellorar”, conclúe Yuse.

 

  • Pódense seguir os seus resultados deportivos e actividades nas redes sociais.

Cartel EFF Rosalía

Xogadoras do clube Escola Fútbol Femenino Rosalía que viven en Barbadás, 315.39 KB
Xogadoras do clube Escola Fútbol Femenino Rosalía que viven en Barbadás, xunto co vicepresidente do clube José Antonio Vázquez Féliz, co parque dos Patos. Barbadás 25/03/22. Foto Rosa Veiga

Xogadoras do clube Escola Fútbol Femenino Rosalía que viven en Barbadás, xunto co vicepresidente do clube José Antonio Vázquez Féliz, co parque dos Patos. Barbadás 25/03/22. Foto Rosa Veiga 506.10 KB
Xogadoras do clube Escola Fútbol Femenino Rosalía que viven en Barbadás, xunto co vicepresidente do clube José Antonio Vázquez Féliz, co parque dos Patos. Barbadás 25/03/22. Foto Rosa Veiga

Cartel EFF Rosalía 1.20 MB

CONTENT-CAT.1710835009

Avoas, fillas e netas aprenden a tocar a pandeireta con Carla e ensaian para a “foliada” do 17 de maio

20/03/2022

Avoas, fillas e netas aprenden a tocar a pandeireta con Carla e ensaian para a “foliada” do 17 de maio

Sociedade en Barbadás

  • Un grupo de veciñas de Sobrado do Bispo e Barbadás, ata o momento, forma parte do grupo de pandeireteiras da asociación cultural San Mauro, no que avoas, fillas e netas ensaian xuntas e prepáranse para a foliada do Día das Letras Galegas, coa axuda de Carla González Rodríguez, que lles dá clase dende 2014.

 

  • Miriam, Noa, Ángeles, Manuela, Modesta, Leti, Pili, Chus, Tita, Amparo, Sinda e Alexandra son, ata agora, as aprendices de pandeireteira que asisten aos ensaios reiniciados tras a fase máis dura da pandemia, cada sábado no local da asociación cultural San Mauro, a poucos metros da capela do santo, na aldea de Barbadás.

 

  • Carla forma parte, á súa vez, do grupo de rondalla e da coral da asociación, pero comezou a dar clase de pandeireta en Barbadás despois da súa participación nun festival de 2013, co grupo musical de Pobra de Trives.
Grupo de pandeireteiras da Asociación Cultural San Mauro, de Barbadás. Ensaio no local da asociación. 19/03/22. Foto Rosa Veiga
  • Meu pai xa lles daba clase de rondalla e coral e eu participaba nos dous grupos, e cando actuei con meu grupo de Trives pedíronme que lles dera eu clase de pandeireta, e aí comezou todo”, relata Carla.

 

  • As primeiras clases foron para apender o “toque” de muiñeira, e pouco a pouco, segundo ía mellorando a técnica do grupo, os ensaios derivaron cara a outros “toques” como o de “jota”, “pasodoble” e “rumba”, co que están a reiniciarse nestes días.

 

  • “A muiñeira non é a más fácil, pero sempre se comeza por ese toque que se utiliza en todos os grupos musicais, despois practícanse todos os demais, pero pode que o máis complicado sexa tocar a pandeireta e cantar a un tempo”, detalla.

 

  • Entre as “aprendices” está Manuela que foi a que plantexou a Carla “que se atrevese a dar clase de pandeireta”.  Para Carla, a proposta foi “unha responsabilidade enorme, e de cara a primeira actuación eu estaba moi nervosa, mentres que algunhas delas xa tiñan experiencia en tocar xuntas na rondalla ou cantar na coral e estaban tan tranquilas”, lembra.
pandeireteiras de Barbadás - Concello de Barbadás
Grupo de pandeireteiras da Asociación Cultural San Mauro, de Barbadás. Ensaio no local da aosciación. 19/03/22. Foto Rosa Veiga

Fórmase como profesora de música

  • Carla estuda agora na facultade de Educación para ser profesora de música en Educación Primaria.

 

  • A experiencia destes anos en Barbadás seralle moi útil e mantén as tardes dos sábados libres para axudar nos ensaios. Agora preparan xa a súa participación na foliada de conmemoración do Día das Letras Galegas, o vindeiro 17 de maio.

 

  • “Participarán todos os grupos de música tradicional de Barbadás, e hai uns cantos”, anuncia. Despois de dous anos inactivo a causa da pandemia, o grupo espera recuperar o ritmo e a participación de veciñas e veciños interesados neste instrumento para o que compre practicar o movemento de boneca.
pandeireteiras de Barbadás - Concello de Barbadás
Grupo de pandeireteiras da Asociación Cultural San Mauro, de Barbadás. Ensaio no local da aosciación. 19/03/22. Foto Rosa Veiga

pandeireteiras de Barbadás - Concello de Barbadás 193.96 KB
Grupo de pandeireteiras da Asociación Cultural San Mauro, de Barbadás. Ensaio no local da aosciación. 19/03/22. Foto Rosa Veiga

pandeireteiras de Barbadás - Concello de Barbadás 334.35 KB
Grupo de pandeireteiras da Asociación Cultural San Mauro, de Barbadás. Ensaio no local da asociación. 19/03/22. Foto Rosa Veiga

pandeireteiras de Barbadás - Concello de Barbadás 461.07 KB
Grupo de pandeireteiras da Asociación Cultural San Mauro, de Barbadás. Ensaio no local da aosciación. 19/03/22. Foto Rosa Veiga

pandeireteirasCarla3 269.74 KB
Grupo de pandeireteiras da Asociación Cultural San Mauro, de Barbadás. Ensaio no local da aosciación. 19/03/22. Foto Rosa Veiga

CONTENT-CAT.1710835009

Barbadás envía axuda humanitaria a Ucraína

14/03/2022

Barbadás envía axuda humanitaria a Ucraína

BARBADÁS ENVÍA AXUDA HUMANITARIA A UCRAÍNA FROITO DA SOLIDARIEDADE CIDADÁ

Un vehículo cargado de roupa, comida, medicinas e produtos de hixiene recollidos entre a veciñánza recolleu hoxe 14 de marzo material para axudar á poboación ucraína

Dende o Concello transmiten o agradecemento á cidadanía que se volcou nesta campaña solidaria, así como a persoal do polideportivo , de Protección Civil e voluntarias/os do Banco Solidario

  • Dende o día 5 de marzo o Concello de Barbadás iniciou unha campaña de recollida solidaria para colaborar coa Asociación Galega de Axuda a Ucraína, na que se recolleu roupa de abrigo, mantas, alimentos non perecedeiros, alimentos infantís, produtos farmacéuticos (gasas, tiritas, alcohol, etc.), artigos de hixiene persoal e outros enseres de primeira necesidade.

 

  • Esta campaña estivo activa durante dúas semanas en dous puntos de recollida no concello, no polideportivo municipal, en horario de 7 a 13 horas e de 16 a 22 horas, e nas instalacións de Protección Civil durante toda a xornada.

 

  • Hoxe ,día 14 de marzo, levouse a cabo o envío de todo este material solidario da veciñanza de Barbadás á Asociación Galega de Axuda a Ucraína.

 

  • A cantidade de material solidario aportado polos veciños e veciñas de Barbadás é de aproximadamente 1.500 quilos, para un camión de 20 metros cúbicos.

 

  • Dende a Concellería de Servizos Sociais, a concelleira responsable, Elisabet González Nistal, “queremos agradecer a solidaride amosada polos nosos veciños e polas nosas veciñas, xa que dende o primeiro momento se volcaron con esta iniciativa que a día de hoxe e debido á loxística, temos que interrumpir ata que as autoridades competentes nos indiquen como poder seguir colaborando, xa que somos conscientes da grande inquedanza da poboación por seguir apoiando ao pobo ucraíno, na aínda vixente situación de emerxencia humanitaria. E asegurar que tan pronto como sexa posible daremos a oportunidade á veciñanza de participar nunha nova campaña de recollida”.

 

  • Dende a Corporación Local, unha vez máis, non temos por menos que sinalar o espíritu solidario da nosa comunidade, xa amosado durante a pandemia de xeito exemplar, destacou González Nistal.

 

  • González Nistal anunciou que varias/os voluntarias/os do Banco Solidario de Barbadás participarán na clasificación das doazóns coa Asociación Galega de Axuda a Ucraína.

 

  • A asociación de axuda a Ucraína ten un local en Ourense cidade, na rúa Vasco da Ponte en horario de 10,00 a 14,00 e de 16,00 a 20,00 horas. O teléfono de contacto é 988 24 47.

 

  • Dende o Concello de Barbadás a tenente alcalde, Victoria Morenza, indicou que “queremos transmitir o agradecemento por todas as doazóns e a solidariedade amosada pola comunidade, un agradecemento que facemos extensivo a Protección Civil, persoal do Concello, do polideportivo e de todas as persoas involucradas nesta iniciativa de axuda humanitaria”.

CONTENT-CAT.1710835009

Héctor vende en “Ecomola” produtos biodegradables para limpeza e recarga e re-utiliza envases

13/03/2022

Héctor vende en “Ecomola” produtos biodegradables para limpeza e recarga e re-utiliza envases

Emprendemento en Barbadás

  • A Valenzá ten dende xullo de 2021 a primeira tenda de produtos de limpeza biodegradables, na que Héctor Ortega Fidalgo re-utiliza e recarga envases para reducir máis o impacto ambiental destes produtos envasados en botellas de plástico.

 

  • Chámase Ecomola e  espera poder celebralo seu primeiro aniversario, xa que non puido ter inauguración.

 

  • Héctor e a súa familia viven na Valenzá dende hai 5 anos, e chegaron a Barbadás seguindo a estela dun amigo de colexio en Venezuela que se instalou na aldea de Pontón.

 

  • “Llevábamos un tiempo deseando irnos de Venezuela, sobre todo desde que a mí me atracaron y robaron el coche, pero no sabíamos a donde ir, y ya nos decidimos cuando un familiar sufrió un tiroteo en Caracas y vivíamos tanta inseguridad que solo nos sentíamos a salvo en la Hermandad Gallega de la capital”, lembra.

 

  • A súa nai é de Albarellos (Monterrei), pero toda a familia estaba en Venezuela, así que a decisión foi complicada. “Un amigo que vino para Pontón hablaba con nosotros cada día para animarnos a hacer lo mismo y finalmente vendimos lo que pudimos y nos vinimos en 2017”, agrega Héctor.

 

  • Viñeron para a Valenzá e tiveron algunha oportunidade de traballo que non callou. “Ni mi esposa ni yo somos de estar en casa ni de vivir de ayudas así que, animados por una pareja de amigos que vive en A Coruña, contactamos con los proveedores de produtos ecológicos de limpieza 4Eco, de Girona que tienen más de cien tiendas en franquicia en toda España”, segue.
Héctor Ortega Fidalgo, de Ecomola, na Valenzá. Foto Rosa Veiga
Héctor Ortega Fidalgo, de Ecomola, na Valenzá. Foto Rosa Veiga

“O eco mola” e saíu Ecomola

  • Os amigos instalados na Coruña teñen a tenda “Ecoterra” e Héctor e Mayra abriron en xullo de 2021 “Ecomola”, con produtos de limpeza biodegradables nunha altísima porcentaxe e con calidade comprobada na súa casa, antes de decidirse.

 

  • Unha parte dos produtos están envasados na súa versión básica e “superconcentrados”, de xeito que se pode escoller e engadir o aroma no momento de mercalos. “Tenemos todo tipo de clientes, los que prefieren detergente y suavizante con aroma, los que no quieren aroma en ninguno de ellos y los que sí lo quieren en suavizante”, detalla Héctor.

 

  • A proposta de produtos “eco” da tenda inclúe dende xel para ducha, ata lava-vaixelas, pasando por frega-chans, limpa-fogar, quita-grasa, ambientadores, limpadores tamén de superficies de madeira… e xa ampliaron a oferta inicial para ter produtos de cosmética natural como xabóns, esponxas con glicerina, xampús…

 

Proxecto de entrega a domicilio

  • Tamén contan con esponxas naturais dunha empresa de Pontevedra para diversos usos e  fregadores, e para celebrar o primeiro aniversario da tenda esperan ter listo un sistema de entrega a domicilio, que estudan en colaboración ca asociación Centro Comercial Aberto A Valenzá… mentres seguen pensando en ampliala oferta dos seus produtos, entre os que xa teñen unha curiosa lima de uñas de cristal.
  • Héctor Ortega Fidalgo, de Ecomola, na Valenzá. Foto Rosa Veiga
    Héctor Ortega Fidalgo, de Ecomola, na Valenzá. Foto Rosa Veiga

Héctor Ortega Fidalgo, de Ecomola, na Valenzá. Foto Rosa Veiga 582.53 KB
Héctor Ortega Fidalgo, de Ecomola, na Valenzá. Foto Rosa Veiga

Héctor Ortega Fidalgo, de Ecomola, na Valenzá. Foto Rosa Veiga 356.45 KB
Héctor Ortega Fidalgo, de Ecomola, na Valenzá. Foto Rosa Veiga

Héctor Ortega Fidalgo, de Ecomola, na Valenzá. Foto Rosa Veiga 359.49 KB
Héctor Ortega Fidalgo, de Ecomola, na Valenzá. Foto Rosa Veiga

CONTENT-CAT.1710835009